2005 年 6 月 25 日 星期六 【晴】


昨晚和5婷勁傾icq, 話睏話睏, 1.30 am 話要睏,
到最後2.45 am 才offline, 之後我還未沖涼喎~
勁笑, 勁發癲s, 永遠和她傾計就會笑到癲s。
本來都正正常常傾計...但傾到尾時就黎腎...
由於我太累的關係, 就作了幾句slogan, 但不make sense的:
eg. "人人笑聲要安全, 安全人人要笑聲"
"大聲要笑聲, 細聲要雷聲"
"請小心笑聲",
"安全第一好笑聲, 第一笑聲要安全"
"死野要大聲, 笑聲要死野"...........
就這幾句, 就笑到爆炸!
我勁呀, 可以忍住來笑, 沒有發出任何聲音的, (所以咪笑到個人熱晒)
但5婷你就cheap 啦, 笑到出聲...
不過我都不好意思, 令你半夜比人鬧你笑出聲!
下次出街要笑到行唔到呀!!

今早返主日學, 陽光普照!
上到差不多完時, 出面下大雨,
iky 在那時候才返, 又沒有帶傘, 想出去遮她入來,
但最後等了一陣又有陽光, 所以我又不用出去接她,
繼續上主日學, 幾正的!

11時崇拜, 今次黃天安牧師又來講道,
今次講得都幾悶, 講怎樣去祈禱&態度。
就是這樣, 我一邊聽一邊jot notes, 所以沒有睡覺啊!

下午去了元朗廣場的金x邏lunch,
之後就去acm 練歌, 今次記得在聖本德啦。
我們又遲了少少才去到, 蘭子就想走過來坐我alto 這邊,
之後我就趕她走, 要她返saprano那邊,
後來更被翻盤 (翻版常盤) 笑她 "驚死冇位坐, 死都走過來坐"
原來蘭子看不見serene 她們留了位給她....
哈哈~~~ 樣衰到爆呀蘭子, 笑爛咀。

唱下唱下, 我隻左耳又開始聽不到, 好辛苦,
愈唱愈痛, 有好幾次我都要停下來。
今次練歌好正, 有預先錄了的band 來一起練,
個feel 就好像到時live 般, 愈唱愈開心, 神就和我們一起在音樂中一同快樂。
我們alto要唱的parts, 都未熟練, 時常都不記得落錯音,
要大家互相聽對方的才落得準, 糟糕!

大約7時才走, 之後約了燒去葵芳。
勁耐冇見, 一個月有多啦, 勁卦住你!
行到9.30 pm 我們去了打機,
打太鼓啦又, 勁笑又勁嘈地說 "好核突呀, 好核突呀, 好核突呀......."
好似non-stop 般!
又玩打鼓機, 玩下頭文字........
玩了一陣就走了。
之後吃藍梅雪糕, 要打破只有朱古力的框框!
好開心的, 但吃完又後悔....
不過多謝你的雪糕!



報了去雲南短宣, 希望還有位啦!
而專使那邊, 未有可以交到學費了, 過了deadline都交不到, 因為現在都未籌夠$,
不過都好多謝教會的支持&奉獻、禱告的弟兄姊妹, 雖然未夠數。


>>June 26, 2005 at 6:00:31 PM GMT+8

2005 年 6 月 24 日 星期五 【晴】


又是星期六, 又例排開工。
一早去天水圍教30樓個女仔, 不知為何, 極度不想出聲,
好少見我 "斯文" 地說話。
29樓個女仔請假, 所以我就返家小睡片刻!
那時打電話給映彤, 想問清楚11.30 返教會 or 12.30...
最後, 打了幾次電話沒有人聽, 她媽媽的手提又打不通,
所以我就返家小睡, 太累了。
睡到1.15, 映彤就打來 "joyce 姐姐, 你係邊呀?"
oh~~~ 我衰啦今次, 安慰她幾句, 1.30 pm 返到教會。
映彤笑我的手指, 笑我是 "匾指怪".....

