2003 年 4 月 29 日 星期二 【晴】

今日未夠十一點就起左身lu...梳洗完就去左上網!
上到咁上下..就食飯!食完飯洗埋d碗就睇電視!睇到兩點鍾...
之後就同男友傾電話!傾到咁上下...我就換衫出門口o勒!大概係兩點半倒啦~
出旺角呀!係自己一個既..出去既目的係幫男友拎返張cheque...係之後報左既電腦課程!
可能係因為太少人報..所以無開到班!咁無得讀梗係退款架啦!咁果間野做會計果d人假期又放假...
所以男友根本就無時間去拎!咁咪唯有我幫佢囉!三點過d出到旺角!就即刻去果間電腦中心o勒!
等左陣就拎到張cheque喇!之後就拿拿林去匯豐幫男朋友入埋張cheque落佢戶口!攪掂晒d野都係三點半過d~
之後就行返去火車站搭火車返屋企o勒!^^"

未夠四點半返到屋企..之後就沖涼啦!又再上網..到左六點幾..就整返昨天lunch食剩的粉黎當晚餐!
食完就睇電視..十點又去上網!一路都係咁啦...聽日約左阿歡..candy..vicky出黎見面!
今日差唔多啦..出旺角剩係為左幫男朋友!自己又無行到街...乜都無睇過!
都算係咁啦~hehee!^.<好累喇...寫住咁多先啦~


>>May 1, 2003 at 11:38:44 PM GMT+8

2003 年 4 月 28 日 星期一 【晴】

唉..本身尋日勁累勁眼訓架!但係返到屋企沖埋涼都仲未訓!
等男朋友嘛..其實佢十點半都已經返到屋企架喇!不過我都係未訓住..攪攪下d野..又同佢傾下!
點知成點半先去訓覺覺豬!今朝十點幾就俾人吵醒左lu...叫我起身煮野食!><"
救命..好死眼訓呀!咁我梳洗完就煮野食啦!煮粉囉..平時都唔駛我煮既!只係要我煲兩粒米咁...
剩係煮粉先會叫我煮!嘻嘻~

食完洗埋d碗就睇左陣電視!之後上網..一路係咁上!
到左四點幾有電話到...係瑪麗醫院o既張姑娘!佢話唔知道我辭職...所以打黎問下我咁話喎!
佢問我點解要辭職...咁我咪話屋企人唔想我做呢份!因為而家d肺炎好勁呀!好擔心~
又遠..訓宿舍又訓唔到!就係咁囉..之後佢就唔該同多謝我話個離職原因俾佢知喎!哈哈~
無耐又同阿詩o係icq傾開展翅d野!係電腦呀...之前考左個試!話會退款..但係到而家仲未退!
都成四個月啦..人地shino考完試之後兩個月就退返啦!我地果間野真係唔掂呀!唉~><"
咁阿詩搵到個電話就打去問啦..問左考試成績同幾時會退款!之後佢俾左個電話我去問!
哈哈..結果一科都唔pass喎!但係至驚訝既就係我Access竟然高分過Excel喎!呵~

之後就去沖涼洗頭!繼續上網..收到表妹send俾我我既web site...係搵d小學同中學同學既!
咁我就登記啦..之後搵返以前讀過間小學!真係見到好多以前既同學仔呀!
咁就add返佢地啦!係咁傾係咁傾..好開心呀!其實我讀過三間小學架!所以三間都有登記!
不過頭兩間小學真係無乜印象囉!皆因果陣時太細個喇..唔記得晒!不過好似都搵返幾個同學仔!
大家同年..又係上午校..仲同班tim呀!哈哈..應該唔會有錯卦!^^"
今晚都係同d小學同學傾計..好開心呀!hehee~
傾到點半就訓左lu...


