2003 年 3 月 22 日 星期六 【陰】

尋晚未夠一點就上床諗住覺覺豬架喇!不過訓黎訓去都訓唔著...
唔知點解右隻眼好痕呀..之後我就用隻手係咁整...係咁整!不過都仲係好痕又好痛!><"
咁就去左廁所洗下隻眼佢o勒!攪攪下都攪到成兩點幾先至有得訓呀!
今朝十點就起左身lu...隻右眼仲腫晒tim呀!煮左個麵食!早餐呀~hehee!^^"
到左十一點半就去左沖涼洗頭!跟住上左陣網!到左一點就出左門口喇...
首先就係去左惠康...約左阿歡借俾部相機佢!佢聽日就要搬喇..搬去上水圍喎!
好野..佢話下星期就可以去玩喇!哈哈..好耐都無去過上水圍喇!我以前係住上水圍架....
其實我好鍾意果度架..圍村幾好架!又大喎......哈哈!^o^

俾左部相機佢之後就傾左兩句!之後就去火車站搭火車出去o勒!約左男朋友o係中環等!
出到紅磡就搭101去中環!勁暈囉...唔知係咪因為肚餓呢?兩點倒就接到男朋友個電話...
之後又約左o係中環天星碼頭等!落車之後..真係好暈囉!幾乎行都行唔到呀!><"
見到男朋友之後就去左M記食左個豬柳蛋漢堡!係我既lunch呀!之後就搭天星過尖咀!
再搭巴士去旺角!o係雅蘭度落左車..先去左甲子園!因為男朋友先前o係果樹報左個course!
可能係太少人報讀既關係..所以無得開班!就呢個原因我地就諗住上去退返d錢!
上到去..同個女人傾左陣!但係個女人講d數唔係佢負責!所以d錢唔可以拎返住!
咁之後就去旺角中心買錶o勒!尋日睇中左兩隻..諗住今日問下男朋友意見..睇下買邊隻!
不過最後都係買左我比較鍾意果隻!hehee..因為男朋友都話果隻靚d喎!同我一樣..哈哈~
俾錢果時..男朋友話送俾我..幫我俾錢架!因為佢而家帶緊果隻錶都係我送既!
但係我堅決話唔駛..因為我尋日買果隻錶都係送俾佢做生日禮物架嘛!
咁無理由我自己買錶又要佢俾返錢!咁咪即係無數..唔可以咁架!

買完錶就即刻離開旺角中心喇..因為實在太多人喇!之後一路行..就一路睇數碼相機!
又買左少少野黎食!再行去彌敦道....一路行就行到去廟街..再行到去油麻地!
行到累...我地就o係許留山坐左陣食下糖水!食完就繼續行....之後都唔知行到去邊度lu...
好似係九龍站....有機埸快線搭架!不過話咁快就已經七點喇係時候要走喇.....
!因為男朋友今晚要去飲佢表哥餐喜酒!咁我地就去左巴士站搭小巴過旺角!
嘩..又黎搭車喇!勁暈呀...好辛苦!仲有d想作嘔既感覺tim!><"
o係火車站落車之後!男朋友就陪左我去新世紀美食廣埸!
因為我要食野!我一暈就要食野架喇!係咪好奇怪呢?哈哈~
男朋友幫我買左碗麵..仲幫我拎埋!之後佢就走左喇!
咁我就剩係自己一個好孤獨咁食麵o勒!

食完就自己搭火車返屋企...搭火車果陣..就o係度訓覺!因為實在太過眼訓喇!醜態百出....哈哈~
返到屋企都係八點幾...抖左陣就去沖涼喇!出到黎就一路睇電視!係笑傲江湖呀!
我一集都未睇過架!但係估唔到我可以睇到大結局喎!哈哈..我男朋友好鍾意睇呢套劇架!
佢成日為左睇呢套劇而唔理我架啦!而家終於都做完lu...不過都會有下一套架嘛!
唔知佢會唔會繼續睇落去呢?到左十點半我就上床訓覺lu....
點知又係訓唔著!隻右眼又好似尋晚咁...好痕!唉....都唔知咩事!
唉....又係咁打噴嚏喎!唉...仲流鼻涕tim呀!真係慘~><"
十一點幾都應該訓左架喇!病左咁耐都未好....
會唔會係非典型肺炎架...好驚呀!




