| 日記 | 日記主簡介 |
||||||||
2003 年 11 月 12 日 星期三 【晴】 剩係得我同阿wing收工咋...幾悲哀呀!慘....><" 今日So小姐無返到黎呀...唔錯丫都... 今日尚算ok啦...d時間都過得幾快... 鳳鳳又問我借左$20買M記湯湯喇.. 佢成日都係咁既..借完人錢錢又唔還... 唔知點解佢成日都帶唔夠錢出街架.. 但係又要買鬼死咁多野喎!妖~ 又唔好意思叫佢還喎! 七點鐘鳳鳳落左順記...我地約左八點o係順記等.. 陪佢睇野...佢話會...唉..唔講啦!最後咪又係無.. 算數啦...放工落到順記仲見到So小姐tim呀! 哈哈... 今日心情一般啦! >>November 16, 2003 at 10:48:43 PM GMT+8 2003 年 11 月 11 日 星期二 【晴】 但係仲未知道返邊到囉..不過都係天平多! 雪雪八點打俾我..結果真係返天平囉! 今日返工又見到阿邦喇!今日好準時八點十返到去... 同阿wing一齊開門..開舖!無耐阿D都返到黎lu.... 首先點下d畫簿有無貨啦...整下呢樣整下果樣咁囉! 到到兩點半先食飯呀...食完整左一陣野! 四點幾就落左新舖喇..今日補返一個鐘俾雪雪! 所以佢放五點...剩返我同阿芳!咁梗係我收錢啦.. 唔...俾阿雪話我咁樣清機...唉! 之前o係華明又俾阿Gu話..佢地每間既做法都唔同.. 叫我點好？唔...無奈囉!好慘... 點解我要走晒三間咁辛苦?阿wing都要..不過我係成日都要囉! 阿雪五點走果時先得千二...到放工八點先得千六...差dd就到千七! 今日真係好鬼死靜囉...連So小姐都打電話落黎問我悶死左未... 我話已經死左啦!真係靜到唔知點形容呀! 到八點清機果時...寫簿...死o勒!對返條數點解唔岩既! 原來阿雪走果時...部機入面既出數紙已經用晒架喇... 即係我做果三個鐘d數全部睇唔到...但係我真係無打錯機架! 仲岩岩$500底架...不過硬係唔知點咁囉! 睇黎我都係做唔長架喇...唉! 今日俾So小姐話我動作慢呀..哈哈!叫我行路快返少少喎! 我行得快佢唔知姐...呵呵! 今期個肚仔成日痛...又成日都頭暈暈...又抽筋! 其實上個月中開始已經係咁架喇...唔知咩事呢? 唔知可以捱到幾時呀...算! 今晚好凍呀...差點兒就變左冰條! 屋企無晒大褸...聽日唔知點死...><" P.S:今朝返工果時...俾個傻仔博懞呀!一撞撞落人地個胸到..激死囉!妖~ >>November 12, 2003 at 10:56:03 PM GMT+8 2003 年 11 月 10 日 星期一 【晴】 唔..今朝仲要無食早餐!勁凍呀...今日返新舖呀!返到去做左一陣野... 九點幾十點倒啦...就已經好痛餓喇!勁同阿雪兩個o係度嗌肚餓! 傻架..終於都捱到十二點喇..叫外賣!哈哈.... 白痴架..今日lunch果時勁多人囉!今日好似乜都幫唔到阿雪咁! 真係唔好意思喇..可能太耐無返過呢到!唔記得晒d野... 而d價錢又唔同喎...唉!阿雪話要我記晒三間舖d價錢喎.. 哈哈...真係睇得起我既姐!今日走左兩轉呀...一來一回熱死我呀! 雖然出面係好大風..不過要推住d貨走黎走去..真係幾辛苦!仲好熱... 阿雪仲要o係度猛咁嗌凍...衰野丫! 哈...阿雪今晚開ot...同我一齊收八點! 我今日又用左百幾蚊喇...買左果條hello kitty錶呀! 本來聽日都係返新舖架..不過而家又好似有d改動咁喎! 唉..我都唔知呀!總之就慘啦..成日俾人調黎調去.. 八點半返到屋企..沖涼食飯!睇電視上網...跟住咪傾電話囉...呵! >>November 10, 2003 at 11:07:22 PM GMT+8 2003 年 11 月 9 日 星期日 【晴】 原來鳳鳳都係返天平呀..今日又遲左少少先返到! 返到去..佢地已經開晒舖喇!唔...今日狀態好差呀!好痛好痛..><" 唔...做野都無心機做!嘩..今日出面攪攤位呀! 所以佢地果d負責人o係出面掛晒旗...