2005 年 2 月 24 日 星期四 【微冷】


今天一早返eng, 好在余清8.30打一打給我,
因為8.45就要出門, 我一聽到電話就飛起身啦,
最後都9時才出門口。
一出大廈就見到流料敏, 但我在輕鐡站位才追到上前!

今早都okay 熱, 暖返啦, 返到去上好煩的eng,
negotiation, nego. nego. 再nego.....煩到屎!
上完2小時的eng, 就去lunch,
我們去了香港仔吃麵, 但好淡, 要起勢落辣椒!

之後就返去上e-logistic lecture, 那時天氣開始有點涼,
他們著少了衫, 而我就okay 剛剛好!!
因為上lecture 的關係, 沒有得上網,
但我都好努力地聽阿旺講書, 唉~
又是舊年e-commerce 的, 聽來聽去都是這些,
聽返舊年的, 就覺得好煩!
不過就來落堂前就開始入logistic 的東西了, goodssss~

今天locker 好恐怖, 潮濕到搞到整個locker 濕晒,
好似雪櫃咁, 阿rain 入面張容祖兒poster就來喊咖啦。

放學後和余清&阿洲去了poly 交form,
唉~~ 我想我又掉錢落咸水海啦, 突然feel 到好難入呀!
去到poly 打給娟娟, (不打給阿劉啦, 可能約了二嫂)
她在SU, 之後她來接我們3個傻人上了SU,
個feel 好似去了poly o'day, 娟娟在SU內勁介紹她旅協行山的相,
因為她當時正入相, 就順勢看啦。

之後我們3個就去了對面canteen 吃tea,
在那裡又話我今日個樣似北京的女仔, 因為我染返黑髮, 但唔明點解要係北京!
我初頭聽以為他們說我似北京人, 即古時在周口店發現北京人骸骨那些呢?
要生火打獵先生存到個d呀~~ hurt 爆!
哦~ 原來即是話我似大陸妹!
嘩~~~ 勁驚呀, 斷估我唔係恐怖得咁緊要下話?!
笑到阿洲在部life 勁跳, 之後我知道有cctv 映著, 就叫他不要跳,
但我就向住部cctv say hi~~
去到後一邊吃一邊癲ss 笑, 好變態,
之後我們勁傾計, 傾返以前細個小學/中學時的事,
余清&我講返小學時的男朋友仔, 勁好笑呀,
想返以前細個真的好傻仔&搞笑,
明明唔識乜野叫做鐘意, 但就會拖手, 一齊玩....
好多的搞笑事, 我們3個就勁笑,
笑到余清差點哽死, 之後就到我哽死, 再之後就輪到阿洲哽死....
好變態呀~~

在那裡坐到5.30 才走, 人地都放學啦,
出到去就勁涼&落毛毛雨,
我們落返尖咀, 再去habour city,
陪清在Laudar 買了支mascara 就走了。

今天又好累啦~~ 在西鐡和清訓死左~

明天星期六, 不用教琴, 請了假啦一早,
因為明天要上東莞短宣, 求主保守明天的天氣&我們的心,腳步~

P.S. 邊個係1D 同學呀? 劉金龍1D? 我好似對F.1 時的事沒有多印象喎, 連自己曾是D 班都忘記呀, 多謝你提返我, 但...你要話比我知你係邊個啦!!


>>February 25, 2005 at 4:35:20 PM GMT+8

2005 年 2 月 23 日 星期三 【乍雨乍晴】


天氣極度潮濕呀, 好唔掂呀,
屋企近門口的地下潮濕到好似剛拖完地咁呀!

今早本來約了同學仔去油麻地唱k,
但我....起不到身呀, 10.45 am jenny 打來問我,
其實那時都應該要出門口啦, 但我仍然在睡,
jenny 打來我好似語無論次般, 最後都繼續睡,
沒有去到呀!

