2005 年 11 月 5 日 星期六 【晴】

今朝成８點先返到屋企訓覺
不過我仲未能夠安枕，因為我１點半要去打手球

我訓到１２點９先起身，之後食左ｄ野就飛奔出門口
本來諗住一定係我最遲先到，但係中途遇到黑仔
原來我地今日打果隊Ｍａｙ’ｓ係上屆甲組第１，我地只可能希望輸少ｄ

之後去到黃大仙個手球場之後就開始換衫同熱身
今場係我地第一場甲組比賽，好緊張
我最初估ｍａｙ’ｓ　ｄ人一定係年紀好大，但係原來都只係大我地３，４年

開波果陣已經連續比人入４球，不過對手好特別
我仲以為佢地會個人突破之後射，點知佢地球球都搓到空晒先射
上半場初段完全係比人係咁砌，毫無還擊之力，最多試過落後８分
我一直都做後備，係止半場最後果７，８分鐘先有得出（半場有３０分鐘）
不過我出到去簡直係垃圾，比人好清脆利落咁過左３球（入埋）
我只係好似一碌木咁企ｏ係度，一碌木都可能仲好ｄ，最慘就係比人地ｄ假動作ｆａｋｅ左
冇辦法，我以前已經成日偷懶冇練波，而且又肥左
打學屆都仲ｏｋ，一打甲組聯賽就冇料到．．．＞．＜
最後上半場輸１２：１８

到下半場一開始又比人禁住黎砌，落後成１０幾分
不過中間有ｄ野發生，果陣ｍａｙ’ｓ有個人進攻，阿豪守佢
咁但係果個人個膊頭撞到阿豪隻眼，之後仲要入埋
阿豪撞到之後已經坐左ｏ係地下，果個人繼續射其實都唔係大問題
最大問題就係佢之後仲要講：「起身啦！咪扮野，我比你撞到，我都冇事咯！」
果個人真係好冇品，冇可否認，果球如果要吹就一定係吹阿豪犯規（防守永遠係蝕底ｄ）
但係有咩理由人地跌低左仲要叫人起身架
而且佢咁慶，一定都係撞都好痛啦，既然佢個膊頭都撞到咁痛，何況係阿豪隻眼！？
無論係邊個撞到邊個都好啦，冇人會係有心走去撞人，點解果個人仲要去撩人？
本來佢仲想「格硬」拉阿豪起身架，不過佢ｄ隊友拉開左佢
果個人真係好冇品，就算佢真係好波，我都唔會認同佢
聽人講仲話佢係唔知邊間中學ｏ既手球隊教練，咁ｏ既人點去做阿ｓｉｒ呀！？

之後ｍａｙ’ｓ都換走左果個冇品ｏ既人，冇出剩低ｏ既比賽
而且佢地贏硬之後都開始有ｄ玩野，又傾下計，比我地入返幾球
而我又係時候出場，仲作出左我成場波最偉大ｏ既貢獻－－博到一球７公尺
不過呢ｄ野又唔輪到我去射，所以仲係冇統計數字
其實果球波有ｄ好彩，因為我接波果陣個位好窄，個守門員又飛緊出黎
所以我都諗住亂咁ｂａｎｇ埋去，多數都唔入
好在有個人又過黎推我，我成個跌左ｏ係度（我承認有點兒插水）
但係防守仲係好唔得．．．．
最後全場輸２１：３０

雖然輸波，但係都冇咩失望，因為可以同返以前ｄ隊友打波真係好
之後去左更衣室檢討，完左之後我又返屋企拎野返工

５點去到荃灣，成個人好支力，又唔夠訓，又打完波
最後企到１１點開一張單就去青衣交單走人
好支力呀！！！

>>November 6, 2005 at 6:43:09 PM GMT+8

2005 年 11 月 4 日 星期五 【晴】

今日係小學同學聚會ｏ既日子，約好左１１：００ａｍ　ｏ係葵芳等
不過我都仲係遲到左４個字．．．
真係唔好意思～

今次ｏ既人包括我，牛志，肥華，思敏，阿鳳，雞娜，阿君
我地由葵芳出發，坐地鐵去中環，再轉坐船去梅窩，即係我地ｏ既老地方
上一次去老地方已經係上年４月ｏ既事，不過記憶猶新．．．．

