2006 年 4 月 13 日 星期四 【晴】

今日係阿潘生日，所以又要出去慶祝，順便見一見潘嫂～
首先我同阿ｐａｔ約好左買ｃａｋｅ先，我地去左荃灣買，買完之後放ｏ係佢地鋪頭先
不過其他人都未出黎，我同阿ｐａｔ就去左悅來坊間機鋪打機
果度幾好，唔食得煙，又闊落，仲要好多靚女（我最初以為唔比男仔入）
我地玩左陣賽車，之後有２個女仔ｏ係隔離跟機，唔知係咪想同我打呢？
不過我玩完一盤就玩第２ｄ喇．．．

等到大約８點鐘，佢地終於出黎喇，見到肥濃同佢女朋友（第一次見，係咪叫ｐｏｌｙ呢？）
仲有阿瀋同阿嫂，阿嫂係台灣人呀，生日特登黎探阿潘，不過我國語不行，溝通不到
不過未夠鐘食野，我地四圍行住先，阿潘同潘嫂行開左睇介指
我地去左搵禮物送比阿潘，之後ｏ係ｓａｓａ買左枝古龍水，我都係第一次買呢ｄ野
因為潘嫂住酒店，我地就順手拎埋個蛋糕去酒店，擺ｏ係人地度雪住（當然阿潘唔知啦）

攪下攪下，終於去到９點鐘食野，我地去左英皇食韓燒
因為好肚餓ｏ既關係，我地食左好多野，係咁食，係咁拎，咩都試下
一邊食，又一邊傾，原來阿潘同潘嫂已經預備緊結婚，要儲＄＄做人情喇．．．

食到大約１１點，我地上左去阿潘酒店房果度玩，原來悅來酒店都幾靚
我地玩左ｄ分組遊戲先，一ｐａｉｒ咁玩，肥濃同阿潘都有佢地一ｐａｉｒ，而我就唯有同阿ｐａｔ一隊啦，好彩輸左唔洗錫，如果唔係就好大損失喇．．．

玩到差唔多，我同肥濃就落去拎返個蛋糕，點知個服務員話幫我地拎上去．咁冇計啦，蝕左貼士比佢．．．
上到去比左個驚喜阿潘，之後一齊食蛋糕，食完又飲ｄ酒
好彩係果ｄ果汁酒，所以我都飲左一枝，算比晒面啦～
跟住又玩下ｇａｍｅ，鋤下ｄｅｅ，玩到４點幾先走，留返ｄ時間比阿潘同阿嫂．．嘿嘿．．

最後我同阿ｐａｔ同路一齊行返屋企，返到去沖完涼就訓ｌｕ～

>>April 15, 2006 at 9:10:55 PM GMT+8

2006 年 4 月 12 日 星期三 【晴】

今日係復活節假期ｏ既第一日，終於可以放一放假ｒｅｌａｘ下～
雖然平時返學都好ｒｅｌａｘ，但係一大班ｆｄ出黎玩係最好

為左慶祝朱倩玲生日，我地約左去西九龍食壽司
有我，ｋａｉ豪，ｒｏｃｋｙ，軒爺，左輪，傻威，ｋ樂，昆，朱倩玲，ｂｅｔｔｙ
坐左一張角落ｏ既檯，自成一國，幾好

我地叫左好多壽司食，不過食黎食去都係果幾隻．．．．
之後食剩十幾件，又唔可以浪費，唯有玩遊戲，輸左就食一件
起初玩包，剪，鎚，但係太多人，分唔到勝負，所以改左淨係可以出包同鎚
當然全部人出包啦，點知竟然有人會出鎚，真係嚇死人．．．
果個就係ｂｅｔｔｙ喇，佢仲要諗左好耐先話「我明喇」！！
攪到我差ｄ連去到直腸ｏ既壽司都嘔埋出黎．．．
之後玩大眾「梅」，又係ｂｅｔｔｙ輸得最多，我諗佢一定係好肚餓．．．

