2003 年 3 月 2 日 星期日 【陰】

尋晚成兩點幾先訓..今朝八點幾就醒左o勒!但係見咁早諗住訓多陣先啦..不過都係成日醒......><"
未夠十點半男朋友就打電話黎喇!咁我就起身啦!原來果時佢已經出左門口..趕十點半船喎!
佢話俾我人知....今朝成四點先訓!因為佢尋晚要做功課..但係仲未做晒!咁我就叫佢返屋企再訓多陣先啦!
但係佢又話唔好喎!佢訓得果幾個鐘!一定好累架喇.....又要咁早起身出黎同我去街!
不過我好感動呀!佢呢兩日佢真係對我好好....我好開心呀!^o^

咁我起身之後就即刻去梳洗啦!諗住梳洗完就即刻出門口!點知o係呢時候...嬤嬤就"筆"左碗湯俾我...
叫我飲左佢!飲完之後又再黎多碗..haha~不過好好味呀!我最鍾意就係飲湯架喇....^^"
唔..飲完就出門口...果時十一點幾倒啦!約左男朋友o係沙田度等!但係我地唔係去沙田喎!
只係想快見到男朋友咋..哈哈!係咪好傻哩..嘻嘻!唔....大概十二點三就見到男朋友喇!
咁我地就搭火車去大埔啦!我地去『香港鐵路博物館』呀!不過去之前梗係要填飽左個肚先啦!
咁我地就係大埔墟求其一間食店坐底!我叫左一碟炒米粉..原本食唔晒架!
因為無乜胃口...但係男朋友又要我食晒佢喎..咁我唯有聽佢話啦!
今日唔知點解真係好唔舒服!頭暈暈...個肚又有d脹..攪攪下咁!好唔舒服呀~><"

食完之後就行去香港鐵路博物館o勒!去到行下坐下影下相咁啦!到左三點幾就走左lu...
然之後就起程去『大埔海濱公園』...其實我想去果度好耐架喇因為我覺得果度好靚!^.<
唔記得幾點去到喇..去到搵左"達"好多人放風箏既地方坐左陣..見到d人一家大細係度放風箏!好開心呀~
攪到我同男朋友都好想放埋一份...不過到最後都係無放到!我都成十幾年無放過喇...哈哈!
記得以前細個成日同爺爺一齊放架!坐完之後就繼續四周圍行......影下相咁!
呢個時候令我諗返起年幾前!好記得係會考前...成班唔溫書!出左黎海濱影相...
果次係因為hody而影既(掛名上係)!因為hody會考之後就要移民去澳洲...所以成班fd去影相!
唔..但係果次個個都影左一筒單人!哈哈...好似寫真咁!嘻嘻~^.<
唔知幾時先再有咁既機會...好掛住你呀hody~
行到咁上下...我諗大概五點倒啦!有肚餓!因為今日食左好少野!咁就買左個熱狗食啦!
食完就繼續行...都係行下坐下..影下相咁!無乜特別....六點幾就走人lu.....
男朋友話我返上水....佢返長洲喎!唔...因為佢要返屋企做埋d功課佢!
咁就行返去火車站..其實唔係咁識行都係撞撞下....行左入去廣福!
大概七點倒就行到去火車站o勒!咁男朋友咁送我返上水....
咁去到上水火車站....我就返左屋企!男朋友無出閘就搭返火車出紅磡!

咁返到屋企就沖涼睇電視...都係咁啦!
到左八點幾咪煮左個麵食囉...我既晚餐!hehee~

P.S:好激氣呀...呢篇日記我已經係第三次寫架喇!
大家都知架啦!我寫d日記都幾長下架嘛...次次寫完都無左好陰公架嘛!
好苦呀...第三次先到上黎咋!嗚~><"

>>March 4, 2003 at 11:01:36 AM GMT+8

2003 年 3 月 1 日 星期六 【晴】

今日九點幾就俾人嘈醒左喇...出面人嘈到死!接新娘喎~
唔..咁我起身梳洗完之後就好八卦咁o係門口度裝o勒...hehee~
好攪笑呀..d姊妹係咁o係度玩班兄弟..後尾仲叫個新郎哥唱歌tim呀...不過個新郎哥都肯唱...
含情默默架...hehee!好攪笑不過果班人都唔係後生架喇~哈!

