2007 年 2 月 17 日 星期六 【炎熱】

年卅十返工，好鬼悶，成個office得我一個人，收爐mood冇心機做o野，偏偏康業呢個時候又o係度搞搞震！今年終於都到佢o地折墮喇，年尾流流先至o黎塞屎渠，今次到佢o地保安求我o地幫手，不過日頭溜溜點畀你開工呀？後尾佢o地個賤工程師返到o黎打畀我，講唔到兩句就拿「公契」出o黎「撻」我，即時火都o黎埋，講埋粗口罵叉佢，都未見到有人求人可以求到咁冇誠意！後尾佢o地仲偷偷o地走落o黎想自己搞，即時畀四樓班暴民罵到飛起，真係心都涼埋！最終佢o地都冇去到我o地地方通，根本就係自己搞得掂o既o野間硬要拖埋人落水！

幾難先捱到八點呀，一收工就即刻坐地鐵過觀塘轉74X入大埔，一訓醒就已經去到廣福喇，好快就可以見到您喇！等佐一陣就同靚靚o既您去拍拖行街街，好開心呀！今日您用佐柚子味o既洗頭水，香噴噴~

您帶我行佐一陣大埔巿中心，我估我好快就會認得晒o的路，到時就由我帶住您行~ 我好鐘意聽您講您o既過去、工作、諗法、擔憂、驚恐等等一切一切o既o野，只要您想講我就會聽~

當您提起屋企o既時候，我第一次見到您喊。我已經唔再抗拒女朋友當街當巷喊，因為喊都係一件好事o黎o既，喊完個人舒發佐會舒服o的…忍唔住要喊一定有您背後傷心o既原因，要o係其他人面前喊出o黎亦需要勇氣。我要好好咁愛錫您、保護您，當您喊時我要o係您身邊安慰您。我要為您揹起您o既苦難，畀多o的幸福o既日子您過，以後就算係要流淚o既，大部分都只係開心o既眼淚！

婆婆，公公愛您呀~

>>February 18, 2007 at 4:35:39 PM GMT+8

2007 年 2 月 16 日 星期五 【暴雨】

我好想同您過第一個生日，我唔想失去同您相聚o既機會同時間，要好好珍惜，因為好多時o的o野唔係您想得到時就可以得到…

聽到您話o個日約佐人，心裡面點都唔係咁好受，但係我都明白您心裡面一定比我更加難受，或者係我太怕失去您，因為我同您一樣，已經冇能力再承受多一次被拋棄。事實上我真係好驚，我內心真係好恐懼。我唔係唔肯付出，畢竟我一早已被人訓練到不斷付出。付出亦唔係要求o的咩回報，但我要連我內心之中希望有少少回報呢個諗法都要改變，我要做個更加好o既男朋友、老公。

當o岩o岩認識一個人時，可能只係萍水相逢，即使剎那間有觸電o既感覺，亦都一定會按奈住，因為我知道如果自己想追一個人，一定會窮追猛打，用盡方法去追到手為止，但係咁樣就有好大機會破壞佐人o地o既幸福。

當要進一步了解一個人，就要用好多時間，原因係我個人好慢o架，又唔鐘意主動開口問人o野，所以由屋企人、朋友、背景、工作咁逐步去認識，如果唔係對方主動講，我估冇一、兩年時間我都未必會知道晒。

了解o既同時又要搵一個適合o既相處方法，兩個成長背景同經歷唔同o既人，總要用好多時間同埋耐性。最怕就係習慣佐兩個人o既生活之後，突然間又失去…

我用「今年並冇您o既生日」o既藉口o黎安慰自己，我係忍耐到o既！只想您o既事情快o的解決…

----------------------------------------------------------------------------------------------------------------------------

To my love~

I'll Be There
Mariah Carey

You and I must make a pact
We must bring salvation back
Where there is love
I'll be there (I'll be there)

I'll reach out my hand to you
I'll have faith in all you do
Just call my name
And I'll be there (I'll be there)

And oh, I'll be there to comfort you
Build my world of dreams around you
I'm so glad that I found you
I'll be there with a love that's strong
I'll be your strength, you know I'll keep holding on

Let me fill your heart with joy and laughter
Togetherness is all I'm after
Just call my name
I'll be there (I'll be there)

I'll be there to protect you (I'll be there)
With an unselfish love I'll respect you
Just call my name
And I'll be there (I'll be there)

I'll be there to comfort you
Build my world of dreams around you
You know I'm so glad I found you baby
I'll be there with a love so strong
I'll be your strength (be your strength), you know I'll keep holding on

If you should ever find someone new
I know she'd better be good to you
'Cos if she doesn't
Then I'll be there

Don't you know babe
I'll be there, I'll be there
Just call my name
And I'll be there

I'll be there babe
You know I'll be there
Just call my name
And I'll be there

Just look over your shoulder
Just call my name
And I'll be there...

