2005 年 10 月 4 日 星期二 【酷熱】


day off, 但我就開工。
一早約了考flute 的3個學生在元朗吃早餐,
之後就去朗庭居 (馬田路那邊) 的琴行考試。

考官鬼佬 (多數都係咖啦), 感謝主, 鬼佬較鬼婆好人!
連續3個, 考完一個, 我伴奏完就出去, 之後第2個, 我又再入去, 之後又出, 之後第3個....
勁奇怪的感覺, 又出又入,
鬼佬見到又係我, 可能心想 "你洗唔洗咁博呀!?" 哈哈, 又自己幻想!

那3個考flute 的考完, 有大約個多小時break,
之後就約另外2個考saxophone 的學生在元朗等,
但.....衰人, 遲到喎!
搞到喪熱地喪行去~
最後......遲到囉, 見到個鬼佬行出來黑口黑面, 勁驚呀!
不過都不是我問題...但人地緊係以為我係佢地個miss 啦, 樣衰!
之後...入到去考, 個考官個樣冇乜事了!
我又彈完一個, 又再出去, 之後第2個, 又出去....哈哈~
total 5個.......勁累呀.....
下午就返了家一陣, 想睏的, 但堅持....所以又彈琴喇!
then 就約了燒去旺角, 勁累!
我們又去波鞋街啦, 激多自由行買鞋!

12時許才做theory, 晚上3時才睏。

唔得, 要control, 一出糧就買野....joyce, 要記得仲要還$ 咖!


>>October 6, 2005 at 3:37:21 PM GMT+8

2005 年 10 月 3 日 星期一 【晴】


返12.30, 廢, 一堂。
下午我們8個人去都會吃tea,
之後我趕時間要先走。

她們下午要去拿影印!
這份影印, 4日前去黃埔間影印店影,
但到今日, 都話未影好, 超變態!
cherry就打去問他影好未, 之後heidy就忍不住拿過電話去問他,
之後就罵他了。
又話1.5鐘後會影好, heidy就話1.5hrs 都未有就叫他唔好收$,
那人就話 "咁就唔得, 你等多3,4個鐘啦!!"
嘩......heidy 就罵他啦, 呃人jei, 話多兩句, 就cut 線。
那麼大個人第一次見影印鋪影野會影4日都未影好.........

下午因我先走就沒有去拿, 我想應該影好?!

超變態, 搭k16 轉西鐡耐得好緊要!
以後都是搭地鐡轉西鐡啦, 快好多呀,
最多行返出佐敦熱了一點啦~

返家快速拿譜, 就飛去元朗啦,
又去夾歌, 累死人呀!
tina 後來趕時間出九龍, 我和班學生就再去天水圍夾多一小時。
今天總共夾了3小時, 好累好累好累!!!!!! 條腰骨超痛~

班學生明天考啦, 努力, 是我要努力, 不要累人!

詩編16編, 呢幾日又成日唱啦, 好鐘意!


>>October 4, 2005 at 1:57:19 PM GMT+8

2005 年 10 月 2 日 星期日 【酷熱】


一早本約了玉婷返學的早晨祈禱會,
但我太累的關係, 睏過龍, 最後我就甩底!
有點兒後悔, 下星期一定要去。

上9.30 堂, 勁眼睏, 麻煩女人改了名叫蘇斯黃, 同學仔說她勁似,
但我又不知蘇斯黃的真樣是怎樣.....
2小時break, 和同學仔上了4/f 飲茶。

最後那堂和肥佬阿sir 傾計, 勁要反映對我們course 的不滿,
阿sir 好好人, 教我們怎樣去反映返SPEED,
又應承會幫我們send 去 & 去course leader 了解....

就這樣, 傾了45 mins..
之後和mandy 搭西鐡, 要飛快返家拿琴譜,
then 就飛快去元朗tina 家和學生門夾歌,
遲了半小時, 勁累,
8時收工, 今次計1.5 hrs!
夾埋聽日ja, 星期3她們5個就去考試,
快些過啦, 次次夾都喪彈, 好累呀!


