|
2003 年 7 月 28 日 星期一 【晴】
今日八點幾未夠九點就起左身喇!
好累呀..又眼訓喎!我都唔想咁早起身架..
不過要做人肉鬧鐘嘛..call阿華起身囉!
佢今日請左一日假去考試嘛!叫醒左佢之後..諗住再訓過架!
點知又訓唔返喎..咁咪起身刷牙洗臉囉!
跟住上網寫日記!十一點幾食飯..跟住洗碗!
一點三就出左門口lu...約左阿欣去大埔呀!
去吉之島呀..哈!去完之後仲去左百佳..我地買左好多野呀!
有珍珠米啦..鰻魚啦!好多好多呀..我自己又買左d野..好開心呀!^.<
唔..四點幾就搭返k巴去火車站!我叫左阿華入黎幫我拎野呀..
我諗住買焗爐嘛..哈哈!真係諗起都開心呀..yeah!
咁岩佢搭緊果架火車就黎去到大埔喎..果時我地就o係大埔等緊火車!
哈..仲要係o係埋同一卡..不過差一個門口囉!都幾有緣丫..呵!
咁我地就o係大埔相遇o勒!咁就一齊返上水啦..
佢幫我地拎野..佢仲話我蠢tim呀!><"
因為我地o係大埔買左一包兩公斤既米..
佢就串我咁話:乜上水無米賣咩?嗚嗚..
咁我覺得大埔d米香d囉!呵..講笑咋!
d野實在太重喇..所以就叫阿歡出黎幫手拎野..
我地一返到上水..就去百老匯買左個焗爐先..
跟住就去哈狄斯度等阿歡!仲見到歐陽新群tim呀..
五點半過d阿歡先黎到..坐左陣傾左陣就各自返屋企lu!
咁阿華就幫我拎個焗爐返屋企啦..佢部到我門口就走左喇!
因為佢要趕住返屋企呀!我一返到屋企就即刻去沖涼!
之後就開飯喇..食完洗埋d碗!就睇電視..十點半就上張床覺覺喇!
不過成十一點幾先訓得著!
P.S:同大家講一樣野丫..阿華今日考果個MCP已經pass左喇!
叻仔呀..一take就ok!呵...醒目!
佢今日病病地呀..我仲叫佢入黎幫我拎野!
真係唔好意思呀!><"
>>August 7, 2003 at 9:06:39 PM GMT+8
2003 年 7 月 27 日 星期日 【晴】
今日九點幾起身..梳洗跟住上網!
上到十一點就換衫..無耐媽咪就打電話黎話佢已經入到上水!
我攪掂晒d野之後就..十一點三就出左去lu..去飲茶呀!
無耐爺爺嬤嬤都黎左喇..我食左少少野!一隻蝦餃..一個蔗蝦!
無lu..因為晏d同媽咪去食壽司呀!之後o係電盈度買數碼相機+部C350手提電話!
送左一張價值$122既贈卷..有成15件壽司架!
飲完茶之後就行行行...行到兩點鐘就去食壽司!
除左果15件壽司之外..另外仲叫左一碟鰻魚壽司同一碟中華沙律!
唔..飽飽呀!埋單$24..哈!次次食壽司食到咁飽都只係廿幾蚊就好喇..呵!
食完之後就繼續行街街..行行下行到屈臣氏..見到有人做promote鑊!
好似好勁咁喎..好吸引呀!我同媽咪睇左好耐呀..最後都買左!
$499..除左有一隻鑊之後..佢仲送左個蒸籠同鑊鏟..仲有一張上船玩既贈卷!
哈..開心呀!之後嬤嬤就黎到o勒..果時差唔多六點倒啦!
我地去左美心食飯...食完飯行左陣就返屋企lu...
返到屋企都係八點..跟住上左陣網...之後沖涼洗頭!
沖完就繼續上網..上到十二點幾offline..上張床度同阿華傾電話!
