2003 年 6 月 18 日 星期三 【晴】

今日十點幾就起左身lu..食左幾塊餅餅!
十一點三就煲飯..跟住食飯!洗碗咁啦...
洗完就睇電視..兩點鐘就去左上網!上到四點左右就去沖涼洗頭!
跟住繼續上網...六點幾又煲飯!食飯洗碗睇電視..
點解我做d野日日都係差唔多架...都無乜好寫!好悶呀...
近排無乜心機搵工呀...好煩呀!好灰...好唔開心!仲有d想自尋短見tim...哈哈!唉~
八點幾九點就一路執相一路睇電視囉!實在太多太多相喇...執到個人都炆呀!
睇到十一點就訓左覺覺lu...

Florence 姐姐:你咁遲先返黎架...又話10號!
點解到而家先....係呢?你究竟係邊日返到黎hk架..
你岩岩返到黎梗係好忙架喇!你遲d搵我啦..^.<
kk妹妹好掛住你呀!

>>June 19, 2003 at 2:27:48 PM GMT+8

2003 年 6 月 17 日 星期二 【晴】

尋晚十一點幾上床之後..仲未訓得著喎!所以就開著收音機聽啤梨主持既<<卡拉O!Base>> o勒!
聽完仲要聽左陣<<恐怖熱線 >>先訓得著!唉...呢排都唔知仲乜..想早d訓又訓唔著!

今朝十點就醒左lu..不過懶床懶到十點四先至肯起身!
之後刷牙洗臉..跟住換衫..十點十就出左去lu..去飲茶呀!
飲完十二點倒就返到屋企o勒..開電視睇...一睇就睇到兩點鐘!
之後又出左去lu...首先去左曬相...跟住就去上水廣場度捐血!兩點幾去到上水廣場!
第一時間就填form..跟住姑娘問左d問題!之後"篤"手指..先至排隊捐血!原本尋日已經想捐架喇!
不過阿歡又要趕住去溫書..陪唔到我!所以到最後都係無捐到..今日咪又係得我自己一個黎捐!><"
兩點幾黎到..但係三點二先到我!本身我同個姑娘講話捐左手架..
點知佢又唔知仲乜..可能我左手搵唔到條血管之類卦!我都唔知係乜喇..
之後就話睇埋我隻右手...又話我係捐開右手..唔係左手喎!但係我好肯定..我自己捐過左手架!哼..
我咁熱心黎捐血救人...但係就受到咁既對待...點解我會咁講?
因為個姑娘都幾惡下...係咁同我拗係右手!豈有此理丫~
捐完之後..個姑娘就叫我休息五分鐘...五分鐘過左之後都無人理我喎!
所以我就o係張椅度足足休息左成十二分鐘o勒!之後飲左杯美綠就走左lu..
講返d野先..以前我捐血不嬲都無用開麻醉藥既..但係都唔會覺得點痛!
不過唔知點解..今次個姑娘插枝針入黎果陣..就覺得幾痛下..><"

捐完血之後買左d野..就返去彩園村度拎相lu..
拎完相就返左屋企...又開始執相喇!一執就執到六點三..
之後就去煮米線食..今晚既晚餐黎架!係嬤嬤買返黎既..叫我煮喎!
食完之後...跟住洗埋d碗就睇電視!睇到八點半先去沖涼!沖完出黎就繼續執相!
執到九點半又開始睇電視...睇到十點半就上左床度聽收音機lu..
今次聽到十二點幾就訓左lu..

不過十二點果時..阿華打過電話俾我!我仲叫佢唔好嘈住我訓覺tim..
我十點半果時打過俾佢...叫佢唔好打電話俾我架啦!點知又打黎..仲要嘈住人唔俾人訓!
講到嬲嬲地...所以就cut左佢線o勒!

>>June 18, 2003 at 2:47:14 PM GMT+8

2003 年 6 月 16 日 星期一 【雨】

尋晚同阿華傾到十一點半倒就收左線..諗住訓覺啦!但係訓黎訓去都訓唔著喎..成日都係咁!
咁十二鐘就打左俾阿歡o勒...我地一路傾係咁傾就傾到一點鐘!跟住我都唔記得自己幾點訓著lu..
但係同阿歡收左線之後..好耐都未訓得著囉!

