2005 年 8 月 16 日 星期二 【晴】

今日係所剩無幾ｏ既返工日子．．．
不過阿強當然唔會比我好過，一於洗盡我
宜家我每日做完之後都要我過金龍，偉倫果度幫大頭文
攪到我連偷懶ｏ既時間都冇．．．
果邊又冇冷氣，又要聽大頭文吹水，我寧願做多２棟新都會．．．

不過宜家先開始發現唔少同事都幾好人
有個阿姐成日都會買ｄ生果返黎比我地食
阿柏又ｓｅｎｄ左首ｇｕｎｄａｍ　ｓｅｅｄ　ｄｅｓｔｉｎｙ　ｅｎｄｉｎｇ歌比我做鈴聲
超正～

最近放工都有陣時唔想走住，想玩多陣，傾陣計先走．．．
諗下諗下．．．發現其實ｌｅｅ班同事都幾好
最初入去果陣知道公司冇靚女（包括寫字樓ｄ人），我仲以為一定冇咩樂趣
做耐左先覺得幾原來都唔錯．．．

或者我老左之後可能會做返速遞哩～

>>August 17, 2005 at 2:09:56 PM GMT+8

2005 年 8 月 11 日 星期四 【晴】

差ｄ唔記得講返自己ｏ既前途ｔｉｍ．．
８月９日ｊｕｐａｓ放榜，冇ｏｆｆｅｒ已經係必然ｏ既事．．．
宜家唯有一心一意去讀好ｉｖｅ，得一個ｔｅｌｅｃｏｍｍｕｎｉｃａｔｉｏｎｓ　ａｎｄ　ｎｅｔｗｏｒｋｉｎｇ　ｏ既兩年制ｈｉｇｈ　ｄｉｐ收我．．．

作為一個好學生，我當然會比心機讀啦
讀完２年之後就搵工做，投身社會，唉．．．真係歲月催人老～
有陣時真係好想坐返ｏ係班房度上堂．．

至於返工果度，公司請左幾個新人，有個係傻傻地架
佢大概１７，１８歲啦，係善良果種傻．．
成日無啦啦拎隻橙出黎食，又話自己好叻，又話我佔佢便宜
哈哈，有陣時真係冇佢辦法．．．
不過佢黎左之後，公司就熱鬧左好多，因為佢成日講ｄ低ｂ野，ｄ氣氛好左唔少
（以前個個都唔多出聲，冇咩話傾下計）

宜家ｄ日子過得有ｄ悶，每日都做住幾乎一樣ｏ既工作
毫冇突破，冇錯．．．我ｏ既人生需要增添一ｄ突破～

>>August 13, 2005 at 5:56:51 PM GMT+8

2005 年 8 月 10 日 星期三 【晴】

今日係註冊ｉｖｅ最後一日，但係我又唔想請假，於是我做左一件冇人做過ｏ既事
朝早超快咁做完，大約１１點就ｆｉｎｉｓｈ
之後跑去永得利廣場放低個袋比個同事，佢就擺左ｏ係個客度
我話如果１２點半都未打比佢，就幫我拎個袋返公司ｃｈｅｃｋ件
跟住又跑返去新都會搭８８ｃ去青衣ｉｖｅ．．．

大概１５分鐘就去到ｉｖｅ門口喇
果陣有個女仔落車先，我跟住落．．．
之後個女仔開始唱歌，佢應該唔知我又落左車
佢唱左差唔多２０秒，終於發現到我ｏ既存在，佢即刻停左冇唱，個樣好尷尬，嘿嘿．．．

辦註冊手續好快，係聽ｄ學會ｓｅｌｌ佢地聽左好耐．．．
最後我入左一個唔知咩學會，可以借ｎｏｔｅ　ｂｏｏｋ，＄８０兩年
之後又有人叫我去ｏ　ｃａｍｐ，不過我冇諗過去．．．

大約１２點幾，我行去長康搭４２ｃ去觀塘
返到去觀塘就撞返永得利廣場個同事，拎返個袋大搖大擺返公司
幾乎冇人知道我去過青衣，嘿嘿．．．
慳返半日人工～

夜晚去左荃灣食韓燒，有我，ｒｏｃｋｙ，圈，ｋ樂同ｋａｉ豪
我最近腸胃唔好，唔想食太多，不過飲左好多湯，試左ｄ以前好少食ｏ既野
食到大約１１點幾就回家喇．．．

>>August 13, 2005 at 2:06:20 PM GMT+8

2005 年 8 月 8 日 星期一 【晴】

今日係小弟生日．．．咁就１９歲喇，時間過得超快，想停都停唔到
不過好彩出糧，連車錢有差唔多＄５０００，正～
都算係一份唔錯ｏ既生日禮物

雖然係生日，但係依舊都要返工，而且已經返到麻木左
成碌粉葛咁「中」黎「中」去又一日．．．

夜晚返到公司又要落貨．．．做到７點幾先走得
之後去左阿昆果度，佢地幫我慶祝生日
有ｒｏｃｋｙ，左輪，ｋ樂，ｋａｉ豪，阿昆，圈，ｃｈｅｒｒｙ同大佬
佢地送左１部１比６０ｏ既ｓｔｒｉｋｅ　ｇｕｎｄａｍ　比我，仲有一張咭～
真係多謝晒～

之後就食ｃａｋｅ，ｋ樂一啖就咬落去，跟住大家都就咁咬黎食，碟都慳返．．．
食完ｃａｋｅ就去左「榕榕」打邊爐．．．．
我地食呀食，食左好多野食
去到大概１１點幾就返屋企喇～

