2006 年 5 月 31 日 星期三 【晴】

今日真係好，要上ｏ既堂都上晒，變左唔洗返學
加埋琴日又放假，好有暑假ｏ既感覺，完全忘記考試呢回事．．．

而左輪同佢ｄ同學ｂｏｏｋ左場打波，差一個人就叫埋我去
上次打過一次，幾好玩，不過今日唔記得左，２點９先突然間醒起
之後換衫坐８８ｄ去青衣體育館，遲左足足半個鐘．．．

我地打２０分一場，因為ｂｏｏｋ左３個鐘，總共打左６，７場都有
但係我表現好一般，冇上次咁好．．．
最後打到６點鐘就走ｌｕ，打到對腳好支力

之後又係坐８８ｄ返屋企，本來好有ｍｏｏｄ溫書架
但係最後都係一個字都冇睇到．．．．

>>June 1, 2006 at 2:49:17 PM GMT+8

2006 年 5 月 29 日 星期一 【晴】

今朝９點半起身，然後就返學預備ｐｒｅｓｅｎｔ　ｄ野
又要著恤衫西褲，係呢科咁麻煩．．．．

返到去先去圖書館彩排一次，發現仲係差ｄ
我負責ｐｒｅｓｅｎｔ果ｐａｒｔ好多野講，只好抄低ｄ　ｎｏｔｅｓ照讀
之後１１點半去ｐｒｅｓｅｎｔ，唔．．．我自問自己花唔少心機，表現唔差
不過因為要用英文，唔係好流利，反而吹水果ｄ部分就對答如流
哈哈～我都唔知點解．．．．

完左之後就成個人鬆晒，食完飯再上堂
上完堂就去上圖書館諗住ｐｒｉｎｔ埋琴晚個ｒｅｐｏｒｔ交
點知個ｒｅｐｏｒｔ仲有野要改，改左好耐終於ｏｋ！！
所以ｐｒｏｊｅｃｔ都終於做晒喇．．．．

之後返左屋企換衫出門口，去旺角ｏ既ｘ’ｃａｆｅ同阿昆慶祝生日
去到成８點鐘，真係唔好意思．．．
今日出席有我，昆，ｃｈｅｒｒｙ，ｋａｉ豪，圈，左輪，ｋ槳，ｒｏｃｋｙ，傻威，大佬，ｂｅｔｔｙ
去到叫左個飯，同一杯ｋｉｎｇ　ｓｉｚｅ荔枝茶（真係好大杯）
之後就玩戰國風雲，好耐冇玩過，不過最後我都贏唔到．．．．
玩完就食蛋糕，係ｃｈｅｒｒｙ親手整ｏ既，都幾好味～

飲飽食醉之後就一齊玩遊戲，比人陰左一次，罰左飲野，不過果杯幾好飲．．．
玩玩下大家都好似冇咩興趣，之後我發現左部足球機．．．正呀！！！
拎左返去之後，我，左輪，圈，傻威，ｒｏｃｋｙ同ｋ樂一齊玩
不過我只係成日做守門員同後衛，因為我做前鋒唔夠「把握力」
做守門員同後衛反而入好多波～～
之後ｂｅｔｔｙ加入，真係好利害，守龍果陣不但做出唔少撲救，仲入左我好多波！！！
踼前鋒果陣仲勁，簡直無屋不摧．．．

不過足球機真係好正～

最後玩到２點幾先走，我，荔景，青衣幫ｄ人一齊坐ｎ２４１返屋企
中途巴士出面有人．．．．有人做左ｄ驚人ｏ既事．．．

最後３點幾先返到屋企～好玩，今日好玩～

>>May 31, 2006 at 12:38:33 PM GMT+8

2006 年 5 月 28 日 星期日 【晴】

嘩．．．．最近超多ｐｒｏｊｅｃｔ做，有足足３個呀！！！
一係就冇野做，一黎就黎３個，仲要差唔多時間ｐｒｅｓｅｎｔ．．．
所以呢幾日都傾ｐｒｏｊｅｃｔ，傾完返屋企又做

雖然近２個星期都冇返工，但係ｄ時間都唔夠用
完全冇諗過讀ｉｖｅ會咁忙

今日仲要有個小ｔｅｓｔ，測完之後就去左圖書館同組員做ｐｒｏｊｅｃｔ
攪下攪下已經做到８點鐘，第一次留ｏ係學校咁晏
之後一齊坐８８ｃ返葵芳，中途傾緊完試就ｂｂｑ，嗯．．．好期待～