下午爸爸炒了碟菜, 突然覺得好好吃, (爸爸煮野難得好吃呀~)
之後吃了個碗米, 又喪彈琴啦。

昨晚收到email 知道短宣要預備的歌有一首還未找到琴譜,
叫 "因衪活著", 之後我就上網找, 也找不到, 只有midi 聽。
其實根本就不熟那首歌, 我只懂得前面2句,
所以就喪聽啦, 之後就快速地譯琴譜啦,
感謝主呀, 勁快搞好, 但配chord 還有少少問題,
之後爸爸放工返來, 叫他幫我看chord, 幫我一把~
感謝主~~ 爸爸昨晚腰骨痛都幫我看,
要知道腰骨痛彈琴時是極辛苦呀, 彈琴的人就會知,
所以.........感動呀!!!!!

收到raymond sir 的email, 抽到可以去超級1號貨櫃碼頭呀,
而且圍來的朋友仔也有份去, 呵呵, 幾好!!

沒錯, 今天我又day off 呀, 這星期連續3日day off, 死未!


>>February 24, 2005 at 9:35:29 AM GMT+8

2005 年 2 月 22 日 星期二 【乍雨乍晴】


祇要用愛心，獻每一分，世間充滿快樂人，
原是與你，共同進退，彼此增添溫暖感；

祇要在我心，從來不分，貧賤，貴族，過路人，
惟願世界熱情滿載，無限祝福心裡印。

輕輕一聲親切慰問，談談願望，近況，將來，
不需要介意交出這份愛，同行沒法再陌生；

祇要待你真，謠言不侵，彼此開心笑面迎，
隨著節奏，盡情去唱，無限祝福溫暖，歌聲中播送。

>>February 23, 2005 at 3:08:44 PM GMT+8

2005 年 2 月 22 日 星期二 【乍雨乍晴】


睡到1時, 全日hea!

下午喪彈琴, 又彈了好幾小時, 之後上網。

晚上又得我一個人, 一個人煮了些生菜&魚肉吃,
okay 不太難食了!! goodssssss

晚上婆婆打來, 搵媽咪, 我就說她上了大陸,
因為阿公死了, 那刻聽到婆婆那邊沒有出聲數秒!
我心情都怪怪, 要表現得不想讓婆婆知道我不開心,
那我表現得普普通通, 沒什麼特別~~
勁問婆婆搵媽咪做什麼, 又說阿妹返part-time, 在那裡做,
阿爸返左工, 所以今晚得我一個等..........
但都聽到婆婆 "唉~~" 一聲, 問阿公幾時去。
um.......好難說, 雖則他們幾十年沒有見, 但我知道婆婆此終都有點不開心....


>>February 23, 2005 at 12:25:37 PM GMT+8

2005 年 2 月 22 日 星期二 【乍雨乍晴】


今天又是超凍, 完全不想起床,
11時才起床, 約了清在西鐡站等,
一起去元朗再join 他們。

去到在點心皇快速吃個流沙飽,
之後想去行一陣街,
但擾攘一番, 去完bank 後, 就再等阿明,
落住毛毛雨, 幾個人去了萬里緣拿盤菜!

之後就在千色後面搭小巴, 去阿明家,
在水蕉老圍村, 入到村再行入小小啦,
好凍呀!
阿明屋企勁大呀, 前後園, 3隻大狗,
我和黑妹好快就好熟, 她咬著個ball好開心罷尾, 又給我hand hand!

之後我們就10人就開始盤菜大宴,
吃剩呀, 因為太油膩。
我們又有吃蛋卷馬仔, 但有一陣怪味, 是油漆味馬仔 & 油漆味蛋卷呀!
後來就打麻雀, 笑死左, 好變態, 打到慢得好緊要,
完全是 "老人院式打麻雀", 見到都會眼火爆那種!!
我當然都有食過靚糊啦!
其他就在花園挫dee~

之後補祝我生日吃個朱古力moose 蛋糕,
其實一心都是去吃個盤菜同學聯宜會啦,
都沒想到會有個蛋糕, 而且還有個遲來的生日禮物,
謝!

