2006 年 7 月 6 日 星期四 【晴】

我已經做左個打算，就係辭左ｐｃｃｗ呢份工
因為又要返學，ｄ靚位又唔到我擺，所以疊埋心水返完學做速遞，起碼穩定ｄ

所以今日好得閒，雖然左輪又冇約打波，不過咁岩阿ｐａｔ又話打波
成員有我，ｐａｔ，肥濃，阿潘，係只有外圍投射ｏ既組合
終於去返文娛打，種感覺好過大場好多，特別係穿針果陣，果種聲簡直一流～
手感都ｏｋ，不過都淨係得中距離．．．

初頭打都幾好，贏得好輕鬆，直到有一隊唔勁ｏ既同我地打
都唔知點解佢地亂掉都入，射波姿勢簡直係推上去，老遠都比佢地推入
仲要唔係一球半球，係好多球都係，仲要串晒咀咁，本來贏８：３都輸返轉頭
我果陣打到好燥，發晒脾氣，仲鬧左阿ｐａｔ幾句，宜家諗返起真係要ｓａｙ　ｓｏｒｒｙ
其實打得最差可能就係我，淨係識射外圍，剷籃都未入過，浪費左３，４球．．．
唉．．．ｄ脾氣始終改善唔到．．．．

之後大家都沉默左一陣，然後又傾下ｄ戰術，為左啖氣唔可以再輸
不過贏我地果隊下一場就輸左，原來真係對我地先準．．．
之後出返去打，打得好漂亮，好耐未試過有呢ｄ籃球感覺
由阿ｐａｔ打底，肥濃分波，我做駁腳或者走位等阿ｐａｔ拉空左再分波比我
打出左好高水準ｏ既比賽，最後都連贏幾場，不過等唔到之前果隊已經熄燈

熄左燈之後我地４個又玩下射３分，射罰球，輸左幾次
做左唔少掌上壓，隻手宜家仲好支力．．．

>>July 7, 2006 at 4:39:27 PM GMT+8

2006 年 7 月 5 日 星期三 【晴】

最近真幾乎死左．．．
又要返學，又要返工，又要睇波，每日訓得２，３個鐘，仲要一連２日都係咁

今日返學已經係咁釣魚，比阿ｓｉｒ點名批評左幾次
呢幾日返學真係好吃力，８：３０－５：３０都係上同一科，對住同一個阿ｓｉｒ
好彩已經係第４日，只要捱多一日就轉第二個科喇～

夜晚又返工，因為宜家多左好多暑期工，成ｔｅａｍ有差唔多２０人
但係得唔夠１０個地方比人擺，我雖然可以一個人擺一個位，但係得返ｄ細位
所以根本搵唔到食，不過今日真係好辛苦，成個人好眼訓，好支力
個背脊係咁出汗，唔係因為熱而出汗，係有ｄ似「標冷汗」果種
雖然企到ｏ係度，但係意識好薄弱，隔離ｉ仔問我野，我都只係下意識咁答返佢
即係有ｄ語無倫次咁，之後自己都ｆｅｅｌ到好唔妥，即刻走入麥當勞洗個面
再坐低訓左一陣，我終於明白「暴斃」係咩一回事，我差ｄ唔能夠再打日記．．．

坐到大約１０點已經執野走喇，返到屋企沖完涼就狂訓
都係屋企張床最舒服～

>>July 7, 2006 at 4:12:34 PM GMT+8

2006 年 7 月 2 日 星期日 【晴】

今日開始要返學，本來返８：３０ａｍ，我遲左成個鐘先去到
係一個未見過ｏ既阿ｓｉｒ，ａｌａｎ　ｐｏ上堂

個ｔｏｐｉｃ係講ｌｉｎｕｘ，但係個阿ｓｉｒ講得好悶
成日都係果２句口頭禈：「你試到話我知」，「真係想一巴打死佢」
聽到我訓晒覺．．．

去到１２半點放ｌｕｎｃｈ，食完野，１點半又黎過，一直上到５點先放人
呢堂真係好難頂，都唔知之後２星期點捱．．．
返到屋企之後就換衫返工，今日擺荃灣麥當勞，一黎近ｄ，二黎想自己一個做
去到果度初頭好積極，但係個位真係唔得，攪到好灰
做做下又落雨，要搬埋牆做，根本冇生意，最後知道阿ｐａｔ都ｏ係麥當勞就上左去搵佢
點知佢識緊ｄ麥當勞妹妹仔，哈哈～真係睇唔出佢係ｄ咁ｏ既人
不過佢又識到喎，仲好好傾，個女仔都好似唔錯．．．
而我就自問冇咁ｏ既膽量喇，唯有坐ｏ係旁邊睇佢地「交往」