之後返到屋企又要攪埋另外一科個ｒｅｐｏｅｔ，成２，３點先訓．．．

>>May 31, 2006 at 12:06:24 PM GMT+8

2006 年 5 月 21 日 星期日 【晴】

因為打完晒手球，所以好耐冇打日記ｌｕ．．．．
最近都係忙ｄ　ｐｒｏｊｅｃｔ同ｔｅｓｔ
遲ｄ仲要有考試，都唔知點算好．．＞．＜

宜家ｄ成績好差，幾乎係半放棄狀態，因為完全冇興趣，冇晒心機
初頭入黎都ｏｋ架，不過ｄ野慢慢開始難，唔識第一步就唔想再睇第二，第三部
種感覺好唔ｈａｐｐｙ，同中６，７係兩回事．．．
以前讀ｄ野係我冇可能會識，就好似同李小龍隻揪咁，一拳就比佢ｋｏ
完全係冇期望，冇方法解決，根本只係得啖笑
但係宜家讀ｉｖｅ就好似同一個實力好近ｏ既對手打架咁
明明有機會贏，但係偏偏唔爭氣，冇辦法砌低佢
不過對手亦唔係一招就秒殺我，而係一拳一拳打落我塊面度，又打我唔死喎
呢一種光境比中６，７讀唔成書更難受．．．．

其實我都唔想做一個自怨自艾ｏ既人，不過我又冇得唔讀（因為都只不過係爭一年就畢業）
但係又冇晒ｍｏｏｄ讀，真係好想大大大大大聲叫出黎呀！！！！！！

>>May 22, 2006 at 3:10:38 PM GMT+8

2006 年 5 月 13 日 星期六 【晴】

今日係生死之戰，對科聯，贏就留ｏ係甲組，其他一概免問
所以我好早就起左身，教岩時間就過去黃大仙
去到發現我幾乎係最遲果個，因為個個都好早就黎，可見大家都好重視呢場波

熱完身之後就開波，科聯已經一定降班，所以見到佢地好多人都冇黎，得９個
最初果幾分鐘大家都係試探性質，第一循環同佢地打過，雖然贏１分，但係贏得好吃力
頭３分鐘ｏ既比數係２：２，但係我地接住落黎ｏ既攻勢有如排山倒海
打左好多快攻，中間仲有一段８：０攻勢，一下子就領先１０幾分
可能係因為佢地當呢場係例行公事，都唔會故意去「做」我地
結果上半場我地打甲組以黎第一次領先，２１：９

到左下半場，我地一開始再入３球，拉開到２４：９
不過眼見勝負已分ｏ既時候，大家好似鬆懈左，比人地追返唔少分數
仲曾經追到相差１０分以內，好彩我地都醒返，去到尾段又再集中返精神
繼續打返我地ｏ既本色，最後贏３７：１９
以０．５分壓過威濤升上第８位～
我地用自己贏得最多ｏ既一場比賽作為今季手球聯賽ｏ既終結
亦以呢場比賽黎爭取到留ｏ係甲組ｏ既一個席位

>>May 14, 2006 at 9:44:24 AM GMT+8

2006 年 5 月 6 日 星期六 【晴】

今日又係打手球ｏ既日子（宜家個日記好似變到淨係記打手球咁．．．）
係去西區公園體育館打，好耐未打過室內場
因為我有ｄ事做，冇跟大隊出發，所以就只好自己坐地鐵去上環
再搭的士過去，車錢都用左廿幾蚊．．．．

對手係火鳳凰，同我地一樣都係要搶分護級
去到岩岩好開波，之後我即刻換衫同ｃｈｅｃｋ證
初頭我地比人禁住黎打，落後到１：５
不過我地好快就站穩陣腳追返（呢個係我地隊波ｏ既本色）
上半場中段我地仲曾經領先過２分，仲以為可以ｋｅｅｐ住個優勢
但係上半場完之前又比人追過返，落後１４：１５

到左下半場，大家都球來球往，保持住１，２球距離
之後開始有ｄ變化，佢地最遠試過拉開到５分距離
我地跟住又追返到只差２分．．．
但係到最後好可惜，真係好可惜，追唔到
冇晒士氣ｏ既時候仲要比人入多幾球
最終場波以２８：３５落敗．．．．

