2003 年 3 月 12 日 星期三 【晴】

尋晚打晚都唔記得打到幾多點lu...好似係兩點幾呀!今朝未夠十一點就醒左喇~
哈哈...而家迷上左打機呀!平時只係上網睇下野..玩下icq..聽下歌咁!其實係好悶架.....
而家終於都無咁悶喇...不過又係玩!但係我諗打一排我就唔會再打架喇!三分鐘熱度嘛~
成日掛住打機..攪到我都唔想寫日記呀!不過又唔想儲埋一次過先寫喎!好辛苦架嘛...

今日都係打機..上網search下有乜機好玩!俾我搵到"仙境傳說"同"魔力寶貝"呀!
跟住就係咁search o勒!但係搵極都download唔到呀!要買卡卡架...男朋友話要俾錢喎!
我都唔知呀!我剩係知道自己而家沉迷打機!好想打咋~我睇過關於果兩隻game既網頁!好想証下玩呀~

夜晚都係咁啦!食完飯就睇電視!睇完電視就繼續打機!
仲要一路拎住個電話一路打機!同男朋友呀...男朋友都係呀!
一路同我講電話一路打機!不過拎住個電話唔係點講野架!剩係會問對方...你去到邊關呀!咁囉~
hehee~我又要去打機喇.....呵~




>>March 14, 2003 at 12:36:41 AM GMT+8

2003 年 3 月 11 日 星期二 【晴】

尋晚因為要因住d時間黎食藥..所以成兩點幾先訓!今朝十點就起左身lu.....
唔...成個星期都無太陽!唔係落雨就黑媽媽.......今日終於都有太陽喇!yeah~^^"
梳洗完十點半就出左去lu...去買早餐...今餐食腸粉!跟住買埋o者喱粉..花奶同鮮奶!
咁就返左屋企lu...之後又開始整布甸o勒!今次加埋鮮奶!唔知會係點既味呢?hehee~
攪掂晒喇..雪佢一個鐘!就食得....哈哈!

呢段時間就係睇電視!到左一點鐘倒!我就睇下d布甸得未!都ok得卦...
咁我就試下啦...不過我真係試唔出邊次整得好味d囉!哈哈~
但係都有唔同!就係上次果d布甸好實咁...今次果係震震下架!哈哈~
好想男朋友黎幫我試下味呀!可惜唔得丫~><"

之後都無乜野做!就繼續睇電視....一路睇電視就一路食薯片!
種感覺真係正呀!好耐都無試過喇...亦都好耐無食過薯片喇..
好好味呀!哈哈...食薯片當午餐!仲要食左兩大包tim呀!
今日食左咁多零食...仲唔肥死我!點算呀~~~~
唔...其實我d咳咳都未好返晒既!不過照食熱氣野....無戒口!
是但啦..唔好要我再睇多次醫生就得喇!

到左四點幾就去左沖涼..出黎就打左陣機!
好緊張呀...打到第三關就死左喇...嗚~
好累呀....勁眼訓呀!算啦...都係唔寫咁多喇!
無乜特別!

>>March 11, 2003 at 8:39:47 PM GMT+8

2003 年 3 月 10 日 星期一 【陰】

今朝十點就俾電視機嘈醒!傻架..開個電視機開到鬼死咁大聲!嘈醒人~
嗚..人地呢兩日好累架嘛!又食左藥喎!但係唔理喇...因為實在太累!
所以實行再訓過!但係訓唔著..太嘈喇!咁o係張床抖下都好啦...
因為唔想陏...十二點幾佢阿媽返到黎!問我食唔食飯..咁我就話唔食!
之後差唔多一點我先起身梳洗!無耐男朋友就返到黎....
咁我地就開飯o勒!d"送菜"應該食佢爸爸煮卦! 唔知呀..是但啦!
咁食完飯就剝左兩個橙食!食完我就執檯洗碗lu...
男朋友都係時候出門口返工!佢走左之後...我就開熱水爐沖涼!
沖完出黎..悶悶地!咁就睇返尋日果隻"怪獸公司"...因為尋日無乜點睇!
所以再睇多次!睇完都成四點幾...差唔多要走喇!咁我就熄電腦換衫!
仲執左幾隻碟走...哈哈!因為而家無睇做...日日o係屋企實在太無聊!
所以拎左男朋友幾隻VCD返屋企睇!一陣要搭五點三船出香港呀!
咁我四點九倒就出左去買野上船食!又買左"炸燒賣"....哈哈!好味~^.<

