2005 年 12 月 28 日 星期三 【晴】

聽日係左輪生日，生日快樂先～～
今日要返學校攪個ｐｒｏｊｅｃｔ，所以就返左ｉｖｅ搵ｄ同學仔
但係返到去佢地都話攪唔掂，一黎唔識，二黎燒ｉｃ果部機又死左
結果冇得做，返到去淨係打機，打到３點幾就走喇．．．

返到屋企休息左陣又返工，又係落返旺角
因為今日開始做ｏ既單都會跌落１月，所以我都冇咩心機做，成日同阿發，阿珠傾計
而今個月就岩岩好１４張，岩岩好唔夠數，不過ｔｉｍ叔都話照計我１５張咁出，太好喇．．

做到大約８點半我就走去青衣打邊爐，阿發同我講搭４１ａ會快ｄ
咁我信佢啦，點知等車等成半個鐘，去到都成９點半．．

今日有我，左輪，ｒｏｃｋｙ，圈，ｋａｉ豪，叉燒，昆，朱玲同大佬
我一坐低就狂食野，食好多好多肥牛，飲好多橙汁
之後我爆左阿圈有日記ｏ既事出黎，希望阿圈唔好嬲啦．．
食飽之後就影相，影完相就等倒數到３０號，正式同左輪講生日快樂
最後就各自歸家．．

>>December 29, 2005 at 6:30:55 PM GMT+8

2005 年 12 月 25 日 星期日 【晴】

今日訓到好晏先起身，之後就預備禮物就去打邊爐
冇錯，今日又係小學同學聚會～
有我，大勝，牛志，君，雞，肥華，絲襪女７個人

不過我冇咩胃口，食唔係好多野，罕有地回唔到本．．
食下野傾下計咁啦，又玩下ｉｑ題，玩下魔術
最後就到交換禮物喇，我地用畫鬼腳ｏ既形式抽
我抽左大勝個收音機，阿君抽左我ｏ既朱古力

食飽之後就去左新都會坐，傾下近況咁
絲襪女同大勝ｏ既近況最驚喜，真係令人羨慕
跟住又分朱古力食，真係好～

之後阿ｐａｔ同銳哥話ｏ係葵芳跑完步，咁我就緊係都要聚一聚
佢地都黎埋新都會，咁我同小學同學影埋相就散喇
咁我同大勝就搵返阿ｐａｔ同銳哥傾下計
傾傾下傾到ｉｖａｎ，本來佢就約我地今日出黎玩，但係我地都有野做
結果我，阿ｐａｔ，大勝就上去葵盛搵ｉｖａｎ吹下水當陪罪
傾呀傾，傾到成３點先走，一個人行返葵芳都幾恐怖．．．＞．＜

>>December 27, 2005 at 7:52:29 PM GMT+8

2005 年 12 月 24 日 星期六 【晴】

今日係聖誕節，ｍｅｒｒｙ　ｘ’ｍａｓ　ｅｖｅｒｙｂｏｄｙ～
本來今日約左踩單車＋ｂｂｑ，但係今日約左個客中午出黎簽單
之後我打比個客，佢話有野做唔得閒，轉頭打比我
隔左個幾鐘都未搵我，於是我又打比佢，點知係留言信箱．．．
玩咩．．．我聖誕佳節要我等你咁耐，簽到單都唔值啦
跟住我就唔等喇，但係佢地又已經開始踩單車，咁我都ｊｏｉｎ唔到佢地啦
咁唯有ｏ係屋企等佢地ｃａｌｌ我

大概５點幾，阿昆打比我話去大尾篤ｂｂｑ
正呀～最鍾意大尾篤，好舒服
之後就落百佳，買齊佢地要買ｏ既野就先坐４７ｘ去沙田火車站
再坐火車去大埔火車站，再坐７５ｋ去大尾篤
結果成８點先去到目的地．．．

我去到有圈，ｋａｉ豪，ｋ樂，傻威，昆，朱玲，大佬
跟住緊係燒野食啦，因為我有ｄ感冒同咳，所以我淨係燒腸仔食
一個人都食左一包半！！之後又有踢下「顯」，好正
大約去到１０點半就執野，行入水壩度玩
行去果陣超正，周圍環境若隱若現咁，又靜，空氣又清新，種感覺一流
入到去訓低望下天空，成個人好ｒｅｌａｘ，我一直就係想搵呢種ｆｅｅｌ
大家唔好以為我活潑好動就覺得我冇時停，但係其實我比較鍾意安靜
最後１１：３０就飛出去搭車回家，好彩仲有車返去