>>March 23, 2003 at 11:23:18 PM GMT+8

2003 年 3 月 21 日 星期五 【陰】

哈..今日竟然無雨落之如仲有少少太陽tim喎!^^"
前兩晚都唔夠訓...所以尋晚好早就訓左!係十二點呀...直至到今朝十一點先俾人叫醒去飲茶!
咁唯有即刻起身去梳洗啦!梳洗完換埋衫無耐就出門口去茶樓lu....
飲完茶同嬤嬤行左陣實惠!好多野想買呀!床啦..電腦檯啦!檯檯椅椅啦!衣櫃等等...
我直情想將間屋番新呀!哈哈.....

返到屋企都係十二點半!之後就睇左陣書!一點又去左睇電視...睇到兩點半倒啦!
之後又繼續睇我既書..睇到悶悶到就去左上網o勒!玩下icq呀...寫下日記呀!
睇下網頁...係勞工處個網同埋一d搵工既網!之後四點就俾人叫去洗白白!
洗完出黎四點半..咁就執埋d野!準備出門口!準時四點九就出左門口lu...
因為要去圖書館還書!極速哩...咁快又睇完兩本喇....哈哈!
o係圖書館還完書出返黎只係五點咋!約左阿欣五點七八個字o係粉嶺火車站等!
不過算啦!無野做咁咪早d過去囉!入左閘俾我見到有得拎Recruit喎!少有人...次次都無既!
咁咪拎左兩本囉..諗住俾本阿欣!哈...去到粉嶺火車站唔記得等左佢幾耐喇!
佢好似五點五個字黎到!仲有佢個fd tim.....哈!大開眼界呀....阿欣!^o^

出到旺角第一樣野就係去醫肚!所以去左買三寶食!買完就行返上天橋!點知見到余sir喎!
係我地中學既老師!中三教過我地物理既!不過無行埋去叫佢..佢亦都見唔到我地!就算俾佢見到都唔認得啦!
今日出到去旺角都係食下野呀!睇下野呀咁啦!買禮物呀!有阿欣o係度終於都買得成喇....
阿欣你真係我既好幫手呀!哈哈...唔該晒!好野..真係開心o勒!我買完我要買既野....
就輪到阿欣去睇佢想買既野o勒!佢想買袋喎!旺中睇唔岩..咁咪去左潮流特區囉!
睇左都幾耐下...始終都係去返先前果間度買!我同阿欣一人買左一個!買一送一喎!
不過都要成$90呀!我買果個都係作為禮物之用既!hehee~
買完之後就去左許留山食野!之後又行左陣...又食左少少野!
之後就行去火車站搭車返屋企lu..不過差唔多到火車站果時又買左樣野!
唔記得左叫咩色燈座!擺個手樽上去會變七種唔同顏色架!$20咋..咁咪買俾媽咪玩下囉!
因為之前媽咪都話想要類似呢d野既玩意架!所以我就買左返黎o勒!哈哈....開心開心!
十一點半就返到屋企lu!今日都差唔多啦!玩得好開心..不過荷包就..大出血囉!哈哈....
不過唔緊要...買禮物俾男朋友嘛....應該既!d錢用左可以再儲過既姐!^^"