唔知佢地點整到盞燈趺左落黎! 攪到我地舖頭出面其中一塊招牌爛鬼左! 仲有火花tim呀...驚驚!我同鳳鳳想勾返d花串返入黎都俾人拉開左! 佢地話危險喎..但係d花串係我地舖頭既財物黎架嘛! 不過又真係好似好危險咁既..盞燈o係度吊下吊下... 到左十二點幾我就食飯lu.. 今餐好豐富呀...有湯又有鹹蛋!不過無乜胃口囉.. 皆因我個肚劇痛囉!唉...好辛苦呀!嗚嗚.... 食完飯都差唔多兩點lu...阿D返左黎呀! 咁兩點三倒..我就搭車落華明o勒!仲要拎住d貨tim呀! 重死人...落到去..第一時間過去玩貝舖同阿俐say左個hello...哈哈! 唔..今日真係想死呀!好唔舒服..乜都唔想做..更加唔想郁! 話咁快又到七點幾喇..過玩具舖清機..跟住返到過去又清機! 八點三就走左lu...返到屋企第一時間就沖涼洗頭.. 跟住食飯...睇電視..睇完電視上左陣網! 傾左陣電話...十二點幾就覺覺豬lu... >>November 10, 2003 at 10:36:29 PM GMT+8 2003 年 11 月 8 日 星期六 【雨】 一返到去阿D就開緊舖..阿芳仲未返到呀! 成搭一,二先返到..仲唔幫手開舖!剩係抹玻璃! 唔..攪掂晒d野..我就開貨!阿D幫我手... 阿芳真係幾攪笑架喎..我o係度整緊野..佢就好得閒! 電話響..佢又唔聽架喎!仲要係佢o係正個電話隔離架喎! 你地話攪唔攪笑o勒..真係激死人呀! 開完貨..攪掂晒d野!到左十一點..就跟梁生車落返華明! 落到去整好d貨..將d貨個位調過晒佢! 今日阿Gu個fd黎左..買左張花紙..阿Gu幫佢包.. 仲叫佢買左張貼紙...佢又真係肯買喎! 後尾阿Gu叫我收佢錢...阿Gu仲玩我咁話份禮物係部俾我架! 攪到個男仔即刻俾份禮物我...話:其實份禮物係部俾你架! 仲同我講話:乜你唔見我成日o係出面走黎走去..望過我好多次咁話喎! 我即刻唔知俾咩反應佢囉..咁咪話我受唔起囉!哈哈... 跟住我就收佢錢啦..佢仲掉低左廿蚊話請我地飲野喎! 唉...我叫佢咪傻..俾佢返..佢又唔肯要!無奈..><" 後尾我梗係將果廿蚊俾阿Gu啦...結果果廿蚊都係俾左我地買野飲囉!呵.. 個男仔走左之後..阿Gu話我到處留情喎!唉...邊柅有呀! 我今日先係第一次見佢..第一次同佢講野架喎! 阿Gu同個男仔識左十幾年架喇...可能係佢初戀情人呀..不過佢又唔應! 根本就係佢自己到處留情..佢仲要識左人地十幾年..青梅竹馬啦!襯到絕呀.. 勁攪笑囉...不過總括黎講:今日既心情就非常非常差啦....唉!><" >>November 10, 2003 at 10:52:36 PM GMT+8 2003 年 11 月 7 日 星期五 【晴】 今晚唔駛我開夜..所以返九點!返到去..阿Gu叫我過去玩貝舖! 咁我就過去同阿俐一齊整野啦...阿俐都話尋日多生意呀! 哈哈...六百幾..都係我勁囉!阿Gu叫我十一點先返過去! 到左十點..我去送報紙!送完返黎無耐...阿Gu又話我十點半要走.. 係走去天平喎...勁無奈囉!玩我咩?唉~ 咁十點半我就搭車過天平啦...返到去無耐! 整下呢樣整下果樣...到左唔知幾時!阿Gu就打上黎搵我... 問我唔知左人地本書件事..根本成件事都唔關我事! 係芬妹幫人影印袋埋左一袋...攪到阿俐唔知道成袋俾左個學生! 唔知左人地本書..咩塔羅牌喎!果個人話要我地倍償佢既損失喎! 因為佢地無左本書...無開工幾日咁話喎! 攪到我俾老闆娘話:又話我知情不報...包庇佢地! 咁我又唔係第一個知道呢件事..我又唔知講左出黎...阿俐佢地會點! 咁咪唔講囉..點知攪到喧 大件事喎!攪到我勁唔知點.. 即刻想唔做囉...後尾都躲埋一二便黎喊!俾佢勁話我... 包庇佢地..攪到累到自己..俾人開file...咁聽抄囉!唉.. 痴線架...跟住轉個頭同人講話唔關我事..我係最無辜果個! 整到我連飯都食唔落囉...三點幾先食左少少咋! .住就繼續整野...到左六點又落左新舖...雪雪放工嘛! 好耐無落過去喇...靚左好多呀!d位改晒咁...