2005 年 9 月 22 日 星期四 【晴】


星期五下午又去夾歌, 累到變乾屍!
晚上和班LKL 同學仔在泉章居吃客家菜,
total 14人, 真的估不到會那麼那人, 勁開心,
因為有好多真的有幾年沒見, 好多都是last year, 有些就出來做野!
最記得娟娟拿出一張大家都是form 4 時的相出來,
逐個傳閱, 我都忘記有這張相的存在, 見到個死人樣就想笑!
吃完飯後, 我們去了石磨坊繼續傾計, 個個好似唔想走咁,
早之就上cafe~



>>September 25, 2005 at 4:26:51 AM GMT+8

2005 年 9 月 21 日 星期三 【晴】


一早又去 "世界大酒店",
在k16 撞到陳姑娘, 我們一起去。

去到poly 宿舍附近撞到娟娟行返學,
那時都想 "會不會撞到娟娟呢?"
點知真的撞到, 遠處見到長髮姐姐...娟娟, 仲唔係你?

今天趙生出賓, 不太多人,
之後去到葵涌火化場, 禮成後,
返元朗嘉誠食解穢。
沿途在車上, 和觀平叔叔傾計, 又和姬姐傾計,
之前又和梁姑娘傾計, 去到酒樓, 又和uncle peter 傾計,
一日同不同人狂傾計都不是奇怪 (在我呢個嘈咀身上發生不足為奇)
奇就奇在....傾的內容是重覆同一話題...(除了姬姐)
重覆又重覆, 覺得好想有個recorder, 按個replay 就算, 哈~

吃完後就返家狂睏, 好累呀!

今晚約了去荃灣都沒有去了, 頂唔順!


>>September 22, 2005 at 2:14:37 PM GMT+8

2005 年 9 月 20 日 星期二 【酷熱】


昨天下午想去元朗游水, 點知去到話消毒,
之後再去屯門游。
游完後就出事, 血糖低症又發作,
慢慢 "冷" 返家, 勁辛苦, 行幾步就要抖,
好鬼cheap, 成個暑假冇swim, 一swim 返就死!
記得舊年日日放學去swim 都冇事!

晚上去了趙生的安息禮拜, 飛的去"世界大酒店",
點知塞車, 我遲到, 去到都不用我彈琴。


>>September 22, 2005 at 2:03:51 PM GMT+8

2005 年 9 月 19 日 星期一 【晴】


星期六中秋, 下午返了poly o'day, 無聊!
晚上返了教會bbq。
當晚商人團契來教會佈道, 雖然中段有點悶,
但最後有人決志信主, 感動的...意想不到。
b完後返家沖涼, 差不多12時再去天水圍蘭子屋企玩,
7,8個人乜都玩, 去camp feel,
打麻雀, 玩棋, 玩killer, 聽歌, 邊玩邊睇戲, 乜都玩齊,
玩到最後傾計傾通頂!
之後大家齊齊返教會, 激眼睏,
崇拜時嚴重合眼睏, 但聽得好清楚, 回復我平時上堂的樣子 (合埋眼睏都聽到書)
返到家激睏, 就這樣過了星期六, 日。

星期一去了姑姐家, 不久又開始打麻雀,
cheap cheap 地玩跑馬仔, 唔打花....
打到個人好累, 但死都要打, 好似賭精咁!!! (但我當然唔玩$)
晚上吃了餐中、法、印、意式的晚餐,
姑丈煮野愈來愈勁, 好食到爆炸! (消防員旺火??! 真的好掂!)

今天又去羅桂祥夾歌, 彈到好累,
彈到個人軟晒, 累死!


>>September 20, 2005 at 4:09:49 PM GMT+8

2005 年 9 月 15 日 星期四 【晴】


今朝想去swim, 但睡過時!
下午, 要去夾歌, 沒有時間去swim 了。

去羅貴祥中學夾歌, 嘈到爆,
clarinet, flute, saxophone....各自各吹呀吹, 吹呀吹,
再加上琴聲, 簡直嘈到爆炸!
tina 又在和一班新學生試音......嘩....好嘈呀!
對耳好辛苦了, 之後又non-stop 地夾歌, 又連續2小時
彈到人都癲s, 勁累!!!
唉~~~ $ 真的不易搵,
要努力, 我要還債 & 交學費!

今晚, 又好想swim, 但.......太累了!


>>September 16, 2005 at 11:00:06 AM GMT+8

2005 年 9 月 14 日 星期三 【晴】


昨天下午去了夾歌,
之後本約了朋友去swim,
但趕不切, 就沒有去了。

今天下午, 又去大耳loan 交form,
上次個人話今次搵返個叫ginnie 的人,
就可以不用排隊!
我就向個人講, 點知個衰人唔理我, 仲叫我拎飛等number,
勁面黑啦我!
最後都等了大半小時, 埋去window 交form 我都feel 到自己黑晒口面,
但真的好嬲, d 人做野慢到嘔屎, 冇野搵野黎捉,
政府班人真是廢柴!!!!!!!!