最後１１點就同阿ｐａｔ一齊搭巴士走喇，連續３日炒蛋．．＞＜

>>July 3, 2006 at 5:12:14 PM GMT+8

2006 年 7 月 1 日 星期六 【晴】

世界盃冇左我最喜歡果２隊呀，英格蘭同巴西都出局呀．．．＞＜
宜家我轉為支持德國，ＧＯ～

今日３點幾先起身，落到旺角已經４點幾，借左阿龍ｄ工具，擺返許留山個位
種感覺有ｄ屈悶，ｄ新同事又唔熟，佢地又以為我係新同事，又點我做野
所以我都係同ｉ仔傾計，訴下苦．．．

之後見到阿能，係好耐之前ｏ既同事阿能，佢宜家做信用咭ｓａｌｅｓ
我幫佢填左２張ｆｏｒｍ，不過我都唔夠資格申請，不過阿能都比左ｄ禮品比我
我要左一隻雪豆狗，一個ｔｈｅ　ｄｏｇ廁紙筒，一個水樽，真係好～
原來信用咭ｓａｌｅｓ好正架，有個客填ｆｏｒｍ，再交埋身份證ｃｏｐｙ已經計一張單喇
就算個客唔拎咭，都有＄２０一張，佢今日係咁搵以前ｄ行家填ｆｏｒｍ
做半個鐘就有１０張，阿能就好啦．．．

趁旺角「掃街」果陣我又同阿能吹下水，飲下野，種感覺幾好
以前一齊返工一齊玩ｏ既日子快樂好多．．．．

不知不覺已經去到夜晚，我仲係一張單都冇，旺角宜家唔旺我喇．．．＞＜
最後同ｔｉｍ叔，阿康，阿能一齊食飯，之後阿發同招他都黎埋，係上年年尾條ｔｅａｍ的陣容
種感覺幾好，講下近況，又挖下人地ｄ創疤．．．
食飽飯之後又好似以前咁一齊搭ｎ２４１返屋企，好懷念～

>>July 3, 2006 at 4:58:04 PM GMT+8

2006 年 6 月 30 日 星期五 【晴】

由於７月頭要返學ｏ既關係，我諗住做速遞ｏ既夢想已經幾乎落空
唯有做返ｐｃｃｗ啦，要返底薪，咁即係話要幫佢返足

今日落返旺角擺，銀中比阿倫長駐，我變左擺許留山
宜家先發覺有好多同事都已經冇做，請左好多新人，冇人同我比較熟，想傾計都冇對象
反而佢地就玩埋一堆，成日一齊行開，留返我做野
做做下野又要落雨，落下唔落下咁，都唔知搬入去定搬出去
總括黎講已經冇左之前果種氣氛，好似好孤獨咁，希望早ｄ習慣啦

到最後都係炒蛋，空手而回．．．．

返到屋企又睇波，英格蘭對葡萄牙，都ｏｋ好睇，不過我支持ｏ既英格蘭出左局
射１２碼輸左，真係好失望，而且我對艾歷臣ｏ既領軍能力好有保留
又唔識用人又保守，如果英格蘭逐個比較就一定好過葡萄牙，但係唔知點解踢唔出應有水平
唉．．．下屆再努力過啦，我一樣會支持你地～

宜家等緊睇巴西對法國～

>>July 1, 2006 at 6:47:02 PM GMT+8

2006 年 6 月 29 日 星期四 【晴】

今日左輪冇約打波，但係咁岩阿ｐａｔ又約我打波
於是就出左葵芳打，陣容有我，肥濃，阿潘，阿ｐａｔ

初頭去到大場超多人，唯有上黑地打，不過黑地都係多人
果度有一隊都幾勁，有個人好快，成日剷籃或者分波，另一個好肥，淨係屈籃底
其他幾隊都好普通．．．．

第一場輸左比個肥佬屈我機，第二次同返佢地打又贏返，到我地射外圍屈佢地
到第三次同佢地打，好快果個先黎料，係咁剷，係咁入
又成日走過黎ｍａｒｋ我，ｍａｒｋ到我一棟都冇
佢知我一接波要帶一下過右邊先會跳射，比佢封晒位，可惡．．．．
好彩最後都靠隊友贏～