咁十點幾差唔多十一點我同嬤嬤就出門口去飲茶喇...
今日係去石湖虛飲呀..嬤嬤話聽佢果d朋友講..間野d野都幾好食咁話..
所以就去試下喇...約左爺爺o係酒樓等!點知去到酒樓門口果陣打電話俾爺爺..
諗住問佢o係邊度啦!咁一路講就一路行啦!點知一撞...撞左埋架車仔度...撞到隻腳呀!痛死我喇...
果個人一句對唔住都無...激死我呀!好痛呀...撞到紅晒!><"

幾經辛苦終於上到去茶樓!第一個反應就係...嘩!好多人呀!要拎飛等位!
唔..等左成大半個鐘先有檯呀!坐底之後又要點下叫咩食...最唔鐘意就係呢架喇...
人地起身到而家都未食過野架嘛!就快餓死tim架..仲要人等!
果時都差唔多十二點...唔!點完等左好耐先黎呀...過左一段時間!
都叫左九碟野.....仲有炸曼頭未黎!但係已經等左好耐...咁就索性唔要啦!
唔...我覺得d野好貴呀!貴夾唔飽tim呀仲要....三個人食左九碟點心...埋單$110.5.....
o係樓下飲茶仲底啦...雖然污糟左d~><"唉!今餐茶飲左成兩個鐘有多呀...真係辛苦!

返到屋企就睇電視....差唔多兩點男朋友就打電話黎...話黎我屋企幫我整電腦喎!
事關之前部腦裝左..慢到死!諗住裝me啦..但係男朋友話我部機裝98會行得順d咁話喎!
咁我就唔出聲...是但佢啦!唉..我睇真係要買過部機喇...我唔想再用呢部老爺機..
實在太慢又唔夠記憶體喎!部機都差唔多用左成五年喇....cheap cheap!><"

到左六點幾..我就去左下廚喇!哈哈...炒公仔麵俾男朋友食...仲加左一個煎蛋tim呀!^^"
唔..男朋友話想食我炒既公仔麵好耐架喇!不過我成日都唔肯整俾佢食咋嘛!呵~
今日終於都整左俾佢食喇...我無試過未架!不過我無乜心機炒所以係咁炒兩炒就算!
我覺得麻麻啦!應該唔係咁好食!但係問男朋友好唔好食...佢又話好好食喎...一定食哄我架啦!
哈~不過我都好開心架喇!多謝你呀~^3^

洗埋碗..等男朋友整埋部機..都成八點幾...咁又出左去食野喇!因為我未食...
唔...行左陣!都唔知食咩好...咁就去左記o勒!唔...d咳咳都未曾好返...又食薯條又飲汽水!今次仲唔死~><"
食完都就快十點喇...不過都去左一陣公園!hehee~
今日好開心呀!男朋友對我好好呀!但係唔知點解突然之間對我咁好呢?係咪做左一對唔住我既事呢?
嘻嘻不過應該唔會啦!希望之後都係咁好就好喇...但係一傾親電話就鬧交咁!><"
無耐就行返去火車站...果時十點三倒啦!男朋友就去搭火車..我就自己返屋企lu....

返到屋企咪上網囉!98都唔好既唔靚呀!整乜都要自己按...親力親為呀!
唔!好想轉返做me呀..不過無理由又要麻煩男朋友幫我整過姐...我都要快d儲錢換過部機先至得!^o^
今日大致上係咁啦....

