2005 年 11 月 26 日 星期六 【晴】

琴晚５點幾先返到屋企
之後就沖涼訓覺，到我再張開眼ｏ既時候已經係下晝２點幾
醒起原來要去打手球，即刻洗面刷牙就飛出去

３點９先去到黃大仙，去到岩岩好開波
之後ｃｈｅｃｋ証，然後坐低睇波
今場係對卓麗，即係林嘉威果隊，係好特別ｏ既一場波
係時候比佢睇下我地ｏ既進步

一開波我地就落後，我地每場波都係好快就比人連入幾球先
之後站穩陣腳追返ｄ，今場我好快有得出
出左去第一球就有波射，不過比人撞低左，只係博到７公尺
當然又係唔輪到我射，所以始終未有波入
不過我地打順左之後好有衝勁，仲追到８：９，迫到佢地叫暫停
ｏ係呢場我ｆｅｅｌ到種球感好左，不過冇食早餐，好快冇晒力
打左一陣我就自己要求換返出黎

暫停之後佢地又控制返場比賽，上半場我地輸９：１５
下半場一開始又係我出先，同對手拉据左一陣
因為我地今場得１０個人，就算成日換都打到好支力
慢慢比人放到好遠，跟住又發生左一件小事．．．
卓麗有個人無啦啦走過去踢左高佬一腳，之後又講「對唔住喎」
跟住高佬走埋佢搭佢膊頭話「打波ｏ者，唔洗咁呀」，果個人就話「咩呀，打我丫笨」
我地聽到都知有ｄ唔妥過去分開佢地，果個人仲要咬住唔放
球證睇到咩事，本來比左佢２分鐘，之後佢連球證都敢「小」
個球證即刻比左紅牌佢，佢仲要繼續「發難渣」又踢垃圾桶，又指住球證話
（之後聽返卓麗ｄ人講話佢心理有ｄ問題，平時冇事，有小小事就好大脾氣
好彩我之前冇惹到佢ｏ者）

最後場波ｏ係一輪狂風掃落葉ｏ既情況下完結
我地打到最後都冇晒力，全場輸１６：３６
林嘉威今日都算比面，淨係入５，６球

成隊波初頭打得唔錯，不過我始終係爭ｄ，成日失波
宜家打左４場甲組，４場輸晒，下２個星期都冇比賽
雖然未有賽程，但係我地個個都估下場對南華，因為隊隊強隊我地都打過，係爭南華未打

之後返屋企拎工具返工，去到荃灣都７點幾
又支力又肚餓，結果又炒蛋．．．

>>November 27, 2005 at 6:29:52 PM GMT+8

2005 年 11 月 25 日 星期五 【晴】

因為３０號係阿ｐａｔ生日，所以我地約好今日出黎唱ｋ同佢預祝生日
有我，ｐａｔ，肥濃，銳哥，家輝（好耐冇見），ｓｕｎｄａｙ，ｙｏ
我９點已經同佢地去左ｎｅｗａｙ開房
又拎左好多野食，不停咁拎
之後我過返去荃豐執野，到１１點收工先會合佢地
去到ｄ人到齊晒，我就首先緊係先食左野先再講啦
之後就開始唱歌仔，又玩下大話「色」，傾下計
跟住佢地飲左好多啤酒，好似得返我一個唱歌咁，其他人都沉醉ｏ係玩「色中」
而ｎｅｗａｙ又送左個蛋糕同香檳比我地
去到大概５點我地終於走喇
我，ｐａｔ，肥濃飛的返屋企

>>November 27, 2005 at 5:39:01 PM GMT+8

2005 年 11 月 20 日 星期日 【晴】

唔知大家仲記唔記得我之前寫過一篇叫「黑馬王子狂想曲」ｏ既野呢？
如果記得ｏ既話，我真係好高興，唔記得都好啦，就當我冇講過．．．
首先我承認故事後面好失敗而且冇寫結局，但係呢篇野總算係我第一次將自己ｏ既文章公開
係我人生中最輝煌ｏ既其中一件事～