食完之後我就拿拿聲走ｌｕ，因為約左小學同學唱ｋ，不過遲晒大到，冇諗過要１０點幾先去到．．．
今日出席ｏ既人有：我，大勝，志，肥華，君，娜，絲襪女（我黎到佢已經走左）
最後坐左一陣，飲左一杯檸檬茶，食左ｄ　ｎｕｔｓ，唱左一首歌就走喇
好～下次小學同學聚會活動由我負責，玩咩好呢？？

>>April 15, 2006 at 8:36:17 PM GMT+8

2006 年 4 月 8 日 星期六 【晴】

今日係打手球ｏ既日子，對石天，即係威濤
第一循環打完之後，分數會除２帶落第二循環
即係：
６．荃青－－－－９－－＞４．５
７．火鳳凰－－－６－－＞３
８．科聯－－－－６－－＞３
９．顧超文－－－６－－＞３
１０．威濤－－－３－－＞１．５
因為威濤ｄ人好多要考公開試，所以贏左我地之後就輸晒
但係佢地應該係實力最強果隊．．．

我１２點半去到，ｔｈｅｎ換衫同熱身，因為高佬傷左ｏ既關係，今場我打正選
而佢地係出細果班先，即係８７，８８，８９果ｄ人
不過一開波大家好似未訓醒咁，比人係咁打快攻，打左幾分鐘已經落後０比５
我仲要比人換埋出黎，但係都係比人禁住黎砌，最多輸到２比１１
集中左之後就好返ｄ，追返接近ｄ，上半場落後１０比１６

到左下半場就越打越好，打返我地原有ｏ既本色，成場波我地都係打反擊為主
就好似巨浪咁沖上去，最接近果陣追到只係相差３分
不過始終都係唔夠時間追，輸２３比２７完場．．．＞．＜

宜家個榜係咁：

６．荃青－－－－７．５
７．火鳳凰－－－６
８．威濤－－－－４．５
９．科聯－－－－３
１０．顧超文－－３

唉．．．真係好失望，為左要下年繼續打甲組，３０號一定要打敗荃青！！！！

之後返左屋企休息左陣又返工，落去旺角擺
但係好支力，又眼訓，好彩最後都有一隻～
收工果陣同ｄ同事食飯，傾左陣計，原來我地公司攪攪下得返幾個ｓａｌｅｓ
可能唔捱得好耐．．．

最後好彩趕到尾班地鐵返屋企～

>>April 11, 2006 at 11:56:08 AM GMT+8

2006 年 4 月 1 日 星期六 【晴】

今日又係去置富，不過２點先出門口，先坐地鐵去金鍾再轉ｂｕｓ
沿途發現好多新奇野，有棟唔知咩大廈叫「衛蘭軒」，唔知英文係咪ｊａｎｉｃｅ呢？
之後又見到一個「葵芳花園」，但係ｏ係香港仔果邊．．．

坐左好耐車終於到喇，今日ｄａｎｎｙ仔唔落黎，ｓｕｎｄａｙ果度又轉左人擺
一到左都未坐低就開左一隻，又係開ｎｏｗ加台，真係好
之後ｄ時間都係行商場，食下午茶．．．

ｈｅａ下又一日，大約９點就執野ｃａｌｌ車返公司
不過ｔｉｍ叔見我２日得２張好似有ｄ唔滿意，佢話置富個位要＄２０００兩日
計埋ｃａｌｌ車來回又＄３００，ｐｃｃｗ都蝕唔少喎．．．

１０點半返到屋企休息．．．

>>April 11, 2006 at 11:28:34 AM GMT+8

2006 年 3 月 31 日 星期五 【晴】

今日又係返工ｏ既日子，ｔｉｍ叔打比我話有好野益我，叫我去香港仔置富商場擺
我都心知不妙，如果係好野佢一定比ｄ　ｆｕｌｌ　ｔｉｍｅ擺啦，點會益我呢？
所以呢個位應該一般．．．