>>April 29, 2003 at 10:11:08 PM GMT+8

2003 年 4 月 27 日 星期日 【晴】

今朝十點幾醒左一醒....之後就再訓過!訓到一點先正式起身!
不過係無乜點訓著到既..其實都唔係好夠訓!><"
之後兩點幾去左食lunch...食完lunch就返屋企執野!
搭三點半船!為左男朋友想飲思樂冰..咁就同佢一齊去買啦!差d趕唔到上船呀!
上船無耐..我好快就倚靠在男友肩膀度訓著左o勒!咁已經證明左我真係好累好累啦!
原本男朋友話去荃灣架..不過我真係好累!所以決定返上水!
返到上水都成六點鐘喇!陪男朋友去左橙記幫佢媽咪爹d轉台!
之後周圍行左陣咁啦..買左少少野食!之後我覺得好悶..就一路都好唔開心喇!
男友送我返屋企..一路我都無乜點出過聲!仲無啦啦喊左出黎tim呀~
真係好情緒化囉!呵~

返到屋企都係九點倒!執完野之後就去左沖涼!之後睇電視...上網睇日記!
好苦呀..篇篇日記都好似好多野要寫咁!><"
就快死..其實到而家為止都仲係好累架囉!
不過都係寫埋d日記..等埋男朋友返屋企先訓!^.<




>>April 28, 2003 at 12:22:31 AM GMT+8

2003 年 4 月 26 日 星期六 【晴】

今朝十點起身!梳洗完之後就拿拿林換衫出門口!
因為今朝去飲茶..係去海港呀!十點半出門口去等位..因為果間野好多人去飲茶!
等到十一點三先有位呀!我同嬤嬤爺爺三個人飲呀!嘩..果間野係我地第一次去飲茶!
夜晚食飯就食得多o勒!嘩..我貴呀!我傻下傻下咁叫左11碟野呀!剩番成4碟點心要打包!
埋單成一百六十幾呀!起貴呀...><"

之後就各散東西...首先去左銀行入錢錢!之後去左逛商場!仲買左兩條褲..沖涼液同蚊怕水tim!
又用左好多錢錢喇...><"之後返屋企睇左陣電視!執野啦..咁四點就出左門口lu...
約左男朋友o係灣仔等!出到紅磡就搭111過灣仔!男朋友已經o係度等緊我lu..
佢今日要返學呀!因為先前停左三個星期課!而家就要用星期六日既時間補番咁話喎!
不過聽日唔駛補!咁我地o係銅鑼灣度行左陣..之後又行返過灣仔食雲吞麵!
果陣都係六點倒咋!食完就行左去灣仔海旁度坐左陣!到左八點又行返過去中環碼頭!
唉..真係成日都行呀!累死我喇..因為我地要趕搭八點半船!
好在去到6號碼頭仲有成4分鐘時間..早知唔駛趕得咁急啦!><"

返到去男朋友屋企九點幾啦!抖左陣又出左去行...去左行沙灘!赤腳....哈哈!好似好浪漫咁!呵呵..^o^
行完返去又睇vcd..."下一站天后"...但係我超累!都無乜點睇到..就快訓著咁!><"
睇完都唔係好記得做過d乜!好似係睇男朋友整網頁卦!到左點幾鐘先去洗白白!
我沖完叫男友沖...佢又話一陣先!等到成兩點半先肯去沖!俾佢激死...唔駛訓喇...慘!
沖完都成三點幾..攪埋d野..即係執好d野(請大家不要亂諗)!都成四點鐘...先有覺好訓咋...


>>April 27, 2003 at 11:35:01 PM GMT+8

2003 年 4 月 25 日 星期五 【晴】

尋晚o係宿舍點訓都訓唔到!可能係因為辭左職既關係卦!仲有呀...尋晚宿舍果度得我自己一個人訓咋!
真係有d驚呀!成晚醒..我開著左個電話黎訓..點知男朋友成點半仲打俾我!嘈醒左我..之後都無乜點訓到lu~
咁五點鐘就起身刷牙洗臉啦!再返病房...返到去就見到阿娟姐喇..佢一見到我就問我係咪唔做!
咁我咪話係囉...之後佢又問我仲乜唔做喎...又問我係咪怕辛苦果d啦!我都唔知點答佢好!
咁我咪話唔想o係度訓囉!咁果時我坐左o係廚房度嘛...因為果時都係五點幾..未夠鐘開工!
佢叫我繼續做..話帶我返佢屋企度訓...仲話讓間房俾我咁話喎!哈哈....
但係果時佢係企o係門口度大大聲咁講架喎...荒死無人聽到佢講野咁!

