2003 年 5 月 19 日 星期一 【晴】

今日十一點先起身!無耐就落左樓下買漂水...梗係買黎漂我件衫衫架啦!
好可惜..我買既碧連無用..之後用屋企既彩漂都唔得!唔開心唔開心~><"
算吧..買過一件啦!

咁我兩點就出左門口...亞歡已經o係M記度等緊我!
之後我地去左大家樂度食lunch..仲見到佢既孖女同學!^^"
食完之後就行左一陣..我仲買返件衫衫tim呀!心情已經好返..hehee~
咁就諗住去亞歡屋企啦..點知呢個時候我個肚勁痛囉!因為今朝早M到...
真係好痛好痛!鬼咩..遲左成十日黎...又多又痛..個肚又勁脹..就死咁滯tim啦!唉~
咁就索性唔去亞歡屋企..自己慢慢行返屋企休息o勒!四點幾就返到屋企lu..


>>May 28, 2003 at 2:14:42 PM GMT+8

2003 年 5 月 18 日 星期日 【晴】

今日十點三就起左身lu..跟住十點九就出左門口!
約左媽咪o係九龍飲茶...嬤嬤都o係度呀!我同嬤嬤十二點過d就去到茶樓o勒!
媽咪都係岩岩坐低咋...媽咪話果間茶樓要等好耐位架!所以媽咪十一點鐘已經去等位架喇!
今餐係我請...三個人食左$143呀!我就覺得好勁囉..三個人!我地叫左十三碟野!
不過d野未黎晒..我地已經好飽...so趁佢未黎之前..我就即刻去埋單走人!hehee~
飲完茶就出發去油麻地啦..因為嬤嬤要去Amway買野!於是我地就行返去火車站啦...
本身諗住搭巴士架...不過繼嬤嬤又話想拎口罩喎!><"
咁去到火車站..我地三個人就每人拎左個口罩o勒..好樣衰呀!拎黎又唔係帶喎!
搭到去九龍塘就轉地鐵去油麻地啦..o係九龍塘果時又再去拎口罩喇..真樣衰!
嬤嬤又話唔覺...噓噓!

去到Amway買完野o勒..不過無晒d維他命C...唯有下次再黎過啦!
咁之後就返上水o勒..返到上水都係四點九左右!咁就返匢企放低d野..
抖左陣..就再同媽咪出去行左陣..約左嬤嬤爺爺六點鐘o係海港食飯...
我同媽咪一人買左件衫...到左六點就去食飯!四個人食左三百幾...
今餐都係我俾錢...補返母親節嘛!^^"

八點就返到屋企o勒...之後沖完涼洗完頭就洗衫啦!
拎埋今日買果件去洗...點知洗完件新衫變左色!><"
上次已經試過一次架喇..d衫變晒藍色喎!我又唔知邊件衫褪色喎!
所以就無理到..不過我而家好肯定係我件黑色衫褪色囉!慘~
我今日新買返黎件衫著都未著過架...咁就玩完!仲要成件粉紅色變左粉藍色tim...唔制呀!
激氣...仲好傷心tim呀!

夜d就去左上網...兩點就訓左lu...

P.S:今日我都總共拎左八個口罩呀!So Cheap....哈哈!
同嬤嬤平分...每人四個!我會俾晒阿華..哈哈!
因為佢有一次試過無帶口罩..o係火車站拎過一個!
又獨立包裝喎...佢仲叫我下次經過幫佢拎...
不過我知佢係講笑既姐...今次又拎左喎!so都係俾晒佢....hehee!