>>February 18, 2007 at 2:49:34 PM GMT+8

2007 年 2 月 15 日 星期四 【暴雨】

今朝冇得偷懶呀，因為下晝要開CCC Meeting，要prepare要講o既o野，中途又有q咁多個電話搵我，恒生又話要交舖…仲要幫promotion送佐副PA system過apm…結果搞到點幾鐘先離開新翠，勉強叫做拆掂佐下晝要講o既o野，就同老趙去佐灣仔同HQ o的人食晏。雖然老趙同佢o地好熟，但係硬係覺得佢o地係奸o既，定係互利共生 (mutualism)？

下晝開會順利，雖然三點先開波，但係老趙成功咁o係兩個半鐘頭之內帶完個會，神跡！之後陪佢過佐尖沙咀畀利是封我上手（前一個新翠APO，聞說話係賤人一名，一個一辭職就失晒憶搞到我自己一手一腳亂咁摸新翠o的o野），再去新太陽放低開會o的o野經內部傳送返新翠，再落觀塘拿返扎花，因為您話呢扎係同Dominic第一次過情人節送o既花，特別有記念價值，要風乾佢之後做乾花…嗯…好啦，一切都依您啦~

我又想早o的見到您，您又想早o的見到我，結果我o係九龍灣落佐車，原來您已經去到觀塘，我又一時唔記得佐今日天氣凍佐o的，搞到您留佐o係月台食風…傻婆呀，凍就要搵個溫o的o既地方等o丫嘛，搞到對手凍冰冰，真係陰公喇！不過唔緊要，我呢個怕熱多過怕凍o既燥底男朋友為您煲暖佐一對手，等我溫暖返您對手仔先~

您對手好細小呀，估唔到我對咁細o既手，幾乎可以包住晒您對手o係我對手裡面…其實您唔駛怕我凍o架，因為我識照顧自己，而且為佐準備一對溫暖o既手等您隨時都有得暖，我都會著夠衫，keep住個身唔好凍，對手就自然會暖啦！

好在扎花都仲好靚嗟，所謂香檳金都唔知點解咁粉紅o既…可惜我今晚約佐柯達Gary o係旺角食飯，唔可以陪得您太耐，但係您就反而陪我落旺角先再自己返屋企，結果仲真係凍親添！都係我唔好啦，要您咁累又眼訓都陪我…您o既骨架好嬌小，我可以緊緊咁將您成個人抱住，只係短短相聚個半鐘，但感覺亦so sweet~

綜合今日問老趙同Gary領匯做唔做得過，結果都係幾負面，人工亦唔算超級高，而且面對o的同自由巿場冇交流o既租戶，加上來自五湖四海咁多間物管公司o既管理層，其實o係裡面做o野都幾慘，所以您唔駛試領匯喇，我唔想您又試做得唔開心，唯有再幫您留意o下KS有冇請APO啦…

食完飯返屋企，沖涼訓覺，累呀~

>>February 16, 2007 at 12:52:40 AM GMT+8

2007 年 2 月 14 日 星期三 【炎熱】

今日係情人節，原本個plan係咁o既︰上星期訂佐五去apm間yume揀花後訂o個扎花應該會o係上晝送到您office（懶驚喜~），等到放工就o係九龍灣join埋您去食o的o野（淘大、德福、又一城wherever…），跟住o係又一城睇九點半《門徒》（有大家都鐘意o既華仔），十二點幾送到您返屋企（知您要早返屋企）。

點知您琴日又突然收到通知要去北角面試，咁就唯有改做︰放工即去apm拿花，再落返Times Square我最鐘意o既餐廳Wasabisabi食dinner，之後再去睇戲。

