2003 年 4 月 19 日 星期六 【晴】

今日十點就起左身lu...梳洗完嬤嬤就拎左一大碗湯我!
呢一大碗湯就係我既早餐+午餐o勒!執好d野十二點充就出左門口喇...
首先去屈記交電話費!再搭火車去旺角!由而家開始我唔會搭咁多程車返工架喇!
我會搭火車去到旺角再轉970返工!因為佢會o係瑪麗度停車!不過都要預成兩個鐘囉!

所以今日未夠點半就返到醫院lu...首先去換衫!咁岩又見到同我一齊入職既同事!
佢話今晚要o係宿舍度訓...咁我就陪佢去問啦!一早都同佢講左唔係o係果樹架啦!
佢又唔知喎!唉...攪到我要陪佢走來走去!我夠晒鐘架啦嘛!不過唔緊要啦!
因為我今晚都要訓宿舍!佢都同我一樣咁慘!輪落到要訓宿舍...因為佢住屯門!之後唔多講...
兩點鍾未夠就返到病房...今日係跟阿霞姐!一返到去好似係沖水囉!
而霞姐就換垃圾袋!無耐就係抹房...係大洗呀!因為之前有人出左院!
聽日就有個病人入黎住!所以四周圍都要徹徹底底咁抹過晒d野!
做到我成隻野咁...攪掂完間病房..就係洗廚房!幾乎日日都做到我死咁滯..唉!
乜都攪掂就抖左陣!霞姐叫我食燒賣..咁我就食左幾粒咁啦!
其他唔講咁多lu..今晚dinner我食七點!食dinner前去左管事度拎鎖匙..
但係個人唔o係度..無得拎!叫我遲十五分鐘再去拎過!咁我就去左canteen度食通粉!
因為果樹無乜野岩我食...又貴(我覺得好貴)!因為我想閒錢..唔想份人工用晒o係搭車同食野度!
個通粉都係$8.5...跟住打左俾男朋友..佢話今晚可能會過黎搵我喎!
食完就再去管事果度..點知條鎖匙已經俾人拎左!原來係同我一齊入職果位同事!佢叫阿婷~
咁之後就上返病房啦...唔係好記得做過d咩lu..好似係洗碗卦!之後我就執定今晚要用果d被褥!
我執左一張床單..一個枕頭套..兩張被!到左九點半d阿姐就叫我走...
返到沖涼早d訓!咁我就即刻打多次俾男友啦!問佢係咪真係入黎搵我嘛!
但係佢叫我晏d再call佢!咁我沖完涼洗完頭都係十點倒!再打俾佢...
佢話真係入黎喎!不過唔知幾點...無耐我就見到阿婷!佢叫我等埋佢沖完涼帶佢過去宿舍!
因為佢係第一晚o係度訓..所以唔識去!又乜都唔知..但係沖涼要排隊!咁我就叫佢俾條鎖匙我過去放低d野先!

然之後先再返過去搵佢!攪掂晒..就返去搵佢!帶佢過去啦..
佢都話果度唔掂囉!佢又係咩都無帶喎!好在我帶左兩張被!
咁我見上次唔係咁凍!咁咪俾左一張被佢囉!無耐男朋友就打電話俾我~
我就即刻走返過去儲物櫃果邊度換衫!見到佢果時係十一點啦~
哈哈..點解佢會黎!因為佢岩岩去完人地屋企囉!佢朋友住香港仔架!
佢搭車經過...所以落車見下我喎!佢話今晚特別掛住我喎!都唔知係咪既..傻!hehee~
不過我真係好開心架!因為我o係宿舍度訓已經好慘架喇..佢竟然咁夜都仲肯黎見我!
哈哈...但係十一點九佢就走左lu..咁我地就繼續傾電話!佢搭巴士我就返宿舍!
傾到十二點幾我就訓左lu....

