2003 年 5 月 9 日 星期五 【晴】

今日差唔多一點先起身呀!點半阿華就返到黎..
跟住我地就一齊食飯o勒!食完執埋d野..兩點就出左門口lu..
因為我要搭兩點三船出返去..阿華亦都要返工!
點知行行下..又遇到會景巡遊喎..所以封左路!
咁我地就要行東灣出去碼頭o勒!點知佢地又岩岩行到果度喎!
好在亦都係岩岩行完..所以解封左!咁先至趕得到去碼頭咋..幾驚趕唔到呀!^^"

出到去中環就行去搭小巴啦..去到瑪麗醫院都成三點八lu..
咁就即刻去還制服啦!點知個主管又唔o係度..等左好耐!
d人就叫我去交鎖匙先..咁我交完鎖匙又再去返交制服果樹!
個主管終於都返左黎喇..咁講返俾佢知係咩名..咁就走得o勒!
攪掂晒都係四點三..就搭返970去旺角!

返到上水就去左街市買"送"..買左米線同一d配料!
六點鐘就返到屋企o勒..之後就整埋d"送"..一路睇新聞一路整!
又聽到新聞講..又多幾幢大廈證實有人感染左非典型!
仲要係我住緊果條村..係隔離幢tim呀!咁就死得啦..
以後出街又會俾人話架喇..嬤嬤一定係好擔心架o勒!
我都有d驚驚tim呀..所以而家出街一定會帶口罩!><"

攪掂晒d"送"之後..七點就去左洗白白lu...
沖完涼就去煮野食..洗埋d碗!坐o係樹睇電視同寫日記!
不過係用張白紙寫囉..因為我驚唔記得晒d野嘛..所以咪記低佢先囉!
之後就傾左陣電話咁啦..訓之前仲食左個橙tim呀!hehee~^^"

十一點半就上床訓覺o勒索!但係訓極都訓唔著喎!
可能係因為今晚飲左罐咖啡既暟係啦!
咁訓唔著..o係樹聽mp3同電台囉!又聽903..又聽新城997!
怖熱線呀..不過唔敢聽囉!哈哈..之後又聽返mp3...
好似成三點幾先訓著呀!

>>May 16, 2003 at 6:32:57 PM GMT+8

2003 年 5 月 8 日 星期四 【晴】

成5:00am先訓..但係十點幾就醒左o勒..之後就十一點半先起身!
十二點就食粉!今日係長洲太平清醮既大日子..
好似係要食三日定兩日素!所以今日食粉剩係得菜做料!

到左差唔多兩點倒我就去左沖涼洗頭..出面好嘈呀!之唔係d舞獅囉!高興嘛~^^"
我沖完涼出黎..阿華又開始整電腦!我就上網囉..上上下網又走去睇vcd...
今次整左無耐就整完lu...咁之後我地就一齊睇vcd啦!
其實出面一路都係好嘈..d人就好似好高興咁!但係我地並無出到去睇..
我咁大個女都未睇過..原本今次入黎係諗住睇架!不過..唉!算數啦~

睇睇下vcd..阿華佢竟然訓著左喎!><"
咁我唯有自己睇埋落去啦!睇完無耐..我就再俾佢訓多幾個字!
四點幾就叫醒佢起身出去o勒..去左買野食!條街好多人呀..仲多人過旺角呀~><"
就黎行都行唔到喇!我地又去左M記買左個餐加一個脆香蘑菇包!
拎返屋企食..食完又再出過去..去左南"乙水"..
果度都幾靚下架..好多石頭!可以爬石..真係幾舒服...哈!
阿華仲行到隻腳好dirty tim呀,我都係呀!不過無佢咁dirty囉!
佢連對拖鞋都好dirty呀!佢話係d船油喎..所以整到隻腳黑晒..哈哈!
咁咪落水洗囉...點知洗唔甩喎!不過隻腳浸住d海水真係好舒服..
因為今日實在太熱喇..攪到成身臭汗!咁洗完之後..我地就繼續行啦!
仲o係d石頭上面坐左陣!我仲訓埋o係樹..d風吹埋黎..勁舒服呀!~^o^
之後阿華話好多蚊喎..但係我又唔多覺喎!都無蚊咬我既..
不過果時已經七點喇..個天都開始黑咯!咁咪走囉....

