2006 年 8 月 21 日 星期一 【清涼】

笑死毛…

前不久，朋友送給我一只名叫樂樂的京巴小狗，這小狗通體純白，還特講衛生，從不在家裏隨地大小便，每次便急，它都會提前「汪汪」叫上兩聲，然後往我給他准備好的托盤中大小便，這樣一來省去了很多麻煩。

星期天上午，我帶著樂樂去了趟銀行，在銀行的營業大廳裏剛取完款，「汪汪……」樂樂突然衝我叫起來。我知道它又要出恭了。這雖然不是咱家，但也要遵守社會公德呀！急中生智，連忙拿出剛在報攤上買的報紙給樂樂方便。

樂樂如願以償地拉了個痛快。事畢，我小心地用報紙把這堆廢物包成一個紙包，一手拿著，一手牽著樂樂向外走，準備扔到街邊的垃圾筒中去。剛走到馬路邊，只聽「嘎」的一聲，一輛摩托車急煞車停在我的身邊。

就在我發愣的一瞬間，坐在後座上那個戴墨鏡的小夥子，一把奪過我手中的紙包，伴隨著強烈的馬達轟鳴聲，摩托車隨即飛馳而去。我站在路邊半天沒醒過神來。

隱約聽到幾個剛剛目睹了這一幕的過路人小聲談論著：「這哥們真夠倒楣的，剛出銀行門就讓人給搶了……有幾萬吧？」

>>August 29, 2006 at 1:09:17 AM GMT+8

2006 年 8 月 20 日 星期日 【清涼】

黃小姐總算為我出一口氣…

雖則呢個黃小姐同佢條佬平時o的語氣都係算得係好，間唔中亦扮到「老奉」咁，但係絕對又係畀佢隔o黎舖o既老x好好多。

今日同佢傾開裝修o的o野，佢同我講呀老x是非，話佢條友好小氣，又唔抵得人生意好，人o地入乜貨佢又入乜貨，人o地減價佢又減價，話不如呢度佢租晒…

佢仲話呀老x乞人憎到L1同L3好多人都唔鐘意佢，除佐賣衫o既舖之外，就連康泰都唔順佢…呵，又會犯眾憎犯成咁o既！所以話人賤得人憎！

>>August 29, 2006 at 12:58:59 AM GMT+8

2006 年 8 月 19 日 星期六 【清涼】

嘈到嘔呀！

由於以往去開o既登打士廣場o的樓上cafe已經廣為人知兼且成日冇位，我o地唯有轉移去o的新o既cafe坐。上次去佐間叫「二樓後座」o既cafe，今次再去，唔知係咪因為係星期六，超級多人而且o的人係咁高聲呼叫、尖叫、狂叫…真係有人打電話o黎聽到個背景咁嘈實會以為落佐酒吧！又或者可能清吧都仲會醒過呢o的所謂o既樓上cafe…垃圾！


其實o係我心目中，一間cafe並唔係咁o既。我鐘意一o的唔多人，就算多人o的女人都唔會好似喪佐咁尖叫，背景播住柔和音樂（流行曲亦無妨、oldies更好），唔一定要有冷氣但要通爽，可以煲煙。不過香港好似越o黎越少呢o的地方，尤其是巿區…

食晚飯之前睇佐Lady in the Water（港譯︰禍水，認真不知所謂不倫不類！），原本好期待咁以為會有o的好驚險、甚至恐怖o既鏡頭，誰不知套戲o既節奏都幾慢，而且故事o既鋪排好單純…嗯…老實講，好一般。

呢個水腳印o既構圖真係好靚，好完美。


我估我有可能睇過佢o既戲，但係無論女主角本身o既樣貌又或者戲裡面o既造型，都冇乜特別。


雖然套戲男女主角都冇乜特別，但係o係配角o既性格、造型上明顯有落功夫。好似唔知有冇死o既影評人就因為睇得太多戲，所以講o的o野都好平鋪直敍、習以為常。最後唔知係咪佢自己衰多口，講中佐個結局…