之後珊珊就返來和她吃飯, 我就hea 到2.45 pm 走。
下午有少年團契, 珊珊就和映彤&我一起出去村口接小朋友入去教會,
但我就離開去chealsea 開工。
其實都好想在星期六返教會幫手少年團契,
有時有個想法, 就是不想返工, 想返來幫手,
因為覺得班小朋友真的好有需要....
但又想, 我不返工, 就沒有生活費了!!
所以覺得珊珊好好, 每個星期六都返去幫班小朋友,
自己就好似沒有做到什麼! 愧疚~

下午去到chelsea, 又睏住來教啦, 隻眼合得埋呀!

晚上和媽咪, 阿妹& Gary去了元朗吃飯,
好飽呀, 下次不敢再叫羊扒啦, 阿媽啦, 明知吃不慣羊但死都要叫,
好臭呀隻羊, 臭羊味, 不是個個都慣啦!

搞笑呀, 走時個老闆講 "多謝晒, bye bye~~~~~~~~~"
個bye 字呀, 我們出到門口都聽到呀, 有回音咖, 幾好笑呀!
當然啦, 因為那裡是森林, 所以會有回音囉, 哈哈~~

之後就返家了, 妹& Gary 就行一陣,
我和媽先返家。

今晚, 我隻左耳又開始發作啦, 又聽不到了, 好辛苦!
希望明天不會聽不到啦, 因為要練歌, 會好辛苦呀。
聾耳陳翻生呀, 唉~ 仲慘過幾廿歲!



>>June 25, 2005 at 3:12:12 PM GMT+8

2005 年 6 月 23 日 星期四 【晴】


今早戰友們來佳音堂, 但落大雨,
又等前立後, 最後都10.15 am 才開始 "同行小組"。

今次大家一起發挖阿蕾的信念,
見到和自己有幾點相似的地方, 有諗好多野呀!
覺得自己好似變態咁, 有點恐怖, 唔正常咁,
因為有些地方自己負面得嚇人......唔知, 有時愈諗愈亂,
所以有時會自己逃避不去再想。

之後我們留在教會吃飯, 2.15 pm才吃lunch, 餓到爆炸。
好快煮好, 好開心地大家一起吃,
他們帶自己在家整好的食物來, 覺得好叻呀,
因為整得勁好味.....
我就死啦, 唔識煮, 連諗整乜野食都諗唔到,
所以就帶了2個pizza 返來, 哈哈~ 奇怪到爆呢!~
唔理啦, 都幾好味呀, 哈哈~

最後就狂執野洗碗, coria & 玉婷好好幫我呀,
好過有d 人叫我做阿四呀。

他們參觀下個田, 之後4.30 就走,
其他荃灣group 的人就去阿kit 家探訪,
我就返家啦, 沖過涼, 彈陣琴, 就睏覺。




晚上不開心!


>>June 24, 2005 at 2:59:34 PM GMT+8

2005 年 6 月 22 日 星期三 【雨】


感謝主, 今朝沒有遲到去到敬拜會。
今早上簡創佈道, 分3個人一組, 和2個精兵一組,
他們真的幾可愛, 不是最初想像中的那樣。
見到他們, form 5, 就覺得他們其實都幾細個,
令我想起我的表弟......
原來以前自己form 5時都是這樣白白痴痴 (雖然而家可能仲白痴! ^_^)
我周不時都會和精兵們發下癲ss, 傻傻地。

後來聽到浩然分享他的得救見證, 真的好感動!
見到投影片放著他小時候的相片, 他的媽咪真的好靚女呀, 好有明星相。
之後佩佩分享去年傳福音的經驗, 那刻我就有股感動在我心理,
見到相中他們在街上做默劇, 做一些奇怪的動作 (又好似我們去專使camp那樣),
之後走去和留連街上的青年人傾計, 傳福音,
最後有2個人信了耶穌...感恩的!

