2003 年 6 月 28 日 星期六 【雨】

尋日我同阿東講話想同姐姐傾電話,但係我無姐姐個電話!
之後佢就俾左姐姐個電話我lu..因為姐姐好關心我架嘛!
我真係真係好唔開心..所以尋晚就打左電話俾姐姐o勒!
佢返到黎咁耐都無搵過我架..唉!點知我尋晚打俾佢..佢好似好突然咁..
問我點解會有佢電話...佢好似唔想我打俾佢咁!><"
同佢傾左阿華d野一陣..佢都好似...唉,我唔識講啦!
同icq傾好唔同..姐姐都好似唔識得點安慰我咁既!
果陣時真係好失落..好想死!尋晚喊左好多次..喊到好累..兩點鐘就訓左lu...
*****************************************************************************************

今朝八點半起身,上左陣網!
十點就出左門口去拎位飲茶lu..點知去到茶樓都無乜人!
好快就有位lu..飲呀飲呀!有我,嬤嬤同爺爺三個人!埋單$168..超貴呀!
都係碟飯啦..楊洲炒飯咋嘛..都成$48!今餐又係我請!
其實我d錢都所剩無幾架喇!唉..不過算啦..尋日攪到阿嬤喊..咪請佢飲返餐茶囉!

飲完茶之後就各自各啦...我自己o係上水行左陣!
買左牛仔條褲黎改裙...行到悶悶地..咁又唔開心..悶悶不樂咁!
就打電話問媽咪啦..叫佢出黎陪我行街!約左去沙田!
唉..媽咪成日都係咁..又遲到啦!好似差唔多三點先黎左..等死人咩!><"
咁就行呀行呀...又買野喇!買左兩條裙呀!^^"
媽咪又買左兩件衫..跟住行左去好運!媽咪又買左對鞋!
變態架..上次佢入黎上水先買左對鞋..今次又買!好多錢呀?
我都睇唔岩..隻腳又大喎!所以好難買鞋...嗚嗚..慘慘呀!
唔..行到好累呀!都唔記得行過d咩地方lu...六點幾就去左東東雲吞麵度食dinner!

食完仲去左瑪沙度睇衫..我睇中左件恤衫..叫媽咪買!果件恤衫好似係$168..我都唔記得lu..
但係媽咪話係成熟&事業有成既女強人先著呢d喎!俾佢激死...嗲左佢好耐,媽咪都唔肯買呀!嗚..
之後就搭火車站返屋企!我自己搭返上水..媽咪就搭返去紅磡!佢趕住返去睇"黑夜彩虹"大結局嘛..
八點三就返到屋企lu..睇完電視就去沖涼啦...之後上網咁囉!

P.S:今日已經係第三曰喇..我都係無打過電話俾阿華既!







>>July 4, 2003 at 5:12:28 PM GMT+8

2003 年 6 月 27 日 星期五 【雨】

尋晚成三點鐘先訓呀!因為心情極低落..要折磨死自己為止!
想攪到自己暈倒入醫院...哈!變態..

今朝十點半就起左身lu...一起身嬤嬤就叫我去飲茶!
當時我都唔知俾咩反應佢好!尋晚佢訓之前..明明講好左我唔同佢去飲茶!
約左人食lunch架嘛..點知今朝一起身,佢就叫我去飲茶!
咁我咪話唔去得囉..約左人食lunch點去呀!話我尋晚咪同你講話唔去囉!
佢又話唔記得,我就同佢講左話唔去得架啦,佢自己唔記得左就另一件事啦!
佢仲換好晒衫..好似等緊我咁!我推左欣,又唔係咁好!攪到我唔知點咁..唉!
後尾我只係話多佢兩句..佢就係咁索個鼻..猛咁索!之後我都知咩事架o勒..
點知佢真係入左廁所..o係度喊!唉..我係咪好衰?其實我只係同佢講返..我尋晚同佢講既野咋嘛!
又唔係話鬧佢..都唔知佢仲咩要喊!唉..真係好炆呀!

