2006 年 3 月 18 日 星期六 【晴】

今日係打手球ｏ既日子，對科聯
呢場波本來係２月１９號打，但係因為落雨要改期
改左２次就改到今日打．．．

我９點幾起左身，之後即刻換衫出門口，不過個肚有ｄ唔舒服
去到黃大仙就熱左陣身然後開波，科聯成績比我地好
佢地贏到火鳳凰同威濤，２勝５負排第６
而我地比賽前只係贏過火鳳凰，１勝７負排第９
上季佢地同我地ｋｃｍ一齊升上甲組，但係佢地今年成績比我地好，仲要贏到威濤
所以今場絕對係一場硬仗

一開波佢地入波先，而且一直領先住，我地ｄ人就好似未訓醒咁
不過我今場好快有得打，落左場都係冇咩表現，好快就出返去坐
科聯佢地有個外援，成個哥洛治咁，又高又廋，但係射波好準，成日遠射
而且佢地隊波個個身形都好好，不過我地快攻打得好過佢地
結果上半場我地只係靠快攻搵食，落後５：７

到左下半場都係拉踞咁打，我地入一球，佢地又入返球
去到中間高佬受左傷，都好嚴重，要叫白車
之後到我出去頂高佬個位，果陣時成隊士氣好高，個個都諗住幫高佬出多一分力
我地防守唔單止好集中，而且打好多反擊，完全壓住佢地黎打
唔知係因為我地ｏ既士氣壓住佢地，定係佢地覺得整傷高佬而唔好意思
（我當然希望係前者）
我地由落後２分追成平手，再反超前，再由我地領先２分
成段時間打得真係好好，我好慶幸自己係顧超文ｏ既一分子，有一班咁好ｏ既隊友
最後成場波我地贏１４：１３，一分險勝
呢場波加埋受傷時間打左個幾２個鐘，總算贏波對高佬有ｄ交代

贏左呢場波我地留ｏ係甲組又多一分機會，暫時成績如下．．．

６．荃青－－－－打７場，贏２場，輸５場，有６分
７．顧超文－－－打９場，贏２場，輸７場，有６分
８．科聯－－－－打８場，贏２場，輸６場，有６分
９．威濤－－－－打８場，贏１場，輸７場，有３分
１０．火鳳凰－－打７場，贏０場，輸７場，有０分

不過我地唔會鬆懈，因為仲有第２循環，又係對返最後呢幾隊，不容有失！！！
（仲有，我留意到女乙有好多好可愛ｏ既女仔架～）

打完比賽之後我地一齊去睇高佬，要搭地鐵去佐敦，再行上伊利沙伯醫院
第一次去到呢間醫院，之後見到高佬，好彩佢都冇咩事，但係要留院
希望佢快ｄ好返啦．．．

之後我地就去左食野，去左吉野家，好肚餓，本來諗坐食２個下午茶
不過未有，唯有食個午餐，食完之後就行去油麻地等ｒｏｃｋｙ佢地
行到去未見佢地，但係個肚又好痛，於是就搵廁所
最後行到去旺角銀中果度先有得去．．．
辦完大事之後再去搵佢地，之後一齊上ｃａｆｅ同大佬補祝生日
有我，大佬，ｂｅｔｔｙ，ｒｏｃｋｙ，圈，昆，ｋａｉ豪
又食多個下午茶，食完就玩，玩左陣大富翁，不過玩到好眼訓
之後轉玩７ｃｕｐ豬，玩到好瘋狂
最後玩到６點幾就走ｌｕ

>>March 19, 2006 at 12:37:57 PM GMT+8

2006 年 3 月 15 日 星期三 【晴】

最近拎左成績表，成績一般啦．．．
不過都比我想像中好ｄ，因為之前成日走堂，又ｍｉｓｓ左一次測驗
但係好彩ｄ阿ｓｉｒ都手鬆，放小弟一條生路

其實我覺得自己好似唔多適合ｌｅｅ一科
我見人地上堂上到津津有味，而我就訓到流晒口水
而且佢地都有好多電腦ｏ既ｃｏｍｍｏｎ　ｓｅｎｓｅ，我就咩都唔識
返到學校就淨係掛住玩，等放學．．．

話咁快，原來又到左３月中

今晚出左大場打波，有我，ｐａｔ，肥濃，都好耐未試過ｌｅｅ個組合打波
打左１０幾場呀，打到腳都軟晒．．．
因為冇咩人ｏ既關係，所以淨係得中間個場鬥波，但係就有２隊跟隊
其中有一隊好勁呀，睇落去１６，７歲，但係個個又剷得，又射得，又爆得
同佢地打左５場淨係贏一場，仲要係佢地連贏唔知幾多場先打得贏佢地．．．
仲有一隊唔勁，但係又剋住我地，我都唔識講
平時都係打自己人，同人地打種感覺好ｄ．．．