>>May 28, 2003 at 2:13:33 PM GMT+8

2003 年 5 月 17 日 星期六 【晴】

尋晚點幾鐘先訓..今朝七點幾就醒左喇!
唔知點解今朝勁大風囉..係咁吹..攪到我一連打左十幾廿個"乞痴"都有呀!><"
一路打一路訓....都訓唔到既!打到九點幾仲o係度打緊喎..咁就索性唔訓啦!
十點幾煮左個麵食..十二點就出左門口o勒!約左阿歡一齊出灣仔!
我去灣仔會議展覽中心...因為馬會o係果度攪左個一連兩日既招聘會!
而阿歡就去灣仔拎printer....原本我約左阿詩同kathy o係尖咀天星碼頭度等架!
不過講講下...阿歡又話不如索性同佢一齊搭地鐵過灣仔喎!咁我咪話好囉..
所以就打左俾阿詩...約佢o係灣仔等o勒!

我地未夠一點三已經去到灣仔地鐵站喇...勁多人囉!><"
我再打俾阿詩..阿詩話已經到左天星碼頭喇喎!
咁我就話o係地鐵站等埋阿偉先..阿歡陪我等左陣之後都走左lu....
無耐見到阿偉..就諗住行過去搵阿詩啦!問佢o係邊度等..佢話五枝棋杆喎!
但係我同阿偉見到咁多人排緊隊..就索性叫佢地過黎!點知講講下原來佢地仲o係尖咀果邊既天星!
真係俾阿詩佢激死...明明講左o係灣仔等!佢仲應承左....點知轉個頭又...唉!
總知阿詩一"痴"埋阿kathy姐度就傻傻地咁架喇!阿詩,我講得有無錯呢?嘻嘻~

兩點幾先見到kathy同阿詩...佢地仲各自帶左個朋友黎!
咁人齊啦..大家都好一致咁決定左鬆人...佢地話排到金鐘喎!點排呀大佬....
又咁鬼死熱!之後我地o係金紫荊出面企左陣...睇住阿kathy同阿偉耍花槍...哈哈!
之後阿詩同佢個fd(fanny)走左...而我,阿偉,kathy同佢個fd就去左集成既M記食野!
食完行左陣集成...三點九我就搭丁丁過中環o勒!因為約左阿華....^^"

四點三見到阿華之後..就搭地鐵過返灣仔!阿華拎左部電話去整..因為佢部電話成日都顯示sim卡錯誤!
之後就搭巴士返紅磡...再搭火車返上水!返到屋企佢就幫我裝部燒碟機!
到左八點幾我就煮麵食...晚餐呀!又係煎蛋同腸仔呀!例牌呀...哈哈!
咁佢十點三倒就走左lu...而我十一點都去左訓覺覺!


>>May 26, 2003 at 3:16:11 PM GMT+8

2003 年 5 月 16 日 星期五 【晴】

今朝好激氣呀!晨咁早就俾個電話嘈醒..之唔係我姑媽打黎囉..
但係又唔係搵我地架喎!第一次打黎響左兩響收左線...第二次都係咁!
第三次我終於第一時間拎起個電話聽...但係姑媽又無講野..即係唔係搵我地啦!
但係我係咁聽到佢同人講野囉!聽左陣之後都收左線..無耐我就打返電話俾姑媽..
話佢打左好多次電話黎又唔出聲....跟住姑媽就話唔好意思喇...話咩無關電話!
都唔知佢o係度講緊咩...之後佢話開緊車..唔同我講喎!唉...咁我就八點幾起左身o勒!
俾佢嘈左咁多次...都再訓唔返啦!激氣呀~

咁十一點出左門口諗住去還vcd啦..點知去到又未開門喎!唉..
今日又熱喎..行到身水身汗...行餐死都還唔到!咁咪返彩園村買飯返屋企囉!
食完飯唔記得做過d咩...一點倒就出左門口lu....
陪嬤嬤去威院覆診...大概兩點倒去到啦!咁嬤嬤就自己攪佢d野..我就坐o係大堂度等佢!
一路打機一路睇電視...醫院果度播"生命激流"...好慘呀!d BB一出世就要做手術..
個媽媽生左個bb出黎....個bb o係一個月病發就過左身喇..當呢個媽媽再生第二胎...
個bb同樣...不過o係六個月既時候先病發過身!經過左兩次喪子之痛之後...
第三胎既bb已經可以捱到三歲都無事..真係開心!^^"

三點幾就睇完..搭巴士返沙田火車站都係四點鐘!
返到上水..嬤嬤就自己返屋企先!而我就去還vcd...還完就即刻返屋企!
返到屋企就沖涼囉..