Candy:我唔係話你唔留言呀!不過見呀hody個diary有咁多你既留言!
知你一定有睇佢個!但係我果個都唔見你既足跡..所以都唔知你有無睇我個diary!><"

蔚蔚表妹:你記住得閒就好寫日記喇..其其表姐想知道你發生過咩事嘛!好掛住你呀..不過下星期六又有得見喇!^.<

>>March 1, 2003 at 11:47:19 PM GMT+8

2003 年 2 月 28 日 星期五 【晴】

今朝十點就起左身喇!因為要準備見工d野!好緊張呀...
尋晚訓得唔係咁好..成晚醒!所以今朝都唔願起身..起身之後都仲係好累呀!><"
咁就影印d證書啦..練下d問題啦!唉..好眼訓呀..zzzZZZZ!
今日既精神狀態真係好差呀!><"

咁差唔多兩點就出左門口o勒!佢約左我3:50pm去interview既..
不過我唔知點去..所以好早就出左門口o勒!
出到去..搵到間野都未夠三點...間野係o係太子既!
見到個門口已經唔想入去喇..因為果間野係俾人打麻雀同篤波既..我feell好"集"~
唔..今日成日都俾人"踩"...又好唔舒服!精神又唔好喎!一陣interview實衰硬啦!><"
到左3:30pm我就上去啦...入左幢大廈度搭電梯..唔..去一樓嘛!嚇死我呀..
部電梯去到一樓...一開門竟然係牆黎架喎!驚驚呀...落到去問個保安..
原來電梯係去唔到一樓既..要o係隔離間餐廳度上去!今日真係頭頭碰著黑呀!

咁上到去就同左個人講話搵葉小姐啦!佢就話葉小姐今日唔得閒喎..俾左張form我填..
填完就俾返張form佢..跟住再拎身分証俾佢影印!
等左無耐...就有個男人叫我入去間房度o勒!就係咁樣..講左兩句!
問下我邊d時間ok..邊d時間唔返得!想返邊區..邊區唔方便返咁話喎!
佢話呢份工太多人應徵喎!所以要"西選"咁話喎!三日至一個星期再通知我!不過都唔一定會通知架啦!
咁就鬆人lu..真係晒曬我d時間呀!等我仲咁緊張tim...激氣呀!><"
唔..真係奇怪架喎!明明登記左話o係太子間分店度做架嘛!又會咁問我都有既~真係唔明呀!

唔..五點幾就返到屋企lu...跟住都無乜特別事發生喇....

>>February 28, 2003 at 8:32:57 PM GMT+8

2003 年 2 月 27 日 星期四 【晴】

今朝未夠十點半就俾個電話嘈醒左喇...係勞工處青少年見習就業計劃打黎架...
見我去見工喎!哈..又會咁快既..阿sir話要等成個星期架喎!唔...好驚驚呀~

咁lunch之後..我就上網搵飲食業d資料啦!事關我聽日見果份工係飲食業黎既..助理主任呀!
係咁搵資料之如..又請教左一個人...因為我覺得佢有好多人生經驗!應該可以幫到我!
佢就係沙薑o勒!佢真係幫左我好多呀..多謝你呀!不過我都仲係好緊張囉..因為對飲食呢行我真係無乜經驗囉!

無耐又有個電話打黎喇...又係勞工處!話有份工想介紹俾我喎!係ok便利店呀!$4000蚊喎!
不過我推左lu...嘻嘻!我都無話做店務員..都唔知點解佢會介紹呢份工俾我既!hehee~
唔..今日都係咁啦!成個下晏都係搵資料咁....

到左傍晚時分..我個icq有d問題呀!咁我就關左佢再開過啦...開返之後d人竟然變晒not in list喎!
咁我當時又無理到佢..又再關過..之後又再開!今次仲慘tim呀...個list無晒d人呀!咁我就唔理連機都熄埋!

食完晚飯後!又再開機..個icq又係咁..一個人都無!不過有個人add我!原來係姐姐呀!佢info話佢個list又係唔知點解無晒人喎!
咁我就去左go.icq.com度..但係事關我部機之前format過..又無裝java...所以去唔到!><"
之後又再嘗試開icq...d人又o係返晒度喎!之前我幾驚無晒d人呀!
咁再夜d...我就收到我個fd既message..話如果唔想icq個list俾人洗晒既話..就唔好online..away同N/A喎!
我今日晏晝成日都away架!我就係咁好彩中左招lu...唉!唔..無耐個fd又再send左d解救方法黎..
咁我就渣渣林send去救人喇!因為都有幾多人中招...用2003 icq既人多d..其他就無咁多人中招囉!
我朋友d fd都有好多中左招!點解無啦啦會咁架...咁衰既~><"

九點幾阿sir打電話黎問我準備好聽日d野未喎!例如人地問我d問題...我會點答咁!
咁就傾左成廿幾分鐘o勒!唔..其實有好多問題我都未知點答架...
都差唔多啦..唔再多講喇!愈講愈亂呀!咁十一點幾我就上左床訓覺喇...