佢入廁所之前煲緊野..咁水滾..我就幫佢整菜啦!
到佢出返黎..我問佢:你又喊咩呀?佢就話無野..唔駛理佢!
跟住我又講:我只係講左兩句姐,又唔係鬧你!都唔知你喊咩?
之後佢又再喊過!唉,都唔知佢想點呀!我自己心情已經唔係咁好架啦,佢都仲係要咁!
好辛苦呀..真係想迫死我咩?對住佢都唔知想點..想死呀!><"

攪掂晒d野之後..我無同佢講過一句野就出左門口lu..
我同阿欣去左維苑餐廳食!食完就搭火車出紅磡喇..
出到去..再搭小巴去公開大學!去拎資料嘛..睇下有咩岩讀囉..不過好貴呀!
唔..搵工搵左喧 耐都搵唔到!so諗諗下都係繼續讀書好..不過無人會支持我囉!
佢地一定會話:你都唔係讀書既材料,咪盞晒錢晒時間!唉..我唔明白,點解無論我做咩事..
屋企人都唔支持我架囉!阿華都係咁..佢唔會話安慰下我架囉!做人做到我咁失敗..
真係死左佢好過啦!

拎完資料..就搭小巴落旺角!行行行..陪左阿欣去電腦中心買燒碟機!
之後行到六點幾就搭火車走lu...返到上水就去左美食中心!
阿欣陪我食..我食左個麵..阿欣無食!因為佢屋企有飯開..我無飯開!
佢等佢(男)朋友仔黎幫佢拎野喎!呵呵...^o^

之後七點三就返到屋企lu...跟住沖涼洗頭!睇電視...
睇完電視就上網!

今日我都係無打過電話俾阿華既..已經兩日喇!
佢就有打俾我..不過打親黎都係叫我同佢道歉!
我都無so佢..因為我無錯!就係咁o勒!好唔開心...好down...

>>July 4, 2003 at 4:22:30 PM GMT+8

2003 年 6 月 26 日 星期四 【雨】

實在太耐無寫日記喇..都唔係好記得做過d咩lu...近排心情唔係咁好,所以無乜心情寫日記囉!

今日九點半就起左身lu...跟住好似上過下網咁啦!
十一點幾就出左明口喇..約左阿欣食飯!
我要幫嬤嬤買六合彩呀,所以見到阿欣之後就一齊去投注站o勒!
我都自己填左一張呀..阿欣又話要買喎!今次其實係我第一次買六合彩..
都就黎20歲架啦,而家先第一次買六合彩..哈哈!^.<
但係去到投注站仲未開喎,所以我地就去左隔離既大家樂食lunch先!
食完投注站就開左喇...咁咪上去買囉!阿欣傻左呀..佢買四注...最尾果注竟然填多左一個號碼!
瘀爆呀!呵呵...唔好意思呀..阿欣!講左你d瘀事出黎...講下笑架咋!

買完之後就行左陣啦..行左去上水廣場!拎去旅行d資料..
跟住又去左間cafe度坐...仲叫左個餐...想死呀!諗住等brenda嘛!
點知..坐到兩點半..我地都係無打電話俾佢..佢都係無打俾我地既!
就係咁..o係間cafe度坐左成兩個幾鐘!就走左o勒...
之後再繼續行...行到四點就返到屋企lu...

夜晚都係咁啦..食飯..睇電視...上網咁囉!

P.S:今日勁唔開心囉..阿華尋晚打黎嘈住我訓覺!
明明係佢自己唔岩..今朝一早就打黎叫我同佢道歉..變態架!
我都費事理佢呀!無理取鬧..唔想多講!


>>July 4, 2003 at 3:52:36 PM GMT+8

2003 年 6 月 25 日 星期三 【雨】

今日係brenda o係英國返黎hk既大日子呀!哈哈~^o^

今朝九點三就起左身lu...梳洗之後食左個杯麵!
跟住就去左上網...大概十點三倒啦!brenda打電話黎...問我仲乜唔去唱k喎!
brenda:你都算勁啦..一落機就走去唱k!^^"
到左十一點幾就食飯lu...食完飯之後又再去上網...一路上到四點!之後去左沖涼洗頭...
出黎又再上網傾icq..好似好耐都無玩過icq喇..今日終於都見到姐姐online喇...
都幾開心既..不過....唉!最近真係好多煩惱呀....><"
一路係咁上..上到六點幾又去煲飯...無耐食飯!
食完飯洗埋d碗就睇電視!