出到去.....去左灣仔298度睇電腦..數碼相機之類啦!
好悶又累....又憎行電腦商場!不過唔緊要啦!陪男朋友嘛!
但係真係好累..成身都好痛又無力!都唔知點解藥咁鬼死勁既~
咁八點幾就頂唔順要搭車返屋企喇....男朋友同我一齊搭車返紅磡!
之後我就搭火車....佢就自己走左lu.....





>>March 11, 2003 at 3:40:43 PM GMT+8

2003 年 3 月 9 日 星期日 【雨】

尋晚十二點幾上床..但係訓極都訓唔著!o係張床轉黎轉去..轉到成點半先有覺好訓!
點知今朝七點幾就醒左..見咁早...就梗係再訓再架啦!之後隔左無耐..又彈左起身!
以為八點幾...就起身啦!點知原來係七點幾..頭先只係返左幾十分鐘!哈...傻傻地既~
唉...咁我見起身咁多次..都無謂再訓過啦!梳洗完之後就上網!但係無野做..唯有寫返8號既日記!呵~

我都唔係好記得做過d咩lu~唔..到左九點半咪換衫出門口囉!約左表妹十一點o係尖咀天星碼頭等!
搭火車去到紅磡之後..就行海旁去碼頭!未夠十一點就去到lu..而表妹亦都o係度等緊我!
咁我地就搭天星過中環啦!落船之後..再行過去5號碼頭搭船入長洲!搭船果時..我同表妹一路聽歌一路訓覺!
因為實在太眼訓喇!我地係搭十一點半船入去既..所以十二點四倒我地就入到去長洲o勒!
唉..落左船!唔見男朋友o係碼頭!就即刻打俾佢問佢o係邊啦!又唔聽我電話喎!
咁唯有o係碼頭度等!等左大概十分鐘左右...就見到佢揍住兩個靚妹黎喇!哈哈~
好耐無見佢地喇..好掛住佢地呀!我男朋友真係幾似揍仔公架!哈哈..對付細路真係有番一手架!

食完lunch之後..就去左男朋友屋企!因為我表妹要做project...好似話係唔知咩心理學喎!
要搵兩個靚妹做主角!哈哈..要錄影架!佢兩個都好合作既..不過最尾曉思曳曳呀!扭計計...
要我買野俾佢食先乖乖呀!終於都攪掂喇...咁表妹就搭兩點半船出去!
而我就.....同男朋友陪果兩個靚妹去公園玩o勒!都無乜特別....
都係玩下..帶佢地去食下野咁囉!之後就去南"乙水"....不過行去途中..大果個又扭計話唔去!
要租VCD返屋企睇!咁就去租啦..但係果間野又要住址證明先可以入會喎!咁唯有返屋企拎啦!
呢個時候就落起雨上黎喇..我地走左去7仔避雨!而男朋友就自己一個冒住雨返屋企拿雨傘同住址證明!

我就同兩個靚妹o係7仔門口等佢!當時已經六點喇!兩個靚妹要打電話俾佢地媽咪!
打完之後..個靚妹同我講話媽咪叫佢地返屋企!但係佢地又唔想返喎!因為想睇VCD~
咁就再打多次電話俾佢地媽咪啦!佢阿媽話唔好...叫我地租左拎上佢屋企睇喎!
但係果兩個靚妹不嬲去開阿華屋企睇架嘛!咁就算啦..無耐男朋友出到黎!
我就同佢講...之後我地就送左佢地返屋企lu!咁我地就自己去租VCD o勒!
租左隻"怪獸公司"...哈哈!藥力又開始發作喇....好眼訓!其實今日成日都好眼訓架!
不過無計啦..又帶兩個靚妹去玩!咁所以返到男朋友屋企..終於都頂唔順!訓左陣....
只係訓左一陣咋..就要起身食飯喇!食完飯就開始睇"怪獸公司"...但係我真係好眼訓呀!
所以一路睇就一路釣魚!睇完就諗住訓覺架啦!因為真係好眼訓!但係男朋友又叫我陪佢打機!

