| 日記 | 日記主簡介 |
||||||||
2003 年 8 月 22 日 星期五 【晴】  佢話跌親喎..所以整唔到野食..咁我咪即刻起身梳洗囉! 屋企有d菜..同埋"掩"左既雞翼..咁我就煎雞翼啦..炒埋d菜! 煲埋飯就食得lu..不過剩係嬤嬤自己一個食咋喎! 事關我岩岩起身唔係咁想食野住..等嬤嬤食完我就洗埋d碗! 之後就去上網....上到兩點先煮左個公仔麵食... 食完就繼續上網..四點果時落左樓下買菜! 返到屋企就洗菜..跟住沖涼! 六點就整飯俾嬤嬤食...食完就洗碗! 跟住睇電視..睇完美麗在望就上網! 同阿華傾電話..好唔開心呀!但係我地無鬧交喎! 後尾同阿roy傾..又傾到喊!喊左好耐呀..隻眼腫晒呀!嗚嗚.. 都係唔講咁多喇..點幾兩點就訓左lu... NP Tom:你路過呀？你唔記得左呢個日記係我架？ 你之前都留過幾次言俾我架啦..我個icq list仲有你o係度架喎!哈.. Brenda:你咁樣係咩意思呀？同你地游水真係好開心架.. 唔信呀？因為我今年係第一次游水..仲有同咁多人一齊游喎! 梗係開心啦!喂..我地係咪約定26號再游過呀？ 放心啦..下次一定唔會遲..上次真係唔好意思呀!><" >>August 23, 2003 at 11:21:42 PM GMT+8 2003 年 8 月 21 日 星期四 【雨】  去游水嘛..點知我成八點鐘先擲醒..咁咪即刻打俾阿欣囉! 原來佢都係起身無耐..仲話brenda同老鼠o係火車站等緊我地! 唉..今次真失策呀!尋晚同阿欣勁叫brenda唔好遲到.. 勢估唔到今次我地兩個唔知醒..><" 已經遲左成大半個鐘..所以就拿拿臨起身整野啦.. 之後就叫brenda佢地去游池先啦..好快就攪掂晒d野o勒! 阿欣起身先過我..但係執野仲慢過我喎! 我叫阿欣o係樓下飛的過黎我樓下..再飛去泳池!哈... 咁都要成$40呀..真係懶呀我地!呵呵... 去到都係九點..咁就換衫啦! 跟住落泳池搵佢地...玩玩玩! brenda個細妹猛咁追住我..叫我游水... 咁我唔識游呀..不過佢個妹勁攪笑囉!^.< 唔講咁多啦..游到十點半就去沖涼洗頭lu.. 因為十一點半約左嬤嬤爺爺佢地去飲茶! 沖完涼洗完頭..攪掂晒d野就行返去上水啦.. 阿鼠同阿欣就返基新..我仲拉埋brenda同我一齊去飲茶tim呀! 其實brenda尋晚應承左同阿歡佢地食lunch架.. 不過佢都肯跟我去飲茶喎!呵... 十二點半果時阿歡打電話俾我..原來佢都係岩岩放學! 後尾就約左點四o勒...咁我地飲到十二點九倒都鬆人lu.. 同brenda去左上水廣場...阿欣同阿鼠就o係銀行! 阿歡黎到就打俾我..最後就去搵埋阿欣佢地! 五個人..去左維苑餐廳度食..不過我同brenda只係陪坐囉! 食完就一齊行街街睇衫啦..睇呀睇呀...一路睇到五點幾! brenda同阿鼠就走先...跟住阿歡都走埋! 阿欣六點半要做body check..但係果時先五點半! 無人陪佢..咁唯有我捱下義氣陪佢啦!我地去左哈狄斯..我食左個下午茶.. 因為有d肚餓..飲茶食左唔係好多野!食完果時..我地仲o係度坐左陣... 點知有三個人走埋黎..兩女一男!佢地自稱係教會既人... 同我地傾計..問下我地做緊乜之類啦!傾左廿五分鐘度啦! 想傾都唔傾得lu..因為果時已經係六點半..阿欣約左時間去做body check! 我地仲交換左電話tim呀...佢話星期六有個party喎..叫我地一齊去! 不過...我地都唔會去啦!哈...^^" 跟住阿欣就去龍豐..我就返屋企o勒! 返到屋企執埋d野就去沖涼..跟住睇電視... 上網..阿華返左黎喇!佢今晚仲打過俾我..又激我喇.. 攪到我又喊..好唔開心呀!不過算啦..都已經習慣了! 