返到屋企..阿華諗住沖下隻腳啦!點知佢阿媽又好似..哈!
又問佢去邊到黎呀!點解攪到隻腳咁dirty..話岩岩拖完地喎!
而家又俾佢攪到個地下dirty晒..想做死佢咁話喎!
真係估唔到佢阿媽會講埋d咁既野囉!因為佢講野d語氣有d...

跟住阿華就問..佢阿媽有無煮飯啦!
原來佢阿媽無煮飯喎..咁所以我地抖左陣又再出過去啦!
諗住出去睇燒果個唔知叫咩名既神像嘛!個神像好高架..起碼有成四層樓咁高!
可惜我地由七點幾等到八點都仲未燒!聽人講燒神像果陣d火去到成四五層樓高架!
所以我都好想睇下囉!咁我地行左個圈..買左兩籠點心返去俾佢阿媽!
順便抖左陣..之後十點半又再出過去o勒!我地去左買宵夜食..食完坐左陣!
到左十一點幾又慢慢行返過去!行到半路..我見到一隻小貓咪呀!
好細隻架咋..BB黎架!好可愛呀..不過係黑色既!我仲摸左一摸佢tim呀!
真係好想抱佢返屋企架..不過阿華又話核突喎!><"
咁咪算數囉..咁我又唔會真係抱既!如果唔係實俾人鬧!

咁就繼續行啦..但係離遠已經望到遠處有好大既火光喇..果陣都仲未夠十二點!
當我地去到果陣..已經無晒火喇!仲聽到人地講..神像已經燒完喇!唔..唔制呀!
七點幾等到而家..點知乜都睇唔到!得個桔..唔制呀!><"
咁既然已經燒完..咪諗住返屋企囉!但係經過包山果樹見到有好多人喎..
好似拆包山呀..咁我地咪停低睇下囉!搭正十二點就打鑼..上面d人就開始拆d包o勒!
有好多"藍帽子"o係樹控制人群!我仲見到佢地勁同d細路女傾計..好似溝女咁!哈哈~
d包都差唔多拆左一半果陣..有一股臭"宿"味傳來呀!
可能係因為前幾日d包俾d雨水沾濕左既關係啦!所以好臭..攪到d人紛紛離去!
咁當然我地都唔例外啦~哈哈!返到屋企都係十二點三倒!
之後我就去左沖涼..今日超熱呀..成30度呀!出左好多汗..成身都好臭..好難頂!阿華都係呀..哈哈!兩個都好臭..臭到想死呀!嘻嘻~^.<
咁我沖完之後就到佢去沖o勒..當佢沖緊果陣..我就幫佢執房啦!
佢間房係勁亂架囉...執到我死死下!加上今日又行左好多路喎!
來來回回都唔知幾多次呀!行到隻腳鬼死咁痛~><"
攪掂晒d野已經兩點鐘喇..咁我地兩點半就訓左覺o勒!

P.S:原本我想今日出返去架!
不過好在無出到咋..搭船都要排長"龍"呀!係勁多人架囉!
七點幾八點仲有好多人..仲有好多鐵馬o係樹!好似返大陸咁呀~hehee!^^"

>>May 16, 2003 at 6:28:28 PM GMT+8

2003 年 5 月 7 日 星期三 【晴】

真係太耐無寫日記..所以d記憶好模糊!

我記得今日去左walker shop度買左對鞋..去左銀行入錢..
仲幫嬤嬤去左眼鏡88度整眼鏡..返屋企前仲去左金龍船度買左三件西餅!

返到屋企上網!無耐就沖涼洗頭..之後就睇vcd...
阿華今晚會入黎呀!幫我抬部機去佢屋企整喎!其實部機都唔係話咩大問題既..
只係個icq成日hang..仲有佢會幫我換埋個windows佢囉!

