2003 年 6 月 8 日 星期日 【晴】

今日都好好天丫...上水都無落到雨!仲有太陽tim呀...^^"

今朝十點鍾就起左身喇..之後就刷牙洗臉..再換衫...十點八九個字就出左門口lu...
因為要去等位飲茶呀...去海港呀!果間茶樓好多人架...所以我要早d去等位!
媽咪今日入黎嘛...無理由要佢飲到黎再等位架嘛!不過佢都逃唔過等位架喇!
黎到都係要陪我一齊等..哈哈!我已經未夠十一點就去到架喇...但係等到十二點先至有位囉!
仲有係同人"搭"檯...如果唔係都唔知要等到幾時囉!><"
咁飲完茶就同媽咪行街囉..行行行!媽咪買衫..而我就無買到!
我近排一定唔會再買衫架o勒...一定要忍...一定要做得到呀!因為我實在做得太多錢喇!
之後去左買CD...買左"啤梨仔"同"存為愛"兩隻!簽卡卡既...哈哈!仲買左對涼鞋(拖鞋)..$80!^.<
行行行...係咁行囉!行到差唔多五點就去左哈狄斯坐...坐到六點就去食晚飯!
七點幾食完飯就返屋企lu...返屋企前仲去左百佳..買左Qoo Qoo呀..有個Qoo盒架..靚靚呀!
一盒有八枝..勁鍾意呀!未夠八點就返到屋企lu....^^"
今日都差唔多啦...唔想寫喇!係咁先啦...總之今日就行到隻腳仔好痛痛啦!

Summer:估唔到你真係有睇我日記喎..好開心呀!哈~
唔..星期五咩事呀?去邊到呀...我唔知喎....><"

>>June 9, 2003 at 1:39:21 PM GMT+8

2003 年 6 月 7 日 星期六 【雨】

尋晚傾電話傾到十一點幾..傾完諗住訓覺啦!但係訓極都訓唔著...
唔知係咪因為今日要去【心 連 心「 香 港 再 起 飛 」 大 行 動 】既關係呢?有dd咁多多興奮..因而訓唔著!

*********************************************************************************************

今朝五點就起左身o勒...刷完牙就整左隻粽黎食!之後就換衫...
六點二就出左門口lu..因為我地約左六點三o係上水火車站既美心等!
參加呢個活動..我係向以前讀果間中學報名架!^^"
鼠鼠都去呀..不過唔同我地既時間!我地約六點三o係火車站..佢先約六點九o係上水廣埸!><"
我去到咪又係要等....唉!又話七點開車...點知過左七點就仲未開車!
仲要我地約咁早...不過唔緊要啦!個心真係幾興奮..好耐都未試過參加呢d咁大型既活動喇!
差唔多七點三先開車...開車無耐就派d飲品同蛋糕我地!仲有每人一件紅色風褸!
八點倒就去到機埸lu...o係架車上面等!等左都幾耐下....
之後就落車去廁所啦....唔知得一個定有兩個廁所啦!但係勁多人等囉...
我地落車果時都落緊雨..不過就唔係好大!用件風褸擋雨!之後無啦啦又落起大雨黎...
仲有雷tim呀..勁大聲!都幾恐怖架!不過我依然咁興奮囉..因為有阿歡同小白陪住..都幾過隱幾開心!
但係到最後都係無去到廁所架囉!><"

上返車之後...又唔知架車駛左去邊!又等左陣....之後去左一個油站既廁所!
得一間..又係排長龍....由九點九排到十點七八個字!都未去到..我真係未試過去廁所去到咁....><"
條隊排咁耐都係無乜點郁過架囉..d人都唔知去咩架..去咁鬼死耐...爆石都爆鬼完啦!
仲要有好多人插隊喎...唉!d人都唔知有無三個口架?哈..引用小白既名言!
等我倒倒帶先..講返前少少啦!排排下隊..收到鼠鼠個電話..佢話佢地走喇喎..聽講話個活動取消左喎!
之後我就走去問winner個活動係咪真係取消左..佢都話係呀!即刻有少少唔開心同失望!><"
五點鐘咁早起身為左咩?為左黎一黎機埸?去一去廁所?真係有d無奈囉....唉!
咁排左咁耐都去唔到...winner又話剩係等我地...so索性唔去..上車走人!
上返車之後..等左陣...就開車返上水o勒!又o係度派飲品同蛋糕...
十一點九就返到上水lu..阿歡話一齊食飯..咁我就話好啦..仲約埋阿鼠tim!
之後阿歡話個身濕晒...好唔舒服..都係唔食..返屋企咁話喎!
鬼咩..之唔係第一次落車去廁所果時囉..鬼死咁大雨!攪到我地d鞋同褲都濕鬼晒1><"
咁我都唔食啦...之後就一齊返屋企咯!阿歡走左之後...我就同阿鼠一齊行返屋企啦!
十二點二倒就返到lu.....今日成件事都差唔多...係咁上下啦!
咁有意義既活動...都唔知幾時先再有咁既機會參加!唉...實在太過可惜喇!