都係唔好諗咁多啦... 不過今日真係好開心呀!o係今年黎講..我都係第一次游水咋! 好好玩呀..仲有呀!今日同阿鼠..阿欣..brenda同阿歡行街... 好開心..好耐都未試過!^.< 今日咁開心..無謂諗埋d咁唔開心既野丫..right? >>August 22, 2003 at 12:44:46 PM GMT+8 2003 年 8 月 20 日 星期三 【雨】  所以就繼續再訓..訓到九點四就起身o勒!訓唔著..激氣!><" 梳洗完就煮左個麵食..睇左陣電視!跟住換衫.. 出門口前又收到阿華個電話..佢又再發神經喇! 無啦啦又打電話俾我..唉!一係就兩日唔打..一係就打得咁密! 咁我十一點九就出左門口喇..今日去second in呀... 一點未夠已經去到培正...要排隊呀!點半就入左個hall度等.. 開始interview喇...不過係d人全部坐晒o係度..等叫名! 今次係學校揀人..佢會睇下我地之前填既form.. 如果岩心水既話..就會in我地!唔岩既話可能連一次interview既機會都無! 我兩點倒就有名喇..係一間太和既中學呀!不過我既表現差左d.. 因為有d緊張..都ok咁啦!跟住又出返去個hall度繼續等... 等左四個幾鐘都無學校再叫我lu....慘!唉...真失敗~ 咁六點半先走得..仲未有消息!個個都要等通知..都呃人既!><" 咁就行返去永安度搭巴士返去啦..返到上水七點九... 跟住洗手食飯..好肚餓呀..今朝食左個麵到而家..就快餓死我喇!><" 仲有水都無滴呀..成八個幾鐘頭未飲過水喇..真係辛苦呀今日! 得果一次interview既機會..仲要坐到腰骨都直埋..真陰公! 食完就洗碗..跟住睇左陣電視!九點三去沖涼..沖完出黎睇美麗在望! 睇完就上網寫日記...後尾電話不停係咁響.. 如完呢個傾又同果個傾....傻架!最尾仲要六個女仔一齊傾.. 變態架..不過都幾開心!個傻婆歡囉...哈哈! 但係夾住個死人電話..攪到我條頸鬼死咁痛..好累呀! 好啦..唔講咁多喇..聽朝仲要早起身去游水呀... 而家已經點幾鐘喇....係時候覺覺豬喇!^^" candy:我都好想再整蛋糕呀..但係無地方俾我地整喎! 唔通你又搬個焗爐去阿歡屋企咩? 我地要快d去多幾次阿歡屋企至得喇..阿歡就快搬架喇.. 好唔捨得佢間屋...哈哈!^.< >>August 21, 2003 at 1:10:33 AM GMT+8 2003 年 8 月 19 日 星期二 【雨】  不過o係張床攤到十二點幾先願起身刷牙洗臉! 之後就食左半碗仔粥..都唔好味既!><" 洗埋d碗就睇電視..睇完就上網寫日記o勒! 事關真係太耐無寫過日記喇..而家唯有寫返近呢幾日既日記先啦.. 未寫果d..遲d再算啦!不過我一定會寫返既..大家可以唔睇架.. 因為唔update嘛..我d fd話唔update唔好睇喎!衰到死~><" 下午四點幾就去左沖涼洗頭啦..跟住咪繼續上網囉! 六點幾食飯..跟住指定動作→→咪就係洗碗囉.. 睇電視...上網...hehee~ 今晚有個驚喜..竟然收到阿華打返黎既電話.. 不過一d都唔開心...佢兩日無打過俾我喇.. 今晚無啦啦打俾我...不過我只係同佢傾左兩句就叫左佢收線喇! 十一點上床訓覺..但係訓唔著!眼光光咁.. 唔知點解..我諗係因為阿華既一個電話啦.. 攪到我好多野諗..但係又唔知諗左d乜!唉.. 再夜多少少..打俾candy同佢傾左陣.. 算啦..都係唔好多咁多喇!因為聽日要見工嘛.. 都係早d休息啦...咁十二點幾一點就訓左lu.... >>August 20, 2003 at 11:37:48 PM GMT+8 2003 年 8 月 18 日 星期一 【雨】  十一點半落樓..