P.S:其實昨天果兩宗新聞..我都唔記得係今天還是昨天發生的!
不過無所謂啦...的而且確係有呢兩件事發生嘛!或許我真係太耐無寫日記喇!
但係我會將每天所發生既事..用張白紙記低架!
不過寫到好亂囉..邊日打邊日都分唔清lu..哇哈哈~^O^



>>May 28, 2003 at 10:49:42 AM GMT+8

2003 年 5 月 15 日 星期四 【晴】

成十幾日無寫日記lu...好懶懶啊!^^"

尋晚落好大雨啊..仲有閃電tim呀!驚驚...兩點半先走去訓覺覺..
今日十一點半先起身..起身之後都唔記得做過d咩lu...
兩點二出左門口..約左阿歡o兩點三o係郵局度等!
去佢屋企...因為唔係咁開心...o係屋企又悶喎!所以咪去阿歡屋企囉..
大概兩點半去到佢屋企啦...見到阿歡屋企隻狗狗呀!阿歡話係曲架喎..隻耳朵長長的!
隻眼就紅紅的...去到就即刻開電腦...睇vcd嘛!睇<<百年好合>>...阿歡就o係度做自己既事..
後尾仲叫我幫佢煲飯..俾狗狗食架喎!咁我咪入廚房洗米幫佢煲飯囉!
之後就繼續睇vcd..阿歡就掃狗狗d臭臭啦....點知阿歡又係咁叫我喎!攪到我都唔知睇左d乜...><"
睇完都差唔多五點卦..咪睇下隻狗狗囉!點知一出到去就見到有xx...睇真d原來狗狗嘔返晒頭先食過d野出黎呀!
慘慘..無奈既係我要幫阿歡一齊整...hehee!整乾淨之後呢...唔知隔左幾耐..又多兩檀野!
又嘔多兩次喇....又要整..嗚嗚!不過狗狗都好慘慘呀!唔知仲乜事嘔嘔...
我今日去阿歡屋企就係做d咁既野..hehee!咁我五點幾就坎左lu..
六點返到屋企..就沖涼啦!上網咁卦...夜晚好似睇埋<<好心相愛>>...又睇到喊喊!
好感動呀..為左自己所愛既人付出咁多...真係做得到既又有幾多人呢?

P.S:今日聽新聞既時候...又得悉聯合醫院有個健康服務助理殉職喇...可惜!
瑪麗醫院一直係零感染既...今日就有首宗有護士證實感染SARS...
現在有好多人正在隔離...唔知d人我識唔識既呢?
因為我之前o係瑪麗做果時..都識得o係莎士病房工作既一位阿姐!
希望佢無事啦!





>>May 28, 2003 at 10:45:17 AM GMT+8

2003 年 5 月 14 日 星期三 【晴】

同樣..今日又係十一點先起身!哈..基本上日日如是啦!
梳洗完就煲飯..跟住又係打機!食飯..食完就洗碗..睇電視!

突然收到阿華send黎既SMS..話今晚bbq喎!勁激氣囉..
好多錢咩..又熱氣喎!唉...都唔知點解人地叫佢出街or bbq..
佢就一口應承..而我叫佢幫我整電腦就..唉!
我明明叫佢今晚入黎幫我整部CRW架嘛..佢就情願去同佢d同事bbq..
咁算係點喎?><"佢話:話左唔入黎就唔入喎..又話夜喎!
我真係估唔到佢可以咁樣同我講野架囉!
跟住又俾佢攪到我喊喇..我阿嬤好似知道咁喎!
佢行埋黎問我係咪喊..我就叫佢走開!都幾惡幾大聲!
但係佢唔理喎..仲要拎開人地隻手睇下我係咪喊緊(當時我用隻手掩住塊面)!
唉..我覺得佢係明知我喊緊架囉!但係佢就偏偏好似要爪爛人地塊面咁!
乞人憎...><"

