2003 年 3 月 30 日 星期日 【陰】

今日係星期日...點解我會無街去架!慘...><"
好悶呀!男朋友話唔舒服...唔想出香港...所以就無出到o勒!
咁都好既..既然唔舒服!就等佢o係屋企休息多d啦!

尋晚點幾鐘先訓!今朝十點就走左身lu....
咁就去刷牙...之後上網!竟然見到男朋友上網喎!
哈..真係估唔到佢會咁早起身呀!咁我咪問佢仲乜咁早起身囉!
原來係俾佢媽咪嘈醒左!都知佢無咁早起身架啦!hehee~

無耐男朋友就打電話俾我o勒!傾傾下...又鬧起交上黎喇!
我嬲得滯...所以cut左佢線!絞左線就係咁o係度喊!嗚嗚~><"
到左十二點就食lunch喇...食完又係去左上網!
上到兩點九就執野!三點三又收到男朋友個電話~
又繼續鬧過....足足鬧左成粒鐘先收線呀!
唉...我諗住快d解決個問題佢!佢又唔係喎....o係度同我追究問題!
話邊個錯先咁話喎!激氣呀....邊有d咁既人架!真係頂佢唔順~
我想我地兩個快d好返..所以諗住快d解決左個問題佢!
點知佢好似仲係要繼續同我鬧咁.....俾佢激死!
到最後又係喊住收場!唉~算吧!

咁四點半就去左沖涼洗頭o勒!沖完出黎都係五點鐘!
之後就繼續上網!玩icq咁啦..check e-mail呀...
睇返以前同男朋友send既e-amil....覺得好幸福呀!
不過...佢而家好似真係變左咁既!我都唔知呀....一路睇一路喊!哈~傻既!

跟住食晚飯...食完睇左陣電視!
之後就寫信o勒!好耐都未寫過信喇....懶嘛!hehee~
唔....仲欠好多人既信tim呀!寫完信都成九點lu...
睇左陣電視.....又走左去上網lu....

總結:今日係星期日.....竟然無街出!
仲要同男朋友鬧交鬧到咁彊!好唔開心...><"
原本今日諗住去圖書館還書架嘛!
但係都無心情啦...所以門口都無出過!

>>March 30, 2003 at 9:57:05 PM GMT+8

2003 年 3 月 29 日 星期六 【晴】

因為今日一早要去見工!所以尋晚十二點就訓左o勒!
今朝七點幾就醒左喇..但係八點三先o係張床起身!
之後就即刻去梳洗...而嬤嬤就落街買早餐我食..食腸粉!^^"
唔該晒你呀...嬤嬤!之後嬤嬤又出左去行街街o勒!
咁我梳洗完就出黎食腸粉啦!哈哈...食完就執野換衫...
攪掂晒d野先係九點!就呆坐左一陣...坐到九點四就出左門口lu.....

去到火車站九點半!十點二就出到去紅磡o勒!咁就落天橋底等巴士o勒!
搭109..去皇后大道東既胡忠大廈度見工...果間野係一間錶針公司!
等左好耐巴士呀....好在早出門口姐....十點八就去到lu......
入到間公司果度見到個男仔...應該都係黎見工既!
跟住我就填左張form....填完再交返俾個女仔!佢叫我等陣....
因為個男仔見先...咁我好準時十一點就入去見工o勒!
哈...in我果個人係.....一個師奶咁既!真係估唔到呀....
佢仲要著住街坊裝咁架喎!著住對類似拖鞋既物體!
唔....我覺得佢好勁囉!著到咁樣黎同人見工!不過無所謂啦!
我都唔介意...人地話晒都係高層黎嘛!佢鍾意點著有佢自己既自由架嘛!
真係人不可以貌相呀!佢著成咁...又係一個師奶!竟然可以....hehee~
我真係好佩服佢呀!我諗我都有入左去十分鐘呀!傾計下咁啦....
都幾多野架...大部分時間都係傾下計!仲叫我用英文介紹自己...哈哈!
勉勉強強啦....無計!以前叫我用英文都ok架!而家...死得啦!咁耐無讀書..真係咩都唔記得晒lu.....><"