咁好啦...唯有陪佢打過啦!唔知部機慢定個網慢啦...d公仔既動作實在太慢喇!
攪到我無晒隱..又唔聽駛!攪到我死左唔知幾多次~嗚!
係咁打係咁打....不經不覺已經成十二點幾喇!我真係頂唔順!就去左訓覺~
但係d光"撐"住我!整下整下又成點鐘lu.....男朋友仲係度打緊機!佢傻架...
明知第日要返工都唔做d訓!前兩晚又唔夠訓..尋日只係訓左四個鐘!
唉...佢而家打機真係打上隱喇!佢以前唔係咁架....而家成日都掛住打機..仲唔理我tim呀!嗚~><"


>>March 11, 2003 at 3:21:26 PM GMT+8

2003 年 3 月 8 日 星期六 【陰】

今天是三八←(八婆)婦女節!對唔住..講左d咁粗糙既言語!請見諒~但係我覺得呢個日子唔關我事!so我都係多咀講句!哈~

今朝未夠九點就已經彈左起身..可能而家開始已經習慣左呢個時間起身!
其實我係為左要食足四次藥先咁早起身架!唔..不過而家唔駛較鬧鐘..到左呢個時候已經自動陣左起身lu..
梳洗完之後整埋嬤嬤尋日買返黎俾我做早餐既奶皇飽!食左三個呀!之後就食藥lu....
食完藥就即刻換衫出去睇醫生!唔...大概十點搭二倒去到啦!見到醫生就同佢講咩事咁啦!有無好返d之類~
唔..今朝咳得厲害左喎!可能係因為尋晚唔記得食果隻"特效藥"啦!再加上今朝又冷多一冷!因為今日真係好凍啊!
咁醫生就話今次開d勁d既藥俾你..跟住我就問佢食埋今次d藥係咪會好返架喇!
佢話係喎!但係之後又話如果仲未好返!又要返黎再睇過..清晒佢喎!因為而家d菌傳得好勁!
今次拎藥俾左$230呀!都唔係平上次好多咋喎!可能今次d藥力勁d啦!姑娘同我講話有隻藥食左會心震同手震架喎!
叫我唔駛驚!有d人就一d反應都無既!而我就唔知自己係邊一類喇...我都未開始食!因為上次睇醫生果d藥都未食晒!
聽日就會開始食..好驚驚!容乜易食左d藥有手震..咁我咁後生咪都會變"柏金遜"囉!手震震..成個阿婆咁!嗚~

睇完就返左屋企..之後無耐又落去飲茶lu...食左唔係好多野咋!
飲完又好無聊咁返番屋企...返到屋企十二點半!就睇電視同上網o勒!雖然約左男朋友..但係佢話搭兩點三船出黎!
今日係去旺角..因為我有d野想買!唔...咁三點我就出左門口o勒!出到旺角三點九個字喇!男朋友已經係度等緊我lu..^^"
不過見到面好似唔知點咁!第一眼望到佢...覺得佢好串呀!簡直成個死飛仔咁既樣~~~哈哈!
唔...行耐左之後!都無乜野lu...幾好丫!出左火車站我就去左卓悅買野!之後再去旺中度買魔戒!
哈..好開心!好靚呀!隻戒子真係好q架!會隨著你既體溫而變色架!呢種玩意..我係o係阿詩既日記中得知既~
唔..我買左四隻!$60呀..一隻俾左男朋友!一隻自己!另外兩隻諗住送俾人!仲有福袋送..不過麻麻啦!都唔靚~

已經買晒我想要買既野喇!咁就搵左個公園坐低..俾我尋日整既布甸男朋友o勒食!仲好凍架!
因為我帶左兩大舊冰去!男朋友話唔凍唔食喎!d男人有時都幾鬼麻煩架喎!哈哈~^.<
唔..之後問佢好唔好食!叫佢講真話俾我知!當然我知道一定唔夠佢媽咪整果好食架喇!
不過佢"ee哦哦"咁!話都有八成似佢阿媽整果d!嘿嘿...都唔知真定假既!hehee~
點都好啦...既然佢咁對我講!我都會好開心既!好啦..下次我會繼續努力....再整好架喇!yeah~