時間耐左，我發覺自己心裡面其實有好多ｉｄｅａ想去寫，想用文字去發揮
但係又正值之前ｆ．７，ａ－ｌｅｖｅｌ，之後暑假又返速遞，然後又預備讀ｉｖｅ，適應ｉｖｅ生活
總係冇咩時間比自己坐低靜落黎諗下一個由我自己繪畫ｏ既一個故事
雖然話諗下自己ｄ前途仲好啦，但係畢竟我真係好喜歡寫故事，係我人生追尋ｏ既其中一樣野
所以我想趁呢段算係輕鬆ｏ既日子做我喜歡做ｏ既事，就係寫故事
唔止寫一個，要寫千千萬萬個．．．．

講左咁耐，都係時候去正題喇
其實我睇死亡筆記（ｄｅａｔｈ　ｎｏｔｅ）ｏ既時候已經有一個構思
就係將死神ｏ既筆記變成愛神ｏ既筆記（ｌｏｖｅ　ｎｏｔｅ）＜－－個名好難聽
到宜家ｄｅａｔｈ　ｎｏｔｅ都出左８期漫畫，我都仲未可以將我個構思寫出黎，實在好低效率
不過我ｆｅｅｌ到今次我好認真我會好努力去寫，ｋｅｅｐ住日日寫．．．

我今次個故事叫「愛神筆記」，希望大家鍾意睇
其實我睇返個人氣，我都知道已經冇咩人會黎我呢個又殘又爛ｏ既ｓｈｏｗｈａｐｐｙ日記板
每日最多得３，４個，仲要有１，２個係我自己
但係即使得１個人黎都好，甚至冇人黎都好，我都會繼續貼上我ｏ既故事
因為我唔求有人會讚，我只求有得去發揮，同埋分享自己ｏ既創作
我講ｏ既係咁多，將個咪交返比負責老師．．．

最近天氣凍喇，大家要記得著多件衫呀～

>>November 21, 2005 at 7:32:25 PM GMT+8

2005 年 11 月 19 日 星期六 【晴】

今日係星期日，又係打手球ｏ既日子
上個星期我冇去到，真係好可惜，果場輸左比勇毅２１：３４
咁即係話我地已經連輸２場，不過其實我地頭４場波都係對ｄ強隊，輸都冇野好講
今次亦唔例外，對何郭佩珍，又係一隊用學校名做球隊名ｏ既隊伍

我３點幾落到荃灣開工，招仔今日都黎荃灣擺
做到大約５點，我就走左去黃大仙打比賽
一去到上場波都仲未打完，係ｍａｙ’ｓ，佢地又贏一場

之後我地開始熱身，ｄ人都陸續到齊
人人都帶埋女朋友黎睇，而我就一枝公．．．＞．＜
話咁快就開波喇，我當然又係冇正選啦，淨係坐ｏ係場邊食風
我地一開波就比人狂入波，特別係葉仕仁，佢以前打學屆已經出晒名，１７歲果陣已經打港隊
果然聞名不如見名，真係好強，我都唔知點講．．．
中５，６打精英賽已經有留意佢，不過果陣冇機會碰頭，未領教過
今次睇佢打，真係只好寫個服字，佢又１９歲，我又１９歲，都唔知佢點解咁勁．．．

上半場輸９：１９，我地實在打得好一般．．．
最慘就係香港寬頻ｏ係度影緊場波．．．
下半場就到我出場先，初頭同人地拉踞左幾分鐘，之後又到人地表演時間
之後佢地阿ｓｉｒ都出埋黎，雖然老，但係都好勁，仲比佢半場「笠」入左一球，全場鼓掌
跟住有一球我地９公尺，我見個人地守門員望去第２度
於是我就執起個波快射，仲諗住入硬，但係一射就ｂａｎｇ左落人地個肚度，超無奈．．．

打下打下，佢地一ｄ放軟手腳ｏ既意思都冇，而我地就輸到冇晒心機
結果比佢入多好多波，成場波輸１９：４２，輸２３分．．．

雖然係諗住輸硬，但係真係冇諗過輸咁多
之後個球證仲要講笑咁話：「你地都係預左落返乙組，呢幾場波當係比學費啦」
聽完真係好灰，我自己又打得差，冇野好講．．．

下場波對卓麗，係好有意思ｏ既一場波
因為我地贏全港精英賽第２果年就係林嘉威帶我地隊，教我地打ｆｏｒｍ
而林家威就係卓麗ｏ既隊員，第一次同佢ｏ係公開比賽打波
所以宜家好期待下星期ｏ既來臨．．．

