2003 年 5 月 29 日 星期四 【晴】

今朝十點就走左身lu...上左陣網!十一點幾就食飯lu...
開緊飯果時..收到個電話呀!係vicky呀..佢打我手提架..點知咁岩呢個時候屋企電話又響走喇...
係司馬...因為今日約左佢今日同我一齊整髮!但係我要食飯...so遲d先覆佢地!
咁食完飯洗埋碗我就打返電話俾佢地啦...首先打返俾vicky...問佢同唔同我地一齊去..
佢到最後都答應左!我再打返電話俾司馬..同佢講話vivky都去....跟住就係咁傾係咁傾!
最後佢都係唔去!><"

咁我又打返電話俾vicky佢啦...約左點半o係大埔火車站等!我點二就出左門口lu...
兩點幾去到間salon..俾師父睇下我個頭既問題啦!好在佢地都肯幫我再整過!^^"
一整就整到三點七八個字..悶到vicky死!中途佢都落過去行下既...不過事關o係油麻地...
所以無乜野下咁話喎...我諗住佢會行過去旺角架嘛!要佢陪我悶左成個幾鐘...真係過意唔去o勒!><"
整完個頭之後就去左Neway City度唱k..由四點唱到六點幾..我地就叫埋單鬆人o勒!
去左兆萬影貼紙相...影左一張!再去銀城影過!好耐都無影過lu..開心!不過影得好核突..hehee!
之後去左旺中..我仲o係旺中度買左條裙!再行花園街...今次買左條褲..慘!
話左唔要再買野架嘛..而家又買左咁多野!仲去左唱k..用左好多錢錢喇!><"
下兩個月都唔知點過呀...又要儲錢喎!唉~><"

行到九點五左右就搭火車返屋企lu..打電話俾嬤嬤問佢亞視台慶跳左舞未...
佢話跳左喇喎..不過好似仲有2 part....都唔知係咪既!叫佢等我返黎之後跳俾我睇...
佢就話好呀...我跳俾你睇!又o係豎發傻喇...真係笑死我!^.<
唉..原本今晚諗住七點幾八點返屋企睇電視架嘛!而家無得睇o勒...
差唔多成十點先返到屋企呀...不過算啦!因為我諗都有成大半年無見過vicky喇!
返到屋企就執返好d野..之後就去左沖涼!出黎就去左上網..上到差唔多一點先offline...
同阿華傾左陣電話就訓左lu...

>>May 30, 2003 at 10:40:41 AM GMT+8

2003 年 5 月 28 日 星期三 【晴】

今日十點起身..之後野左少少野食!
跟住睇電視..十一點幾就洗米煲飯...無耐就開飯!
食完飯洗埋d碗..就睇俠骨仁心!睇完就去左上網...
無開icq...係咁o係度寫日記!因為實在太耐無寫喇...
總共寫左十篇..係一次過寫呀!我覺得自己好勁囉!由兩點幾寫到六點幾!
不過中途四點半出左去一陣..五點返到屋企之後就即刻去左沖涼!
咁五點幾六點又開始再寫...勁呀!估唔到隔左咁耐...我都可以寫咁多!hehee~

夜晚就食飯..洗碗..睇電視咁囉!
睇到十點九我就上左張床度傾電話喇....
傾到十一點幾就訓左lu...


>>May 29, 2003 at 11:04:42 AM GMT+8

2003 年 5 月 27 日 星期二 【晴】

今朝七點就俾人叫醒左o勒..之唔係我阿嬤囉!
都係怪自己尋晚衰多口...一口就應承左嬤嬤今朝陪佢去M記食早飯!><"
咁七點半就出左門口o勒...嬤嬤話好耐無食過喎!咁咪陪佢去食囉!
食完都成八點幾...去左買"送"...嬤嬤俾左d"送"我拎返屋企!
咁佢就自己去行下...我返到屋企..攪掂晒d野就去左上網!
十一點幾食飯...食完洗埋碗都係十二點半!就睇左陣電視!
一點去換衫...點三就出左門口lu....