跟住就搭的士去天平村載埋阿欣! brenda同candy佢地已經去到阿歡屋企喇.. 咁載埋阿欣之後就再去上水圍!去到阿歡屋企都係十一點九過d.. 阿歡出黎接我同阿欣..佢一見到我地就請阿欣食蕉.. 跟住又請埋我食..真係多謝晒咯!不過隻蕉都未熟得透..仲生生地! 去到阿歡屋企見到佢媽咪喎..哈!阿歡失敗左..以為佢媽咪打通宵麻雀! 不過唔緊要啦..都唔會影響到我地!入到屋..見到candy同brenda... brenda仲俾左兩張卡我...一張係佢自己既..一張係佢細妹送既! 好開心呀..多謝brenda..當然唔少得仲要多謝佢果個好可愛既細妹啦!^.< 已經十二點過d喇..過左我生日喇..><" 之後就開始整蛋糕啦..整左一個鐘...相算成功啦! 對candy黎講...其實已經成功架喇!佢都唔識整..第一次有咁既成績! 好叻女呀..十個叻!hehee~^^" 整完蛋糕到整曲奇..整緊果時..佢地就o係度睇<<六樓后座>>.. 我都無乜點睇..因為要幫candy嘛!咁咪阿欣同brenda睇囉! 唔講咁多啦..講下第一批既製成品先啦..好..好..好硬呀!簡直石頭咁.. 不過就好脆囉..呵!繼續努力啦candy..到左差唔多四點...我地仲未訓呀! 不過更有d睡意架o勒..candy未夠四點已經訓左喇.. 剩返我地四個眼光光咁..brenda幫candy搓麵粉.. 我就幫candy焗埋d曲奇佢喎!真係慘喇.. candy要整蛋糕&曲奇俾robert食架嘛.. 但係自己又訓左覺..不過唔緊要啦! 佢要返工..一定好累架啦!^.< 跟住我地四個就影相相啦..哈哈!開心呀.. 之後都唔係太記得做過d咩lu.. 好眼訓呀...不過眼訓一陣之後又好精神咁喎! 唔記得幾點...阿歡同brenda都訓左喇..好似六點幾七點卦! 剩返我同阿欣唔知o係度做咩好!咁咪叫阿欣洗埋d碗..我地又整蛋糕! 唉..好累呀!攪到死死下...今次失敗左tim..唔開心呀!唔理啦.. 真係好累呀..之後八點幾同阿欣去左阿歡媽咪張床度訓! 好舒服呀..不過簡唔中又俾個電話嘈醒!醒左兩次呀.. 訓到十一點半就起左身..不過都仲係好累囉! 訓得果三粒鐘...唉!訓得最少梗係我同阿欣啦!><" candy佢又o係度整蛋糕喇..又搓麵粉...再整曲奇喎! 又幫佢手一齊整囉..跟住candy煮左幾個麵...咁就一齊食啦! 食完就繼續整...今次兩樣野都整得好過之前果次! 不過唔知點解個蛋糕個底...唔識講呀!算啦.. d曲奇好好多..都算係鬆化...無之後果次好似石頭咁! 好啦..講左好多喇..其他唔講啦...四點鐘就o係阿歡屋企走! 我,阿欣,brenda同candy就搭的士去火車站.. 唔知點解阿歡唔一齊搭..不過都算啦! 幾好彩呀..架的士岩岩去到火車站就落起狗屎上黎呀! 跟住brenda就返屋企..candy就搭火車返大埔.. 我同阿欣就去左維苑餐廳度食下午茶.. 跟住陪佢去買鞋..之後就返左屋企lu.. 返到屋企都未夠六點...跟住去沖涼! 出黎就再睇多次<<六樓后座>>啦.. 到左八點半就睇萬家燈火..睇完就繼續睇埋<<六樓后座>>.. 上左陣網..跟住睇美麗在望!睇完上左陣網就訓左lu..果時都未夠十一點! >>August 19, 2003 at 4:30:57 PM GMT+8 2003 年 8 月 17 日 星期日 【雨】   ＨａＰｐＹ ＢｉＲｔＨｄＡｙ～～