***********************************************************************************************

返到屋企就拿拿林換衫..跟住整左個杯麵食!
食完就去左上網...到左四點幾就洗白白!五點幾feel好累好累..鬼咩,今朝咁鬼早起身!
所以就去左訓覺覺豬o勒..一訓就訓到八點幾!起身之後就睇電視..feel有少少肚餓..就去整野食!
十一點幾睇完電視...就繼續上網...仲同阿欣玩fax tim呀!哈哈..開心!^o^
點幾就訓左lu...

今日有d失望......................................><"

Brenda:Sorry ar,我唔係唔覆你留言呀!
我只係一時間唔記得左咋!唔好嬲啦...
你地一個二個(你啦,candy,fanny,hody)都唔留言俾我,我真係覺得好慘架!
都唔知你地有無睇我日記既!唔知寫乜好?你知道我發生過咩事..都可以講下野..俾下意見架嘛!
知道我唔開心..都可以留言安慰一下我架嘛!嗚嗚......唔制呀!尤其是係candy同hody啦!hehee~

>>June 8, 2003 at 10:01:19 PM GMT+8

2003 年 6 月 6 日 星期五 【雨】

今日亦都係十一點幾先起身..唔知點解真係覺得好累好累!
跟住去左刷牙洗臉..之後就食飯!食完洗埋d碗就睇電視..
叫左爺爺上黎食荔枝...d荔枝係嬤嬤尋日買架...勁大粒架!
爺爺兩點幾上到黎...佢一上到黎我就叫佢食荔枝...爺爺都話d荔枝大粒呀!
話未見過喎..仲話乜都咁大粒荔枝既咩...哈哈!真攪笑..又話可能係中山既...
佢話係中山先有咁大粒既荔枝喎...咁呢層我就唔知咁多喇!^^"
我仲拎左包小籠包俾佢拎返屋企...因為我食唔晒屋企雪櫃d野..so咪俾爺爺囉!hehee...

爺爺走左之後..我就開始拖地...o係呢個時候嬤嬤就o係中心寫完字返身黎喇!又阻住我拖地...><"
唉..算啦!都係要拖架啦..咁拖呀拖呀!拖到三點幾...之後就去左上網寫日記!
四點幾就去左沖涼洗頭..洗完出黎就吹頭!跟住就繼續寫日記...
到六點幾就整野食...整左包蝦餃..煮左個麵!食完就睇電視..
睇完電視..十一點就上左床覺覺lu...打左個電話俾阿華..
傾左陣...傾到十一點幾!

>>June 7, 2003 at 2:18:07 PM GMT+8

2003 年 6 月 5 日 星期四 【晴】

唔記得尋晚幾點訓lu....今朝成十一點幾先起身!
刷完牙就食得飯lu...食完飯就洗埋d碗!跟住睇電視...睇完電視就洗風扇!
再執埋d野...終於都執完喇...五個紙皮盒都用晒lu...哈哈!張床整齊左好多囉...無之前咁亂!
而家仲有多返d位出黎擺其他野!哈哈...