呢個時候都差唔多成六點喇!係時候要走喇..因為今晚婆婆生日要食飯!
咁我地就行返去火車站果頭!媽咪打電話黎約左我6:50pm..咁我見仲有時間就...去新世紀廣埸!
上到去..去左美食廣場出面果個公園今左陣..傾下計咁囉~hehee!
到左差唔多六點半就搭火車過紅磡!我就自己走..去會合媽咪!男朋友就要趕船!今日見個三個鐘~
簡直晒曬男朋友出黎既車錢!係我既任性而做成既!好對唔住~就係為左我一時既心急同興奮....
一定要趕住拎俾你食我親手為你而整既布甸..類你晒左d錢錢!我在此衷心道歉!對唔住呀!
請你原諒我吧!我會改的..哇哈哈~~~~^o^

七點倒我同媽咪就去到酒樓喇..點知一個人都無!到差唔多時間...d人到差唔多黎齊lu...
不過果時已經差唔多八點喇!早知就唔好咁早黎啦!可以見多男朋友一個鐘嘛...哈哈!
蔚蔚表妹都黎左呀!hehee...咁我都同佢傾過下兩句咁既!之後仲show左今日o係旺中買果隻魔俾佢睇!
其實買果時已經諗住送一隻俾蔚蔚表妹架喇!唔...佢都話好得意!幾過隱...因為識得變色嘛!
但係變黎變去都係果幾隻色!哈....阿詩~你講得無錯呀!我地係正常既!Shino又變紫又變白係佢唔正常姐..
因為佢隻手係長期處於冰凍狀態!唔知點解.....hehee~

到後到左十點就搭火車返屋企...係自己一個既!搭火車果時..雖然已經聽緊mp3...
但係仍然覺得好悶!於是就係咁打俾男朋友...叫佢陪我傾!果隻衰野丫..掛住打機..係咁o係度敷衍我!><"
不過都算啦!佢都肯陪我!多謝你囉..類你死左咁多次.....hahahahaha~^^"
今晚坐火車真係特別辛苦..咁成十點架啦!架火車都唔知點解仲迫滿晒人既!攪到我隻手要縮埋一二便!
痺死我喇!坐我隔離果位小姐又..又..又肥喎!唔好意思..我知唔應該咁話人!但係對唔住都要講句!
我已經夠肥架啦!點知佢仲肥過我喎!架車又迫滿晒人..隔離又迫住我!攪到我好似透唔到氣咁!
哈..咁講的確係誇張左既!請大家唔好見怪!原諒我啊!真係對唔住果位小姐呀!o係度咁話你..我知錯架喇!
不過今晚真係好辛苦呀!其實我好想起身俾人坐!因為我覺得企o係度會舒服好多...不過可能我食左藥既關係啦!
周身無力呀!唔知我既病幾時先好得返呢?好耐都無試過病咁耐喇!好驚醫唔好呀~到時點算?真係唔知囉!呵~

唔...聽日要早起!約左蔚蔚表妹入長洲做d野!詳情聽日再話俾你地知啦~~開心開心!^o^


>>March 9, 2003 at 9:24:01 AM GMT+8

2003 年 3 月 7 日 星期五 【陰】

唉!今日未夠九點半又彈鬼左起身喇!激氣呀~
咁就即刻去梳洗啦!跟住就上網check e-mail!再打電話去勞工處confirm佢收唔收到我尋日send去既履歷!
佢話ok收到喎!咁我就放心晒lu....接住落黎就係上網!四周圍去睇...icq又無乜人online..得果小貓三四隻!
可能因為太早啦!悶死我喇~在我正當想煮早餐之際...嬤嬤就o係呢個時候買完"送"返黎喇!
佢仲買左奶皇飽俾我做早餐tim呀!咁我就整返熱佢黎食啦..食完就係藥lu....^^"
食完早點...再上左陣網!到左十一點半就去換衫衫...因為約左個fd食lunch~

到左大概十一點八左右..就出左門口lu!約左十一點九o係上水火車站等!
好準時十一點九就去到火車站喇...我個fd阿欣都企左o係樹等我lu...嘻嘻~
咁之後我地就搭火車去粉嶺o勒!因為我地諗住去"燕雲莊"度食菜飯!以前讀中學我地成日去架...
我覺得果間d菜飯好好食!好耐都無去過...今日有得食!好開心...哈哈!^.<
食完之後都成點鐘喇!咁就陪佢行過去祥華村o勒!行到去企左陣...
之後我個fd就去返學!我都行左去火車站搭火車返屋企...返到屋企都係點半倒!

