2006 年 12 月 18 日 星期一 【晴】

返埋今日學終於都放假喇，可以去大玩一餐～～
最近超多測驗，有ｄ科仲要測兩個
ｄ阿ｓｉｒ又唔夾下時間，有時要一星期測兩科

好彩終於捱過左，雖然成績唔係咁好，ｄｔ果２次都唔合格，仲要係低到離晒譜果隻
其他科都係岩岩好合格，見到有ｄ同學已經預備升ｕ果ｄ野
再望下自己，唉．．．

聖誕節之後一返去又有２個ｔｅｓｔ，１５號又開始ｅｘａｍ
想聖誕快樂都幾難．．．＝．＝

>>December 20, 2006 at 11:28:36 AM GMT+8

2006 年 12 月 9 日 星期六 【晴】

今日好失望，真係好失望
咁樣落去，我地就要降班喇．．．

我地手球隊打完５輪之後５場輸晒，有４隊同我地一樣
換言之呢４隊先係我地真正ｏ既敵人，淨低ｏ既比賽都係同佢地打
所以每一場都不容有失，但係．．．．

今日ｏ既對手係南青，即係南華青年軍，其實有ｄ都已經唔係青年
佢地係上年乙組第二升上黎，應該係咁多隊之中最易應付ｏ既一隊
但係我地打得好差，上半場輸８比１２，全場輸１８比２８
種感覺同之前輸波好唔同，今次係真ｏ既失望．．．

我對自己亦越黎越冇自信，好似做咩都唔成功咁．．．

>>December 10, 2006 at 6:27:59 PM GMT+8

2006 年 12 月 7 日 星期四 【晴】

今日淨係返上晝，下晝同ｄ同學一齊去世界電訊展
本來３００幾蚊一張飛，但係學校幫我地出

食完飯之後就坐巴士去青衣地鐵站再轉去東涌
去到東涌之後有接駁巴士去「亞洲博覽館」，第一次去
果度ｏ係機場附近，除左果座野周圍都冇咩建築物
種感覺有ｄ似沙漠上ｏ既一處綠洲

入面ｏ既格局似會展，不過佢能冇會展咁大，因為得一層
至於參展商方面包括各大電訊公司，有本地，有國內，有外國
展覽ｏ既ｐｒｏｄｕｃｔ有手提電話，ｉｐ　ｐｈｏｎｅ
仲有ｄ無線上網技術，同埋ｄ古靈精怪野．．．

參觀ｏ既人亦都係唔同國籍都有，但係得我地係學生

我地班分開左幾批人周圍睇，見到ｉｐ　ｐｈｏｎｅ同ｖｏｉｐ果ｄ野嚇左一跳
估唔到果ｄ野除左做ｌａｂ之外仲有機會見到
之後又去左睇ｄ新手機，先睇左ｄ國內牌子，不過有ｄ失望
有好幾隻都係抄人，抄足７，８成
都係ｄ外國牌子多ｄ創意，不過有隻好搞笑
佢可以打開好似ｎｄｓ咁樣打機，但係做打機又太細，做電話又太大，唔知點咁
試玩左幾個電話，好多出面都未有得賣，全部都好鍾意，如果送一部比我就好喇～

跟住陸續有ｄ簡報會，都係介紹佢地ｏ既技術，好多時都係由ｄ少女ｐｒｅｓｅｎｔ
佢地又靚，英文又咯咯聲，同ｄ外國人對答如流
咁樣ｏ既女仔，要咩男仔先有資格擁有呢？？

行行下又見到張繼聰ｏ係台上面唱歌，不過台下ｄ人好冷淡
佢都係唱左一陣就走喇．．．

行到無力ｏ既時候，我地集中搵ｄ有野食，野飲招待ｏ既攤位
又食又拎，食飽又四周圍搵ｄ贈品，拎左一大個紙袋ｏ既野
中途又撞到阿ｌｏ同ｐａｔｒｉｃｋ係咁搵ｄ女仔影相

最後行到５點就走，返到屋企食完飯又出左去青衣打波
今日表現比平日更差，跑得慢，跳得又矮，射得又唔準
唉．．．我ｏ既運動生涯已經開始走下坡了．．．

>>December 10, 2006 at 6:15:45 PM GMT+8

2006 年 11 月 30 日 星期四 【晴】

今朝返學做２個鐘ｌａｂ，１個鐘ｔｕｒ
好快就過左，返到屋企又再訓過．．．

到左夜晚去青衣打波，天氣凍，感覺都幾好
表現又係一般，成日諗住練新絕招都練唔到
不過打完之後個人暢快左好多，一吐呢一個星期入面ｏ既悶氣

>>December 1, 2006 at 8:41:01 PM GMT+8

2006 年 11 月 29 日 星期三 【晴】

今日測ｓ＆ａ，本來以為好容易，實食冇痴牙果種
但係比想像中難，係睇落去唔難，做落去好難果ｄ

仲要得２條，每條５０％，真犀利．．．
到最後都唔夠時間做，我諗唔會高分

測完呢科之後就測晒所有驗，成績好一般
都已經係最後一年，個人仲好似冇咩心機咁．．．

>>December 1, 2006 at 8:35:37 PM GMT+8

2006 年 11 月 28 日 星期二 【晴】

今日唔洗返學，因為ｉｖｅ畢業禮
其實本身今日都ｄａｙ ｏｆｆ，冇咩分別

訓到１１點幾先起身，之後去楓樹窩打波
有左輪同佢ｉｖｅ同學，仲有ｋ樂，岩岩好１０個人打全場
我諗住見係室內場，就打多ｄ快攻，點知打打下終於抽筋
ｄ體能真係好差，點解會咁架？？