呢對母女仲犀利，成套戲裡面都「B哩巴拉」…亦有小朋友解讀粟米片盒上面o既密碼。


呢個預言家一睇落就覺得佢好似無線個男藝員鄧一君，哈！而呢位成日坐o係度o既呀叔唔好以為佢好無聊，其實幢樓裡面發生佐咩事佢乜都知！



>>September 7, 2008 at 4:06:02 AM GMT+8

2006 年 8 月 18 日 星期五 【清涼】

我和電影（五）︰2003年（共16套）

整整一年都係同同一個人去睇戲，勁。

講真，呢一年都可算係艱苦o既一年…o係呢一年裡面，我做佐一個暫時都仲算係一生人中最大o既決定︰輟學。唔讀master令我心情輕省佐唔少，但係伴隨o既係一連串o既連鎖反應︰由自己一個人住自由自在變成搬返屋企住；萬三、四蚊一個月人工變成失業大軍一員；日日o係屋企對住老母畀老母「哦」；正式投入社會工作等等…

我亦學識佐點樣去承認同面對自己o既失敗，明白到幸福唔係必然，要爭取先至有。

----------------------------------------------------------------------------------------------------------------------------

1/1/2003
《金雞》（英譯︰Golden Chicken）

一套垃圾港產片，吳君如同埋一班友都真係cheap到爆。但係居然有劉德華… @_@

22/1/2003
《鬼鈴》（英譯︰The Phone）

韓國版《午夜兇鈴》，幾乎係翻版咁樣…好垃圾！

10/2/2003
Catch Me If You Can（港譯︰《捉智雙雄》）

被我選為零三年最好睇o既電影，個編導有心機寫劇本係好重要o既！加上有o的明星襯底，套戲可以話係perfect！




我鐘意Dicapiro o既演出多過湯Hanks，但女主角o係套戲裡面變得好唔重要，全程係兩個男人鬥智鬥力，Dicapiro又扮鬼扮馬，又醫生又飛機師，癲佐。最抵死係勁玩假文件等，真係睇到如痴如醉…


西片硬係有床上戲，其實我都係一時時buy，點都要睇o下條女索唔索先得o架！


靚仔就成班空姐圍住o黎陪，傻佬就得兩個呀婆o係身邊，呢o的鏡頭真係抵死！


18/2/2003
《老鼠愛上貓》（英譯︰Cat and Mouse）

只因劉德華，我先會好睇雅烏張柏芝！

25/5/2003
La Reine Margot（港譯︰《瑪歌皇后》，英譯︰Queen Margot）

唔係好記得講乜o既法文戲，係o係電影中心睇o既classic戲之一。



27/6/2003
《千機變》（英譯︰Twins Effect）

有我最憎o既「穿屎」…

19/8/2003
Lara Croft Tomb Raider: The Cradle of Life（港譯︰《盜墓者羅拉︰生命之匙》）

食住頭一集個勢玩落去o既戲，通常都係一般。呢套有任達華，又有o的shot o係香港拍，一般啦，勝在有大製作睇嗟。

16/9/2003
Narc（港譯︰《忠奸道》）

以食住《無間道》o個條水o黎玩o既西片，爛！

23/9/2003
2 Fast 2 Furious（港譯︰《狂野極速》）

我估大部分男人都鐘意車o既，不過我鐘情o既唔係套戲裡面o既跑車。一張好老土o既一字排開合照，成套戲就係玩呢幾條友。


「見到尾燈當你贏！」


靚車就梗係要配索女啦！其實o的車o既deco都幾有心機做，而其中一個女主角擺明係日本妹，可能係mixed，總之成面雀斑，身裁亦唔算好突出，但係個格就幾吸引，夠cool，夠sexy！


