2006 年 2 月 3 日 星期五 【晴】

今朝去左九龍公園睇手球精英賽，當然係睇ｋｃｍ啦
因為石天做左種子，所以ｋｃｍ今年ｏ係葵青區得第２都可以打精英賽
不過今年ｋｃｍ第一場就打英華．．．

結果，當然係唔夠人打啦，輸左７比２２
之後就去左阿昆屋企打麻雀，有我，昆，ｃｈｅｒｒｙ，ｋａｉ豪
不過我仲係有ｄ眼訓，唔多集中
最後輸成５毫子！！！

打左４圈之後就冇打喇，變左打ｇｕｎｄａｍ　ｓｅｅｄ
我最鍾意始終都係神盾高達，又平，又快，又勁～
最後玩到７點幾就各自回家喇．．．

>>February 5, 2006 at 10:56:50 AM GMT+8

2006 年 2 月 1 日 星期三 【晴】

今日約左去西九龍食壽司，有我，圈，ｒｏｃｋｙ，軒爺，傻威，左輪，ｉｄｙ
食呀食，食左好多，又食到好飽，跟住又玩下ｄ　ｇａｍｅ
即係ｂｌａｃｋ　ｍａｇｉｃ果ｄ，傻威到宜家仲未識玩．．．

食飽之後就上左去奇趣天地玩，買左好多個金幣玩
我地玩左果個氣墊機，玩到好利害～
最後玩到９點幾先走．．．

>>February 5, 2006 at 11:10:33 AM GMT+8

2006 年 1 月 28 日 星期六 【晴】

今日係大年初一，我ｏ係度祝大家新年進步，身體健康～～
因為琴晚行花市行到好夜，所以今朝好晏先起身
起左身就食飯同食湯圓，好味道～～

食完飯之後就去姑媽度拜年，年年都有去，今年亦唔例外
不過要去到大埔咁遠呀，先坐４７ｘ去城門隧道轉７３ｘ
落車仲要行一段路，行左好耐先到

上到去見到姑媽精神唔錯，同ｄ表哥表姐寒暄左一陣
其實表哥表姐大過我地好多架，佢地有個仔（我表姪仔）仲大過我
所以我輩份都好高架．．．

傾左陣，逗左陣利事之後就走喇
返到屋企又食飯，食完又要出去拜年，今次去伯伯果度
好彩住青衣好近，去到打左陣麻雀，我先知道咩係高手
上家打ｄ牌我成日一隻都要唔到，下家我打咩都要到
而且佢地玩ｄ番我又唔識計，又唔玩花，好奇怪
結果出左２次銃，比人食左一鋪清一色８番，本來要＄４８
仙姐收我學生價＄２４，第２鋪唔記得輸咩ｌｕ
去到做左水魚．．＞．＜

玩完坐完之後又走喇，今日去左２度地方拜年，之後就可以等人送上門，ｓｏ　ｇｄ～

>>January 30, 2006 at 5:10:03 AM GMT+8

2006 年 1 月 21 日 星期六 【晴】

呢幾日考完試，成績應該唔會太好，但係呢幾日都日日去左玩
又打麻雀，又食沙爹王，又打邊燼，又貓頭鷹，ｄ＄＄都用得７７８８
希望２月準時出埋糧比我啦．．．

今日又係打手球ｏ既日子，對荃青，係好重要ｏ既一場
宜家甲組已經分左２邊，頭５名打得點差都唔會跌出頭５名
而尾５名打得點好都唔會上到頭５名，只係為左保住甲組而戰
今朝科聯贏左威濤，最新排名如下：

６．科聯－－－－打７場，贏２場，輸５場，６分
７．威濤－－－－打７場，贏１場，輸６場，３分
８．荃青－－－－打５場，贏０場，輸５場，０分
９．火鳳凰－－－打６場，贏０場，輸６場，０分
１０．顧超文－－打６場，贏０場，輸６場，０分

因為降班係降２隊，所以至少都要排第８先得，即係贏到２隊
照情況睇，我地要留ｏ係甲組ｏ既話就一定要贏荃青同火鳳凰
雖然仲有次循環，但係第一循環都贏唔到，第二循環通常都又係輸
所以今場係唔贏唔得．．．

我４點幾就去到黃大仙，好多隊友都齊晒，但係始終都係唔多夠人
一開波我地先入第一球，係好ｏ既開始，因為我地都未試個入第一球
而且我地今場好積極，打好多快攻，大家都好博命
所以我地一直都領先，６：４，９比７咁樣
之後仲迫到佢地叫暫停，不過佢地叫暫停之後連入３球，局勢開始扭轉
經過驚濤駭浪ｏ既上半場，比數係１２：１３，１分落後．．．

