2007 年 2 月 13 日 星期二 【晴】

今日係情人節，祝大家情人節快樂
有伴侶ｏ既就白頭到老，冇ｏ既（好似我呢ｄ）就可以快ｄ遇到個

唉．．．又發作了，今日再度唔小心走堂
本來可以起到身返學，不過自己又懶，想訓多陣
到最後ｍｉｓｓ左ｋｔ果堂，仲要今次有點名．．．

下晝上ｏｏ，又係打ｊａｖａ，仲以為今年唔洗用ｊａｖａ
搞呀搞，搞到落堂都未捨得走，終於完成左，種感覺有ｄ似去返中學果陣
以前唔可以話勤力，但係至少都有用心上過堂
到今時今日，已經失去晒呢種感覺，只希望得過且過．．．

夜晚冇著落，唯有同ｄ王老五去打下情人波，應下節
但係因為大場有花市，所以上左黑地打，得我，ｐａｔ同峰仔三個人
去到先射左一陣波，隔離有班人細聲講大聲笑
所以撩左佢地鬥波，打左４場，３勝１負
感覺上又冇以前咁好，反而峰仔有ｄ料到
之後又黎左３個阿叔，又打多場，險勝

打完波之後又買ｄ野飲，吹左陣水
大家越講越興奮，最後１２點走人．．．

講到情人節，冇情人陪ｏ既感覺有ｄ孤單
不過就算我宜家真係有本愛神筆記，我都唔知寫咩名好

但係我諗．．．我諗係你
我一直等緊ｏ既人應該就係你
你聽到嗎？

>>February 14, 2007 at 6:41:09 PM GMT+8

2007 年 2 月 11 日 星期日 【晴】

今日真係好玩，亦都好累，好耐未試過咁耐
唔係肉體果種累，心靈亦都好累．．．

朝早１１：３０返學做ｌａｂ，最初我仲以為唔洗上
做呀做，做到１：３０之後都冇時間食野就要出發去ｃｉｔｙ　ｕ
有架巴士車我地去，話咁快就去到
首先聽左個講座，都係講ｄ我地可以ａｐｐｌｙ的ｃｏｕｒｓｅ
有甚麼ｅｅ，ｃｅ，ｅｃｅ，ｉｅ果ｄ
不過要我地平均分有６５分或以上
對我黎講好似有ｄ希望亦好有難度，今年至少要有６７分先有機會
聽完之後就去睇下佢地ｏ既ｌａｂ
有好多儀器，有ｄ我好有興趣，好似搖控昆蟲果ｄ，好正
睇左幾個之後又坐低有個ｑ＆ａ，但係冇咩人問問題，５點３就完左

之後就坐地鐵去金鐘，因為要出席環球嘉年華，心情超興奮
我應該係第一個到，上左上面見到ｄ機動遊戲實在太吸引
但係因為肚餓，所以落返去７－１１買野食，點知越食越肚餓．．．
慢慢開始人齊，出席ｏ既人有我，ｋａｉ豪，ｒｏｃｋｙ，ｋ樂，朱，小春

人齊之後就立即去玩，第一個係玩滑梯熱身，冇咩感覺
之後玩左ｔｏｐｂｕｓ，係咁轉係咁轉，轉到我坐ｏ係上面冇晒方向感
有時望住個天，有時望住個地板，有時又倒轉左個人
刺激指數有：＊＊＊＊

之後玩左一個唔知叫咩名，起初係咁平面咁轉，之後開始有ｄ傾斜
到後來越黎越過份，３個平面都有轉，呢個冇咩料到，係純粹頭暈同想嘔
刺激指數有：＊＊＊

第三個冇記錯係跳樓機，比我想像中還要利害
部機咩提示都唔比就突然跌落黎，果種感覺好可怕
好接近死亡ｏ既一種感覺，而且個ｐａｔ又離開左張椅
好冇安全感，好唔鍾意呢種感覺，不過剛開始有驚ｏ既意識已經到左地
刺激指數有：＊＊＊＊

之後應該輪到飛天韆鞦，呢個有ｄ似兒童遊戲
只不過係一個旋轉得比較勁ｏ既韆鞦
不過坐ｏ係上面種感覺好舒服，好似識飛咁
望到四處ｏ既野好快咁閃過，好有詩意
刺激指數有：＊＊

不能不題ｏ既有果個過山車，其實都冇咩特別
海洋公園果個仲勁過佢，不過最特別係我，ｒｏｃｋｙ，ｋ樂一架車果陣係咁講粗口
將多年黎心裡ｏ既怒火完全釋放出黎，得到一個好好ｏ既解脫
刺激指數有：＊＊＊