>>March 22, 2003 at 12:15:02 AM GMT+8

2003 年 3 月 20 日 星期四 【雨】

唔...唔知係咪尋日求完籤既關係!枝求籤話我同男朋友唔會長久!所以個心一直都唔係咁舒服~
本來尋晚十二點幾已上左張床諗偽訓覺!但係訓黎訓去都訓唔著!眼光光咁...咁咪o係張床度做sit-up囉!哈~
唔..好似係大概兩點幾先訓得著呀!不過今朝八點半就起左身lu...因為要趕住去圖書館借返尋日收埋果d書!
咁我八點九就出左門口o勒!其實我仲係好眼訓架!不過無計啦!鬼叫我好想睇果幾本書咩~><"
唉...連續兩晚都唔夠訓!好辛苦呀!去到圖書館之後就即刻搵返尋日我收埋既書..四本都o係齊樹呀!哈哈....
之後未走住!去左電腦果樹查d野!因為仲有好多種類既書我都想借!唔...查到喇!之後就去搵啦!
俾我搵到成六七本咁多!咁一張圖書證只係可借六本書架咋嘛!我之前已有兩本書續借!尋日又搵到四本!
加埋已經六本啦!所以已經唔可以再借!但係果六七本都係我好想睇既書!我就諗好唔好叫我個fd出黎幫我借呢?
不過諗諗下都係唔好啦!咁早人家都未起身啦!又唔係咁想麻煩人喎!而家只不過係九點半咁早....
所以就唔返屋企住!坐o係圖書館睇我想睇既書!無幾耐...有個人坐左o係我坐緊果張檯度!
原來係我既中學同學!大口青~~哈!開心呀...開心既唔係因為見到佢!係因為可以有人借張圖書證俾我借書!
咁我就拿拿林問佢拎張證啦!就即刻去借左六本書!借完之後..又坐返埋去繼續睇書!佢叫我陪佢一陣喎!
因為佢想上網!咁就去左AV room度約時間!約左十一點!之後我同佢講..我十點半就要走...因為要返屋企煲飯!
唔...跟住一路睇書就一路同佢傾計!傾下d同學而家點樣...做緊咩咁啦!大口青而家仲o係醫院做緊野!
不過而家醫院好危險呀!所以要小心小心!佢都幾好丫而家..起碼有份工!仲o係港大度讀緊中藥tim~唔錯唔錯!
而我又係咁啦....搵工中~慘><"到左十點半我就要走喇...走果陣又借多六本書...好慘呀!捨棄左一本呀!
哈哈..今天總共借左十一本書既呢!真係覺得自己有d問題呀!hehee~

唔記得幾點返到屋企lu..即立即煲飯啦!之後睇書...過左陣開飯!食完飯又係睇書...諗住有電視睇架嘛!
點知無喎...又係講打仗d野!真係煩呀....有乜好打喎!成日都講打講殺!咪又係累到d無辜既人..攪到死傷無數!
人心惶惶!唉...何必呢!電視無野睇...所以嬤嬤就熄左電視去訓覺!咁我就繼續睇書啦!嬤嬤叫我返入房睇...
話唔好o係廳開住盞燈睇喎!攪到佢訓唔到覺!但係我又唔想返入房..咁唯有又再出過去...去返圖書館度睇啦!
帶左一本書出去睇!去到圖書館無位呀!所以就走左入兒童圖書館度坐低睇o勒!好多位呀果樹...hehee~
好耐都未入過去lu...記得中學果陣時都同朋友入過去一齊做功課架!果陣真係好開心囉~^.<
三點幾就睇完本書o勒!咁再去成人圖書館睇下有咩書好睇啦!又俾我搵到一本岩心水既..
咁就還左我睇完果本書..再借我岩岩搵到既書o勒!所以而家屋企都係仲有十二本書既!
四點就返到屋企喇..之後就沖涼!又開始睇書!好忙呀...哈哈!

到左夜晚都無乜特別!都係食飯睇電視...電視賣廣告咪又睇下書咁囉!hehee~
十點睇完電視又去左上網o勒!好累呀...兩晚都係訓得五六個鐘!真係好累!所以上到十二點就上床訓覺覺lu...

