2006 年 9 月 1 日 星期五 【晴】

今日去阿昆屋企打牌，遲晒到，真係唔好意思．．．
陣容有我，ｋａｉ豪，ｋ樂，昆，ｃｈｅｒｒｙ

可能因為我留左鬍子ｏ既關係，個人殺氣大左，財神爺都要比面幾分
一坐低就食頭糊，之後都好順利，食左幾次自摸，種感覺簡直得心應手
仲有一次食左「小三元」，咁大個仔第一次食，太好了

最後打到８點半轉左去打機，打呀打，打到９點幾先走

>>September 4, 2006 at 4:40:23 PM GMT+8

2006 年 8 月 31 日 星期四 【晴】

今朝返到公司，有ＴＹＣＯ果面ｄ人黎查倉
其實之前都知道，不過冇諗過會咁認真．．．

佢地基本上係每一隻佢地存倉ｏ既貨都會睇
有拆過ｏ既都要我開返箱ｏ係佢地面前數一次
又要貼果ｄ標籤，本來我覺得應該好快就完成ｏ既工作，到最後用左２個幾鐘先攪掂
攪完之後又要我搬返好，排返靚．．．

下晝出左去送文件，去左觀塘２個地點，尖沙咀２個地方，長沙灣２個地方
幾乎係香港一日遊，做速遞果種感覺返晒黎，有ｄ懷念
返到公司ｈｅａ左一陣就收工ｌｕ．．

>>September 4, 2006 at 4:32:56 PM GMT+8

2006 年 8 月 29 日 星期二 【晴】

呢兩日都係冇咩野做，唔洗入倉，唔洗「ｏ拍」豆豆
最多都係收下貨，點下貨，執靚ｄ個倉，間唔中又出下去長沙灣拎野

我講左話做到埋９月９日就唔做，因為應該１１號開學，要讀書
到時又要再搵兼職喇，或者過返去ｔｉｍ叔果度做

夜晚ｋ樂約打波，食埋飯就出去好耐冇見ｏ既文娛
不過我地陣容唔完整，得我，ｋ樂，聰聰，麥狗，浩暉成１０點先到．．．
個場人就多，不過實力一般，我地都係贏多輸少
但係我ｏ既表現相當不濟，可能有ｄ唔夠訓．．．

之後ｄ人走晒，我地就自己人打自己人，好玩，不過好支力
同佢地打要走好多位，我成日都跟唔上．．．

最後打到１１：３０就走，痛快～

>>August 31, 2006 at 3:40:56 PM GMT+8

2006 年 8 月 27 日 星期日 【晴】

今日入倉，８：３０就返到公司跟阿明架車
入到中電之後拆２隻櫃，入面要ｑ３３隻「大炮」
仲有其他濕碎野，睇黎又有掛攪．．．

好熟悉ｏ既ＡＦＳＪ－１１Ｃ－ＢＡＳＩＣ，即係「大炮」
淨係搬佢上黎已經好費力，２０ｋｇ喎，好彩有阿賢幫我手
每人大約ｑ１０幾隻，其實我發覺ｄ「大炮」次次都冇問題
我有諗過拆左箱之後就咁封返當攪掂，不過都係諗下ｏ者，冇咁做

中午去左食飯果陣，個飯又乾，個汁又稀，我煮仲好食過佢
傾傾下計果陣，阿明同阿賢話我唔似２０歲，似２４，２５歲
可能因為我留左鬍鬚，留下巴果個位，成個人憔悴晒，老左４，５年

之後２點做完返公司，寫下ｒｅｐｏｒｔ，入下資料
３點半又出左長沙灣收票同拎文件，拎返公司之後就收工ｌｕ．．．

>>August 28, 2006 at 4:02:37 PM GMT+8

2006 年 8 月 25 日 星期五 【晴】

前日同琴日都係「ｏ拍」豆豆，竟然仲未攪晒
大佬～４板野喎，總共成差唔多２０００件，每件「ｏ拍」１０粒豆豆
ｔｏｔａｌ要「ｏ拍」二萬粒呀．．．．

結果今日都要返公司攪埋ｄ手尾，好彩仲有志偉幫我手
話咁快就做完剩低果４００件，不過做到麻木晒
而且因為個倉好熱，我地又成日「鼠」左入冷氣房休息
件衫濕晒之後又乾晒，整到件衫好臭，自己幫聞到果陣味

做到１點半終於做完，收工之後就去阿昆屋企打牌
有我，圈，ｋ樂，ｋａｉ豪，叉燒，，杰，昆，ｃｈｅｒｒｙ，大佬
開左２檯，因為叉燒，杰唔打ｏ既關係，所以有一檯係得我，ｋａｉ豪，昆３個人打
到ｒｏｃｋｙ到左之後先可以打返正常．．．

打呀打．．．峰廻路轉，柳暗花明，最後贏左＄７
而大佬果檯好大上落，我覺得果度係大佬ｏ既一個局，佢咁樣做法同打劫冇分別
之後陸續有人走，得返我，ｋａｉ豪，ｋ樂，昆
我地４個再打，又贏＄２，哈哈，最近好ｌｕｃｋｙ～

８點幾就要走喇，之後出左葵芳打波，有肥濃，阿ｐａｔ，仲有肥濃個表弟，阿ｐａｔ個ｆｄ
我地打黎打去都係打果班人，不過未輸過，好多次都係人地領先，我地追
追人地ｏ既感覺真好～