要入長洲呀...拎套"啞呤"俾阿華嘛!當然唔係用手拎啦...尋日特登買左架車仔返屋企架!
拉住架車仔真係...套"啞呤"又重!有架車仔係就係好d...不過都幾係野架!
我咁大個女都未拉過車仔架!係咪好勁呢?
搭到去九龍塘就轉搭地鐵啦....去到中環站就行去香港站!
o係香港站出碼頭果條路真係辛苦囉...條路有工程進行緊...so凹凹凸凸....攪到我隻手鬼死咁痛!
去到碼頭都係兩點八咋...班快船開琵點九!不過我都無搭到班快船囉...等三點三慢船!
因為阿華放工放四點...佢話會上船幫我拉喎!終於都到長洲喇...
見到阿華..佢就幫我拉啦!佢都話我勁呀..由上水拉到入去長洲..
但係我隻手就...慘喇!鬼死咁痛呀!><"

之後就返佢屋企...即刻沖個靚涼!整埋d野..佢教我用fax...
唔記得幾點去左訓覺....訓到七點倒啦!七點七就o係佢屋企走lu...
佢送我去搭船...仲買左M記上船食tim...今晚既晚餐呀!^^"
出到中環就搭巴士過紅磡...再搭火車返屋企!
返到屋企都未夠十點鐘!之後就沖涼o勒..
沖完涼出黎就睇電視..睇完就上去上網.....上到十一點半就上床訓覺覺!
打電話俾阿華..佢話遲半個鐘打俾我!咁我就一路聽歌一路等佢電話啦..
其實我已經好眼訓架喇!不過......等等等!
電話到喇..跟住我望下個鐘..原來已經一點四喇....佢差唔多遲左成個半鍾先打俾我呀!
激氣呀...佢愈黎愈唔聽我話喇!成日都係咁...衰呀~><"

>>May 28, 2003 at 6:35:35 PM GMT+8

2003 年 5 月 26 日 星期一 【晴】

今日九點幾起身..之後就拿拿林去刷牙o勒!
因為因為會無水..本身係九點開始無既...但係我起身果時都仲有...好似到十一點幾先無水!><"
嬤嬤落去買飯...咁之後就梗係食飯啦...之後睇電視!睇完就去左上網!
上到三點半就去左換衫...約左阿欣!前日同佢出旺角買左件衫...漏左o係佢樹!
出到去火車站見到阿欣..佢就俾返件衫我啦!之後我地就去左M記食野!
食到四點九就走左lu..原本都唔想返屋企住架!不過我應承過嬤嬤幫佢整野!
所以要早d返...唔係又俾佢鬧!><"

點知我五點返到屋企...佢已經整好晒!早知唔咁早返黎啦!hehee~
跟住就沖涼啦!再去上網...六點幾食飯...食完飯洗碗!睇電視...
睇完電視上左陣網...十二點幾就訓左lu...

>>May 28, 2003 at 5:50:35 PM GMT+8

2003 年 5 月 25 日 星期日 【晴】

尋晚傾電話傾到十一點三....但係我就眼光光訓唔著...
一路訓o係度聽歌...差唔多一點果時就打電話俾阿歡..睇下佢訓左未!
佢未訓就同佢傾左陣...之後佢點半又再打黎...一傾就傾到兩點八!
傾下果日bbq d野呀...因為阿歡之前都打過電話俾我..問我果日點解咁怪!
其實我唔覺得自己怪怪地...有d問題架!或許果日真係心情唔好..又無乜mood bbq卦!
各位:果日如果令你地有咩唔開心..好對唔住!我無心架...
另外仲同阿歡傾屋企d野啦...其他都唔多記得lu...仲傾到人地喊喊tim呀!
最後我三點幾四點都訓左lu....

今朝八點半就起左身喇...訓得果四個幾鐘!想死呀...><"
收到阿華send黎既message..之後就打俾佢啦!原來佢八點鐘就起左身喇...
之後佢就話搭九點船出黎o勒...而我九點三都出左門口!
去到九龍塘再搭地鐵去中環...十點九倒就見到阿華喇..開心!hehee~^^"
咁我地就搭東涌線去青衣城o勒!去到之後就係咁行啦!
之後佢無啦啦話我件衫點解咁多"隆"....露咁多肉喎!又話會俾人睇晒!><"
露咩肉丫...肥肉就有我份..邊樹有喎!跟住佢又嬲喇...唉!
咁小事都嬲得一餐...想死呀!佢話著背心都唔俾喎!
咁我就問佢....係咪大熱天時..都要包到好似木乃伊咁.....佢話係喎!
問你死未..之後我就同佢講...你成日咁樣..你知唔知我忍得好辛苦!唉....