聽日又有得出街街喇..好耐無同阿欣出過街喇!^^"

>>March 21, 2003 at 3:23:32 PM GMT+8

2003 年 3 月 19 日 星期三 【雨】

今朝七點就起左身喇!因為要見工嘛!十點鐘要出到黃大仙呀!
不過唔係好願起身囉!因為唔夠訓!我好耐未試過咁早起身啦!尋晚又夜訓喎!
差唔多成點鐘先訓!訓得果六個鐘!平時我起碼訓八個鐘架嘛!唉~
精神咁差....見工又點會有好既表現喎!

咁食左少少野...到左八點半就起程o勒!約左阿詩九點半o係黃大仙地鐵站度等!
未到九點半就去到lu...阿詩都到左喇!咁我地就一齊搵果間中心出黎啦!
果個講座係十點鐘開始!我地九點八個字倒就去到lu....o係間大房到坐!
果陣時都唔係好多人....計埋我地都係十個倒!等左成十點三先開始.....
都差唔多有成六十人呀!死啦..咁多人!佢先請得二十個位!都唔輪到我啦!哈...好灰咁~hehee!
佢地由十點三講到十一點半多!講下呢個職位係做d咩呀...間公司既背景呀..晉升機會等等!
而我就一路聽一路好眼訓咁!但係我都死撐住!唔知俾人睇到咁失禮既!我真係好留心聽個講座架!
其實呢間係一間物業管理公司!佢仲話會有筆試同面試喎!筆試就會考下d英文同加減乘除咁喎!
佢地講完之後....就開始派申請表同試卷俾我地填o勒!開始筆試喇..全部都係美文黎架!

我覺得自己筆試都ok既...只係有小部分唔識姐!之後就開始逐個面試!
好在我同阿詩早去到...個no.都好前!所以我地in完都係十二點九倒就走得lu....
唉....呢個interview又係咁!都唔係我想像中咁既..都係好求其咁問左幾條就算!
一睇就知唔請啦!哈...算啦!唔好灰心...繼續努力!

嘩...出到黎係勁肚餓架囉!咁我同阿詩就行左去龍翔中心!首先入左間cd鋪到!
之後就去左醫肚o勒!醫肚途中就同阿詩傾計..傾傾下就講起一陣去邊啦!
我就話出旺角...因為想買d野!講講下又講起阿shino媽喎!咁咪打電話俾佢睇下佢出唔出旺角囉!
佢即刻好大聲咁話出喎!咁就係咁易約左兩點半旺角等啦!咁我同阿詩見仲有時間....
食完野咪o係個商埸度再行多陣囉!行到唔記得幾點...我就提議話去求籤o勒!
咁就落返地鐵站去黃大仙廟啦!一出到去我同阿詩都俾d買香既婆婆扯住!
話幫婆婆買香啦!$5咋...但係我地兩個都堅決話唔買喎!因為唔識拜神!
阿詩幾經辛苦先擺脫到個婆婆...但係我就..仲俾個婆婆纏住唔肯放呀!
個婆婆仲放左紮香落我個衫袋倒tim呀!我當時都唔知點算!咁咪拎返紮香俾返個婆婆囉!
佢又走開左..話$5咋!買啦買啦!呢個時候好在阿詩又返轉頭幫我咋...哈!thx阿詩~~^.<

終於都上到去喇!行左陣...就去左求籤lu....今次係我咁大個女第一次求籤呀!開心開心~
我求左兩枝!第一枝係求事業...第二枝係求姻緣!哈...求完就梗係去搵解籤佬解籤啦!
我係咁易講俾大家聽啦!個解籤佬話我事業果枝係中吉!話五,六月會搵到工喎!果陣係最好時機!
而問姻緣果枝就係中平!話我同而家個男朋友一定唔會有結果喎!仲叫我要有心理準備咁話喎!
我都知架喇...我地今年成日都鬧交!星座書又話我三月會散喎!唔...個解籤佬仲話就算而家唔散!
下半年都會散喎!唔....講真丫!其實聽完真係有d唔係咁安樂架!之後我就問佢有無咩化解方法啦!
佢叫我買d野返去喎!唔記得清楚係咩喇...不過到最後我都係無買到囉!佢話我同男朋友兩個都有脾氣喎!
攪到成日都鬧交..仲有呀!佢話我地兩個簡接相剋喎!佢好清楚咁o係本書度拍俾我睇架....
我地兩個真係由頭剋到落腳指尾呀!唉...差唔多幾乎樣樣都剋住對方!唉...我都唔知點算!
不過算啦!實在太多野煩喇...而家我最想既就係快d搵到野做咁囉!唔想再煩其他野!
如果個解籤佬係準既話..咁我咪仲要o係屋企hea多兩個月!唉...不過我都唔會咁迷信既!
自己繼續努力搵工啦!呢d野順其自然啦!