傾到點幾鐘先有得訓..唉!真係折磨呀..阿華唔俾我訓覺呀!慘..><"
>>July 28, 2003 at 10:09:40 PM GMT+8
2003 年 7 月 26 日 星期六 【晴】
今朝八點就醒左lu..我都唔想咁早起身架!
好眼訓呀..zzzZZ!起身梳洗..跟住就去上網!
九點倒morning call阿華...點知無人聽!肯定仲訓緊啦..
算..佢話九點三起身架!因為要搭十點三船出黎!
咁打左一次無人聽..知佢未起身!我都唔想再打喇..
咪俾佢訓多陣囉..唉!到十點鐘又打多次俾佢..
今次終於都聽電話喇!原來佢尋晚成三點幾鍾先訓呀!
溫書喎..咁我咪問佢駛唔駛再訓過囉..佢又係咁o係度"唔唔"..
都唔知佢想點..唉!跟住我話一係唔好出咯..佢又係咁"唔唔"..
跟住無耐就收左線lu...
十一點三倒收到佢既電話..原來佢已經上左船喇!
但係佢頭先又無答我出唔出黎喎!所以我都未整野..
之後就收線整野啦..整完十一點半就出左門口喇!
約左o係香港站等...哈!估唔到我咁遲出門口都早過佢到啵!
十二點半就見到佢喇..之後我地搭地鐵去灣仔!
去左"天地圖書"..阿華有書卷嘛!
係佢以前o係學校讀書成績好..所以就有書卷o勒!
不過天地既書卷得$150咋..而精工就有$310!
佢話無書想買..所以d書卷俾我用左..哈哈!
買左兩本書..$155!呵...開心呀!hehee~^.<
買完書就去食野先..跟住行左去銅鑼灣!
去左sogo..跟住去皇室堡..再去city super!
不過無買過野呀..好唔開心兼且好失望!><"
行左咁多地方之後都成四點幾喇..搭丁丁過金鐘!
因為阿華要報考試...佢想星期一考MCP喎!
但係又唔識去果間野喎..好似係叫做海富中心架!
咁咪陪佢去搵囉!搵到之後..o係金鐘行左陣!
五點三倒佢就陪我搭地鐵..佢去到油麻地就落左車lu..
因為佢仲要搭返轉頭..趕六點鐘船嘛!
而我就自己搭返去九龍塘囉..再轉火車!
返到上水都係六點一...幾快!哈哈..
跟住就返屋企啦...抖左陣..就整野食!
食完睇左陣電視..跟住洗白白!上網...
十一點幾就訓左lu..阿華今晚無理過我!算啦..
>>July 27, 2003 at 10:51:57 AM GMT+8
2003 年 7 月 25 日 星期五 【晴】
尋晚點幾訓覺..今朝十點九先起身!
雖然訓左咁耐..不過仲係好眼訓囉!好耐未試過訓咁耐喇..
而家通常都係八點幾九點就會起身..我都唔知點解架!
起身梳洗之後..阿嬤就返左黎喇!跟住我就換衫..
攪掂就落去飲茶lu..飲完之後就自己一個人行街街!
又要幫阿華去銀行入票..真係當我阿四咁!唉..
自己唔想做d野就叫我幫佢做!當我係咩呀?我都係人黎架嘛..><"
入完票之後就去圖書館..都去左幾耐下..o係度坐o係豎睇書!
最後借左三本書..都係食譜黎既!
借完書之後就去左商務..又係睇食譜書..
唔知發生咩事..剩係知道自己呢排好想整野食!
又買左兩本書..唉!本身已經無錢架啦..仲買書喎!
餘下黎果幾日都唔知點過呀!慘..
買完書就返屋企..返屋企之後又去左百佳掃貨..
無錢都係要買架喇..因為呢d係我既必需品...
所以一定要買..又無左$60!
返到屋企都係三點九倒!抖左陣之後就去沖涼洗頭!
