2006 年 11 月 18 日 星期六 【晴】

都有好耐冇打日記喇，宜家又變返以前ｏ既週記
因為最近都冇咩特別野發生，幾乎日日都過住一樣ｏ既生活，有ｄ無聊

今日係仙組結婚，我地一家去左飲佢果餐，換套靚衫，打條靚呔，成個阿叔咁
佢地ｏ係銅鑼灣皇室堡擺酒，果度幾大，個佈置又靚，唔錯
去到先同佢地合照一張，新郎哥雖然唔識，但係覺得佢好ｎｉｃｅ

之後坐低等入席，等ｏ既期間有佢地ｄ相同ｖｉｄｅｏ睇
有ｄ相好好笑，加埋個介紹簡直一流

終於等到入席，我係咁食，係咁食，食到好飽
中途又有玩新郎ｏ既時間，又要佢唱歌，又要佢跳舞
之後佢有個ｆｄ唔知係咪醉左，上左去爆大獲
又話新郎哥係「夜生活之神」，又話佢成日去飲酒．．．

最後飲宴ｏ係一片歡樂ｏ既氣氛完結，之後超哥佢地問幾時到我果餐
嘿嘿嘿．．．咁要睇下佢有冇好女仔介紹喇．．．

坐地鐵返屋企，返到去都１２點幾．．．

>>November 24, 2006 at 5:40:31 PM GMT+8

2006 年 11 月 11 日 星期六 【晴】

今日又係打手球ｏ既日子，對手係勇毅，上屆第５名
不過我遲左起身，去到岩岩好開波

今場波我地得１０個人，即係得３個替補，仲要其中一個替補係門將
即係話打出面ｏ既得２個人換，加上天氣又熱，一定好辛苦
一開波果陣打得幾好，個分數一直都係咬住咬住４比３，５比４，６比５咁樣
不過我打左一陣就腳軟，好快就出去休息．．．
頭果１０分鐘佢地都冇咩甜頭，不過之後就一下子比佢地打好多快攻
上半場人地以２０比７領先
其實我有好多射波機會，不過都把握唔到，浪費左．．．

到左下半場，場況都係咁上下，而佢地亦開始出ｄ後備
值得一提ｏ既就係我又入波，如果集中ｄ應該唔止１球
因為呢球係我今屆第一球ｏ係ｃｅｎｔｅｒ位入波（上場係跑快攻入波）
ｄ信心返左唔少，同時感覺到自己上次練完波之後亦進步緊
最後我地以１５比３４落敗．．．

打完之後去左食飯，一邊食一邊計，佢地個個ｏ既前途都好有打算
唯獨我．．．唉．．．
最後食飽飽就回家了

>>November 12, 2006 at 5:57:56 PM GMT+8

2006 年 11 月 10 日 星期五 【晴】

今日係ｋａｉ豪生日，ｒｏｃｋｙ生日又就到
我地就幫佢地一齊攪，之前已經買左兩件褸比佢地生日禮物
都係實用ｄ比較好

中午果陣，我，ｋ樂，大佬，朱去左昆屋企打牌
起初我輸幾蚊，之後ｋ樂替我，我又替其他人
打呀打，結果ｋ樂幫我贏１０蚊返黎，真係好

打到７點幾，我地就坐的士去食韓燒果度
不過個司機好劣，不能接受．．．

之後我地幾個上到去食住等，其他人陸續黎到
出席ｏ既人有我，ｒｏｃｋｙ，ｋａｉ豪，ｋ樂，左輪，圈，浩賢，昆，朱，大佬，ｂｅｔｔｙ
我地瘋狂咁樣食，食呀食，食到好飽，之後開始影相
影完就送禮物，哈哈～我有份選，應該唔錯
送完禮物就玩ｄ遊戲，不過效果一般
食完之後我地去左一個後巷玩，拍左陣ｖｉｄｅｏ同踢左陣波
玩到幾乎１２點先返屋企．．．

>>November 12, 2006 at 5:43:54 PM GMT+8

2006 年 11 月 9 日 星期四 【晴】

今日難得準時返學，好快就做完個ｌａｂ
之後就打下機，傾下計，輕輕鬆鬆過左今日ｏ既３個鐘

返到屋企又訓覺，訓到夜晚去左青衣打波
感覺好差，冇晒手感，最後打到１１點，ｄ阿ｓｉｒ又黎趕我地走

>>November 12, 2006 at 5:31:01 PM GMT+8

2006 年 11 月 7 日 星期二 【晴】

今日得２堂ｌａｂ，返１點半放５點半
中途有個火警演習，有ｄ無聊

夜晚出左旺角買野，買完野就坐低食野
食完野返葵芳搵阿ｐａｔ，同佢去麥當勞傾計
佢自從上年之後唔同左好多，宜家變到好穩重果種
最後１２點幾先返屋企．．．

>>November 8, 2006 at 8:40:35 PM GMT+8

2006 年 11 月 5 日 星期日 【晴】

今朝訓到１１點幾先起身，因為１２點半先上堂
仲諗住淡淡定，有錢剩，但係突然間又記起要ｔｅｓｔ

之後即刻拎ｄ　ｎｏｔｅｓ出黎溫，發覺又就黎夠鐘
於是唯有博一鋪，１２點半果堂有２個鐘，而個ｔｅｓｔ得１個鐘
我估阿ｓｉｒ會ｏ係第二個鐘先派卷，所以１點半先開始
所以我就溫到１點幾先返學