求完籤之後就去搭地鐵落旺角喇!因為已經夠晒鐘喇!去到都唔只兩點半啦!
去到旺角都係行下街咁囉!其實我係諗住買禮物俾男朋友架!因為佢就黎生日喇...
唔....不過好可惜睇唔岩丫!其實阿詩同shino媽佢地都係出黎睇眼鏡喎!
不過佢地都係睇唔中...之後我無啦啦又提議去捐血!因為真係想捐左好耐...
不過男朋友堅決唔俾我去捐!佢話血好寶貴喎!仲拎埋我張捐血咭tim呀!
所以我都成年無捐過血喇!點知今日突然心血來潮又想捐....哈!
不過好可惜到左最後都係捐唔成既...因為我仲病緊!所以個姑娘叫我唔好捐!
而同我一齊同行既阿詩同shino都唔捐得!因為阿詩喉嚨病...而shino媽就話有d暈!
哈...三個都捐唔成!咁就唯有上左八樓度睇眼鏡啦!又睇唔成...搭電梯果時睇到個牌!
話咩塔羅館喎!咁基於好奇心之下咪去睇下囉!原來果度有塔羅牌出售同埋有開班教人玩塔羅牌架!
仲有得幫人用塔羅牌占卜!不過$50問一條問題!果間野都係開左張幾日咋....

出返黎之後就去左花園街睇衫!睇左幾間咁啦....阿詩就話就快五點半...咁就話走啦!
不過佢地仲諗住去埋新世紀度睇埋果間眼鏡鋪先喎!咁我就走先啦!因為我仲要趕返屋企拎d書去圖書館度還!
果陣先至五點半度!咁我就自己一個人搭火車返屋企o勒!六點幾返到屋企..就即刻執d圖書同vcd落袋出左門口喇!
咁就去圖書館還書先!還完書又想借書喎!咁就去左睇下有咩書借啦!俾我搵到三本書呀!
諗住走果陣先發覺原來無帶圖書證!激氣呀!咁我就試下問借書處果個人無帶圖書證俾唔俾借啦!
佢話梗係唔俾啦!仲係好大聲話我果隻呀!嗚嗚....唉!不過我個問題又真係幾白痴下既.....哈哈!^^"
咁就唯有擺返埋d書啦!不過我將佢三本擺埋一齊!擺書果陣又俾我見到另一本書...都幾想睇!
所以又將佢擺埋一齊!即係四本!諗住聽朝一早就去圖書館度借!因為驚俾人執返原位又或者係俾人借左!
好衰呀我.....哈哈!唔緊要啦!一次半次....hehee~之後就去左還碟!還完碟就去食我既晚飯喇!
去左食雲吞河呀!食完就返左屋企lu...返到黎都八點!咁睇左陣電視就去沖涼!
沖完涼又繼續睇電視!哈.....之後就上網囉!寫返之前d日記!再寫埋而家呢篇日記!勁呀~

今日好犀利呀!差唔多出左成十二個鐘頭街呀!好耐都無試過喇!
唔知係咪而家無野做既關係呢?我而家隻手勁痛呀!但係今日都唔係行左好多個鐘咋嘛!
好奇怪啊!哈..我諗係因為我太耐無做過運動喇!今日出得耐少少姐....又話腳痛o勒!哈~
我諗訓返一覺就會無事架喇!呢篇日記真係長呀!好耐都未試過寫得咁長喇.....哈哈!
開心開心!不過打字打死我喇!一連寫左三篇日記喎!真係唔野少架~^.<