跟住上網...又係咁搵食譜!六點幾食飯..
食完飯洗埋d碗..跟住睇電視!今晚<<愛情白皮書>>大結局呀!哈..
成美同掛居最後都o係返埋一齊呀!開心..
佢地反反覆覆咁又分開..又復合!真係唔知佢地想點呀..
但係現實中..有幾可可以咁樣丫!話分手就分手架啦..唉!
無論你仲好愛對方..分左手就係分左手!
講左分手就無彎轉..我就係會咁囉!個結局都會係一樣!
十點半睇完電視就上網啦...上到十二點幾就offline!
o係張床度同阿華傾電話..傾到點幾就覺覺豬lu..
阿華聽日同學校請左假..唔知點解佢無啦啦請假架..
佢都係請左先同我講既!但係佢爸爸叫佢聽晚o係屋企食飯喎!
咁我點算啊?可以點算喎...唯有食自己囉!
鬼叫我一早同阿嬤講左唔返屋企食咩?唉~
唔..都唔知咩事!無啦啦要佢返屋企食飯!
阿華仲叫我同佢一齊返去tim!佢都傻既..
明知我唔會跟佢返去架啦!d人好q煩架..
>>July 27, 2003 at 10:26:10 AM GMT+8
2003 年 7 月 24 日 星期四 【雨】
今朝八點就起左身喇!o係張床度聽收音機..
聽日個八號風球岩岩除左..大概八點三左右啦!
跟住無無聊聊咁就打左俾媽咪o勒..收線之後!
諗住試下打唔打到俾阿華啦..當我打緊俾佢既時候...
我手提突然響起來..原來係阿華打俾我!
我就話..我地係咪心靈相處呀!哈..^.<
唔..原來佢係俾佢阿媽叫醒佢去返工!所以先會咁早起身..
因為佢阿媽唔知佢今日請左假嘛!
傾完大概九點倒啦..起身梳洗!
上左陣網..十點鍾整左個杯麵食..食完就換衫出門口lu..
搭火車去到紅磡之後就再搭隧巴過灣仔!
約左阿華o係入境事務處度等!唉..又係我等佢!
一早都話左o係中環等架啦..煩呀!><"
咁等到佢黎到之後..就填form啦!填完就交form拎籌!
跟住咪等叫籌囉..明明係我拎先架嘛!
點解會叫阿華先既..衰架..不過下一個就係我啦!呵~
唔..佢話我果張證件相唔得呀!背影隻色太淺喎..
所以要再影過..$35得四張相!果d相機又影得衰喎!
自己已經夠樣衰架啦..加埋部機影得咁衰!咁即係衰上加衰囉..唉!
影完就交返張相落去..俾埋錢之後就走得lu..
不過入境處果度d人做野好慢呀!等左差唔多成兩個鐘先攪掂晒d野!
跟住我地去左M記食lunch..果時都成兩點lu...
食黑椒藍寶餐..不過個黑椒漢堡差左好多呀!
又細個左..又無以前咁好味!以前食落辣辣地架嘛..
以家一d辣味都無呀!食完就去左電腦商場睇野..
唔記得叫咩電腦商場喇..買完野就去左ive...
阿華話睇下有無開喎..想去交學費!ive有開呀..不過無交到!
之後就搭車過紅磡..返我屋企幫我整部printer嘛!
自己我上次入完墨水之後..部機就開始有d傻傻地喇!
唔..但係搭火車途中...阿華話佢五點鍾就要走喎!
因為夜晚要搵家長簽名..又係佢學校d野囉!唉..
請左假都要返工..又要問ot...都唔知咩鬼學校黎架!
如果我知佢今晚有野做..我就唔會叫佢請今日啦!
但係佢又記唔起今晚要幫學校做野喎!
如果佢早d同我講..我就唔會叫佢入黎上水啦!
我地入到上水都差唔多成四點喇!
剩返一個鍾既時間..所以我決定唔返屋企!o係上水行陣就算..