最終冇拿到花花，因為您面試完之後唔開心，我要做o既事當然係盡快o係您面前出現啦~

返到您屋企樓下，您勸我唔好鐘意您，更提出一個傻建議，但我心意已決，我只能夠對您一個忠誠。您講出千萬個理由，亦唔可以說服硬頸o既我。送到您返屋企門口，將琴晚準備o既禮物送畀您。因為您話過我用sms示愛冇誠意，所以我一定要做一o的特別o的o既o野去令您開心，您o既禮物就係一張「男朋友換領券」，同埋一版麥兜式罰抄（唔好以為成版紙都係同一句o野呀~ 唔知您睇唔睇到呢？！）。

上車返屋企途中直至返到屋企，我o地傾佐兩個鐘頭電話先去沖涼訓，您講佐好多o野我聽，我明白到您o既難處，但您不要一個人揹著走，因為以後的路，是兩個人一起走的！沒有經歷的愛情，在發芽後根本不會成長。

您的誠實，只會令我更愛您！不要給自己太大壓力及責任，我知道您對我的情意，亦明白要再在世界上找一個相愛的人是怎麼的難。我找到您，我知道，您並不貪圖甚麼；我知道，您只求安穩的生活；我知道，您對家人的責任；我知道，大家目標一致，而且都愛對方，都對另一半有著承擔…當初在心裡怪責您的憂柔寡斷，完全是我的無知！

兩個相愛的人在一起的時候，必定可以feel到對方是愛自己的！沒有錯，是雙向的，更加是「唯一」的雙向。

從此，就讓我與您、您與我，一起分享彼此的喜怒哀樂。不要怕沒有明天，今天我倆說了「我愛您」，以後每天我倆也會向對方說「我愛您」！

謝謝上天，為我找到了最溫柔的您~

>>February 15, 2007 at 10:15:22 AM GMT+8

2007 年 2 月 13 日 星期二 【炎熱】

Dominic

This boy's name is used in English. Its source is dominus, a Latin word meaning "Lord".

Nicknames of the name Dominic include: Nick, Dom, Nic. Alternate spellings of the name Dominic include: Domenic, Dominick.

The name Dominic ranked 95th in popularity for males of all ages in a sample of 2000-2003 Social Security Administration statistics and 374th in popularity for males of all ages in a sample of the 1990 US Census.

Adele

This girl's name is used in German, English, Italian and French. Its source is Adal, a male Ancient Germanic name meaning "Noble". In French, this name is spelled with an accent -- AdŠle.

Nicknames of the name Adele include: Ada.

The name did not rank among the top 1000 names in popularity for females of all ages in a sample of 2000-2003 Social Security Administration statistics but did rank 524th in popularity for females of all ages in a sample of the 1990 US Census.

http://tools.oxygen.com/babynamer

>>February 14, 2007 at 1:58:20 AM GMT+8

2007 年 2 月 12 日 星期一 【炎熱】

今日畀公司呃佐喇，以為個「消防安全大使督導」課程好多o野學，仲會有o野玩，點知都只係教授書本上o既知識，失望…

晚上，同Adele傾佐兩個幾鐘電話，代替sms傳送，傾完之後我又再反覆思量，究竟我選擇追求佢，係為佐o的乜。

又畀人話唔夠浪漫啦…係咪死症呀？！

佢好怕我只當佢係前任o既水泡，因為我太快，嚇親佢。不過唔講佢有乜吸引我o既地方（實質上同佢相處佐一段時間，已經發覺佐佢一o的優點同缺點），我目前心裡面o既方向又係點呢？

我很怕一個人過日子，很怕寂寞，很想有個人能夠以愛互相支持。

我想搵一個肯甘心安安定定o既人，踏踏實實、認認真真咁去拍長拖。目的係為未來籌劃，籌劃、預備o既事，就係結婚。若果有佐呢個共同目標，兩個人一齊去堅持、去達成，肯定唔會求奇揀個人拍拖就算，因為o個個人係要對一生一世o既。

我唯一要求自己同對方都必需有o既兩個性格︰忠心同誠實。兩個人一齊要心無雜念，即使遇到心目中o既更理想對像，亦不要忘本，要重情重義。因為當初開始o既時候，應該早已清楚對方係一個點o既人，冇人迫你去硬食，心甘情願咁去作出自己o既決定，要保守自己o既心，避開一切無謂o既誘惑。即使後來發現呢個人有幾多隱藏性格（壞或好），亦要接納同支持對方。