>>April 27, 2003 at 10:40:12 PM GMT+8

2003 年 4 月 18 日 星期五 【晴】

今日係復活節假期既第一日..但係我依然係無得放假!
講返尋晚先啦..點解我要o係宿舍度訓呢..係因為我今朝返"A"...即係6:00am-2:00om...
所以我一定要o係宿舍度訓!咁尋晚我十點走人...之後就去石行樹洗白白&洗頭啦!
之後就過宿舍訓覺覺!訓前同男朋友傾左陣電電..個頭未乾就訓左lu..大概係十一點幾倒啦!
點知訓訓下兩點幾又醒左...之後五點就起身換衫!總之就訓得勁唔好啦~
又多螞蟻喎!跟住去到石行先刷牙洗臉!今朝勁啦..仲去7仔買埋個早餐!
跟住先返病房...見到d阿姐先同我講話...原來返"A"係食早餐既!唉~

好唔鍾意返早更架..因為要抹房嘛!好慘架...又要俾人話抹得慢喎!
總之就做到成隻野咁啦!唔講咁多啦~不過今日都開心呀!
因為放兩點...可以去街街!約左男朋友呀~hehee!^^"
我放左工之後即刻去沖涼洗頭!走先打俾男朋友..原來佢打過好多次俾我架喇!
不過我無開電話...皆因收唔到!好在我仲未行去搭車...因為男朋友話過黎接我!
大約三點三就見到男友喇!之後佢帶我去搭巴士過旺角!以後我就搭970返工放工喇!
一來可以"閒"時間..二來又可以"閒"返d車貴!何樂而不為呢~呵!

搭到過旺角落車..行左陣!之後去左醫肚!
then就行返左去新世紀o勒!接住落黎就開始發生不愉快既事喇!持續左兩個小時呀~
唉...算啦!又當我唔岩囉...得未呀?嗚嗚~成日都係咁!好在最後都無事..唔講咁多俾你地知呀!呵呵~
雖然有事發生左..但佢都送左我返上水!之後去左M記食dinner....
食完o係公園度行左陣..之後送左我返屋企!佢就走左lu....
跟住返到屋企又沖涼洗頭睇電視咁囉!唔記得幾點訓喇~哈!

>>April 21, 2003 at 1:13:39 AM GMT+8

2003 年 4 月 17 日 星期四 【晴】

嘩..今朝七點幾就俾鬧鐘嘈醒左喇!嘈醒左唔緊要呀..平時我都可以訓得番既!
但係唔知點解今次訓極都訓唔著喎!唉...訓得果四個幾鐘!想死呀~
訓唔著就o係張床度攤到十點先起身!刷完牙洗完臉...又攤左陣!十一點就出門口...
搭十一點三船返工!今日返"P"..即係返2:00pm-10:00pm..但係我一點就返到去lu....
去左canteen坐左陣!見無乜野做..所以點四就返到病房o勒!返到去無耐就開始做野喇!
一路做係咁做..都唔記做過d乜lu..就算記得都唔多講啦!唉..等左好耐先到八點!
跟住就係dinner時間..去左7仔買飯!$10大大碗果d呢~但係都食唔晒!
又係無乜胃口囉..慘!而家簡直勁啦...一日只係食一餐!仲有呀..我平時食少餐..都頭暈暈咁架嘛!
而家竟然無事..又唔覺得肚餓!勁無胃口食野呀!可能係做得太多野..累得滯既關係啦!再係咁落去都唔係辦法!

今晚要o係宿舍訓呀!勁慘..果樹勁簡陋呀!不過好在都有部冷氣!得張床..枕頭呀被單果d呀...
乜都要自己o係病房度拎過去架...勁麻煩囉!但係我今晚竟然乜都唔記得帶過去!
勁失策呀!好在同房有個阿姐叫我拎住張床單蓋住先咋..但係都唔係太凍!
總括黎講..今日都差唔多啦!唔記得咁多lu..


>>April 21, 2003 at 12:38:39 AM GMT+8

2003 年 4 月 16 日 星期三 【晴】

今日放假呀!但係已經唔記得係十點起身定十一點起身lu....
因為我已經好多日無寫日記...其實今日係20號!呢幾日實在太忙喇!
我之所以照講話係"今日"....只係想分清楚俾大家睇我每日做過d乜!唔知你地明唔明呢?^^"

本來今日應承左亞歡去佢屋企玩架!但係我實在太累喇..起身之後就食飯!但係無乜胃口囉~><"
之後又要幸住執野喎!因為今晚諗住過男朋友度!勁趕時間囉真係...
所以真係好對亞歡唔住!亞歡:唔好意思呀!下次有機會一定去你樹...^.<
咁我執完野呢....大概三點三左右就出左門口o勒!去到碼頭都仲有十五分鐘剩..我搭五點四船~
入到長洲六點倒啦...之後就即刻返男朋友屋企!首先就打左陣機啦....之後就睇vcd"異度空間"..
哈..隻碟o係我屋企就睇唔到喇!但係o係男朋友屋企就睇到喎!你地睇下我部機幾咁cheap丫!
之後o係男朋友屋企dinner係食粉!佢阿媽煮既..食左半碗倒啦!因為無胃口...勁肚痛!
但係唔係普通既肚痛!唔知咩事..成晚都係咁!唉...