唉..話就話大日子姐.. 其實都無咩特別丫..咪又係同平時一樣咁過! 踏入廿歲大關..諗住可以開開心心啦..點知都係咁!><" 阿華應承過話陪我架嘛..點知咪又係返左鄉下..算數啦! 我諗都係面對現實啦..唔講d唔開心既野喇! ********************************************************** 都唔記得今朝幾點起身lu... 起身睇左陣電視...十一點半就出去等位飲茶! 因為阿叔佢地入黎探嬤嬤..十一點幾等到十二點幾先至有位! 足足等左成個鐘呀..飲到點九我就走先... 因為約左媽咪兩點三o係沙田等.. 今日咁岩係星期日..阿華唔得閒陪我..咁咪叫媽咪陪我囉! 生日呀..唉!去食壽司...會員生日去元綠食壽司半價嘛! 開心呀..盡情咁食啦..不過行左陣先! 四點幾差唔多五點先去食...食到差唔多成七點呀!勁呀.. 好好味呀..哈哈!跟住再行左陣...七點九就走左lu... 走之前收到阿欣既電話..佢o係旺角返緊黎! 所以我地約左o係沙田月台度等...再一齊返上水.. 果時先係八點幾...跟住兩條友行上水啦.. 後尾去左仙"�林飲野..跟住打左電話俾阿歡... 問佢今晚屋企有無人..佢話無...咁就話去佢屋企啦! 但係阿欣又猶豫不決咁喎..><" 唔知點解..今晚真係唔係咁想返屋企呀! 糾纏左好耐..不過到最後阿欣都應承左話去!^.< 所以我就買左隻vcd o勒..<<六樓后座>>... 之後就陪阿欣去搭車...佢上車之後我就返屋企! 點解話去阿歡屋企..大家又要返屋企？ 因為大家都要沖涼囉...呵!返到屋企十點半倒啦.. 跟住就即刻去沖涼...沖到十一點幾... 執埋d野拎俾candy..就出門口lu...果時大概十一點半左右啦! 好啦..講住咁多先啦..夜d先再話你地知...呵!^O^ ***************************************************** 今日有好多fd打俾我& send message俾我同我講生日快樂呀! 我要多謝阿欣,阿歡,brenda(佢唱左4個唔同版本既生日歌俾我聽呀,仲要多謝佢細妹), 菲菲,happy,Kevin,阿鼠,candy,jackie,美玉,司馬,雪芳, edmund,阿偉,阿roy...仲要多謝阿詩同kathy.. 如果你有同我講生日快樂既..而又榜上無名既!真係唔好意思o勒!我唔記得咁多..請原諒! 最後點都要多謝阿華...話晒佢都有o係搭入我生日果時打俾我..大概係凌晨12:16分..雖然佢唔係第一個同我講生日快樂! 不過都算啦..又陪唔到多!至少起碼佢都仲記得我生日丫..我知我唔可以怨咁多... >>August 19, 2003 at 4:25:11 PM GMT+8 2003 年 8 月 1 日 星期五 【晴】  去百佳惠康睇下有無整蛋糕既野買!都無既..都無好似出面果d廣場咁多野買! 跟住行左去M記..諗住食早餐!點知見到爺爺喎..咁咪一齊食早餐囉! 食完之後就繼續行左陣..行到十點九就去茶樓等嬤嬤! 飲完茶返屋企睇電視..之後都唔記得做過d咩喇..><" 因為太耐無寫日記之餘..我又無寫低每日做過d咩喎!hehee~ >>August 16, 2003 at 5:19:41 PM GMT+8 2003 年 7 月 31 日 星期四 【晴】  刷完牙就食飯..跟住洗碗,睇電視! 兩點半出門口...去馬鞍山搵candy..我地約左三點! 我諗住傾一個鐘就走架啦嘛..但係candy話要同我地模擬面試喎! 死得啦..好彩都過到關!攪攪下攪到差唔多成五點! 跟住落左大埔吉之島買野..又用左二百蚊喇! 今日仲入左$100入百達通tim..而家身上真係無乜錢剩! 返到屋企七點一...煎左幾隻餃子食就算! 十點幾就訓左喇...呢幾日頻頻咁出街..錢又用多左.. 個人又好累咁..哈!不過d時間就過得好快..呵!^.< >>August 16, 2003 at 4:02:42 PM GMT+8 2003 年 7 月 30 日 星期三 【晴】  今朝好似八點幾起身..