>>October 3, 2005 at 4:35:52 PM GMT+8

2005 年 9 月 30 日 星期五 【酷熱】


國慶, 沒什麼特別!
昨晚3點睏, 今早又一早去天水圍教琴。
下午又在天水圍夾歌, 好累,
之後就返屯門教琴。

晚上團契, 活動日, 去仁愛堂的椰林吃dinner,
完全想反胃, 沒有胃口, 但我知我要食野,
食得最慢係我, 好似唔知食左乜野落肚, 其實我好憎椰林閣的。

食飯其間, 他們又黎啦, 又黎成日話我,
其實不嬲都話開, 都冇問題, 我okay 的, 知道都是講笑jei, 自己都會大笑一番,
但現在 (不只今天) 他們拿我來講笑的話題已經愈講愈離譜,
有時個心都唔知點, 點都有少少唔開心,
我份人都算冇乜所謂, 暗示我肥, 話我身形, 話我個樣, 話我阿嬸, 女人....
又乜又物都話齊, 我都okay, 大家笑下就算, 不嬲都講咖啦, 聽慣,
但有時太離譜, 真係唔掂囉,
仲要今日內一次過聽咁多個係咁話我, 特別食飯時真係想喊的。
見我成日傻大姐咁笑, 個人粗魯.......但始終都是女仔, 點都會有hurt!
今天真的有點不開心, 其實佢地已經唔係第一日係咁,
講左我好多獲了 (難譜個隻) ! 有時都會想自己是不是真的那麼難頂!
不過那刻真的這樣想, 但我會接受自己事實如此的, 難怪,
他們成日講我, 證明佢地留意我囉, 不過講親都係唔好咁ja ma!
自我形象不嬲都低咖啦, 由細到大都是這樣, 我要接受~

吃完飯都9時, 之後就上去打保齡, 勁搞笑,
最記得阿邦打到滑倒落地, 還要死扮野在地上用手托住個頭,
笑到我地死, 隔離lane 的人都忍不住笑....
還有好多爆笑野, 劉二哥明明打了落右邊坑,
最後個波竟然可以在左邊坑入洞, 明顯地個波反彈得好利害;
鞭屍雄打親都落坑, 最後終於有2球可以中, 還有一次全中.......
阿欣打的姿勢好標準, 但他們就學她起腳, 起到抽筋都有....真的好笑!
打到11時許, 就搭西鐡返家。

唔理, 狂笑, 話之隔離唔識的人望住,
我諗我成世都係咁, 冇得改, 天生!


>>October 1, 2005 at 5:04:42 PM GMT+8

2005 年 9 月 30 日 星期五 【晴】


返學, 和7個同學入錯房, 原來是隔離。
在課室齊齊懷疑了近半小時, 大家一起奇怪為何長面miss 還未到,
最後有個校工阿叔入來拿風翩, 問他才知入錯room,
但好白痴, 出面個牌指又指得好衰, 真係一望就以為係呢班房。

放學返家, print 下notes。

晚上去了荃灣柏麗灣碼頭附近, 上遊艇,
16人, 出海去disneyland , 在海上看煙花,
幾靚的, 不過遠了少許, 如果可以去到現場近距離, 一定會很美麗。

看完煙花後, 就開船去梅萵食海鮮, 好快就到, good。
之後在梅萵行一陣, 映下相, 就坐船走!
好累, 在艇上層看景, 好大風, 實在爽呀~
回程在汀九 & 青馬橋底下經過, 靚到極, 未試過!

好快, 12時許回到家。
笑到傻!


>>September 30, 2005 at 6:43:57 PM GMT+8

2005 年 9 月 29 日 星期四 【晴】


返9.30, 在學校撞見家瑩,
原來昨天何韻詩來了poly 做嘉賓,
但我day off, 不知道。
起初聽到家瑩講 "昨日有海獅來左"
我和heidy 都聽到家瑩說 "海獅",
勁奇怪地問為何會有海獅, 因為沒有水, 天氣又熱, 來到嗎?!
原來是何韻詩, 笑死左!

上堂, 麻煩女人仍然沒有notes, 學校又未send password 給我們,
怎去download? 好心個麻煩女人就先印給我們啦!
其他科, 阿長面miss, 肥佬阿sir 都派給我們......
搞到上麻煩女人堂就好緊張, 沒有notes, 不知怎樣般!!

放學去學繼續theory,
上完後就好頭痛, 在西鐡勁睏, 5時許返到家!