跟住應該到摩天輪，係一個快ｏ既摩天輪
都未意識到係咩一回事已經玩完了，不過望到維港個境好靚
刺激指數有：＊

接住落黎又玩返ｄ刺激ｏ既遊戲
呢個係第二個遊戲ｏ既加強版，唔止淨係轉
仲要有倒轉，即係頭向下，腳ｏ係上面，果種感覺好震撼
刺激指數有：＊＊＊＊

之後又玩左２次碰碰車，幾好玩，不過人太多
我成日迫左ｏ係中間走唔到，要走去ｄ角落先玩到
而且我係咁撞人，撞到ｄ女仔花容失色，嘿嘿．．．
刺激指數唔高，不過好好玩
刺激指數有：＊

到最後玩左鬼屋，係坐住架車仔入去轉一個圈
我同ｒｏｃｋｙ一架車，入到去我都唔識點講
只係得ｄ公仔彈下彈下，完全嚇唔到人
到最後得啖笑咁出返黎
刺激指數有：ｎ／ａ

我仲有一個冇玩到，就係ｇ－ｆｏｒｃｅ
因為未有心理同生理準備，所以決定唔玩住
留返有機會再玩，睇見都驚
刺激指數有：＊＊＊＊＊

其實玩機動遊戲之間果ｄ時間，我地都有玩下ｄ攤位遊戲
有三十幾個，好多都好似係技巧野，但係玩過就知道完全唔係靠技巧
係９５％運氣，我地幾乎睇過，玩過所有攤位，但係只係得射籃球拎到公仔
我有一次全中兩球，贏左一個超大北極熊毛公仔，又贏過一個細公仔（之後唔見左）
ｋ樂贏到一個中型公仔同一個細公仔，其他人都冇斬獲．．．
不過我都係射左不下於２０球先中得果３球．．．＝．＝
佢個框又細，上面又掛ｄ野阻住，個拋物線都射唔高
所以個波只係近乎平飛，咁滴入ｏ既機會就細左，佢地ｏ既設計好陰濕．．．

到最後最後，玩到１１點就去食麥當勞，食完之後就回家了
隻熊仔送左比ｋ樂比佢外甥女玩，今日好累，而且好驚，心有餘悸．．．

>>February 12, 2007 at 7:25:11 PM GMT+8

2007 年 2 月 9 日 星期五 【晴】

今日好晏先起身，食左ｄ野之後出發去阿昆屋企打牌
我最初唔知爭我一隻腳，結果２點幾先去到，真係唔好意思

出席ｏ既人有我，ｋ樂，昆，朱，ｋａｉ豪（後來先到）
人齊之後幾乎立即開檯，打左４圈
唔．．．運氣唔錯，摸好多都入章
第一輪贏左２０蚊，岩岩好夠食一餐陸記雞排米線
跟住朱走左，換左ｋａｉ豪加入
又好似打左４圈，感覺都幾好，得心應手
最後都有贏１０蚊，今日總共贏３０蚊，唔錯唔錯

打完之後再打多陣機就走ｌｕ，坐尾班車返屋企

>>February 10, 2007 at 8:23:52 PM GMT+8

2007 年 2 月 8 日 星期四 【晴】

夜晚去左打波，最近ｏ既日記都只係記低星期五，六，日ｏ既事
因為星期一至四實在太無聊，係時候要搵返ｐａｒｔ　ｔｉｍｅ

今晚去到果陣嚇左一跳，竟然冇咩人
我地亦只係得９個人，係打打下先有人黎跟隊
唔知點解，今日個人好燥，講左ｄ平時都唔會講ｏ既野．．．
越燥就打得越唔好，越唔好就越獨食
搞到浪費好多機會．．．

最後打打下好多人早走，結果今日罕有地未熄燈就走
略嫌有ｄ唔夠喉．．．．

>>February 10, 2007 at 8:11:15 PM GMT+8

2007 年 2 月 6 日 星期二 【晴】

琴日好不幸咁走左一堂．．．
我越黎越憎自己，我憎自己冇決心，講過唔算數

明明應承過自己今個學期要好比心機讀，唔可以走堂
但係點解．．．點解我要一而再，再而三背叛自己，點解呀！！！！
話說琴日朝早上到１１：３０到４個鐘空堂
我精神好差，諗住返屋企訓一陣，點知一訓就訓到天黑
搞到又錯過左一堂，可惡．．．

今日好彩只係上兩堂，總算捱得住
夜晚去左食壽司，但係冇咩狀態，食得唔多
食飽之後上左去奇趣天地玩
換左１００個金幣，玩左射籃球，氣墊機，又入左機鋪打機
玩得好興奮，但係就係興奮過頭，漏左剩低ｏ既金幣冇拎到．．．
返到去ｏ既時候已經唔見晒，唉．．．
最近真係黑過墨豆，都唔知講咩好．．．＝．＝