睇到十一點就上床覺覺豬喇..不過阿華又岩岩打電話黎..
所以傾左陣...傾到十一點半收線啦...好快我已經訓著左lu...
但係佢十二點幾又打過黎...我當時真係好眼訓架!都唔知自己講緊乜咁..
好似潛意式咁拎起電話...但係我好記得..最後佢係好嬲咁對我講左d唔知乜野...
跟住就收左線...唉!我真係覺得好辛苦呀!日日都同佢吵吵鬧鬧...想死呀!
我諗我遲早俾佢迫死...

>>June 26, 2003 at 10:33:29 AM GMT+8

2003 年 6 月 24 日 星期二 【晴】

今朝五點鐘醒左..諗住去晨運架!不過見到個天咁黑..又眼訓喎!所以又訓過...
九點鐘又醒過黎...見咁早起身又無野做...所以又再訓過!今次較左鬧鐘十點半!
因為約左阿詩同oscar十一點半o係大埔火車站等!要返去見miss..傾返青見d野!
之後無啦啦又擲醒左..望下個鐘...十一點喇!咁就拿拿林彈起身去刷牙洗臉啦!
跟住以最快速度換衫...換完衫之後..諗諗下無理由個鬧鐘會唔響架!
跟住望清楚d...原來果時先係十點幾...咁我就攪掂晒d野..仲換埋衫tim咯!
所以就索性出門口lu...去左M記度坐!食左少少野...坐到十一點就走左lu...

慢慢行去火車站...去到大埔先係十一點五...仲未見到阿詩同oscar既蹤影..
無耐就見到阿詩lu...之後阿詩收到oscar既電話!叫我地自己去先...
咁我就同阿詩兩個去先啦...去到中心見到關左門喎!嚇死我同阿詩呀...
無耐有個人開門俾我地...真係虛驚一場呀!^^"
等左陣candy(miss)就出黎俾左份form我地填...填填下就叫左我地入間房度!
跟住就開始同candy(miss)傾..傾傾下oscar就返到黎lu..我地就係咁傾係咁傾...好似無停過口tim呀!
真係估唔到一傾就傾到兩點鐘..之後我地三個就去左食野!又係去M記呀...

食完野都成三點鐘lu..就搭巴士返大學火車站....再搭火車返上水...
返到屋企都係三點七...一返到屋企就整尋日買返黎既電話!
整完就o係電腦睇左陣電視...不過都無聲既!好似睇緊默戲咁...呵!
無耐就去左沖涼lu...沖完出黎就上網寫日記.....
上到六點幾煲飯..跟住食飯..洗埋d碗就睇電視..
唉..好慘呀!張TV Card整黎整去都無聲...快d搵人黎幫我整下啦!><"
阿華又叫我拆左張Card去佢度俾佢睇下喎...我又唔想!好鬼死憎拆開部機..跟住佢又嬲喇..低能架!
睇電視睇到十一點就訓左lu...


>>June 25, 2003 at 10:48:43 AM GMT+8

2003 年 6 月 23 日 星期一 【晴】

尋晚十二點半先訓...今朝十一點先起身!真係太好訓喇...訓埋尋日果d嘛!
我一唔夠就就係咁架喇..呵!其實係阿欣打黎既一個電話我先起身架咋!
不過果時都醒左架喇..唔願起身咋嘛!約左阿欣食lunch..所以起身之後...就拿拿林梳洗!
換完衫睇左陣電視...十一點五就出左去lu...

約左o係上水廣場度等!等左陣...大概十一點八倒...阿欣就黎到lu!
我地去左仙"蹤"林度食野..食完行左陣...仲去左acl度買左個電話tim!
之後阿欣個fd落左黎上水..就上返上水廣場度等佢!等到佢個fd黎之後..就o係上水廣場行左陣!
再去左M記坐...又左包薯條...又食!仲唔肥死..呵!坐到二點八就鬆人lu..
阿欣個fd走左之後..我同阿欣就去左銀行...去完銀行再行左陣就返屋企lu...

四點返到屋企...沖涼洗頭!出黎吹完頭...就同阿華傾電話!
傾完就上網...六點幾去左晾衫..煲飯!食飯..食完飯就洗碗...跟住睇電視!十一點就訓左lu...