無耐又收到candy既call..同佢傾我同阿華d野!
又傾到我係咁喊..傾左半個鐘多d就收左線lu..
之後繼續睇電視..再上網寫日記~
上到三點半倒就出左去lu...約左阿欣呀!
陪佢去左豐澤買墨水..之後我就去萬寧買左d私人野(無可奉告)!嘻嘻~
再去M記食野..食完就行左陣..去左名都租vcd..
跟住又去返中心買CD..終於都俾我買左隻<>喇!開心開心~^^"
一買完出黎就收到屋企打黎既下電話..又俾人鬧喇!話我仲唔返屋企喎!><"
哈..之後我先醒起阿嬤叫我幫佢買麵包!咁就拿拿林去美心買完就即刻飛返屋企!

返到屋企都係六點咋嘛!出左去只係兩個半鐘..都俾人鬧到死!唉~
之後就洗米煲飯..先去沖涼洗頭!沖完出黎就開飯lu...
好飽呀..根本都食唔落!><"


>>May 26, 2003 at 2:05:32 PM GMT+8

2003 年 5 月 13 日 星期二 【晴】

今日十一點起身!梳洗完就去煲飯..
之後就打機..突然聞到好臭..但係唔知臭咩事!
當時我並無理會..怎料突然聽到"嘭"的一聲..我都無理喎!
之後又再聽到"嘭"的一聲!今次也是如此..我沒有理會!
哈哈..呢兩聲真係可以話係巨響囉!不過唔知點解我無理囉..可能係打緊機卦!
接住嬤嬤話點解咁大煙既?我先至走出廚房度睇!
果然真係好大煙喎..之後就見到有架車..裝住好多沙石既!
架車仲著住火tim架..車頂個蓋都燒埋..車軑又燒埋!
我諗之前聞到既臭味..係因為燒到d膠既關係啦!
有成四架消防車呀..救護車啦!後尾仲見到有記者tim呀!
係太陽同蘋果呀!成條路封鎖晒..都攪左幾耐下架!
咁既埸面真係..真係..哈哈!^o^

跟住就食飯o勒..之後洗碗!跟住睇電視...
聽到新聞又一個醫護人員殉職喇!今次又係屯門醫院呀..係一個女醫生黎tim呀!
真係可惜..佢係自願性質上前線..照顧非典病人架!真係值得敬佩囉!好偉大呀~
跟住去左上網..寫日記..一共寫左九篇呀!勁哩~
唔少野架..我都覺得自己好勁呀!hehee~^^"

四點幾去左沖涼!之後就繼續上網咁啦...
六點幾食飯..跟住又係洗碗咁囉!
之後梗係睇電視啦!最後就上網..
跟住個fd話call我喎!哈哈..真係難以置信呀!
我個fd已經移民左去澳洲..我諗都有成半件無乜點聯絡過喇!
初初果時..我都成日打長途俾佢架..佢都無打俾我!
不過好耐都無lu..但係今晚突然間話打俾我喎!
真係嚇左一嚇囉!佢話偷到佢阿媽張電話卡喎..哈哈!
Hody..咁你以後記住多d打俾我地喇!Send SMS都得架!^^"
好掛住你呀!同Hody傾左個幾鐘咁啦..收線之後就打番俾阿華..
傾左一陣佢話要沖涼就收左線o勒!咁我咪繼續上網囉!
之後佢又再打黎..傾到都未夠點半佢就收線訓左lu..
我就兩點先訓...

>>May 16, 2003 at 6:39:55 PM GMT+8

2003 年 5 月 12 日 星期一 【晴】

今日十點半就起左身lu..
打左陣機..就食飯!食完就洗碗..跟住睇電視!
睇完就上網!今日上網就一路係咁整呢個日記..
整下d背景音樂呀..背景圖呀!太耐無整..唔記得晒d html整!
所以都整左好耐下..嘻嘻!