到左四點幾就去沖涼洗頭...之後上左陣網!
到左五點幾六點就打電話俾爺爺睇下佢o係邊...
點知佢仲o係屋企喎...尋晚嬤嬤已經叫爺爺今晚黎食飯架喇!
因為屋企有好多"送"....又煲湯喎!所以咪叫爺爺黎食飯囉!
咁爺爺六點幾黎到...就開飯o勒!食完抖左陣....我就係咁食..哈!
慢慢食...今餐飯我食左成個鍾頭呀!八點倒爺爺就走左lu...
咁我就去洗埋d碗啦...咁多碗...洗死人咩!><"

洗完就睇電視...十一點幾就上床訓覺覺lu..
打電話俾阿華...無人聽!咁就唔理...訓覺啦!
點知佢到點幾鍾先打返俾我....激死呀!嘈醒人...
早又唔打..跟住就係咁質問佢...點解咁遲先打俾我!
點知佢話諗住我會打俾佢喎!唉...我有打呀....係佢唔聽咋嘛!
講左陣...亦都鬧左陣...之後我就頂唔順訓左lu...

今朝起身無耐就收到勞工處打黎既電話!
叫我去見工.....但係地址都未講...又話等陣再打過俾我!
咁唯有收線啦..到我食緊飯...又再打黎...話我登記果份接待員已經請左人!
如果再有合適既工作..再打電話去登記咁話喎!你地話丫...有無離譜d呀!
第一次打黎話叫我去見工....之後打黎又話請左人!咁都算o勒...
第三次又再打黎...又係講返同一樣既說話!話我登記果份接待員已經請左人....
話如果有合適既工作...就打去登記!真係俾果d人激死呀!無聊無野做..都唔駛打咁多次電話黎架!><"

>>June 6, 2003 at 6:13:41 PM GMT+8

2003 年 6 月 4 日 星期三 【晴】

今朝好似七點幾就醒左lu...咁就o係張床度繼續攤啦!攤到八點幾就morning call佢地!
傾呀傾呀...點知阿欣竟然話唔好喎!俾佢激死..唉!><"
跟住咪係咁叫佢去囉...跟住佢就話遲d答我地!咁好啦..唯有係咁既姐!
最後我同阿歡約左十點o係上水火車站等!點知阿歡都係差唔多成十點先出門口...
咁我地就搭火車去大埔o勒!candy頭先打黎問我地o係邊..咁我就問佢阿欣去唔去啦!
佢話去喎....咁都好d..唔通得我地三丁友去咩!hehee...去到大埔已經見到candy等緊我地喇!
之後就一齊搭k巴去vicky姐做果間茶樓度飲茶!飲到十一點十個字就走左lu..

三個人..埋單$164...每人$55啦!約左阿欣十二點三o係大埔火車站第六卡等!
咁我地就打的去火車站啦!去到阿欣已經坐左o係豎...又係做緊指定動作....傾電話!
我地一齊搭火車去沙田...再行去巴士站坐299入西貢!我都唔係好記得幾點上巴士lu..
總之就坐左好耐...有成45分鐘呀!坐到我地暈呀暈呀....@_@!
落車之後就去左百佳隻買野...有薯片..麵包..火腿..橙汁等等!
買完之後..又去左一間鋪頭度買波波同風箏!之後就搭船去半月灣o勒!
船上面個女人勁多野講囉..又話果度好多人呀...點點點咁!我都唔係好記得佢講過咩lu..
離衰望到半月灣真係勁多人囉!咁我地落船之後就搵到個位啦...少少地方!
夠放張蓆咁啦!之後我同歡..仲有candy就去換衫先啦!阿欣就睇住d野!
嘩..去到更衣室係勁多人架囉!我地四個人得阿歡帶左泳衣咋!
我地三個剩係帶左短衫短褲!排左幾耐隊先等到呀!咁換完出返去就..
落水啦..但係我又無帶內衣換喎!所以只可以落一落去浸腳!
我同阿欣..歡落左水..但係阿欣乜都無換..又怕整濕!so都係上返去..
咁我又跟住上返去...亞歡都係咁!之後又發生左d事!咁我都唔想多講...
因為唔知點講..我亦覺得無必要再提起!之後就拆薯片食啦!係咁o係度食野..又影下相咁!
之後我同阿欣..candy又落左去浸腳同影相!玩左一陣..又上返上食野!
都無乜野做..我地係望實一對情侶!佢地都一把年紀架啦...仲d公眾埸合仲可以咁纏綿既!
一黎到..條仔就幫條女塗太陽油...跟住就攬住黎晒太陽!真係掂少陣都唔得架..
落水果間..條女仲要條仔"稱"起佢!出到去...擺張浮床落水!佢先訓上張浮床度!
candy猛咁話..佢唔掂得水架!哈..真係丫!睇見佢地咁樣...都唔知羨慕定眼冤囉!hehee~^^"
四點幾candy就話走喇...我都話好!咁亞歡就去換返d衫啦...我地就執野!
唔知亞歡攪乜鬼換左勁耐...出返黎之後..我地就排隊上船...勁多人囉!
不過d船一隻接一隻咁黎...所以好快就上到船o勒!五點半開船..六點就出返去西貢碼頭o勒!