>>February 7, 2007 at 3:37:56 PM GMT+8

2007 年 2 月 3 日 星期六 【晴】

唉．．．可惡呀．．．
我忍唔住要爆發喇！！！！

正垃圾球證，簡直係垃圾！！！
比賽輸唔緊要，如果打得精彩，我輸都冇咩問題
但係場波就咁比ｄ垃圾球證糟蹋左咁就真係火滾

今日對手係元朗會，第一循環最後一場波
上半場輸１０比１３，我地下半場追到爭一分
但係就係比ｄ垃圾球證搞到一鑊泡咁

１．佢地都唔知咩係雙重得益
上年阿仙奴對巴塞都係啦，列文出黎撞跌左單刀ｏ既伊度奧
之後古利（唔知係咪）補中，球證都唔會同時比紅牌列文同判入波啦
最後球證比左列文紅牌，冇判到入球．．．
今日個球證都唔知畢業未，佢可以又吹二分鐘同時又比另一個７公尺
呢ｄ第一日打手球都識啦，如果咁都成立，咁人地咪有大過一個入球ｏ既得益？？

２．人地射唔入７公尺可以再射，佢地冇比提示話我地有人踩界
等人地射唔入又吹返轉頭，話我地有人踩界
我頂，平時開波未離球三公尺都唔比開啦，咁點解我地踩界果陣又要比人地射果球７公尺？？

仲有好多好多，好似話其中一個球證夠晒鐘都未到
遲成幾個字先過黎換褲，仲有比牌比錯人又唔認
根本係ａ犯規又比牌ｂ，成場波比左５個２分鐘我地
集中ｏ係下半場追到差一分之後，即係話下半場有１０分鐘我地係打少一個
想追都追唔到啦．．．．
仲有好多好多，我諗比幾百行我寫都寫唔晒

不過我地實力可能真係冇對手強，輸係合理
我亦唔係因為輸波而發牢騷，對手一ｄ問題都冇
有問題ｏ既係球證，如果係玩針對ｏ既話就講得清楚明白
等我地做好準備，或者對手球總會徹底死心
但係姑勿論係咪針對，佢地ｏ既水平真係好有問題
我終於明白到點解香港手球會咁差，我意思係比起外國

今屆多哈亞運，手球項目金牌係科威特
人地國家人口唔到二百萬，我地香港七百萬人
講設施我地亦唔比佢地差，咁點解香港會係第１４呢
答案好簡單，唔係身材，唔係戰術問題
而係根本香港ｏ既環境就培養唔到一隊可以爭金牌ｏ既球隊

成日聽ｄ新聞話將會投放幾多資源去體育發展
但係真正落到黎幫運動員ｏ既資源唔多
就連一個似樣ｏ既球證都冇，其他野更加唔洗講

呢一ｄ就係香港人ｏ既劣根性，總係要拎住個計數機計下點發展先最「實用」
做ｄ咩都係話錢錢錢，完全忽視一場比賽最重要ｏ既係咩
仲要以為自己搞得好成功，唔識吸收人地國家或者自己過去ｏ既經驗
到政府批ｄ資源落黎，中間又唔知拎去做ｄ咩，浪費ｏ係一ｄ無謂ｏ既環節
搞到香港足球一潭死水，每場波得果幾十人入場，以前反而冇一千都有幾百
人地特立尼特和多巴哥都唔係好有錢都踢得入世界盃啦
香港有七百萬人，人均收入排ｏ係全球頭果唔知幾位
有咁好ｏ既條件，竟然係一個體育弱國，簡直係國際間ｏ既一個笑話，嘿嘿嘿．．．

我自問唔係一個有心ｏ既運動員，亦冇條件做一個好ｏ既運動員
不過我真係睇唔過眼，如果想香港唔止係一個經濟之都
而係一個樣樣皆好ｏ既城市，就必須要有ｄ改善
除非政府根本唔想發展體育．．．．
改善地方就係針對運動員真係要ｄ咩，至少幫ｄ球證上下堂或者請多幾個好球證啦．．

我尊重香港所有運動員，不過不認同社會對體育ｏ既政策．．．

最後場波輸左１９比２６，１勝８負，包尾完結第一循環

>>February 7, 2007 at 3:43:02 PM GMT+8

2007 年 2 月 2 日 星期五 【晴】

今日訓到好晏先起身，之後食左個麵就去左阿昆屋企玩
出席ｏ既人有８個，岩岩好夠開２檯麻雀

我一直都係同阿昆，ｒｏｃｋｙ，傻威一檯
一開波就自摸清一色平糊，好爽～～
之後打落去都一直有賺，運氣唔錯
可能係上天對我最近ｏ既不幸遭遇施捨少少憐憫
到最後贏＄１６．５，不過我有一次食炸糊佢地冇計到
咁我就當冇贏錢打返個和．．．
對最近ｏ既我黎講已經係一個有賺ｏ既結果