>>February 28, 2003 at 11:36:17 AM GMT+8

2003 年 2 月 26 日 星期三 【晴】

唔...今日真是十分無聊呢!無野做..又唔想出街!
所以整日都是在家上網!都係搵工咁啦.....
勞工處..明報...part-time.com.....都係上這些網頁睇下有無工作適合自己!
不過都係無乜囉!一個職位...又咁多人爭...我點同人鬥喎!><"

今日打左電話去勞工處登記左一份工!係青少年見習就業計劃既!唔..係助理主任~
希望佢快d打黎叫我見工啦!但係我好驚呀~~~~~~~~~~~~~><"

夜晚好唔開心...同男朋友傾電話!又講到喊喊喇...
唉..我真係唔想佢好似而家咁對我呀!真係架..今年特別多事情發生!仲係一d不如意既事情!
算吧...今天心情唔係咁好!就快發癲...所以都係唔講咁多喇....



>>February 27, 2003 at 3:18:28 PM GMT+8

2003 年 2 月 25 日 星期二 【晴】

尋日係我有使以來最早訓既一晚..十二點幾就訓左o勒!
不過在我剛訓著之際..就俾一個電話嘈醒左lu...唉!原來係我男朋友打黎..真係俾佢激死呀!><"
講左兩句..就收左線喇!今朝亦都係有使以來最早起身既一日...係十點鐘倒啦!哈哈...係十點鍾呀!

今日屋企無者飯呀!所以今日既lunch係落街買飯盒既..而我就買左窩蛋牛肉飯!hehee~^^"
食完飯無耐就飲左藥碗...因為我d咳咳仲未好返..所以嬤嬤就叫爺爺執左兩包苦茶俾我...
但係都唔係好苦姐...唔駛嘉應子送都飲得落..以前我飲親苦茶..個樣都"拿"口"拿"面既...
而今次飲就無...起既作用都唔係咁大...因為仲係咁咳..係咁咳!我諗遲d再唔好..真係要去睇醫生先至得喇!

兩點半要返馬鞍山見阿sir!一點九就出左門口o勒!約左阿詩佢地兩點o係大埔火車站站等!
今日大家都好準時呀!簡直係無得頂呀!^^"去到中心都未夠兩點半...跟住就打俾阿sir...無耐佢就入左黎lu..
唔..首先阿sir就俾左d野我地填..填完又填!><"唔..跟住就講左好多野啦...講呀講呀!終於都講完lu..果陣都成四點幾喇!
好眼訓呀...zzZZZ!唔..阿sir話我地可以上網搵工..再打電話去登記喇喎!咁就鬆人喇...
返到上水火車站成四點七...於是就去左銀行度打簿!打完簿就返左屋企lu...
返到屋企就係上網..沖涼!無耐就食飯!洗埋d碗..又開始睇我既電視喇...
以前係完飯就梗係第一時間去上網!而家唔會喇...係睇電視呀!套套都追架...^.<
十點鍾睇完喇..咁又繼續上網啦!上左"青少年見習就業計劃"既網頁度搵工...
其實我之前都有上去睇過架!都搵到好幾份..諗住上去睇下果幾份工仲o係唔o係度嘛!
點知...酒店果份工唔見左呀!成$8000架....嗚嗚!唔制呀...唉!><"
點算呀..我真係好想試下做酒店架..而家都係剩番d四五千咋!Shit~~~
唔..咁聽日唯有登記住兩份先啦!兩份都係做助理主任架...希望interview成功啦!
我真係唔想再o係屋企悶喇....不過阿sir話登記完仲要等一個星期倒...勞工處d人先會再打電話黎叫我地去見工架!><"
仲要未必in得成功呢..到時都唔知仲要o係屋企hea到幾時呀!陰公~
咁又過左一日喇.......