落船之後就去搭巴士啦...點知299條隊又係勁多人!等左成四五架巴士!
六點八先上到架巴士...真係好累呀!其實o係半月灣我地都無做過d咩丫...
不過可能尋晚唔夠訓啦...所以咪咁累囉!原本我諗住o係馬鞍山落車..再搭巴士去大學火車站架!
咁樣會快d嘛..因為o係馬鞍山去沙田要成十至十五分鐘!我同阿欣又趕住去食飯喎!
但係當我提起果時..架巴士已經向沙田進發!><"
終於都去到沙田個總站喇!可以落車喇...一落車就見到robert企左o係豎!
robert係邊個?之咪係candy條仔囉!佢地就好啦..有得行街街!而我同阿欣就要趕頭趕命咁返屋企食飯!
唉..買左個波波同風箏都無玩過!個波波就阿歡拎返屋企..而隻風箏就candy拎左!
攪掂晒d野之後..我同阿欣..阿歡就拿拿林行去火車站!candy同robert就唔知佢地去邊喇!

o係火車度我就打電話俾爺爺..問佢搭的士去姑媽度應該點講啦!
爺爺就俾左個電話姑媽..咁我咪問佢o係邊度落車囉!
佢又話表哥未到...叫我o係上水等埋表哥一齊入去!
咁我咪同佢講話好累..再問佢應該點同司機講o係邊度落車啦!
佢又話返我轉頭..後生細女話累..你做咩黎咁累呀!仲o係到發脾氣!
嘩...我當時聽到佢咁講!梗係勁火滾啦...白痴架!咁我真係好累嘛..我搭的士都係想快d去到!
唔駛左等右等咁麻煩咋嘛!佢竟然話我發脾氣喎...激氣呀!唔鬼講佢喇...都唔知咩人黎既!
到左粉嶺...阿欣就落左車lu..剩返我同阿歡..八點先返到上水!
之後我地就各自各喇!阿歡行路返屋企...我就搭的士去姑媽既飯堂!
我又醒唔起去飯堂條路係經過阿歡屋企出面...一早知道既話就順便車埋佢啦!><"

去到飯堂之後...見到爺爺o係度玩魔術..佢話o係北京度學返黎架喎!哈~
真係俾佢玩死呀!後尾我都知係點啦...呵呵!之後就食飯o勒..不過我都無食飯..剩係飲湯同食"送"!
食食下...表哥都黎到lu!食呀食呀...嘻嘻!之後九點幾姑丈就車左我地返屋企lu..
跟住就沖涼...睇電視!

今日我終於都o係candy既手上拎返本紀念冊喇!
我都畢左業差唔多兩年啦!我記得應該係o係會考前俾佢架...
佢扣留我本野咁耐 ...真係..真係....唉!我都唔知應該講咩好囉!
今日拎得返...都係我千叮囑萬叮囑佢一定要俾返我..仲提左佢好多次!
仲有阿歡幫口先拎得返咋!雖然係拎返..都幾開心!但係佢未寫過囉..呢點就令我到唔係咁開心囉!><"
佢話寫左一頁喎..但係撕左咁話囉!不過點都好啦....總算拎返屬於我自己既野丫!
但係我仲有本未拎返架...果本係專俾老師寫架...而家o係阮sir度!
但係佢唔知放左o係邊..要搵喎!佢都無時間搵啦...真係唔知幾時先搵得返呀!
我都好想睇下d老師寫左咩俾我架嘛!唉....唉....唉!