之後我們再玩多陣uno, 勁打yawn, 好似吸毒怪.....
大約7時就走了, 阻住阿明吃飯。

出返去元朗, 制下我們5個去了吃indian food,
好飽呀, 吃到辣到他們飛飛下, 我就沒有事, 我辣怪嘛!
吃到差不多時, 就玩 "唔係呀麻, 咁鬼易..."
整間餐廳都聽到我們的笑聲!
其實本來間餐廳都好靜, 但當我們玩時, 就開始嘈了,
之後後面那台的人都傾計傾得大聲。
玩 "唔係呀麻, 咁鬼易..."時, topic 是講我joyce 的特徵,
哈哈~~ "成曰笑, 牙靚可以拍牙膏廣告, 條媚好, 皮膚唔差, 咀good, 眼大 (真係唔係呀麻!)..."
到我時我就講自己 "腳幼, 人索, 百一磅..."
哈哈~~

吃完後去了映貼紙相,
之後sogo 等阿清, 阿清要先走,
最後得我們4個去映。
好變態, 映到人都癲, 又熱,
豬咀相呀, 扮冇著衫呀, 男版洛神...咁都映得出,
愈睇愈傻仔, 映到key 落去咁, 好搞笑!

之後送他們去搭車, 自己再坐輕鐡返屋企。

返到去開份禮物, 發覺隻狗頭甩左呀,
斷頭狗呀....唔開心, 不過我會paste 返的~


>>February 22, 2005 at 5:09:15 PM GMT+8

2005 年 2 月 20 日 星期日 【乍雨乍晴】


今天凍到離奇, 凍到不想起身, 但最後都起到,
一起身見到香港得10度, 我這裡還要凍!!

之後返學, 自己遲了少少, 再等阿清, 她還遲過我,
所以我們返到去上e-logistic 時都遲了大約20分鐘。
返到去阿旺講的都okay 明的, 但都是起勢上網堂,
好變態! 愈來愈廢!!

之後去lunch, 條街勁凍, 我們激肚餓呀~
下午返去上cross culture, 聽miss 講書聽到好眼訓,
中段扒在台上睡了一陣, 但都聽到elaine 講的,
聽下死elaine講再看notes & 照住 high-light, 都明的~
但真的好眼訓!!!

放學時和班同學仔行出面條路, 經過 "白鴿陣",
我又來啦, 中白鴿屎呀! tooooooo bad 呀!
以前讀劉金龍有好多白鴿周圍飛, 都只是在中二時中過一次,
記得那次是我們成班同學在妙法寺出面的人參果樹下練歌去prepare music contend...
就是那次企定定才中白鴿屎!!!
今次只是行慢一步jei, 就中了,
我正在打電話, feel 到右邊膊頭有 "督" 野, "噠" 一聲,
我就知道是中屎了, 之後就向住前面班同學仔大嗌,
我說中了屎, 她們個個走過來, 勁說核突, 只有阿清替我 "抆" 個 "督" 屎!!
真是唔該晒!
唉~~ 那刻成條街都聽到我大嗌, 無人不知我中屎, 離晒譜!
個阿伯經過都站在我身邊看, 八到死!

之後陪清去了政府合署交紙, 超快!
then在西九吃tea, 和她傾了好耐計~
在行去地鐡站時有件好得意的事發生:
向我們迎面有一個男人拖住一隻超b b 的狗 (不知什麼狗, 個feel 好似小q, 不過深啡色)
個男人 & 翻版小q 向我們跑過來,
個男人就拖住小q, 但隻小q 就一味向我們直衝,
最後撞埋阿清隻腳度, 成個頭塞住阿清隻腳,
阿清話諗住唔郁, 等小q 自己轉灣行返出黎,
因為我和阿清屋企個隻撞到野都識得轉灣行返出黎咖,
但好搞笑, 小q 又跟住唔郁, 一味塞住阿清隻腳,
要個男主人覺得好似跑唔到先拖返佢出黎繼續跑...
超好笑 & 得意, 肥du du的,
後面有幾個女仔在阿清後面見到晒, 勁笑隻小q,
哈哈~~ 懵閉閉咖!!!