去到之後先租單車，＄１００有６架，好抵
之後去買野食ｂｂｑ，我負責守住ｄ車．．．＞．＜
買完就踩入去銀礦灣．．．

不過果度ｄ爐維修緊，我地唯有租爐，＄１０一位
之後開始燒野食，我燒左好多丸同包，好正
一路食又路傾ｄ低ｂ野，好攪笑
種感覺好ｒｅｌａｘ．．．

玩到ａｂｏｕｔ６點我就要走喇，因為我要去返工
不過大勝呢個時候先黎，我就影完大合照跑出去
跑到碼頭先知原來６：１０果架係快船，貴１倍－－＄２１！！！！
但係冇辦法啦，都要返出去．．．＞．＜
坐到中環之後又轉返地鐵返屋企拎野出荃灣開工
成７點半先到，趕到暈，不過好在ｔｉｍ叔唔知

之後做野做野再做野，最後開左一張單
去到１１點，ｄ同事黎到荃灣搵我打機，我見耐冇打就答應左
我地去左英皇果間度打，開始打１９４２，之後打ｃｓ，我完全唔夠打
跟住就打ａｏｃ，實在太好喇，我最在行
所以佢地唔夠我打．．．哈哈～

其餘時間又打下其他ｇａｍｅ，打到朝早７點幾就走喇
好累，當然沖完涼就訓．．．

>>November 6, 2005 at 6:43:27 PM GMT+8

2005 年 11 月 3 日 星期四 【晴】

因為琴日好夜先返，所以今朝遲晒大到
我最唔想發生ｏ既事終於都發生喇．．．
就係因為呢份工而影響學業，我本來諗住搵ｐａｒｔ　ｔｉｍｅ係賺少少＄＄
最重要就係唔好影響我ｏ既日常生活，包括讀書同打波．．．
呢份工的確係搵到＄＄，而且都搵唔少（如果ｋｅｅｐ住我呢個進度，可以搵６，７千蚊）
但係呢份工最差就係要返好耐，話就話６－１１ｐｍ
好多時又要出去交單，又要返公司，成日都攪到１２點，１點先走得
返到屋企又要玩下電腦，沖下涼，食下飯，最早都要２，３點先訓得
日日如是，攪到上堂又訓覺，又冇得去打波，真係好慘．．．

其實我有諗過唔做，不過好多人都叫我做多陣睇下點先
ｔｉｍ叔都話如果之後做得累就可以放返１，２個月假，到時返黎再做
其他同事都話我似係做ｓａｌｅｓ　ｏ既人，唔好唔做．．．
所以我都開始諗返ｋｅｅｐ住做．．．

咁唯有ｐｌａｎ好自己ｄ生活（要嚴格執行）．．．
書要讀，工要返，波要打～
返學要準時＋唔訓覺
工作方面就做到考試前就請半個月假，每個星期６，日朝早都要溫書
星期５就請假打波．．．

咁就為之ｖｅｒｙ　ｇｏｏｄ喇～

>>November 4, 2005 at 8:24:43 PM GMT+8

2005 年 11 月 2 日 星期三 【晴】

今日係阿圈生日，祝佢年年有今日，歲歲有今朝．．．
不過我因為一個誤會所以去唔到阿圈個生日ｐａｒｔｙ，真係唔好意思
大家聽我解釋先．．．

ｏ係大約一個星期之後個ｌｅａｄｅｒ話請全ｔｅａｍ去睇演唱會
咁我當然一口應承啦，誰不知個演唱會咁ｏ岩又係３號
我本來諗住唔去演唱會，但係個ｌｅａｄｅｒ又話買左飛
所以冇辦法，焗住去．．．