其他野唔多講啦!咁見完就搭返巴士返紅磡!返到紅磡都十一點八lu....
跟住就打電話俾媽咪....話o係紅磡等佢放工一齊食lunch再返上水!
落車之後o係天橋度見到好多小販檔呀!多數都係賣口罩既....
我見到有公仔口罩賣喎!咁就發姣買左幾個o勒!嘻嘻....
其實我都唔帶既....只係發姣買黎玩下...諗住俾個媽咪...又俾個嬤嬤!
好貴呀!$10個架~另外又買左包...$50有20個!呢d係最多人用果種!藍色既呢..好靚呀!
不過要自己綁繩既!唔係橡筋架...><"

之後離開左左火車站!去到蕪湖街...見到間藥房....咁鬼死多人排隊!
一定又係搶購口罩啦!咁我又埋去八下啦...嘿嘿!又買左五個!今次係$10....
哈....我都傻傻地架!唔帶又要買!真係貪得意呀....買黎玩!hehee~
買口罩都買到窮啦!差唔多買左成$100~~><"
媽咪放工放一點!見仲有大把時間!所以去左圖書館....
睇左兩本雜誌...都差唔多時間啦!就落樓下打電話俾媽咪....
佢話黎緊喎!等左幾分鐘....媽咪就黎到lu....我地去左食麻辣米線!
食完就去左吉之島!去到吉之島...媽咪就係咁叫人帶口罩!
咁我咪拎左個黎帶囉!唔帶既話遲早俾佢煩死....><"
媽咪剩係識得話人...自己又唔帶!又話我d感冒未清...抵抗力弱咁話喎!
所以係咁叫我帶!我叫佢帶....佢又笑笑口咁話!我都無病...抵抗力無我咁弱咁話喎!
真係俾佢激死!唉...之後買左條壽司!哈..有好多壽司o係度呀!
d人可能驚d壽司唔衛生啦...所以都無乜人買!之後就繼續睇其他野!
呢個時候有人打電話俾媽咪!但係媽咪個電話收得唔好..所以聽唔清楚對方講乜..
原來果個人係大姨媽!咁俾完錢之後...媽咪就打返電話俾大姨媽啦!
其實我都唔知佢地仲乜!總之要o係度等大姨媽咁話喎!好似係咩口罩咁啦....???
等左十分鐘倒!大姨媽就黎到lu...大姨媽一黎到就係咁話媽咪仲咩唔帶口罩!
哈...一早話左佢架啦!姨媽話佢.....佢又好似我咁答!得啦得啦...真係丫!
剩係識得話自己個女....自己又唔帶喎!跟住就係咁o係度講口罩果野o勒!
又話邊隻好呀...邊隻3M呀!幾多錢咁啦!又話炒到d價錢好高....大姨媽買左一個$38呀!成個豬鼻咁既呢!^^"
跟住又話訂左成$300個口罩喎!$1個....話遲d俾d媽咪咁話喎!佢身上又有d...問我要唔要!
我梗係唔要啦....我都有好多!跟住傾到咁上下....姨媽就走lu...上阿婆度喎!
諗住搭免費巴上去啦...但係媽咪話而家要o係吉之島買左野之後再拎住張單換左票先搭得喎!
咁即係一定要人消費啦!呃錢架...咁就唔叫免費巴啦.....><"
咁我地就同姨媽去左吉之島下面....買左三個口罩!$10三個呀....
之後再去換票!一人可以換四張!無限用幾耐咁話喎....咁換完票!三點倒姨媽就上左巴士lu...

而我就同媽咪繼續行街!哈...又去睇口罩!傻架....
估唔到媽咪同我一樣咁傻....自己唔帶口罩!又係咁買....上倉咩!><"
哈...o係呢間買左10個!$30....一個就賣$4!仲買左套睡衣tim......哈哈!
o係呢間買完....媽咪又話過另一間睇!又買左6個!呢邊果d仲靚仲抵呀!
$3個咋!又厚d喎..仲有埋鐵線tim呀!不過一定好焗啦!

差唔多四點就搭火車返上水o勒!返到上水就第一時間返屋企放低d野!
返到屋企就係咁同阿嬤講口罩d野!哈...嬤嬤仲問我買咁多黎仲乜喎!hehee~
都成五點幾喇!嬤嬤叫我地唔好出去喎!等埋佢先一齊出去食飯~><"
咁到左五點九就出左去o勒!去左海港度食飯!埋單$309....好貴呀!
只係叫左三個"送"...同兩個糖水咋嘛!呃錢架....
酒樓都好多人食飯呀...爆晒呀!d人都唔驚既....o係酒樓做d人就帶晒口罩咁囉!
食完七點半!就行左過去龍豐...睇口罩!因為聽人講果樹有公仔口罩買....$15兩個~
但係去到竟然收晒檔!嗚~><"

之後就返左屋企lu....返到屋企八點鐘!
睇左陣電視!八點半就去左沖涼...之後就上網o勒!