之後就...嘻嘻!唔記得做過d乜lu...打機卦..睇vcd卦!都無咩好做啦~
今日o係屋企果陣報左勁耐野囉!點解?因為我聽日要o係醫院既宿舍度訓囉!
真係慘呀...因為要返早...返早係六點鐘呀!所以要訓宿舍囉!其實有好有唔好既...
唔好咪就係唔好囉!好咪就係可以"閒"返好多車費!hehee~
我搭車加食飯至少都去左二千蚊啦!份人工真係渣都無得剩乜滯架!
唔知攪乜攪到咁鬼死夜...今晚成三點先訓!變態架~><"
其實我係勁累...勁眼訓架囉!咁去男朋友屋企都係想見下佢姐....
無理由去到剩係訓覺架嘛!咁咪陪下佢打機囉~^^"

今日差唔多啦..做咁鬼死多野!所以唔記得邊樣打邊樣喇...
講住咁多先啦....hehee~

>>April 20, 2003 at 10:45:59 PM GMT+8

2003 年 4 月 15 日 星期二 【晴】

今朝六點就起左身喇..勁眼訓囉!
梳洗完就整早餐食..食左六粒蝦餃..幾塊典其餅咁啦!
再執埋d野換埋衫..皆因見仲有時間..所以就坐o係樹呆左一陣!
到左七點三就出門口lu...去出紅磡已經八點一了!去到中環之後等左十分鐘小巴..大約八點九就去到醫院了!
幾驚遲到呀..首先第一件事就係去倉度拎制服!去到等左無耐..又見到尋日一齊既TGSA..係男仔!
佢好似大概25歲倒啦!哈..之後又再黎多個阿姨..最後黎多兩個姐姐!哈~仲有個阿叔tim架...
估唔到佢地今日都係返9:00am-5:00pm喎!雖然唔同部門..但係總算係有緣丫!
但係我諗日後都好難見到面lu...

拎完制服就去返行政大樓度交返d文件...之後再去管事度問下關於儲物櫃既事!
點知又係未得喎!激氣呀...咁唔得咪去報到返工囉!去到都九點半過d喇..我勁驚囉!
遲左咁多...不過係個姑娘叫我拎完制服先返工既!而其他果幾個就話唔駛驚遲...聽日就驚咁話喎!
上到去佢地借左個櫃俾我擺野..之後叫我換衫洗手..攪掂就帶左我去見病房經理o勒!
同佢傾左陣..之後佢就叫個阿姐帶我做野!首先個阿姐教我抹房...每朝都要抹架!
間房都幾大下架..最入間房入面有電視啦..hi-fi啦..又要抹窗又要抹床!總之o係間房入面d野全部都要抹啦!
仲俾人話我得慢tim呀...佢都低能既!人地今日岩岩黎..第一日做咋嘛!駛唔駛咁話我喎!
果個人只不過係黎左幾個月咋嘛...佢又教錯我做野!今日第一日返工已經見到好多人事既野!
譬如d人o係度講是講非咁呀..唉!做人真係複雜呀!攪掂兩間房之後就去左行街..行街即係o係間醫院周圍行!
去第二個部門交野呀...血小板之類咁囉!又要行得快喎...返到黎仲要開餐俾d病人食!
做到死死下..真係仲辛苦過我已經做7仔呀!之後唔記得做過d乜喇...事關我已經暈暈地..
之後我就一點三去食飯....食半個鐘既!不過我無食到野...只係o係廚房度坐左半個鐘!
唉...做左咁多野..竟然唔駛食野!哈..可能係太累啦..已經周身都痛!想死..好想喊...已經想唔做喇!
真係好苦架..嗚嗚!不過我係唔會放棄既!點都捱多個幾星期先啦....hehee!