最後都可以算係無事既!去左按錢..又按左$1000蚊!
諗住還返俾阿華...我都唔記得欠佢幾多喇...索性俾晒$1000佢..佢就俾返$600我!><"
我之前返醫院出果份糧...無晒喇!嗚嗚...而家銀行剩係d利是錢o係度咋!唔制呀~
唔知點解呢一個月用左成幾千蚊...可能成日買衫既關係啦!又整頭髮喎!
已經十二點幾喇...好肚餓呀!起身咁耐剩係食左兩塊餅餅咋!咁之後就去左間麵包店度食野!
食完再行左陣...兩點幾就搭巴士返上水lu...
返到上水都係三點八個字左右!咁就返屋企整部DVD Rom啦!
入墨水咁啦..都整左好耐下呀!整到成六點呀!
之後就出左去...去百老匯同豐澤睇下d數碼相機!
不本阿華諗住買架..但係我又唔係咁鍾意sony果部P-10喎!所以到最後都係無買到!
之後就行左去睇電腦d野咁啦..行行下又行到去電訊盈科果度!
睇到有promo..一部手機+相碼相機都係$1780既呢!
我地兜左幾個圈..猶疑緊買唔買好!之後就周圍睇下部C350幾多錢...結果都要買成千二三呀!
諗落都玩得過...幾百蚊買部數碼相機!不過呢部都係諗住買黎玩...遲d會買過部!
部手機既型號係Motorola C350..彩mon!但係部數碼相機就未有貨!仲有張壽司卷送tim呀!

八點幾就去左食雲吞麵...食完都差唔多九點lu...
所以就行返去火車站...阿華走左之後...我都返屋企喇!
返到屋企就沖涼洗頭...好似十點幾就訓左lu...

>>May 29, 2003 at 11:30:04 AM GMT+8

2003 年 5 月 24 日 星期六 【晴】

今朝九點幾起左身...之後去左上網!
十一點就落左樓下飲茶...當我同嬤嬤食到飽飽之際...大概十二點倒啦!
爺爺就o係呢個時候打電話俾我...問我地係咪飲緊茶!佢話而家黎喎!
咁嬤嬤就食飽...係咁話走先...唔等爺爺!叫我打俾爺爺啦...
點知隔左十五分鐘...爺爺又再打黎....話仲等緊車喎!
本身爺爺話黎到食d野..今晚就唔駛開飯咁話喎!
但係嬤嬤就等到好唔耐煩...係咁話要走...咁我咪再打多次俾爺爺囉!
佢話爸爸託佢有d野話俾嬤嬤知喎!咁耐無就黎到啦....
我就叫爺爺嗌野食...爺爺就話唔食啦..叫我去埋單!慘呀...
我諗爺爺唔叫野食既原因都係因為嬤嬤係咁嗌走..攪到爺爺....唉!><"

原來爸爸叫爺爺帶我同嬤嬤去果個姨媽屋企喎!
去到個靚妹都o係度囉!間屋既裝修靚過我地屋企好多丫..張床又整得靚過我果張...
乜都係新咁既...唉!我又係爸爸個女....點解佢咁偏心架!仲有呀...嬤嬤亦係佢阿媽丫....
點解兩間屋都係佢裝修...但係就差咁遠呢?