因為係做展銷，所以１２點就返公司拎野，拎左７枝旗，１張檯，２張椅
之後同老ｍｉｃ，ｄａｎｎｙ一齊ｃａｌｌ　ｖａｎ仔過去
坐左好耐車終於到香港仔，我都係第一次黎呢度，環境幾好，背山面海，ｄ樓又靚
入左商場發現又有２個ｓｕｎｄａｙ　ｓａｌｅｓ，原來係同佢地一齊擺

雖然呢度係遠左，但係勝在幾舒服，有冷氣，ｄ人又ｎｉｃｅ
不過就太多人用緊ｐｃｃｗ，１０個有９個都係，所以冇咩生意
做得悶果陣出左去行一陣，望下海咁，都幾悠閒

一直做，做到９點幾先開單，開左一隻ｎｏｗ電視加台，都當一張單計
開到就收工ｌｕ，坐巴士去金鍾，再轉ｍｔｒ返屋企．．．

>>April 11, 2006 at 11:17:44 AM GMT+8

2006 年 3 月 30 日 星期四 【晴】

今晚去左青衣打波，打左好多場，輸多贏少．．．
我諗我應該再搵ｄ新ｏ既絕招

打完波之後返葵芳搵肥濃，阿ｐａｔ同阿潘
佢地岩岩打完機，之後我地又去返球場飲野傾計
我都飲左２枝「ｎｉｔｅ」，有檸檬味同青蘋果味
ｄ味似果汁但係飲左ｄ塊面已經好熱．．．

今次反而傾左好多人生大事，我前途似乎好朦朧
最後傾到３點幾先走．．．

>>April 4, 2006 at 6:55:33 PM GMT+8

2006 年 3 月 28 日 星期二 【晴】

今晚出左去打波，ｏ係葵芳打，有肥濃同阿潘
真係好耐都冇見過阿潘，２，３年冇見．．．

打呀打，不過今日冇咩手感，射極都唔入
之後又有ｄ　ｋｃｍ　ｏ既人黎打，仲要識我，咁我緊係唔輸得啦
點知到最後都輸幾次，冇晒面．．．

打熄燈之後，佢圩就提議買ｄ酒去球場傾計，佢地飲果ｄ叫「ｎｉｔｅ」
而我就飲菠蘿啤，只有０．５％酒精，全場最少
之後傾左好多野，原來阿潘都已經就墁結婚ｔｉｍ
時間過得真係好快好快．．．

傾呀傾，傾到２點幾先返屋企

>>April 4, 2006 at 6:47:20 PM GMT+8

2006 年 3 月 27 日 星期一 【晴】

今朝又走左１堂，因為唔多想上，個阿ｓｉｒ又悶，又唔點名
所以留ｏ係屋企訓多陣．．．

晏晝又返學，不過係去ｐｏｌｙ聽講座，４：３０－６：００
搭旅遊巴，但係去到好耐先入得去，個題目係有關能源危機
２個主持係外國學生，ｓｐｅａｋ　ｅｎｇｌｉｓｈ
佢地預備左好多工具，又有好多資料，好彩ｄ野都好易明
原本我聽親呢ｄ講座都訓晒覺架，不過今次好入神
學左好多野，最後仲有蛋糕同野飲拎，真係好～

之後就搭地鐵返屋企．．．

>>April 4, 2006 at 6:36:48 PM GMT+8

2006 年 3 月 25 日 星期六 【晴】

今日又係擺黃金，得自己一個，冇ｍｏｏｄ．．．
睇下電視睇下ｇａｍｅ又一日

之後ｔｉｍ叔落黎搵我一齊收野返公司，又請我食飯
２日開一張，比平時蝕左呀

>>March 26, 2006 at 4:49:55 PM GMT+8

2006 年 3 月 24 日 星期五 【晴】

平平淡淡咁又過左一個星期．．．
上堂時間好悶，上ｌａｂ又難做
我諗我好快崩潰

星期６返工去左黃金擺，擺商場入面
係就係舒服ｄ，有冷氣又有電視睇，仲有靚女ｓａｌｅｓ
不過就冇咩數．．．

坐低睇下電視又一日

>>March 26, 2006 at 4:46:54 PM GMT+8