而且做個誠實o既人，根本就係一個普通人都應該有o既原則，咁先令人有安全感，有信心。我承認自己一直o係上一段感情之中並唔誠實，因為我「愚信」，以為唔嘈交，遷就得就遷就，總有一日對方會明白到自己o既苦心。但由於我冇正面咁指出對方o既錯誤，又或者只把內心o既不快、不滿收埋心裡，變成佐溺愛。事實上我學到如果要發展一段健康o既感情，對方有錯一定要講，自己內心有o既感受亦要表露，要坦坦白白心平氣和，有技巧咁同時間適合，咁至係上策，要包容但唔係放縱。

咁我ready好未呢？上回是有生以來最認真o既一次拍拖，要重新站起來係需要比以前更加長o既時間。只要我有一日唔再畀佢牽引到我o既情緒，我估呢o的先叫做完全放低。但係有時經歷過o既事情太多太深刻，偶然諗起或被事情刺激後，內心少不免仲會有些少餘震。但係呢o的餘震都係我學習、成長o既一部分，我決唔可以因為呢o的餘震而停止去尋找真正屬於自己o既幸福，因為幸福唔係必然o架，要自己好好抓住，要珍惜。

原諒別人對你做o既錯事需要時間，這只有讓時間沖淡。但當幸福在眼前出現時，若果自己不好好把握時間去爭取，我怕日後會後悔。我是一棵靠愛才能生存的植物，而您那無私o既付出，灌溉、溫暖了我的心。

>>February 13, 2007 at 2:52:54 AM GMT+8

2007 年 2 月 11 日 星期日 【微冷】

放假了，畀人話係懶惰豬添… =D

訓到下晝五點幾先起身，之後返公司做佐o的o野。

----------------------------------------------------------------------------------------------------------------------------

白羊男 vs 雙魚女
71分︰還不錯的一對

解析：
一個是「 黃道之子」，代表初生的白羊座，一個是古老輪迴結束的雙魚座；照理說應該是完全不搭的，但如果換一個角度來看：即結束是另一個新的開始。所以，這兩個星座碰到一塊兒，應該還不壞。

火象白羊與水象雙魚相遇，並非水火不容，反倒因受星座角度的影響，彼此均能得益。羊兒滿能容忍魚兒的缺點，感性魚兒也會覺得從羊兒身上能學到很多。

注意事項：
羊兒的您遇上魚兒，好有一比：像是個小孩遇到一個老人。

雙魚座的人常自縮在一種自創的夢境之中，又有著十二星座總合的情緒，敏感但被動；但基本上他是浪漫的，所以最好您能在精神上帶給對方共鳴的感覺，還要收起您猴急的個性，耐心引導魚兒遊入您的精神海域，不但要讓魚兒感受您的夢想，還要證實您猛力前衝的目的是為了實現那個燦爛的美夢，必能投其所好、一帆風順！

http://hkfun4u.com/forum/starsigns/01-aa.htm

雙魚女 vs 白羊男
71分︰還不錯的一對

解析：
雙魚座是古老輪迴的結束，白羊座卻是開始，一老一小，好比祖孫的感覺，有人說結束是另一個階段的開始，所以這兩個星座在冥冥中好似有某些傳承的相連性。「祖孫情」的組合，對魚兒來說～還不錯，只要您能容忍羊兒的粗線條和我行我素。

身為易感浪漫的星座，有時蠻傷腦筋的，禁不起追求者糾纏，尤其碰上攻勢激烈、活力充沛、天真爛漫又心情透明～與您截然不同的～羊兒。

注意事項：
雙魚的您總會用憐惜的眼光來看待羊兒，有耐心的為他們打理一切。羊兒也特別能瞭解您的優柔寡斷、不切實際與好作白日夢的習性；當您想這個又想那個，卻仍舊待在原地不地時，他能用「少有」的耐心來鼓勵您哦！