今朝未夠十點就起左身喇!刷完牙就煮左個麵食...食完就即刻上網寫日記...
係咁寫係咁寫..真係寫到人都傻呀!寫到十二點就去左睇電視...
賣廣告又走去上網...跟住都係一路睇電視..賣廣告就去上網!兩頭走..哈哈!
睇到點三就去左換衫!因為約左阿歡一齊食lunch...我地約左點八o係火車站等!
換完衫之後..點半就出左門口lu..點八就去到火車站..但係仲未見到阿歡!於是就打電話俾佢啦..
佢又無聽..後尾隔左陣又打俾佢...拎個電話出黎..原來佢有打過俾我..但係我又聽唔到!><"
跟住無耐就收到個留言..係阿歡留既..佢話而家仲o係學校喎!果陣時真係有d無奈..

知道佢仲o係學校之後..就自己行左去上水廣埸!諗住睇下野啦..行行下就去左客家好棧..
記得尋晚阿歡話想去果度飲茶!咁我見咁多人..就拎定位先啦!我拎50..佢先叫到廿幾!
我諗都無咁快到啦...點知佢兩點就叫到50 o勒!咁我就同個女仔講話:可唔可以唔要住!
個女仔話如果唔要..要重新排過!咁我就好無奈..之後即刻打俾阿歡問佢o係邊啦!
佢話俾我知..仲o係學校喎!果時我真係勁"慶"囉!又唔知要唔要張檯好喎!
咁咪問阿歡囉...問佢o係果度食好唔好...佢話好!咁我就入左去o勒!
係咁等係咁等...一個人on居居咁o係度等..等左成半個鐘!因為佢成兩點半先黎到!
中途我打過好多次電話俾佢囉!初初有位果時係兩點..果時佢又話而家走..
之後呢..兩點三又再打俾佢..問佢o係邊...佢又話仲o係學校...又係果句..話而家走!
果時真係好想發脾氣囉!到佢黎到..先知佢咩事點解咁耐...點都好啦!我都要同阿歡講聲"對唔住"!

我地兩個人..由兩點半飲到四點鐘!叫埋六碟點心!埋單$75..都ok la!
之後就行左陣...去睇鞋啦..周圍睇下野咁囉!行行下又收到屋企打黎既電話(咪又係我阿嬤囉)!
煩呀..話我食lunch食到咁晏喎!一開口就係咁鬧..佢又唔知咩事喎!當時我係聽到勁炆架囉..
成鬼日都係咁..唔問原因就一味係咁鬧人!唉~shit..攪到我之後都無乜心情再行喇!
咁到咁上下..就各自各返屋企lu..返到屋企都係五點半..之後即刻沖涼洗頭!沖完就上網寫日記o勒!

六點三就洗米煲飯...今餐有我最鐘意飲既蕃茄薯仔魚湯呀!好好味..^.<
食完飯跟住就洗碗...洗完碗又要晾衫..真係多野做呀!
攪掂晒d野之後呢..就坐定定o係豎睇萬家燈火...
跟住就開始幫本相簿整靚靚...我真係好想整靚佢架...不過整得好核突!呵~
一整就整左兩個鐘lu..整到十一點幾就去左上網!

>>June 16, 2003 at 11:15:05 PM GMT+8

2003 年 6 月 15 日 星期日 【雨】

今天係父親節!但係我已經好多年無同過爸爸慶祝lu..
咁今日就會同班親屬一齊去食自助餐!

今朝九點半就起左身o勒..刷完牙就即刻上網寫日記!
一路寫係咁寫...寫到十點九就去換衫!
換完衫十一點就出左門口lu..未夠十二點就去到媽咪屋企附近!
媽咪到左之後..就一齊去黃埔隻船果度o勒!
今日出黎既目的就係同d親戚食自助餐!
我同媽咪十二點四就上到去lu...
我又唔係食左好多野既...係咁食壽司囉!都幾飽下...^.<
食到三點就走左lu....走果陣時仲同阿公阿婆姨媽阿姨佢地..o係門口好似排住隊咁拎雪糕!
果陣已經埋左單架喇..不過佢地話仲未食雪糕喎!所以咪去拎囉..都幾攪笑下!