後記：點解d人睇完我寫既日記之後..都話睇想"完全自殺手冊"既...哈哈!
咁大家睇完之後..又覺得點呢？可以分享一下嗎？

>>February 26, 2003 at 2:33:43 PM GMT+8

2003 年 2 月 24 日 星期一 【晴】

尋晚兩點鐘一訓就訓到今朝差唔多十二點!竟然無人嘈醒我喎!真係好訓呀..^^"
今日都無做過d乜..咪又係上網icq..睇網頁咁囉!
之前睇我個fd個日記..佢上網睇過"完全自殺手冊"咁我好奇之下..又走去search啦!
search到之後...就係咁睇!因為我曾經想過自殺..好傻哩!嘻嘻~^.<
唔..不過始終都係無這份勇氣去自殺!唔開心想發洩咪界手囉..
而家隻手都留有往日既痕跡!不過而家應承左男朋友以後都唔會再咁做..
但係唔開心又可以點樣發洩出黎呢？我都唔知..咪唯有喊囉!唔係仲可以點丫~
唔...睇完"完全自殺手冊"之後...個結論同我個fd一樣!睇完真係唔想自殺呀!
佢介紹左好多種自殺方法..致死度..死果時個樣!有d真係幾恐怖下...
這本書好似好鼓勵人自殺咁..所以列為禁書!

今日都差唔多啦...成日就剩係icq同睇"完全自殺手冊"囉...
咁就成日喇..夜晚就睇電視...亞視有兩套新劇呀!
"萬家燈火"啦"玻璃鞋"啦...兩套都ok咁啦!"萬家燈火"仲睇到我喊tim呀!哈哈~
唔...差唔多啦!唔寫咁多喇..都無乜做過!心情又唔係咁好....唉!><"
算啦...係咁先喇!@_@

>>February 25, 2003 at 1:14:13 PM GMT+8

2003 年 2 月 23 日 星期日 【晴】

唔..尋晚三點先訓呀!今朝十點就俾個電話嘈醒左o勒!咪就係我個男朋友打電話俾我囉~
好眼訓呀...傾左十五分鐘今倒就收左線lu..之後再訓過!不過訓黎訓去都訓唔著呀!激死~><"
到左十一點二十五分佢又打電話黎喇..果陣時我先懶懶閒就起身!因為約左出街...
梳洗完有d肚餓...就整左個杯麵食!係完換埋衫就出左門口lu...果時十二點三倒啦!
去到火車站竟然見到oscar喎!奇怪..點解佢會o係上水既呢？原來佢約左阿姨去粉嶺bbq呀!
無耐又收到男朋友個電話喇..話我咁遲喎!傾傾下...有些不愉快事情發生!但最終我都‧‧‧唉!

唔...o係九龍塘站又收到男朋友個tel..佢話而家o係上環喎!我地約左o係紅磡度等!咁即係又要我等佢o勒!
有無攪錯..次次都要我等佢!唉..咁我一點就去到目的地o勒!等等等~等到成點半..佢終於都黎到喇!
咁我地就再搭返火車去大圍...因為今日我地既節目就係踩單車!去到大圍...就即刻去租單車...
租單車前梗係間間睇過晒格下價先啦...時租$20..日租$60..到最後就去左某間度租囉!本來每架車要俾$60架..但係男朋友話$50..個人都應承左!咁就去左成舊水lu...
唔..跟住果個人問我地o係大埔還車定大圍還喎!大圍還就就平d喎...咁我地就選擇左o係大圍度還車lu..
之後就開始揀車o勒...果陣時兩點倒啦!可以踩到去七點!咁我地就起程踩去大埔o勒!過程就唔講咁多啦..咪就係踩單車囉!不過好激氣囉..我d單車技術又唔係勁..原來仲有好多人屎過我呀!成日都擺黎擺去...
差d攪到我抄車呀!不過我都撞到隻手指好痛囉..有個女仔"扒"低左tim呀..仲流血呀!><"
都講左好多俾大家知喇...
今日踩單車令我回想起中學(唔記得中四定中五)同成班朋友一齊踩單車既情景...好懷念呀!唔知幾時先再有咁既機會...><"
呢個時候..幾經辛苦..終於踩到去大埔喇..海濱公園呀!哈..我仲打俾阿詩叫佢落黎一齊踩tim呀!哈~
已經五點半喇..係時候要起程返大圍喇...踩呀..我好落力係咁踩..因為驚唔夠時間踩返去大圍還車!
一路都無停過呀!不過中途踩踩下我地踩左出去馬路呀!好恐怖呀!d車又"bu"我喎!其實我已經踩得好貼架啦..咁樣俾佢o係後面"bu"一"bu"差d嚇鬼死我呀!><"到最尾都趕得徹還車..仲有時間剩tim!