>>June 6, 2003 at 6:20:50 PM GMT+8

2003 年 6 月 3 日 星期二 【晴】

今朝八點幾起身..刷完牙就開始執野!執完之後就整左隻粽食..跟住上網!
上左無耐就去換衫..十一點就出左門口lu...十二點就去到荔枝角!
見咁早..咪諗住去食野先囉!點知間間食店都好多人..所以就去左OK買左份三文治+鮮奶!
食完之後..十二點半就上左間公司度lu...係一間Express公司!入面有好多年青人o係度做...
有兩個女仔都係黎見工既..加埋我三個!見完一個就到另一個..到第二個都走埋..
就應該到我見o勒!不過我等左好耐呀..起碼有成十五分鐘呀!等到我幾唔耐煩呀!
不過見果位歐先生又真係幾忙下..算數啦!到左一點個男仔叫我入去見..
入到去俾返張form佢!跟住問下我張form上面d野有無問題..幾時返得工!之後叫我俾張身分證佢影印..
咁就走得喇...話今晚七點至八點會打電話俾我喎!都唔知真定假架...呢d人定又係...唉!><"

跟住我就搭地鐵去旺角o勒...未到點半就去到lu...
去左旺中買左兩"頂"帽就行去火車站搭火車喇!兩點幾就返到上水...
首先去左銀行換簿仔!排左好耐隊先換到呀..跟住feel到有d肚餓..就去左間麵鋪度食左碗墨丸麵!
食完就返屋企啦..經過一間鋪頭見到d紙皮盒(有公仔果d呢)..睇左好耐!
想買個大大個黎裝住d公仔!但係睇極都睇唔岩..得果一兩隻款!跟住有個婆婆出左黎...
叫我買細細個果d..$5@...咁我猶疑左一陣...就買左兩個啦!點知入面個阿姐又叫我買多兩個!
我話唔買..佢又話如果我買四個...送多個俾我喎!其實我都唔想買架....不過到最後都係買左~><"
買完之後就返屋企..果時都係四點鐘咋!跟住又繼續執野...用頭先買返黎果d紙皮盒裝住...
不過唔夠裝我d公仔囉..因為實在太細個喇...咁我就用黎裝我d相相!勁多相相呀..一個盒都唔夠裝!
其實仲未執晒架..不過留返聽日再執啦!咁五點幾就去左沖涼洗頭o勒!跟住上左陣網...
晾衫...阿華七點就上到黎lu...跟住幫我整部fax機!再教我點用...整完八點倒就出左去!
我地去左燉奶佬度食野..食完就行左陣..再行返去火車站!十點三阿華就搭火車走喇...

咁我就返屋企啦..返到去就睇電視..睇完就去左上網...繼續寫日記!
到左十二點就打俾阿歡問佢聽日點!同佢傾左陣..就駁三線俾candy...
傾傾傾..係咁傾!傾極都傾唔掂囉!中間既野我都唔多講o勒!
最後打埋俾阿欣...繼續傾啦!傾到兩點就收線訓覺o勒!
我地約左聽日九點半既!^^"



>>June 6, 2003 at 4:31:54 PM GMT+8

2003 年 6 月 2 日 星期一 【晴】

今朝十點八就起左身喇...之後就刷牙!
換衫..換完衫就落左去飲茶!飲完就返左屋企睇電視..
睇完就開始執尋日買返黎既野!執完野就上網..
跟住打去青見度登記工作..聽電話個女仔就問我有無人通知我見工!
我話無.佢就講d資料俾我聽..叫我6月5日去見工!仲要去到葵涌見喎.....
但係我一d印象都無..登記過呢份工囉!但係我應承左去見工...之後就順道登記左兩份工!
但係果個女仔唔俾我登記多份呀...衰!之後我就即刻打返去問清楚..今次係個男人聽呀!
咁我就問佢啦..頭先個女仔叫我6月5日去見工...但係我諗諗下..肯定無登記過呢份工!
就叫佢幫我check下啦..又問佢呢份工係幾時登記!佢話3月25喎...嘩!過左成兩個月多先叫我去見工!
玩野咩...又遠喎!唔鬼去見啦...so就問佢可唔可以取消左唔去見o勒!佢話遲d覆我喎!
咁無耐又有人打黎叫我去見工...就係我岩岩登記左果份主管助理呀!
約我聽日去見工喎!一點鐘荔枝角...咁我就再問果個人...可唔可以取消6月5日見工!
佢又話據佢所知..落左電腦係唔可以取消架喎!跟住無耐就有個人打黎電話黎..話6月5日果份工已經幫我取消左喇喎!
好野..唔駛去見..!開心開心!^^"

四點幾沖涼..跟住上網..食飯..之後梗係睇電視啦!
九點鐘爸爸上左黎呀..今次係坐得最耐既一次呀!仲傾左陣訓...之後就走左lu..
跟住都係睇電視....十一點幾就訓左喇!