阿圈，如果你睇到ｏ既話，請你接受我ｏ既道歉
下年你生日我一定最早到，如果你仲在生的話．．．（哈哈～講笑）

結果我今日就去左會展睇演唱會，全ｔｅａｍ都有黎
個演唱會叫「新城古巨基友唱友和音樂會」
主角係古巨基，仲有ｋａｒｙ，側田，ｓｏｌａｒ，王婉之做嘉賓
雖然我冇咩點叫，但係都幾ｅｎｊｏｙ，幾好睇．．．

睇完之後就去左打邊爐，因為冇車，所以要坐紅ｖａｎ出旺角食
去左一間叫「花園金閣」ｏ既酒樓果度食
食左好多野，味道都唔錯

本來我地諗住屈ｔｉｍ叔（ｌｅａｄｅｒ）請，但係佢唔肯
不過最後都有屈服，擺低５００蚊，我地每人都只係＄５０

之後坐ｎ２４１返屋企．．．

>>November 4, 2005 at 8:01:31 PM GMT+8

2005 年 10 月 29 日 星期六 【晴】

今日係星期日，所以我返工又係返足一日
一樣係擺荃豐，不過最近就都係得我自己一個擺，有ｄ悶

企下企下又一日，隔離個和記又成日撩我傾計
好快又做完，開２張單，１張寬頻，１張ｎｏｗ寬頻電視
呢２日開左４張，算係咁啦．．．

之後親自出旺角交單，次次去親都攪到好夜先返
今次亦唔例外，上波樓交完單之後就去左食飯，有我，阿發，招仔，阿珠
阿珠好似同男朋友嗌左交，成晚痴住阿發，搵阿發出氣，好攪野

同佢地相處耐左之後，我發覺原來自己係一個好乖好乖ｏ既男仔
因為佢地雖然細過我，但係膽又大過我，見大場面又多過我
同佢地比較之下，我的確好「純」．．．
不過同佢地都幾好傾，幾玩得埋，返工都返得幾開心

我地食飯食左好耐，一邊食一邊玩，笑到死下死下，阿珠都變到冇唔開心
食完之後就冇地鐵喇，就唯有一齊坐ｎ２４１返屋企，返到去都３點喇．．．

>>October 31, 2005 at 6:45:27 PM GMT+8

2005 年 10 月 25 日 星期二 【晴】

２５號係ｉｖａｎ生日，今日就幫佢補祝生日
老實講，我以前做００３０識ｉｖａｎ果陣真係有ｄ唔ｌｉｋｅ佢
不過可能識佢耐左，掌握到佢ｄ脾氣同性格，宜家都覺得佢冇咩野

雖然唔係成日搵對方，但係佢生日一定會搵我陪佢，咁其實証明左２樣野
第一，佢冇咩朋友，如果唔係都唔洗搵我啦
第二，佢應該都好重視我呢個朋友，因為佢生日都會親自打黎約我
既然咁樣，我當然捨命陪君子啦．．．

阿ｐａｔ，大勝，ａｌａｎ同ｉｖａｎ傾好左去唱ｋ
仲係要去北角唱（ｉｖａｎ　ｏ係果度做，可以平ｄ）

因為我夜晚要返工，所以我放工先去ｊｏｉｎ佢地
我大約１２點半去到北角雲華，上到去佢地已經食住等
之後就開始搵野玩，咩都玩下

而且ｉｖａｎ又ｏｒｄｅｒ左２枝酒，好似叫「芝華士」
一聽就知勁野，４０％酒精
因為我唔識飲酒，而且第２日又要返學，本來諗住唔飲喇
但係又係咁比佢地迫我飲，咁我唯有靜靜雞溝好多綠茶先飲～