點知阿ｓｉｒ幾乎一入到課室就派卷，我去到果陣已經測左一半時間
之後我唯有做左自己識做果ｄ，其他都幾乎係白卷，唉．．．玩完喇．．．

>>November 8, 2006 at 8:36:39 PM GMT+8

2006 年 11 月 4 日 星期六 【晴】

今日係星期日，本來係打手球比賽ｏ既日子
但係今次我地輪空，唔洗打，於是就約返學校練波

我好晏先起身，去到已經遲左１個鐘
上個月都返過ｋｃｍ練波，種歸屬感依然有，比青衣ｉｖｅ好得多
青衣ｉｖｅ我次次落堂就即刻走，但係留ｏ係ｋｃｍ又冇呢種感覺
不過計埋我都係得５個人到，有我，爛面，魚腩，鋒，阿發
其實都做唔到ｄ咩，去到都係射下ｗｉｎｇ，射下遠射
中途係咁玩，笑到碌晒地．．．

最後就係咁練ｃｅｎｔｅｒ，即係練我，唔，學到唔少野
仲有就係操下體能，做左唔少穿梭跑，我次次都跑第尾
唉．．．距離我顛峰狀態越黎越遠．．．

練完都已經５點幾喇，魚腩突然間話想去西村食夾餅
我地一時興起就一齊去，都好耐冇去過西村食野
諗返起以前中２，３成日去西村食，果陣好玩呀

宜家去返果度都係冇咩點變，我地每人都食左５蚊夾餅
味道唔錯，同以前一樣，食完就各自返屋企．．．

>>November 5, 2006 at 7:51:20 PM GMT+8

2006 年 11 月 3 日 星期五 【晴】

今日好晏先起身，起左身都係打下機咁
到夜晚，阿媽放工返到去左訓覺，結果一家人ｏ既晚餐要由我負責
最後我都只係煮左米粉，但味道一流～

之後出去青衣睇戲，係死亡筆記２－－ｔｈｅ　ｌａｓｔ　ｎａｍｅ
由於遲左去，入場果陣好尷尬，一坐低已經開始左一陣
套戲改左好多，同漫畫相比，各有各好睇
係結局有ｄ出人意表．．．

睇完之後去青衣海傍玩左陣ｕｎｏ就走ｌｕ．．．

>>November 4, 2006 at 8:45:50 PM GMT+8

2006 年 11 月 2 日 星期四 【晴】

今日係阿圈生日，我地一早就預備左一個驚喜比佢
係有歷史記載以黎最精心炮製ｏ既一個生日會

朝早返學本來係８點半到１１點半，但係差唔多１０點先返到學校
是但咁做左份ｌａｂ就交比阿ｓｉｒ，然後返屋企又再訓過
到下晝４點幾，我再次甦醒，換好左恤衫西褲出左去買蛋糕
睇左美心同聖安娜，發覺２磅ｏ既價錢係１磅ｏ既３倍，點鮮會咁架．．．
之後就買左一個寫住「ｈａｐｐｙ　ｂｉｒｔｈｄａｙ」２磅蛋糕就出發

活動出席成員有我，ｋａｉ豪，ｋ樂，左輪，傻威，ｒｏｃｋｙ，昆，朱，一共８人
事先已經傾好著隆重ｄ，仲要夾埋人地女朋友果邊ｄ人比個驚喜阿圈
我大約５點半去到又一城，先寫好張咭，等到差唔多人齊就出發去ｃｉｔｙ

人地個女朋友ｂｕｂｕ已經ｂｏｏｋ左個ｒｏｏｍ比我地慶祝
我地先係ｃｉｔｙ搵到個接頭人，ｃａｍａｎ，由佢帶我地去ｈａｌｌ果度
ｃｉｔｙ沿途個環境幾好，個ｈａｌｌ仲好靚，有ｄ羨慕～

之後去到一間ｒｏｏｍ，同一個課室差唔多大，又遇到另一個接頭人，欣欣
我地先佈置個場地，不過效果唔大，見阿圈仲未到，我地去左隔離玩遊戲
又見左ｐｉｚｚａ，等陣ｏ既ｐａｒｔｙ用

大約９點鐘，ｐｉｚｚａ黎到，ｇａｍｅ又玩完，不過阿圈仲未到
我地就先ｏ係房仔「呢」埋，等阿圈出現，不過等左好耐阿圈先黎到
然後我地一班人衝出去比阿圈一個驚喜，應該嚇到佢一跳．．．
之後我地影左ｄ相，又影左陣ｖｉｄｅｏ，之後就一齊食野
果度有好多野食，到最後都係食唔晒，食飽之後玩下ｄ遊戲
玩左ｍｃ　ｋｉｌｌｅｒ，比以前果種好玩ｄ

到最後阿圈宜家ｏ既同學仔都到左，我地一齊食蛋糕慶祝
又送左對ｎｉｋｅ紅白籃球鞋比阿圈，比佢打波著
玩到１２點我地就坐地鐵返屋企．．．．

>>November 4, 2006 at 8:40:06 PM GMT+8

2006 年 10 月 29 日 星期日 【晴】

今日訓到好晏先起身，起左身都好似仲唔多夠咁
夜晚出左去打波，有我，肥濃，ｐａｔ，潘

４個人去左大場打，起初去側邊，諗住ｄ人冇咁勁
但係原來高手雲集，打左３少都輸晒，又有４，５隊跟
之後去左跟中間果個場，順利贏返幾場，算係有ｄ安慰

打完之後又坐低傾左陣計，傾到差唔多就返屋企ｌｕ
點解我成日打波都唔會瘦，點解？

>>October 30, 2006 at 8:16:32 PM GMT+8