大約5時返到家~
返到去一陣又去教琴, 好凍呀!

好累!! 今晚得我一個人在家,
和陳家福穿了兩年衫才帶他行街街,
之後就自己煮飯食,
都唔知食乜, 求其見到雪櫃有乜就煮乜,
好難食呀!!! 但無理由浪費........
完全沒有意識地煮飯食, 所以極度難吃!!

這個星期會有3日day off 呀, 星期四elaine & raymond 會去中山trip,
所以又沒有堂啦, 不過又要等幾時補堂........
離晒譜呀, 放假咁!!!
最麻煩第日又要找時間去補堂呀!! 好唔鍾意!

今晚又幾度啦, 好凍呀, 真係離晒譜!!

今日有好多野都離晒譜呀!!


>>February 21, 2005 at 3:27:04 PM GMT+8

2005 年 2 月 19 日 星期六 【乍雨乍晴】


今天心情都還是傷心,
一早8.30 姬姐就打來問我傾了幾句,
我都知她今早才收到我的sms, 因為我昨晚12時許才send 給人...
唉~~ 之後就再睡多1個多小時就起身返教會。

今天都遲了出門口, 一上車就見到少萍姐 & 邦邦,
其實都是聽到少萍姐叫我我才知......我們大家都遲了。
剛返到教會, 阿洲就打來講了幾句...
其實一路都好多人問候安慰, 他們亦不知講什麼好,
我是明白的, 因為確實不知道怎樣和當時人講,
我亦都試過, 我有朋友的親人死了, 我自己都唔知講乜好,
但唔代表唔關心對方..........
所以你們有為我 & 我的家人禱告, 短短的慰問已經明白, thx!!
唯有主耶穌才明白我的感受!
今天崇拜請了梁姑娘講道, 遲了返去, 都get 到她的中心topic,
要結果子, 為神做好見證, 去傳揚福音....
"不以福音為恥..."
感謝神我未曾有覺得講給人知我是基督徒而羞恥,
因為根本就不羞恥, 害怕人笑? 有這樣想過,
而且的確曾經有人知道我是基督徒而有鄙視的眼光,
感覺到是 "你是基督徒? 好老套jei! 呢d 野唔信~"
難受? 有過, 但.......我的難受和耶穌當年被釘死 & 給人辱罵, 誰較難受??
我愛主耶穌, 我愛主我的神, 愛佢就唔會覺得羞恥,
況且, 全無羞恥可言, 亦知道, 只是他們不曉得, 未認識, 其實都幾可憐,
所以我沒有嬲過他們, 而且更可憐他們!

崇拜完後, 陳姑娘上台報告時, 都有講我阿公去世的事, (又搞到全教會的人都知)
個心好唔知點, 之後和陳姑娘傾, 我又喊啦, 不停流眼淚,
想叫自己千祈唔好喊都唔得, 唔識停呀d 眼淚!!
時常都想著, 真是難頂!!
之後我們為下星期要去東莞短宣事的開了一陣會,
我們年青人在想games, 要知道到時東莞工廠班工人有幾多人啦,
成千人, 好怕好難玩呀!
後來基哥問我準備的詩歌時, 我都呆了一呆,
其實因為我個腦都未曉轉, 整天就想著阿公的事。
傾傾下, 邦邦, 珊珊他們在我後面拿著朱古力蛋糕,
一邊唱happy birthday to u....一邊入來,
那刻呆一呆啦又, 想不到他們會買蛋糕.....
之後就映相 & 吃啦, 但我個腦還是想著阿公。
他們送了份禮物給我, 全部都是5歲以下玩的玩具,
都幾開心, 因為幾得意....但我溜了在教會, 唉~
失曬雲唔知做乜, 要下個再下個星期才拿返lu, 因為下星期都上了東莞...

