2006 年 8 月 7 日 星期一 【晴】

今日係８月８日，係我１９歲ｏ既最後一日
從此之後我就步入２字頭，１字頭已經變成歷史．．

突然之間有無限ｏ既感慨，越大個就越覺得童年幸福，真係好幸福
不過時間就好似一張無情ｏ既牛肉刀，將我僅餘ｏ既童真都斬得肢離破碎
再挾持我去到一我唔想面對ｏ既社會．．

如果有得選擇，我寧願一直做一個小朋友，同ｄ朋友玩數字球，周圍去探險
我係一個守舊ｏ既人，所以我害怕改變，即使改變或者會有好處
但係宜家都冇得我去諗咁多如果，唯一可以做ｏ既就係習慣，或者習慣左之後，會覺得大個左比做小朋友更有樂趣呢．．

雖然係最後一日１字頭，但係上天並未因此憐憫我．．．今日好多野做呀！！！
朝早都好ｄ，有得睇下報紙先，但係之後老闆走左，公司得我一個，起初都係影下印
過左一陣有其他公司ｄ人黎拎ｓａｍｐｌｅ，搵左陣先搵到比佢，又要拎落樓下
之後又推２板布落樓比人地個司機，用「即車」推，好玩～
推完返到公司都未坐低就要去上次送錯野果間公司換返１０箱野
雖然都好近，又有架車仔可以推，不過馬路多，ｄ貨又成日趺黎跌去
攪到好狼狽．．．

本來以為返到公司可以休息陣先，點知有隻４０呎貨櫃到左
又要我出去跟車，幫手過貨，起初得我，阿明同阿賢，又要分類又要砌板
好在陸續有ｄ同事做完野過黎幫手，真係夠義氣
見有人黎幫手，老闆都放我一馬，比我走先，畢竟我一個月只係出四千幾蚊人工，冇理由用得咁盡

好支力．．

>>August 8, 2006 at 2:35:48 PM GMT+8

2006 年 8 月 6 日 星期日 【晴】

今日返工冇咩野做，都係打返之前ｑ貨ｏ既ｒｅｐｏｒｔ
打完又點下個倉ｄ貨，發現左有ｄ問題

照張ｌｉｓｔ講，應該有１０箱叫「４０４６」ｏ既ｉｔｅｍ
但係我搵唔到，只係搵到１０箱唔應該有ｏ既「４０６４」
我話左比ｃｏｎｎｉｅ聽，仲諗住可以領功，點知原來係我上次執貨比個客執錯左
個ｎｕｍｂｅｒ咁似，個ｓｉｚｅ又差唔多，所以冇望真就執左
唯有第二日換返比人啦．．．

點完貨之後ｄ司機陸續返黎打牌，打到講晒粗口，幾乎要隻揪
雖然佢地係平時惡左ｄ，其實都冇咩野，上次又請我飲野，幾好人
ｈｅａ到５點鐘都冇野做，老闆就叫我收工ｌｕ
本來諗住準時去青衣打波，點知等到６點多ｄ就不知不覺訓著左
唉，最近都係咁，ｄ訓覺時間一截截咁，攪到平時冇咩精神，做野又做錯．．

最後去到青衣都９點幾喇，打左幾場就熄左燈，略嫌有ｄ唔夠痛快．．

>>August 8, 2006 at 2:38:51 PM GMT+8

2006 年 8 月 5 日 星期六 【晴】

今日訓到好晏先起身，起身之後食左個吉野家就出去青衣打波
要打２個地方，先去青衣，之後再返葵芳大場打

成６點幾先到青衣，打左２場就走，第二場同人地打
我聽浩賢話我地未輸過，諗住好輕鬆啦
大家都好似好求其咁，結果輸左，有ｄ唔順氣

之後坐４４ｍ返葵芳同肥濃佢地打，先打側邊個場，第一隊都幾勁
不過比我地中距離屈佢地機，佢地都唔ｍａｒｋ我ｄ中距離
但係第二場就輸左比隊唔多勁ｏ既．．．

打打下中間個場冇人打，我地就跟中間個場
我認得果個差人，之前ｏ係文娛見過佢，佢同第二班人嘈，攪到好大件事
其實都唔多想同佢地打，不過係得呢到唔洗跟，唯有打下先啦
個差人又唔係好波，不過成日起個「爭頭」，我都唔敢過去掂佢
最後同佢地打左３場，３場都輸．．．