打完之後趕返屋企睇波，德國對阿根廷呀，唔好講笑，非睇不可
場波踢完加時１：１，要射１２碼，最後德國贏左
３點果場意大利就贏３比０，不過烏克蘭一ｄ都唔差，只不過係意大利技高一籌
世界盃越黎越緊張喇！！！

>>July 1, 2006 at 6:28:44 PM GMT+8

2006 年 6 月 25 日 星期日 【晴】

今日入ｃａｍｐ，係塘福３日２夜之旅，諗到都正～～
因為睇波ｏ既關係，所以朝早好晏先起身，９點半先醒到

之後落左街市同阿昆，ｃｈｅｒｒｙ去買糧食，先去買肉
買左好多丸同肉，平呀～應該平過百佳果ｄ
仲有買左ｄ菜，應該足夠一次ｂｂｑ＋打邊爐

最後等埋ｋａｉ豪就一齊去青衣ｊｏｉｎ埋青衣ｄ人入東涌
今次陣容冇上年咁多，有我，ｐｅｔｅｒ仔，ｋａｉ豪，ｋ樂，ｒｏｃｋｙ，叉燒，阿昆同ｃｈｅｒｒｙ

地鐵去東涌途中風景唔錯，好耐冇望過咁大片綠色．．．
去到東涌之後就先去麥當勞食個早餐先，魚柳包買一送一超正，我食左２個
食完之後就去ｓｕｐｅｒｍａｒｋｅｔ買其他日用品
原來百佳冇左，變左ｔａｓｔｅ，ｍｏｒｅ　ｔｈａｎ　ｆｏｏｄ，個名好攪野
我，ｒｏｃｋｙ，ｋａｉ豪，ｋ樂出面等，其他人入去買野
等左半個鐘終於買完，一齊坐１１號巴士入塘福

沿途有ｄ崎嶇，不過個ｖｉｅｗ一流，望到海天一色，好似ｏ係個海上面行咁
經過大約半個鐘ｏ既車程終於到左塘福，拎左鎖匙之後就個個衝晒入去間屋入面
點知間屋超臭，個種味簡直．．．．我都唔識點講，間房應該好耐冇人租
開晒冷氣，開晒門先除到果陣味
個廚房仲要有一隻好大ｏ既草蜢死左，有好多螞蟻圍住搬佢，花左好多人力物力先清理左
但係間房仲有好多蚊同埋其他昆蟲，迫我大開殺戒．．．％＄＃＾＃＄＃＾％

清埋完之後就放低行李周圍玩，先係ｏ係出面踢左陣波，點知我一腳就踢左落條渠果度
最初以為執唔返，但係我又唔捨得個波，終於爬左落去執，最後都執返．．．
而ｋ樂又有帶ｐｓ２，可以打機，真係完美ｏ既配套設施
當個太陽冇咁曬ｏ既時候我地出發左去沙灘玩，先係游左陣水，之後唔知點樣發明左個遊戲
就係將個波拋入個水泡入面，但係個人唔可以掂個水泡，搶到波一定要二傳先可以射．．．
雖然玩法簡單，但係超好玩，我地分２隊，最後竟然９比９打成平手，要射罰球分勝負
頭５輪都冇人入，要去到突然死亡，大家射極都唔入，臨尾係ｋ樂射入完結左場比賽
玩到好支力，仲支力過打籃球或者手球，呢個運動真係正～～

玩完之後就返去沖涼換衫，跟住已經急不及待要燒野食，今次有超多野食
特別係丸，多到可以玩波子棋，不過ｄ雞最特別，超大塊，但係好好味
而我就集中燒ｄ肉，食左超多，但係都係食剩唔少．．．

食飽之後就返左入去打麻雀同埋打機，不過我淨係識玩ｇｕｎｄａｍ同ｗｉｎｉｎｇ
玩到１２點我已經好眼訓，可能係最近唔夠訓ｏ既關係，好眼訓．．．．
之後同ｒｏｃｋｙ，叉燒入房訓，我同ｒｏｃｋｙ一張床
雙眼合埋之後，當我再將開已經係第二日１０點幾