後來唱了一首 "頌讚你halleluja" (這期成日唱, 唱到爛左)
又笑, 因為唱到爛, 唔知笑乜, 笑到個人唱唔到, 勁係度笑, 發傻。

lunch 我們班專使又去了愉景, 今次我和珊吃m 記,
好傻~ 當買了m 記後, 就覺得他們吃的2(食送)飯好好味,
總是隔離飯香呀!
之後大家互相分享, 頗奇怪的一餐,
大家都是通菜, 薯條, 古lo肉, 飯, 縲絲粉, mc雞奕, 燒鵝....
全部大兜亂地吃.....奇怪的一餐, 但好開心咖!

lunch 後返上去敬拜會, 大家為著報紙中所發生的事和人祈禱,
好正!!
大家傾下傾下, 祈下祈下, 差不多6時, 就走了。
走時我們在南豐行過, 見到一個雪糕counter內的女仔好熟口面,
再望望, 原來是iky,
之後我就走去買了一個雪糕, 而我們班戰友們又跟著買,
因為iky 給我們的很大球呀, 見識得嘛!!
他們啦, 又貪心埋一份, 貪大舊~

之後下很大雨, 我就行去搭西鐡。
返到屯門就去了市中心買(食送) , 差不多8時返到家。

yea~ 明天專使的同行小組去我教會呀,
可以睡遲少少, 哈哈~~~
真的好proud of 自己的教會, 因為好少教會會好似佳音堂般,
有田, 有樹, 有大空地踼波, 又可隨時bbq......
班戰友們都好期待明天去佳音堂, 他們說會帶相機呀!
講真, 參加了專使後, 去過其他戰友的教會, 就會想起自己的教會,
真的好鐘意佳音堂呀!


>>June 23, 2005 at 2:28:27 PM GMT+8

2005 年 6 月 21 日 星期二 【雨】


昨晚看約書亞記時看到睏著, 半夜3時阿爸起身痾尿時才叫醒我返房睏。
今朝一起身即繼看約書亞記,
之後和朋友去了市中心行一陣。

在腳癬岩飲了柸野梅朱古力雪葩, 好飲呀! 下次再飲!
之後傾, 心情好了, 知道自己都有錯~

行到7時就返家, 今晚要看完撒母耳記上!
明天我要test 撒上, 撒下, 約書亞記, 再背12條金句....
因為第一次沒有test學校考試, 今次要補test,
第二次test 時fail, 所以今次要補test,
明天應該要test的,
所以............我要一次過test 3份!!!
快些恭喜我啦, 恭喜恭喜呀~
:(

ps. 今晚check e-mail, 看到一封.....突然開心為之一陣, 哈哈~


>>June 22, 2005 at 1:24:07 PM GMT+8

2005 年 6 月 20 日 星期一 【晴】


由於明天我們班專使們要去石龍的痳瘋村,
我昨天就買了160條毛巾for 明天送給他們的present。

今朝返10.30 去敬拜會, 超大雨, 又要拎住一大袋毛巾,
其實真的好辛苦好大問題, 如果沒有下雨會好好多。
真的好重呀, 一個女仔拎住重個袋炭o既物品, 搞到成身濕晒!
初初都沒有什麼, 覺得好想出分力 (真係出盡力囉!),
心想為著神要死頂死拎。
但後來去到荃灣後, 個人就開始忟, 拎到勁想喊, 又周身濕晒~
真的好重呀, 左手斷臂啦~ 起碼要2個人就會好好多, 每人80條都拎死啦!

上到去不久就開會, 心情都平伏了, 雖然明天我去不到, 但都列席。
後來就上 "人生劇場", 做了專使後第一次上的course,
因為之前學校考試都沒有上過。
幾好玩, 做drama, 勁笑, 和幾個精兵一組, 笑到停唔到~
最後返回自己專使group, 我們要做個默劇, 之前都看過了,
好多人出去佈道都會做這個drama!