到左七點就同阿daisy去左canteen食早餐!之後好姐都黎埋呀!
咁阿daisy就同阿好姐講話我做埋今日就唔做!跟住好姐咪問我囉...
之後daisy同好姐係咁講阿慧姐同阿娟姐..話佢地點衰點衰!好姐仲話娟姐今朝講d野係扮好人咁話喎!
話阿慧姐把口好"梳"...人地既事就唔好理咁多..等人自己決定嘛!但係佢就毫無保留咁同人地講晒我d野咁!
唉...我都唔知點同你地講呀!總之咁多個阿姐都係阿daisy同好姐對我最好!其次咪阿霞姐囉(我覺得)!
食完早餐就返去o勒!我地食飽飽..就到d病人喇..我地開餐俾佢食!阿daisy仲同我講..叫我唔好爭住洗碗喎!
等娟姐洗咁話喎!因為今朝我地返早更..要抹房!daisy仲睇死娟姐只係一間!今日我地總共要九間!
之後2號房個病人去左第二度做治療!本來娟姐諗住o係呢個時候抹佢間房架!
不過daisy特登同佢講...話俾我先!因為我抹得慢...阿娟姐都無野好講lu...
咁我就由八點半倒開始抹啦!哈..真係娟姐洗碗喎!唔記得抹到幾點喇...終於都抹完一間喇!
咁咪諗住再第二間囉!但係d姑娘叫人行街....咁阿娟姐就大大聲咁對我講:如果你嫌辛苦唔想既話....
就去行街啦..你識唔識去呀?果陣時經理都o係度架...佢咁大聲講..一定係想俾經理聽到啦!
咁我就話我而家諗住一號房啦..跟住又話我唔識去!咁佢話我唔識去就等佢去啦..去左勁耐囉!
肯定又唔知去左邊樹"吞pop"啦!之後我都無理...繼續抹我既第二間房囉!
我新黎都抹兩間呀!娟姐只係抹左一間咋!真係俾daisy講中呀!好姐同daisy..我都唔知佢地抹左幾多間lu...

抹完房都無咩做過!o係樹食橙囉...好姐仲請我食餅餅tim呀!之後雲姐無啦啦過左黎!
雖然我唔係好熟佢!但係我覺得佢好好人架..雲姐就話:其其..你幾時唔做呀?
咁我咪話做埋今日囉!佢哎呀一聲...哈哈!咁好姐就話..好在我請左佢食餅姐..當同我"fell well"咁話喎!
唔好意思呀!英文實在太屎喇..唔好見怪!其他唔講咁多啦....
其實今日都無咩做過!都係抹左兩間房咁大把..送下餐咁囉!daisy見我今日last day...
都唔駛我點做....lunch果d碗都係佢洗既!原本諗住娟姐洗架!但係唔知佢躲埋o係邊!
應該去左拎血!本來係daisy去拎架..佢又好似搶住做咁喎!唔想洗碗卦~

一點過d...霞姐就返左黎喇!咁娟姐就拿拿林同霞姐講話我唔做!真係丫..乜都同人講~妖!
霞姐買左好多麵飽返黎呀!俾左個紙包蛋糕我食..之後好姐又拎多個吞拿魚飽我食!
好多人請其其食野呀!hehee~之後佢地就叫我收工!不過都未夠兩點...
咁我就等到兩點就走人啦!臨走之前俾返張職員証經理..經理仲話唔該晒我呢幾日幫手...哈!
係我應該架嘛!我唔好意思就真...返左12日就唔做!對唔住呀~真係唔好意思!
其實我都唔想架...個經理幾好人!再去管事度交返條宿舍鎖匙....就去石行度換衫!
最後去canteen度食左個下午茶餐!其實我已經唔係瑪麗醫院既職員啦!
但係我仲同佢講係..哈哈!係daisy教架...佢都唔會問我既!

食完就搭車鬆人...返到屋企就差唔多成五點lu...之後沖涼洗頭!洗衫再晾衫...呵呵!
夜晚食飯洗碗..睇電視...上網咁囉!十一點幾就訓左lu....