>>September 29, 2005 at 4:43:17 PM GMT+8

2005 年 9 月 27 日 星期二 【晴】


以下是阿妹 (煒) 在她教會的留言版問過一牧者&弟兄姊妹的問題所得的回應,
看後對我心中在這幾個月裡所存在的問題好似有點點解答:

"June 職青區 2005-09-27 16:15:53
Dear 煒,

Thanks your sharing, I enjoy reading it very much, your writing is very good ar...

Your feeling is understandable, and I have been in similar situation. If you feel uncomfortable, I would suggest you not to go to that sort of meeting again, in fact, I found it quite dangerous if we don't understand Holy Spririt from Bible...I have listen to a serman given by Rev So in Yan Fook Church, I found it quite helpful...you can click into the following website and click into the topic of 聖靈充滿的人 and listen to it...

http://yanfook.org/big5/sermon/searchresult.htm?fldCatI=2

let's share more when we see in church...that's an important topic in fact...

June


徐生 2005-09-28 11:39:16
煒：
　　剛剛讀到你的分享．我想我分享過，我並不抗拒靈恩這回事，反而我覺得每位信徒都應該是追求靈恩的，就是認識聖靈，過被聖靈充滿的生活，不過並不一定要「叫、喊、倒下」等，這些是其中的一些彰顯，但並不是每一位信徒感到平安．至於這個聯合聚會，其實我早已大概估到是一個怎樣形式的聚會（這是男性的直覺），只是覺得這個聚會亦可表達信徒的合一，所以不便分享我的憂慮，因為很多時聯合的聚會，在未完全清楚當中的底細時，當中的信息未必和我們過去的經驗相近，因為信徒來自不同信仰背境、宗教驗及操練的信徒，所以尤其要小心。現在你已經參加過一次，你大概知道當中的底細，至於日後會否參加就要視乎這聚會是否令你感到平安、是否對你的靈性有所造就、是否真能表達合一的見證（還是只是某些人帶著個人動機而發起的活動）？信徒成長的其中一個表現就是能分辦是非，我相信神會賜你智慧去決定。若果有疑正如June所講，可以在教會中傾吓這些問題。
　　另外多謝你的分享，其實信徒有無似唔似、或者某個樣板？我相信都見仁見智。當然有諸於內、形諸於外，當生命改變時，都會產生一些分別。但信徒性格都不同，我不認為要有某個樣才合標準，否則教會只是加工廠，個個信徒都係倒模而出，到時真係大件事！我起初在教會事奉，有信徒表達我不似一個傳道人，令我都唔開心咗一段時間，但想真一些，如果個個傳道人都係一個樣，都要嚴嚴肅肅，正正經經，我想這並非聖經的教導。聖經教導我們如何做人，但如何落實就要以個人獨特的風格去去實踐出來，因此同出一徹，但卻有不同的表達，真的百花齊放，咁樣先至精彩！
講咗咁耐，真係長氣，要呌吓！

徐生


漢能 2005-09-28 00:35:12

聖經中沒有記錄被聖靈充滿的人會「要跪的跪，要哭的哭，要叫的叫」，所以有懷疑是對的。很多時間靈恩派只解釋經文的部份，尤其是對他們的說法有利的。我們了解聖經要用聖經的總原則去明白，你就會發現他們問題所在。記得你也要好好讀聖經。

建議你看一本書「認識聖靈」，如沒有，我可以借你，希望能幫助你。也為你能在人前作好見證祈禱，願主耶穌基督賜給我們的聖靈加你力量。 "

我也要settle 一下, 再問問自己教會的導師/牧者.......


>>September 28, 2005 at 5:33:10 PM GMT+8

2005 年 9 月 26 日 星期一 【雨】


返1小時lecture就沒有堂, 離譜!

返到去在圖書館門外撞見娟娟,
咁都撞到, 傾了幾句, 就去上堂。
發覺雖然上好少堂, 但每一堂都好full,
真的好多野學要知!
好在ive 時學過這類的concept, 好多都有印象, 暫時不太難!

落堂在課室門外撞見家瑩, 哈, 又是咁都撞到, 用同一個room~

今天, 知道好多同學仔都是基督徒, 開心!