跟住就睇左陣電視...到左點九嬤嬤就出去中心度上"識字班"lu...
咁o係呢個時候呢...我就開始我既行動o勒!係咩行動?咪就係整"芒果布甸"囉~
今次整係因為男朋友呀!佢好鍾意食架!所以我好想好想親手整俾佢試下呀~
唔知整得好唔好食呢?唔...整左半個鐘多d就完工好開心呀!
真係好想即刻拎俾男朋友佢試下呀!唔...好sweet sweet呀!

咁整完咪繼續上網囉!都無咩好做架啦...悶到死!到左四點幾就去沖涼洗頭lu....
到左五點就打電話俾男朋友....出奇地佢今次聽我電話喎!原本應該係好開心至係架嘛!
唔..不過唔知點解聽男朋友把聲好似唔係咁開心咁既!無黎神氣咁.....><"
攪到我都down晒!問佢係咪心情唔好..佢又話少少!咁之後再問佢為咩事心情唔好啦!佢又話無事喎!
擔心佢呀!講到呢度..佢就話遲先打俾我咯!隔左無耐..佢就打返電話俾我喇!
咁我就好開心咁同佢講..話我今日整左芒果布甸啦!不過唔知整得好唔好食囉~
因為我唔係咁識整..佢話我點解唔問佢阿媽喎!咁我就話點解我要問你阿媽呀!
我d朋友都識整啦..問左佢喇!跟住就講左好多野..都唔記得咁多喇!
總之就講左好多野啦!我男朋友好鍾意食佢阿媽整既野架!佢成日都話佢阿媽好叻..
原本唔識整果樣睇..人地教佢一次咁多!佢之後就會識整架喇!咁我咪話..我係無你阿媽咁叻..咁本事架喇!
之後就話唔俾d布甸佢食!佢就話"你鍾意啦"!嘩...我特登整俾佢試下架嘛..佢就一句你鍾意啦!
咁算係點喎!有無理過我感受架!好呀hurt~咁我就再同佢講話......我無心情呀!唔同你傾喇!收線啦~
咁佢就話好啦....咁我地就收左線lu...收線之後我就係咁喊!因為須係好hurt囉~
我整芒果布甸都係為左佢咋嘛!見佢鍾意食....先整架咋!估唔到佢會對我講埋d咁既說話...咁唔理我感受!
到左六點四倒佢又再打電話俾我!咁我地又講啦!我將自己心入面既感受話晒俾佢知....
同佢講..我知你鍾意食芒果布甸..所以先特登買野整俾你食!仲諗住約你聽出黎俾你試!
因為我實在太心急喇!想你快d可以試倒我為你整既布甸!點知你就o係我面前話你阿媽點好點好!
你話我個心有幾難受?跟住話唔俾你試!你就一句"你鍾意"咁duck過黎!你知唔知你咁樣同我講..我好hurt架!
咁佢就話係我發佢脾氣先..我梗加俾佢激死囉!我頭先根本就無發佢脾氣..只係同佢講我無心情唔想再傾落去咋嘛!
咁收左線之後就係咁喊!佢話係我叫收線...即係發佢脾氣喎!你地話我可以點做喎?我有做錯咩..天呀~
收左線之後又再喊過..我真係覺得好累呀!好辛苦..成日都喊!喊真係好辛苦架..隻眼好痛呀!
好啦..都係唔講咁多喇!
夜晚都係咁啦..食飯睇電視!不過今晚心情一路都唔係咁好囉...就係為左布甸果件事!唉~好傷心!><"

最後:話係我個fd果個人呀？你究竟係邊個呀？點解唔用真名咁鬼祟呀？
唔..乜你真係覺得我好貪錢咩？何以見得會令到你會咁講呢?
試問呢個世間上有邊一個人係唔貪錢架？
香港人每一分鐘都係同緊d錢博命咋!hahahaha~^^"
唔..我都覺得自己幾貪錢架!因為買咩都係要用錢架嘛!haha~
不過我都好大方架喎!你究竟係邊個姐?話俾我知啦!我駛錢好捨得架~
但係而家就唔可以咁大駛lu...因為我同男朋友一齊儲緊錢呀!哈哈~
囉唆一句:記得話我知你係邊個呀!同埋因咩原因你覺得我好貪錢呀!朋友~thx!