咁就"拿拿林"走去搭火車出紅磡..因為o係踩單車途中媽咪打電話黎...問我阿華(我男朋友)識唔識駁DVD機喎!
跟住阿華就應承左幫媒咪手...都一早同左媽咪講話踩到七點架啦!佢仲係咁打電話黎吹人喎!激氣呀!
咁7:30pm就上到去....整到8:30pm度就走左去食飯!
食完埋單果時..佢地兩個又搶住俾錢...唉!見到呢個情景..我都唔可以點!因為我不嬲都唔會做搶果個!
哈哈...咁我無收入架嘛!真係無眼睇佢地!但係我又會覺得好好笑架喎!呵呵..最後!都係俾媽咪搶左!
之後媽咪就返左屋企..因為佢住紅磡既!我就同阿華行返去火車站!
之後佢都要去搭巴士趕船返屋企lu..而我就自己搭火車鬆人...

架火車終於都到左上水喇..落車lu!但係我見到一個女仔仲o係度訓緊覺喎!我諗個女仔同我差唔多大啦!
果陣時..我個腦o係度諗緊..個女仔無理由係去羅湖架喎!但係又未知自己估得岩唔岩!
所以到最後都無叫個女仔起身!我落車後就一路行一路望..佢有無出到火車!
直至到架火車開走左..我先見到佢醒左..仲企左起身!我諗佢都係唔知醒搭過"龍"囉...
我唔叫佢起身...我係咪好衰呢？

唔...我諗都差唔多啦!今日既生程..大概係咁啦!不過隻腳而家好痛囉...我諗聽日會仲痛囉...><"
係咁...早抖!

>>February 24, 2003 at 1:34:55 AM GMT+8

2003 年 2 月 22 日 星期六 【晴】

今日十點幾就起左身o勒!因為要去飲茶..所以先咁早起身!hehee~
唔..咁梳洗完一輪之後..就同嬤嬤起程去飲茶喇!去左茶樓無耐...覺得好唔舒服呀!
個頭起暈..又想作嘔!好辛苦..呢個時候爺爺就黎到喇!佢見到我咁面青口唇白..
就問我係咪唔舒服啦!我就同佢講話好頭暈..仲有d想嘔!佢就出左去大排檔度拎左d醋俾我食!
叫我食片薑..飲幾啖醋就會好d..好快就會無事喇喎!佢話因為有風喎!又話我係寒咳...哈!
但係..到最後我始終都係忍唔住去左廁所嘔呀!好苦呀...果時我都無食野既!
估唔到仲有野俾我嘔喎!哈...尋晚食d野成晚仲未消化完..幾勁呀!
不過都好彩..有野俾我嘔!如果無野嘔..剩係嘔水既話...會好辛苦架!
嘔完..出去就食左幾片薑o勒!嗯..好難食呀..d薑醋都好難飲呀!但係我就好鍾意食果d豬腳囉!
唔..不過食咁多次!我都未試過飲果d薑醋既!食完都係暈暈地..無乜胃口..不過都食左d野既~
返到屋企...抖左一陣!一點倒...就o係張梳化度訓左覺o勒....一訓就訓到四點!當中都有醒過既...
四點鐘係俾嬤嬤叫醒我起身食藥喎!訓左咁耐...個頭都仲係暈暈地!唉...都唔知點解咁黑仔既~
近呢一年黎...身體真係差左好多呀!雖然我細個既身體都係好差..但係小學中學我都好少病既..
一病就會係病好耐果隻..而我一病就會死下死下咁...乜都做唔到!呢樣野真係要改下至得喇!
第時返左工唔可以再係咁架!我要好好調理好自己既身體至得呀!都無人關心我既!
剩係得嬤嬤爺爺..仲有姐姐關心我咋!朋友都有...但係o係我病既時候...我最需要既係...
我男朋友o係我身邊陪住我..照顧我!但係根本就無咁既可能!佢連我有事都唔知呀..
不過唔緊要啦..佢都係因為要返工..太忙!無時間理我姐!我要學識獨立..唔可以成日依賴人架喇..
因為我已經大個女..成廿歲人喇!唔可以再咁細路女...思想要成熟一d!><"
但係....一時間好難改變倒架嘛!嗚~我自細都驕身慣養...而家要改真係唔係一朝一夕既事呀!
但係我知道我絕對唔可以氣餒架!我既好朋友..姐姐..你地要為我祈禱呀!