到左四點幾就去左沖涼洗頭!之後繼續上網..
六點幾就整野食..整返前幾日剩低既米線!
今次係用黎炒呀..仲煎左兩隻蛋!hehee~
食完就睇電視..睇到十點!

之後就上左張床度lu...點解咁早訓覺?
因為我唔想上網囉..不過上床都唔係訓覺..o係度打Game Boy..hehee!
打到十二點!阿華打電話黎..同佢傾左陣..十二點幾就訓左lu....


>>May 16, 2003 at 6:38:26 PM GMT+8

2003 年 5 月 11 日 星期日 【晴】

今日係母親節!我o係度祝所有媽咪母親節快樂!^^"

今日未夠十點已經俾人嘈醒左o勒!咪就係阿歡打黎既一個電話囉!
其實尋晚我地已經約好左今日十點鐘出黎架喇!
哈..估唔到我會唔知醒喎!等我仲叫佢唔好遲tim..hehee~
個電話係嬤嬤聽既..其實嬤嬤都同佢講話我仲未起身架喇!
叫佢遲d野黎咁卦..但係阿歡又同嬤嬤講話約好左我!
咁嬤嬤咪叫我起身聽電話囉!之後我就拿拿林起身o勒!
刷完牙洗完臉..換埋衫都係十點一過d!
咁就o係度等阿歡call啦..無耐十點三我都出左門口lu...
十點半就去到約定既地點!等左大概五分鐘倒..就從遠處見到阿歡行緊過黎o勒..
仲拎住枝花tim呀!哈哈..其實今日出黎既目的就係借部相機俾阿歡..
同埋教佢用提款卡拎錢!我同candy聽到阿歡唔識按錢就o係度笑!hehee~
阿歡唔好意思呀!^^"咁按完錢之後呢..見到街市對出..有好多人拎住d花!
咁我地就行過去睇下啦!我諗果d應該係義工黎既..
佢地手上拎住d花..一陣會o係商場度派!

之後阿歡話想去買花..咁咪陪佢去龍豐囉!
但係d花又唔係咁靚..所以就話去新街市度睇o勒!
果時已經差唔多十一點喇..我要趕住返屋企喎!所以就無陪到佢o勒~
咁返到屋企就煲飯啦!食完飯洗埋d碗..上左陣網!
一點過d就出左門口lu..約左阿華o係中環等!
兩點鐘去到紅磡..就拿拿林行過去快船碼頭!
因為二點二有班快船..好在去到隻船岩岩先拍埋碼頭度!
搭快船果時..我就打電話俾媽咪!當然係同佢講"母親節快樂"啦!
當我同佢講完"母親節快樂"果陣..媽咪就講左句"多謝喎"!哈哈~
我就話佢白痴..hehee!點解今日母親節都唔陪佢?
因為婆婆果度今晚食飯呀..但係我又唔去喎!不過我都唔知自己點解唔去囉!
咁所以咪無陪到佢囉!但係下個星期日就會請佢食飯補祝!^^"
落船之後就諗住行過去六號碼頭啦..都未行到就已經見到阿華lu..

咁我地就搭地鐵過灣仔電腦城啦!阿華想買printer喎!
係咁睇係咁睇..printer竟睇唔岩喇..不過我就買左個CRW!
跟住就再行去298買CD-R..最後就係去M記食野!
食完六點鐘就走左lu..因為阿華今晚要補課!
佢送左我去搭巴士之後..自己就去左返學lu!