打完波之後打左陣機，玩左頭文字ｄ，雖然唔識玩，但係都幾過癮
之後就返去球場傾計，講左好多野，特別係阿ｐａｔ
真係唔講都唔知原來阿ｐａｔ．．．．嘿嘿嘿．．．．
以前（初中果陣）成日一齊傾計，到大個都冇咩機會
到宜家真係有ｄ生疏，有時佢地講起我都唔知係咩事
最後傾到１２點幾先返屋企

>>March 16, 2006 at 6:27:55 PM GMT+8

2006 年 3 月 10 日 星期五 【晴】

今日係星期６，一如以往要返工，唔知點解心血來潮想早ｄ返工
但係有人黎整鋁窗，攪下攪下就攪到５點先出門口
我本來擺旺角旺電果度，但係諗住先去銀中搵ｄ同事吹下水先
點知岩岩放低個袋就有人問我上網，講講下又岩喎，咁就幫佢登記喇

其實我都有ｄ唔好意思，一落黎就去人地個位度撞左隻兔
但係佢地又唔好意思話我或者講我，咁我就即刻扮晒傻仔咁過返旺電擺

去到旺電之後冇咩ｍｏｏｄ，行行企企又一日．．．

>>March 11, 2006 at 6:33:33 PM GMT+8

2006 年 3 月 4 日 星期六 【晴】

補返ｄ值得紀念ｏ既日記先．．．

今日本來要打聯賽，對科聯，但係因為落雨，又要改期
之前已經改過一次，宜家又要改，都唔知要改到幾時
雖然冇得打波，我地隊波都有一齊出黎食飯
有我，發，發嫂，家豪，高佬，魚腩，黑仔，爛面，ｏ靚峰，仲有ｂｏｂｂｙ
同ｋｃｍ１號鋼門ｂｏｂｂｙ　ｆａｒｅｗｅｌｌ


大家提議去食ｐｉｚｚａ　ｈｕｔ
好彩去到冇咩人，好快有得食，我地叫左好多野食，淨係ｐｉｚｚａ都叫左３個
加上好多飯同小食，食到好飽．．．
我地一路食一路傾計，佢地個個都話我好多笑話
其實都唔係ｏ者，我認真果陣都好認真

食完之後返屋企休息左陣又返工喇．．．

>>March 11, 2006 at 6:20:47 PM GMT+8

2006 年 2 月 25 日 星期六 【晴】

琴晚打完機，返到屋企都７點幾
之後訓左一陣，訓到１１點幾先起身，因為要返ｋｃｍ練手球
好耐未行過果條路，真係好懷念以前返學ｄ日子

返打去打左陣ｆｏｒｍ，射下ｗｉｎｇ，之後就打半場
我成個人都冇咩精神，表現好一般，希望打聯賽果陣唔好咁啦

返到屋企又再訓，訓到ｔｉｍ叔打比我先起身
跟住就立即飛去旺角，不過成個人仲係好支力
好彩都開到單，總算有返ｄ交代．．．
仲有要好好好好多謝阿康幫左我一個大忙
最後１１點幾返屋企ｌｕ．．

>>February 26, 2006 at 6:30:03 PM GMT+8

2006 年 2 月 24 日 星期五 【晴】

今日返工，不過成６點半先落到旺角
而且又落雨，本來冇咩心機做，但係好彩有兔仔撞埋黎
哈哈～

不過其實公司ｄ架構唔同晒，因為兩個ｔｅａｍ　ｄ人走左好多個
所以ｔｉｍ　ｔｅａｍ同老ｍｉｃ已經合做一ｔｅａｍ，計埋都係得十幾人
而且公司又改名同搬左去第二度，希望以後大家搵多ｄ＄＄

做完之後等埋招仔一齊打機，因為佢之前請過我一次打機，所以今次請返佢
佢過左香港寬頻之後風騷左好多，變到成個大佬咁
跟住同佢同佢個ｆｄ去左金雞打機，當然係去汽水任飲，仲好多女仔果間啦
點知上到去ｄ差人查牌，攪左好耐先入到去

去到打左１９４２，ａｏｃ，ｃｓ，大富翁，又玩左好多其他未玩過ｏ既ｇａｍｅ
最後打到６點幾先走，每人都只係＄３８，其實都好抵

之後坐地鐵返屋企．．．

>>February 26, 2006 at 6:19:10 PM GMT+8

2006 年 2 月 23 日 星期四 【晴】

今日返學２堂都係做ｌａｂ
ｊａｖａ果個完全唔知點咁
不過ｎｅｔｗｏｒｋｉｎｇ可以同同學一組，總算完成

呢幾日都有打波，打到成個人冇晒力
今日都唔例外，去左青衣打波
有１０個，岩岩好可以打全場，打完全場打半場
最後打到筋疲力盡．．．

>>February 26, 2006 at 5:59:32 PM GMT+8

2006 年 2 月 11 日 星期六 【晴】

今日係好唔開心ｏ既一日，又係好開心ｏ既一日，我都唔識點講
本來今日要打手球聯賽架，對火鳳凰，係好好重要ｏ既一場
打早上１０：２５，但係我偏偏起唔到身，去到球場已經１１：００喇
上半場都打完，咁我即刻搵紀錄台寫名同ｃｈｅｃｋ證
但係個球證話唔可以再加人，我頂．．．

