2006 年 8 月 17 日 星期四 【晴】

今日返工，好辛苦，背脊同雙手好痛，郁下都痛
做野果陣件衫同膊頭磨擦果下，簡直．．．快活過神仙．．．

好彩今日冇唔係話多野做，但係我成個人好謝
一有時間坐低休息，有陣時做一陣野就休息一陣
最後終於捱過慢長ｏ既一日

>>August 21, 2006 at 2:39:36 PM GMT+8

2006 年 8 月 16 日 星期三 【晴】

今日終於去左遊船河喇，將我最近ｏ既悶氣吐晒出黎
不過就曬到黑晒，好似燒豬ｄ皮咁，宜家仲痛緊．

經過左２次改期，船河定ｏ係今日攪，可能個天都替我地高興，賜一個好天氣比我地
我７點半起左身，８點多ｄ去到荔景等，幾乎齊人就出發去彩虹，再轉小巴去西貢
陣容犀利喇，有我，圈，ｋ樂，ｋａｉ豪，音，杰，肥雄，大佬，叉燒，邦，傻威，浩賢，富華，左輪，ｉｄｙ，昆，ｃｈｅｒｒｙ，ｂｅｔｔｙ，ｂｅｔｔｙ個姐姐＆ｐｅｔｅｒ仔
有成１９人呀，好耐未試過咁人齊～

大家去到西貢之後先買野飲同生果，之後一齊上船，影左ｄ相，然後就開始食野
我整果個吞拿魚沙律真係唔錯架，唔解冇咩人食架．．．＞＜

食飽飽之後架船都到左沙灘附近，大家已經急不及待游水過去
而我就抱住個大水泡游過去，去到個灘感覺唔錯，ｄ沙好綿，ｄ水都清，但係岩石比較多
起初都冇咩人，但係陸續又有人上岸，迫到我地ｏ係一個好細ｏ既ａｒｅａ玩沙
點知邊個辣著左個火頭，大家都控制唔到情緒，敵我不分咁亂攻擊
而我就靜靜地起革命，偷偷地整左幾個沙蛋，超硬的
不過我都係是但咁拋高，睇下邊個唔好彩，之後見到ｂｅｔｔｙ，就拋左一個比佢
但係個沙蛋太強喇，撞傷左ｂｅｔｔｙ個咀之後都仲要爛唔晒，要跌落水先散
我開始有ｄ後悔，不過已經太遲喇，我得罪左一個唔能夠得罪ｏ既人．．．
報應即將降臨ｏ係我身上．．．＞＜

玩完一輪之後，上左船食左ｄ野補給一下，跟住又落左水玩，我又係抱住個水泡
本來好悠閒咁浮下浮下，好寫意，但係ｂｅｔｔｙ兩姐妹過左黎找我晦氣
ｂｅｔｔｙ應該怪我整傷佢個咀，搵左個幫手黎報復
我都未解釋已經話除我條褲，仲搣我ｄ肌肉，起初我當係玩，點知開始有人加入
個個都好認真咁除，我２隻手又要挾住個水泡又要扯住條褲，好吃力
不過真係估唔到佢地係認真，仲要圍攻，算咩英雄好漢！？下？
慢慢我開始冇力，守到前面守唔到後面，比ｋａｉ豪伸左隻手入去
講到呢到，我都唔想再講落去．．．（流淚中）
唔知邊個隻腳仲伸左入去我條褲入面，仲用ｄ腳趾勾住唔放．．．
ｂｅｔｔｙ就彈我條褲，即係拉開再放手，可惡．．．

最慘就係ｏ係水度，我戰鬥力冇陸地咁強，虎落平陽被犬欺
比人蹂躪左一番之後我都開始反擊，２隻手唔郁得都可以用口，我就係咁用口含住ｄ水噴佢地
而佢地就搣我ｄ毛，情況甚為恐怖．．．
呢個時候，我諗起上次睇國家地理雜誌，有４隻雌獅子圍住隻牛
有２隻咬喉嚨，有２隻咬個身，點知隻牛發難，一轉身用個離心力甩開４隻獅子
於是我有樣學樣，係咁轉，轉呀轉，轉到有ｄ想嘔
大家拉扯左好耐，僵持不下，最後我提議用傻威黎交換先放我走．．．