返到屋企七點幾..首先就係拆開個CRW..諗住試下裝啦!
但係裝極都裝唔到呀!對於呢D野我真係一竅不通囉...
咁裝唔掂..我就去左沖涼o勒!到左九點..阿華放學喇..
佢打俾我..咁我咪問佢點裝囉!佢又話咩線咩線...
我都唔明佢講咩..我又睇唔清楚..都唔知邊條線打邊條線..
咁我真係唔明嘛..佢就好惡咁同我講野!之後我地又鬧起上黎喇!
唉..成日都鬧鬧鬧!真係好辛苦呀..辛苦到想死呀!@_@

咁我咪索性唔鬼裝囉!之後無野做..又唔想上網喎!
所以十點半就上床訓覺喇..不過咁早邊樹訓得著架..
我諗大概十二點倒訓著卦..hehee~

>>May 16, 2003 at 6:36:54 PM GMT+8

2003 年 5 月 10 日 星期六 【晴】

尋晚成三點幾訓..但係今朝八點半就要起身!訓得果幾粒鐘..眼訓死我喇~><"
咁早起身既原因..係因為要morning call阿華囉!提佢記得拎我部電腦返工..
因為佢放工之後會直接入黎我度..幫我整返好部電腦!
如果佢再唔拎返部電腦俾我..實會悶死我!

梳洗完就食左個杯麵..之後就係咁打機..Game Boy呀!
係阿華架..因為無電腦玩既日子一定會好悶..所以就o係佢屋企拎左部Game Boy返黎!
係咁打..一打就打到十點半..之後就開始煮lunch...
係尋晚買既米線...屋企煮親粉都係我煮架啦!
煮呀煮呀..十一點半就食得喇...hehee~^^"
食完就洗碗啦..到左十二點幾就去沖涼洗頭!
之後睇左陣電視!跟住又開始打機o勒~

兩點半阿華就黎到我屋企喇!嬤嬤問佢食左野未..咁佢就話未喎!
咁嬤嬤就俾左兩條蕉佢食..哈哈!之後又俾左d麵包佢食!
不過佢無食..跟住幫我整機!我就o係樹打機囉!hehee~
三點幾嬤嬤就叫我煮個麵俾佢食喎!佢又話唔駛喎...
咁我梗係唔理佢講既野啦..就入左去廚房煮麵!
我煎左三隻雞蛋..一條腸仔加兩隻雞翼!當然仲有個麵啦...哈哈!
嬤嬤話夠晒營養喎...呵呵!^o^
咁食完就繼續整機啦...整完之後就試下得唔得啦!
唔知點解上唔到網喎!點知整黎整去都係唔得喎..
咁阿華就以為係推架車仔入黎果陣.."done"壞左張Lan Card..
所以我地就出去買返張!咁五點半就出左去..睇中左張Lan Card $45..
但係無錢o係身..呵!咁之後就去按錢啦!按完錢之後我地又唔知發生咩事..
又o係條街度鬧起上黎..唉!我仲嬲到自己走鬼左返屋企!
咁佢咪自己去買囉..痴線架!嗚嗚~成鬼日都係咁..想死呀!>_<

咁我六點二倒就返到屋企..嬤嬤見到得我自己一個!又問我阿華呢?我就話唔知~
跟住又再問我..係咪又是鬧交!我都係答佢唔知!咁阿嬤就話唔知即係係啦!
又話我地成日都鬧交..你估我想既咩..唉!咁阿華六點半就返到黎o勒..
阿嬤又走去問佢..係咪鬧交喎!跟住其他既野我都唔知lu..
其實我都無乜野既...之後我都同佢講返野!但係佢就好似唔想睬我咁囉!
正一小氣鬼..好心做男人就大方d啦!

之後都可以算無事啦!咁攪掂晒d野..八點九就出左去食野o勒!
首先去左百老匯睇printer..再去KFC食野!
食完都差唔多成十點lu..咁佢就話要走..
果時又鬧左陣..咁我就同佢講:唔同你一齊行喇..我行第二邊!
佢又好惡咁..叫我跟佢一齊行喎!><"
但係我死都唔肯..最後都係各自行自己要行既路!

返到屋企就上網啦..傾左陣電話!
跟住就一路上網..上到兩點就訓左o勒~


>>May 16, 2003 at 6:34:36 PM GMT+8