好煩呀..我企日幾乎無同嬤嬤講過野囉!佢係咁o係度鵝.....煩到死咁滯呀!
o係M記果陣..又俾阿欣整到我隻腳...痛死我喇!><"
今日個天氣時好時壞!一時出太陽..一時落狗屎...不過大部分有陽光...呵呵!我似唔似報天氣呢~

>>June 24, 2003 at 5:06:15 PM GMT+8

2003 年 6 月 22 日 星期日 【雨】

尋晚上網上到點半先上床覺覺豬...但係訓極都訓唔著!
所以就o係張床度玩營光棒o勒..哈哈!係上年x'mas玩剩架!
成三點幾四點先訓得著..今朝七點半就醒左喇...激氣呀!訓得果三個幾四個鐘!
想死呀..好眼訓!zzzZZZ...起左身之後就刷牙!跟住上網..八點八整野食...一路上網一路食!
到左八點九就morning call阿華啦...佢叫我九點morning call佢既..佢手提無開到...
所以就打去佢屋企..點知call左耐都無人聽...到九點又再call多次...響左好耐...
企次終於都有人接聽喇..但係果個人唔係阿華...佢阿華個妹...死啦...嘈醒左佢tim!
一陣又唔知會講我d乜架喇!><"咁就唔敢再call佢o勒...費時又嘈醒佢阿妹啦!
點知佢到十點一先打俾我..佢同我講話今朝七點先訓喎..因為佢尋晚bbq...
成九點幾十點先開始燒...燒到二三點...跟住又同班fd打機!唉...
又係叫自己叫人九點鐘morning call佢既..又一會起到身!
話搭十點半船出黎..去甲子園報課程架嘛!又話好重視個課程..所以一定會起到身!
而家咪又係咁...玩到今朝早先訓...明知一早要出黎架嘛!攪到自己無覺好訓..無黎精神!
唉..自己d野都唔緊..要人同佢緊張!真係激死我囉!之後佢話搵十一點半船!
但係又要幫佢老豆買馬喎...出面又落緊雨...佢又唔帶傘喎!明知落雨都唔帶...唉!
佢仲要鬧我架喎..關心佢都要俾人鬧..真係慘呀!所以話呢...好人難做!

上網上到十二點幾就去換衫..換完衫十二點半就出門口...
落到樓下就收到阿華打黎既電話..問我o係邊!我話岩岩出門口...
點知又俾佢鬧喇..話我咁遲出門口....咁我諗住佢搭十一點半船...十二點半先到中環!
咁仲要幫佢老豆買馬喎..咁就梗係搭唔到搭八快船架啦..咁就要搭一點果班!
所以我就預計佢點半先到紅磡火車站!我先至會咁遲出門口...點知佢話落雨唔搭快船!去搭地鐵..
我先失晒預算咋!當初又係佢自己話唔搭地鐵既!而家又要話我遲..仲同我講:一係唔好出黎咁話喎!
成日都剩係識得鬧我...我做乜都係為佢咋!唉...之後我叫佢o係旺角地鐵站等我啦!佢又唔肯喎..
話自己去報名先喎..頂佢個臭肺丫..我一點四就去到旺角啦...跟住打俾佢問佢o係邊啦!
佢話岩岩先報完名...叫我o係火車站等佢..佢行過黎喎!唉..有邊次去街唔係我等佢架...
今次咪又撚係我等佢!男人...乞人憎呀!等到佢成點八先黎到...去死啦!><"

之後就行去電腦中心啦...中途仲見到阿周tim...初初我都見唔到佢架..係佢見我先既!
傾左幾句之後..佢就行先lu!唔..果時我同阿華係分開行既..行到出面又無地方遮頭喎..因為落緊雨嘛!
所以我就遮埋佢o勒..不過佢又唔駛我遮喎咁!好心對佢都無用..係去到電腦中心先好d咋我地!
睇TV Card..睇左陣就走左lu...去左M記食lunch...果陣時應該係兩點幾二點鐘倒啦!
食完之後..睇左陣數碼相機就走lu..行返去火車站站!搭火車返上水....