行到咁上下..就同佢去火車站!之後我就去百佳&惠康掃貨!
掃完就返屋企lu..返到屋企就沖涼啦..到左六點幾就整左少少野食..
跟住洗碗睇電視...睇完就去上網!
P.S:其實今日有d唔開心&有d嬲佢架!
諗住佢請左假可以陪我成日架嘛..
點解又係要返工...唉!佢話如果幫學校搵家長簽名..
可以放多兩日假喎..我睇在可以補假份上..先放過佢咋!^.<
亞歡:哈哈,靚哩!^^"
不過我都唔係叻丫..我貼出黎d相..你地都睇唔到!><"
其實我整果d係html同java黎架!好簡單架咋..
你只要睇下d網頁教學果d web site就識架喇!
唔係就多d去討論區果度跟人學下野!
|
>>July 24, 2003 at 11:27:59 PM GMT+8
2003 年 7 月 23 日 星期三 【雨】
今朝九點鍾起左身!哈..呢排愈黎愈早起身呀!
唔..起身之後無野做就梗係去上網架啦!
到左十點幾就食左少少野!等candy電話..
睇下仲去唔去bbq..不過朝早真係好天朗氣清喎!
講講下都係唔去啦!唉..失望~唔開心呀!
咁唯有o係屋企啦!今日lunch都無食到呀..係咁上網!
周圍睇下人地d網頁咁囉!咁就過左半日喇..
六點果時..我個所謂既阿妹同佢既姨媽黎左我屋企!
攪到我唔知點咁..我準備整我既dinner架嘛!
不過佢地黎到..我都無理到佢地!一路都躲o係廚房整野!
今晚炒公仔麵食呀..好鍾意食..哈哈!
記得以前讀書果時..我地班fd好鍾意去hody屋企!
尤其是我同vicky啦..vicky成日o係hody既屋企下廚!
仲炒過公仔麵俾我地食tim..真係好懷念果段咁開心既日子呀!^.<
相反..而家想見下佢地都好難呀!唉...讀書真係好開心..
可惜果時唔識諗..而家無得好怨!唯有認命啦..無計架喎!
阿妹佢地成七點先走...跟住我地就開飯o勒!好肚餓呀..
食完跟住洗碗..睇電視!八點九天文台宣佈兩個鍾內會改掛八號強風信號!
哈..我今晚成日都講住快d掛啦!因為聽日約左阿華一齊去整護照!
如果今晚唔掛..聽日就會掛..所以我想佢快d掛囉!就係咁簡單..呵!
無幾耐真係改掛左八號風球喇..不過幾點掛就唔記得lu....
十點上去上網..好累呀今日!一路上網一路同阿華傾電話!
傾到十一點幾就訓左喇..真係好累嘛!
今日都差唔多啦...^.<
>>July 24, 2003 at 6:36:10 PM GMT+8
2003 年 7 月 22 日 星期二 【雨】
今朝九點三起身!梳洗完就上網..
十點半去換衫..落街飲茶!飲完就自己一個行街街..
行左半個鐘..買完自己要買既野..就返左屋企lu...
返到屋企睇電視...睇完電視就上網..上網...
都唔知自己做乜..唉!><"
四點幾沖涼洗頭..之後又繼續上網!
六點幾食飯..洗碗..睇電視!
睇到十點半又上網..十二點幾就訓左lu...
聽日原本約左班fd入爺爺度bbq架...
不過天文台又話打風...唉!又落咁大雨..
睇黎都係去唔成架喇..我地約左好耐先約到架!
好失望呀!嗚...><"
>>July 24, 2003 at 11:50:25 PM GMT+8
2003 年 7 月 21 日 星期一 【雨】
今朝九點三起九左身..之後梳洗!
食左少少野..打俾阿欣..約左十點半!
之後就即刻換衫執野出門口..去到岩岩十點半..