成個過程已經比阿昆用ｄｖ拍低晒，解像度甚高，清楚影到咁多個犯人個樣
我會保留追究權利．．．

頭號主犯：ｂｅｔｔｙ，人地個姐姐，ｋａｉ豪，阿圈
次被告：ｋ樂，左輪，ｉｄｙ，ｃｈｅｒｒｙ
污點證人：大佬

我贈你地一句：他朝君體也相同，除人褲者必被人除褲

上返船之後冇晒力，我同傻威講話ｂｅｔｔｙ果個位置有珊瑚睇，叫佢過去
傻威游左過去之後，我仲諗住又有野睇，點知都冇人除佢褲，仲帶左佢去睇珊瑚．．．

餘下ｏ既時間都係浸下水，又上下船玩，等個沙灘冇咁多人ｏ既時候又過返去玩閃避球
可惜個場唔贏，玩得唔盡興．．．
最後游返去好舒服，係ｄ柴油味重左ｄ，攪到ｄ海水有ｄ苦
如果有人唔小心跌左個煙頭落海，可能會燒得著成個海

上到船沖身，好舒服，但係ｏ係呢個時候，ｐｅｔｅｒ仔跌左落水
我沖左身，冇辦法落去拯救佢，結果佢就隨住同ｂｅｔｔｙ一樣咁無情ｏ既浪離開我地

ｐｅｔｅｒ仔（９／８／２００４－１７／８／２００６）

我記得ｐｅｔｅｒ仔係２年前，即係６升中７果個暑假買架，＄２０一個
呢２年，幾乎每一次去沙灘ｏ既活動都有出席，出席率仲高過某幾個邊緣會員
ｏ係佢越游越遠ｏ既時候，我個心竟然有ｄ失落，果種感覺就好似．．．就好似．．．
下次買波果陣真係唔好幫佢改名，如果唔係又會唔捨得．．．＞＜

沖完身之後上左上層換衫，之後一齊影下相，滿載笑聲返去西貢
返到西貢就轉巴士搭去鑽石山，大家都好疲倦，有ｄ人又走左
得返我，ｋ樂，傻威，圈，大佬，昆，ｃｈｅｒｒｙ，左輪，ｉｄｙ
我地一行９人去左食ｐｉｚｚａ　ｈｕｔ，試左個新批，有ｄ失望
食飽之後就坐地鐵回家，好支力，而且曬傷ｏ既部份開始痛．．．

總括黎講，今日真係好玩～

>>August 18, 2006 at 4:15:19 PM GMT+8

2006 年 8 月 15 日 星期二 【晴】

都係果句，今日冇咩野做，呢份工真係特別，一時唔洗做，一時就做到死下死下
比較懷念以前做速遞果種感覺．．．

雖然宜家都有時要出外送文件，但係都係速遞種感覺好ｄ
朝早好悶，係收下貨同點數，下晝去左中環拎份單，咁又去埋果半日
夜晚買野整三文治，預備聽日去遊船河～

>>August 17, 2006 at 3:36:03 PM GMT+8

2006 年 8 月 14 日 星期一 【晴】

今日返工，要入倉ｑ貨，不過得２隻貨要ｑ，仲要係ｄ濕碎野
其實叫司機同跟車做都得啦，咁可能比較有效率
但係始終係我ｏ既工作，都係要跟車入沙田．．．

果２隻貨都係望一望就可以知道有冇問題果ｄ，好快咁睇左４％
發現冇咩問題，諗住同阿明講話返公司先，但係佢又忙緊其他野
因為又有ｄ人黎睇個倉，我又唔想比佢地見到我淨係坐ｏ係度唔做野
於是就睇埋其他９６％，發覺有一隻有ｄ問題，少左一對「耳仔」
數數下又多左２件，最後阿明話拎走２件，包括有問題果件走就得喇

之後一個人坐巴士返公司，下晝就得閒ｄ，淨係出左去一轉長沙灣
咁就一日喇．．．

>>August 17, 2006 at 3:31:07 PM GMT+8

2006 年 8 月 13 日 星期日 【晴】

經過２日假期之後，今日又要返工，不過冇咩野做
放左工之後就去左西九龍食壽司，今日人多勢眾～

有我，圈，ｒｏｃｋｙ，傻威，昆，ｃｈｅｒｒｙ，左輪，ｉｄｙ
食左好多野，不過亦收埋左好多飯，好在冇比人發現
到想埋單果陣先發現佢寫左６位，咁我地緊係分批離開啦
８個人比６個人錢，慳返差唔多一百大元
之後我地就用左呢一大筆錢去做左ｄ好有意義ｏ既事
就係上左奇趣天地玩，買左１００個金幣，有排玩．．．