到左下半場，我地未站穩陣腳就比人連入幾球，之後個分數一直咬住ｏ係４，５分之間
有好幾次我地追到淨係差２分，但係果球證就會「出手」．．．
有一球荃青個球員拍波，接返，不過甩手彈左去前面，點知佢執返，仲射入埋
咁好明顯係ｄｏｕｂｌｅ啦，全場都睇到，點知２個球證都冇吹．．．
入波果個都心有鬼，入完就拿拿聲走返去，我見底線個球證拎起個哨子諗左陣，但係都冇吹
之後我地問過個球證，２個都話見唔到，我心諗：見唔到就唔會拎起個哨子諗啦
如果佢地答唔記得果個球員之前有冇拍波都容易令人接受一ｄ，佢話睇唔到擺到明就係扮野

之後又係，佢地１幾球未起手我地犯規都係７公尺，話我地越區防守
有２球係我地之前犯左規先，但係人地仲繼續射，好喇，射唔入，球證又補返７公尺
我地連續輸３球７公尺呀！！！

另一方面，肥ｂ有一球比人犯規，但係都射入左，球證反而話唔計，吹返比９公尺我地
真係有冇攪錯呀！？人地射唔入，可以博到７公尺，我地射入埋，就變左９公尺．．．

無可否認，對手都好利害，好機動性，打陣地果陣把握得非常好
但係我地一ｄ都唔輸蝕比佢地，輸就係輸球證果度，同埋我地把握力唔好
有幾球淨係對住守門員都射唔入（我就係其中一個．．．）

下半場見到個球證吹成咁，我地都冇野好講，慢慢就好似漏左氣ｏ既波咁
最多試過落後６分，雖然之後追返ｄ，但係全場都輸２０：２３
唉，條氣好唔順．．．

>>January 22, 2006 at 1:50:57 PM GMT+8

2006 年 1 月 14 日 星期六 【晴】

今日又係打手球ｏ既日子，好興奮．．．
其實宜家甲組已經分左２組：
卓麗，南華，何郭佩珍，勇毅，ｍａｙ’ｓ都５場贏晒
威濤，荃青，火鳳凰，科聯，ｋｃｍ就５場輸晒
所以之後每場波都係好重要，關係到我地可唔可以留ｏ係甲組

而我地今日ｏ既對手就係威濤，即係石天
佢地大部份都係８６年果屆ｄ人，有ｄ８７，８８，甚至８９，非常年輕
我地同佢地幾乎係同一時間組隊打聯賽，一齊由丙組上乙組
之後佢地早我地一年上甲組，而我地就係今年先上

睇返以前打學屆ｄ往績，大家實力不相伯仲，次次碰頭都係１，２分上落（除左ｆ．６，７）
但係佢地ｄ人夠勤力，好肯練波，而且又多港青，訓練到好ｆｉｔ
相反我地ｋｃｍ就冇咩練波，水準不停下降緊．．．

今日高佬冇黎到，得返我一個ｃｅｎｔｅｒ，我本來以為大把機會先係，點知．．．
威濤一開波就打３－３，博體力，大家都打到好亂，初頭分數都咬住咬住
直到打返陣地戰終於比佢地拉開個比數，佢地中間果３個都係「座地炮」，企定定射都好勁
而且射得又準，球球都上角入，又有遠射，又搓到入黎射，真係好多種進攻模式
上半場佢地領先１８：１０，而我表現好差，好似打少一個咁．．．

到左下半場，佢地換多左後備出黎，大家都打好多快攻，你一球，我一球咁樣
而我依然係冇咩貢獻，防守又差，成日比果幾支炮ｏ係我前面射波，又成日走漏ｃｅｎｔｅｒ
進攻更加唔洗講，我連起手機會都冇．．．＞．＜
最後我地全場輸２２：３４（１０：１８，１２：１６）

根據宜家情況睇，我地唔能夠再輸落去，否則就一定跌返落乙組．．．
下星期日對荃青，大家一定要努力呀！！！

>>January 15, 2006 at 7:05:18 PM GMT+8

2006 年 1 月 5 日 星期四 【晴】

今日係我返工ｏ既最後一日，可能之後都唔再返呢份工ｌｕ．．．
由我考完ａ－ｌｅｖｅｌ果刻開始，我已經知道自己一定唔掂
一定會令屋企人好失望，我覺得我唔能夠再要屋企人為我操心
所以我果陣搵左速遞做，都叫做儲到ｄ＄＄，ｉｖｅ學費又係自己交
到返學ｏ既日子又去左ｐａｒｔ－ｔｉｍｅ，基本上都係自給自足
大概有６，７個月冇問過屋企人拎＄＄，又自己交晒ｄ學費
我曾經以為自己好獨立，終於可以一個人生活，點知我一切都攪錯晒．．．

自從我返左呢份工之後，我諗我有同阿媽只係講過２，３句野
因為我放工返到屋企，阿媽已經訓左，到我起身返學ｏ既時候，阿媽又返左工
咁變左幾乎冇咩時間見到佢．．．到我請假果ｄ日子，我又會出去玩，玩到好夜先返
結果我同ｄ同事就成日一齊，但係同屋企人就好疏離

直到我琴日請錯假，留左ｏ係屋企食飯，我先發覺我已經好耐未試過一家人齊人坐低食飯
所以到最後我都係決定唔做呢份工一段時間，日後可能過返去做
但係會同ｔｉｍ叔講一個星期返２，３日，當搵千幾蚊一個月都好．．