接住之後ｏ既比賽，威濤贏左科聯，個局勢明朗返ｄ

６．荃青　　　打３場，贏２場，和０場，輸１場，累積有１０．５分
７．火鳳凰　　打３場，贏２場，和１場，輸０場，累積有１０分
８．威濤　　　打４場，贏２場，和１場，輸１場，累積有８．５分
９．顧超文　　打３場，贏１場，和０場，輸２場，累積有６分
１０．科聯　　打３場，贏０場，和０場，輸３場，累積有３分

剩低有２場波，分別係火鳳凰對荃青，顧超文對科聯
前面果場可以唔理，但係後面果場我地贏波就壓過威濤留ｏ係甲組
和同埋輸都要同科聯一齊降班．．．．

>>May 14, 2006 at 9:21:25 AM GMT+8

2006 年 4 月 29 日 星期六 【晴】

我地手球隊重燃護級希望喇～～～

今朝起身，精神飽滿，又係打手球ｏ既日子，對荃青
應該係護級組最強ｏ既一隊．．．．

我去到黃大仙之後好多隊友都到左，之後熱身同傳下波
順便睇埋比賽，何郭佩珍贏左卓麗，２隊都好高水平
接住落黎就到我地開波，一開始我又做後備先
不過荃青果然名不虛傳，第一循環我地輸過比佢地３分，而佢地仲２次打敗威濤
的確好利害，頭果幾分鐘佢地完全控制住場比賽，佢地最多領先到５：２
但係我地並不是一盞省油的燈，我地打好多反擊快攻，慢慢己經追返個比數
我仲打快攻入左一球，哈哈．．．以前都未試過打快攻由我入波～

整個上半場，佢地ｄ入波都係打陣地，而我地就有９成係打反擊快攻
兩隊個分數都咬住，我地從未追過平手，而佢地從未拉開過超過２分
結果精彩ｏ既上半場以１６：１５結束，荃青領先～

到左下半場，我地成隊波唔同晒，連續打２球快攻，已經將個比數超前
之後拉踞左一陣，接住落黎我地又係靠快攻，剎那間又拉開個比分
果陣成隊波士氣一流，最多領先過５分，２６：２１同２７：２２
不過可能係因為唔夠體力ｏ既關係，比對方連入返４球，追到２７：２６，一分之差
比賽亦由此掀起另一個高潮，但係最後我地依然保住個勝果
２９：２７擊敗荃青，真係太好喇～～

之後去左換衫同食野，接住就睇威濤對火鳳凰
但係未開波，球場打緊女甲，南華對ＡＳＤ（唔知係咪叫ＡＳＤ，總知係卓麗女子隊啦）
２隊都好強，最後南華贏左，亦贏埋甲組第一

之後到威濤果場開波，但係威濤得９個人，即係得２個後備，仲要有一個後備係守門員
咁出面ｏ既人只係得一個人替換（但係對我地果場又黎齊晒喎．．．）
不過威濤始終係威濤，好強，上半場贏火鳳凰１０：６
到左下半場，威濤ｄ人終於冇晒體力，比人地追成平手完場，２０：２０

現時個績分榜係

６．荃青　　　打３場　贏２場　和０場　輸１場　計埋第一循環有１０．５分
７．火鳳凰　　打２場　贏１場　和１場　輸０場　計埋第一循環有７分
８．顧超文　　打２場　贏１場　和０場　輸１場　計埋第一循環有６分
９．威濤　　　打３場　贏１場　和１場　輸１場　計埋第一循環有５．５分
１０．科聯　　打２場　贏０場　和０場　輸２場　計埋第一循環有３分