>>June 4, 2003 at 2:00:32 AM GMT+8

2003 年 6 月 1 日 星期日 【晴】

尋晚成兩點先訓呀..之唔係傾電話傾到咁夜囉!
今朝九點就起左身lu...梳洗完就煮左個麵食!十點就出左門口喇..
十一點未夠就出到旺角!原本諗住去沙田買d野先架..不過果樣野又唔係太緊要..so直接出左旺角先!
一去到旺角就去左花園街行左陣..之後就直接去旺中!點知乜鋪頭都無開...激死!><"
咁就落左去旺中地下度飲左杯野...十一點半又再上返去!開始有d鋪頭開緊..一兩間咁上下啦!
但係就有人o係度行..周圍睇下野(睇未開門既鋪頭)...咁我見人地都係咁睇咯..咁我都睇啦!
上左最頂頂果層..睇d美容院果d!因為我諗住修眉..係咁睇係咁行...兜左好多個圈喇!
終於到十二點喇...d鋪頭陸續開...我睇中果間美容院都開左喇!咁就入左去整啦....
好痛呀..眼水都流出黎喇!事關我都係修過三,四次眉!我仲做左另一樣野tim呀..不過唔講俾你地知!
加埋整左$90..之後就繼續行旺中啦!買左好多野呀..有袋啦..鞋啦..衫啦..褲啦..飾物啦..唔記得咁多喇!
行到好累呀..兩點幾就去左肯德基食lunch...食飽飽之後就繼續我既shopping大計!哈哈~
行行行..愈買就愈多野!一個人行街真係...嘻嘻!不過用左好多錢錢呀...$八百幾九百呀!
我之前份糧就黎無晒喇!咁行到三點半就行返去火車站o勒..未夠四點半就返到屋企lu.....
跟住就係沖涼上網...食飯!食完飯就洗碗..跟住睇電視..睇完電視就傾電話!
傾到十點幾就訓左lu...

今日真的大大大...出血呀!
姐姐你返黎hk果時...kk都唔知有無錢錢陪你去街街呀!><"


>>June 4, 2003 at 12:18:57 AM GMT+8

2003 年 5 月 31 日 星期六 【晴】

今日要見工..所以尋晚諗住早d訓!不過玩下玩下又玩到點幾先訓..><"
今朝八點就起左身lu...跟住就上左陣網!無耐去換衫...九點半就出左門口喇!
十點三就去到馬鞍山新港城!勞工處約我十一點去見工..但係果間野仲未開!
我又未食野喎..所以入左隔離間肯德基食早餐!食完仲未開..就兜左陣...十一點過返去!
岩岩先著晒燈..不過佢無開門俾人入..我見等左咁耐..就乜都唔理...推門入去o勒!
一入到去..我就同個sale講話係黎見工既!咁佢就入左間房通知話有人黎見工...
之後就有個人出左黎問我..邊個叫你黎見工!我話係勞工處青見叫我黎既...
點知佢又話通知左青見果邊話今日唔見工...因為負責人唔o係度!
當時真係好無奈...唉!但係果個人都叫我賣左張form先..仲俾左張相佢!
之後發生左一件都幾瘀下既事..唔講你地知!就係咁..我十一點三就走左lu...

咁諗住搭車出返火車站啦!經過巴士站見到有681...係喎..我都唔記得左呢度有680搭tim...
佢係直接出到中環碼頭既巴士站架..仲好啦..一程過...又唔駛我行咁多路!
但係11:27分先開車..唔知趕唔趕到十二點三船!
出到灣仔十二點倒啦...阿華岩岩打電話黎問我o係邊!
我話o係灣仔..佢問我點解!我就話因為我o係馬鞍山搭681出黎..但係唔知趕唔趕到十二點三船囉!
佢話如果司機勁都趕到既..我都好緊張囉!哈哈...點知出到去皇后大道中先係搭二...但係好多車呀!
塞左陣...唉!趕唔到呀...搭四先落車...早知一早o係匯豐度落車..行過去就算啦!咁樣一定會趕到架!
搭四落車..佢仲要唔係o係碼頭個巴士站喎...原來681改左個總站呀!香港站果度新起左個巴士站!
架681兜左入去呀..攪到我失晒預算...個巴士站又有d荒蕪喎!攪到我搵左好耐先出返去咋!
成搭半先去到碼頭..咁唯有搭十二點九班快船啦!嘩..今日好大浪呀...攪到我勁暈呀!@_@
幾經辛苦終於都入到長洲喇...等到阿華黎接我就去佢屋企!