哈..今日都過得好開心!但係男朋友唔舒服呀!
聽日可能無得出街!><"
我咁大個女..都係第一次帶口罩!哈...
而家周街都咁多人帶...所以都唔係好樣衰姐!

蔚蔚:可能係我一廂情願當佢係我既好朋友呢~
或者佢一直都唔妥我架呢!呢種就係酒肉朋友~
唉!poor me...認命啦~

>>March 29, 2003 at 10:36:01 PM GMT+8

2003 年 3 月 28 日 星期五 【晴】

今日都係十點就起左身lu..食左兩塊麵包做早餐..上左陣網!
到左十一點三倒就落街買飯兼寄信!返到屋企之後..發覺唔記得買信封!><"
咁我咪無得寄求職信囉!算啦..第日再買過啦!十一點半過d勞工處d人打黎..
話我之前登記果份工...已經請左人喇喎!咁就話有份工想介紹返俾我啦!
仲約我聽日出去見工...o係灣仔架!係跟單文員!

到左十二點就食飯盒喇!今餐因為嬤嬤唔想煮飯..所以要食飯盒!
食完飯就繼續上網!又係睇d搵工既網頁!之後上網地圖...睇下聽日見到果度點去!
搵到之後...再去青見個網度..搵下見唔見果份工!但係又唔知個編號喎!
咁咪打返電話去勞工處度check囉!估唔到真係我岩到果份喎!
要求要會考三科合格架!我都無..點算好呢?跟住就問個女仔啦...
佢話個僱主唔一定要三科合格喎...不過有就最好咁話喎!之後問我有無信心去見...
查實真係無乜架囉...請都請個有三科合格架啦!係咪?不過是但啦...到最後都係應承左去見!^^"

攪掂晒d野!咪諗住上網寫日記囉!又見到個小丸子既留言喇..佢話係我既朋友喎!
都唔知信好定唔信好..是但啦!不過我都打左篇野俾佢!如果佢真係我既好朋友..俾佢咁話法...真係好hurt架!
我個好朋友話我cheap喎!但係我都覺得佢應該當面直接話我囉..等我甘心d嘛!
不過我都知如果佢當面話我既話...我一定會好嬲佢同好唔開心架喇!唉...算啦!
不過我真係唔覺得自己cheap囉!好平常咋嘛...學我表妹話...都拍左拖成年啦!
間唔中去下男朋友度訓有咩所謂喎!好煩呀..我都唔想再諗喇!俾我靜下..好嗎?

到左四點幾...就去左沖涼洗頭!跟住就敷mask....哈!聽日見工嘛....hehee~^.<
今日有d唔係咁開心...最衰florence姐姐無上網啦!好想同佢傾計呀!><"
沖完涼就一路上網上到食飯!食完飯咪同平時一樣囉..都係睇電視!
無咩好做!聽日要去見工嘛...咁咪執定d資料囉!費事聽日趕頭趕命嘛...
聽日要早起身呀...我諗今晚都要早訓架喇!^^"








>>March 29, 2003 at 9:08:42 PM GMT+8

2003 年 3 月 28 日 星期五 【晴】

小丸子:你究竟係邊個呀!成日都要我特登打篇野黎話你既..下?

你話你係我o既朋友?我就唔係好信囉!就算真係我既朋友..唔係應該想我好o既咩?又點會咁話我呀!

如果係咁..你不如當面話我啦!你係咪唔妥我呀?成日嘻嘻哈哈?又話我一直當你是我的好朋友,仲要

係"好"果隻tim呀!我覺得好好笑囉!你可唔可以話我知你係邊個呀?既然你係我既好朋友....

點解會咁樣話我呢?我真係唔明解囉!俾好朋友咁話法...真係帶有幾分傷感呀!

我既好朋友竟然咁話我!我諗我真係要檢討檢討..right?身為我的好朋友竟然話我cheap..真係幾hurt架!><"

如果你都當我係好朋友既話...你就應該當面話我!等我去改.....ok?