>>April 27, 2003 at 10:35:38 PM GMT+8

2003 年 4 月 24 日 星期四 【晴】

今朝十點就起左身..梳洗完就整左個杯麵做早餐!
之後上左陣網..又係寫日記囉!而家要返工..其實真係唔係咁得閒寫日記囉!
不過又唔想唔寫喎!所以無論係幾咁累我都會寫!一日不"溜"....哈!^o^
過左無耐嬤嬤又叫我飲湯!哈..逢親o係屋企返工都會有湯飲既!今日仲有得食燒肉tim呀~
嘩..寫日記寫到成十一點幾呀!野又未執喎..又要食野!不過好在十二點前岩岩攪掂晒d野...
我高效率架嘛!哈哈...返到去咪又係點半囉!

換完衫返病房!唉....一返到去就沖水啦!
之後daisy佢地話今日又要大洗喎!唔係呀化....一個星期內三次大洗!
咪玩啦..唉!簡直想死呀~仲有呀...原本早更d人可以做架嘛(係daisy話o既)!
但係早更d人就懶!又搵藉口喎...話咩阿daisy要教新人(即係我)....所以留返俾我地做!
你地話丫..有無離譜d呀!仲有呀....上次已經有人教過我架啦!自己懶就懶啦...又要搵藉口!唉..><"
一個星期三次大洗都係我返P..激氣呀!不過好在daisy好人..唔駛我洗!驚嚇親我..而令到我唔敢再做咁話喎!
咁我同呀daisy..好姐就一齊洗啦!佢地一路教我點大洗...一路講野!都係講醫院d野點做咁啦!
又嚇到我喊左出黎喇....真係無鬼用呀!嘻嘻~

之後好姐問返我頭先係咪喊黎..仲乜喊!我就話無野...佢仲話如果有人蝦我就同佢講!幫我炳佢咁話喎!哈~
唉...唔講呢d喇!講返尋日先啦!我咪話喊過黎既..點知個慧姐同我唱開晒去咁!
原來果個慧姐把口好"梳"架!攪到簡姑娘下晏即刻入黎同我傾!又話唔知咩嫌辛苦呀..至緊要係做得開心咁喎!
之後我都無理到..繼續去做野lu..就係尋日經過呢件事之後...今日竟然連個經理都走入黎廚房同我傾!
經理同簡姑娘一齊入黎既...經理話如果我o係度做得唔開心既話...可以掉我去大房度做!
大房仲衰...仲dirty囉!不過無呢度咁辛苦咁囉...而我既回應就係唔駛o勒!索性同佢講辭職唔做!
佢問我..係咪sure唔做喎!我話係...其實諗住放工同佢講&聽日唔返!
佢話人事部放5:30pm喎!所以要一早講..同埋經理仲話...如果聽日唔做..就會扣一日人工!
做埋聽日就唔駛....咁我梗係幾"大"都做埋聽日先啦!做得咁鬼辛苦...又要俾人扣糧!無天理呀~
唉..本身我真係無諗住咁快唔做架!不過人地咁問到我..我可以點喎!又唔想掉去大房..
我而家攪成咁....都係多得慧姐啦!講野聲大大咁...荒死人地唔知咁喎!下次俾個大聲公你好無?
話晒我都只係一個靚妹姐...駛唔駛咁對我呀!大嬸~我喊一喊唔代表我唔想繼續做架喎!
真係好激氣囉!呢份工雖然係辛苦..但係我都諗住起碼做到月尾先丫!點知俾個慧姐宣傳我喊既事!
就攪成咁喇...你話d人係咪好衰丫!好似簡接迫我走咁!而家我走佢地都不知幾開心呀!
唔駛掉佢地出去做嘛!要返埋聽日...所以今晚又要o係宿舍訓!><"

今晚慧姐返N..跟住daisy就同佢講..話我唔做!咁慧姐又好大聲咁講...衰鬼,做乜唔做呀?
我心諗...你咁大聲講野係咩意思呀!佢個心一定係好開心啦!又話而家好難搵工架..仲乜唔做呀!
唉...點解d人可以咁講野!做戲做到咁...唉!我都唔想多講喇...
今次蠢過之後!下次我唔會再亂咁講野俾人聽...唔會咁容易o係人面前表露自己既情感!
愈講愈激氣呀!唉...今晚要o係宿舍訓!去到宿舍就打電話俾男朋友同媽咪..話俾佢地知我已經辭左職!
傾到十一點幾就訓左lu...真係有d唔甘心!今晚宿舍得我自己一個o係度訓咋..有d驚tim~
唔...傾傾下電話無啦啦有個阿姐入黎!我同佢講話做埋聽日就唔做..佢就問我點解!
咁我咪講俾佢知囉...佢都話d人衰呀!個阿姐o係度做左十幾年都俾人蝦呀!好慘~
個阿姐而家係o係非典型病房度做架..我聽到都有d驚驚呀!哈~