好o勒..阿華差唔多入到黎果陣...打電話俾我叫我出去火車站接佢喎!
咁我就同嬤嬤一齊出門口啦..因為今晚要去酒樓度食飯!同姑媽佢地一齊食..
話提早食飯慶祝母親節喎!出到去火車站見到阿華..就同佢一齊返屋企啦!
因為佢拎住架手推車嘛..架車仔咁重..咁梗係放低o係屋企先啦!
果時大概係七點半倒啦!之後我就拎d西餅出黎俾佢食o勒!
食左一件..爺爺又打我手提..吹我快d去酒樓!咁我地咪拿拿林攪掂埋d野!
八點鐘就出左門口o勒..去到酒樓都未見姑丈!爺爺又話剩係差我地喎!
攪到我地咁鬼死趕~><"

咁人齊之後..就開始點"送"啦!食到成九點半呀..咁我同阿華就話走先~
因為要返屋企拆部電腦出黎!咁攪掂晒d野..十點三倒就走人lu..
要趕搭十一點半船呀!我地成十一點先去到紅磡!仲要等左成十分鐘巴士!
幾驚趕唔到呀..又要推住架車仔咁麻煩喎!好在去到碼頭都仲剩返四分鐘!
早知唔駛咁聲啦!累死人喇..><"

返到去阿華屋企就抖左陣!之後佢就開始整電腦o勒!
我就睇vcd..佢o係廳度整呀..將個電視機當mon咁睇!好勁呀..
不過電視機既解像度實在太低喇..所以整到d字好難睇!
而我就o係佢間房度睇vcd..係咁睇係咁睇....
唔知點解我要陪佢捱眼訓呢?其實我可以自己訓先架嘛!正一蠢材~><"

睇完<<乾柴烈火>>就睇<<初戀o拿喳麵>>..
睇<<初戀o拿喳麵>>..仲睇到我喊tim呀!
如果有一個男仔可以對我做出一d咁令我感動既事就好喇!hehee~
簡直發緊夢呀!呵~^o^

睇左成差唔多四個鐘喇..而阿華亦都整左成四個鐘!
整左咁耐..終於都整完喇!好似仲有d軟件未入咁卦~
我都唔多清楚呀...成5:00am鐘先訓呀!救命~
今次實變大熊貓都得o勒!

>>May 16, 2003 at 6:26:11 PM GMT+8

2003 年 5 月 6 日 星期二 【陰】

同樣係唔記得幾點起身既...
亦都唔記得起身做過d咩...剩係記得食完飯之後...兩點鐘出左門口!
去賽馬會拎返個預約期!仲有唔記得做過d乜...好快咁三點鐘就返到屋企!

接著就係上網!上上下網..屋企電話突然響起!
點知我一拎起個電話..果個人一開聲就叫"老婆"!
但係唔知點解我仲可以繼續同佢傾落去..hehee!
咁我就問佢係乜水啦...叫佢唔好亂叫..問佢搵邊個?
佢就話:佢都唔知自己搵邊個喎!正白痴~
咁我就問佢..你係咪玩line果d人啦..
跟住我就同佢講話:我又唔知你係邊個...加上而家好唔得閒!
咁佢就話遲d再打過黎...但係唔知會唔會再記得我個電話咁話喎!><"
真係俾佢激死..咁無耐我就去左沖涼啦!
過左一陣..佢真係再打過電話黎我!
但係我今次無聽到..亦都叫嬤嬤唔好聽!
但係嬤嬤又係咁問我點解喎!不過我並無答到佢!
佢亦都無聽我講..走埋去聽電話!好在當佢拎起個聽筒既時候...
對方已經收左線o勒!點解我會知道係佢打黎?
因為我屋企有來電顯示囉..但係佢之前打黎係無電話顯示架!
只係見到d好奇怪既符號..今次打黎都唔例外..所以我好肯定係佢!

夜晚都係咁啦..唔記得咁多喇!
都係食飯洗碗!洗完碗咪睇電視囉..睇到十點..唔係上網就係傾電話架啦!

>>May 16, 2003 at 6:24:13 PM GMT+8

2003 年 5 月 5 日 星期一 【陰】

今朝十一點起身!刷完牙就整左九隻小籠包食!
因為嬤嬤唔o係屋企..佢今日去左北區醫院覆診!所以無飯開...
之後我就o係樹聽歌啦..又睇下電視咁!