最後打到１０點幾就走ｌｕ．．．

>>August 28, 2006 at 3:48:47 PM GMT+8

2006 年 8 月 23 日 星期三 【晴】

今日唔洗入倉，唔洗出街，亦唔洗點倉，但係都好辛苦
因為要「ｏ拍」豆豆，「ｏ拍」到手指好痛，宜家打日記都痛．．

如果有得選擇，我最想：
１．出街送野
２．入倉ｑ貨
３．跟車送貨
４．「ｏ拍」豆豆

因為「ｏ拍」豆豆實在太悶喇，簡單，重覆ｏ既工作最唔想做
做到手指按一下都痛．．．

>>August 24, 2006 at 5:56:12 PM GMT+8

2006 年 8 月 22 日 星期二 【晴】

今日返工好多濕碎野做，又要點倉，又要洗野
將ｄ野推黎推去，最後到５點終於等到佢叫我出去送野
仲要係送去葵芳，天助我也～

於是我即時坐４０１去青衣去打波，上車果陣問司機經唔經宏福花園
佢諗左一陣就話ｏ係海悅落車，我又唔知海悅ｏ係邊
所以我都係ｏ係長發落車，之後火速步行去青衣體育館
就到果陣比我見到一樣可怕ｏ既野，面前竟然有一架４０１
原來青衣體育館就ｏ係海悅對面，海悅就ｏ係宏福隔離
噢．．．早知唔落車住啦，如果唔係仲快到．．．

去到都５點９喇，換左傻威打左一陣，可以打到６點１
我冇著鞋打，種感覺好ｆｒｅｅ，好薄～
最後打完就返葵芳送埋果封信，咁又過左一日．．．

>>August 24, 2006 at 5:50:20 PM GMT+8

2006 年 8 月 21 日 星期一 【晴】

今日返工其實都冇咩野做，係做左速遞
不過我係一個昂貴ｏ既速遞．．．

朝早出左一轉紅磡，去船公司做轉單，點知對面公司比錯左印仔我
攪左好耐，要等對面公司ｆａｘ個委託書黎
等到我落街食左個早餐都未得，最後攪左成個鐘先完成
返到公司都已經好晏．．．

下晝都係坐定定入資料，好快就做完
ｄ司機亦陸續返到黎打牌，其實ｄ野就做晒
不過老闆都係唔會比人早走，我諗因為會做壞規矩掛，免得我地求其做野博早走
最後又係準時收工．．．

返左屋企休息左陣又出左荃灣，因為要出席小學同學聚會
成員有我，大勝，牛志，肥華，絲襪女，雞，君
我地去左食意粉屋，叫左好多野食，不過ｄ野食未到
我地就先食左牛志佢地上次去台灣帶返黎ｏ既手信
有雪次果，花生糖同朱古力，唔．．．幾好味．．．

食完野之後又傾下計，影左陣相，不知不覺成間意炒屋得返我地一台客
可能係因為我地講野太大聲，嚇走晒ｄ人，哈哈
我地１０點幾都走喇，今日感覺幾好～

>>August 24, 2006 at 5:40:13 PM GMT+8

2006 年 8 月 20 日 星期日 【晴】

今日又要入中電，雖然辛苦，但係總好過坐ｏ係公司
８：３０返到去跟阿明車入去，中途訓到不省人事．．．

入到倉之後等架拖頭入黎，個櫃有好多野，不過我只係ｑ其中少少
ｃｈｅｃｋ第一隻貨已經有問題，頭果９隻有３隻差２粒零件
所以老闆就叫我ｃｈｅｃｋ足１００％，但係ｃｈｅｃｋ到第５０隻都再冇錯喎
咁再打比老闆，佢就話算啦，唔洗ｃｈｅｃｋ晒（早知早ｄ打比佢啦）
攪攪下，用左一個朝早已經完成晒，自己一個坐巴士返公司

返到去食左個飯先，之後上到去再做ｒｅｐｏｒｔ，入電腦
最後再送埋文件過長沙灣就收工ｌｕ．．．

>>August 21, 2006 at 3:11:42 PM GMT+8

2006 年 8 月 18 日 星期五 【晴】

今朝１０點半起左身，去左阿昆屋企打牌，好耐冇打過
所以呢次早ｄ起身打返一鑊金ｏ既．．．

成員有我，昆，ｃｈｅｒｒｙ，大佬，ｋ樂，ｒｏｃｋｙ，傻威，圈，左輪，ｉｄｙ
人才濟濟，每個星期都可以係咁就好喇
起初我有ｄ唔順，之後就自摸幾次返晒黎，第１ｒｏｕｎｄ贏到大拿拿＄６．５呀
下午茶叫左「陸記」ｄ牛腩米線食，送外賣個阿嬸好攪野
比左錢佢之後佢跌左架，成張＄１００就咁跌左ｏ係地下
不過我都係同佢講返，唔知係一件好事定壞事呢？

食飽之後再打，打到天昏地暗，大約１０點就收手喇
因為要去睇「死亡筆記」，傾左好耐先決定去葵芳睇
去到先食左個ｋｆｃ，再打左陣機，１２點３先開場

電影板ｏ既ｄｅａｔｈ　ｎｏｔｅｓ同漫畫有好多出入，不過都幾好睇
睇完都２點幾，回家後沖涼狂訓．．．

>>August 21, 2006 at 3:02:12 PM GMT+8