>>April 25, 2003 at 8:48:02 PM GMT+8

2003 年 4 月 23 日 星期三 【晴】

尋晚唔知點解都係成晚醒咁囉!都訓左三晚啦..不過都仲係好唔慣!唉~
醒下醒下..咁就又五點o勒!咁我五點三先起身過另一邊度刷牙洗臉!
之後就返病房...返到去都係五點七倒左右咋!

今朝返早...有我,daisy同慧姐!今次係第一次同慧姐一齊做野!
闖禍tim呀!尋日姑娘叫我洗個盤...個盤入面有條野!
盤入面果d係血水!咁條野o係d血水入面...十分之dirty架!
咁我就掉左佢o勒!點知今日姑娘搵果條"帶"喎!其實佢地未知架...
但係d阿姐同講我點點點..嚇到我喊左出黎咁!其實我唔係咁驚....
只係俾佢地嚇倒囉!如果簡姑娘果陣時o係度...我就會同佢講話我辭職架喇!
不過咁岩佢又出左去食早餐!所以無得講~

跟住daisy就叫我唔好喊!話驚人地以為佢整喊我喎!
哈..仲話我跟第二個又唔見我喊!跟佢就喊..佢會俾人叉咁話喎!
之後daisy就同我落左去canteen食早餐!食完就上返去病房開餐俾病人~
無耐我就開始抹房喇..大抹呀!抹左成五十分鐘呀!勁呀~因為太多野要抹喇!牆都要抹呀~
我總共抹左兩間...之後隻手都...唉!咪鬼提啦...
下午又係我洗碗...洗完已經甩晒皮喇!因為實在浸得太多水喇..我就快捱唔住喇!Help~><"
兩點鐘就收工o勒!換完衫就去canteen食lunch....食左個干燒伊麵!
又難食又貴!真係頂佢個肺丫~妖!食完都係兩點幾...就搭車返屋企!

搭火車去到大學既時候...就收到阿欣既電話!果陣時佢搭緊巴士返屋企...
其實都就黎返到架喇...好似返到屋企樓下tim!不過我叫佢即刻出返黎火車站度等我!哈~
叫佢陪我去銀行&去M記食雪糕!哈...跟住打俾阿歡!佢話去佢屋企喎!
咁我去到火車站見到阿欣就問佢去唔去阿歡屋企o勒!佢話去...咁咪去囉!
咁去完銀行...之後跟左阿欣返佢屋企拎野!拎完先去M記!再飛的入去上水圍!
一去到阿歡就好大聲咁講!除鞋除襪洗手洗臉洗腳!真係成個師奶咁呀~^^"
之後佢地做功課...話就咁話姐!其實都無乜點做過....之後傾計!
我仲同阿欣玩左d野!不過唔講俾他地知係咩~嘿嘿!

返到屋企成七點幾lu....即刻開水洗涼洗頭!洗完就洗衫....
又俾人鬧喇..話我次次返親黎都一大桶衫要洗喎!唉~
o係屋企又俾佢鬧...而家返左工又係成日俾佢鬧!shit~
晾埋衫就煮麵食..洗埋d碗!之後就一路睇電視一路同男朋友傾電話!
由九點幾傾到十一點!之後我就訓左lu..好累嘛!

詩:黃sir無打俾我喎!我尋日打俾佢都搵唔到佢....
係呢..咁你知唔知點解佢會唔做青見呀?
我就快撐唔住喇...好辛苦呀!你話點好...><"

Florence姐姐:你最近有無睇我日記呀?
好掛住你呀!你幾時返黎hk呀?
我份工好辛苦呀!就快捱唔住喇..訓又訓得唔好喎!
食又唔定時喎!好慘呀...但全如果唔做既話..又唔知等到幾時先搵到工喎!
好矛盾呀~~~你俾d意見我啦!