>>March 28, 2003 at 3:13:08 PM GMT+8

2003 年 3 月 27 日 星期四 【晴】

唔..今朝十點就起左身lu...哈!
本來今朝十一點要去銅鑼灣度見工架..不過無去到!因為唔想去..同埋唔想做果份工!雖然唔一定請我!
所以就好晏先起身o勒!都無乜野做過咁...上網囉!無耐就食飯lu...食完飯就繼續上網!睇d搵工網!
唔...跟住下晏就寫日記啦!寫完見到有人留言俾我..竟然話我cheap喎!勁激氣囉~><"
咁咪打篇野鬧返佢囉!唉~

到左夜晚都係食飯睇電視咁啦!一路睇電視就一路填申請表!諗住聽日寄求職信....
呢排我覺得自己好落力搵工呀!哈哈...不過好似無乜聲氣咁既!唔緊要啦...繼續努力!
去下見工點都好過o係屋企度發霉丫嘛!^^"
都差唔多啦..我都唔係太過記得自己做過d咩喇..剩係記得成日搵工咁啦!
好似好忙咁!睇完電視咪又去左上網囉...夜晚有唔開心!一點就訓左lu...



>>March 28, 2003 at 3:27:11 PM GMT+8

2003 年 3 月 27 日 星期四 【晴】

小丸子:你講乜呀?你係乜水呀...好心你留言黎話我就用真名啦!

唔駛我估估下嘛!我都無印象識你..如果你係我d fd都唔會咁話我啦!

仲有呀...我係話出面嘈咋!並唔代表話係屋企入面嘈!記住呀..我係話出面呀..死蠢!

咁都唔識分!枉你讀左咁多年書呀!你唔知就唔好講咁多野啦!

我男朋友住長洲架...出面大把人行過啦!乜人都有..又有人裝修..呢樣果樣!

唔嘈就假啦!自己乜都唔知就o係度懶醒咁...挑~最憎就係你呢種人!

我覺得你都算大牌囉!要我特登打一篇野黎鬧你!我見到你個留言真係好火滾囉!

你究竟係乜水呀?我得罪過你架?人家既野唔關你事就唔好理咁多啦!

教精你咋!如果唔係出街俾人打死呀!話我以前又係咁..而家又係咁..同邊個拍拖就去人地家喎!

我好似無囉!我以前拍拖都唔去人地家架..係去酒店架!我咁講..你個白痴又信唔信呀?哈哈~

都低低地既...超!就算我係cheap又點呀!關唔關你事先..唔該你下次鬧人果陣....用真名丫!

P.S:各位..唔好意思!請原諒我既過錯!今日竟然用d咁粗糙既言語黎鬧人!
但係我真係忍受唔住果位小丸子講既野...感覺好似被人出言侮辱咁!
佢把口都唔要得啦!大家幫我評下理o勒!真係激氣呀!><"


>>March 27, 2003 at 2:40:09 PM GMT+8

2003 年 3 月 26 日 星期三 【晴】

今日未夠九點就起左身lu...其實醒左好耐!出面嘈到死..攪到我訓極都訓唔返!><"
好野..今日條頸終於都唔痛喇!今朝有少少唔開心..不過費事提啦!刷完牙就開左部電腦...
打左份word俾男朋友...之後無耐就執野換衫走人!哈..一開個電話有成12個未接來電呀!
有屋企啦...媽咪啦..朋友既call...死啦!媽咪打左好多次電話俾我呀!肯定係嬤嬤打俾佢架啦...
驚驚呀....最衰我唔記得打電話俾嬤嬤話俾佢知我唔返屋企訓啦!所以佢咪打俾我囉....
佢都打左兩三次架喇...由十點幾打到十一點幾!我都係無聽到..因為我無帶電話出去!><"
今次死啦....又俾阿媽鬧架喇!算啦...一陣晏d先打返電話俾媽咪啦!佢返緊工應該唔會點鬧我既..hehee!
咁我就九點十倒就出左門口喇...去左M記買早餐上船食!出到去中環再搭快船過紅磡!

落左船就打電話俾媽咪...好彩佢無鬧我!只係問我尋晚上去左..咁我咪話阿華生日囉!
所以入左長洲同佢慶祝...佢只係話而家d肺炎傳得咁勁...叫我唔好周圍去咁囉!
跟住又叫我即刻打電話返屋企俾嬤嬤...話擔心左我成晚喎!真係唔好意思o勒!
尋晚真係完全唔記得打電話返屋企呢件事呀!嘻嘻..最衰無帶電話出去!
如果唔係就唔駛攪出咁多事...自己"羅"黎衰!