一副戰鬥格咁，引死人… =P


30/9/2003
《大隻佬》（英譯︰Running on Karma）

又因為華仔而逼住睇張柏豬！「大隻佬，我愛你呀大隻佬！」

出人意表o既結局，好死恐怖，頭都甩埋，嚇q死…不過呢套戲出街之後，突然之間街上面好似多佐好多人用佢裡面個電話響o個時o既鈴聲…

7/10/2003
《無間道 II》（英譯︰Infernal Affairs II）

睇佐第一集焗住睇落去，o的新人…er…

28/10/2003
Once Upon a Time in Mexico（港譯︰《殺手攻略》）

勁，o的子彈飛來飛去，癲的。Johnny Depp喎，ok o架！

25/11/2003
《豪情》（英譯︰Naked Ambition）

好cheap呀古天樂！

2/12/2003
Baisers Voles（港譯︰《偷吻》，英譯︰Stolen Kisses）


講條友有軍佬唔做走去賣鞋，成套戲都唔多過三句英文，唔知up乜…一個字︰「悶」！

12/12/2003
《無間道 III 終極無間》（英譯︰Infernal Affairs III ）

o個期乜都興「終極」，好無聊。加入黎明，更無聊。cut來cut去，過去現在…搞乜呀？一集不如一集…

好在，套戲唔會再有第四集嗟。

29/12/2003
Irreversible（港譯︰《無可挽回》）

嘩，呢o的咩全球十大禁片，點可以唔睇呀？！套戲衰色情、暴力囉！


聽聞話呢場床上戲係假做喎…



套戲講話兩個freinds之中其中一個o既女友畀人o係隧道裡面強姦佐，之後就四圍搵個兇手…



>>September 7, 2008 at 4:00:36 AM GMT+8

2006 年 8 月 17 日 星期四 【清涼】

我和電影（四）︰2002年（共7套）

暑假開始同7A拍拖，一拍就差唔多兩年。因為人工高，睇戲已經唔似得好似讀書時代咁係o的咩高消費娛樂，而且睇戲總算係一個幾好o既拍拖活動。

睇戲活動由2002年暑假開始o係我o既生活之中活躍起o黎！

----------------------------------------------------------------------------------------------------------------------------

19/7/2002
《我左眼見到鬼》（英譯︰My Left Eye Sees Ghosts）

第一套同佢去睇o既戲就係Sammio既垃圾戲一套…我真係唔係好鐘意鄚秀文。

2/8/2002
MIB II（港譯︰黑超特警組2）

一般好睇，西片總叫肯畀錢拍戲…

23/8/2002
《絕世好B》（英譯︰Mighty Baby）

無厘頭笑戲一套，最唔鐘意睇古天樂o的戲，叫做買個歡樂。

14/10/2002
《好心相愛》（英譯︰Summer I Love You）

任賢齊、盧巧音，ok o架喎，不過個劇本都好一般，港產片都係咁爛o架喇…見有小齊同Candy，當時o既歷屆又想睇，特登走入嘉湖銀座睇… @_@ o的東南亞外影都好靚o架~

10/11/2002
《雙瞳》（英譯︰Double Vision）

呢套戲係我o係台灣同o的以前讀master o既同學因為悶得滯而o係西門丁睇o既。

套戲有o的神怪o野，但係主線係玩查案，有梁嘉輝同劉若英，劇情緊湊，絕對係值得睇o既戲。

返到o黎香港，唔記得係咩原因，又拿到優先場飛去電影中心睇，於是約埋Angel去睇，睇完仲有梁嘉輝同導演o既分享會，我仲有機會坐頭排添呀！好近咁見到梁嘉輝真人，真係好有星味呀！