黎多個後記先:原本今日我真係好開心!好sweet架!
不過斷估都估唔到..會發生咁既事!男朋友咁對我..><"
女人就係咁架喇..可以為自己所愛既男人付出一切!而果d臭男人就....
唉~咪鬼提喇!總言之.....今次件事就好hurt我啦!嗚嗚.....唔制呀!

>>March 7, 2003 at 10:24:44 PM GMT+8

2003 年 3 月 6 日 星期四 【雨】

今日真係有史以來最早起身既一日...八點幾差唔多九點就起左身o勒!
因為有d唔舒服(o係度唔係咁方便講架)hahaha!所以成晚都訓得唔係咁好...醒黎醒去!><"
所以就索性起身lu..梳洗完之後就食左個香辣牛肉米線..係杯裝架!沖水的~~~
好似米粉咁...不過都好正下架!因為都幾辣...仲辣到我係咁咳tim呀!哈哈~
明知自己d咳仲未好番..都食辣野...kk真係曳曳啊!呵呵~~~~^o^

跟住lunch之後呢..就出左街lu!大概係兩點半倒啦!去睇醫生呀!哈~
咳左成個幾月..而家先肯去睇醫生!咁係丫嘛...真係極之唔願意去睇架!
之前每個月都差唔多要睇一次醫生呀!成日都要食藥..至乞人憎架o勒!
不過見咳左成個月..食咩藥都唔好!先至死死地氣走去睇咋!去左一個女醫生度睇..
我好細個就開始睇佢架喇..佢都知我既身體係點既!兩點四十分倒就去到lu..
呢個時候就收到爺爺個電話..問我o係邊度喎!佢話o係診所附近喎!都話左唔駛佢黎架啦!
佢話我太蠢..講極都唔明!話驚我搵唔間診所o係邊度喎!所以咪過黎搵我囉!事關我朝早打過電話搵過佢...
問佢間診所搬左去邊..佢話搬左去新康街..但係我住上水咁耐...真係唔知新康街o係邊囉!
因為我都唔記街咩名...哈哈!你問我邊個商埸o係邊我就話知姐...hehee~^^"
爺爺陪我等左無耐就走左去開茶會喇!因為10號爺爺要去旅行...今次係去北京呀!萬理長城~~哈!
我都想去呀!不過我都行過長城啦!咪就係長洲果條『小長城』囉!hahahahahahaha~~~~
爺爺坎左之後..我就自己行左陣!等三點鐘開診嘛!不過有樣野我覺得好奇怪囉~
就係唔知點解今日條街特別少人架...由我o係屋企出門口果一刻到而家都係..真係份外清靜架!
到左三點好準時就開診喇!登記完之後..第二個就輪到我見醫生喇!同醫生講講講..講完一輪..聽完一輪之後..
醫生就話我唔知係咩過敏性咳定係敏感性咳...haha~因為我都唔記得左..仲有問左醫生女仔野!
仲拎埋藥...哈哈~ 最後同醫生講可唔可以唔要藥水..因為我由細到大都好怕食藥水架..一食就會嘔架喇!
估唔到醫生仲記得!唔跟住就出左坐左一陣等拎藥o勒!嘩~真係全部藥丸黎架喎!仲好多包tim呀..
不過好貴呀!$300呀!個姑娘仲叫我要再返黎覆診tim呀!咁我就問佢..乜食完d藥仲未好得返晒架?
佢話仲差少少喎~ 因為有種藥係要一個療程咁去食架!咁我就提議星期一返黎再睇過啦!個姑娘又話唔好喎...
話我如果星期一先返去睇..星期日會無藥食喎!咁就我定我星期六返去覆診!嗚嗚~又要再睇多次又晒錢喎!