之後佢地有人走，反而拉左我打，其中有一隊好勁，年紀輕，但係技術同身形都好好
完全凌駕ｏ係我之上，ｏ係佢地身上都學左ｄ野

最後打到１０點幾就走，返到屋企先食ｄｉｎｎｅｒ．．．

>>August 6, 2006 at 6:06:18 PM GMT+8

2006 年 8 月 4 日 星期五 【晴】

今日好悶呀，唔洗返工，又冇野做，又冇地方去
電腦成日比人霸住，淨係睇電視，無無聊聊又一日．．．

>>August 6, 2006 at 5:50:59 PM GMT+8

2006 年 8 月 3 日 星期四 【晴】

今日又返工，日日做ｄ野都唔同
而今次就係ｏ拍果ｄ粒粒入ｄ膠片到，難就唔難，不過有５箱，每箱７５件
好彩今日冇咩野做，志偉唔洗出去跟車，留ｏ係到幫手

整呀整，整左個上晝先整左２箱，之後食飯，食埋飯返黎休息左陣
而阿明同阿賢又返左黎，佢地３個就玩下１３張，我見佢地玩＄５一注，我唔敢加入
我就睇下書咁，等佢地玩完先一齊整，結果４個整快好多
一邊玩一邊做都好快完成，５點幾就放工

見早放工，我返到屋企就訓左陣覺，訓醒都７點幾，之後出去打波
本來都冇落雨架，我一去到球場先落雨，真你掃興．．．
之後坐左ｏ係閩橋下面傾計，得我，左輪同軒爺，之後叫埋叉燒落黎
傾到１０點幾就走．．．

唉，打波先黎落雨＞．＜

>>August 6, 2006 at 5:49:12 PM GMT+8

2006 年 8 月 2 日 星期三 【晴】

今日打風，雖然只係３號風球，但係有８號咁勁．．．
如果掛８號咪好囉，唔洗返工，大家休息一日

返到公司要幫手ｏ係個倉推ｄ貨出黎排ｎｕｍｂｅｒ
我而家用「即車」已經開始拿手，不過學唔到佢地ｄ「甩尾」
而且個個見到我拉架車都會走開，因為驚我撞親佢地
老闆，阿明，阿賢同阿智都有幫手，合４人之力，一個鐘多ｄ就分好晒，疊好一板板
做完之後佢地落晒去過貨，我就駐守ｏ係公司
之後都有出下去入票咁，ｄ風好強，我順風行果陣吹到我曉飛咁
到返轉頭果陣成塊面食晒沙，ｄ招牌又搖搖下，睇見都驚．．．
最後都係留ｏ係公司安全ｄ，食飯都只係叫外賣
下午ｏ既工作都係做ｄ文件分類，同拎ｄ野落樓下比司機

５點就放工，好大好大雨，不過我鍾意呢種感覺～

>>August 3, 2006 at 3:06:24 PM GMT+8

2006 年 8 月 1 日 星期二 【晴】

今日返工又遲到喇．．．
真係好憎自己成日都訓到唔起身

返到去ｃｏｎｎｉｅ姐有野做要出去，就留低我一個ｏ係公司
好悶，真係好悶，ｄ報紙雜誌都睇晒，佢地ｄ電腦又唔攪得，但係又冇得靜靜雞走出去喎
因為又要妖ｆａｘ同ｆａｘ返野比人，又要聽下電話
ｃｏｎｎｉｅ又間唔中打黎ｃｈｅｃｋ住，我ｌｕｎｃｈ唯有叫外賣上黎食