之後媽咪本身話想出去行下架..但係果時又落緊雨喎..所以唔係咁想行囉!
咁就跟四姨同舅父佢地去二姨媽屋企!其實佢地上去...梗係為左打麻雀啦!
上到去之後..都無乜野好做..都幾悶下架!咁咪同阿表表弟謙仔玩囉..
佢都成兩歲幾啦...都仲係唔肯跟人乜滯既!不過佢都幾得意架..哈!
無耐謙仔又周圍攪野喎..拎d vcd出黎...咁姨丈同舅父梗係喝住佢架啦!
後尾姨丈咪播左套<<行運超人>>黎睇囉!我都睇左好多次lu...都唔係咁好睇既!
不過我都有睇到...睇完五點九倒啦!之後就同媽咪走左lu...

因為實在太悶喇..所以走出去行陣!我都要早返屋企嘛!
出到去..我就叫媽咪帶我去d文貝店同精品店..因為我又要買相簿囉!呵~
但係呢度d相簿超貴..咁之後我地去左吉之島...呢度果d係平d...有d同上水差唔多...
不過無上水果d咁靚囉..都幾cheap下!所以到最後都係無買到!
行到成六點半...就同媽咪去左食麻辣米線...今次要左中辣..辣死我喇!><"

食完就同媽咪去左睇鞋...但係唔岩!唉...
果時都成七點幾...我仲要趕住返去買相簿呀!
所以就行返去火車站...媽咪又話想去優之良品...咁咪同我一齊行上火車站囉!
好在趕到七點九班火車...唔係又要等成5-10 mins...哈!我好似好趕咁喎!
八點四就返到上水lu...之後急急腳咁行去美意屋度睇相簿!
買左兩本...就行左返屋企lu..返到屋企都係八點九!
返到屋企九點就去左沖涼...沖完就睇電視...
十點鐘去左上網...上到十一點就上左張床度同阿華傾電話!




>>June 16, 2003 at 11:36:16 AM GMT+8

2003 年 6 月 14 日 星期六 【雨】

尋晚上網上到點幾先上床訓覺..但係又係訓唔著喎!兩點幾三點先訓得著..唉!成日都係咁..
今朝十一點三先起身..呵!跟住就食飯o勒..之後洗碗囉!今日無街去..所以又係留o係屋企執相!
十二點幾一路睇電視一路執執執..執到差唔多五點先去沖涼洗頭!
我入去果時都無開燈既..但係沖沖下..又好似尋日咁..睇住個天一路係咁黑落去!
好恐怖..所以即刻叫嬤嬤幫我開燈..因為實在太黑喇!好在我沖得快...沖完出黎無耐即刻落狗屎!
我呢幾日不斷望住個天空係咁變化!覺得好得意呀!哈..變得好快!好大風..所以d黑雲好快就吹左過黎!
沖完出黎就吹頭..之後繼續執相!
無耐就晾衫...跟住煲飯!到左六點九..嬤嬤問點解d飯仲未得..
咁我就睇下啦..原來我唔記得按個飯煲制...呵!
所以七點先至有飯食...><"
食完飯就梗係洗碗啦..之後睇電視..睇完就上網!
上到十一點幾就訓左lu..



>>June 16, 2003 at 11:09:11 AM GMT+8

2003 年 6 月 13 日 星期五 【雨】

今日又要去見工喇...所以未夠八點半就起左身lu...
梳洗完就即刻換衫...九點就出左門口喇...
同樣地...今次又係o係樓下食腸粉做早餐!食完就行去火車站搭火車!
今次見工係o係尖沙咀...咁我搭火車就搭到紅磡車站啦!之後再搭的士去目的地...
就係港晶中心...當架的士到達目的地果一刻...我有點無奈囉!係咁鬧自己死蠢!
原來港晶中心只係o係火車站條天橋行過去就到...即係近住尖東廣埸果豎!
你地話邊到有人咁蠢..o係火車站搭的士去火車站附近個商場架(唉!我都唔識講喇)!
總之今次就好蠢好蠢啦!咁又晒左我$15喇!嗚嗚~
去到先係十點鐘..但係我見十點半...之後唔理啦!照上去...
上到去個女仔俾左張form我填...填完之後就係咁等等等...等左起碼有20 mins....
大概十點九就有個男人入黎...咁我地就係咁傾傾傾...傾到十一點倒啦!
佢話會有second in架喎...不過唔知有無我份囉!呵....希望有啦(簡直妄想)!
見就就搭火車返上水...