之後佢地開始醉，特別係ｉｖａｎ，飲左好多
不過我仲係好清醒，因為我飲左一杯都唔夠（雖然睇落去係飲左５，６杯）

大約玩到５點半就走喇，ｉｖａｎ醉到成隻死狗咁，胡言亂語又係咁攪阿ｐａｔ同大勝
不過超攪笑．．．就好似２年前又係同ｉｖａｎ慶祝生日果次咁．．．

之後等地鐵頭班車返屋企．．．．

>>October 27, 2005 at 8:11:46 PM GMT+8

2005 年 10 月 22 日 星期六 【晴】

今日係星期日，返左學校練手球
因為我今年報左打手球聯賽，同ｄ校友一齊打，大多數都係中５拎全港第二ｏ既隊友
其實佢地中５果陣已經組隊打聯賽，宜家終於打到上甲組，所以我都想湊下熱鬧

返到ｋｃｍ之後好有歸屬感，就好似返屋企咁
其實真係好掛住以前上堂ｄ日子．．．早知就唔訓咁多覺啦

不過今日唔齊人，好多人都冇黎，我周圍行左轉
之後換衫練波，有成年冇掂過手球喇，幾乎波都唔識「楂」
跟住就射下波，打下小組賽
大約１１點幾就走喇．．．

返到屋企就休息左陣，然後又出去返工
宜家荃豐果度係我主場，幾乎日日都擺
返工ｏ既生活都開始習慣喇，反正ｉｖｅ　ｏ既日子太悠閒
返下工，當活動下都唔錯．．．

>>October 27, 2005 at 7:42:51 PM GMT+8

2005 年 10 月 18 日 星期二 【晴】

今日返學好悶，做ｄ　ｌａｂ又唔識做
之後上英文堂果陣，個火警鐘響，我地就落左去停車場，咁就上少一堂．．．
不過好似冇咩事

放學之後返堅企休息左陣就出門口返工喇
今日又係同招仔擺荃豐，６點幾我先去到
果度擺左一檔有線寬頻，一檔有線電視，一檔９倉（即係又係有線），一檔和記
仲有就係我地ｐｃｃｗ網上行

做做下又有人過黎問，係一對夫婦抱住個ｂｂ
咁我就照啦，睇佢地個樣都係諗住登記架喇，實在太好～
跟住招仔過黎幫手，同琴日ｏ既情況差唔多
於是我就諗，以招仔ｏ既性格，佢一定會比張單我
但係琴日佢已經比左原本我想ｓｈａｒｅ果張單比我，我實在有ｄ唔好意思
不過一張單值差唔多１００蚊，我要左佢都係一件好事

當時我就拎左份ｆｏｒｍ出黎，做左個決定，就話
’招仔，你幫佢地登記啦～’
果陣招仔都好似呆左咁，不過都係幫個客登記左先
我就幫佢拎住ｄ野．．．

登記完，個客走左之後，招仔好似想遞返份單比我
不過我就話我拎左琴日張單，就叫佢要今日呢張
佢就即刻好開心（因為佢呢個月唔多夠數）

之後我就諗，其實個客係我撈返黎，又係我ｓｅｌｌ先
照規矩就係我開ｏ既，我唔比單招仔佢都無可厚非
不過唔知點解，比左張單招仔之後，我一ｄ後悔ｏ既感覺都冇，反而有ｄ開心
相反琴日我拎左張單之後個心就好似唔多ｈａｐｐｙ咁
我終於發覺一樣野：有時候唔係得到先會開心，反而係失去都會開心

跟住招仔就去左買野食，返黎之後買左盒檸檬茶比我
嗯．．．太好喇，呢一班同事真係太好喇～
雖然一盒檸檬茶（最多＄５）比起頭先張單（差唔多＄１００）根本冇得比
但係我比自己開到一張單更滿足

其實我一直搵緊一個ｏ岩我ｏ既世界，或者係一種生活
ｏ係果度，我應該係開開心心，好舒服，咩擔心都冇，咩苦惱都冇
我仲一直都以為我呢種人冇咩可能進入呢個咁好ｏ既世界
不過ｏ係招仔遞包檸檬茶比我ｏ既時候，我彷彿窺探到我可以去到呢個世界．．．
冇錯，我仲要繼續去追尋～