睇完我同嬤嬤就走先...拿拿林返屋企換過件衫...約左阿欣一點三o係火車站等!
出到旺角...首先就係去銀行打簿..因為要證實一下銀行多左既錢....係咪真係$360嘛!
打完簿得出黎既結果真係囉..咁就放心喇!之後就去行街o勒!我仲買左件衫...其他都無乜特別!
七點幾就搭火車返上去!返到上水再行左陣...我仲買左一套"啞呤"tim呀!$320呀....
唔記得幾多磅lu....拎到我死死下...真係辛苦呀!攪到隻手又紅又痛....慘慘!
係買俾阿華玩架...我覺得自己好白痴囉!其實我同阿華之前都一齊睇過...
諗住買架喇..不過又覺得好貴!今次我終於買左喇...不過o係上水買...要拎到入長洲真係唔簡單囉!
其實我可以o係長洲買架嘛..不過我又唔想俾佢知道喎!真係蠢呀..^^"

好o勒...咁返到屋企都係九點幾姐..抖左陣...又o係度睇電視!
1:99演唱會...睇完就去左整部DVD Rom...但係又整唔到喎!不過部電腦認到有部咁既野囉!
之不過部DVD Rom..大過我之後果個CD Rom...so唔岩位入唔到!
整完就去左沖涼o勒!之後同阿華傾左陣電話...傾到十一點三倒佢就訓左lu....



>>May 29, 2003 at 11:13:10 AM GMT+8

2003 年 5 月 23 日 星期五 【晴】

今朝八點幾就起左身o勒!
之後好似食左d野..跟住就上網!
上到十一點三度就去左換衫...十一點八出門口!
約左阿欣食飯...我地去左粉嶺燕雲莊度食菜飯!
食完十二點九我就走左lu...因為要出去酒麻地整負離子嘛!
之後去左火車站按錢...按左$1200出黎!又發覺銀行無啦啦多左幾百蚊..
就o係度諗唔知係咪展翅電腦果度入返$360考試費俾我地!我諗都應該係架喇..
咁我一點九就去到間salon o勒!等左一陣...
就有個髮型師...佢叫daniel呀!同我講下d價錢..
最普通果隻就$480..日本就$550...唔記得美國定英國就$630...最貴果隻就$780...
咁我就揀左做$630果隻...另外長頭髮就加$50...洗剪恤又要再加$88....
咁我就同daniel講...我諗住修一修...加$88好似貴左d...咁佢就話送俾我o勒!
之後再同我做左一個髮質分析!兩點就開始整負離子...一路整..整到差唔多五點鐘!
真係三粒鐘無走雞囉!坐到我屎忽都...唉!

之後就搭地鐵去銅鑼灣啦...去利舞臺戲院買戲票!
約左阿偉睇戲....百分百感覺呀!好快咁就買完票啦..
就打電話俾阿華睇下佢o係邊度啦...我就話而家過灣仔搵佢!
約左o係集成既M記等..去到仲去左個廁所...出到黎就見到佢坐左o係樹o勒!
之後我地就起程去298...買DVD Rom..到最後買左個sony既DVD Rom...$270!
買完之後..阿華都差唔多夠鐘上堂喇..我地去左ive附近既一間小食店度食腸粉!
食完我就即刻行返去銅鑼灣...因為阿偉已經o係銅鑼灣..大概六點九就見到佢o勒!
行左一陣時代...一路行都一路傾既!阿偉仲話..我唔講唔覺得我個頭有整過tim呀...><"
七點三就行返去利舞臺o勒..咁咪睇戲囉...我覺得套戲都ok丫!可以一睇架...
睇完都係九點三...阿華放九點半!好彩..

咁睇完戲..就同阿偉分開o勒!我又行返過去ive度等佢放學!
等左十分鐘左右卦...就見到佢lu...我地行左去銅鑼灣!
去左沙嗲王度食飯...食緊野果陣...阿華無啦啦話我..仲乜整到個頭成日鬼咁!
咁我就好唔開心啦...跟住問佢:乜真係好似鬼咩?佢又話唔係喎..真係俾佢激死呀!
不過我都知佢講下既姐...但係我知佢怪我晒成六百幾蚊去整個頭囉!
又話我..唔知下次會唔會再晒多六點幾走去電髮..唉唉唉!真係傷心...咁樣話我都有既!><"
食完飯就搭丁丁返中環...我上丁丁果時仲撞親隻手tim呀!
好痛呀...唉!阿華唔問下我之後...無啦啦又好惡咁對我!
我只不過睇緊我撞親既傷口..同埋無應佢一句咋嘛!駛唔駛咁惡對人喎!><"
唉!咁o係丁丁度..大家又唔睬...又分開左坐o勒!我地咁都可以鬥一餐架...激氣!
其實果時我都無野啦...我諗住幫佢拎袋啦!佢又死都扯住唔俾我幫佢拎..
你地話..佢算點o勒!我都係想佢關心下我..問下我有無事姐!