返到上水第一時間就返去彩園村晒相....攪掂之後就去美意屋...去美意屋途中...
見到有個男人出奇地楂住架單車o係架商場度喎..有個管理員唔知叫佢去邊!
跟住個男人就推住架單車走啦...但係商場有好多人架嘛!
咁岩個男人前面有個師奶同一個女仔!個男人講左句唔該借借就即刻衝過去!
個女仔都未黎得徹借俾佢...所以架單車就撞左埋個女仔條腰度!
我覺得個男人好低能囉..講完就即刻撞埋人地度...咁講左咪即係等於無講!><"
個女仔後面仲有一個男人...可能係女仔個親人啦!就即刻喝個男人:你做咩呀?
楂單車個男人就向後一望...唔理又繼續行!個女人又話...明知商埸唔楂得單車架嘛!
到返個男人...又話:你咁都得既...你咩大呀?我都唔係好記得喇...
我都無理...佢地岩岩o係美意屋出面嘈!我就入左美意屋...d人就係咁望住晒!
我覺得果個男人好賤格囉...撞到人對唔住都無聲!cheap精~

o係美意屋買左盒顏色筆!之後再去商務買左兩本相簿同一隻CD...哈!
尋日先買左兩本相簿..今日又買多兩本!買完之後就去左哈狄斯食野!
食到一點三倒啦...去左龍豐買左個紙皮盒!咁就返彩園村度拎相!
點知d相仲未曬好..咁我就o係度等啦!一等就等左20分鐘!><"
拎左d相又再返晒過...d相係中四果陣同朋友去淺水灣果陣影架...
俾vicky拎左本相簿..而我就剩返相底...so咪要曬囉!仲幫hody同阿歡曬埋tim!^.<
攪掂之後..我o係間相鋪度又見到d野啵...又係相簿呀!放左160張相...$16咋!
個封面又可愛喎..咁我就又買左o勒!hehee~

呢兩日就係咁買相簿..買晒d錢去囉!
之後返屋企..係咁執相...一路執執執!執執下間屋黑晒..咁我咪去廚房睇下係咪落雨囉!
又無喎...間屋黑到我都睇唔清楚d相呀...唉!果時嬤嬤訓緊覺...所以我都費事開燈喇!
咁咪繼續執囉!無耐就聽到d聲...又再出去睇...落狗屎呀!哈...真係丫!
睇住個天係咁變...到睇住橫風橫雨...落狗屎!真係幾得意囉!呵呵~
見到咁既情形...梗係即刻關晒d窗啦!唔理lu....又走左去執相!hehee~
執到五點去左沖涼..沖完之後又繼續執相...執到七點鐘!
就睇電視..睇到八點就出左去lu.....

因為今晚要出去食飯呀!同姑媽佢地..提早慶祝父親節喎!
我同嬤嬤八點過d就落到酒樓喇...但係得表哥一個o係度咋!
一去到就係咁向住我爆粗喎..佢都變態架!又話我地遲黎喎!
不嬲都係約八點架啦...咁我咪話返佢囉!你明知你阿媽經常遲到架啦...
對住d遲到既人又駛乜咁準時喎!仲要o係度鬧我...咁我咪鬧佢笨(拙)囉!呵~
我又鬼死咁肚餓喎..等到大概八點九..姑媽同姑丈先黎!唉...都未試過食飯等人等咁耐架!><"
今日彩城(即係我地食晚飯果間),又有show咁喎!出面攪到成間disco咁..而成班師奶就o係度跳舞喎!
仲要跳鄭秀文..庾澄慶..中國娃娃tim喎!幾鬼勁呀...果度d音響鬼死咁勁...嘈到我頭都爆呀!
我覺得食呢餐飯簡直係受罪囉!真係唔知想點呀..我都費鬼事講咁多呀!
總之果晚就....唉!食餐飯食成兩個鐘...仲要受埋d嘈音.....><"
咁食完之後就返屋企啦...十點三返到屋企就睇電視!
睇完電視就去左上網!

今日既節目相算ok啦..



>>June 16, 2003 at 10:57:39 AM GMT+8

2003 年 6 月 12 日 星期四 【雨】

今朝十一點半先起身..刷牙洗臉..之後就食飯lu...食完就睇電視!
睇完就換衫..兩點半就出左去...去買相簿呀!尋日買唔到..今日終於都買左喇!
仲買左塊白板俾嬤嬤...加加埋埋買左$253呀!尋日銀包有$600..而家咁快剩返二百幾!><"
買完之後再行左陣...行完就返屋企!返到屋企都係三點九..跟住就沖涼洗頭..
沖完就去上網...六點幾又食dinner lu....洗完就梗係指定動作去洗碗啦!
跟住就坐定定睇電視...一路睇就一路執相!睇完電視就去上網...
上到十二點幾就訓左lu....