一點就出左門口lu...因為我要去賽馬會睇街症!
我咁大個女都係第一次睇咋!我諗細個都睇過既...都唔太記得lu!
我諗都有成十幾年無睇過喇...所以都唔知係點既!
我剩係知道佢一點九開始派籌囉!當我去到果時都已經幾多人下...
咁o係樹坐左二十分鐘倒啦...就開始派籌喇!
我輪到20號籌呀...咁咪o係樹等囉!三點先睇完..

睇完就去左大家樂食下午茶...因為朝早到而家剩係食左小籠包!
食完就返左屋企lu...之後沖涼上網!唔記得幾點訓覺覺~~

>>May 16, 2003 at 6:20:37 PM GMT+8

2003 年 5 月 4 日 星期日 【雨】

唉...之前果個日記好有問題呀!攪到我成日都寫唔到日記喎!唔...而家站長仲停止埋...唔俾我地d普通會員登入tim呀!><"

今日七點半就起左身lu...因為阿華叫我入佢度喎!><"
好累呀...起身梳洗完就煮左個麵食!攪掂d野之後..未夠九點半就出門口o勒!
諗住搭十點半船入去..但係我去到先係十點!仲要岩岩走左隻快船tim..又要等半個鐘!><"
好o勒..咁隻船差唔多到達長洲果陣呢..我就打俾阿華叫佢出黎碼頭接我啦!
佢又唔肯喎...叫我自己去佢屋企喎!但係我又唔想喎...咁後尾咪約左o係國民度等囉!
咁我落船之後就行去國民啦...點知仲未見佢喎!激氣呀..
我搭四落船...搭半都仲未見佢!咁咪打多次電話俾佢囉...點知佢仲o係屋企!
咁我咪同佢講話我到左國民好耐囉...佢仲話係咩?激死我喇...><"
咁我咪唔等佢...直接行過去佢屋企囉...又再打俾佢!仲未同我死出門口..佢算點呀?

同你地講丫...其實我地仲未好返!但係我都肯去佢屋企啦...佢仲要敦起個款咁喎!正衰人~小氣鬼!哼~
見到佢之後..我地都傾左一陣!係咁傾係咁傾..都唔係好記得傾過d咩lu...
總之到最後都係好返囉!不過我相信唔會咁快當無事發生過...個心一定仲有d野!
講真丫..我真係有d心淡架!不過算啦..我都唔想再追究落去!

之後搭三點半船出返去..出到中環就搭小巴去瑪麗醫院...因為要還制服!
點知去到間野竟然無開到...真係大頭蝦喇!無想到今日係星期日...公眾假期!唉..真失策!
不過多謝阿華陪我去啦!累你白行一趟真係唔好意思o勒!跟住就搭返40號去灣仔!
果陣都成五點幾lu...我地去左銅鑼灣据扒..因為阿華六點鐘要返學!所以就要咁早食飯!
食完都成六點半喇....哈!遲大到...咁我就叫佢自己趕返去上堂先!
而我就慢慢行去搭巴士去紅磡!再搭火車返屋企!
返到屋企大概八點倒啦!跟住沖涼上網咁囉...
好似兩點幾先訓....唔記得lu..hehee~

>>May 16, 2003 at 6:14:46 PM GMT+8

2003 年 5 月 3 日 星期六 【雨】

係呀!有樣野唔記得講tim呀!我手提電話既來電顯示係尋日已經用得返喇!
新世界d人尋日覆我...我點幾鍾先用得返呀!無左成四日來電顯示真係勁唔方便囉!
新世界d人真係唔係咁掂囉...唉!><"

尋日兩點訓左...點知個死佬三點鍾又打黎嘈醒人....變態!
朝早又八點幾打黎...又嘈醒左我!痴線架...都未見過d人咁自私咁鍾意打電話黎嘈醒人既!
但係我手提較左做震機架喎!咁都俾部電話震得醒我...真係勁囉!
但係candy十點幾打黎我又唔知道喎!真係奇怪呀!點解個死佬兩次打黎我都會醒既呢~
我覺得有d邪邪地tim呀!哈哈~~總之就俾佢激死啦!呢幾日都好唔開心...成日以淚洗臉!
不過好在有阿歡&阿欣陪我!先開心返...多謝佢地!^.<