晚上和zoe, 家瑩, 金梅, cindy, sammy 去noway 唱k,
我們後尾勁玩 "拍大脾加動作" 的game,
勁好玩, 好笑到爆炸, 愈來愈快勁好玩,
好似會上隱般, 好想繼續玩下去。


>>September 15, 2005 at 4:42:16 PM GMT+8

2005 年 9 月 12 日 星期一 【晴】


昨天, 又去雍翠夾歌,
彈到個人癲s癲s地, 面不改容......呆!
累到爆炸, 好早就去睏, 11.55 pm, 終於可以未到12點就去睏了。

今天, 下午又再去大耳loan 交form,
又話id card 一定要A4紙, 2張影埋一張都唔得,
痴孖潤!!!!!! 以前申請不嬲都是這樣啦, 冇野搵野黎做!
那刻黑晒口面啦我, 上次來又唔一次過講晒, 妖!
又要再去, 第3次啦!
貪車$ 貴呀? 勁黑人憎, 怪不得次次去親都排長龍!
政府請埋d 廢人做野!

今晚嫲嫲, 公公&婆婆來吃飯, 勁嘈呀,
人多就是這樣! 但開心的!


>>September 13, 2005 at 1:27:16 PM GMT+8

2005 年 9 月 10 日 星期六 【晴】


昨天一早又教琴, 累死人呀
因之前一晚和5婷傾計啦, 3時才睏,
睏了少少就起身教琴。

下午去學樂理, 感覺幾得意,
因勁耐沒有去學琴/學理這些,
今次到自己做學生, 感覺真的有點怪怪的,
好似有點難 (因我theory 一向都好唔掂的)......
努力......我要考到!

晚上娟娟輔警畢業禮, 我們去觀禮,
遲了少少, 去到只見到 "步走"。
映下相, 幾開心,
之後想去牛頭角吃打冷, 但勁多人,
last 去了吃越南。

勁眼睏呀, 但最後做theory 做到2時才睏。

今朝......咪勁眼睏囉,
崇拜時都想中眼睏, 但都聽到,
差不多最後15分鐘才jot down notes,
廢事睏著呀!

下午去ACM 練歌, 因為沒有電,
就過了學傳office 練,
唱普通話歌, 因為11月會上大陸短宣,
都幾想去的。

晚上和acm choir 的去了看張崇基張崇德concert,
勁正!
平時我對concert 沒有興趣, 因為覺得不值得去聽人嗌歌or 走音fashion show,
但今次都有興趣聽他們的,
因為他們唱得嘛, 勁正!
有感人位的是崇德講他的兒子在2月去世的事,
作了首歌給他兒子......
睇到蘭子& 影后喊!

好鐘意佢地2個呀!!!!!!
以前鐘意細佬多d, 近排鐘意大佬多d,
大佬唱歌好聽d咖, 今晚勁留意大佬唱的...
大佬在最後又打鼓喎, 型呀, 但細佬又識吹saxophone!
唔得呀.........勁想跟佢學唱歌呀,
acm choir 入面有人跟緊佢學呀, 等我又問問佢先。
11.30 散場, 和蘭子由尖東坐忙命巴返家, 20分鐘返到, 唔該晒!



昨天passing out 的相






遊戲 -- 尋找小娟娟




>>September 11, 2005 at 6:36:15 PM GMT+8

2005 年 9 月 8 日 星期四 【晴】


下午去了中國聯通問, 原來我張card 負了$,
還過了一個月都未去增值 (大佬, 我唔知負$ 喎, 一d 提示都冇)
所以......我張card cut 了!

之後去嘉湖夾歌, 沒有tina 在, 只有我對住5個學生,
就好似是我去教她們般!
一個完全不懂saxophone 和 flute 的人去教, 簡直笑話!
但我都照教她們的拍子 & 聽她們的音準啦,
這些我都應付到的..
但吹奏的技巧就真的盲毛啦, 要佢地自己諗, 我答 "唔識" 就算, 哈!
7.30 pm 收工, 有點累。


>>September 9, 2005 at 6:12:28 PM GMT+8

2005 年 9 月 7 日 星期三 【晴】


我張中港通, 不知什麼事, 打又打不出, 收又收不到,
更白痴的是, 我沒有帶用開的pepole 那張電話card!
還有, 身上沒有1元, 打不到public tel., 入了閘又出閘去買麵包唱散。

我們2個累到呆滯, 行也想跌, 就來要跪在地上,
之後去了泵骨, 才精神返ja~
今天我們不知為何勁想大笑, 一係就呆到冇表情, 一係就笑到收唔到!
嚇到人地死呀?!

在香格里拉酒店, 上了旋轉餐廳, 再看看menu, 之後就走了,
哈~~~~ 吃了我隻車吧!
上到去, 感覺就像去了fashion show!

晚上在老街地鐡站, 見到有形跡可疑的人,
我們又出最勁那招, 快步喪行法! (我們的絕招, 行路慣了行得快, 所以okay)

今天感覺好笑, 就是......想搵個地方大笑喪笑, 因為見到你個樣!


>>September 9, 2005 at 6:39:21 AM GMT+8