之後又過返去返工，企到１１點就走喇
今日當然係一張都開唔到啦．．．＞．＜

>>November 20, 2005 at 5:38:19 PM GMT+8

2005 年 11 月 17 日 星期四 【晴】

今日左輪約左打波，咁我又係唔想請假
又係偷走坐４１ｍ過青衣打波
今日有我，左輪，ｋ樂，家威，傻威，軒爺，圈，音，ｍａｎｄｙ

我冇帶衫，只好著住ｎｅｔｖｉｇａｔｏｒ件衫打
好耐冇打波，種感覺好陌生．．．

我係大約７點半過去打，打到９點半就走返去荃灣
本來諗住今日都係冇單，但係事與願違，臨尾比我開返一張
實在太好好喇

之後又落旺角交單，交完單又去打機
今日有我，招仔同埋隔離公司ｄ人，去到一開始就打ａｏｃ
聽講隔離公司ｄ人打ａｏｃ好勁，咁我緊係要挑戰一下啦
我同招仔一隊，打阿中同佢老細，原來對手真係好勁，而且招仔又唔識打
我慘敗收場，之後我，招仔，阿中一隊，打隔離公司３個人
打左３場，３場都好快打贏佢地
最後我又同阿中單挑，始終唔多夠佢打，打左３場，３場都輸

不過話時話，間網巴好正，不愧係旺角ｏ既網巴
＄４８打通頂，度度都差唔多，不過呢度汽水任飲
而且ｄ服務員全部都係ｏｋ靚女，又後生，服務態度又好，又傾得計
仲有好多女仔黎幫襯，成間網巴有差唔多３成人係女仔（因為女仔平ｄ）
我見阿中成日同ｄ女仔傾計．．．我都想傾埋一份呀．．．

最後打到朝早７點就走喇，７：３０返到屋企訓覺

>>November 20, 2005 at 7:49:20 AM GMT+8

2005 年 11 月 15 日 星期二 【晴】

琴日係ｒｏｃｋｙ生日，今日出黎同佢補祝返
但係我見大家約左食９：３０，咁我就無謂請假啦，偷走就算喇．．．
好彩今日好早就開到１張單，之後都冇咩心機做，淨係想快ｄ到９：３０食野

之後左輪同ｋ樂黎左荃灣一齊買禮物，我地個決定徘徊ｏ係足球機同埋變態野之間
諗左好耐．都係買左足球機，跟住就火速趕去巴西燒烤果度
我地去到佢地已經食緊，咁我地亦都加入狂食
食左好多ｍｅｅｔ，又食左好多甜品
一邊食，一邊傾計，好攪笑．．．
食完之後我地又送禮物又影相，玩到１２點幾先走

我地一齊走地鐵走，我去到旺角就落車交單
我去到ｔｉｍ叔同ｄ同事已經ｏ係金發食緊野，咁我過去搵佢地
ｔｉｍ叔仲問我：「阿偉，咁晏ｏ既？」
我話：「係呀，成晚都開唔到單，我１０點半執野走果陣先有人過黎問。」

之後傾左一陣又ｍｉｓｓ左地鐵尾班車
唯有同招仔一齊坐ｎ２４１返去，＄１３．３呀．．．好貴．．．＞．＜

>>November 20, 2005 at 7:24:59 AM GMT+8

2005 年 11 月 14 日 星期一 【晴】

我發覺我越黎越唔能夠原諒自己．．．
上堂又成日訓覺，落堂先訓醒．．
其實都係因為返左呢份工ｏ既關係，日日１２點先返到屋企

但係我又唔想咁快放棄呢份工，因為同ｄ同事一齊真係幾開心
返工都可以係當出黎玩，一齊傾下計，講下笑
睇黎我唯有上堂果陣真係要加多兩錢肉緊，專心一ｄ

放左學之後就返工，今日荃豐好靜，冇咩人
好彩都開到一張單，幫我登記果對夫婦好好人
我之前炒左４日蛋喇，宜家終於有單交
跟住有人打比我，佢話我之前同佢介紹過ｎｅｔｖｉｇａｔｏｒ
話想登記，不過又話要２５Ｍ上網，又話要２日安裝，又話＄２００百佳卷
我心諗有ｄ唔妥，我邊有咁講過呀
之後先估到原來係阿能同阿康玩我電話．．．＞．＜