今日好似十一點幾起身卦...差唔多啦!食完飯...約左阿欣一齊去阿歡屋企!
本來阿欣話唔去架..因為落大雨!但最後都係出左黎既!去到阿歡屋企都未夠兩點鐘!
去到抖左陣...無耐就開始睇vcd...<<下一站天后>>!而外面d雨聲...就滴滴答答咁響!
仲大聲過部電腦呀!我地睇左好耐..阿欣先至話:咩我地唔係應該一路食一路睇既咩?
大概係咁講啦!我都覺得食...果時已經差唔多睇完disc a....咁我地就決定睇完出去買野食!
咁無耐就睇完...去左隔離間鋪仔度買零食!由阿歡屋企行過去十步都唔駛就到o勒!
果時係無落雨架...我地每人都買左四樣零食....一d都唔貴!都係$10咋!
點知當我地買完就落好大雨..鋪仔行返去阿歡屋企係無得遮架!我仲行行下甩拖鞋tim呀!
因為實在太"扇"喇!哈哈..點知無啦啦阿欣又跑返過黎!話等阿歡開左門我地先再跑過去!哈哈~
咁無耐我同阿欣就拿拿林跑過去啦!hehee...都幾攪笑!
跟住洗手洗臉!枺返乾淨...就繼續睇disc b o勒!一口食一路睇...真係幾正架!

睇完就諗住睇第二套!不過後尾都係無睇到...o係度聽歌!阿欣上網..阿歡做功課!而我就坐o係樹發呆!
無耐我就同阿欣上左阿歡間房!阿歡怕我地o係佢間房度倒亂...所以就即刻上黎制止我們!呵~
咁我地就o係樹傾計啦!之後阿欣落左去..得返我同阿歡!都有傾計架...之後阿歡好似好眼訓咁!
我地落返去!無耐就上返去"裝"下阿歡...勁白痴囉!hehee~
之後阿欣又話睇vcd....o係阿歡間房度睇喎!咁就睇啦..睇左<<豐胸秘cup>>....果時都六點幾lu...
阿欣話七點鍾走喎!我地一齊去食飯....就叫埋阿歡出!阿歡又好似唔想出咁...唔知呀!
不過到最後都出左去....七點幾出左去啦!出到去食咁搵食....搵左好多間呀!
其實都係阿歡囉!我就無咩所謂既...最後去左大快活!哈....

食完都成八點半過d喇!之後我地去左睇衫...阿歡買左件衫俾hody呀!
佢仲睇中左件衫話好襯我架喎!最後我都聽佢話買左..佢好開心呀!^^"
我叫佢幫我入去買既...點知無耐佢出返黎話...買二送一!佢就仲興奮囉!
因為阿歡自己都睇中左一件衫!咁係咁囉...但係阿欣一直都係o係鋪頭外面傾電話!
我發覺佢剩係鍾意傾電話架囉!無論係去人屋企...同我出街!好多時間佢都係拎住個電話係咁傾係咁傾!><"

買完晒衫...最後就陪阿歡過上水中心換返條裙!不過係換唔成既~
跟住阿欣就返左屋企lu...而我同阿歡就去新都間飾物店度繼續睇野!
買左條鏈...髮夾...橡筋!成$81架..不過佢收我$77...都算平左啦!哈哈~
之後就返屋企lu..返到去好似係十點啦!跟住沖涼囉....上網!
今晚十二點半就訓左喇...因為聽朝要一早起身呀!
要入長洲呀!男朋友叫我入去喎....但係我地仲未好返架囉!
唔知聽日會點呢?

P.S:今日勁開心呀!hehee~

>>May 6, 2003 at 4:13:41 PM GMT+8

2003 年 5 月 2 日 星期五 【晴】

好多日無寫日記lu...都唔係咁記得發生過咩事!
咁我就略略講返d俾大家知啦!哈哈~^^"

今日好似係十點半起身咁啦!例牌去梳洗..之後上左陣網!
咁就食飯o勒!食完飯洗埋d碗!咁就坐定定o係樹睇電視啦!
睇到兩點鐘就出左門口lu..去郵局呀!因為前日收到封野...叫我去郵局拎份印刷包喎!
都唔知咩黎既...點知去到郵局...份野原來係工聯會既月刊!唉...總之唔拎啦!都無用既~
可能而家幢大廈整左信箱啦...要自己去拎!以前唔駛架...佢會直接送到我地屋企門口!
但係我記得上個月都無咁樣既...佢照入落信箱架喎!點解今次要自己去拎咁麻煩架!><"
下次再叫我去拎...我唔鬼去喇!拎完就拿拿林返屋企...返到屋企都係兩點八咋!