今天教會的 "快樂園圃" 開幕, 下午領南大學班義工 & 嘉賓來了,
又有醒獅隊在準備....
不過我都沒有再留下參加觀看, 因為趕時間出去九龍灣練歌。
後來打電話給蘭子又沒有人聽,
之後就行過去搵蘭子, 去她屋企門口大叫 "蘭子! 蘭子!" 都沒有人應,
只有她家的幾隻狗勁吠, 我和珊在門口叫了好多聲都沒有人應,
對面林朗屋企的媽咪說蘭子肯定訓到未起身。
之後我們就行返過去教會, 不久就自己先走,
搭車去到太子, 蘭子才打來說剛到西鐡站, 因為剛剛起身....
最後我準時去到ACM。

去到ACM, 見到阿miu, 走過去和她們傾下計,
之後就開始, 一開始當然又是唱下歌敬拜神,
今次ivan 帶敬拜, 哈~ 之後就分parts 去練歌,
我們alto 去了8樓ACM office 練歌,
即上次interview 間waiting room,
好細, 好迫, 好焗, 我們跟Esther,
唱alto 真的幾難的, 看譜真是要看得快呀,
因為難在不是唱主音嘛~~
後來練到5時, 我們alto 大約廿人祈禱,
之後就落返去2樓, 見到soprano 還在練,
見到蘭子了, 她說4時05分才到....
後來再等埋tenor & bass 的弟兄, 全部choir 齊人後又再夾一次,
我時常受到主音saprano 擾亂到呀, 跟著就忘記自己parts的音了!

之後又分返組分享, 我組的組長gogo 買了個迷你蛋糕,
因為我組1月和2月夾埋有3個人生日,
一位姊妹1月, 我和另一個弟兄就2月,
他2月14日生日的, 幾o岩呀!
我們圍來唱生日歌, 之後gogo 用支筆扮蝋蠋,
我們就扮吹蝋蠋, then 她就拿走支筆, 幾搞笑,
白白痴痴咁!!
之後分享, 我又分享阿公的事.....因好想他們為我祈禱!

散會後, 和蘭子那組的組員去了德福吃dinner,
之後我和蘭子先走, 搭非法村巴,
超勁, 20分鐘就由牛頭角返到屯門市中心,
之後我們就行去搭西鐡返家!!

好累, 今天個人好累!!!
但你說 "因為主必不永遠丟棄人。主雖使人憂愁，還要照他諸般的發憐憫。因他並不甘心使人受苦，使人憂愁。 (哀3：31~33)

媽咪星期5才返到來hk, 求主繼續保守媽咪&在上面的親人......

神呀, 我知我又是時候站在等待你要我行的路了!
女兒心內有好多個迷網, 好多只有想做的事但又不知做不做到&怎樣做.....


>>February 20, 2005 at 3:17:34 PM GMT+8

2005 年 2 月 18 日 星期五 【乍雨乍晴】


神 是 為 我 們 施 行 諸 般 救 恩 的 　 神 ． 人 能 脫 離 死 亡 、 是 在 乎 主 耶 和 華 。 (詩68:20)

這節經文是我無意中在看興福堂的留言版時,
阿sam 還在時留的, 我看到後即時流眼淚!