今日唔知點解咁少野寫既呢?不過真係無咩做過囉!
因為呢幾日都忙於執相!^.<
朋友..得閒黎我屋企睇相丫~

jackie:係咩..但係我有兩個朋友都係早你幾日去in咋嘛!
佢地係小組咁in架喎,如果我一早知道係單對單..死人都去啦!哈~
係呢...咁你講錯左d咩呀?


>>June 15, 2003 at 10:44:31 AM GMT+8

2003 年 6 月 11 日 星期三 【雨】

尋晚十二點幾訓左..今朝十點三就起左身!
梳洗完就左兩大條栗米(o係單元四度個名叫栗米,咁咪即係食自己!haha~傻左)!^.<
跟住又開始執相喇...執執執!真係執到頭都大埋呀!煩死人喇..點解咁多相架!><"
執到一點就睇電視..睇完就繼續執..兩點半就整左盒飯黎食..一路食就一路執!
執到四點幾決定唔再執..因為執到個頭好痛!唔知想點咁~唉!

之後去左沖涼洗頭!沖完出黎就上網寫日記!睇完就睇下人地既日記!
六點幾換衫出左去..因為阿華入左黎!落咁大雨都要佢入黎..真係唔好意思o勒!嘻嘻~
鬼叫我部printer無墨水咩...去到火車站就見到佢lu..果陣大概六點十倒啦!衰仔..仲玩我tim!
之後我地就去左美意屋..買相簿嘛!咁咪睇下囉..睇極都唔知自己想點..唉!
咁又係得個睇字..無買到既!跟住去左龍豐..諗住買tv卡..但係最後都係無買到!
阿華見到個card唔知乜鬼野..話想買!咁我就買左俾佢o勒!^^"
買樣佢鍾意既野俾佢..真係開心!但係無左成舊水就....不過唔緊要啦!
唔買俾佢..又係買埋d無謂野俾自己!

買完之後..就去左燉奶佬度食飯!我叫左個蟹蚶拉麵..阿華叫左個豬扒鰻魚飯+一個七彩涼粉!
買埋$50...之後就返屋企lu...返到屋企九點!阿華就即刻試下頭先買返黎既card唔知乜鬼野囉!
跟住係咁玩...玩到成九點幾先記得自己黎既原因係幫我入墨水!哈..咁咪即整囉!
佢仲攪到成隻手五顏六色tim呀!呵...真係麻煩晒..唔該晒!唔好意思o勒~
整完之後..都成十點三喇..佢就梗係急急腳走啦...如果唔係實趕唔到搭十一點半船啦!
佢走左之後我就睇電視啦...睇完就去上網!上到點幾就訓左lu....
今日都差唔多啦!

candy:我尋日見果份係資料輸入員黎架..唔知點解而家d人見工...
都唔睇人地d證書果d野既..又唔多問你問題喎!><"
唉..可能係因為係青見既工黎啦!唉唉唉唉..
係呢..點解無啦啦可能會調去中環呀?
你得閒多d搵我至得架!

>>June 12, 2003 at 5:26:46 PM GMT+8

2003 年 6 月 10 日 星期二 【雨】

今日要見工..所以八點八就起左身lu..
起身之後刷完牙就執野..跟住換衫...九點三就出左門口!
仲落緊雨tim..起身已經落緊..唉!最憎落雨呀..如果唔係要見工..我都唔出街呀(出上水除外)!
因為我出上水..就算落雨都唔駛整濕身!落到樓下就去食早餐..食腸粉!
食完就行去火車站搭火車o勒!去到九龍塘轉地鐵..o係深水(土步)落車...果時先係十點三倒!
我見十一點四...因為我唔識去...所以預早起碼半個鐘出門口!
點知我十點七就搵到間野lu..我仲睇住間鋪頭開門!又唔好意思咁早入去喎...
所以就企左o係對面馬路....到到十點十一倒先入去...入到去搵個負責人!
之後佢問我有無履歷表..俾左佢之後!咁就走得...話兩日內通知喎!><"
點解而家d人見工乜都唔睇...剩係問兩句就叫人走!今次form都唔駛填tim呀~

咁就行返去地鐵站啦...去到九龍塘再轉火車!返到上水首先就去左銀行入錢!
跟住去買file...十二點幾見有d肚餓..就去左食粉!食完就返屋企lu...
未夠一點就返到屋企lu...跟住睇電視!睇完電視就上網...
四點幾沖涼...跟住係咁上網上網!