>>March 20, 2003 at 12:17:49 AM GMT+8

2003 年 3 月 18 日 星期二 【雨】

今日起身無耐就食飯!本來諗住食完飯就出去圖書館還書既!
但事關我o係食飯之前睇緊隻vcd...係『office有鬼』...所以食完飯就繼續睇埋落去!
睇睇下我都唔係咁想出lu...睇完都成三點半!又落緊雨...所以都係決定唔出o勒!

無耐咪去左沖涼洗頭囉!聽日見工嘛...係一個招聘講座黎既....職位係"客戶服務助理"....
之後都無乜野做!都係上下網!o係icq同人傾下計...打左陣機咁囉!
未夠十一點半就上左床訓覺lu....呢個時候男朋友就打黎喇...
同佢傾左一粒鐘倒啦!傾呀傾呀....傾傾下...佢又拎返d我唔想再提既野出黎講!
又攪到我喊喊喇....激氣呀!不過算啦!唉....又喊到隻眼仔腫晒喇...聽日仲要見工tim架....死得!
我諗十二點半倒都應該訓覺卦...唔知呀!哈~


>>March 19, 2003 at 10:47:55 PM GMT+8

2003 年 3 月 17 日 星期一 【陰】

嘩..又兩日無寫日記喇!真係無記性喇...
近排唔係咁想寫日記呀!懶呀嘛..hehee~
只不過係過左兩日既事咋嘛!我都唔係好記得做過咩lu.....

其實我都記得一d既!但係就唔記得點解要出街o勒!
不過岩岩突然之間又記番起喇!今日係星期一.....
尋日係星期日...媽咪入左黎!咁我地就行街買衫咁啦!
仲買左個袋tim....跟住果晚媽咪即刻打電話黎話個袋有d問題...所以我就睇下啦!
因為我都買左個!嗯~我都覺得有d問題喎!所以就諗住去返間鋪頭度問下啦!

今日就係因為呢個原因而出街既!嘻嘻...終於都記返起喇!老人痴呆又黎喇...呵!^o^
咁出到門口之後..就第一時間去返間鋪頭度問下啦!哈..其實係個袋條帶有d問題!
跟住個sale就即埸試範俾我睇!原來個袋條帶係無問題架!我以為阿媽傻姐..點知我又陪埋佢一齊傻喎!哈~
攪完一輪之後..我就去左租碟lu....租左兩隻!一隻係『無間道』..另一隻係『一碌庶』!
一碌庶原來係取景於長洲架喎!哈哈...我都唔知tim!不過我見過果個拍攝埸地囉!果陣搭緊長洲戲院嘛!
唉...是但啦!不過套戲真係麻麻囉!無間道其實之前都睇過既...都可以再睇多次架嘛!嘻~
唔...唔記得幾點返到屋企喇!一連氣睇晒兩套!唔...不過部機真係有問題!整極都整唔到聽廣東話!
攪到我要聽國語!不過一時時啦!一時廣東話一時又國語!激死人喇....嗚!><"

今日都係唔多啦!夜晚上下網呀!打下機呀.....咁又過左一日lu....
其他唔記得咁多lu....大家請多多見諒!



>>March 19, 2003 at 10:29:11 PM GMT+8

2003 年 3 月 16 日 星期日 【晴】

尋晚同男朋友去完街食埋飯返到屋企都十點幾lu..
跟住又打左陣機..唔記得幾點訓覺喇!