我知~ 基督徒不是一個身份就算,
要為著神一齊興起, 把福音傳開! a-men~


>>September 27, 2005 at 10:10:05 AM GMT+8

2005 年 9 月 25 日 星期日 【雨】


星期日...沒有返教會, 頹了一整天, 想自己靜一靜!

今天返學了, 好快就識到起碼7個同學仔。
好累, 放學返了家一陣, 半小時後再返poly,
因晚上有 "全港大專基督徒祈禱會"。
沿途去時和妹勁講有關靈恩派的問題~

去到蔣震劇院, 全場爆滿, 感謝神,
因為之前都有聽其他專使講怕剛開學沒有人來。
剛開始祈禱已經有感動了, 眼有淚光,
之後就進入敬拜......但.....我又有時抽離啦!
阿妹之前上過學園傳道會的學敬拜course,
學過帶敬拜者要控制自己情緒, 因為這樣會騸動台下會眾的情感,
這樣做, 不是神的靈來感動會眾, 而是會被台上帶敬拜者的情緒影響.....
而我未學過, 但都曾聽過一位牧者講過......!
所以......
眼見台上的帶敬拜的人, 話喊就喊, 話叫就叫, 話跪就跪,
眼見全場的人又跟著跳, 跟著叫......真定假呀?!
見到....就令我和阿妹都有抽離的感覺, 又令我想起靈恩派的......
不是說靈恩是錯, 而是這樣做, 太過著重這些, 根本就不健康!
發覺小組教會的background 通常都 "靈靈地"。

敬拜時雖見到這些, 也不是第一次見 (我也不是第一次抽離呀),
但我都沒有理會, 只理自己, 自己真的去到神面前敬拜, 自己祈禱!
感動, 有的, 但洗唔洗又叫又跪呢?!

另有些歌的歌詞, 和阿妹都有研究過, 特別奉獻那首歌,
我因做司事去收奉獻沒有唱, 但都看過........
真的沒有意思, 什麼 "雨下降", "打開天上的倉庫..."
怎麼來的?!
唱新歌新詞, 沒有錯的, 聖經都有這樣說,
但歌詞方面, 真的是聖經的話嗎???
不是人話好就好, 唱就要唱!
還有, 常聽到台上的人講 "心中有火"呀, "燃燒我地", "要旋風捲上天堂",
嘩...聽到我! 想笑~
但我明他們的意思, 是 "我們有火熱的心為神在校園傳福音.."
是這樣啦, 不是 講d唔講d, 什麼 "求神燃燒我地"...
咁我地係咪要著火先, 死得啦咁!

這些我不是第一次遇到,
而且在3個月的專使裡都有類似這些爭扎,
去過問屬靈長者, 牧者, 傾過這些問題!

無論怎樣, 今晚的祈禱會是正的!
大家都是有心去為校園祈禱,
最正也是見證時間, 有幾間大學&IVE 的基督徒上台講校園怎樣轉變的見證,
halleluja!!!

完了後在外面, 個個都找回自己的學校同學圍埋一堆傾下,
在水池附近和poly 友30人圍了大圈, 開心的!
其間, 聽到隔離hku 的, 圍埋一圈祈禱, 有個女仔講方言,
好大聲地叫住講, 但..同一個音, 同一個字....這些都是假方言。
在想, 為何會這樣?! 現在好多教會都偏向這一類 "靈靈地", 但又不是靈恩派...
為何要著重這些? 一個最小最小, 造就自己的小恩賜,
為何這樣著重追求? 要有的時候, 神就會賜給你, 何必這樣?
何不去追求更大的恩賜? 如講道的恩賜!
保羅都這樣教訓哥林多教會的人。
好像我阿妹話 "都唔知神見到咁樣係快樂, 悅納, 定係憐憫, 掩面不看!"

之後我們專使就為快快為佩怡celebrate 生日, 吃蛋糕。

11時許才在poly 走, 搭車時癲s 左, 李碧+eugen+我 = 狂笑!
其他人, 冇我地咁好氣!


>>September 27, 2005 at 10:01:39 AM GMT+8

2005 年 9 月 23 日 星期五 【雨】


呢一刻我打劫都唔掂!

喊左成晚, 一睏醒就流淚....


>>September 25, 2005 at 4:33:33 AM GMT+8