跟住好似又係上網咁啦!無耐沖涼!都係咁....
夜晚食飯..睇電視!睇完咪十點鍾去左上網囉...今晚有幾套電視劇都係大結局呀!
不過我覺得個結局麻麻姐!其他唔多記得lu..好似兩點倒就訓左覺覺lu...

今日仲係同男友維持不變...但係又唔係冷戰!
不過好辛苦~就死咁滯!><"

>>May 7, 2003 at 3:45:10 PM GMT+8

2003 年 5 月 1 日 星期四 【晴】

尋晚點半鐘訓..今朝又係成十一點先起身!
之後就煮左個福麵食...再上網寫日記!之後同男友o係icq傾..問佢今日出唔出黎!
佢話如果d fd去打波就唔出..唔打波就出喎!但係佢之前應承我出在先!
佢應承過話今日陪我返瑪麗度交制服架...而家又話唔出..要打波!咁算係點呀?當我係咩?
跟住我唔記得同佢講左句咩說話..佢就話多數唔出!仲更加激氣囉~
咁我咪約fd囉!約左阿欣點半倒啦..去阿歡屋企!o係果一刻我真係好唔開心!好想劈酒..我諗飲醉左我會開心d~
之後傾傾下icq...佢又打電話俾我!我都無乜野同佢講..之後我同佢講話唔傾!
因為趕住換衫出門口!同佢講話約左阿欣去阿歡屋企!之後佢就講埋d好難聽既說話!
最後佢問我知唔知打俾我仲咩...我話唔知!再問佢:你唔係諗住同我講話出黎嘛!
佢話係喎..不過而家唔出lu..都唔知佢講真定講假!而家我都唔得閒啦..佢講乜都得!
係佢自己話要做功課...又要打波!唔出架...而家打黎話出!乜都係佢講晒..我可以點~

無耐我就叫佢等我一陣..就放低電話去左換衫!換完衫返黎之後就收左線!
因為我唔記得佢等緊我!點知收左線先醒起同佢講緊電話!之後就o係icq度同佢講對唔住!
請佢原諒我!咁我就off左line出門口o勒!出到去已經見到阿欣o係度等緊我lu...
咁就起程同佢去阿歡屋企啦!去到都未夠兩點!我咪話好唔開心想劈酒既...咁岩阿歡屋企又有酒喎!
咁我坐左陣之後就去左雪櫃拎啤酒!不過只係飲左一罐..唔通飲晒人地屋企d啤酒咩!
無耐我又講起個手提電話仲未來電顯示...咁阿歡就話幫我打電話去講!
阿歡竟然話...你知唔知你地咁樣..我係可以投訴你架!唔太記得佢點講喇..差唔多意思啦!
阿歡好野!不過我真係覺得新世界好唔掂囉..d效率咁慢既!兩日仲未攪掂~
話左會覆返我又唔覆!真係丫...勁激氣!之後三點幾阿欣話肚餓...我都有少少餓!
咁就去左買野食!我買左碗通粉!$15呀...阿歡都話貴!早知o係佢屋企煮野食好過啦!><"

係完都係三點幾..就出左去o勒...又去睇衫咁啦!
行過匯豐...就check下個戶口有幾多錢!因為尋日收到瑪麗醫院寄黎既糧單!
點知一check..嘩!點解多左咁多錢既...原來已經出左糧俾我喇!真係無諗過咁快會有呀~
我諗住月尾先會出架嘛!點知o係我辭左職既第五日就出糧俾我喇...開心開心!^o^
出到黎都四點喇!咁就周圍行囉..都係睇下衫咁!又買左兩件衫喇...變態架我!
又再去左新世界..因為阿欣有野想問!而我又再一次同佢地講..問我幾時先可以有返個來電顯示!
咁佢就問我拎左部電話...幫我check!不過最後都係要聽日答覆我既!算啦...我忍埋今日!
之後就繼續行...行左去cd鋪!買左兩隻VCD tim呀!係問阿歡借錢買既!借左$100....唔好意思呀!阿歡~^^"
其實我唔係無錢既..不過銀包就真係無囉!銀行都有..不過唔想拎銀行d錢出黎用...hehee~
阿歡你放心啦...我過一兩日就會還返俾你!差唔多七點果間嬤嬤就打電話黎!
話姑媽會黎接佢喎...叫我快d返去!果時都六點五十分喇!因為今晚要去姑媽飯堂度食飯...
不過唔知點解無啦啦去食飯喎!其實果時我地都行完架喇..
不過o係龍豐度睇緊d女人野!哈哈..睇完之後就各自回家lu...