今日媽咪入黎呀!所以十點幾就起左身!無耐都出左門口去飲茶!
今次算唔話得喇卦!次次都係媽咪搵位既..今日我特登早d起身落茶樓搵位架!
哈哈..咪話我訓到咁晏嘛!hehee....飲完茶就出行街街!去買衫啦...買袋啦!行到累..
又去左公園坐左陣...傾下計!之後又去左碗仔翅!哈哈...今日都好開心呀!
買左兩件衫..一個袋!唔講咁多喇.......如果唔係有排講呀!

食完晚飯返到屋企試衫....發覺件衫既扭門位有d唔妥喎!
咁就即刻出去換過件o勒!今日係咁上下啦!唔記得咁多喇....^^"

總結:今日就係同媽咪行街兼掃貨囉!哈哈...開心呀!不過無錢啦...
今個月仲要買生日禮物俾男朋友tim架.....><"

*************************************************************************************
今日係我一位好好..好好既朋友hody既19歲生日!
我o係度祝佢生日快樂!雖然你o係澳洲果邊生活...但係都唔好唔記得我地香港呢邊既好朋友呀!
我地個個都好掛住你架!等緊你返黎呀!我真係好掛住你架!^.<
Forever Forever Ever & Ever~~~~~~~

>>March 17, 2003 at 3:46:44 PM GMT+8

2003 年 3 月 15 日 星期六 【晴】

唔..尋晚同男朋友打機打到三點幾先訓呀!所以今日成點鐘先願起身!
起身都無乜野做...又係打機!打完機無耐四點半倒就出左門口lu...
今日起身都未食過野!成五點幾鐘先食左少少野咋....

其實今日好唔開心架!咪又係因為又同男朋友嘈黎囉!
唉..都唔知行咩衰運架!激氣呀!攪到我又喊黎喇...
喊到隻眼都腫晒!我好耐都無喊過架喇...
不過好在到左夜晚都無事!咁我都無咁唔開心!

算啦..都過左咁耐咯!唔好再提喇...
哈..我都未試過三日咁唔寫日記既!
積積埋埋我都唔記得發生過d咩事lu...
so星期六就寫咁多先啦~hehee!^.<

>>March 17, 2003 at 3:30:35 PM GMT+8

2003 年 3 月 14 日 星期五 【晴】

唔....今朝成十一點先起身呀!牙都未刷就即刻打電話喇!哈哈.....
不過唔知點解個無線電話用唔到呀!跟住我就係咁拍個電制啦!點解無燈著既....
跟住就試下其他電器啦!全部都唔著呀....慘喇!停電呀.......咁咪乜都用唔到囉!電視又睇唔到..電腦又玩唔到!
之後就用第二個電話o勒!打俾勞工處登記份工呀!今次登記左兩份...一份係尋日阿詩講果份...另一份係康泰既票務員!
之後先去刷牙洗面!十一點半未夠就出左去喇!嘩...三部升降機都唔用得呀!咁就死得啦....
咁我唯有落樓梯啦!落到樓下..睇下張紙!嘩...成五點先有返電呀!咁我返屋企咪要上樓梯囉!
十七樓呀!唔野少架喎!我平時又無乜點做開運動喎!咪索氣死我~><"
出到去....就去左M記食開心樂園餐!換大頭狗嘛..哈哈!開心開心~
食完就去銀行入錢錢同打簿!哈哈...果$1000真係入左落我銀行喇!好野..又有錢錢落袋lu...
等我儲埋佢先!之後就去左睇衫衫喇!嘩...大出血呀!買左幾件衫咁啦!慘..呢頭話儲錢果頭又用咁多錢~><"
唔...都買左好多lu!但係又驚自己又睇到d靚衫衫又要買!所以就決定返屋企o勒!
唉...真係呀!要行樓梯呀.....十七樓呀!大佬~咪玩我啦!我仲要同d整電既人鬥快!
佢地應該係上十九樓!我仲要一路行一路睇信!勞工處寄黎既信!話將果$1000入落我銀行!
嘩..一路行一路睇!真係有d暈暈地呀!不過我都行得快過佢地!哈哈...win左!yeah~^.<