到下晝搵到本書，叫「誰搬走了我的乳酪」，我最初以為係故事書
點知係講哲學ｏ既書，都幾得意，幾有道理，不過睇完都未放工
好彩４點幾果陣長沙灣果度有ｄ報關文件要去收，終於可以出去行下
收完之後拎返公司就放工喇～

夜晚都係玩下電腦，好想有ｄ細藝．．．

>>August 2, 2006 at 3:21:46 PM GMT+8

2006 年 7 月 31 日 星期一 【晴】

今日返工遲到，唉～壞習慣好難改．．．
好彩ｃｏｎｎｉｅ姐都冇話我，不過我希望唔係因為佢同我熟先唔話我啦

不過其實呢幾日都冇櫃入中電，所以今朝都冇咩野做，睇左一個早上報紙
到中午果陣見冇野做就落左去樓下停車場幫老闆同志偉過貨
個貨車司機遲左半個鐘先到，等到頸都長埋．．．

架車到左之後打開個櫃，發現原來全部都係衫，一件件掛得好靚
要一小批一小批咁搬過去，雖然唔重，但係拎ｄ衣架拎到手指好痛
仲有就係我唔落去幫手可能仲快．．．

下晝都冇咩野做，係５點幾果陣先要去長沙灣送３個地方同拎返２份文件
花左個幾鐘又返去公司先走得

夜晚都係打下機咁，有ｄ無聊
有時諗，我想出去跟車多過留ｏ係公司冇野做
雖然留ｏ係公司唔洗點郁又可以歎冷氣，但係我反而唔多鍾意
我寧願跟車出去搬下貨，做下運動．．．

>>August 2, 2006 at 3:11:51 PM GMT+8

2006 年 7 月 30 日 星期日 【晴】

今日返工，朝早冇咩野做，睇下報紙就一個上午喇
中午幾乎全公司飲茶，老闆請，食左好多野～

下午基本上都係打返星期五ｑｃ　ｒｅｐｏｒｔ
都係照住個ｌｉｓｔ打，冇咩難度，之後又玩下架「ｏ即車」，實在太有趣喇～
可能因為月尾，ｄ公司冇貨要過，所以ｄ司機都冇咩野做
佢地就打左成個下晝麻雀，我走果陣佢地都仲打得興高采烈

夜晚去左青衣閩橋打波，我去到先打左兩場３打３
個命中率ｏｋ喎，但係一打全場果陣就走晒樣，射極都唔入
我應該用「攻勢ｏ既終結者」黎形容自己，因為我一接波，一係射，一係傳
射已經冇咩威力，而傳就更差，成功傳比隊友ｏ既機會大概只有５０％
點解？點解會咁．．．

最後打到熄燈先走，又係好支力．．．

>>July 31, 2006 at 4:53:38 PM GMT+8

2006 年 7 月 29 日 星期六 【晴】

今日係星期日，唔洗返工，本來諗住同細佬去泳池游水
但係因為細佬出左去玩，所以打消左呢個念頭

仲以為今日會好無聊，點知左輪約打波，去青泰苑果個場打
我遲左好耐先到，去到好多人，小朋友又有，大人又有，ｏ係外國浸完咸水返黎都有
起初我第一場打就對住個高手，又快，又剷得，又準，輸都係意料中事
但係高手們好快就走左，變左打黎打去都係打剩低果班人，佢地有幾個都好勁
同佢地打比海濱ｄ阿叔好得多，ｄ打法現代ｄ，球品都好，至少輸波唔會發老脾
最後同佢地打左若干咁多場，好似都係贏晒，太好～

返到屋企諗住早ｄ訓，點知訓唔著，可能呢２日訓太多喇．．．

>>July 31, 2006 at 4:41:01 PM GMT+8