見其他人未起身，我，叉燒，昆同ｒｏｃｋｙ就打住機先
同叉燒玩左場ｗｉｎｉｎｇ，踢完加時都打和要射１２碼，又係去到突然死亡
都唔知叉燒用左咩秘技，我入左都話我唔入．．．．＞＜

午餐係公仔麵，食完之後都係打機同打麻雀，玩到４，５點又去左沙灘玩
今次先係游左陣水，之後上岸玩閃避球，係ｈｕｎｔｅｒ果種，有ｄｄ難玩，不過都大概明白
呢個ｇａｍｅ又係超正，好彩我用左「念」先至捱到咁耐．．．．
又跑又跳，仲支力過琴日．．．．．

玩完之後都幾乎天黑，個沙灘都冇晒人，我地又落左海沖身
哈哈～～我同ｋ樂做左ｄ冇人會諗到ｏ既野，種感覺好正～～～
之後再上岸沖涼，ｄ凍水淋落黎．簡直快活過神仙呀
沖到超舒服，屋企沖都冇咁舒服
跟住就換衫返去打邊爐，食琴晚食剩ｏ既野，仲有ｄ姑，同埋菜
雖然冇酒樓咁多配料，但係個氣氛其他地方一家食唔到
我地已經不停咁食，但係都食剩唔少野，唯有聽朝再食埋佢

食完之後入房傾左陣計，超好笑，不過有好多人放屁，最後都係去左玩．．．

今晚同琴晚一樣，我都係好眼訓，１點唔夠就訓左
又係同ｒｏｃｋｙ訓，不過我次次攪ｒｏｃｋｙ都比佢發現．．．

第二朝１２點起身，之後就執野同煮埋其他野食，但係份量太多
食左好耐都食唔晒，個屋主仲要黎催我地，所以只好拎晒ｄ野食出去食
最後都食唔晒，放棄左ｄ魚蛋．．．

食飽之後就出車站坐１１號返東涌，之後再轉地鐵返屋企
到宜家終於返到屋企喇．．．．

>>June 28, 2006 at 10:42:09 AM GMT+8

2006 年 6 月 22 日 星期四 【晴】

本來仲以為悠閒ｏ既暑假已經展開
又可以做返速遞搵下錢，但係宜家希望幻滅喇

原來７月３－７同１０－１１都要返學做訓練
打亂晒我ｏ既計劃．．．．

夜晚去左青衣打波，感覺好左好多，比起上次ｏ係葵芳打，舒服好多
不過今日有ｄ咳，條氣透唔順，有ｄ唔夠氣
基本上今日都係同成日黎跟隊果班人打，但係今日我地係咁贏佢地
有一場仲贏１０比０，不過唔係贏果個大隻佬，有ｄ美中不足
而我今晚命中率好高，只局限係中距離，如果我有多幾種瓣數就更好
我需要突破．．．．

最後今晚打到熄燈先走，好盡興～

>>June 24, 2006 at 1:21:03 AM GMT+8

2006 年 6 月 19 日 星期一 【晴】

最近個日記好似壞左，入唔到去，間唔中就會咁
不過冇辦法啦，都用左已經３年喇．．．

今日４點先起身，冇錯係下午４點，因為我宜家過緊美國時間
為左睇世界盃，冇辦法啦．．．
之後去左旺角，諗住先探下ｄ同事，但係我地ｄ位果ｄ人全部我都唔識
可能係新人黎啦，唔知我返到去仲有冇地方企呢？

跟住去左金雞２６／Ｆ打機
陣容有我，昆，ｒｏｃｋｙ，ｋ樂，ｋａｉ豪，傻威
都係打下ｃｓ咁，打左一陣就走喇
等埋大佬同ｃｈｅｒｒｙ就一齊去左吉野家食野
一邊食一邊傾去ｃａｍｐ，２６，２７，２８，３日２夜，塘福之旅，應該好好玩
傾好之後就去信和ｂｏｏｋ屋，＄８００兩晚，平過上年
ｂｏｏｋ完之後ｏ係樓下傾買野ｄ詳情，最後咩都傾唔到．．．