十一幾點食飯! 食完飯就洗碗..睇電視!上網咁啦.. 約左阿歡,brenda同阿欣三點o係街市等! 今次係brenda o係英國返黎第一次既bbq..不過只得四個人! 我地買完野之後就打的入爺爺度lu..大概四點幾入到爺爺度啦! 佢地打麻雀呀!悶到我抽筋呀..睇到我想訓覺!><" 無耐真係悶到我就訓著..就入左去電話房度同阿華傾電話! 六點幾七點開始燒野食..阿欣聽日要補考呀..所以佢走先! 我唔係好記得幾多點喇..大概十點幾十一點倒啦! 而我地三個就十二點幾先走..出到村口等左幾耐的士呀! 返到屋企差唔多一點..跟住就去沖涼洗頭! 二點幾三點先訓..個頭都仲未乾!好眼訓啊.. 今日四條友玩得都算開心架..差唔多啦! 係咁先啦..^^" happy:係咩?乜你都咁覺得呀.. 我都唔知呀..不過我都覺得係囉!哈哈.. 唔..有時我話無錢!咁又唔係真係無既.. 銀行有嘛..不過係我自己唔想拎出黎用咋嘛!^.< 你想買袋呀..$300..唔,我都唔知算唔算貴呀! 我都買過咁貴既袋..最緊張睇下實唔實用囉! 你下次帶我去睇下囉..呵! >>August 16, 2003 at 3:40:48 PM GMT+8 2003 年 7 月 29 日 星期二 【晴】  換衫..九點一出門口!行到去惠康先記得原來唔記得醋! 跟住咪行返轉頭返上屋企拎囉!行到走廊聽到對面個細路o係度喊! 佢又企左o係門口係咁大喊喎!咁咪問佢咩事囉..個細路仔得二歲幾! 佢當時又食住個奶嘴喎!咁我就叫佢唔好喊啦..又無人理佢喎! 佢媽咪好似唔o係屋企咁..家姐又唔知去左邊! 咁我話o係屋企拎左包"童星點心麵"俾佢啦! 話姐姐請你食野呀,唔好再喊喇..知唔知呀?乖呀.. 咁個細路就拎住我俾佢果包"童星點心麵"..跟住點下個頭! 之後就收左聲唔再喊o勒!哈哈..細蚊仔真係丫..有野食就哄得掂!^.< 跟住拎返枝醋就拿拿臨走人喇..約左阿欣九點半o係M記等! 點知一落到樓下就收到佢個電話..原來佢想叫我唔好出門口住! 因為佢都係岩岩出門口..不過最後都係佢到先! 我地一齊食早餐..食完就去買野!買腸仔呀..蟹柳..青瓜等等! 整壽司嘛..我地仲買左蟹籽同三文魚!哈哈..正呀~ 買完晒d野之後就打的入去阿歡屋企..入到去都係十點半倒! 今日我同阿欣一齊去阿歡屋企整野食..整壽司同蝦丸! 嘩..今日好熱呀!阿歡屋企個廚房真係..熱死人!無風到架.. 成個焗爐咁呀..攪到我同阿欣都唔想整! 我地首先做既野就係煲飯..煲左五杯米呀! 跟住就整蝦..我同阿歡挑d腸出黎..好臭呀d蝦!><" 阿欣就o係度睇電視...跟住切麵包啦!攪掂之後阿歡同阿欣就去炸啦! 我無分炸呀..到我坐o係度睇電視!hehee~ 等佢地炸完d蝦丸就開始整壽司d材料喇! 攪掂晒d野就梗係開始包壽司啦!整呀整呀..整左好多條呀! 哈..阿歡d手勢唔錯喎!整整下..覺得幾好玩喎! 但係又就黎無晒飯..又剩番好多材料!所以大家都讚誠再煲飯! 煲多三杯米..其實我地整果d都係食左好少!仲有一大碟o係度! 三個人竟然煲左八杯米..好恐怖呀!四點幾睇vcd..<<鬼鈴>>呀! 我睇d又唔睇d..好眼訓呀!都唔知套戲講乜... 睇完都五點幾lu...都唔記得做過d乜lu! d壽司食唔晒..我同阿欣拎左d返屋企!留左d o係阿歡屋企! 包左少少俾阿歡個親戚!我同阿欣好似成七點先走.. 返到屋企七點幾卦..唔記得喇!返到屋企都無食過野.. 飽到想嘔呀..見到d飯就反胃喇!怕怕呀..哈哈! 返到屋企沖涼洗頭..睇電視..好似十一點幾就訓左lu.. >>August 16, 2003 at 3:11:24 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net