| 日記 | 日記主簡介 |
||||||||
2003 年 11 月 2 日 星期日 【晴】 但係訓唔到...八點就起左身上網囉!慘~ 今日仲要返十點...幾時得黎呀!呆下呆下...終於呆到九點幾出門口喇! 一返到去...見到阿wing同麗麗...麗麗又唔舒服喇!又要請假喎! 佢話今朝嘔完先出門口...咁佢就應該一早打俾我叫我返啦嘛! 唉..等我o係屋企呆下呆下..又無得訓果度先慘! 後尾麗麗走左之後...就得返我同阿wing... 勁多人囉!d人飲完茶就入黎行下...事關今日星期日卦... 家庭樂...d人黎買風箏...勁煩囉!妖...低低地架... 忙到我同阿wing就快死咁滯!咁大間舖得我地兩條友! So小姐又成十二點幾先返到黎喎!餓到我要死... 今日我帶左飯呀...開心!哈哈... 今日真係勁勁勁勁忙囉...差唔多四點半我又要走喇... 落華明..仲要拎埋d貨落囉!又重喎...頭先o係舖頭好精神架! 但係o係架巴士度勁眼訓囉!唉...哈!原來做緊野真係無得眼訓架... 今日阿儀教我開夜...ok咁啦!唔經唔覺又到九點喇! 返工搭巴士返屋企又(中)眼訓...返到屋企即刻沖涼... 十點就訓左lu...連<<當四葉草碰上劍尖時>>都無睇到呀! >>November 5, 2003 at 9:32:53 PM GMT+8 2003 年 11 月 1 日 星期六 【晴】 都無訓過晏覺...我連踩左十一日先有假放咋..真慘呀!><" 今日又正常返工喇!一返到去..就俾阿Gu話我... 乜你唔係返十點咩？下..我完全唔知囉..佢話阿儀同左我講喎! 但係根本就無咁既一回事囉...我放假前一日...阿儀同我講放完假都係繼續返呢度咋嘛! 但係阿Gu又死都唔信喎...佢話阿儀同佢講..話左俾我知喎!但係我真係無聽過囉... 今日有新人返工呀!就係我上次返新舖黎見工..雪雪in佢果個呀!23歲...仲係住我隔離幢樓! 阿Gu叫我教佢開舖...So小姐又話唔好請d細細粒既!佢都無力既...><" 十點鐘喇..阿儀返左黎!阿Gu就即刻捉住阿儀黎問... 問佢有無同我講話叫我返十點!阿儀當時無出聲.. 咁咪即係無囉..唉!衰到死...阿Gu死都唔信我..係咁話我! 之後又鬧阿儀..話我叫你做果d野你竟然唔記得!><" 咁我就問阿Gu..咁我今晚點呀？ 我今晚唔得閒喎..阿Gu就話..咁你咪放八點囉.. 你都返左黎咯..聽日返十點啦!唉... 到左五點..阿Gu放工!又勁提我聽日記住返十點! 真係煩...驚死我唔記得咁!你同左我講..我就一定記得啦! 唔記得..肯定係你地無講姐! 今日麗麗返華明呀..不過好慘呀! 麗麗o係玩貝舖..同我分開左呀!好耐無見麗麗喇..佢終於都病好喇! 唔...臨放工前...麗麗仲話我唔等埋佢一定放工tim! sorry囉..因為我約左人..真係好趕時間嘛! 返到屋企都係八點半..即刻去沖涼洗頭.. 根住就出左去lu...約左阿華去唱k...唱通頂喎! 聽日仲要返工..哈!不過聽日十點返天平! 唔...十點幾就見到阿華喇...o係尖咀! 之後我地搭天星過灣仔!去左海旁... 坐左好耐呀!坐到十二點幾去左7仔食野! 根住就行去銅鑼灣CEO...果陣時都差唔多兩點lu... 阿華....訓左一個鐘!而我就自閉...唱到五點幾就走人... 去地鐵站...阿華趕搭六點半船...咁我就搭去九龍塘囉! 勁凍呀..凍瓜我呀!慘慘...><" o係地鐵火車勁眼訓囉...(中)下(中)下....zzzZZZZ! >>November 5, 2003 at 9:37:05 PM GMT+8 2003 年 10 月 31 日 星期五 【晴】 可能慣左啦...訓唔到!根本就訓得唔好...成晚醒... 又成日抽筋喎...唔知咩事!機乎係晚晚都抽筋架囉!><" 十一點去飲茶..同爺爺嬤嬤囉!飲完就去左行街街...行下上水咁囉! 買下衫呀..平時返工返咁長時間都無時間行街街...買下衫! 而家日日都要返工...無多d衫替換下點得架!哈哈... 今日放假...行左陣...又大出血...駛左成千蚊喇!勁哩....呵! 今日係萬聖節...好想去蘭桂芳玩呀!嗚... 一個月前..我同阿cake約好左..今日去海洋公園...根住直踩落蘭桂芳架嘛! 點知..而家又返工!唉...失望.... >>November 5, 2003 at 10:44:38 AM GMT+8 2003 年 10 月 30 日 星期四 【晴】 十點..阿莉帶我去送報紙!慘...呢樣野都要做!傻架.. 慘慘慘...唔識講呀!唉...聽日終於都可以放假喇! 今日講住喧 多先啦...根本講黎講去都係果d野架啦! 總之呢間舖就係唔停得手架啦!><" >>November 5, 2003 at 10:38:33 AM GMT+8 2003 年 10 月 29 日 星期三 【晴】 今日一返到去就掃地..拖地..抹玻璃! 唔明點解乜都係我做囉...其實我唔係介意做呢d! 只不過o係其餘果兩間舖..呢d野我地會輪流黎做! 唔明點解兩日乜都係我做晒囉!佢地就懶係忙咁...嗚! 唔鍾意呢間舖呀! 今日有好多貨返左呀!聖誕卡囉...之前新舖都返左啦...點解呢間咁遲先返.. 仲要一返就返幾間公司既!