咁我就急急腳咁行返屋企啦!返到屋企樓下打俾嬤嬤...問佢點解仲未落黎!
佢話姑媽仲未得閒...等陣再打俾我地!叫我返上屋企先喎...返到上去...
佢就話姑媽唔黎..姑丈黎接我地!跟住七點三就落左樓下等姑丈楂車黎接我地!
七點半倒就去到飯堂lu...一去到就開著個電視!無耐就食得飯lu....
不過我都無食飯...係咁食"送"...次次去到姑媽都煮好多"送"架啦!
所以我剩係會食"送"唔食飯!好快就食飽飽lu....之後一直o係度睇電視!
玻璃鞋呀!哈哈..仲有睇住隻貓貓!姑媽飯堂果樹有隻貓貓好可愛架...
點解話佢可愛?因為我地o係度睇緊電視果陣!佢就爬左上電視機頂坐左o係樹!
果時睇緊玻璃鞋!貓貓兩隻手手仲遮住左個電視機畫面!佢個頭就...唔識點講呀!
總之佢對眼就係望住個電視機架啦..兩隻手仲o係度不停係咁摸住入面個人!
正一傻貓黎架!哈哈..不過真係好可愛架!姑媽仲話有一次電視播緊貓貓紀錄片..
隻傻貓就係咁睇住個電視機..仲成日抓住tim呀!你地話係咪好傻好可愛呢?hehee~^.<
仲有呀...貓貓有一次飲個盤入面d水...飲到自己都趺埋入個盤入面tim呀!
哈哈...仲好似猛咁o係度叫救命tim呀...係咁叫係咁叫!好彩姑媽捉返佢上黎咋...
都傻既...我都未見過d咁傻既貓貓架!哈哈~~得閒多d去睇下隻傻貓貓先得!^^"
睇完智勇新警界就走左lu...返到屋企就沖涼!上網寫日記...上到點半就訓左lu..
而家唔知點解晚晚上網上到點半就頂唔順要訓覺覺豬喇...hehee~

p.s:仲有一件大事呀!就係今晚o係姑媽飯堂果度睇到新聞...
上水彩蒲苑證實左有非典型肺炎呀!死啦..彩蒲苑係我住緊果度隔離咋!
而家嬤嬤佢地都好擔心呀!勁叫我唔好出街...但係唔出街又點得呢?
好似聽日咁...我又要出去郵局度拎郵件喇!驚驚呀..><"


>>May 2, 2003 at 4:17:20 PM GMT+8

2003 年 4 月 30 日 星期三 【晴】

尋晚好似又係點半訓啦..今朝咪十一點三先起身囉!
之後食飯...洗碗..睇電視!同男友傾電話..我同佢講話個手提唔知點解無左"來電顯示"...
跟住佢叫我打上台問..咁我咪叫佢幫我囉!咁咪用三線打囉...點知等左好耐都係話線路繁忙喎!
咁我咪直接打去near上水火車站果間鋪度問囉!佢又話而家好忙...叫我地留低聯絡電話...
話會幫我地check...遲d覆番我咁話喎!唉~