差唔多三點果陣...個阿姐又帶我周圍去咁啦!聽講話有儲物櫃拎喇喎!
咁個阿姐就帶去啦管事度啦!拎完鎖匙就去book埋床位!因為我要輪班嘛...所以就要返早!
如果係返早既話..就要六點鐘返到...都傻既!上水邊樹有車去喎!所以我唯有o係宿舍度訓啦訓...慘~
但係搵極都搵唔到宿舍o係邊!咁就唯有返去啦..之後唔講啦!
到我五點鍾放工果陣..就自己去搵啦!搵到呀...不過唔知係咪果樹咋嘛!hehee~
唔...上到去二樓果陣呢..個房鎖住左..因為要用鎖匙開架嘛!咁呢..咪走囉!
走果陣時..無啦啦見到對門後面有個黑影喎!嚇死我呀...雖然係好驚!
但係我仍然走去對門後面睇下..點知我一推開對門..又乜都見唔到喎!
咁咪繼續等lift囉...勁驚呀真係!好彩無耐就有lift喇!個lift入面仲有個男人...咁我先無咁驚!
因為果樹d lift真係幾恐怖下架!咁我之後都搭小巴返中環lu..
諗住閒返d錢..所以就去左搭快船過紅磡o勒!原本搭六點四果班既..但係我六點一倒就差唔多去到!
見到d人係咁跑..我都唔知咩事!心諗d人傻既咩...明明六點四先有班船...點解d人係咁跑呢?
點知我一去到..就打鐘...隻船就開啦!跟住我就問左位阿哥啦..咁先知道原來六點二呢班係特別開既!
其他都係搭正..搭四...搭八!去到火車站又走火車!激氣呀...真黑仔呀!
七點半就返到屋企喇...即刻沖涼洗頭啦!敷mask...多左好多瘡瘡呀!><"
之後先煮野食!哈哈...今朝六點幾食左少少早餐捱到而家喎!真係勁呀~
平時我少少餓都唔頂得順架嘛...但係今日真係勁無胃口囉!唔知係咪做得多野..太累既關係呢?

唉...我放工果陣..男朋友留言俾我話!放左工返到屋企都要俾人叫返出去..佢間學校簡直痴線架!
又無ot錢計既!我唔係話計較呢d呀!但係我呢兩日返工..都無乜點同男朋友傾過計!
好似尋晚咁...佢成十二點半先返到屋企!我都一早訓左啦!今日攪掂晒d野!
又要同d老師食飯!我真係好唔鍾意佢同d老師一齊食飯架囉!
因為佢地食餐飯至少食成三個鐘!白痴架..勁"慶"囉!
本來我好想佢陪我...我有好多野想同佢講架!不過佢又唔得閒理我喎!
其實好想大喊出黎...我情願做返7仔呀!不過我真係唔想面對果d咁複雜既人際關係呀!
好辛苦架!唉...男朋友又唔得閒理我!真係好想好想佢關心我多d呀!
唔知呢份工我可以捱到幾時丫~唔講咁多啦!好在男朋友今晚早左返屋企!十一點幾就返到lu....
但係佢屋企無電話用...所以我o係好唔願意既情況底下o係msn度同佢用mic傾!
因為我真係有好多野想同佢講嘛!之後點幾鐘....佢屋企有電話...就即刻打俾佢啦!
傾到兩點倒就訓左lu..點解咁夜先訓...因為明天放假啊!


>>April 16, 2003 at 1:17:58 PM GMT+8

2003 年 4 月 14 日 星期一 【晴】

今日開始返工..返九點!尋晚又成十一點幾十二點先訓喎!今朝俾預計既起床時間遲左半個鐘起身!
即係差唔多成六點半先起身..咁就拿拿林..快手快腳攪掂晒d野佢!之後六點九就出左門口lu...
落樓下食早餐...食腸粉呀!食完就搭火車返工o勒..不過搭完火車仲未得架!
首先我要搭火車去到紅磡..再搭巴士去中環..今日搭巴士果陣有幾陣雨...不過去到醫院埸雨都停左lu..
最後搭多程小巴就攪掂...就去到目的地架喇!
確實係幾辛苦架!咁我今日就八點四倒就已經去到瑪麗醫院lu...

等我略略咁講下今日做過d乜啦..首先九點鐘去人事部報到!
之後叫左我地十個TGSA(臨時支援服務助理)去左間房度..話一陣有個護士同我地講解下非典型肺炎!
咁無耐就真係有個人入黎啦..係咁講係咁講!都講左幾多野下..但係我唔係好記得!哈哈...
因為實在太眼訓喇!咁人地平時起碼訓成八,九個鐘架嘛!而家訓得果六個鐘倒...
我剩係記得佢教我地點帶face mask啦!點樣洗手啦..佢仲試範埋點洗俾我地睇tim呀!
其他唔講咁多喇..十二點幾俾我地食飯..食到兩點就去拎制服!
拎完就再去拎埋儲物櫃..點知去到又話無晒喎!又得一套制服..點替換呀!><"
激氣呀...乜都無!攪掂d野!就去影相..整職員証o勒!哈哈...數碼相..影得勁樣衰囉!