又係未停過手囉!辛苦極了..不過都好既! 多野做...時間快過好多...又無時間俾我諗野!哈..唔知點解我返緊工既時候.. 個腦都會不停咁諗野架喎...但係又唔知諗乜...諗幾時放工卦!哈...^o^ 真係唔知可以捱到幾時架.. >>November 5, 2003 at 10:35:06 AM GMT+8 2003 年 10 月 28 日 星期二 【晴】 芬妹今日放假...莉去左玩貝舖!我一個人睇晒文貝舖! 儀就o係報紙檔..真係忙到丫!又要落貨...開貨..執野!睇場..收錢.. 乜都一腳踢呀!今日勁慘呀...成五點鐘先有得食lunch... 莉放四點半..所以我要過玩具舖!阿Gu本來放緊大假... 但係唔夠人..所以佢都要返黎!咁我就自己一個人o係玩貝舖度食我既lunch啦! 五點幾既lunch...唔..食到一半...有個學生拎左兩本書黎俾我影印! 仲話要今晚拎..得果兩個鐘時間..而我又唔係咁熟部機既操作... 影影下...又有其他人黎影喎!真係好煩架...我食到一半已經無食...唉! 唔知點解返呢間舖真係忙到要死...唔停手架喎!可能係唔夠人既關係啦! 影影下..部機唔知咩事...神神地...虧左...咁就用另一部啦! 又虧埋...哈哈!唔知係我既問題定係部機既問題o勒! 死啦...聽日又要call師父黎整機...今次聽俾人炒魷都得啦!慘~ 而家30號無得放假lu...其實都預左...改左31號放!哈.. 不過都無得去玩啦...萬聖節呀!好想出街... >>November 5, 2003 at 10:24:16 AM GMT+8 2003 年 10 月 27 日 星期一 【晴】 有班小朋友黎到呀..原來係幼稚園果d小朋友黎舖頭參觀! 佢地係高班架...好得意架!哈哈...阿恆仲攪笑...要介紹d貨俾小朋友認識! d小朋友叫哥哥早晨...笑到我同阿d死!哈哈... 之後阿恆講左d野...唉!衰人黎架...唔開心呀! 仲叫我唔好嬲佢喎!得鬼閒嬲佢呀...佢係咁架啦... 雖然識左佢唔係好耐...不過佢份人木口木面....唉! 得罪人多架啦...唔係點會咁快唔駛做喎!我都唔知講咩好呀! 聽日仲有幼稚園既低班黎參觀架...可惜我聽日開始返華明丫!><" >>November 5, 2003 at 10:08:36 AM GMT+8 2003 年 10 月 26 日 星期日 【晴】 所以我要返新舖!不過今日好靜呀!返到去接埋d雞皮紙佢! 接左幾日終於都接完喇!哈..不過一路接個腦唔知諗乜咁..好唔開心! 好失落咁...仲喊左出黎tim..傻架!死喇..究竟咩事呀？我係咪真係傻左.. 定係返工壓力大呢？有工返阿媽又煩..無工返又煩..唉! 好慘呀..今日開貨俾個紙皮箱(介)到隻手呀!成塊皮甩左呀! 好恐怖呢...><"好痛! 今日真係好靜好靜...所以鳳鳳就提議抹玻璃! 我就提議洗左個風閘佢!不過我隻手損左...所以濕水就勁痛! 不過就死忍囉..因為無野做實在太悶喇! 梁生今日o係舖度裝修...裝閉路電視呀!所以攪到好dirty... 咁我就又掃地又拖地o勒!間舖俾我同鳳鳳兩個整到乾乾淨淨!哈哈... >>November 5, 2003 at 10:02:27 AM GMT+8 2003 年 10 月 25 日 星期六 【晴】 呢間舖不嬲都唔夠人手..所以無人得閒執行...d貨亂到唔知似乜! 放工就返屋企...夜晚傾電話..俾我知道好多野! 算啦..我都預左有呢日...不過估唔到會咁快...點解d人可以咁賤! 返工好辛苦..令我諗起佢..不過都無用啦! 欣呀,返呢份工真係幾慘架!好唔開心..好掛住你! 而家剩係返工放工...睇陣電視..就訓覺! 返工時間又長喎...又多野做!唔...好多野唔開心... 好似搵唔到人傾咁...積埋積埋好辛苦!你快d返黎啦... 你個女我俾人蝦呀!嗚嗚...><" >>November 5, 2003 at 9:48:18 AM GMT+8 2003 年 10 月 24 日 星期五 【晴】 不過我知佢一定過得好快樂! ************************************** 今日返天平呀!一返到去開左舖...So小姐就返左黎..仲話:kk你今日唔係放假咩？ 哈..真係攪笑..都無人通知我!咁點算呀...唉!原來今日放假...傻架!><" 今日麗麗返十點...So小姐叫我跟麗麗落華明...今日係我第一次落華明! 不過晏d又要過新舖..雪雪放六點..我要過去替佢嘛! o係華明執野囉...果間舖間直唔識形容呀!dirty囉..亂囉! 唔..咁五點半我又搭車返新舖o勒!今日好勁呀...三間舖走晒!勁呀... 不過又要搭車..搭答搭去...好辛苦!事關我唔搭得巴士架嘛!><" 而家暫定左30號放假...果日約左華去唱k呀..真係好耐無唱過喇! 對上果次唱k..咪係同candy佢地囉...七月中呀...變態架! >>November 5, 2003 at 9:41:59 AM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39984
Design & Scripting by ShowHappy.Net