返到屋企!就死咁滯..咁就抖左陣啦!無耐嬤嬤就出門口去中心學寫字lu....
咁我又無野做!因為仲未有電..所以乜都唔做得!咁就唯有執衣櫃啦!
睇下邊d衫唔要..咪掉左佢囉!將d夏天衫拎返出黎!執完就試下頭先買返黎果d衫o勒!
唔得呀...要減肥至得喇!為左d靚靚衫..一定要實行減肥行動!但係剩係識得講..又懶去做!哈哈~

嗯!到左三點半倒啦!我聽到我個printer有d聲喎!跟住就試下開燈啦!著喎........oh,yeah!
有返電喇!咁梗係即開電腦啦!哈哈..咪就係咁囉!到左四點就沖涼洗頭喇!
跟住都無乜特別事發生....今晚要出街呀!所以今日早左寫日記!

姐姐:好開心見到你既留言呀!對唔住呀!我呢幾日掛住打機..都無乜點同你傾計tim!其實妹妹好掛住你架!^.<

some1:你又係邊個呀?係咪上次話我貪錢果個呢?哈哈..你又知我無搵野做既?
你錯喇...我有架!我唔係剩係識得掛住打機架!不過近排打機..又真係搵得無咁落力既~
仲有呀!我係好大駛!不過已經係之前既事lu...我而家"閒"左好多架喇!一係就唔係點用錢!
但係一用就會用好多!哈哈...我都唔想架!你一定唔係我個fd黎啦!一d都唔了解我既!
不過多謝你呀!哈哈.....但係都唔知多謝你d乜!我要檢討咩呢?我有搵工架喎!
你估我想日日o係屋企發霉既咩....有人肯請我至得架!你有心喇...我既事唔駛你操心!
對不起!我不是串你..但係我既性格就係心直口快!有果句講果句!
唔知你係邊個都可以同你講咁多廢話!我份人就係咁....請原諒我!hehee~




>>March 19, 2003 at 10:52:58 PM GMT+8

2003 年 3 月 13 日 星期四 【晴】

哈..而家成日都掛住打機!尋晚又同男朋友一路拎住個電話一路打機喇!我都都傻既..hehee~^^"
唔..今朝差唔多十一點先起身!跟住就食飯.食完飯又再去打機!
跟住唔記得幾點收到阿詩個電話!問我勞工處d人有無打過俾我!
跟住就係咁講啦..話有份工介紹俾佢喎!但係就無人打俾我!而阿詩就講左俾我知份工係點~
問我有無興趣...叫我上網睇!咁我就即上網睇啦!好似係客務助理之類咁啦!
仲有呀!阿詩話收到信同e-mail喎!我地之前實習果度有$1000津貼架!
而家有得俾我地喇!我就即check e-mail啦!我都收到呀!不過我呢兩日無落過街..所以唔知有無收到信!
唔..講返之前份工先!我對呢個工作都頗有興趣..所以決定聽朝就打電話去登記!哈哈...
不過我覺得呢個計劃無乜用囉..其實靠自己仲好呀!唉..不過都唔知幾時先至搵到野做囉~
好灰呀!不過而家成日掛住打機!都好少上網拉工lu......曳曳呀!hehee~

唔....夜晚都係咁!食完飯就睇電視!到十點就玩電腦!
睇VCD呀!今日都唔知攪乜鬼..聽唔到廣東話!剩係講普通話!激氣呀~
等我攪完一輪之後...終於都聽到喇!真係多謝晒男朋友呀~^.<
唔...今次係睇『九個女仔一隻鬼』.......由十一點睇到十二點半!
之後再打左陣機!一點就訓左lu......hehee~^^"

蔚蔚表妹:點樣先可以玩"仙境傳說"呀?表姐都想玩呀!教我丫~哈哈...^.<

Brenda:你話我既生活過得好充實?你好似串緊我咁喎!究竟你係串緊我丫定係羡慕我呀?哈哈....遲d傾啦!

>>March 14, 2003 at 7:11:28 PM GMT+8