等左五分鐘..阿欣就黎到o勒!咁我地就一齊搭火車去九龍塘..
再轉地鐵去o魚涌啦..去到就搵果間白普理啦!上去拎封信..
拎完就走左lu..陪阿欣去左大家樂度食野!
食完就搭巴士過返紅磡...中途仲落狗屎tim!
之後再轉搭火車去旺角!因為阿欣要買Tee嘛..
落火車之後就行去旺中啦!阿欣買左兩件..我都買左一件呀!
今個月已經夠窮架啦..又買衫!唉..><"
買完之後又行返去火車站...去沙田睇戲!
去到沙田都未夠兩點!一落火車就去UA買戲票...
最快果埸兩點二...都無乜位剩lu...
好在中間有一行仲有兩個位..哈哈!真好彩..
未夠四點就睇完lu..不過我都係覺得一般囉!
無我想像中咁好笑囉..^^"
睇完之後..就行返去新城市廣場!
去左d旅行社睇下有咩地方好玩!唔..睇完之後去左連城!
阿欣配眼鏡嘛...哈!但係阿業又話去拎眼鏡喎!咁咪即係撞到正!
不過我地都無避到佢丫..算啦!我地坐左o係度一陣..
無耐我就feel到好似有一股唔知咩氣迫緊埋黎!
哈...勁哩!跟住望到塊鏡..已經知道果個就係阿業喇!
阿欣都見到..哈!佢拎完眼鏡之後..唔知點解仲唔肯走喎..
扮晒o係度睇眼鏡咁..唉!阿欣都估到佢認得出係我地啦!
不過佢又唔敢肯定係咪真係我地卦..呵!
果時阿欣仲有揀好呀..佢真係等左我地好耐囉!
我地兩個坐o係樹..我個電話震完又到阿欣果個電話震!
不過我地都係無聽到..因為知道係阿業打黎嘛..呵!
到五點三我地就走左lu..不過果時已經唔見左阿業lu..
跟住搭火車返屋企啦..返到屋企都係五點九!
無耐收到阿業既電話..佢問我去邊到黎喎!
我就答佢:你話呢?佢話配眼鏡..咁咪係囉!
佢都認得出果兩個係我地啦..仲要明知故問既!
真係煩..唉!後尾又話我地唔理佢..唔過去叫佢!
咁佢可以自己過黎叫我地架嘛!正白痴..><"
之後就沖涼啦..食飯..洗碗睇電視!
睇到十點幾就上網..之後十一點幾同阿華傾電話!
send左個網俾佢睇..係擺晒我d相上去既!
佢睇到有我地既合照..就叫我即刻delete佢!
但係我唔肯..仲講左句:乜你唔見得光咩?
我個網又無send過俾人睇..剩係俾過一個fd睇!
叫佢幫我upload d相上去咋嘛!但係佢仲係咁叫我delete喎!
咁我咪同佢講話:我唔識得點樣delete囉!
跟住佢又叫我俾個password佢..等佢delete喎!
我唔肯...跟住佢又好嬲!發晒癲咁...又搵藉口話收線!
我(till)...頂佢個肺丫!正一小氣鬼..我真係唔識點同佢相處呀!
麻煩到死...佢發我脾四又得..我發佢脾四就唔得!仲要發得惡過人..
係咪人黎架?男人黎架?仲小氣過d女人呀!唔鬼提佢喇...死白痴!
今日係咁多啦...十二點幾就訓左喇...
今日又有陽光 ..又落雨 ..
不過大部分既時間都係陽光普照!^.<
>>July 22, 2003 at 4:00:44 PM GMT+8
2003 年 7 月 20 日 星期日 【晴】
今朝晨早(凌晨5時40分)天文台就懸掛一號戒備信號喇!仲落左陣雨tim呀.. 台風個名叫天鵝呀!
等阿華仲話晨咁早七點鐘去游早水喎!呵...