之後又再等左陣..個護士長再同我地分埋邊個部門!今日十個TGSA一齊聽野同食飯...
但係個個都派到唔同既部門!有一個唔知咩產房..一個街症..一個X光..一個急症..五個內科!另外有個唔知做咩!
五個內科其實係唔同既....我就係被派到去內科既其中一個o勒!我做野果度係骨髓移植唔知咩咁啦!
其實我都唔係咁清楚!我都係臨放工前十五分鐘倒!人地帶我上去病房度報到姐!詳細情形聽日應該會知多d~

咁我好..五點就準時放工!搭車出到中環就去左食飯..因為好肚餓!
大概七點幾就返到屋企..實際時間唔記得!其實好累..真係好累!好想訓覺..
不過一返到屋企梗係即刻沖涼洗頭先啦!雖然好累...但係都上左陣網....睇左陣電視!
十一點幾就訓左喇....

有樣野好激絛囉!男朋友呢幾日都唔知仲乜...成日都為左學校d野撲黎撲去!
唉..都無乜時間班下我!都唔知點講好..好似今日咁丫...九點返工..半個鐘食lunch...
之後放五點!八點又再出過去做家訪..成十二點半先返到屋企呀!
其實佢九點幾已經做完家訪架喇..不過又俾佢學校既主任叫左佢出去食飯....
由九點幾食到十二點幾..簡直就離晒大譜啦..聽日唔駛返工咩!
攪到人地鬼死咁夜...佢學校d人都唔化既...激死我喇!唔講咁多啦...盞自己嬲到爆血管呀!><"


>>April 15, 2003 at 11:27:45 PM GMT+8

2003 年 4 月 13 日 星期日 【晴】

尋晚點半就訓左覺覺lu...今朝八點幾就醒左!九點起身咁啦~
跟住食左幾塊麵包..之後上網!十一點打俾男朋友又打唔到...
到左十一點半再打過...哈哈!今次竟然打得通喎!不過..係打錯既!
打左俾Candy..哈哈!我估佢應該認得我架!但係佢好大聲咁講話打錯..之後就收左線喇!><"

無耐...十一點九倒啦!男朋友就打電話黎喇...岩岩起身喎!激死呀...叫左佢搭十一點半船架嘛!
但係佢話唔得...要o係屋企食埋飯搭一點半喎!咁我同左嬤嬤講話唔o係屋企食飯架嘛!
攪到我無飯食...激死我喇!咁好啦..一路上網上到兩點鐘就出左門口o勒!
約左男朋友o係快船碼頭度等!不過佢落船我都未到..所以就行過黎撞我o勒!
咁見到之後呢..我都無乜野既!但係佢就好似唔係咁想睬我同理我咁!
咁我咪問佢咩事囉...佢又話無野!之後又話我衰....話我好咁對佢咁話喎!
真係丫..尋日係邊個唔好先呀!我都無怪佢啦!原本今日諗住開開心心咁同佢出街架嘛!
點知出到黎就攪成咁!今次既冷戰持續左一個多鐘頭呀!其實都唔可以算係冷戰既..是但啦!
咁好返之後呢..我都咪行街囉!一路都o係尖沙咀行!但係唔知行過去邊囉!
丫..仲行左過去佐敦tim!之後中港城啦..海港城啦!行到咁上下..無啦啦又開始鬧喇!
都唔知發生咩事..唉!鬧左十幾分鐘卦!煩死人喇~><"

無事之後...行到七點倒就食飯lu....食完就o係海旁度行左陣..又坐左陣咁啦!
到左差唔多九點就行去火車站搭火車返屋企lu...
返到屋企沖完涼就睇左陣電視啦!十一點就去左訓覺覺lu..
話就話訓覺覺..其實係同男朋友傾電電....不過都係傾左一陣咋!
訓極都訓唔著~><"