返到上水大概五點鐘左右啦..去左圖書館...點知去到已經關左門..咁就落返去啦!
見到fanny..傾左幾句咁啦..之後就同阿華入左公園到..太多賓賓...又走返出黎!
又見返fanny喎..哈哈!咁一齊行到去龍豐就分開喇..我地入左去睇TV Card...終於都買左喇!
$350呀..買完就拿拿林返屋企裝lu..我返到屋企第一時間就係沖涼..阿華就幫我裝張TV Card!
整到成八點十呀..係就係睇到電視呀..不過唔知點解無聲既!><"

八點十喇..我地又未食飯!阿華十點鐘就要走!
所以就留返下次先整...出左去食野o勒我地去左哈狄斯呀..食到飽飽呀!
食到十點先走人..行左陣兜左個圈咁啦!我地仲...唔講俾你地知!玩玩下...
唔覺意阿華一隻腳踢左落我隻腳趾尾倒...皆因我著住對涼鞋!
所以我隻腳趾尾既腳甲係爆左既..仲即刻有血出tim!我當堂"丫"左一聲...因為勁痛!
一路行就一路望住隻腳...睇住佢愈黎愈多血出黎!痛死我喇..
阿華就若無其事咁...剩係講左句對唔住...跟住就唔理我!
佢話我介慣手喎..所以話我唔覺得痛!咁介手又點同喎...衰仔黎架!
後尾我係咁鬧佢...話:你睇下..幾多血!你幫我抹下佢得唔得呀?佢先幫我抹下咋...
又我係我自己衰..我唔玩就乜事都無!邊有人咁樣誚野架..
人地整親已經好慘架啦嘛...仲要係佢整到我tim喎!理都唔理下人...唉!
我做著佢女朋友..真係慘囉!唔講喇...愈講愈嬲啦!
之後就一齊行返去火車站啦..行到去火車站我就自己一枝箭咁標左返屋企lu...
因為我真係好痛..又好嬲佢嘛!我地平時走之前都會有goodbye kiss架嘛!今次都話之佢lu...><"
十點半返到屋企就第一時間整我隻腳趾..剪左爆左出黎果d..之後貼膠布!
整完就去上網lu.....

>>June 24, 2003 at 4:52:37 PM GMT+8

2003 年 6 月 21 日 星期六 【雨】

今朝五點鐘醒左..但係好累好累!所以又訓返...跟住八點幾又醒..又訓返...
九點半又醒喇..懶左陣床之後...十點鐘先願起身!跟住問下嬤嬤今朝有無落雨..
呵..原來成晚都落住雨!咁即係五點鐘果時都落緊雨囉!我無起身去跑步都岩既!
不過...睇黎我只係o係度搵藉口!哈哈...真係無恆心呀!><"

起身之後就去梳洗啦...嬤嬤買左盒炒意粉返黎俾我食...咁就食左啦!
果盒炒意粉$5咋...勁底呀!食完就去上網!上到一點三就去換衫...
點半出左門口lu..首先去交石油汽費!跟住就直接去客家好棧度等位!
我仲以為下午茶兩點鐘開始..因為上次我都阿歡去都係兩點開始...不過係平日黎既!
今日飲茶有我,爺爺同媽咪三個人!我點九去到..咁好正常梗係同個知客講話三位架啦!
佢問我正價定下午茶...咁我梗係話下午茶架啦!佢叫我去排隊喎..我都唔知咩事!
之後就問左個阿嬸啦..不過佢都唔係咁清楚!之後聽到後面d人講...
話二點三先拿飛...二點半入座!我點九去到..等到成二點十先有位呀!
飲到成四點三先食完野..勁呀!今日唔知點解果間d野食黎得好鬼死慢囉!><"
好飽飽啊..今餐我做東請客呀..開心呀!哈...食左九碟野..埋單$131...都ok啦!
媽咪就開心啦...唔駛佢俾!今餐我請客既原因係因為..我話要去果間飲茶既!
果間飲茶都幾貴架..我覺得!同埋媽咪話無錢...咁耐唔耐請佢地食下飯飲下茶係好應該!