呢套亦係唯一一套我入過戲院睇兩次o既戲。不過台灣電檢尺度明顯比香港緊，因為好多完全血腥o既場面，o係台灣根本就睇唔到！

好睇！絕對係一套只係輸畀《無間道》一條鼻毛位o既02年第二睇電影！

22/11/2002
プラトニック・セックス（港譯︰柏拉圖式性愛︰飯島愛自傳，英譯︰Platonic Sex）


中佐招o既日文戲，可能係睇佐書o既關係，覺得同書o既o野差得太遠，亦少佐飯島愛同老母和好o既一段，垃圾。


真正o既飯島愛都唔係靚，但係比呢套戲o既主角仲要好…shit！


12/12/2002
《無間道》（英譯︰Infernal Affairs）


兩個男主角都咁有份量，點會唔拿晒o的金乜獎、金物獎？


配角o既選擇亦唔錯，有性格演員亦有靚女。


「高音甜、中音準、低音勁」、「出得o黎行，預佐要還」更成為佐一時無兩o既名句…


零二年最好睇o既電影。


>>September 7, 2008 at 3:52:18 AM GMT+8

2006 年 8 月 16 日 星期三 【清涼】

PK了…周大福天花爆佐消防喉…X！

九點鐘一返到去，就收到最壞o既消息。上個禮拜四發現滴水o個一個消防喉三叉位，今朝周大福八點半有職員返到去時發現爆佐！成地水都唔緊要，最大鑊係浸爛晒人o地個天花…

即時放晒o的花灑水同搵人開天花，夜晚即時換喉…不過好黑仔，因為整好一段入返水之際又發現另一個位開始漏，吹脹…焗住成晚掛牌…

一朝早返到去就要出同向o的客扮死狗，入到周大福一見到老黃，佢第一句說話就係︰「都叫x佐你快o的搵人o黎搞o架啦！」我答︰「係呀，我係入o黎畀你x o既…」無奈。

其實件事都發生佐成個禮拜，我唔明呀Man做乜要拖咁耐都仲未搵人做囉！雖則佢係要睇好多個sites，但係個場實在太多outstanding o既o野未做，而我亦為佢講大話拖o的客拖到冇得再拖咁滯…小喇叭！你快o的去生BB等有人o黎代你搞掂o的o野啦…

唉…罰企佐成日…

----------------------------------------------------------------------------------------------------------------------------

晚間出佐去同Josephine食晚飯，又係杏花村元綠。

佢又拍拖喇，就係上次提o個個男人。不過我覺得呢個都唔係一個好男人，希望條友會對佢好o的啦…

>>August 26, 2006 at 12:58:09 AM GMT+8

2006 年 8 月 15 日 星期二 【清涼】

聞說話呀英姐又想上去同呀老趙告我枕頭狀，話我針x佢喎…

冇錯，我而家係要針對佢，咁點o丫？！點解？因為佢係行動組o既主管，坐得最高o既位，對佢o既要求自然係最高，而且佢一向都有功就攬上身，有事就賴x人o既性格，確係好唔掂！

其實有時o的o野佢o地做錯佐，我只係想聽到一句說話，就係︰「係o既，我下次會做返好！」就係咁之嘛！我o既要求就只係第日唔好再做錯，而係唔要聽埋晒今次做得唔好o既係由於有o的咩原因、意外、奇遇等等而做成。

我係一個重視結果o既人，過程係點咪自己摸索囉，唔駛o下o下都我教你呀嘛？！你自己諗掂佐，第日做返好，我就好滿意、開心同安樂o架喇，唔駛再同我交代咁多，我有眼睇o既，執生啦總之！

呀姐英0呢o的做每一步都問o下你好唔好，我就最憎。大佬呀，佢係主管o黎喇，又做佐十幾年，自己憑以往做得好o既經驗照做咪得囉，唔駛o下o下請示上級呀嘛？咁我請佢返o黎做乜？一味就諗住單o野問過你，如果有事o既話亦已經一早通知佐你，你亦同意o既，有鑊唔駛我揹，咁點掂呀？！

>>August 26, 2006 at 12:32:28 AM GMT+8

2006 年 8 月 14 日 星期一 【清涼】

我和電影（三）︰二千年之戀後的零一年（共6套）

好多人怕一個人去戲院睇戲，怕o個種孤獨冇人分享o既感覺，但係我絕對唔係其中一個。

----------------------------------------------------------------------------------------------------------------------------

20/1/2001
《鍾無艷》（英譯︰Wu Yen）

又一垃圾戲。唔係有Anita o係度可以懷念o下，Sammi行埋一邊啦！


27/1/2001
《特務迷城》（英譯︰The Accidental Spy）

又係賀歲片，有我最憎o既男演員成龍，呢條死淫虫幾時得佢死？

22/2/2001
Meet the Parents（港譯︰《非常外父揀女婿》）

最後一套，有其中一個我最鐘意o既外國笑匠Ben Stiller，good！


16/4/2001
Glaneurs et la glaneuse / Assigné à résidence（英譯︰The Gleaners and I / Les Locked-in Syndrome，港譯︰《同是天涯拾荒客》/《潛水鐘內的蝴蝶》）