果陣真係好憎自己，連準時起身小小野都做唔到，真係好失敗
咁我唯有坐ｏ係後備席睇波啦，上半場完ｏ既比數係１４比１５，落後１分
因為對手同我地一樣未贏過，如果我地要留ｏ係甲組，今場係不容有失
火鳳凰ｄ人以阿叔為主，我諗ｄ人大概３０歲啦，而且好攪野
打右邊果３個特別肥，打左邊果ｄ又瘦ｄ，中間人個ｃｅｎｔｅｒ有ｄ似爆炸猛男ＰＨＤ
我都唔識點講．．．

到左下半場，大家都係拉踞住咁打，上落唔過２分
直到２隊ｏ既分數都去到２字頭，我地打得非常好，佢地開始冇咩體力
之後我地打好多快攻．而且大家都好齊心，打快攻果陣進攻ｄ人仲多過佢地回防ｄ人
而且我地防守果度真係好出色，佢地只係可以冇晒組織亂咁射
ｏ係最後果１０分鐘，我地打出一段６比１ｏ既攻勢，到最後終於反敗為勝
贏到第一場聯賽！！！

成場波真係好緊湊，下半場我地個比數係贏１５比８
總共我地贏２９比２３～

贏波固然開心，但係偏偏咁重要一場我冇份打．．．
呢度就係今日又唔開心又開心ｏ既一件事

打完比賽之後我地一齊出發去ｂｏｂｂｙ屋企ｂｂｑ，因為佢就黎要走喇
差唔多成隊波都有去，我地先去左荃灣街市買肉，再去楊屋道買海鮮
之後再行去西鐵站坐巴士去深井，中途風景幾好～
落左車之後又要行一大輪先得，我地要先行上山，再過橋
因為大家都拎住好多野，我地就好似少林寺ｄ人訓練咁．．．
行左幾個字，終於去到ｂｏｂｂｙ屋企，我地先上晒去天台玩
之後開始起爐，我就落左去樓下廚房包菇，茄子果ｄ
ｂｏｂｂｙ屋企有２隻狗，一隻史納沙，一隻西施，好得意
上到去就開始燒野食喇．．．

我掛住講野，所以燒得超慢，個幾鐘先燒左２ｒｏｕｎｄ．．．
中間一邊燒一邊傾計，種感覺真係好
而且果度風景好靚，望到海，又睇到青馬大橋，空氣又清新
真係正到唔捨得走，燒完野食之後我地又落返去玩狗
玩完狗都８點幾喇，之後就一齊行落山，再坐小巴走

返到屋企好累．．．

>>February 12, 2006 at 3:29:08 PM GMT+8

2006 年 2 月 10 日 星期五 【晴】

新年假之後再返學，ｔｉｍｅ　ｔａｂｌｅ變得更多天地堂
都唔知點算好，而且又有好多新科目，有寫網頁同用ｄａｔａｂａｓｅ
我見其他同學已經有ｄ根底，但係我就一頭霧水，睇黎呢個學期仲辛苦過上學期．．

另一方面，我應承左ｔｉｍ叔同佢繼續返工，不過淨係返星期６，日
其實本來諗住唔做，不過ｔｉｍ叔又話唔夠人，而且佢又對我幾好
我又想同ｄ同事一齊做野一齊玩咁樣，所以最後都照做

所以我今日又要再返工，但係ｄ工具好唔齊，得返一個壇
之前一枝枝果ｄ旗送晒比個婆婆拎去賣，佢話一枝賣到＄２０
我就總共送左３枝比佢，本來諗住返公司再拎，但係又冇咩時間
結果冇咩工具就去開工，種感覺好唔慣，可能太耐冇做
最後當然係冇單啦，１０點幾就返屋企喇．．．

>>February 12, 2006 at 2:13:03 PM GMT+8

2006 年 2 月 4 日 星期六 【晴】

今日返左學校練波，好耐未返過ｋｃｍ喇
不過返到去都只係成日踢波，冇咩點認真打手球
之後就打左場５打５（因為唔齊人），發生左好多攪笑事

打完波之後就練射ｗｉｎｇ，同打下ｄ　ｆｏｒｍ
大概練到５點幾就練完喇，之後阿發就派利事，真係好～

>>February 5, 2006 at 11:17:34 AM GMT+8