嘩...一落快船果條路開返喇..佢好似有個牌指住話去火車站架!唔知我眼花定咩啦.....
咁我咪行左過去囉!點知行唔到去火車站....仲行到去唔知咩國際郵件中心果樹!
又要再行返轉頭..去到火車站都成十一點九lu...返到屋企十二點半倒!
咁就拿拿林執定一陣見工d野先!之後再上網寫返尋日既日記....
都差唔多時間o勒!到左兩點就出左去lu...約左三點九見工!
係去大圍呀!兩點半倒就去到大圍喇...一出到火車站首先就買左兩個口罩!係幫嬤嬤買既!
之後就去搵巴士站!行左好耐都搵唔到...哈!見到有間匯豐...就入左去打簿!
出返黎之後就繼續搵....都係搵唔到!咁就唯有問人啦!我傻架..巴士站就o係火車站後面咋嘛!
但係我就行左去另一面.....咁去到巴士站之後就問個站長!有無車去聚龍居啦!
有喎....咁我就上車o勒!$3...等左幾分鐘就開車喇....去到都係三點!
仲有個女人同我一齊入去tim...原來佢都係黎見工架!一入到去會所又有一個女人o係樹!
原來佢地係勞工處叫黎架....係返part-time架!得$20一個鐘咋...佢地仲話車錢都蝕埋喎!
果樹係o係山上面咁架....仁安醫院附近咁啦!原來果樹係豪宅黎架!hehee~^^"
我本來約左三點九見工...但係三點就去到lu...首先就係填左張form....
填完張form就梗係即刻去交啦!去到接待處果陣..見到個reception personnel好熟口面喎!
果陣時佢o係度講緊電話!收線之後..我都未出聲!佢就話...嗯!好熟口面喎....
哈...連佢都咁講喎!咁我就話:我都覺得你好似口面呀!佢又話係....哈哈!
我再話:小學同學?佢話唔係:又話中學同學呀?咁我又話唔係....
哈....咁大家都話認錯人o勒!我覺得當時既情景真係勁攪笑囉!
明明大家都覺得對方好熟口面...但到最後都係認錯人收埸!^^"

交完張form等左陣..就叫我去見o勒!但係我約左三點九架喎!
可能係因為我交form先啦!所以佢地就見左我先喇!我見完先係三點半!
唔..都係傾下計咁!我都唔覺得呢d係見工既...哈哈!
果個女人話...如果岩既話!四月中仲會有個second in喎!
到時會通知我咁話喎!係岩先至有second in架咋!
咁就走人啦!搭返小巴返火車站!去左大快活食左個水餃麵!係我既午餐!$13咋...hehee~
食完就搭火車返屋企!返到屋企都係四點幾...去左沖涼!沖完涼就上網啦...上到七點幾倒啦!
就去煮晚餐o勒!一路食一路睇電視!食完就去洗碗...之後繼續睇電視!
睇完電視都係上網啦!上到十二點半就覺覺豬喇......差唔多啦!

聽日仲要去見兩份工tim呀!人份係"青見"既....十一點出到銅鑼灣喎!
另外一份係我自己打電話去既!係侍應...佢又問我做過未!我話未..
咁佢就同我講...你都可以試下黎見既!佢咁樣講到...即係機會都好微啦!
唔...."青見"果份我就唔係咁想去見囉!之前都講過啦...我連份申請表都無寄到去!
佢竟然打電話黎叫我去見工喎!今晚諗左好耐...決定聽日唔去見工!
不過"青見計劃"果度講到明!如果學員累積三次唔去見工...就會取消搵工資格一個月咁大把啦!哈~
放心啦..我都知道自己今次係好衰架喇!唔去見工..但係我真係唔想做呢份工!雖然未必請我.....
但係既然唔想做咪無謂去見啦..係咪?哈..我下次唔會再好似今次咁架喇!
都差唔多喇...唔寫咁多lu....



>>March 27, 2003 at 1:24:47 PM GMT+8

2003 年 3 月 25 日 星期二 【晴】

尋日本身十二點就訓左落床架喇!但係點都訓唔著..凝住好似有d野未做咁..
o係張床度轉黎轉去轉到十二點半...終於都醒起喇!就係唔記得打電話俾男朋友祝佢生日快樂呀!
咁就打佢手提啦!好失望地打唔通..收線之後屋企電話就響起來了!原來係男朋友打俾我...
我地兩個真係心靈相通o勒!哈哈....祝完佢生日快樂之後傾左兩句!一點倒就訓左lu....