今天我生日, 都沒有什麼心情, 因為晚上阿公死了......
一早教琴, 累到喪屍,
到晚上去了市中心, 因為約了dan & can,
我們去了何福堂對面吃 "打冷",
好多人, 和廟街有得比, 都好好吃, 而且價錢和廟街間生記差不多,
我們3個人叫了6個送吃, 瘋癲地吃,
之後她倆送了對耳環給我, 周大福的disney 系列耳環, 靚呀, thx~
吃吃下就收到弟兄姊妹的電話, 今晚是有團契的, 在珊家舉行,
成班人係齊度, 勁大叫 "生日快樂!",
之後就逐個向我 "拜年" 咁講野, "祝我....祝我....祝我...."
我勁說 "多謝...多謝...多謝..."
珊珊媽咪都記得我, 說個個都來齊, 為什麼不見我這個靚女來....哈~

10時許11時我們3個去了飲野傾計, 勁傾又笑, (有得笑就笑到盡)
之後我更玩到好大, 打電話給chik (dan 的朋友),
好直接地向他說dan 不喜歡他, 不接受他.....
之後聽到阿chik 唔知點咁, 好想講野, 但又唔知想講乜, ee 哦哦!
我就唔理好快講bye bye 就收左線。
笑到canlit 死呀, dan 就面都紅晒, 勁係度嘈 & 手凍+手震~
之後她立即熄電話好驚阿chik 打電話給她問她。
其實這位chik 生我是不認識他, 他也不認識我,
所以我才敢玩到這麼大。
我都是幫dan 講她好難開口的說話jei, 幾好呀!
我們傾到12時許就走了, 好累, 其實好開心和她們這樣傾計 & 玩。

之後返到家不久, 就收到電話, 阿公死了,
個電話搵媽咪, 她即時勁傷心勁流眼淚,
我和阿妹兩個即時沉默不語,
個心好傷心, 但沒有喊忍著。
之後珊珊就打來和我禱告,
我就在toilet 勁喊.....珊珊問我野都答不到。
好唔開心, 3個月內第二次收到我識的人離世的消息,
有點難頂!!!!!! 起初我忍住淚水, 叫自己唔好喊,
但入到toilet 就忍唔住........講唔到野,
個心真是唔知點, 沖涼時喊住同耶穌講,

感謝主給我阿公之前有向衪禱告的機會,
雖然未聽到完全的福音, 但有機會聽到主你的名字。
求主安慰我們各人的心, esp. 阿婆, 偉樂, 嘉鳳, 我媽咪.....
叫我地唔好太傷心, 主的心意我地未必明,
但耶穌你會知道我們的悲痛, 會安撫我地o既心.....

媽咪明早就趕返大陸, 求主保守她的腳步!!

2005年2月19日, 我踏入雙2年華的一天, 也就是阿公離去的一天......

傷心到爆!

神 是 為 我 們 施 行 諸 般 救 恩 的 　 神 ． 人 能 脫 離 死 亡 、 是 在 乎 主 耶 和 華 。 (詩68:20)


>>February 19, 2005 at 6:31:27 PM GMT+8

2005 年 2 月 18 日 星期五 【乍雨乍晴】


阿公突然危殆, 好唔開心,
媽咪直情出到聲同我講話個心唔知點咁,
搵張回鄉證都失晒雲, 但明明就在櫃面....
阿公已經唔再識鬧人, 唔想出聲, 食完就訓訓完就食,
但今天就完全一點東西也吃不下..........
我都唔知點, 傷心!!!
阿媽聽朝趕上去............阿公隨時.......
pray pray!! 佢未信咖, 佢只係上次係hk 跟陳姑娘祈禱過一次........
唔知呀.....好傷心, 好想喊!


>>February 19, 2005 at 6:39:20 AM GMT+8

2005 年 2 月 18 日 星期五 【乍雨乍晴】


昨天返學前還feel 到只有少少涼,
沒想到一返學就凍屎左!