佢媽咪個fd o係佢地屋企包粽..咁我就o係房聽歌...整野!
哈..之後勁眼訓!三點鐘就訓左覺覺...訓訓訓...訓到差唔多五點先起身!
六點鍾就走去搭船...搭六點四船走!因為上次搭七點九船...成十點先返到屋企!太夜喇...
所以今次就搭早一理船o勒!今日都無食lunch..所以好肚餓呀!又買左個M記餐上船食...
今次勁趕呀...最衰都係佢啦!攪到打左鐘..我到最後果分鐘先上船..想趕死人咩?><"
落左船就去搭巴士啦...再搭火車...未到八點九就返到屋企lu...
跟住洗白白...再上網!上上下又出去睇電視...睇完又去上網!


>>June 3, 2003 at 10:22:25 AM GMT+8

2003 年 5 月 30 日 星期五 【晴】

今日八點幾醒左..又再訓返..點知九點又醒!
又再訓過...都唔知乜事...唉!九點半終於都起左身o勒!
梳洗完就去左上網..上到十點幾!就整左d點心食!十一點四又煲飯..
搭九開飯..已經飽飽...唔想食!不過最後都係有食既..嘻嘻!
食完飯洗埋d碗..司馬就打電話黎話佢岩岩先起身!
要約晏d咁話喎!咁好啦...睇左陣電視!一點去左換衫..
佢就打黎話而家出門口....咁我就拿拿林換好d衫...搭三就出左門口lu...
約o左係粉嶺等..以為今次佢會早過我到啦!點知又係佢遲過我..><"
黎到就搭火車去沙田啦!我地首先去西田!行左好多counter...賣化妝品既!
今日出黎主要目的就係買化妝品o勒!o係IPSA買左粉餅...$260!變態架...咁屎貴...><"
如果我知道一個粉餅都買咁貴...我真係唔鬼買呀!早知買粉底液啦!都係多幾十蚊~
之後又去左莎莎買睫毛液同落妝綿..呁又又用左$100咯!
再去左Kanebo既counter買眼影..咁又$170..哈!大出血...簡直想死呀!><"
買完晒野就去左影貼紙相相...今日仲影得核突過尋日!樣衰呀~
之後再去左一間唔知叫乜鬼既鋪頭度食tea...司馬媽仲買左本ViVi....
呢本係創刊20週年紀念號....所以有條Twins Star鏈送!司馬媽知我鍾意Twins Star...
我又勁鍾意條鏈鏈..so佢買左俾我!好開心呀..連本書書都俾埋我tim!多謝司馬媽....嘻嘻!^.<
食完野...再周圍行左陣...咁就搭火車返屋企lu....五點三就返到黎...之後就即刻沖涼!
之後上網寫日記o勒!今日好似好開心..又好似唔係咁開心!真的很矛盾啊!
見到司馬媽咪開心囉...買左咁多貴貴的東西咪唔開心囉!呢個月真的真的大大大出血呀!
至少都用左三千大元啊...荷包加銀行的水也乾透了!唉...下兩個月就慘喇...希望快d搵到工啦!

今日行緊西田果時收到勞工處青見打黎既電話!
話約我聽日去見工喎....其實佢前日已經打過黎....話想約我尋日去見工!
不過因為尋日係last day整頭既日子!so我推左唔去見!但係佢話會幫我hold住個位先...
佢話就話幫我hold住個位先姐..其實我都無諗過佢會再搵返我...約我去見工!
點知今日真係再打過黎...約我聽日十一點去見工!^^"

今日差唔多啦...係咁先啦!

>>May 30, 2003 at 6:28:36 PM GMT+8