冇咁好睇o個套反而搵到多o的相，內容係乜完全冇印象。


我唔記得係咪第一次同黃可君去睇戲，不過我舖睇戲癮，就絕對係畀佢傳染o既。不過我未必夠佢fight，因為佢真係乜戲都睇，我就會揀o的想睇o既先去睇。


二零零一年最好睇o既電影就係佢，雖然係短片，但係無論故事同取影都係一流！

呢套經典o野，連書都買埋，發人心省。講條癱佐o既友點樣用眨眼去寫自傳，非常勵志。


29/11/2001
Last Resort（港譯︰《單親雙愛的日子》）

自己一個去睇o既戲，女主角本來由莫斯科去倫敦搵佢未婚夫，但係佢未婚夫放佐佢飛機，結果搞到要入難民營…淨係記得有個大遊樂場做背景，印象中亦都好好睇。


30/11/2001
アイ・ラヴ・ユー（港譯︰《無聲說愛你》，英譯︰ I Love You）

自己一丁友去灣仔Art Center睇。


賺人熱淚最感動位︰



3/12/2001
《女人那話兒》（英譯︰Woman's Private Parts）

中佐招，畀佐錢唔打緊，時間好寶貴，好在只係o徙佐一個人o既時間。唔鐘意睇呢類型o既自述片，冇劇情可言，只係以「性女」為名，呃錢為實。

>>September 7, 2008 at 3:25:40 AM GMT+8

2006 年 8 月 13 日 星期日 【酷熱】

今日係「陪B日」~

大家一齊放假呀，係咪開心先！最開心o既，莫過於兩個人係訓到十點幾安樂醒，之後再返訓訓到三點先起身呀！攬住愛B覺覺豬~

起佐身就去食好耐冇幫襯o既麥當當，買佐好多好多o野食呀，痴佐線咁控制唔到自己，兩個人食老麥都可以食佐成七十蚊，大部分都係我食… =P

食完o野返屋企，B媽都o係度lu…散水。幾時先同B有個屋企？

>>August 22, 2006 at 12:00:45 AM GMT+8

2006 年 8 月 12 日 星期六 【酷熱】

一套以三姊妹為重心o既法國片L'Enfer（英譯︰Hell，港譯︰情獄）。又係電影大師Krzysztof Kieslowski o既劇本，不過我覺得呢套個據本冇Hidden o個個咁精彩，但係亦都係用幾段片咁左接右接咁去完成整個故事同帶出其中o既含意。

套戲表達佐一個好重要o既訊息，就係有好多人以為發生o係佢o地身上o既事係「命運」o既安排，其實好多時，呢o的咁o既事發生，只不過係「巧合」。

一開波o個幕，有隻o岩o岩出世o既奸雀為佐獨佔個巢而推另外兩隻蛋落地，好成功咁推佐其中一隻落街，點知o係推第二隻o個時唔小心自己都跌埋落街，但係又遇著個好心人執返佢上個巢度，最後KO埋另一隻蛋，充分表現「命運」同「巧合」，真係一線之差…

呢套感情片點「獄」法？

以為係二女，其實係大女。有個不忠o既老公，以為好似佢老豆咁，點知…


二女個格最索，好鬼死老土，以為人o地鐘意佢，不過亦係由佢查出原來全家都一直誤會佐個老豆…


細女，鐘意佐有婦之夫…


老母，即使知道真相，亦從不後悔自己做過o既o野、行過o既路。


三個都住o係巴黎o既姊妹，難得聚首探老母。


當年迷戀佢o地老豆o既男人…


場景好ok，係落佐心機去佈置o既，取景亦可人，一流o既視覺效果！


----------------------------------------------------------------------------------------------------------------------------

Josephine生日快樂~

>>September 7, 2008 at 3:16:09 AM GMT+8