| 日記 | 日記主簡介 |
||||||||
2003 年 10 月 23 日 星期四 【晴】 同雪雪一齊..哈哈!lunch仲要幫雪雪買M記... 四點果時出面有人鬧交呀!係隔離既兩間salon對戰呀! 雪雪..自己走左出去睇!留返我一個人o係度睇舖..好衰架! 好多人o係度圍觀囉...鬧得幾大聲呀..差d開片架o勒! 雪雪放工之後...我就要影印...個女人又拎左成本書黎印喇! 我放工都影左四分三...剩返果d留返俾雪雪聽朝影啦! 個女人次次黎親都拎幾本好厚既書黎印架..好鬼麻煩架! >>November 5, 2003 at 9:28:48 AM GMT+8 2003 年 10 月 22 日 星期三 【晴】 同鳳鳳一齊返...今日鳳鳳返早呀..所以收六點.. 佢走果時都係二千幾生意...之後到到八點我清機有成三千幾蚊生意呀! 哈哈..好勁呀今日!兩個鐘有成千蚊生意...梁生仲以為我打錯機tim呀!><" 唔..今日幾好..唔錯!返新舖係最開心既..不過第時怕再無咁既機會喇! >>November 5, 2003 at 9:22:27 AM GMT+8 2003 年 10 月 21 日 星期二 【晴】 >>November 5, 2003 at 9:18:17 AM GMT+8 2003 年 10 月 20 日 星期一 【晴】 返天平...辛苦! >>November 5, 2003 at 9:15:13 AM GMT+8 2003 年 10 月 19 日 星期日 【晴】 同阿華去左海洋公園..哈哈!開心..講左咁耐終於達成願望喇! 唔..不過尋晚成點幾兩點先訓...今朝七點就起左身喇! 放假想訓晏d都唔得!><".....咁早起身為咩?咪就係要整野食囉! 整左蛋糕仔..一個全蛋蛋糕...同煎雞翼!好好味架... 攪到我成十一點先出門口..出中環..去到海洋公園都點幾鐘! 第一時間就係開餐!食完就去玩啦...玩左好多野呀! 今次終於都有得玩滑浪飛船喇...開心呀!yeah~ 係無玩過極速之旅咋..即係跳樓機! 唔..最後都係無去鬼屋企!勁勁勁勁唔開心囉! 唔...成八點幾先走..已經遲晒大到啦! 我訂左位八點半食自助餐架嘛!去到都成九點半..食左一個鐘都無就走左lu... 晒錢呀...我地食左勁少野囉!但係果間野又無乜好食啵! 唉..食完十點半啦!去左海旁坐吹吹風..凍瓜我囉!呵~ 唔..十一點四阿華就要趕船..咁我都搭巴士返火車站! 十二點半先返到屋企!勁勁勁眼訓囉! 今日好似好開心...又有d失落咁! 唉..我都唔識講呀!不過我周不時都係咁架啦! 因為我係傻架嘛...heheee! >>October 20, 2003 at 11:38:46 PM GMT+8 2003 年 10 月 18 日 星期六 【晴】 o係上面佢熟過我架!唔..今日終於都見到麗麗喇.. 一返到去整完d野...麗麗就叫我執紙架! 執執執..執左都有兩個鐘囉..呵呵!仲俾阿wing串tim.. 咁我咪聽雪雪講唔同佢客氣串返佢囉! 唉..跟住拎d野落新舖..同雪雪&鳳鳳嗲左幾句咁..都係講阿wing既! 因為佢地都唔鍾意阿wing嘛! 今日都算ok啦...唔錯唔錯!其他仲有好多野想講架.. 不過唔想打咁多字呀..唉!而家心情係好...唔知點! 總之唔開心啦...死仔頭!哼~嬲死你... >>October 19, 2003 at 12:42:29 AM GMT+8 2003 年 10 月 17 日 星期五 【晴】 同雪雪一齊...今日下午又返左萬聖節既新貨呀!係奪命狂呼既面具呀! 好好玩架..仲有彊屍袍..好多好多!雪雪發晒癲咁囉!哈哈..正一傻婆! 勁好玩...雪雪今日要返埋夜呀!平時佢收六點架嘛! 今晚要踩到八點..真可憐!連踩十三粒鐘..勁呀! 聽日老闆同老闆娘就去旅行喇...真係幸福呀!sweet sweet~~~ 放工就去左食飯..食完返屋企..沖涼洗頭! 十點幾就訓左lu....呢兩日真係勁累囉! >>October 19, 2003 at 12:27:09 AM GMT+8 2003 年 10 月 16 日 星期四 【晴】 今日同雪雪幾好..唔錯!都有玩架..又傾計!哈哈...咪就係開心囉!^.~ 不過雪雪放六點..所以阿wing落左黎..阿wing同我一樣.. 返左無幾耐..但係返多我半個月!不過老闆娘話:叫我睇住..阿wing只係輔助我! 攪到我唔知點咁..好似點佢做野!仲要係我收錢喎...阿wing都未學! 佢又係咁問我野....唉!><" 今日就係咁囉...唔知點咁! 放工之後急急腳咁走去睇醫生..睇咩? 咪d m囉...唔知咩事囉!唔講你地知啦.. 可能壓力既關係..同埋d情緒唔多唔少都會影響到d既! 呢兩個月妁黎..真係唔知咩事囉!唔想多講呀! 今晚十一點幾就訓左lu... >>October 19, 2003 at 12:30:13 AM GMT+8 2003 年 10 月 15 日 星期三 【晴】 不過係我請既..因為今日要覆診囉!見精神科醫生嘛...哈哈! 咁一早起身..就拖地..跟住沖涼洗頭..十一點幾落去飲茶! 同爺爺嬤嬤囉..跟住點幾就出左去... 去左旺角..諗住去捐血..點知"督"完手指..佢竟然唔俾我捐血喎! 話我血色素低喎..激氣呀!我第登落去旺角捐血架嘛.. 咁捐唔成我就飛奔過佐敦qe o勒! 去到已經三點一喇..我仲約三點架! 交完錢上到去...係咁等! 等左好耐...我都訓左成粒鐘..因為真係好累! 成四點幾五點先見社工...六點先見醫生...低能架!><" 見個精神科醫生見到六點三四左右啦...我就話要走o勒! 因為約左媽咪..人地無諗住見到咁晏架嘛!妖~ 個醫生又費喎...激死我喇...晒左$100見個咁費既醫生! 之後即刻飛去尖沙咀...去酒店既餐廳食自助餐! 食左好少野已經好飽喇!今餐係我請架...死啦! 今個月透支得好厲害呀!死啦..點算好? 食完九點幾就走lu..同媽咪行返去火車站! 返到屋企都未夠十一點! >>October 19, 2003 at 12:10:45 AM GMT+8 2003 年 10 月 14 日 星期二 【晴】 唔..一早返天平..後尾返新舖!同雪雪過得好開心! 今日老闆竟然同阿雪講話俾我收銀呀... 慘...人地阿wing返左半個月工都未學收銀! 而我今日先第七日返工...就叫我收銀..死得! 好在清機果時都無少到錢!都要多謝雪雪.. 返新舖係最開心架..因為有雪雪同鳳鳳嘛!哈哈.. 其他全部都唔岩傾咁既...><" >>October 14, 2003 at 11:09:51 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net