咁差唔多時間我就去換衫o勒!不過成兩點半先出門口...其實我地係約左兩點半架!
不過我d朋友係例遲既...我都慣架喇!所以我無理由咁笨咁早就出門口架啦嘛...係咪?hehee~
但係出到去仲未見到人喎...阿歡打俾我話佢黎緊!Candy就唔知啦~
咁我見未有人...就去新世界度問下啦..佢又係答番我頭先o係電話所講既野喎!勁激氣囉~
仲有...出門口之前唔知因咩事男朋友又嬲!唉...其實我都好嬲!第一次收左線之後...
跟住前後又再打左兩次電話俾我!叫我道歉喎....哈哈!真係攪笑!
我都無做錯..點解要我道歉!但係到最後我就好有禮貌好溫柔咁同佢道左兩次歉!
佢又話我無心喎!咁又點姐..我都無做錯...仲咩無啦啦要向你道歉喎!真係俾佢激死呀~

等齊人走得喇...點知vicky又係甩底既!原來佢地尋晚搵唔到佢!唔開心呀..好耐無見過佢喇!><"
我地首先去左新都美意屋!之後阿歡話未食野...所以就去左M記度食野!
食完就起程去阿歡家~去到佢屋企都好似過左三點半喇...
咁我地就聽歌呀!攪電腦呀咁啦...都有講有笑!
都係一路整電腦咁啦!到左五點..candy就要走喇!因為佢要返學...
咁阿歡就送佢出去啦..而我就繼續o係度上網!因為我懶出去..又累喎!hehee~
無耐阿歡就返左黎lu..我地就繼續整電腦啦!之後都傾左陣計...原來阿歡有好多野我都唔知架!
阿歡:你都唔好咁唔開心啦!我唔知你個心點諗囉...但係俾著我係你既話...我真係會好唔開心囉!
我無你咁睇得開呀..所以發生咩事...我都會唔開心一大餐既!><"

之後都六點幾喇..原本諗住七點前返到屋企架!睇電視嘛...
但係阿歡就留我o係佢屋企食飯!我都話唔好架啦...講左好耐!
不過最後都o係佢屋企度食!得我..阿歡同佢媽咪三個人!
點解我會o係佢屋企食飯...因為阿歡話想買衫..食完飯都會出去買!
所以我咪應承佢囉!我地成八點幾先出去呀...出到去都八點半喇....
d鋪頭多數都係九點幾關門!所以我地既步伐係好急速既..阿歡真的很心急啊!
其實我都無諗住買衫既..只係想買化妝品!點知一去到red earth已經關門了!
咁唯有陪阿歡去睇衫啦...睇睇下!攪到我又睇中左幾件喎!始終都係忍唔住買左兩件衫...真失敗!
但好似又好興奮似的...哈哈!阿歡同樣買左兩件!^^"
買衫中途收到媽咪的電話...又鬧我出街!仲俾佢知道左我上次唔返屋企訓...激氣呀!
唔記得左佢今晚會打電話黎...唉!失策...叫我唔好去街喎!又話一陣感染到之後傳左俾阿嬤就唔得掂!><"
佢又講到好"勞"氣喎...而我又聽得唔耐煩喎!所以就cut左線o勒!

之後一路心情都好唔好...好唔開心!好激氣...好想返屋企...已經無晒心情再行!
又因為d鋪頭都差唔多關晒門..所以就返屋企!但係阿歡又唔想返屋企咁喎!
佢陪我一齊行左去彩園村...我地o係果樹坐左陣...十點就各自回家喇!
返到屋企沖涼洗頭..吹頭!上網...同人傾icq...男友都o係樹...之後佢話想要六合彩d資料黎做功課!
咁我咪幫佢搵囉...一搵到之後就即刻send俾佢啦!跟住佢就打電話俾我...話想我再幫佢搵d背景!
但係我又睇唔到佢個版面喎...又唔係好明!咁咪同佢講..對唔住呀,我太蠢喇!唔明你講咩囉~
之後佢又唔知仲乜野..無啦啦"小"我喎!勁激氣囉..佢話想要咩資料...我已經即刻幫佢搵到啦!
仲想我點...仲要鬧人!痴線架~真係勁唔開心囉!><"

但係總括黎講..今日已經算係好開心既一日架喇..因為好耐都無試過行街行得咁開心喇!睇衫睇乜都好啦..
次次同親男友出街都唔會睇衫...有都好少!睇得好似唔自在咁..怕佢悶嘛!
唉...但係見到人地d男仔陪個女朋友睇衫..我就好似好羨慕咁!


>>May 2, 2003 at 12:48:07 AM GMT+8