三點四就走人lu...之後又去左銀行打簿!接住就係去圖書館!哈哈...今日終於都去得成圖書館喇!開心開心~
唔...去左半個鍾倒啦!借左五本書..全部都係關於整野食架!呵呵~唔知點解近排好想整野食....hehee~
咁四點就返到彩園村lu..去左藥返d買!其實仲要幫嬤嬤買米架..不過由於d書太重既關係..所以就返屋企放低書先!
放低d書..四點三又再出過去買米!仲有買我自己d野!hehee~^^"
首先去左惠康!買者喱粉呀..魚膠粉之類!諗住聽日整芒果布甸!哈哈~
不過之前都整過lu..唔係咁好味姐!我整o者喱就好味d!哈哈..我都唔係咁識整布甸!
不過今次請教左高人..我有信心會好食好多架喇!哈哈...你地要支持我呀!
最後就係去百住度買米lu....成八公斤架!重死人喇....

咁返到屋企就沖涼..沖完出黎就急急腳走去send e-mail o勒!
因為今日有兩個人打過俾我..話係勞工處架喎!麻鬼煩!又唔一次過打晒黎....
話我登記左果份工..要我send左份履歷俾佢先喎!咁我咪send囉!
但係發覺又唔係好清楚個e-mail add.喎!咁可以點算呢?差唔多六點打去..又打唔到!
應該收左工喇!死啦..如果收唔到份履歷既話...佢地會當我面試缺席架!最遲係聽日十二點前send到去!
不過我唔理三七二十一喇....send左四個唔同既e-mail add.應該有兩個一定岩既!希望ok啦~~~~><"

到左夜晚都無咩事發生lu...食飯囉睇電視同上網咁囉!
醫生話食左d藥會眼訓架...所以唔講咁多喇!今日都夠啦...都寫左咁多咯!係咪?哈哈~
我覺得自己今日好忙呀!出街出左咁耐...唔駛成日留o係屋企好網!又無咁悶喎~
所以今日好開心!仲有呀...最後要同大家講既就係......我睇完醫生食左藥之後....好左好多喇!
無咁咳喇...yeah!開心呀~~~~^o^

今日行左成兩個幾鐘呀!行到去邊都係無咩人咁既..連放學時間都無咩學生呀!條街咁少人..真係好奇怪!
可能天氣太凍啦...d人情願留o係屋企冬眠!呵呵~^o^





>>March 7, 2003 at 3:00:46 PM GMT+8

2003 年 3 月 5 日 星期三 【雨】

今日都係無出過街既..原本諗住出去圖書館架!
不過因為有事..好唔舒服!所以要o係屋企休息休息!
唔舒服要留o係屋企..咁唯有上網啦!今日係上網搵工既~
去青見個網啦..勞工處個網啦!o係青見個網又係岩左一份工!
係文員呀!所以就"拿拿林"打電話去登記o勒!其實我唔係咁鍾意做文員架咋...
因為我怕悶死嘛!但係無計啦..而家又無野做!試下都好既..佢都唔一定會請我既!hehee~^^"

到左夜晚都係食飯睇電視咁囉!唔...睇到九點半又無野睇喇!
嬤嬤又轉左台..睇司政報告!唔俾我睇笑傲江湖喎!><"
咁我唯有去上網啦!唔..唔知阿華而家做緊咩呢?
你方佢唔係睇緊笑傲江湖咩!又唔打俾我..悶死我喇!
希望聽日會好d啦!如果無事既話..我一家要去圖書館借書呀!^.<

Brenda:我唔會嬲你無留言既!不過你唔留言我又點知你有無睇過我既日記呢?
我睇呀歡同hody既日記...成日都見到你留言俾佢地..而我果個又無喎!
原來係因為唔見左呀!唔緊要啦!好啦..等你返黎我地一齊入去爺爺度bbq~^.<

蔚蔚表妹:係呀..星期六又有得見!去食飯..哈哈!不過我唔知去唔去呀~><"
唔...呢d野大人話事咪得囉!況且我都無咩意見!呵呵~~^o^
我有睇你日記呀...呢兩日都有睇!不過我希望你下次唔好再係咁寫喇!^^"

>>March 5, 2003 at 9:57:51 PM GMT+8

2003 年 3 月 4 日 星期二 【雨】

今日同樣地又係o係屋企渡過去既!星期一至五我都好少出街...只會係有野買先會出去!
所以今日同日都係屋企上網!睇網頁囉...突然之間好想整野食..壽司啦..布甸啦!哈哈~
我都唔知點解架...好多野都想整!所以就係咁上yahoo度search d食譜呀...甜品之類!
今日真係無咩好記囉.....