飲完之後...爺爺就走左lu..我同媽咪去左行街街!媽咪話要買鞋喎!
最後都買到...買完之後都成五點九lu...之前打電話俾嬤嬤約左佢六點鐘o係pizza hut等!
食晚飯呀...咁六點鍾就去到啦...之後嬤嬤都黎到lu..原來佢黎過幾次...不過唔見我地!
仲話如果再見唔到..就會走咁話喎!呵...食完七點幾!睇左陣野...就返屋企喇....
媽咪都有同我地一齊返呀!八點倒返到屋企啦...媽咪幫我拎d大褸返屋企洗...呵!
等媽咪走左之後...抖左陣...八點七倒就去沖涼洗頭啦!跟住就洗衫..吹頭...吹完頭就做mask同眼膜!
勁耐無做過喇..哈哈!攪掂晒d野之後..d衫都洗完lu...咁就去晾衫啦!
點知一拎起件衫...就有好多紙巾碎...激死!有排整啦企次...><"
跟住我就同嬤嬤講..你睇下..幾多紙巾碎...肯定係你架啦...我都無褲洗!
之後我就係咁整走d紙巾碎啦...一路整就一路係咁話:有無攪錯呀..麻鬼煩..想整死我咩..
咁嬤嬤就話:唔做咪鬼做喇(好惡既樣)!我再話:我又唔係話怪你..明明係你自己做錯..仲要聲大夾惡咁話返人轉頭!
我講左呢句之後...佢就無出聲o勒!我都係想宣洩一下咋嘛!咁都唔得...咁係丫嘛!
人地岩岩沖完涼洗完頭又做完mask喎!o係個廚房度晾衫鬼死咁熱!
咁我平時晾衫好快架嘛..今晚攪單咁既野..整到我晾左足足成半粒鐘呀!真係好麻煩呀..
下次睇清楚d...小心d嘛!咪又係攪到我...唉!真係想死呀...救命!

其實我真係唔想再同嬤嬤一齊住架喇..不過佢又咁老!其實又唔係話咁老既..唉!我都唔知呀...
不過我地成日都鬧鬧鬧..我真係有就佢架!有時佢鬧我..我都唔會出聲既!
但係忍得多都咩啦!係又鬧唔係又鬧..唉!好辛苦架..佢d脾氣又鬼屎咁難頂喎!
我又有脾氣喎...硬碰硬,我就一定死硬囉!唉唉唉...真係好嬲呀!
睇左陣電視...十點幾就去左上網lu...

欣:你話過俾一個時限佢..而佢o係你俾佢既時限之後覆左你!
你應該...但係你無咁做!你接受左另一個人!你而家咁煩都無用啦...你都選擇左佢咯!
仲煩黎仲乜丫...算啦!唔好再諗喧 多喇...咪盞自己唔開心!你而家同左佢一齊..就好好珍惜啦!
我希望佢都會珍惜你!到時等你地穩定d..再介紹俾我識啦!^^"

>>June 22, 2003 at 9:38:26 AM GMT+8

2003 年 6 月 20 日 星期五 【雨】

尋晚十一點幾訓...今朝都係五點鐘起身!
梳洗完之後..去換衫..跟住五點半出門口!今日去左北區中央公園度跑呀!
不過今日仲衰過尋日囉...只係跑左二,三個圈咋..已經想死咁滯喇!><"
果度仲多人過粉嶺球場呀..過係d阿婆阿伯囉!佢地真係好勁呀..
咁梗係啦..對我呢d做唔慣運動既後生女...邊有得比架!佢地朝朝都跑...
唔得...等我都要練返好d先得!呵呵....講就容易囉!

跑到六點三就返屋企...返到屋企六點半左右啦!玩左十分鐘呼拉圈..
洗左個臉之後..去換衫!七點二就同嬤嬤去M記食早餐!
今次係我請嬤嬤食架..不過...唉!食完大概八點倒啦...
同嬤嬤一齊去行市買送..買完之後..我就拎d送返屋企先!
佢去邊到..我就唔知喇!返到屋企都係八點半..跟住去左上網寫日記!
十一點三去洗米煲飯..跟住食飯..洗碗!