好啦...唔寫咁多喇!要休息呀....

>>February 22, 2003 at 9:56:45 PM GMT+8

2003 年 2 月 21 日 星期五 【晴】

唉..而家覺得寫日記寫到有d悶tim!我諗大家都睇到悶啦!
開頭一定係寫...今朝一起身就食飯o勒!食完飯就梗係上網啦!
咁我事實上無乜好寫嘛..日日都o係屋企!><"
有d人叫我..應該寫d特別d既事情喎!鬼唔知咩..咁真係無嘛!嗚~

咁我今日食完飯就上左陣網啦!上到三點幾..就打電話俾爺爺問佢o係邊..
咁佢話o係上水..我就換衫出去o勒!因為我要去銀行幫男朋友入錢嘛!
約左爺爺o係哈狄斯等!點知去到仲未見佢喎..就打個電話俾佢啦!
原來佢去左鎮金店度等我呀!咁我就落去搵佢啦!明明講好左o係哈狄斯等架嘛....><"
見到佢之後..就上左哈狄斯度傾左陣!講下我咳左咁耐都無好返呀..又研究下電話咁囉!
因為爺爺買左部新電話呀!係Nokia既3310呀!爺爺話老豆呀姑媽呀果d都話好喎!到左而家都仲要買六百幾呀!
都唔知係咪大陸機黎既..都無繁體字既..剩係顯示簡體字!唔..傾到咁上下..就走左去買藥喇!
爺爺話我咁咳..要買多樽咳水食喎!咁就去左藥房買咳水o勒!買番我上次食果隻...
買完之後就同爺爺分開左喇...爺爺就返屋企..而家就去銀行入錢o勒!
去到銀行..都幾多人架!我剩係得男朋友本存摺咋..而佢俾我d錢又好散喎!
$20紙呀!所以唔可以用機入錢...咁就唯有排隊啦!唔..入完錢就返左屋企lu...

返到屋企樓下..有信呀!我終於收到青見封信喇!話我已經成功由展翅轉介到青見喇喎!
開心呀!跟住同阿詩傾icq...發現左有d問題喎!咁我就即刻打電話俾阿sir啦!問清楚佢d野..原來係我地誤會左!
攪掂個問題之後....阿sir仲約我地星期二返去見佢tim!其實我呢排都有上網搵工既!
跟住我就同阿sir講話之前搵岩左好多份工...不過而家無左好多喇!阿sir話如果係驚既話....可以打電話去登記喇喎!
不過都係等多幾日先啦!好多野都未攪清楚..見埋阿sir先再登記啦!希望可以快d搵到必好工!
唔駛再o係屋企度亂諗野..攪到自己咁唔開心嘛!我諗寄情於工作會好好多囉~^^"

今日大致上係咁啦!夜晚都無乜好講...十二點半就offline lu..
有d累..諗住上床諗下野嘛!不過咁早上床..都係成兩點幾先訓...哈!

>>February 22, 2003 at 9:32:43 PM GMT+8