今朝九點鐘就起左身喇!一起身牙都未刷就即刻打電話去勞工處登記左兩份工!
之後就諗住落床去刷牙啦!點知一起身就撞到個頭喇..痛死人!起左身之後又發覺條頸好痛喎!
一側去左邊就好痛...唔知係咪訓x頸呢?哈哈..刷完牙就去煮早餐!一路食早餐就一路上網!
到左十點幾又開始打電話...因為尋日搵左好多份工!打左幾份..有d話請左人!
有份就係酒樓侍應!個人問我做過未..我就話未啦..佢就講左一句"又係未做過呀"之後問我做過d乜!咁我就話7仔啦!
之後就講..咁你即係識收銀啦...我話係!咁就問我叫咩名同個電話幾多號!咁就收左線o勒!
唔知遲d佢會唔會覆返我呢?再繼續打啦咁...勞工處轉介果份就叫我fax履歷去先!
岩就會接見我!仲有一份就係o係大圍既..已經約左我聽日去見工lu...好緊張呀!
不過都好啦...起碼有個機會先嘛!去見下工....點都好過日日留o係屋企丫!
唔..無耐唔記得左幾點喇!勞工處d人又打黎叫我星期四去見工喎!係康泰呀...
呢份係之前o係"青見"度見到既!之後就登記左o勒!其實唔係咁想做...所以我連份申請表都無寄到去!
點知佢打黎叫我去見工!唉..算吧!唯有去見下啦....星期四十一點出到銅鑼灣!好o勒...終於都攪掂晒lu...

都成十二點啦..食得飯喇!食完飯洗埋d碗..點幾鐘!就開始整野喇..係預備黎慶祝男朋友既生日架!
一路整一路睇電視!死啦..仲有排整!唔夠時間呀..因為我兩點九就要出門口喇!咁整到兩點五倒就停工唔整住啦!
去執野換衫先!因為我要入長洲陪男朋友...趕搭四點幾船!三點半就出到紅磡o勒..不過我仲要去尖咀買d野!
於是就行過去啦..搵左好耐都搵唔到呀!果樣野男朋友一直都好想要架!所以我一定要盡我所能搵到俾佢!^^"
唔...到最後都搵唔到!咁就求其買左個差唔多款既!唉..搵到我趕唔到時間搭四點三船!咁唯有搭四點九既快船啦!
我成四點三先o係尖咀走..但係又趕唔到行去搭天星!唯有去搭的士啦!一上到的士...我就話去尖沙咀天星碼頭!
個司機個樣好似唔係咁想載我咁架..不過我話好趕時間!佢先好似免為其難咁載我去!其實我自己都唔係咁好意思~
個司機都好幫手..開得好快!搭左$19個幾..即係應該俾$20個司機!但係我就俾左$25佢..個司機話$20咋嘛!
咁我就話是但啦..係我唔好意思就真!跟住佢就話好o勒!咁我就即刻飛去搭天星啦!
過到中環!又即刻跑去五號碼頭!唉..早知唔駛跑咁快啦!去到五號碼頭仲有成六分鐘!攪到我索晒氣!唉..><"
咁就搭到四點九快船o勒!嘩...今日好大浪呀!我o係隻船度暈呀暈呀!好辛苦呀...
好彩我仲o係隻船度整緊我未整完d野!即係同男朋友慶祝果d野呀!所以分散左我既注意力!^.<

五點三倒就落船喇!出到去都見到男朋友行緊過黎lu.....嘻嘻!
跟住就返左男朋友屋企先!放低d野先...返到屋企!又見到果兩個靚妹o勒!好可愛呀...hehee~
之後就俾左禮物俾男朋友..叫佢唔好拆住..留返今晚先拆!佢又係都要即刻拆喎!><"
咁就拆左啦..佢仲攪左好耐tim呀!攪到成六點幾...之後就諗住出去行下啦!
原本想帶埋兩個靚妹去架!可惜果陣時都晏喇....佢地爸爸好快就會過黎接佢!所以無得帶佢地出去玩...
咁我地就自己出左去o勒!去左東灣...好大風好凍呀!咁o係呢個時候我就靜靜雞拿我整好果d野出黎!
酒落男朋友度..之後講左句"生日快樂"..個傻瓜即刻笑返呀!其實出黎之前有d野發生左架..
攪到大家都好唔開心!不過今日係男朋友既生日..所以無計啦!因為我真係好想令到佢開心架嘛!哈哈....
咁我地坐左o係東灣傾計啦!都傾左幾耐下..個天都黑晒喇!又有蚊喎...咁七點幾就走左lu....