玩到７點鐘就去左荃灣，先去左悅來坊打左一陣機
打到８點半諗住去酒樓打邊爐，點知果到有ｄ公司春茗
等左好耐先有得入去坐．．．

等唔緊要，最重要係佢地ｄ服務態度唔得
係得一個笑容阿叔比較好，果個服務就真係一流
其餘果ｄ都簡直係仇人見面咁
有個阿伯幫我地加水果陣倒左ｄ茶落去我地個鍋度
都唔知比咩反應佢好，好彩佢肯換一鍋新湯底

不過講真果句ｄ野食唔錯，又有汽水任飲
而傻威佢地就飲啤酒，傻威仲飲到語無倫次
周圍串人，簡直無法無天．．．！！！

最後食到１１點幾先走，好飽．．．

>>February 7, 2007 at 3:38:24 PM GMT+8

2007 年 2 月 1 日 星期四 【晴】

上左一個星期堂，見過晒ｄ阿ｓｉｒ
嗯，感覺上幾專業，應該會讀得幾好．．．

拎返ｙｒ１張成績表出黎計
上年平均分有６０．５２分，有ｄ意外，仲以為得果５０分鬆ｄ
唔．．．如果今個ｓｅｍ考得好，可能仲有機會．．．

夜晚去左青衣打波，最近唔係返學就打波
一去到就打全場，打左２場就有人黎跟隊
唔．．．始終唔夠佢地抽．．．

之後打返半場，又係同返佢地打
又係打唔贏，唉，究竟要點先會贏呢？？

>>February 3, 2007 at 6:42:50 PM GMT+8

2007 年 1 月 28 日 星期日 【晴】

今日係考完試返學第一日返學
冇假放真係慘，心情唔能夠得到放鬆恐怕就快爆發．．．

星期一淨係上一堂，又係ｅｉｄｄｉｅ
佢一開波就講書，除左ｎｏｔｅｓ內容ｏ既交流之外
我地同佢之間再沒有任何ｏ既互動．．．
所以好容易就訓著左．．．ｚｚｚｚｚｚｚｚｚ

夜晚去左葵芳打波，有我，ｐａｔ，銳，肥濃，峰仔同肥濃個同事
岩岩好６個夠打半場，打左大約６，７場
雖然打到冇咩力，但係心入面ｏ既悶氣似乎仲未可以清除
打完之後同ｐａｔ去左傾計，談談心．．．

>>February 3, 2007 at 6:37:03 PM GMT+8

2007 年 1 月 27 日 星期六 【晴】

今日又係打手球ｏ既日子，對火鳳凰
結果慘敗收場，輸左２６比３７

我地打第一場，１０點鐘開波，我９點５９分先到
真係非常唔好意思，我已經保證下次會早ｄ到
今場波其實好重要，對手同我地一樣只係贏一場
邊隊贏就邊隊護級有優勢，不過一開始我地好慢熱
第一分鐘已經輸３比０，之後仲比人拉開到１０幾分
上半場輸１０比２２，好失望．．．

到左下半場我地有返ｄ改善，打返平時ｏ既水準
雖然從未試過追到１０分以內，但係佢地亦沒有法再拉開
最後比賽２６比３７完結．．．

我依舊打得果１０分鐘唔到，入１球，１張黃牌
好耐都冇感受到入波ｏ既感覺，但係我唔滿意
我希望ｏ係我地贏ｏ既比賽入波．．．

６．南青－－－－打９場，贏３場，輸６場，９分
７．火鳳凰－－－打８場，贏２場，輸６場，６分
８．元朗會－－－打８場，贏１場，輸７場，３分
９．荃青－－－－打８場，贏１場，輸７場，３分
１０．顧超文－－打８場，贏１場，輸７場，３分

唔好降班呀．．．

打完波之後就返屋企，因為太早起身，適應唔到個時差
於是又訓左一陣，訓到６點鐘起身
跟住就去左油麻地出席ｉｖｅ同學飯局
慶祝一下考完試，係我地第一次ｏ既聚會

出席ｏ既人有我，榮，波哥，班長，欽，健仔，金子，坤爺，丁生，ｌｅｏ，志偉，陳伯，ｂｅｎｎｙ，ｂｅｎｎｙ女朋友
總共有１４人，我地去左花園酒家果度食
ｄ野食味道唔錯，只係ｄ野黎唔足，ｄ肥牛越黎越少
都唔夠我地食１分鐘，我地叫ｏ既野一次比一次多
而佢地就次次都出差唔多份量，真係唔知講咩好
最後食呀食，食到１０點先走，食得唔飽，但係飲到飽
之後回家好好休息．．．

聽日又要返學了，考完試都未放過假
都未好好休息過放鬆過就要返學．．．＝．＝

>>January 28, 2007 at 5:10:28 PM GMT+8