打波由１２點打到３點，之後沖個靚涼就回家
到夜晚阿ｐａｔ又搵我出去食飯，有肥濃同阿潘，話係幫佢再慶祝生日
不過我已經食左飯，所以都只係陪佢地去公園飲下野，傾下計
雖然已經成日見，但係都聽到好多新聞．反而得我冇咩野講
因為我都係普普通通咁，成個人都好似行屍走肉咁．．．

最後傾到好晏先返屋企

>>December 1, 2006 at 8:29:31 PM GMT+8

2006 年 11 月 25 日 星期六 【晴】

今日又係打手球ｏ既日子，對手係卓麗，ｏ係九龍公園打
搵左好耐先搵到體育館．．．

不過今日好特別，我地繼鐵人之後又多一個新隊員，都係阿銘ｄ同學
仲有黃ｓｉｒ都有黎睇，我仲以為佢唔記得我地顧超文有隊聯賽隊
而且阿袁同阿平２個奇人唔知點樣又搵到黎．．．

呢場波我地終於多返ｄ人，可以多ｄ輪換空間
反而對手一隊果班冇黎，都係黎細果班，而且係石天果班
因為威濤降左班之後，石天ｄ勁人都過左去卓麗

開波果陣我地打得唔錯，打到５比５迫佢地叫暫停
不過之後係咁比人打快攻，佢地個右ｗｉｎｇ４分鐘連入５球
上半場完結果陣輸９比１４

到左下半場我地又搶左一輪，最近追到１３比１６
但係佢地始終都係高手，話咁快又拉返開１０幾分距離
之後佢地換左ｄ年青球員出黎，大家都總算拉成均勢
最後全場輸２３比３２，係我地今屆聯賽打得最好ｏ既一場

連輸５場之後個局勢同上年一樣
有５隊全勝，又有５隊全敗，之後我地都會同一樣係全敗ｏ既球隊打
到時先係聯賽最好玩之處．．．

打完之後大家去左食飯，一邊食飯一邊睇波
人生一樂事也．．．．

>>November 26, 2006 at 6:58:01 PM GMT+8

2006 年 11 月 24 日 星期五 【晴】

阿ｐａｔ今個月３０號生日，佢就搞個ｐａｒｔｙ約佢所有ｆｄ出黎飲野
咁我都唔例外，夜晚去左ｂａｒ　ｐａｃｉｆｉｃ搵佢

去到果陣佢有ｄ同事已經到左，之後ｋｃｍ同學仔都陸續黎到
足足都有十幾廿人，雖然唔熟，但係都ｏｋ好玩
佢地一黎到就叫左幾ｓｅｔ，起初諗住比面阿ｐａｔ飲少少算數
不過玩親ｇａｍｅ都係我輸，我都唔知咩事就飲到一堆泥漿咁

到後來都係睇佢地玩，聽下人唱歌咁
捱到１２點幾終於要返屋企了，沿途腳步浮浮，好似打功夫咁
好彩都捱到返屋企

>>November 26, 2006 at 6:37:21 PM GMT+8

2006 年 11 月 23 日 星期四 【晴】

今日去左青衣打波，都有半個月冇打
去到都係同果班人，始終都係贏唔到

點解？點解會咁，究竟差ｄ咩？
有陣時一開波會贏佢地好幾分，但係又比佢地屈返轉頭
總括黎講都係失望，可能我已經再冇進步ｏ既空間．．．

>>November 24, 2006 at 5:53:00 PM GMT+8

2006 年 11 月 21 日 星期二 【晴】

今日返學真係有ｄ嬲，做ｌａｂ做到唔識諗住問個阿ｓｉｒ
佢一坐低就好似笑我咁，一副「你唔識咩？咁慘呀？」ｏ既樣子
可能我成日走佢堂，佢對我印象唔好．．．

之後我照樣問佢，佢就好似當係講笑咁
我個樣咁認真，佢又答非所問，ｏ係度挖苦我
所以我叫佢試一次比我睇，佢又唔試，講埋ｄ理論
之後問我明唔明，我特登答佢唔明，因為我ｏ既意思係叫佢試一次
希望佢可能會發現係ｄ機ｏ既問題，而且我話左明都唔會解決到個ｌａｂ
點知佢又話同我有代溝，叫坐我隔離果個教我．．．

哼，佢根本就冇心當我係佢學生，對其他人又有講有笑
希望下個學期唔會見到佢，真係勞氣．．．

>>November 24, 2006 at 5:49:46 PM GMT+8