>>April 14, 2003 at 9:03:21 PM GMT+8

2003 年 4 月 12 日 星期六 【晴】

今日落左少少雨..之後好似又有少少太陽!總之今日就好熱啦~
尋晚點半就訓左lu..今朝八點幾就醒左..九點起身!好累呀~其實我係熱得滯..所以醒左!hehee~
唔..食左兩塊麥包做早餐!之後一路上網..見男朋友尋日幫我攪返掂部機!
所以無無聊聊之下就再拎返"行運超人"黎再睇多次..今次終於都係講廣東話喇!開心開心~
但係唔知點解睇睇下disc 2果陣時..無啦啦個畫面定一定鏡!仲定左好幾次tim呀!最尾都無睇晒~激死!><"

十一點幾煲飯..無耐食飯啦!食完就繼續睇...睇睇下電視男朋友話搭唔到二點三出黎!
因為學校有d急事喎!話搭四點三...因為佢應承左今晚同嬤嬤食飯!搭四點三..入到黎即係六點幾....
咁不如唔好入...入黎食餐飯就走!晒車錢呀激氣~之後去左洗碗!洗完又睇左"豐胸秘cup"...
到左三點三倒啦...男朋友又再打電話黎話可能搭唔到四點三...仲激死囉!唉..算啦!
唔係可以點喎!但係佢留o係學校做果d野....又唔關佢事既!咁落力..唉!
大家唔好誤會呀!我唔係話計較呀...但係我覺得果樣野真係無必要幫囉!
唉..咁晏先打黎!即係入唔到黎啦..早講嘛!等我可以去訓一陣...好累!好眼訓呀~zzzZZZZ!

到左四點幾就沖涼洗頭啦!沖完就上網...哈哈!今日同Florence姐姐傾計呀!開心呀~^^"
真係好耐無傾過lu...到左六點幾!我就煩緊今晚食乜好呢?
講明話出去食飯架嘛!所以嬤嬤就無買"送"...叫我落街買飯!但係我又懶出喎!
就話煮通粉咪算囉!但係嬤嬤話佢無"送"會唔夠飽!之後就話一齊出去食...我都話好!
但係無耐亞歡就打電話黎問我今晚有無飯食....不如一齊出去食!我就推左佢話..要同嬤嬤出街食!
之後嬤嬤聽到就叫我出去囉!咁我就拿拿林打返電話俾亞歡o勒!咁就話一齊食...

之後就出去美心買飯俾嬤嬤!順便去新世界轉埋個plan...真係麻煩呀!原本好地地架嘛~><"
買完飯返屋企...打俾亞歡!約左七點半o係M記等..仲有麥尚仁喎!
我去到M記門口都未夠七點半...佢地兩個都未到!等佢地途中見到兩個人喎!
係以前中學同學!未同過一班...但係唔知算唔算識囉!另外一個認唔出係邊個....
無耐阿仁哥就黎到喇...但係就歡就..真係丫!慣例架..等左佢都有成十幾分鐘呀!不過算啦..無乜所謂既!
但係等佢果一刻真係幾無聊下...又唔知打俾邊個好喎!個個返晒工咁....男朋友又唔得閒...shit~
最後俾我搵到好耐無搵既tony....哈哈!傾傾下亞歡就黎到喇...之後入左去M記!
尋晚又M記...今晚又M記!唉...唔想爆瘡都唔得啦!問你點死...

食食下途中...伍家俊行左過黎同亞歡&仁佢地打招呼!傾傾下就話叫埋另外一個人過黎....
原來係張俊朗...個死仔丫!初初唔知佢係邊個....等我猛厲住佢tim!原來係....><"
佢地兩個過到黎..就陪我地!我地三個就食...佢地兩個就坐!一路食就一路係咁傾計!
果個伍家俊丫...講d野!簡直笑爆咀呀!攪到我地係咁笑係咁笑..佢一路係咁講野都未停過呀!
食完就五個一齊行左陣..四圍行下咁啦!一路行都有一路傾計!行到唔知幾點..阿仁就走先!
我地四個就繼續行!行到十點倒啦...亞歡就話上我屋企..上到黎都十點三lu...
其實都唔知上黎仲咩架..佢話唔想返到屋企得佢一個人喎!坐左陣..都係睇下電視咁啦!
十一點就走左lu...而我就繼續上我既網o勒!之後十一點七八個字再打俾男朋友...
哈..佢終於都返左屋企喇!個衰佬丫...返左屋企都唔打俾我!><"
唉...佢由今朝九點返到一點..再由二點返到十一點..變態架!
呢間野真係做唔做都罷啦!激死我喇....