凌晨三點幾鐘先訓喎..七點鐘咁早就去游水!想我死咩?
不過七點鐘果陣..佢自己都未起身啦..所以到最後都係無去到架囉!哈~
唔..我地未夠十點就起身!之後上左陣網..十一點幾就出左去喇!
去左威堡度食早餐..食完就搭十二點半船出中環!
出到去..本身諗住過灣仔架!
不過..阿華又驚我行唔到!因為我又著左對死人鞋囉..
呢對已經好過上次果度架喇!咁對鞋都係第一次著咋嘛..梗係咁架啦!
所以就無過到灣仔!而送我返屋企o勒..我地搭地鐵去九龍塘..再搭火車返上水囉!
一去到上水火車站..阿華就走喇!因為佢約左朋友四點鐘o係灣仔等!
而我就自己返屋企啦..慘!><"
返到屋企都係三點!其實我地o係搭火車既時候..又有問題喇!
佢個死仔包又唔知發咩神經..唉!我都唔想多講呀..
成日都係咁..講都講到我口臭呀!妖..><"
三日唔埋..兩日就係咁!阿嬤同媽咪都叫我同佢分開..
又話見到我地都煩呀!鬼唔知咩?你估我想咁架..唉!
真係想死..唔係為左佢喎!係煩死呀..咩人黎架?
返到屋企咪上網囉..四點就沖涼洗頭!之後又繼續寫日記o勒..
唉..死啦!尋日就話可能係因為肚餓而頭暈姐!
今日就唔知仲乜呀..o係長洲出黎至返到屋企..都係不斷咁頭暈!@_@
又想作嘔..真係唔知咩事!可能就死啦..嘻嘻!
六點幾煮左個麵食..食左之後就無咁暈lu..唔通又係因為肚餓?
但係我又唔多覺得自己肚餓喎!呵呵...
食完野之後就洗埋兩隻碗!之後就繼續上網...
上到十一點幾就上床訓覺!但係唔知點解又訓唔著喎!
所以就打俾fd傾電話啦..後尾又打俾阿華!
傾到成點鐘先訓!好累呀~><"
今日落左少少雨..但係大部分時間都係陽光普照..仲熱到死tim!
聽日可能真係會落大雨tim呀..天文台仲話唔排除有機會懸掛三號風球!
我聽日仲要出去北角呀..無論落幾大雨..都一定要出去架喇!
咩事?唔講你地知住..呵呵!
|
>>July 21, 2003 at 6:27:46 PM GMT+8
2003 年 7 月 19 日 星期六 【晴】
今日超熱 ..唔知點解今年真係特別熱架囉!><"
今朝搭正七點就俾嬤嬤叫醒左喇!點解?事關昨晚應承左佢..陪佢去M記食早餐!
所以唯有硬著頭皮起身啦..其實勁眼訓..仲要係眼訓到想死既地步!
咁起身梳洗完之後就換衫..跟住出左門口!行去M記..途中見到陳漢燊!
其實嬤嬤叫我陪佢去M記食早餐係有目的架..就係去拎M記既紙巾o勒!
皆因嬤嬤好大汗架嘛..佢最鍾意就係用M記d紙巾黎抹汗!可愛哩..hehee~^.<
食完早餐就陪嬤嬤去買(食送)...買完就返屋企lu!
返到屋企都係勁眼訓..但係岩岩食完早餐..所以唔訓住!
食完即刻訓覺既話..想唔變豬都唔得啦!哈..
咁就上網啦..上上上...係咁上!
到左十一點幾又食飯喇!果時依然好眼訓..
又熱又累..所以無乜謂口..食左少少咁啦!
食完就睇電視..坐o係張sofa度一路睇就一路係咁恰眼訓!
三點睇完套電視劇..又去左上網!上到四點幾就沖涼..之後又繼續上網!
上到五點幾就執野換衫..五點九就出左門口lu..
搭火車出到紅磡..再搭隧巴過中環!嘩..搭巴士果陣勁暈呀!@_@..