剩低４場波，分別係：火鳳凰對顧超文，威濤對科聯，荃青對火鳳凰，顧超文對科聯

荃vs火 火vs顧 　顧vs科 　科vs威　　荃青　火鳳凰　　顧超文　　科聯　　威濤

荃勝　　火勝　　顧勝　　科勝　　　　13.5　　　10　　　9　　　6　　　5.5
荃勝　　火勝　　顧勝　　威勝　　　　13.5　　　10　　　9　　　3　　　8.5
荃勝　　火勝　　科勝　　科勝　　　　13.5　　　10　　　6　　　9　　　5.5
荃勝　　火勝　　科勝　　威勝　　　　13.5　　　10　　　6　　　6　　　8.5
荃勝　　顧勝　　顧勝　　科勝　　　　13.5　　　7　　　12　　　6　　　5.5
荃勝　　顧勝　　顧勝　　威勝　　　　13.5　　　7　　　12　　　3　　　8.5
荃勝　　顧勝　　科勝　　科勝　　　　13.5　　　7　　　9　　　9　　　5.5
荃勝　　顧勝　　科勝　　威勝　　　　13.5　　　7　　　9　　　6　　　8.5
火勝　　火勝　　顧勝　　科勝　　　　10.5　　　13　　　9　　　6　　　5.5
火勝　　火勝　　顧勝　　威勝　　　　10.5　　　13　　　9　　　3　　　8.5
火勝　　火勝　　科勝　　科勝　　　　10.5　　　13　　　6　　　9　　　5.5
火勝　　火勝　　科勝　　威勝　　　　10.5　　　13　　　6　　　6　　　8.5
火勝　　顧勝　　顧勝　　科勝　　　　10.5　　　10　　　12　　　6　　5.5
火勝　　顧勝　　顧勝　　威勝　　　　10.5　　　10　　　12　　　3　　8.5
火勝　　顧勝　　科勝　　科勝　　　　10.5　　　10　　　9　　　9　　　5.5
火勝　　顧勝　　科勝　　威勝　　　　10.5　　　10　　　9　　　6　　　8.5

從上面個圖表可以睇到，我地贏一場就可以留ｏ係甲組（當然目標係贏晒２場），但係如果輸晒就一定會降班。
大家加油！！！！

打完手球之後去左青衣打波，我無論肉體同意志都好高昂，不過缺乏技術
最後打完都好似唔多夠喉咁．．．

>>May 1, 2006 at 9:51:29 AM GMT+8

2006 年 4 月 16 日 星期日 【晴】

今日去左踩單車，不過我成１０點幾先起到身，之後就換衫出去
跟住搭８７ｋ去荃灣西鐵站等，然後一齊上車，會合埋傻威
好耐都未踩過單車，今次有我，左輪，圈，傻威，ｋａｉ豪，ｋ樂，昆，ｃｈｅｒｒｙ

第一次坐西鐵，個環境幾靚，我地好快就到左朗屏
首先搵左間麥當勞食個早餐先，之後就租車出發，＄３０一日，都幾抵～
不過踩黎踩去都仲係住宅區，又多人又多輕鐵
接住落黎就踩左去蝴蝶灣，我地落左沙灘玩左一陣，之後再出發回程
回程途中我炒左車（算唔算炒呢？），果陣落緊斜路，我最初以為落完斜直行，所以冇剎過制
點知原來落完斜要即刻轉右，咁我即刻剎車轉灣啦
但係我又諗住淨係剎一ｄ，用剩低ｏ既位能黎轉灣，不過又唔對路，我驚撞欄杆
於是就大力咁剎制，唔知係貫性定係落緊斜ｏ既關係，架車開始由後向前反
我就跳車啦，跳去前面，之後架車幾乎打左個筋斛然後ｏ係我個頭後面落地
差ｄ嚇破膽．．．

之後又繼續回程，６點鐘返到去交車，買完野飲之後搭車返荃灣
我就返屋企換衫返工，落到旺角我基本上去左休息，食下野咁
去到１１點就返屋企ｌｕ．．．

>>April 18, 2006 at 9:32:00 AM GMT+8

2006 年 4 月 15 日 星期六 【晴】

今日係星期日，平時朝早都要返ｋｃｍ練手球，不過呢２個星期都冇人返去
而且又冇人搵我，咁我都冇理ｌｕ，不過其實我都好想練下波

咁冇計啦，唯有返工，今日好早就開工，４點幾就落去旺角
我今日好有ｍｏｏｄ做野，不過做呢ｄ工有冇ｍｏｏｄ都冇咩用
最後又係開一張單．．．

之後ｔｉｍ叔落黎，我上個月個ｒｅｐｏｒｔ出左，全部準時安裝
加加埋埋有１１張單，真係好～

>>April 18, 2006 at 9:43:09 AM GMT+8

2006 年 4 月 14 日 星期五 【晴】

今朝訓到好晏先起身，又好遲先返到工．．．
又係落返旺角，不過擺左一陣就落雨，咁就唯有陪ｄ同事上金雞「督波」
不過我只係負責計分，棟仔同阿益先係落場玩．．．
佢地打左兩板波，見停雨就走ｌｕ，又落返去開工
唔知係咪尋晚玩得太夜，今日成個人冇咩精神，企都企唔直，又成日唔記得講過ｄ咩
好在最後開到一張單，如果唔係今日返屋企訓好過．．．

最後１１點鐘，我都唔等ｔｉｍ叔落黎就收工喇
但係返到屋企又好精神喎，去到宜家都未眼訓．．．

>>April 15, 2006 at 9:21:08 PM GMT+8