點知差唔多一點果時突然之後有閃電..仲好大雷tim呀!
所以嬤嬤就熄左電視機..咁我又無野做喎!所以就打電話俾阿欣..
一傾就傾到四點幾...嘩!傾左成三個幾鐘啦..真係好耐無試過喇!
不過一路傾..一路都係咁打呵欠...好眼訓呀!阿欣又係咁..哈!
但係我唔同佢嘛..我咁早起身!我地大家都話唔訓...因為而家訓左今晚會訓唔著嘛!呵~
如果唔係阿嬤叫我去沖涼..我諗我地會繼續傾落去囉!咁傾到四點幾收線之後..
我就去沖涼洗頭..沖完就吹頭啦!跟住去上網...上左陣之後...發覺真係頂唔順!
所以五點半就去左訓覺覺o勒...一訓就訓到六點十...仲係好累好累!
起身之後就去左整野食...今餐整左通粉食呀!好飽飽啊..食完就洗碗啦!
跟住就好安心咁坐o係度睇電視o勒!九點四又收到阿欣既call...又傾左成粒鐘喇!哈..
一係就唔傾..一傾就傾唔斷氣..傻架!不過好開心~hehee....^.<
傾完就繼續睇電視...十點九度就上床傾電話!今次係同阿華呀!
不過傾到好唔開心..佢又是攪到我喊喊..個心好痛好痛tim呀!
衰人黎架..成日都係咁!其他唔多講啦...收線之後都訓唔著..大概十二點幾先訓得著!

******************************************************************************************
今日都相算ok啦..不過我想講下嬤嬤囉!
今朝佢五點鐘叫我起身...但係我就好累好累..好眼訓!
所以唔係咁願起身..咁佢就熄左風扇喇..佢諗住熄左風扇我會好熱嘛!
咁咪會起身囉..跟住我就知話左佢一句啦!但係唔記得係咩lu...之後叫佢開返!
佢都有開...跟住佢就出左門口喇...佢出左門口之後呢...我就係咁鬧啦!
佢又唔熄燈喎...咁分明係想"撐"住我姐...開左燈...點訓呀!
所以咪要迫住起身囉!唉...麻煩呀!
到七點幾同佢去食早餐啦...佢話以後都唔叫我起身嘛!
今朝發生果d...只不過係小事!佢就發脾氣話以後唔叫我起身喇!
你話丫...呢d係咪叫做小氣丫!咁我咪對住佢講話..乜你咁小氣架?
之後佢就一味同我拗...話呢d唔係小氣!唉...救命呀!
仲有呀..o係M記果陣..佢見到人地斟完一杯奶茶又一杯..就話人貪心!
咁係又點姐...佢自己唔係咪得囉!我覺得無咁既必要去話人囉!又唔識人喎..
去街市買送又有類似既事情發生喇!個婆婆係執紙皮既...
我地見住個阿婆整d水落d紙皮度...嬤嬤就話人狡猾...唉!好心啦..又唔關佢事既!
人地狡猾人地既事啦..佢係要話人既!呢d我真係好睇唔過眼囉!我都唔係想話佢架..
但係咁樣做人真係唔好嘛!唉..我都有話過佢架!我同佢講:人地既野唔好理咁多!做好自己咪得囉!
係都要話人地貪心同狡猾既咩?唉...
仲有一次呀...我地去飲茶!有個婆婆搭檯..之後個婆婆抽左支香煙出黎!
嬤嬤就咁講...死咯..個個都食煙..無一個唔食煙架!咁個婆婆就聽到啦!
就問嬤嬤..你唔食煙架?咁嬤嬤就話唔食啦...其實佢係食架..不過飲茶既時候就唔會食咁囉!
跟住個婆婆就搬過另一張檯啦..之後我就同嬤嬤講!乜你o係人面前講d咁既野架...
之後佢就同返個婆婆講左聲唔好意思o勒!講完之後..嬤嬤對住我講:咁樣佢條氣會順d嘛!
嘩...真係估唔到我嬤嬤會咁樣講野囉...真係俾佢激死呀!><"
有時佢做d野...我真係好睇唔過眼架..我都知自己衰...我亦知道果個係我嬤嬤...唔應該咁講佢!
但係我真係真係好睇唔過眼嘛...我呢次o係度講出黎..只不過係想宣洩下姐...
多謝你地俾左呢個機會我!
******************************************************************************************

欣:我所指既朋友"仔"係無咩特別含意架喎!你唔好誤會啵!
記住下次正式介紹俾我識喎...我先至唔怕佢呀!呷醋?哼...
如果佢知道..又唔知會點對我架喇!唉!
對佢真係幾心淡架...可惜我又放唔低丫!
你諗啦..我都唔知呀!不過都要有錢至得架..><"