昨天一早個學生媽咪打來問買書的名,
唉~ 未起身呀, 她知道我未醒就勁說不好意思!
我當然說 "唔緊要" 啦, 但心裡就....哈!
不久阿洲打來問我e-log. 的功課, 勁辛苦, 個人未訓醒就要個腦loading,
後來又傻笑啦, 死未, 又笑,
笑下笑下人都醒lu, 之後就是時候起身。

因為星期四補了課的關係, 所以昨天只返12.30,
有少許無聊, 返去上兩堂e-logistic, 就放學,
好在是lecture ja, 我都起碼會聽書寫下notes,
若是tutor, 就博晒命起勢咁上網, 阿旺又唔知up 乜鬼~~

放學後我們留在學校趕份final project,
free booking room 的電腦慢過隻蝸牛,
後來更做到hang 機, 整個mon 的字&圖都大到無倫驚死我睇唔到,
被阿朱話我部腦知道我發雞盲所以變大!!
4時許趕得到份project, 算了 1st draft都搞到咁,
交給阿sir 就走~
有時在想, 如果到時到最後要全部combine 在一起,
她們又會不會一樣地懶到最後一刻才肯去做呢?!
真是好屎煩的!
最後阿朱, nona & 我去了酸辣,
之後阿洲那邊也趕完份project, 他又過來吃酸辣。
好飽呀, 4時許差不多5時才吃完!

之後去了葵芳行一陣, 一出地鐡閘就見到zoe 走過來,
原來她剛放學, 之後才醒起, "係喎, TY ive 落返黎係葵芳喎!"
那刻覺得自己白痴, 仲問zoe 做乜係度, 哈哈~
之後和阿洲在葵芳廣場扭蛋,
扭米奇老鼠匙扣, 他一扭就扭到隻mickey,
之後我又扭啦, 扭了隻minnie, 再加隻donal duck,
勁好笑呀, 人地5蚊1隻, 我5蚊2隻!!
其實入$ 時我見佢未扭盡, 但唔理了, 照入$,
之後就擰啦, 起勢擰到盡, 就趺了2隻出來啦!!
勁得意呀, 隻隻成粒ball 咁, 但我最想要都是隻鴨女~

之後阿洲走, 我等燒燒,
和燒燒買衫。
9時去了和民吃dinner, 燒燒請, thx!
之後行多陣葵芳廣場, 我們又無得頂啦, 都話我們是天生一對咖啦,
知道就來收鋪, 我們在上層跑落去底層買__呀,
之後我們就覺得自己好好笑啦, 未見過人會跑去買__,
仲要係度叫 "行快d 行快d, 跑啦~~" 咁~~ 哈哈, 真係好笑~~
11時走, 搭巴士!

今早不起身教琴, 因為凍呀,
之後都遲了小小去到~
教完天水圍那2個學生後就返教會,
要教映彤, 但她還未來,
之後問芳姨, 後來打給珊珊問她,
珊珊說映彤返了來hk的,
後來收到收彤電話, 她說有親戚到她家,
我叫她來, 因為她媽咪在屋企會沒有問題的,
但她又說沒有帶琴書..........
無奈囉, 又唔一早打來, 要人地打去問佢先出聲~
我咪走囉, 阿芳姐知道後, 她替我嬲呀,
但我反而沒有什麼反應, 可能我累啦,
根本不想過教會教她, 想快點返屋企!
阿芳姐叫我要話她, 不可以遷就她來就來, 不來就不來都不通知一聲!!
我知道的, 但那刻又真的沒有反應, 呆左咁!
之後芳姐請我食粒金莎就走了~

dan: 有時搭車經過劉金龍, 見到學校後面以前d村變晒起晒高樓大廈, 係有少少失落! (冇晒d 村咁夏天咪唔會有蟲蟲周圍飛囉??! 哈哈) 雖然同劉金龍d 老師好似冇乜感情, 冇咩事都唔會諗到要返去咁, 但見到有時都會諗起以前學校的環境, 同你地一齊癲s 的情形都會諗返起, 亦都卦住阿chik sir........如果係街見到chik sir 個個係你, 佢一定認得你, 佢十幾廿年後都會認得你咖, 哈哈, cos u're special~

yes!! 生日快樂!! 不過我又老左啦!




>>February 19, 2005 at 6:32:43 AM GMT+8