咁去到中環...落左丁丁之後!佢就話送我去搭巴士!
果時都係十一點二..佢又未夠鐘!我跟佢搭丁丁過黎都係想見多佢一陣姐...
佢竟然可以咁樣同我講野架喎!激氣呀~
咁無耐我就話唔駛你送喇!仲同佢講左句:頭先既事唔好意思..好對唔住!
之後我就走左去搭巴士喇...唉!佢成日都係咁架...小氣鬼!衰人~
算啦...都過左咁耐...不提也罷...以免我諗返起d傷心事呀!
十二點半就返到屋企lu...

>>May 29, 2003 at 11:08:02 AM GMT+8

2003 年 5 月 22 日 星期四 【晴】

真係好訓o勒...尋晚十一點幾訓..今朝十一點三先起身!嘻嘻~
食左少少野...再打電話去間salon度book左聽日兩點鐘整負離子!
之後就睇左陣電視..諗諗下又想改今日整喎!
但係今日亞歡屋企又攪bbq...我又唔係咁想去喎!
我正o係度猶疑緊之際..阿欣就打電話黎o勒...問我去唔去歡度bbq..
我就話唔知啦...又問下佢!佢話如果我去佢就去....佢話今日唔返學喎!
咁咪話去囉...唉!如果佢遲一步打黎就無機架喇....
咁我咪打俾真真同佢講叫佢買埋我同阿欣果份囉...

約左阿欣兩點三...我地大概兩點半就入到阿歡屋企o勒!
都無咩做過...洗下叉咁囉..都係阿欣洗!用洗潔精洗喎!我都未聽過....嘻嘻!
乜都攪掂晒..可以開始燒lu..不過我仲同阿欣o係度睇電視!佢地個個都o係外面燒...
唔知點解我無乜mood囉!三點幾先出去燒...都係燒左幾轉咋!
之後就同阿欣出去行左陣...但係佢就係咁傾電話!
咁岩阿華又打電話黎..咁我咪又o係度傾囉!
一齊行..但係各自傾電話..哈哈!
之後收到阿歡call..叫我地返去一齊影大合照喎!
講左咁耐..都唔記得講有咩人tim...hehee!
人物有:我,阿欣,阿歡,真真,小白,,jackie,鄭希楠,judy,葉潤華,鍾桂祥!
影左三張咁大把啦...之後好似jackie,鄭希楠同鍾桂祥走左...
再到真真同judy...而無耐我同阿欣七點都走左lu...
剩返葉潤華同小白..當然仲有阿歡啦!

我同阿欣去左M記食雪糕....之後再行左陣!
八點半就返到屋企lu....跟住沖涼再上網!
上到一點半就去訓覺覺lu...



>>May 28, 2003 at 2:42:07 PM GMT+8

2003 年 5 月 21 日 星期三 【晴】

今朝十點半起身...之後就上網!
十一點五果時..二姨媽打電話俾我喎!
真係有d嚇親我囉...點解無啦啦打俾我!唔通係為左....
原來唔係為左果件事....佢係想問我d資料....
可能媽咪同佢提過下啦..姨媽o係馬會度做既!
所以佢打黎就係幫我一d個人資料幫我填form再fax去喎!
真係唔該晒姨媽你呀!^^"

下晏都係咁啦...上網卦!
好似無出過街呀!夜晚十一點八就覺覺lu.....

>>May 28, 2003 at 2:20:48 PM GMT+8

2003 年 5 月 20 日 星期二 【晴】

今日好似無出過街囉!
不過d姨媽攪到我痛到死死下咁...
其他都唔多記得lu...

因為唔舒服..所以十一點四就訓左lu....

>>May 28, 2003 at 2:16:44 PM GMT+8