>>June 21, 2003 at 12:00:03 PM GMT+8

2003 年 6 月 19 日 星期四 【晴】

今朝五點鐘就起左身喇...點解咁早起身?因為要進行第一步減肥計劃!hehe...
咁早就起身..真係好辛苦呀!好眼訓..@_@!但係今日係一個新開始..不過唔知自己可以keep到幾耐!
唉...咁梳洗完呢!五點半就落左樓lu..初初就梗係慢慢行去啦!o係自己既住所彩園村...
一路行..行到呢個粉嶺球埸!之後呢...就開始跑跑跑...我咁講姐!其實都唔係跑既...
只係行下...哈!因為跑左一個圈已經想死!又熱喎..."羅"我命呀簡直!
行下跑行咁囉..拉下筋咁呀!六點半就行返屋企lu..返屋企途中..又係跑下行下咁囉!
仲買左腸粉返屋企食tim...返到屋企都係六點十左右!想死呀...成身都濕晒喇..臭臭呀!><"

食完早餐就執左陣相啦..執到九點!勁眼訓..咁就o係張sofa度訓覺!
嬤嬤話:我咁樣..即係跑完又訓...仲肥d喎!係咩?呢樣野我真係唔知囉!
不過唔理得咁多囉..皆因我真係眼訓到要死囉!訓左果五,六個鐘...對我黎講係絕對唔夠訓既!
起碼俾我訓到八個鐘先啦!唉..訓到十點就起左身o勒!起身之後..又繼續執相!
執到十一點三去煲飯..之後食飯...洗碗..睇電視!睇到兩點鐘就上左上網lu..

三點幾收到電訊盈科打黎既電話...話部數碼相機返左貨喇喎!
跟住就去左換衫出去o勒...拎完之後諗住去M記坐下啦!因為嬤嬤o係屋企拖地嘛!本來應該我拖既..
不過我懶嘛...佢又無出聲叫我拖..so我咪乘機唔鬼拖囉!哈哈...我係咪好衰呢?hehee~
其實我都覺得自己好衰架喇..不過唔知點解仲可以笑得出囉!今日跑完步..又咁早起身喎..
加上又唔夠訓..真係就死咁滯呀!去M記途中..收到阿欣既電話...佢又話出黎喎!
叫我等埋佢..咁我就去M記等佢啦!無耐四點倒啦..又收到佢既電話..叫我出去門口度等佢!
咁我就即行出去啦...等左陣...就見到阿欣喇!仲有佢既朋友"仔"...大家留意呀!
係朋友"仔"喎!不過我無清楚望到個樣囉!哈..阿欣...下次如果咩既話..正式介紹我認識啦!hehee~^^"
一黎到..佢朋友就走左lu...因為佢都係做護花使者姐!之後我就同阿欣一路行一路傾o勒!
一路行..就行去哈狄斯..食左個下午茶餐!食完就研究下部數碼相機啦!無耐就走左lu..
我地去左旅行社度睇...諗住參加d一天團咁!仲拎左好多資料單張返黎tim!
睇到六點左右就鬆人lu...大概六點三倒返到屋企啦!

返到去就第一時間去沖涼...但係沖左等於無沖過咁囉!沖完出黎又係成身汗!痴線架..
咁鬼死熱都有既...變態架!之後就洗衫..跟住我就係咁玩部數碼相機...而家好多功能我識用啦!
不過唔知點解拍完片..睇返果陣無聲既..我唔識整呀!><"
七點幾煮左個麵食!食完下午茶..無耐之後又食野!生大食漬呀..咁樣食法..做幾多運動都補唔返啦!呵..
食完就洗碗..之後睇電視!d衫洗完就去晾衫...跟住都係咁啦!睇下電視呀..
不過隻手就成日拎住部相機係咁影囉!呵呵...好玩呀...hehee!^.<

今日都算幾開心啦!講左咁耐..終於都實行左第一部既計劃喇!咩計劃?咪就係減肥計劃囉!

Florence姐姐:你曳曳呀,原來你16號已經返左黎!
咁點解到19號先留言話俾我知返左黎呀?你呃kk...><"
你返黎咁多日...有無見過kimkim呀?

candy:點解會調你去銅鑼灣架?乜唔係中環咩?
是但啦..可能調左過去,你會做得開心d呢!係咪?
唔..真係估唔到!"女人真係煩"都會出於你個口度講出黎喎!
你自己都係女人..竟然話自己麻煩!哈..
阿華都成日話我地女人麻煩架!><"


>>June 20, 2003 at 9:32:02 AM GMT+8