下午就上 "袓傳秘方", 也是第一次完完整整上了一次。
講 '彼此建立', 學習好的溝通方法...
上上下又笑, 和李碧, 有為 & 另一個精兵一group,
勁癲ss, 好變態, 又是講埋d 廢現實唔會發生d 廢話, 勁笑。

上堂上到個人激肚餓, 到大約5~6 pm 才出去買飯。
得我, 菁怡 & 秉秉出去買飯, 因為其他的要預備晚上的敬拜~

返來大家一起吃dinner, 都okay。
快吃完後就和秉秉出去福來村附近再買百潔布, 2枝屎坑刷 & 籃威保。
因為他們明天要用, 買溜了~
之後就喪跑返去開始晚上的 "堅信不移"。
開始前我和秉帶ice break game, 都okay 開心!

今晚daniel 講得好生動, 而我亦都好感動。
講道之後就唱 "是你愛我" (沒記錯的話)
"是你愛我, 令我知道我是人,
是被珍惜的一個......(唔記得了)"
好感動。
因為今晚講不要看不起自己,
原來有些人真的會自卑, 看不起自己,
被好多由細到大的事影響著自己,
這些都包括我。
我認我是自卑的人, 以前好明顯是這樣, 衰到連行步路都低下頭....
現在表面看來已經沒有這些,
但我知道我好多時都會覺得自己不如別人,
好自卑, 覺得自己冇樣野好。
今晚看到自己的內心深處原來還有這些陰影阻隔著我!
耶穌就今晚再提醒我一次, 我是寶貴的~
我一邊唱一邊好快就喊出來, 之後和隔離的祈禱又喊!

從細都大都有人會批評我, 都說我是蠢, 沒有一樣事能做得好,
就算做得幾好, 都只會說我有錯的地方.......
外表又比人批評, 做的事出來也會給人批評,
發覺自己真的好自卑。
今晚主就向我說, "你係貴重的, 你係有用處的, 唔好自卑~"
喊左好耐..........
但都學習要欣賞自己, 懂得尊重自己!
慢慢來~

今晚又唔開心, 有d 講野唔知想點囉,
係就係, 唔係就唔係, 點解要咁講野,
覺得冇尊重過我囉, 拖拖拉拉婆婆媽媽咁, 最憎人係咁!
你say no, 我okay, 因為你根本就唔想,
但最初又要應承, 到中段又話怕其他野影響所以no,
而家又話原來乜野都唔係, 係自己唔想,
咁咪一早出聲囉!
最憎人咁樣, 搞到人地要預備d 野時真係lei 咁hea~
真係好嬲!
你好野, 郭樹蛙!

今天情緒不隱定~


>>June 21, 2005 at 5:05:15 PM GMT+8

2005 年 6 月 19 日 星期日 【晴】


昨天星期日, 應該10時返去上主日學,
但睏到不醒人事, 11時才起身,
但11時開始崇拜喎, 後來11.30 才返到去。

崇拜時都幾好, 有感受,
願意和神關係更好。
崇拜後在hea, 勁搵陳姑娘簽名, 要簽專使的請假紙,
行來行去, 都搵唔到, 唔知想點,
最後終於搵到, 個人有點燥。

之後他們3人傾去camp 的事,
我都有聽, 聽聽下就出去去toilet, (其間我都是出出入入, 沒有正式聽到什麼)
去完toilet 返來就見到鬧交場面, 都不知發生什麼事,
見到勁唔開心, 不久我就出去沉默了片刻。
雖然當時唔關我事, 但就想喊,
唔鐘意見到呢d 野。
不過承認discuss 一d 野時, 難免會有conflict,
但.......我都唔識講, 唔想見到佢地咁樣。
雖然是小事, 但就好激動, 或者當時人真的好嬲;
又在想, 會不會還有其他的事都正在影響著當時人呢?

之後和蘭子出去練歌,
個人白痴就真係白痴, 冇得救,
明明自己schedule都寫去ACM office 練,
但又死左去聖本德中學, 去到見沒有人,
蘭子就打電話給serene才知。
好白痴, 4時去到聖本德, 都遲到啦,
再返九龍灣, 最後4.30 才去到, 樣衰到爆炸!