返左好多新貨!勁靚勁正... 但係可惜我唔會再返果間舖!不過今日落去係因為新人阿芳放假! 八點半先收完舖走人...可能耐無見鳳鳳啦!同佢都無乜野講.. 又或者係我今日俾So小姐話完..唔開心..無心情講野啦!唉....好唔開心呀! 好想大喊..覺得好委屈...唔知同邊個講好!想死...><" 今日走三間舖真係好辛苦囉... >>November 8, 2003 at 11:54:28 PM GMT+8 2003 年 11 月 6 日 星期四 【晴】 咁我一返到去就要送報紙..送完就去玩具舖! 今日我會全日都o係玩具舖度座鎮! 今日生意唔錯...哈哈!呢幾日都係得兩百幾蚊生意.. 但係我今日o係玩具舖就有六百幾..哈哈!開心呀~ 到七點半玩具舖關門..就過返文具果邊啦! 話咁快又到八點喇...佢地放工lu.. 得返我自己一個...仲有權哥囉! 今晚我好叻叻呀...一個鐘有三百幾生意!哈哈... 連老闆娘都話我乜咁靚呀!白痴架..我勁囉!唔抵得呀?哈哈..^o^ >>November 8, 2003 at 11:33:34 PM GMT+8 2003 年 11 月 5 日 星期三 【晴】 可能已經習慣左早起既關係啦..食左少少野! 跟住就上網...上到十點幾就換衫同嬤嬤去飲茶! 而家放假既例牌節目一定係飲茶啦...><" 一出門口就聽到好嘈...咁咪望下落去囉! 原來隔離幢樓有人結婚...係水上人呀! 睇見佢地真係開心呀...之前同阿詩佢地o係大埔富享村已經見過一次架喇! 佢地真係好開心架..我睇見都"登"佢地開心呀!不過...唉! 跟住飲完茶就返屋企先...睇左陣電視!兩點先出門口! 約左三點鐘覆診嘛!去到岩岩好三點... 唔...仲見到以前中學既社工...林姑娘! 傾左幾多野下啦...而家近況呀...d老師呀同學咁囉! 林姑娘陪個學生黎睇醫生呀!幾好呀... 唔...今次好早呀!等左個半鐘就見社工喇! 五點鐘就見醫生!見完就返屋企...返到屋企都未夠六點半! 失望...今日無去到旺角捐血呀!因為唔夠時間... 同埋我又想早d返屋企....唉!咁唯有等下次放假先去捐啦! 返到屋企煮左個麵食囉...就係咁囉! 今日唔係咁開心囉...對住個社工唔知想講乜....唉! 我愈黎愈失控喇....救命!我要努力..加油!yeah...俾心機呀!kk.... >>November 8, 2003 at 11:39:07 PM GMT+8 2003 年 11 月 4 日 星期二 【晴】 咁攪掂晒d野就七點半出門口啦!點知差唔多去到M記果時..俾我撞到柏軒! 開心啦...哈哈!好耐無見...嗲左兩句咁啦!因為佢趕時間返學! 咁我就同嬤嬤去大家樂啦...食早餐!食完都八點半lu... 食完我就返屋企先...返到屋企都未夠九點!第一時間上網.... 九點七先出門口...因為今晚開夜...返十放九! 今日工作...ok啦!聽日放假呀...不過要去覆診!><" >>November 8, 2003 at 11:09:33 PM GMT+8 2003 年 11 月 3 日 星期一 【晴】 根住就做其他野..今日又係帶飯呀! 唔..四點半阿莉放工..我又過玩具舖頂佢! 到左差唔多七點半...我清機...果個新人molly過黎影印! 影影下...部機無啦啦jam紙!唉..哄住佢攪唔掂..又叫我! 但係我又數緊錢喎...so數埋手頭上果d先幫到佢! 其實我都唔係咁識整...唉!最後部機都係死左囉! 我影果時又無事...佢影就jam左紙!><" 死啦....聽日要call人黎整機tim呀! 今晚阿Gu本來放八點架..但係佢成八點十先走... 因為佢教我清機..佢話我唔識清機喎!哈.. 阿gU走左之後...就剩返我同權哥o係度! 今日都ok啦...唔錯丫! >>November 5, 2003 at 9:54:44 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39982
Design & Scripting by ShowHappy.Net