又勁標冷汗..又有d發冷咁..又想作嘔!勁辛苦囉..><"
都唔知咩事..唔知係咪因為肚餓呢?呵呵..
我一肚餓..就會feel頭暈架喇..加上自己本身搭車會暈車浪!
所以...咪咁囉!咁到中環就落車啦..落車之後..勁作嘔!
係作嘔..係咁作..呵!但係又嘔唔出架喎..白痴!^^"
幾經辛苦先行到去碼頭..搭七點半船入長洲!
o係船度見到阿華個fd家明..不過佢見唔到我!
八點半落車..阿華果時已經o係碼頭等緊我lu..
大家千祈唔好以為佢咁好呀...係我勁叫佢早d出黎等我..
仲要叫我好耐..佢先會咁早到架咋!如果唔係..我又唔知要等佢幾耐喇!
之後就行東灣返佢屋企啦..今晚個天好清呀!望過對面岸d景勁靚!
勁清楚呀..果度應該係南區!個夜景真係好迷人架..^.<
今晚仲有好多聲tim呀!
大概九點返到佢屋企..抖左陣..之後又訓左陣!
因為有d唔係咁舒服..加上今朝咁早起身到而家都未訓過!
之後十一點倒出左去踩單車..買宵夜!因為晏晝食左少少野到而家..
所以買宵夜食..我地踩左去西灣度食!食完野..坐o係西灣傾左陣偈!
之後就返到屋..返到屋企大概十二點八倒!
抖左陣..跟住叫阿華幫我scan相..我屋企部機好似有d問題咁!唉..><"
到左點幾就去沖涼洗頭..沖完出黎當堂成個人爽晒呀!
之後到阿華沖囉!我上左陣網..跟住頭都無吹..就訓左喇!
都無訓著既..等對眼休息下囉..不過我真係好累呀!
又唔夠訓..又唔舒服!死啦..我都唔知係咪有咩病tim呀..
等佢整埋d野..成三點幾先有得訓呀!唉..zzzZZZ~
Happy:我上星期都o係青見果度登記左幾份啦!
不過佢未覆我囉!岩岩14號先見完一份..唉!
成日都係咁..真係唔想搵喇..覺得好煩呀!
|
>>July 20, 2003 at 10:57:17 PM GMT+8
|
![]()
寫這個日記既目的..係想我既親戚朋友知道我每日所發生既事情
日記連結:
◆小歡
◆小白.
◆Hody
◆Brenda
◆Jackie
◆Liz
◆Andrew
◆Miu
◆詩.
◆嘉欣
◆Summer
◆Kathy.
|
廣告 |
|
|
讀者留言 |
| 路人留言
|
 nope...
<br>is v
>>April 30, 2007 at 2:29:22 AM GMT+8
well.
<br>Very n
>>April 30, 2007 at 2:28:35 AM GMT+8
唔好咁傷心啦..
<br>
<b
>>January 23, 2007 at 5:17:50 PM GMT+8
hahahaaha.
<br>時
>>December 12, 2006 at 4:46:49 PM GMT+8
hey ah
<br>我都鐘意食
>>November 15, 2006 at 12:23:33 AM GMT+8
dim ah...
<br>
<
>>October 8, 2006 at 10:06:47 AM GMT+8
KK~咁耐唔寫diary你呢排係
>>September 20, 2006 at 6:15:04 PM GMT+8
愛裡沒有犯賤
<br>只有值得與
>>August 23, 2006 at 10:13:13 PM GMT+8
<font color=oran
>>August 20, 2006 at 12:43:46 AM GMT+8
Happy Birthday K
>>August 18, 2006 at 10:50:36 AM GMT+8
wellwellwell
<br
>>August 7, 2006 at 2:35:39 AM GMT+8
umum~~真令人羨慕啊！成日都
>>August 6, 2006 at 8:03:52 PM GMT+8
哈/.多野做唔好咩..你之前成日
>>August 4, 2006 at 8:51:30 PM GMT+8
咁快找到新工作真的好替你開心呢~
>>August 3, 2006 at 8:57:11 PM GMT+8
ee..原來你未同陳生接觸過架?