練歌時都幾開心的, 乜都唔諗。
最後和roger 送別, 因為他要走了,
要讀神學。
唱歌, 映相, 吃cakes, 感動!
雖然和roger 唔熟, 但都有和他映相, 有份寫cards,
因為他成日都記得我, "哦~ 陳凱瑩呀嘛!?"......幾驚呀~ 記憶力驚人。
之後走時, 又發癲s, 今次和另外2個姊妹一起癲ss,
聽到d 野, hurt 爆!

今天星期一終於可以睏到1.30 pm..很久沒試過,
但要去買160條毛巾for 星期3的痳瘋村的人,
煩惱緊去邊度買, 咁多, 又重, 拎住去教琴......

燒燒: 好唔開心呀, 好想見你呀, 計落個幾2個月沒有見, 好多野想同你講。


>>June 20, 2005 at 8:23:50 AM GMT+8

2005 年 6 月 17 日 星期五 【晴】


星期三
又去敬拜會上專使, 一早, 累到死!
不記得做過什麼了, 失憶~
下午本我們專使組要在荃灣南豐下的巴士站做"自察計劃",
但我要趕去做回鄉證, 就沒有join 大家了。

其實下星期3要上大陸石龍的痳瘋村探訪 (短宣性質),
而剛好我的回鄉證星期一才過期, 所以要趕做, 希望趕得到上去。
去到想做快證, 中旅那邊說趕不到, 所以最後當然做返普通證啦, 5百幾喎!
唉~ 冇得去! 但我會幫手買禮物的!

星期四,
又一早上專使,
教怎樣和人講福音, oh, 原來是三福的濃縮版~
得我和bing bing 之前學過三福~
後來test, test 撒母以記上 的mc, 和背金句。
之前一晚都知道會趕不切看完整卷撒上啦, 眼睏到爆,
之後又背金句, 背完第2朝都失憶!
所以知道這個test fail 囉! 樣衰!

晚上和阿爸勁討論佛教&基督教的問題, non-stop 2小時,
喉嚨痛到爆左!

星期5,
一早去了老火間教會上同行小組,
今次較上次去主恩會個感覺好了點, 都幾開心。
差不多2時, 成班去了榆景食lunch~
lunch 後我們就在那裡hea, 開會傾去痲瘋村的事。
hea 到4.30 pm, 我們出發一起去銅鑼灣,
因為昨晚大球場有 "同心愛hk 2005--趙鏞基牧師奮興佈道會"。

在地鐡內和李碧分享自己以前和現在的我,
勁講~
其實沿途去銅鑼灣時, 我們愈來愈少人,
因為有些要去某處join 埋他們自己的弟兄姊妹才再會合~
去到mtr後, 有些又去7-11 買水飲,
走下走下, 得返一個人, 勁搞笑, 之後又返下黎咁!
再等埋阿勇。
和李碧勁喪笑, 講 "恐怖銅鑼灣", 會愈來愈少人,
扮晒電台節目咁, 勁白痴!
dinner 去吉野家, 那時才5.30 pm, 又勁笑, 覺得好恐怖!
銅鑼灣真係好恐怖呀, 又多人喎, 多到嘔屎,
又要我們5.30 吃dinner 喎, 幾恐怖呀, 哈哈~~

之後在F 出口等阿蕾期間, 阿勇見到寶寶, 殘酷一叮個寶寶,
學人帶頂帽喎?!

勁多人去大球場, 好熱呀!
初頭幾感動呀, 坐坐下都有落雨,
之後個牧師話, "我地大聲歡迎耶穌!"
跟著義工們就手持彩色大旗入場, 好靚呀!
我們大聲歡迎時, 個天即時停雨, 而且還很大風, 好爽好正好感動呀!

後來請了大長今個尚膳大人講見證, 有國語翻譯,
之後到趙牧師, 我初頭以為是中國人,
原來也是korean, 不過他說英文, 有廣東話翻譯。
到最後勁多人決志信耶穌, 百幾人行去台前呀, halleluja!

走時勁多人, 又喪笑咁走!

今天星期6,
一早教琴, 教呀教, 又喪了, 係條街度行屍走肉咁o既款!


>>June 18, 2005 at 12:30:08 PM GMT+8