去左公會度坐左陣...玩埋我整果d野!之後就返左屋企抖左陣....八點幾又出去!食飯呀~
出到去都唔知食邊間!所以係咁行..都行左好耐喇..最後都係行返去先前果幾間!
都成九點半喇...食海鮮!食到差唔多成十一點!間鋪頭都無晒人喇...人家要打烊喇....嘿嘿!

食完飯又行左陣..唔想行呀!咁就返屋企開單車踩..踩左去東灣!之後又再踩去西灣...一來一回就返屋企lu..
十二點倒就返到喇!上左陣網...之後沖涼!兩點過d就訓左lu.....^^"

P.S:條頸到而家為止都係好痛既....希望聽日無事啦!

**************************************************************************************
今日好開心呀!我相信男朋友都會同我一樣!^^"
我o係度祝男朋友22歲生日快樂!^.<
年年同佢慶祝生日既都係我!哈哈...



>>March 27, 2003 at 11:07:43 AM GMT+8

2003 年 3 月 24 日 星期一 【陰】

今日十點就起左身lu...好肚痛呀!唔想起都唔得啦~><"
起左身之後就去梳洗...梳洗完就坐o係梳化度發左陣呆!
跟住就去左上網o勒!到左差唔多十二點就食飯....食完飯又去上網!
今日都無乜野做過呀...都係上下網..icq呀..download下歌呀!
睇下"青見"既網呀!搵岩左兩份工..聽朝打電話去登記!

夜晚都係咁過啦!食飯同睇電視....十點睇完電視就去上網囉!
今日非常之悶...所以無乜好寫!成日都留o係屋企!門口都無出過半步!
係咁先啦........hehee~~


>>March 25, 2003 at 10:48:31 AM GMT+8

2003 年 3 月 23 日 星期日 【陰】

今朝十一點幾先起身!差唔多訓左十二個鐘呀!真係好訓o勒.....哈哈!
梳洗完就食飯lu...食完飯洗埋碗就睇左陣電視!好似係賭神3之xxxx....hehee~
唔記得左係咩!不過都仲未睇完...嬤嬤就話出門口喇喎!激氣呀..睇到最緊張果樹架嘛!><"
咁我地就三點出左去...搭火車之後再轉地鐵去油麻地o勒!因為嬤嬤要去Amway(安利)買野!
同嬤嬤出街都唔知點咁...有d麻煩!係又問唔係又問..唉!我都知咁講係有d唔岩架喇!不過呢d都係事實!
佢真係乜都可以問一餐!好似架地鐵就黎到旺角..之後個站就係油麻地架啦!佢就問我係咪仲有一個站!
仲有一樣野..最激氣!就係o係就快到油麻地果陣時..佢可以問我一陣o係邊一邊落車...邊一對門會開喎!
哈...我都唔知架!問我仲咩喎..等對門開咪得囉!咁無聊既野都問一餐!真係有想死呀~><"
成日都話去廁所..唉!不過呢樣我唔怪佢...佢不嬲都係咁架啦!不過你地知架啦....地鐵站無廁所架嘛!
好喇..唔講呢d啦!不過下次再同佢出街我會盡量就佢架喇...唔會再咁對佢!因為佢係老人家嘛!
今日咁對佢...真係不孝囉!對唔住呀...嬤嬤!

五點三倒就返到屋企喇!勁肚餓囉...所以頭先o係樓下買左少少野食!
之後就沖涼!再上網....一路上到八點幾!就出廳睇電視!今晚係"洗冤錄"大結局!
睇到我喊呀!哈哈...不過好彩最尾豬肉丸同宋提形都見返..如果講埋佢地三對人一齊結婚就perfect o勒!
哈哈...之後就繼續上網!上到成點半先上床訓覺覺~^.<

小白:我都好開心可以o係icq add返你呀!我都係o係hody既diary度見到你既留言!
之後用你既e-mail add.黎search下...真係俾我search到你個icq....咁就add左你lu...hehee!


>>March 24, 2003 at 11:08:28 AM GMT+8