之後我同招仔成日傾計，咩都傾下，好快變到好熟
不過又係因為咁，我同佢都再冇開過單．．．
今日整體黎講真係一ｄ都唔支力，仲好開心
感覺上越黎越喜歡呢份工同ｄ同事～

我唔係話以前ｄ同事唔好
００３０果陣識到ｏ既同事一樣係好好，不過果時返工唔多開心，所以冇咩感覺
速遞果陣ｄ同事都唔錯，不過同我差唔多年紀ｏ既就冇咩人．．．

大約１０點半，我就走喇
招仔本來係搭紅ｖａｎ去旺角（唔洗３個字就到，快到暈）
不過我就唔出旺角喇，況且都冇單交，但係就陪我搭地鐵，送我返葵芳

最後返到屋企夜晚睇完波先訓．．．

>>October 20, 2005 at 4:21:40 PM GMT+8

2005 年 10 月 17 日 星期一 【晴】

今日返學無所事事，渾渾噩噩又一日
夜晚又返工，同招仔一齊擺荃豐橋
果度人就多，ｐｒｅｓｅｎｔ就一般多啦
好多都只係問有咩送．．．

之後我就好彩，有個客過黎（佢本身已經諗住登記）
咁ｏ岩招仔背住佢，所以我快過佢回應個客
之後我就ｓｅｌｌ個ｐｌａｎ比佢，招仔都有幫手
咁個客冇問題，我就幫佢登記喇，招仔都有幫我填返ｄ野
本來張單諗住同佢ｓｈａｒｅ架，但係佢又冇諗過要
咁我就袋左張單喇，其實我自己都唔係咁好意思．．．．

所以我之後仲落力，諗住搵返個客幫返招仔
不過想搵個停低聽ｐｒｅｓｅｎｔ都冇．．．

最後做到１０：３０ｐｍ就走喇，又招仔去旺角交單
我就返屋企～

>>October 18, 2005 at 4:45:36 PM GMT+8

2005 年 10 月 16 日 星期日 【晴】

今日返學．．．
可能係返左兩日工ｏ既關係，好似好耐冇返學咁
唔知點解，今日有ｄ唔舒服．．．＞．＜

上堂果陣超眼訓，完全聽唔到阿ｓｉｒ講ｄ咩
之後就同ｄ同學仔一齊食ｌｕｎｃｈ
食完之後就去圖書館睇書

下晝上ｐｒｏｇｒａｍｍｉｎｇ
又係做下ｊａｖａ．．．

３：３０就放學，本來諗住唔上壁球堂，但係又想出下汗
終於都係去左喇．．．
大家先學返開波，之後就搓下波，咁就一堂～

返屋企之後食ｄ野又要出門口喇
因為今晚要去旺角開工，同阿發一齊擺
去到之後先陪佢食野，然後佢又教左我ｄ野
又講下其他同事，原來我果ｔｅａｍ有７個人
ｌｅａｄｅｒ就係見工果時果個人

同事包括：
１．阿威（２２歲，ｔｏｐ　ｓａｌｅｓ，即係第１，２日帶住我果個）
２．阿康（最大年紀果個，大約３０啦）
３．阿發（１７歲，今日個ｐａｒｔｎｅｒ）
４．阿珠（１７歲，唯一一個女仔，樣ｏｋ，性格不詳）
５．阿能（１６歲，但係全ｔｅａｍ最高）
６．招仔（１６歲，年紀最細）
７．阿偉（１９歲，新人，就係我喇）

除左阿威之外，人人都要返學，阿康都要，不過佢係教書
其實個個同事都幾好，幾ｔａｌｋ得，所以我變到係最靜最乖

食飽左之後就開工，果度唔可以開檀，淨係開左枝旗
跟住就不停做．．．．
呢度好多機會ｐｒｅｓｅｎｔ，不過ｄ客個個都話諗諗先．．．
結果又係一張單都開唔到．．．＞．＜

之後ｄ同事黎晒旺角交單
交完單就一齊食宵夜，個氣氛都唔錯～
食完野之後已經１點幾，唯有一齊坐ｎ２４１走．．．

>>October 18, 2005 at 4:32:28 PM GMT+8