之後搭地鐵返葵芳打波，阿ｐａｔ之前打黎好似好趕咁，所以我冇換衫就去左大場
點知我地都夠人，除左我，有阿ｐａｔ，肥濃，銳哥同阿潘
本來諗住求其玩下，點知出到去，我ｍａｒｋ果個人係咁爆我
最初我只係企定定比佢爆，但係佢入完波都望住我，都唔知佢望咩
所以唔可以比佢咁得戚先得，我又ｏ係咁頂返佢出去，打到有ｄ「慶」
不過我又冇換衫，又著啡色果對鞋，根本打唔出水準
當然我都唔想搵藉口，但係冇理由會打得咁差．．．．

到最後打外人未贏過，輸比ｄ弱雞，可惡，簡直係奇恥大辱
可能同佢地又唔多夾，而且我除左射波就冇咩功能，睇黎我仲要好好改善

>>June 22, 2006 at 5:13:39 AM GMT+8

2006 年 6 月 16 日 星期五 【晴】

琴晚睇波睇到５點幾，之後眼光光冇訓到．．．．
直到９點幾先訓到一陣，但係１點鐘就起返身去阿昆屋企玩

今日有我，昆，ｃｈｅｒｒｙ，大佬，ｋａｉ豪，ｒｏｃｋｙ，左輪，阿圈
初頭打左陣機，打ｇｕｎｄａｍ　ｓｅｅｄ，好耐冇玩，好正．．．
之後打麻雀，我同ｒｏｃｋｙ夾，有幾個自摸ｏ既關鍵時刻都由ｋａｉ豪摸
ｋａｉ豪隻手勁到，簡直不言而喻．．．摸２次都自摸，冇得彈
起初贏好多架，去到之後輸返ｄ，最後贏＄１７，哈哈～～

之後阿圈黎左，左輪走左，就從新編排個陣容，我都係繼續打牌
不過今次冇咁好彩，輸返＄６．５
打到大約８點我就走喇，因為阿ｐａｔ約左今日食飯，我自己都唔記得左
之後坐２３８ｍ出荃灣，等左好耐先齊人．．．

原來佢地食飯並唔係主題，而係想落吧，陣容有我，ｐａｔ，肥濃，銳哥
我地先去食左吉野家食飯先，食完去金禾打左陣機
我終於有膽試用拳頭打果部機喇，平時眾目睽睽唔敢玩
唔係好掌握到點打，打左幾次都係差唔多，大約８２ｘｘ啦
不過銳哥輕輕一打都８３ｘｘ，真行害．．．

之後等埋阿ｙｏ就落吧ｌｕ，其實我對於呢會事都真係好一般
我又唔識飲，飲完又好麻煩，不過又想感受下睇波氣氛就一齊去喇
入到去超多人睇波，氣氛真係好好，可以一齊叫，一齊喝倒彩，好過自己一個ｏ係屋企睇電腦
之後又叫左酒飲，我都飲左唔少，玩左ｄ令人講秘密ｏ既遊戲，又聽到唔少野
又玩下大話骰，我比人灌左好多．．．
到最後睇左２場波，葡萄牙對伊朗同埋捷克對加納，兩場都ｏｋ，係加納令人有ｄ意外
不過因為飲好多ｏ既關係，都唔知場波發生咩事，係ｄ人叫我又跟住叫
唔知係咪因為唔夠訓，把聲沙晒，講唔到野咁制，呢ｄ娛樂真係唔多岩我．．．．

最後叫左５ｒｏｕｎｄ酒，即係５ｘ６＝３０枝，平均每人都飲６枝
因為阿ｙｏ走左ｏ既關係，最後得返我地４個飲，每人唔止６枝呀
當然啦，我之後已經冇飲喇，大約飲左５，６枝啦，不過對於我黎講已經好利害
其實今次都係發洩為主，亦達到目的，玩到２點幾就走喇．．．．

因為我酒量實在淺到冇得再淺，一行出去就有ｄ唔掂，成身都好熱，個頭又重
不過意識仲好清醒，都知道自己做ｄ咩，但係就好興奮，可能已經係醉左
本來仲諗住堅持行設屋企，但係好彩銳哥搭的士車埋我去葵芳先
仲要葵芳村門口放低我，兜多左好多，真係唔該晒．．．

本來返到屋企沖完涼仲想睇埋意大利對美國架，不過竟然坐ｏ係電腦檯前面訓著
唔係伏ｏ係檯訓著，而係坐到直晒訓著，我都唔識講，不言而諭
之後只好乖乖返房訓，本來諗住會湯到７彩，不過最後都冇事，一大覺訓到宜家

>>June 18, 2006 at 3:40:12 AM GMT+8