>>April 24, 2003 at 11:18:37 AM GMT+8

2003 年 4 月 22 日 星期二 【晴】

今朝九點幾就走左身!跟住執野啦!唔係太記得做過d乜lu....
嬤嬤又煲左湯喇...又俾我一大碗我飲左先出門口!就係我既lunch o勒!
今日我仲執左個杯麵同一盒麥皮返醫院!個杯麵係我今晚既晚餐!
到左十二點就出門口...同樣地又係咁啦!搭火車到旺角..再轉970囉!唔多講啦~

返到去都係點半!咁換完衫咪上病房囉!今日跟daisy呀..其他佢幾好人架!
不過就多野講d...成日得罪人咁囉!對我幾好架...其實我今日已經同佢講話我唔想做落去!
因為實在太辛苦喇..無錯!我就係咁無用...唔捱得架喇!各位朋友:你地話我應該點做好呀?
唔...今日又要大洗喇!因為八號房聽日會收人入黎!講返我唔做果樣先啦.....
daisy就話想我繼續做落去囉!因為我純喎!仲有乖喎....哈哈!
我記得以前班主任都話過我單純架!記住係"單純"呀!唔好聽咪即係白痴囉!呵呵~
不過我都唔介意既...嘻嘻!但係掉番轉頭..如果daisy係我阿媽...佢就話唔會俾我做呢份工囉!
因為實在太遠喇...車費+食飯都去左三分一!慘~

我咪話今日有間房要大洗既...不過我都無洗到!daisy洗晒!
而我就做其他野囉!係daisy叫我唔駛洗架...咁我就去左收餐同洗碗!
佢話驚我即刻唔做..怕嚇親我!所以唔駛我洗喎!哈~真係唔明佢呀!
總之呢份工就勁辛苦啦!我個人認為!咁攪掂晒d野...就食dinner o勒!
今晚我真係食杯麵囉...仲沖左杯麥皮tim呀!

其他唔多講啦...今晚又要訓宿舍喇...慘!
十點半已經攪掂晒d野!仲返到宿舍tim!
同男朋友傾左陣電話...十一點幾就訓覺覺lu....^^"

>>April 24, 2003 at 10:40:58 AM GMT+8

2003 年 4 月 21 日 星期一 【晴】

今日成十一點先起身!都係訓左九個鐘咋!嗚~點訓都補唔返我之前果d啦!唉~
今日放假呀!一起身無耐就食飯lu...食完飯就睇電視!"芭啦芭啦櫻之花"...睇完就繼續上網寫日記!
寫完都成兩點幾lu..男朋友已經搭船出緊黎!咁我執埋d野換埋衫...都成兩點半過d咁啦!
之後就即刻出門口..搭火車出去o勒!o係大圍等!之後一齊出旺角...因為我想買返幾件Tee....
出到旺角之後就去左旺中度買..好快亦都好求其咁俾我買左兩件!跟住走人...去左買冷麵食!仲有燒賣!
因為我想去吉之島....所以就搭巴士過去黃埔!搭巴士前又去東海堂買左兩件蛋糕..皆因男朋友想食!^^"
去到吉之島..我就行左去超級市場果度..買壽司!我買左細卷..男朋友見到我買又買左三件壽司!哈~
加多盒豆漿!食完行左陣..七點倒就行返去火車站搭火車!

男朋友送我返去!不過去到上水都八點鐘喇...但係我地都行左陣....
行到九點又去左M記食野(dinner囉)!呵...食完又繼續行行行!哈哈~
之後差唔多時間男朋友就送我返屋企!大概十點二,三倒就返到屋企喇....
返到屋企沖完涼...打俾男朋友傾左兩句..再同個fd傾左一陣!就訓左覺覺喇....
不過十一點半又俾男朋友打黎既電話嘈醒左!><"
總括黎講...今日成日都係食食食!我諗都可以補返我之前無食果d既!嘻嘻~~

蔚蔚表妹:呢份工對我黎講真係幾辛苦架....因為我平時o係屋企野都唔多做!
所以咪就係咁囉!又遠喎....隔晚就要訓宿舍!其實都有諗過辭職架!
但係諗諗下都係捱住先啦...不過唔知可以捱到幾耐囉!