>>April 13, 2003 at 12:17:14 AM GMT+8

2003 年 4 月 11 日 星期五 【陰】

尋晚傾電話差唔多傾到成三點先訓...今朝11點先至起身!
刷完牙就去煲飯...無耐就食飯啦!食飯途中屋企電話響喎...原來係瑪麗醫院打電話黎叫我返工呀!
慘~有無攪錯呀!都無諗住佢會請我既!果日interview..個護士長問我捱唔捱得鬧架嘛!
我剩係識一味係咁笑...都無答到佢!係人都知咩事啦....唉!點知佢今日竟然打黎叫我禮拜一返工喎!
真係莫名其秒呀!都唔知應唔應承佢好!但到最後都係應承左佢..總好過o係屋企丫!
不過遠就遠d..你地睇下我幾時會俾人炒丫!我預左有咁既一日架喇...打黎個人話簽住一個月約先喎!
而我男朋友就睇死我捱唔到...話我兩個星期內會自動辭職咁話喎!哈...其實我都係咁睇死自己架!
以前做7仔果陣...都係因為受唔到氣...所以做左兩個星期多就辭左職lu......^^"
食完飯就洗埋d碗佢....跟住就走去抹野...再去洗風扇!嘩..好耐都未試過做咁多呢d野喇....
今日都唔知發咩神經呀!攪掂晒d野之後就去上網!係咁上係咁上.....

等到三點半男朋友就黎到我屋企喇...今日男朋友都放假...哈哈!
男朋友一黎到..首先幫我整機!因為我睇vcd果陣成日都聽唔到廣東話!
所以佢就幫我check下有咩問題o勒!原來我機後面d線插錯左..男朋友好耐之前都話覺得奇怪架喇!
都唔知點解我會咁黎插d線喎!之後我先同佢講...唔係我插架!因為我不嬲都唔識呢d野!
係何澤偉幫我整既!整完之後就vcd啦!原來諗住睇"異度空間"架!但係整黎整去都唔得..睇唔到!
唔知係咪隻碟有問題!所以睇左"金雞".....不過我都無乜點睇到!係咁俾阿嬤煩住!
嘩...我地好似o係戲院度咁!一路睇就一路係咁食野同飲汽水..係張椅無咁舒服!
個營幕無咁大..d聲無咁正!唉..失敗!不過多謝男朋友幫我整返好部機啦..我以後睇vcd唔駛聽國語lu..yeah!

睇完大概六點幾倒啦!出左去行左陣..之後就食飯!去左M記!剩係我食咋..男朋友話頭先睇vcd果陣食到好飽喎!
哈哈...咁唯有我自己食啦!睇vcd果陣我都無乜點食過野!但係男朋友就係咁食...一路都未停過呀!真係服左佢呀!
八點幾返到屋企!男朋友就走左lu..佢要搭十點半船!咁我睇完電視就去左沖涼!
中途媽咪打電話黎架!話婆婆住果座樓有非典型喎!叫我暫時唔好搵野做住...哈哈!真係丫..
佢以前成日叫我搵工搵工!根本搵工兩個字就離唔開佢個口..而家竟然為左呢個非典型而叫我唔好搵工住喎!
我真係覺得好好笑架!但係好可惜醫院已經請左我!唔....唔知俾媽咪知道會點呢?
唉....嬤嬤佢都好似好擔心咁tim!可能怕我染到非典型再傳染佢卦!叫我問下爸爸做唔做好喎!
我咁大個...我自己有權決定卦!仲乜要問我爸爸喎!不過我諗媽咪都應該唔會讚成我o係醫院度做囉!
唉...算啦!其實我自己都好亂架!而男朋友就覺得無乜野囉..唉!唔想再講呢d喇....
既然已經應承左人就無謂再諗咁多啦!係咪?

Florence姐姐:kk真係好掛住你呀!我終於都搵到工喇...係o係醫院度做囉...果個人話簽住一個月約先喎!
一個月之後睇下適唔適合再簽喎!不過我都睇死自己捱唔到一個月囉..哇哈哈!
你幾時online呀?我差唔多成半個月無同你chat過喇!><"