出完旺角交單之後，我同ｄ同事傾左陣就走喇．．

>>November 15, 2005 at 6:06:09 PM GMT+8

2005 年 11 月 13 日 星期日 【晴】

今朝起唔到身，攪到上唔到第一堂．．．
其實我究竟做咩呀！？
真係有ｄ憎自己，點解又要比機會自己走堂？

今次真係下定決心，唔可以再無啦啦唔上堂
結果今日只係上左ｐｒｏｇａｍｍｉｎｇ，之後打完壁球就走喇
返到屋企換衫返工，又係擺返荃豐
不過我覺得果度已經冇咩數．．．好難做．．．
所以我今日又係炒蛋，今個月炒左好多次蛋

因為琴日係ｓｕｎｄａｙ生日，所以今日同佢打邊爐補祝返
有我，ｓｕｎｄａｙ，ｐａｔ，銳哥，肥濃（竟然會出黎！？），阿潘
我放工就過去搵佢地，因為都只係ｏ係荃灣打
呢４日打第２次邊爐喇．．．
我一去到緊係狂食野啦，今次食好多菜
之後又傾返以前ｄ野，ｏ係咁講人地ｄ私隱出黎
有ｄ超好笑，笑到又走音又標眼水．．．
跟住玩ｔｒｕｔｈ　ｏｒ　ｔｒｕｔｈ
又聽到好多令人驚喜ｏ既野
最後食到２點先走，同阿ｐａｔ一齊行返去

>>November 14, 2005 at 8:05:18 PM GMT+8

2005 年 11 月 11 日 星期五 【晴】

返到屋企一訓．．．．
去到４點幾先可以起到身
（阿昆，ｓｏｒｒｙ，去唔到你度玩）

之後即刻飛出去返工，去到荃灣都成５點
做野ｏ既時間好悶，實在有ｄ無聊，因為我宜家只係等ｄ兔仔黎登記
（兔仔黎自守株待兔呢個故事，其他同事成日講）
到最後好在都開到一張，跟住就返屋企喇．．．

>>November 12, 2005 at 7:13:30 PM GMT+8

2005 年 11 月 10 日 星期四 【晴】

今日係ｋａｉ豪生日，我請假同ｋａｉ豪慶祝
而且太耐冇放假喇，想休息一下

最正就係今日係ｉｖｅ開放日，又唔洗返學
訓到下午４點幾先起身，訓返晒之前冇訓果段時間
約左９點打邊爐，我７點幾出左去買禮物
諗黎諗去都唔知買咩好，就買左最新１：１４４－－ｓｔｒｉｋｅ　ｆｒｅｅｄｏｍ　
真係好型～
之後又補買返阿圈份禮物，買左個多啦Ａ夢士碌架比佢

大約９點幾先去到，中途遇到ｙ文，就同佢一齊去
今次有我，ｋａｉ豪，圈，ｋ樂，ｙ文，昆，朱玲
跟住就不停食野，食好多肥牛，又食左好多丸
之後又食左好多雪糕，超正
一邊食又一邊傾計，好悠閒～

食到大約１２點先走
不過之前應承左ｄ同事去打機，咁於是就出左旺角搵佢地
有阿發，阿威，招仔，阿珠
陪佢地食左飯就上網巴打機，果間網巴雖然細，但係好氣氛
我地一坐低就先玩ａｏｃ
因為好難分隊，所以就打混戰
雖然我終於贏左，但係有ｄ好彩

之後阿珠同佢男朋友走左，我地就同隔離ｔｅａｍ打４ｖｓ４團戰
我，阿發，阿威，招仔一ｔｅａｍ，對老ｍｉｃ　ｔｅａｍ
佢地提議１個鐘預備，之後先開始打
我地冇咩所謂，不過我４０幾分鐘已經２００人口
都唔知做咩好．．．

終於開始打喇，我，阿發，阿威係咁打入去
唔洗２０分鐘就打左大半，其餘ｄ人又投降，簡直係大獲全勝
其實好耐未試過打團戰，以前中４，５成日同ｄ台灣人打，成日輸到飛起，不過學到好多野
ａｏｃ真係好玩～

之後就轉玩１９４２，宜家終於識玩喇
其實都幾好玩～

玩下玩下又玩到朝早８點幾，之後坐地鐵返屋企狂訓

>>November 12, 2005 at 7:05:58 PM GMT+8