我地先玩左新果個氣墊機，有得雙打，真係超好玩
之後又玩左陣籃球，玩到好盡興，真係好～

>>August 14, 2006 at 6:05:28 PM GMT+8

2006 年 8 月 13 日 星期日 【晴】

今日又係訓到好晏先起身，之後出左去青泰苑打波
我地得我，左輪，軒爺３個人，但係出面有５，６隊跟隊
我５點過ｄ黎到，坐到６點先有得打第一場

起初我好準，呢個框我都唔識講，好難捉摸
跟住打打下就變到炒晒，果種感覺又返左黎，就係果種冇咩意識ｏ既感覺
對上幾次打波同ｏ係中電個倉做野都係有呢種感覺
本來冇咩野，ｄ汗一出得多，成個人種感覺變得好模糊，唔知自己做緊ｄ咩
只係好機械化咁做野，例如一接波就射出去．．．
以前都唔係咁，究竟點解會咁，唔通呢種就係「網球王子」入面ｏ既「無我境界」！？

連贏左４，５場之後，終於輸返一場，我地亦打夠返屋企．．．

到左夜晚，我同細佬睇「大逃殺」，因為個主角係「死亡筆記」ｏ既夜神月
所以叫細佬借返黎睇睇，真係好好睇，好精彩，係我睇過最精彩ｏ既３級片～
如果我都要被迫參加大逃殺呢個活動，而對手又係自己同學
我一定唔係殺任何一個人，因為我唔會亦冇咩可能做生還果一個
所以我最大ｏ既前題就係同ｄ同學一齊試下逃走，如果唔得，就唯有好似個主角咁
保護自己心愛ｏ既人到最後一秒，ｏ係呢個遊戲入面，對於我黎講
可以同自己喜歡ｏ既人一齊死係最好ｏ既結束．．．

期待去睇「死亡筆記」．．．

>>August 14, 2006 at 5:48:36 PM GMT+8

2006 年 8 月 12 日 星期六 【晴】

今日係星期六，唔洗返工，又係訓到好晏先起身．．．
起左身之後都係打下機咁，等夜晚出去食野

阿ｐａｔ同肥濃佢地諗住搵我補祝生日
起初約７點鐘食飯，最後因為其他人好遲先放工而延遲
之後去左機鋪打左陣機，搵搵下人，原來阿ｋｅｙ係８月１６號生，所以一齊慶祝埋
反正好耐都冇見佢地，經過一輪討論之後，最終決定去唱ｋ

我地一行８人，我，ｐａｔ，肥濃，銳哥，好耐冇見ｏ既阿達，ｋｅｙ，ｙｏ同只係坐一陣ｏ既新地
阿ｋｅｙ同阿達都好耐冇見，如果ｏ係條街遇到佢地都未必第一時間認得
因為大家都唔同左好多，反而我外表就同以前一樣
起初大家都係唱下歌，之後諗住叫少少酒飲下，點知佢地叫完一ｓｅｔ又一ｓｅｔ
我對飲酒呢樣野得一個睇法，一係就飲到醉，唔記得ｄ唔開心ｏ既野，痛快咁玩
一係就一杯都唔好，費事浪費，而小弟我，當然就係後者啦

我都有玩下「骰中」，猜下梅，不過只係飲檸茶，仲有幫人斟下酒咁，灌下人飲
唔知係咪跟得佢地多，慢慢都開始ｅｎｊｏｙ玩下呢ｄ娛樂（平時唔多ｌｉｋｅ，只不過係陪人玩）
到後來蛋糕同香檳黎左，大家都好似瘋狂左咁，又噴香檳，又玩蛋糕
整到成件衫都濕晒，又香又甜．．．
好彩阿ｐａｔ同肥濃送比我份禮物係一件衫，可以換左佢，如果唔係都唔知點返屋企