>>December 27, 2005 at 7:54:49 PM GMT+8

2005 年 12 月 23 日 星期五 【晴】

今日係平安夜，我祝大家聖誕快樂～～
雖然係平安夜，但係我都冇地方去，都一個人成２年幾喇．．．
人又老，錢又冇，女朋友又冇，真係好孤單．．．＞．＜

本來阿發話聖誕都冇女朋友陪就返工，咁我就話陪佢一齊返工
點知佢前幾日又搵到個女朋友，結果成ｔｅａｍ得我同阿康返工

不過平安夜都好多人行旺角，只係行街，唔會搵上網，所以我同阿康都做到好悶
之後有２個女仔走去問阿康上網，我見佢地著到出黎玩咁，我仲諗住佢地係玩野
因為成日有ｄ女仔行埋黎識下男仔（不過冇人想識我．．．＞．＜）
點知佢地傾傾下又有講有笑，個女仔又想用ｎｅｔｖｉｇａｔｏｒ，阿康咁就開左一張單
真係令人羨慕，又開單，又有靚女傾計．．．

最後企到１１點，心灰意冷，只好執野返屋企

>>December 27, 2005 at 7:10:40 PM GMT+8

2005 年 12 月 19 日 星期一 【晴】

今日依舊返學放學，返工放工
不過最特別係今日有ｐｃｃｗ　ｏ既ｓａｌｅｓ聖誕聚餐
有得碌ｌｉｎｇ，有得篤波，又有野食，最重要係唔洗＄＄，咁我緊係去啦

我地ｔｅａｍ都有好多人去，有我，發，威，康，珠，仲有ｔｉｍ叔
去左奧海城個保齡球場，果度差唔多有２００個ｓａｌｅｓ
有ｄｉｒｅｃｔ，又有ａｇｅｎｔ，大家有傾有講

首先緊係食野啦，雖然冇咩好野食，但係我都食左好多好多野，食到好飽
之後就搵左條球道打保齡球，我１００分都唔到．．．＞．＜
跟住就有抽獎，２００幾人抽差唔多１００份禮物，１／２機會
結果我抽到個膳魔師煲，拎返屋企比阿媽都好～
玩到３點先返屋企，玩得好ｈａｐｐｙ

>>December 20, 2005 at 8:36:31 PM GMT+8

2005 年 12 月 17 日 星期六 【晴】

今日放左工之後有公司活動，我地ｔｉｍ　ｔｅａｍ同老ｍｉｃ　ｔｅａｍ去唱ｋ
每人＄１５０入場費，任叫任食，其他由ｔｉｍ叔同老ｍｉｃ出
我本來唔多想去，因為我又唔飲酒，都唔洗出＄１５０，但係最後都去左

我地去左百老匯果間ｎｅｗａｙ，一坐低佢地就叫左４打啤酒同十幾碟小食
原本我講好左唔飲酒，但係都比佢地灌左我飲左ｄ
之後好多人都醉晒，得我同阿發唱歌，唱到冇咩歌可以唱
最後玩到４點幾先走，ｔｉｍ叔請坐ｔａｘｉ返屋企

其實呢班同事真係幾好人，有玩得ｏ既，有傾得ｏ既，又有好好人ｏ既
而且ｔｉｍ叔又好人，相比起以前００３０果個阿琪真係差好遠
００３０果陣淨係要我地跑數比佢，有就有，冇就話
而ｔｉｍ叔佢知我返學都冇咩要求，而且又多同我地傾下計
得閒就食下飯，就好似同事一樣，所以我做得都幾開心

不過我其實已經決定左做埋今個月就唔做
因為呢份工太影響我ｄ生活喇，返學遲到，又唔夠訓
而且ｄ＄＄又用得快，不知不覺呢個星期用左成１０００蚊，但係又唔知用左去邊．．．
宜家學校ｄ人都叫我ｃｅｏ，因為我返學永遠係最遲入黎，最早走
上堂又坐最高果個位（因為方便ｓｌｅｅｐｉｎｇ）
坐校巴又係要坐頭位（因為可以早ｄ落車）
學校生活都幾好，不過我最想就係好好休息一下．．．ｚｚｚ

>>December 20, 2005 at 8:59:20 PM GMT+8

2005 年 12 月 8 日 星期四 【晴】

雖然我最近好多野做，好忙，但係我都冇忘記到你．．．
我ｏ既鼠鼠，我從未忘記過你．．．

今日係我隻倉鼠ｏ既死忌，ｏ係上年ｏ既今日，佢離開左呢個世界
呢個日子已經成為我心中一個永遠記住ｏ既日子，就好似我ｏ既生日一樣
我唔知咁樣算唔算一個病態，但係我的確一有時間諗野就會諗起佢
朝早起身ｏ既時候行出房我都係靠右行，因為以前個鼠籠放ｏ係靠左位置，我唔想踢到個籠
我本身係一個冇咩記性ｏ既人，但係我依然好記得以前種感覺，氣味