>>August 13, 2005 at 1:37:37 PM GMT+8

2005 年 8 月 5 日 星期五 【晴】

今日只係返半日，１１點都唔夠就做晒，不過返到去阿強又叫我去幫其他人
結果做多左２棟，攪到１２點幾先放工．．．
下次做完都唔返去住喇，要扮晒好忙先得．．．

本來２：３０去游水，但係細佬拎左我個袋，佢又未放工，唔知佢有冇門口入
所以最後都冇去到．．．

夜晚出左去打邊爐，有我，圈，ｒｏｃｋｙ，ｋ樂同軒爺
我地９點之前去左打機，９點後先去食
食呀食，食左好多野
食到大約１１點就走喇
之後我搭ｂｕｓ返屋企

>>August 7, 2005 at 9:10:19 AM GMT+8

2005 年 8 月 4 日 星期四 【晴】

今日放工去左打波．．．
連續第２晚打，隻腳板底有ｄ抽筋ｏ既感覺，而且有ｄ力不從心
仲有對鞋又爛晒，著到好唔舒服
唉．．．買左都唔夠一年，而且次次都係右腳果隻爛，超冇朋友．．．

>>August 7, 2005 at 9:00:11 AM GMT+8

2005 年 8 月 3 日 星期三 【晴】

今日返工．．．．返呀返，話咁快又放工
同左阿強講做到今個月２０號
其實都冇咩唔捨得，因為我只係得４，５個同事熟ｄ，其他果ｄ一係唔出聲，一係唔ｏ岩話題
觀塘果ｄ更加唔洗講，我有份＄＄文件就係應該比果度ｄ人偷左

至於ｄ客哩，有ｄ好好人，有ｄ好麻煩．．．

最唔捨得應該就係１期１８樓果個小姐，星期２，３，４都會送雜誌過去
以靚小姐黎講，佢都算幾善良，又未試過話我（因為我都未聽過佢出聲）

不過冇計啦，總要留返ｄ時間去ｈａｐｐｙ

夜晚去左文娛打波，同大贊，暉暉，聰聰，麥狗，肥仔，ｋ樂
其實升左中７之後都冇同佢地打過波，都有差唔多一年喇．．．
打呀打，打到１１點就走喇

>>August 4, 2005 at 5:13:20 PM GMT+8

2005 年 8 月 1 日 星期一 【晴】

今日如常返工，但係有好多雜誌要派，超重．．．
不過都係好快做完，所以返左屋企煮ｎｏｏｄｌｅｓ食
下午比較多，做到６點幾先做完．．．

放工之後就去西九龍食壽司
有ｒｏｃｋｙ，ｋ樂，傻威同魚腩，一個好常見ｏ既陣容
因為果度太多人，我地先去左暴龍樂園玩，之後又玩「車大炮」
最後等到９：３０先食得．．．

太肚餓喇．．．．
所以食左超多野，我地夾埋食左超過６０碟，食到好飽．．．
最後食到大約１１點就一齊坐ｍｔｒ走喇

>>August 3, 2005 at 12:11:25 PM GMT+8

2005 年 7 月 31 日 星期日 【晴】

今日照常返工，我諗做到８月中就唔做喇，留返ｄ時間去玩
朝早超輕鬆，９點幾出發，１１點都未到就做完
仲買左麥記返屋企食，又可以玩下電腦，之後１２：４５先去觀塘ｃｈｅｃｋ件
足足有２個鐘唔洗做．．．

下午就比較多，而且好沉悶，返到葵興又要落貨，成７點半先走得
回家食完飯之後就去青衣搵傻威，ｒｏｃｋｙ同ｋ樂佢地游水
不過因為冇救生員，得返細池，所以就冇游喇
變左去食麥記同鋤ｄ
但係傻威教我地玩車大炮，之後一直玩．．．
玩個１１：３０就返屋企

>>August 1, 2005 at 5:52:08 PM GMT+8

2005 年 7 月 29 日 星期五 【晴】

今日約左去燒野食．．．
不過朝早落大雨，我仲諗住會取消，但係原來都係照去
ｋ樂約我５：００綠楊等，我遲左少少
之後去到百佳買野．．．

今次ｂｂｑ有我，ｋ樂，ｍｉｋｅ，ｉｖｙ，ｓｔｅｌｌａ，ｃｈｒｉｓ，ｃａｒｏｌ，ｊｅｎｎｙ，ｙｕｋｉ同一個隔離班ｏ既女仔，係一個好罕有ｏ既陣容

買完野就等車去ｃｏｆｆｅｅ　ｂａｙ，我同ｋ樂先ｏ係ｇｏｌｄｅｎ　ｃｏａｓｔ落車買炭同ｂｂｑ　ｆｏｒｋ，買買下越買越多，出返ｗｅｌｌｃｏｍｅ果陣已經天黑喇．．．

行返去ｃｏｆｆｅｅ　ｂａｙ之後開始透爐，大概８點先開始燒．．．
燒燒下又落雨，唯有去租把大摭．．．

我就燒左好多ｆｉｓｈｂａｌｌ，ｃｏｗｂａｌｌ同ｂｒｅｅｆ．．．
因為同其他人唔熟，所以好似我同ｋ樂成日講野咁，不過都幾好玩

燒到大概１１：１５ｐｍ就熄左燈，個電筒又唔夠火力，我地唯有摸黑燒野食
食飽左之後我就落左沙灘行，又ｆｅｅｌ下ｄ　ｓｅａ　ｗａｔｅｒ，ｅｎｊｏｙ下ｄ　ｗｉｎｄ，成個人好ｒｅｌａｘ，舒服晒．．．

最後大約１２：３０就離開喇，坐ｒｅｄ　ｖａｎ出返葵芳，話咁快就到．．．
返到屋企沖完涼，休息左一陣就訓喇．．．．

>>July 31, 2005 at 8:06:55 AM GMT+8