之後大家都投入去飲酒，成日都話最後一ｒｏｕｎｄ，但係飲完又再叫，真係冇佢地辦法
我就同阿ｐａｔ唱下歌，聽下歌咁，睇佢地玩，間唔中又執下雞～

到最後大家玩到３點幾先捨得走，阿ｐａｔ陪肥濃返去，而我就一個人行返屋企
一個人行返去實在好恐怖，不過都係有驚無險，４點先返到屋企．．．

>>August 14, 2006 at 5:25:23 PM GMT+8

2006 年 8 月 10 日 星期四 【晴】

本來今日係去遊船河，但係因為有２個颱風黎緊，所以被迫取消
唯有返工啦，今日都係冇咩野做，都係打下ｒｅｐｏｒｔ，送下野咁
咁又一日．．．

放左工去左阿昆屋企，因為佢琴晚話可能打牌，咁我又諗住比個驚喜打緊牌ｏ既大家
於是冇打比阿昆就上左去喇，點知阿昆屋企竟然冇人，我打比阿昆先知原來攪唔成
噢．．．真係完美ｏ既誤會．．．

之後只好返屋企打機～

>>August 12, 2006 at 8:56:47 AM GMT+8

2006 年 8 月 9 日 星期三 【晴】

今日又係返工，已經唔多記得做過ｄ咩事．．．
我諗都係收下貨咁，ｄ日子好似過得好快咁～

>>August 12, 2006 at 8:48:09 AM GMT+8

2006 年 8 月 8 日 星期二 【晴】

今日係小弟ｏ既生日，生日願望都係果句啦，大家開開心心啦～
其實生日都冇咩特別，又唔係會長ｄ，所以我都係平常心咁

不過生日還生日，工還是要返，而且仲要入中電個倉，於是又一早返到公司跟阿明架車入去
入到去要拆個貨櫃，但係中電有ｄ高層黎左視察，ｄ工作要慢慢做
又要著返ｄ鋼頭鞋，因為得２對，阿明同阿賢拎左去著，而我就冇，唯有ｏ係側邊睇
之後ｑ貨果陣又係比人望住晒，用界刀果陣個刀鋒要向冇人ｏ既方向
ｄ貨又唔可以拋黎拋去，要小心抬出黎，ｄ工作速度慢左幾倍．．．

過左一陣，ｄ高層走左之後就開始做返平時ｏ既做法，好快就拆左一半ｏ既貨黎ｃｈｅｃｋ
之後有件貨有細件，大約得一個電腦主機咁大，我以為好輕，點知「鄔」低一拎
嘩，我ｆｅｅｌ到我上半身同下半身好似脫離左咁，原來果箱野有１００ｋｇ架．．．
真係人不可以貌相．．．．

做呀做，好快就做完ｄ野喇，因為阿明佢地仲有下一轉要去，就叫我自己食完野返公司先
咁我就諗住搭車返到公司先食野，於是就搭巴士返去
但係我ｏ係巴士訓著左，到醒果陣傻傻地，ｏ係近自己屋企個站落左車
咁唯有返屋企食野啦，自己煮左麵食就返公司喇．．．

返到公司都冇咩野做，都係打下ｒｅｐｏｒｔ咁，到４點幾果陣去出左觀塘送野
之後就收工，返左屋企訓陣覺，訓訓下訓到ｋａｉ豪打比我，我先起身出去打邊爐

我地約左去青衣打邊爐，成員有１２個，包括我，ｒｏｃｋｙ，叉燒，軒爺，ｋａｉ豪
圈，ｋ樂，昆，ｃｈｅｒｒｙ，大佬，左輪，ｉｄｙ
我去到果陣大家都入晒去，仲食緊喇，而我都不甘示弱，食左好多野
之後唔知邊個叫左雞子，得ｋ樂敢食．．．
至於禮物方面，我收到一件ｔｅｅ，一個咀型電話同一架木板飛機
仲有一張生卡，多謝大家，４樣我都鍾意～
食呀食，食到好飽，之後又影左陣相，酒樓影完又出左影

大約１１點半就走ｌｕ，搭４４ｍ走，本來都好地地
但係無啦啦超大雨，大到好似瀑布咁，最後返到屋企成個人濕晒．．．

>>August 12, 2006 at 8:45:42 AM GMT+8