>>August 2, 2006 at 9:24:09 PM GMT+8
你比心機做啦~你得既~幾困難既野
>>August 2, 2006 at 8:28:17 PM GMT+8
where are you wo
>>July 31, 2006 at 8:10:27 PM GMT+8
why dont u call
>>July 21, 2006 at 3:11:34 PM GMT+8
哇！個個「可樂」真係落足本喎..
>>July 21, 2006 at 2:52:31 PM GMT+8
唉唉..你約andrew去沙角食
>>July 18, 2006 at 10:51:36 PM GMT+8
唉唉..你約andrew去沙角食
>>July 15, 2006 at 8:05:31 PM GMT+8
心亂如麻的小其其...
<br>
>>July 7, 2006 at 12:26:00 AM GMT+8
哈哈...對呀..第時係沙角見到
>>July 5, 2006 at 1:31:14 AM GMT+8
KK~So happy to h
>>July 3, 2006 at 4:25:59 PM GMT+8
kk, 見到你咁開心甜蜜, 真的
>>July 2, 2006 at 11:48:42 PM GMT+8
hahaahaaaa
<br>d
>>June 28, 2006 at 3:56:28 PM GMT+8
做咩唔覆我呀...
>>June 17, 2006 at 12:30:49 AM GMT+8
weiweeiii
<br>wa
>>May 31, 2006 at 2:22:13 AM GMT+8
小其其... 你似乎對你的工作又
>>May 9, 2006 at 12:46:24 AM GMT+8
<br>~~http://ol
>>May 5, 2006 at 10:05:54 PM GMT+8
哈哈.大家開心就成日食飯都得!!
>>April 29, 2006 at 2:26:59 PM GMT+8
哈~我識黎你公司都係得你做響導姐
>>April 24, 2006 at 8:51:15 PM GMT+8
ohhhhh
<br>gum s
>>April 3, 2006 at 1:06:49 PM GMT+8
KK,有冇諗過你將來想點呀??
>>March 28, 2006 at 6:53:08 PM GMT+8
傻豬, 開心就好喇~
<br>
>>March 20, 2006 at 11:00:39 PM GMT+8
好想有聚會呀
>>March 20, 2006 at 9:17:34 AM GMT+8
嘩…仲要增肥！！！
>>March 7, 2006 at 11:46:05 PM GMT+8
唉...睇到你既日記.
<br
>>March 3, 2006 at 11:48:39 PM GMT+8
kk, 我緊係唔悶啦!
<br
>>January 30, 2006 at 12:41:25 PM GMT+8
hi~kk
<br>小心身體呀!
>>January 21, 2006 at 11:14:43 PM GMT+8
take more rest~~
>>January 13, 2006 at 9:07:13 PM GMT+8
KK~聽晚見啦~唔知你會唔會o黎
>>December 1, 2005 at 10:56:04 PM GMT+8
你幾時黎探我呀．．．．
>>October 31, 2005 at 5:03:53 PM GMT+8
想去旅行
<br>等埋我啦
<b
>>October 19, 2005 at 1:51:38 AM GMT+8
「妳被貼了!!!」
<br>(
>>October 9, 2005 at 11:52:08 PM GMT+8
<font color=CC33
>>October 6, 2005 at 2:12:54 AM GMT+8
how's ur sick?
<
>>September 7, 2005 at 2:39:37 PM GMT+8
點解你唔update呀?
<br
>>August 26, 2005 at 12:53:16 AM GMT+8
hahahahahahahaaa
>>August 25, 2005 at 1:20:14 PM GMT+8
<font color=gree
>>August 11, 2005 at 2:22:50 PM GMT+8
|
|