到左夜晚..都係食飯睇電視咁啦!七點幾爸爸上左黎...又係問我搵到工做未!
真係煩死人..我真係有搵架!搵到先至得架!你估我想日日o係屋企既咩...就黎發臭架喇!
唔..真係好悶呀!男朋友又要返工唔得閒陪我!放左工之後又話累..而家佢而訓左覺喇!><"
呢日子真係好難過呀!我有好多朋友都係無野做......但係唔知點解佢地唔覺得悶架喎!
咁梗係啦!佢地成日都有街出..唔係就o係屋企睇下電視..上下網聽下歌..傾下電話訓下覺咁!
而我....無街出之如仲無佢地咁多野做!唔出街唔係因為我無人約..係我唔想駛咁多錢..而又唔係咁想出街!
o係屋企只可以上網同聽歌..傾電話咁囉!我又唔會訓覺既!又唔睇得電視喎...會俾嬤嬤鬧!佢話晒電喎~><"
雖然可以傾電話...但係我又唔想同人傾!哈好矛盾啊!只係想快d返工做野!咁就唔駛咁多野諗啦~
唔...我d屋企人成日話唔好理佢幾多錢..最緊要搵d野做住先..拎d經驗咁話喎!
真係聽到厭晒呀!究竟我幾時先可會搵到份好工呢？><"

>>March 5, 2003 at 2:59:45 PM GMT+8

2003 年 3 月 3 日 星期一 【雨】

而家無野做...又唔駛返學..唔駛返工!所以我每晚都會成兩點幾先訓...而第二朝成十一點幾先起身!
真係好訓呀.....但係我唔想再係咁落去喇...遲d實變大肥豬.....哇哈哈!^o^
事關星期日同男朋友去街...所以十點半就要起身(其實十點半已經好晏)!
但係我又唔係訓得咁好喎!成晚醒呀.....><"所以尋晚十點半就訓左o勒!
行左成日....好累好累!今朝又係十一點幾先起身!哈~

好o勒!起身訓覺都俾我講左一大輪廢話lu.....哈哈!無計啦!我日日都o係屋企無野做....都無咩好寫!
但係我又唔想剩係寫得幾行字仔喎!所以請大家見諒我在此講那麼多廢話~^.<

起身之後就即刻打電話去勞功處度登記左份工..係份咩工呢?大家想唔想知呢?秘密...唔話俾你地知!哈~
打完電話就食lunch....lunch之後呢...就出左去!去左bank幫男朋友入票~
排左成二十分鐘呀....累死人!好耐都未試過o係bank排隊喇...
有提款卡呢樣野架嘛!去完bank出黎就...去左一間時裝店!
去睇下我想買左好耐既一條褲..返左貨未!有呀有呀....
終於返左喇!好在黎得早....剩返一條咋!hehee~
$79呀.....又晒埋咁既錢!無鬼用...下次一定要忍手呀!
之後就去左美心拎西餅o勒!因為有個鄰居要嫁女..所以就俾左張餅咭我地!
返到屋企就梗係上網啦!返到屋企奇怪地...點解嬤嬤會唔o係屋企既...
諗黎諗去都唔知點解...之後先醒起!呢個時間唔o係屋企一定係去左中心開會..係老人中心呀!hehee~
咁難得無人o係屋企喎!咁我梗係為所欲為架啦....呵呵!^o^
其實都唔係咩姐....只係係度爆機!正呀.....種感覺實在太正喇!好耐未試過呀!

到左夜晚..都係咁啦!食飯睇電視上網!係無特別事發生既....
到左一點就訓左覺覺lu....

>>March 4, 2003 at 5:13:38 PM GMT+8