六點幾就煮左個麵食...跟住又係咁睇電視!
睇睇下電視又拎左箱相出黎..諗住執整齊佢!
我實在太多相喇...但係太多!細個既相又有..小學既又有..中學既更加唔駛講啦!
多到唔知點形容..人地既相都大把!今晚執唔晒...決定聽日一定要執好晒佢..將佢分類!
聽日一定要去買多本大相簿至得!唉...阿歡:救命呀..你快d同我一齊攪掂d相啦!
十一點睇完電視就去左上網!勁大雷呀...嚇死其其呀!上網同阿華msn..
點知傾傾下唔見鬼左佢...跟住就收到佢fax黎既野!原來係頭先果個勁大既雷...攪到佢部電腦死左..
哈...我部腦又無事喎!咁佢開返部腦之後呢..我地就繼續傾啦!點知又黎多個...
之後佢又係咁無啦啦唔見左!跟住佢打俾我...話都係唔開電腦!咁我就熄電腦啦...
然後上床同佢傾電話...d閃電好勁...d雷好大呀!驚驚呀...我由細到大都好驚雷架!嗚嗚...
差d嚇到想喊呀....唔係講笑!><"

jackie:佢都係約我今日(10號)去見工喎!唔知會唔會同你一樣時間呢?
仲有可能會係同你同組都未定喎...哈哈!我唔去見工,因為我覺得我自己衰硬囉..
小組形式喎...點到夠人爭喎!我驚我去到好似啞左咁囉!加上又落雨..又要出到跑馬地..
係呢..乜你上次o係會展唔係已經面試左架喇咩?點知又會打過黎叫你再去過既?
你又知自己衰左既..佢係咪會即刻通知係咪會請你咁架?

>>June 11, 2003 at 5:36:29 PM GMT+8

2003 年 6 月 9 日 星期一 【雨】

尋晚點半先訓..今朝十點幾起身!起身刷牙洗臉...之後食左兩塊方包!
跟住就上網....十一點幾再食左幾隻雞翼!睇電視...睇完電視兩點幾!
煎左兩隻蛋...食完就去上網!

唔記得幾時勞工處d人又打黎叫我見工...聽日十一點四去深水(土步)見工!
無耐...好似係三點幾卦...唔記得咁多啦!馬會d人又打黎想約我聽日見工!
但係我聽日有工見..所以同佢講唔得!跟住佢約我十三號...我都話唔得!
之後我同個女人講..."我諗我都係唔見住"....唉!咁又.....都唔知自己想點....><"

今日都無做過d乜...都係上下網,聽下歌咁!睇下d搵工既網囉!
悶到爆呀...夜晚六點幾整左少少野食....跟住睇電視!睇完又去左上網o勒!
同阿華又唔知仲乜鬼..激死我喇!今晚睇"郎才女貌"..聽到句野!
我唔記得完整果句係點啦..我而家差唔多意思咁講出黎啦!
句野係咁既:男人點解要傷害自己所愛既女人呢?不過有時..女人都會傷害自己所愛既男人?
咁男人同女人幾時先會學識唔傷害對方呢?我都想有咁既一日呀!
唉..阿華成日講埋d野黎激我!我就黎俾佢激死喇!><"
上完網...十二點幾就訓左喇...

Sally:我梗係知你係邊個啦?我都係睇hody's日記先add返你架咋!
之前我地都有用icq contact架..不過唔知點解o係幾時開始失左contact!><"
不過唔緊要啦..而家contact返都一樣姐!我睇過你個網頁啦...你真係靚左好多喎!^.<

Kiyo:你終於都約我出街喇!哈..真係好呀!
記得你未返工之前..我地成日一齊去睇戲,一齊影貼紙相!好開心~
但係你做野之後..我地就再無一齊出過街lu..
你放假都同你d fd出!你而家無野做,唔知我地會唔會好似以前咁成日一齊去睇戲呢?
你做野果時..我好慘呀!不斷咁搵野做又搵唔到!想睇戲又無人陪我睇!
我d fd..好似剩係得你同我一樣咁鍾意睇戲架咋!><"
好啦..遲d contact啦!

>>June 10, 2003 at 2:59:42 PM GMT+8