>>April 22, 2003 at 10:21:43 AM GMT+8

2003 年 4 月 20 日 星期日 【晴】

嘩..今朝個阿姐唔知點解咁早起身!五點三度就起身喇佢!
不過我都醒左..想訓多陣都唔得!唉...唔知點解今朝起身勁凍囉!
可能係我尋晚訓前較大左個冷氣啦!仲要俾左張被人地tim~><"
咁之後就同阿婷過去刷牙啦!攪掂晒就返病房!唔記幾點lu..

返到去做左一陣野!又食七點...早餐呀!又係通粉呀!
呢兩日我開始食番多d野喇!都唔知係好事定壞事呀!哈~
今日我返早...所以又要抹房喇!唔鍾意呀~
抹左兩間!今日有收穫..同個病人傾計!o係咁多個病人之中..我覺得佢係最後生既一個!
點知傾開...原來佢都成30歲!仲係結左婚既!佢仲問我係咪好細個!問我幾多歲咁啦~
佢話初初聽我講野細細聲..覺得我好細個!咁我就話俾佢聽19歲啦!
咁佢就話..點解咁細個會做呢d野!我就話:有邊個想做呢d野丫!而家咁難搵工!
我學歷又唔好..又無工作經驗!有人請已經好好架喇!而家有人請所以就做住先囉!
都傾左幾多野架..其他唔講咁多啦!今日抹左兩間房呀..半個鐘頭一間!哈~
無進步....唔緊要啦!不過黎緊既星期三就慘d喇...又係返早!仲要跟著daisy喎!
唉...佢成日都話我做野慢...又行得慢!變態架佢...不過佢自認把口衰..話成日得罪人咁話喎!
叫我唔駛理佢!真係丫..都"short short"地既!

今日又有人請我食飽飽!曼頭呀...兩小個!哈哈...走之前仲食左少少炒粉!
而家開始有返d食慾...不過胃口麻麻囉!之後帶阿霞姐去宿舍參觀...
佢話未去過...唔知o係邊!所以叫我帶佢去行下..之後再去石行!
睇完佢就走左..而我都換衫收工走人!搭970去旺角!
中途打電話俾媽咪...原來佢已經入緊上水!我話岩岩上車咋喎!
佢就話o係上水度等我!未夠四點就返到上水..行左陣!
覺得好肚餓!就同媽咪去左美心食左d野!我想買褲..咁咪周圍去睇囉...
睇岩就試下啦!點知唔岩喎!果批褲根本就有問題....個sale都知架...
d碼數亂晒!d色又唔同喎...唉!我都係試左兩條咁大把咋嘛!
唔岩咪走囉!我地只係轉身行左兩步咋..就聽到有人講"白痴"...
但係我唔敢肯定係咩人講架囉!之後就問媽咪聽唔聽到....媽咪都話聽到呀!
咁即係個sale啦!痴線架..而家d人點解可以咁架!我根本都無話過佢!
只係試左兩條都唔岩咋嘛!佢話我白痴都等我行遠d先啦!邊有人咁樣做生意架..
最衰我唔知邊個係老闆啦!咪我一定走去投訴佢姐!激死我喇..
俾著我都等個客人出左門口先鬧佢啦!唉...而家咩世界呀!

到左六點就去食飯...我仲叫埋爺爺出黎tim呀!因為勁耐無見過爺爺lu..
哈...今晚無胃口!食左兩啖飯....d"送"都無乜點食!唉....都唔知有咩事呀!
勁凍呀!起晒雞皮咁...但係又唔係發冷喎!唔通係非典型..咪嚇我啦!哈~
因為今日返工果陣.....hehee!唔講俾你地知~^.<
差唔多啦...勁呀!一次過寫五日既日記!都唔太記得發生過咩事啦~
仲可以寫到喧多野喎!勁哩~~~呵呵!^o^
寫完日記傾左陣電話...兩點倒就訓左覺覺lu..
其實我有好多野未講架!不過我都唔想諗...同埋一陣你地又會話睇到眼都花埋呀!hehee~
聽日我又放假喇...呵!約左男朋友出街街~



>>April 21, 2003 at 2:13:54 PM GMT+8