>>April 12, 2003 at 10:08:48 AM GMT+8

2003 年 4 月 10 日 星期四 【雨】

尋晚十二點就訓左lu..原本今朝諗住八點鐘先起身架!
點知六點幾就俾人叫醒!痴線架...果個人咪係我阿嬤囉!
事關佢每朝都會去晨運...所以今朝都唔例外...當佢晨運完返黎果陣....
開完鐵閘...但係開唔到木門喎!開極都開唔到..中途仲有個阿嬸經過....
於是佢就幫嬤嬤手開啦..點知又係開唔到!唔知點解...所以阿嬤就o係個窗口度係咁叫我開門o勒~
初初佢叫我...我都唔應佢架!第二次我先應...開左門俾佢之後仲講左句"痴線架..咁早嘈醒人"
哈哈..跟住嬤嬤就同我講左句唔好意思o勒!咁係丫嘛...正常反應丫!晨早溜溜俾人嘈醒喎!
訓得果六粒鐘..對我黎講邊到夠架!今日仲要去見工架嘛...無精神點得呀!真係俾佢激死...
佢之所以開唔到門...係因為有張卡紙頂住度門!真係唔明解..點解會咁...開唔到都有既?

開完門俾佢我就繼續訓啦...但係都唔係咁訓得著...o係張床度轉黎轉去都轉左成個幾鐘!
未夠八點就索性唔訓...彈起身!梳洗完就食早餐!哎呀...救命呀!都黎左幾日啦...個肚仲係好痛!><"
食完就食藥!睇左陣電視...咁去換衫執野o勒!九點三就出左門口lu...出門口之前仲戴左兩個口罩tim呀!
去威爾斯喎!實行打孖上啦!哈哈...去到都係十點三!約左十點半...我去到果陣起碼有十個人o係度喇!
諗住即走..因為唔想等!但係諗諗下又唔可以咁喎!因為上次既經驗..即係前日去瑪麗醫院果時等左粒幾鐘!
所以今次咁多人咪有排等!唔...不過我都填左張form...之後坐左陣!無耐就叫我出去俾d學歷副本佢!
然之後再俾d正本佢逐張逐張咁對下!跟住就排隊入去interiew room度interview o勒!in完都係十一點一過d!
咁就即走去搭巴士返沙田火車站啦!等車等左勁耐呀...打左個電話俾男朋友!問佢今日點..因為佢今日放假!
哈...原來佢仲未起身!俾我一個電話嘈醒左佢!佢仲話俾我知..佢打機打到今朝五點先訓....傻架佢!><"
男人真係丫...為左打機唔食飯唔訓覺都得!唉....咁十二點倒就返到屋企o勒!原本我無諗住返屋企架...
諗住直畢同男朋友出街架嘛!但係佢又叫我返屋企沖個涼先喎..佢話威爾斯d病毒好勁喎!
驚我染到再傳染俾佢咁話喎!激死我呀...咁咪死死地氣返屋企沖涼然之後換過晒d衫囉!
一早都話左會俾阿嬤鬧架啦!唉..不過算啦!都鬧慣架咯..沖完涼就拿拿林洗埋d衫佢啦!

點半就出左門口lu....約左男朋友o係個快船碼頭度等!時間岩岩好呀....佢班船岩岩到...我都剛好黎到!
之後就o係尖沙咀行...行到去佐敦!因為我未食lunch...所以我地就o係一間上海麵店度食左d野!
食完就繼續行..諗住行過去旺角!終於行到去旺角喇...原來我想去信和架...但係男朋友又唔俾我去喎!><"
咁我咪話不如去澳海城睇戲啦!男朋友又繼續帶我行喎!行左無耐...終於都到喇!激死我喇...
今日又係好似上次咁...行行行!人地今日著左條裙仔..加對boots架嘛!攪到我行到隻腳鬼死咁痛~
去到百老匯買左六點埸!睇失憶界女王..都唔係咁好睇姐!我覺得好悶呀..不過又幾感動既!
攪到我流左幾滴眼淚出黎tim呀!而男朋友就係咁話眼訓..好悶喎!唉....對唔住囉~
睇完就去左樓下既美食廣場度食飯啦!係完行左陣..就搭穿梭巴去尖咀!落車之後入左九龍公園行左陣...
之後再去海旁又坐左陣..十點三就起程去火車站o勒!中途嬤嬤就打電話黎"小"我喇..又話我好咁夜返去喎!
佢真係唔鬧過我都唔安樂架喎!好啦..咁十一點九就返到屋企lu..抖左陣就去開熱水爐..d水得就去沖涼洗頭啦!
唉...咁夜先黎洗頭又唔吹得頭喎!都唔知幾時先有得訓lu..個頭仲好痛tim呀!好啦唔寫咁多喇....



>>April 11, 2003 at 1:42:31 AM GMT+8