由今日開始，我已經又再自由喇～～

>>January 8, 2006 at 6:47:52 PM GMT+8

2006 年 1 月 4 日 星期三 【晴】

琴日出左糧，哈哈～雖然唔夠數，但係都當夠數出足比我，真係好
本來手球隊果度約左今日上教院練波，所以我返工果度請左假
但係唔知點解攪下攪下又攪唔成，結果我就浪費左一日假．．．

結果我只好一個人出去買下野，其實有ｄ野想買好耐
我宜家打手球果陣一係著ｄｕｎｋ　ｌｏｗ．一係就著籃球鞋
但係兩對都唔多岩，一對太爛，一對太重，而我就想買一對又簿又輕ｏ既波鞋
之後去搵到一對唔知咩運動ｏ既鞋，又係籃色，好襯我地ｋｃｍ套波衫（黃衫藍褲）
跟住就買左喇，以後就靠呢對鞋打手球喇～～

睇下睇下，又睇中左件褸，又買左落黎
最後今日都洸左唔少＄＄＄

>>January 8, 2006 at 6:26:18 PM GMT+8

2006 年 1 月 1 日 星期日 【晴】

今日又係打手球聯賽ｏ既日子，真係好．．
對手係南華，其實已經一早估到，因為手球總會應該係特登將ｄ強隊對晒ｄ弱隊先，咁之後ｄ比賽會激烈ｄ
結果宜家頭５名４場羸晒，尾５名４場輸晒

不過好可惜，我今日又晏左起身，中午１２：００先起到身
之後即刻飛奔出去，去到都係遲左，場波已經開左，跟住即刻ｃｈｅｃｋ證熱身
今日都係唔齊人，黑仔同ｇａｐ衡都冇黎，但係倪澤康由英國返黎打
場波一開始南華好似刻意去守咁，而且佢地個守門員又勁，我地好難入波．．．
好快我就有得出喇，經過上次去教院練波之後，我ｆｅｅｌ到自己同隊友夾左
而且今日南華ｄ人守到好出，正係我入波ｏ既好機會！！
第一球接波就有得起手，不過比人撞低左，又淨係博到７公尺
因為之後都有好多機會，所以我終於入返一球
但係上半場都係大比數輸３：１８，因為佢地守得太好．．．＞．＜

下半場我地有返ｄ改善，連我都符碌入多球，況且佢地最後都明顯地放水
完場我地輸１４：３３，都係果句啦，輸就預左架喇．．．下場再努力啦

之後沖涼換衫，食左ｄ野，又過返球場睇波－－何郭佩珍對荃青
兩隊都好強，不過何中始終勁ｄ，佢地再贏一場

睇完就返屋企換衫返工，又係落旺角，同阿康一齊擺，不過５點先落到去．．．
不過成個人都好支力，唔止肉體上支力，心靈上都好支力
成個人都做得冇咩心機，做到１１點就走喇．．．

>>January 2, 2006 at 5:17:20 PM GMT+8

2005 年 12 月 31 日 星期六 【晴】

新一年，新希望～
我今年要．．．
１．讀好ｄ書，每科分數至少要６０％
２．開始儲＄＄，我要靠自己生活
３．第三就唔講．．．哈哈

今日係２００６年等一日，我依舊要返工，點解呢？
因為我應承左ｔｉｍ叔做多一個星期，因為佢話未搵到人頂
咁我見佢平日都對我唔差，咁我就做到考試前啦
其實我都有ｄ想過ｐｉｚｚａ　ｈｕｔ果度做，之前應承左人，唯有遲ｄ先過去啦．．

>>January 1, 2006 at 5:46:51 PM GMT+8

2005 年 12 月 30 日 星期五 【晴】

今日係大除夕，不過都係咁過．．
５點落旺角返工，同阿康一齊做，做做下都冇咩心機，做到９點幾就走喇
之後去左搵阿ｐａｔ同銳哥，因為之前約左一齊倒數

我地去左尖沙咀等，行唔到去海傍，咁唯有行去尖東啦
行到去香格里拉果度搵到位坐就坐低傾下計，講下ｄ近況
反而我最近冇咩近況好講，因為日日都差唔多，冇咩事值得紀念
簡單黎講即係好乏味．．．＞．＜

到差唔多１２點果陣，我仲諗住大大聲咁倒數，點知附近都冇ｓｉｇｎａｌ
冇啦啦到左１２點都唔知，真係攪笑．．．
倒完數之後我地就一齊搭地鐵返去，我就去左青衣睇戲
有我，ｋ樂，ｋａｉ豪，浩賢，昆，朱玲同大佬
我地去左睇「情義我心知」，係黎明同杜文澤做主角
成個故事都幾得意，係個結局唔知點咁．．．

睇完之後去左長發買宵夜去海傍食，我買左車仔麵，點知．．．＞．＜
食完之後就傾下計，玩下ｋｉｌｌｅｒ同非洲話事啤
玩左一陣都差唔多天光，最後各自回家．．．

好支力呀！！！！！！

>>January 1, 2006 at 5:39:01 PM GMT+8