其實我宜家都冇諗過區區一隻倉鼠會對我有咁大影響
但係無可否認，佢已經係我林偉呢一個人ｏ既人生中扮演重要ｏ既角色
如果我人生中冇題到佢ｏ既出現，咁呢個並唔係我ｏ既人生

佢宜家已經唔ｏ係度，我唔知我再可以為佢做ｄ咩
不過我相信有緣份呢樣野，我知道佢一定ｏ係呢個世界其中一個角落等緊我
同時，我亦等緊你呀．．．．．

－－－－－－－－－－－－－－－－－－－－－－－－－－－－－－－－－－－－－－

＜＜夜曲＞＞

歌手：周杰倫 | 作曲：周杰倫
填詞：方文山 | 編曲：林邁可

＃一群嗜血的螞蟻　被腐肉所吸引
　我面無表情　看孤獨的風景
　失去你　愛恨開始分明
　失去你　還有什麼事好關心
　當鴿子不再象徵和平　我終於被提醒
　廣場上餵食的是禿鷹
　我用漂亮的押韻　形容被掠奪一空的愛情＃

啊　烏雲開始遮蔽　夜色不乾淨
公園裡　葬禮的回音　在漫天飛行
送你的　白色玫瑰　在純黑的環境凋零
烏鴉在樹枝上詭異的很安靜
靜靜聽　我黑色的大衣
想溫暖你　日漸冰冷的回憶
走過的　走過的生命
啊　四周瀰漫霧氣　我在空曠的墓地
老去後還愛你

＊為你彈奏蕭邦的夜曲　紀念我死去的愛情
　跟夜風一樣的聲音　心碎的很好聽
　手在鍵盤敲很輕　我給的思念很小心
　你埋葬的地方叫幽冥

　為你彈奏蕭邦的夜曲　紀念我死去的愛情
　而我為你隱姓埋名　在月光下彈琴
　對你心跳的感應　還是如此溫熱親近
　懷念你那鮮紅的唇印＊

那些斷翅的蜻蜓　散落在這森林
而我的眼睛　沒有絲毫同情
失去你　淚水混濁不清
失去你　我連笑容都有陰影
風在長滿青苔的屋頂　嘲笑我的傷心
像一口沒有水的枯井
我用淒美的字型　描繪後悔莫及的那愛情

REPEAT＊＃

－－－－－－－－－－－－－－－－－－－－－－－－－－－－－－－－－－－－－－－－

仲有，今日係同ｋｃｍ同學仔食飯ｏ既日子
我如常返工，返到８點佢地過黎搵我，之後就同佢地一齊去左食沙嗲王
等左好耐先有位，９點２先有得叫野食
我食左個沙嗲牛肉米線再加一個淨白咖哩飯
食到好飽，食飽之後再傾下計，笑左好耐，本來諗住傾下聖誕節去邊度玩，但係傾唔成
跟住大家陪我過返麥當勞執野，又傾左好耐，終於傾好聖誕去邊玩
諗住ｂｏｏｋ　間ｈｏｕｓｅ，又可以ｂｂｑ，又可以玩通頂
好期待聖誕節ｏ既來臨～

>>December 9, 2005 at 8:30:48 PM GMT+8

2005 年 12 月 3 日 星期六 【晴】

今日見間房太亂，於是執下野先
執野果陣發現左一大疊聖誕咭（以前執野都搵唔到）
如果冇記錯應該係小學果陣用淨，因為小學成日寫聖誕咭
我見有ｄ仲好新，唔好浪費，於是就開始寫咭比ｄ同學仔

經過挑選之後，可以用ｏ既聖誕咭剩低大約２０張
咁我就寄左比一ｄ同我有２句ｏ既同學仔
大家唔好睇少呢張咭呀，裡面係一份接近１０年ｏ既祝福呀
希望大家聖誕節開開心心～

>>December 9, 2005 at 8:39:42 PM GMT+8

2005 年 12 月 1 日 星期四 【晴】

今日請左假，因為要去教院練手球
我地ＫＣＭ聯賽隊好少話去操練，所以冇咩進步
宜家上到甲組仲要輸到７彩，所以有機會練下波都好

咁岩阿銘又係教院手球隊，佢問過阿ｓｉｒ話可以比我地隊波上去跟操
於是就約左今日一齊去一去教院開下眼界
有我，黑仔，魚腩，爛面，高雄，阿發，高佬，岩岩好７個
本來約左夜晚６：３０大埔等，最後要８點先去到教院．．．

果度真係超靚，而且又大，四周小橋流水，夜晚行更加有氣氛
行左一陣，終於去到手球場，見到教院隊波，仲有何郭佩珍ｄ人！？？
原來教院個手球阿ｓｉｒ即係何郭佩珍個伍ｓｉｒ
佢教教院之餘又可以帶埋自己隊聯賽隊去訓練，唔怪得佢地隊波人人都咁ｆｉｔ啦

去到熱左陣身，之後個阿ｓｉｒ就話打下ｆｒｉｅｎｄｌｙ先
有４隊：我地ｋｃｍ，何中，教院ａ，教院ｂ，大家輪住打
不過阿銘就冇過黎我地呢邊，留返ｏ係教院隊，而我地就得７個打晒咁多場（好支力）
打教院果２隊都冇咩問題，只係打唔過何中果隊，葉仕仁又表演左幾球靚波

不過我今日打得好差，雖然我冇咩邊場打得好，但係今場真係好差
防守又走漏眼，又冇出聲題隔離，又比人過
因為我打學屆果陣係打半人釘人，自己跟返自己果隻，我淨係跟人地隻ｃｅｎｔｅｒ
宜家打返聯防，仲未係好習慣．．．．
而且進攻果度打得又唔好，又冇望波
之後佢地多次點名話我，我先集中返一ｄ，打得返好ｄ

其實我有ｄ覺得自己好似拖累佢地咁，仲未到佢地個ｌｅｖｅｌ
我之所以可以每場波都打到差唔多一半，我諗係得２個原因
１．場場波都黎唔齊人，得１０，１１個
２．大家覺得ｄ後輩（肥ｂ果ｄ）都可以打好耐，如果我呢ｄ「前輩」冇得出會好「魚」
我諗我真係要搵時間操返ｆｉｔ　ｄ，唔可以再咁冇咩作為

之後打到１０點就走喇，教院ｄ朋友好ｎｉｃｅ
又握手，又講ｂｙｅ　ｂｙｅ同多謝指教咁樣，真係好希望下次都有得再黎同佢地打
跟住沖涼換衫就離開呢個咁靚ｏ既地方，但係搵左好耐先有車返去
先坐＄５．５小巴去大埔中心（有靚女坐我隔離），再坐＄８．４去城隧轉４７ｘ返葵芳
中途又講起以前ｄ比賽，又講起中５，６精英賽，令我重拾返好火熱ｏ既鬥心
今日好正，好想快ｄ再一齊打波

>>December 2, 2005 at 8:43:04 PM GMT+8

2005 年 11 月 30 日 星期三 【晴】

最近因為ｏ係荃豐日日炒蛋，所以轉左去荃灣街市個麥當勞擺檔
而阿威就擺力新，我成日過去搵佢

不過佢話我ｄ介紹仲係好差，成日講ｄ無謂ｏ既野或者比ｄ客有考慮空間
我見阿威介紹果陣通常都係傾計咁，問果樣答果樣，個客冇問果ｄ就唔講
而且好識迎合個客人ｏ既口味，捉住佢地個需求，好快個客就肯簽
當然阿威冇呃過ｄ客，只不過係用技巧說服ｄ客
但係我就好多時都係同個客講一大輪野，又等個客諗下先，次次都花成個鐘先簽一個客
更加流走左唔少客，冇去夾住佢地

其實我之前都有考慮過呢個問題，我覺得自己都唔係做ｓａｌｅｓ　ｏ既材料
好多時有人過黎問價錢果陣我都會好老實咁話網上行係最貴果間（雖然人人都知）
住唐樓ｄ客問，我又會話有２間公司有覆蓋，係我地同新世界（一般ｓａｌｅｓ唔會題新世界）
但係如果要我冇完全交代清楚比個客又要個客簽，我就過唔到自己果關
都係打份工ｏ者，我又唔係要搵好多＄＄，況且有ｄ客好好人，我都唔好意思夾佢

所以我只係想憑自己良心做野，阿威教左我好多實用方法我都聽下就算
因此之故，我今日又炒蛋．．．．＞．＜

之後阿ｐａｔ同銳哥黎左荃灣搵我
我地上左麥當勞吹左陣水，大概１１點半我就走喇
因為２號係招仔生日，我地一班同事同佢慶祝
雖然冇單交，但係都出左旺角搵佢地
我地一齊去左食韓燒，有我，招仔，阿威，阿發，阿康，阿能，阿珠，細葉，細葉ｇｆ，仲有ｔｉｍ叔
食呀食，食左好多好味野，又傾計又玩，好耐未試過咁ｈａｐｐｙ
ｔｉｍ叔其實都幾好人，佢又唔會話我地冇數，而且都會關心下我地ｄ學業
又肯同我地一齊打成一片，又咩架子
好過以前ｉｄｄ００３０果個好多．．．

食到２點幾，食又食完，玩又玩夠
我地幾個一齊坐ｎ２４１返屋企

>>December 1, 2005 at 9:06:02 PM GMT+8