但相對的，羊兒是有霸氣的，雖然也講求自由（特別是自己的自由），卻主導性高；您又是富有犧牲精神的星座，相處久了，您可能常會有被勉強的感覺。羊兒則一方面會因為習慣、一方面因為粗心，根本沒發覺或弄不清您心裡的委屈，這是您要特別注意去調適的。

對於羊兒，您是標準的柔能克剛型，只要試著學習別被羊兒的大聲嚷嚷弄得心慌意亂或精神錯亂，發揮您的柔軟性、堅持立場，公平的彼此對待，這樣愛情路就能走得久遠！

http://hkfun4u.com/forum/starsigns/12-aa.htm

>>February 12, 2007 at 1:39:24 AM GMT+8

2007 年 2 月 10 日 星期六 【炎熱】

琴晚出佐去同十三妹食飯，佢問到白羊座同人馬座夾唔夾，我可以話畀佢聽，原來係勁夾o架，唔怪得之聽落佢o地o的o野會感覺到咁甜蜜啦！十三妹，您要好好珍惜佢喇，雖然佢都受您暴燥o既一套，但係做一個好女朋友、好老婆，唔可以咁野蠻o架！

地鐵送佢送到調景嶺站，再返到屋企都成點鐘，一上床就死佐，搞到今朝起身先沖涼洗頭，結果冇時間等個頭乾，頹樣一個就要出門口返工喇…

返到office好似又唔知做過乜咁，但係我都冇訓覺呀，立立雜雜咁做佐o的o野，下個星期會好唔得閒，星期一、二冇佐日半，仲要六點三起身去八鄉上消防大使督導課程，不過我相信應該好好玩o既！但係星期四下晝要開CCC Meeting喎，真係唔知有乜好講添…話做o既o野又未乜做過，死…真係諗到頭都大埋！

放佐工都要急急o地咁走，約佐人唔可以遲到嘛，我想改一改我遲到o既惡習，唔好就得o的時間咁「炆」。成個Langham傾住偈咁行佐一個圈，可能我同Carol都係o個類唔係咁識搵話題o黎講但係又怕有冷場o既人，自己硬係有o的唔自在咁…唔通真係要買本《十萬個為甚麼》去揀話題o黎講？！！

之後我o地去搵o野食，本來想食板前，但係極多人，唯有上返去旺角o既飯堂水道橋食啦！好在之前係VIP，呀樂又有返工，所以唔駛等好耐就有位喇！o係旺角搵個舒服o既位置食飯一直都係一個令人困擾o既問題，好在今晚冇訂台都過到骨嗟…呼~

呀樂話可以做返朋友喎，不過今次我唔認同囉，因為我犯不著畀傷害過我o既人再有機會去傷害我o丫！雖然有人話過「恨」一個人o既原因只係因為仲有「愛」，但此刻我搵唔到有任何愛佢o既理由囉，喪莫大於心死。之前我聽您話唔再搵佢，真係舒服佐~ 或者我都應該繼續去聽您話，不過又唔可能一時三刻可以做到一o的恨到冇，我只想盡力將呢條刺拔走，或者需要o的時間，先至冇咁膽怯…

您話您睇得出我呢世人應該都有運行，咁我都唔否認我有時做人真係好付碌，不如我分o的運畀您，等您唔駛成日都為佐做好同一件事而要做兩次先達成咁黑仔啦！

食飽飽行返過去坐小巴返屋企，自從上次o係九龍灣見您一個人上車返屋企，其實有一種唔好受o既感覺，今日點都唔理喇，上佐小巴先算，我好想送您返屋企！大埔同天水圍、屯門比較，我覺得又唔係好遠嗟，至少全日廿四小時都有車連接兩個人o既屋企。快o的拿到車牌，您返屋企就唔駛咁辛苦喇。

我好喜歡送人返屋企，見到佢安安全全平安到涉，會安樂好多。而且短短o既一程車，比起漫漫o既人生路，亦不至於連一丁點時間同體力都花唔起。一段車程，只有短短的相聚時間，卻係我最為珍惜，既幸福又甜蜜，我係咪好傻呢…

返到大埔您帶佐我去大埔最出名o既Rainbow食糖水，食完糖水再同您慢慢行到屋企樓下。原來o係您度坐車返柴灣都唔係好耐o架咋，搭巴士都唔駛個半鐘，我願意一直都用時間同體力去換同您一齊o既多一分、多一秒，您是否心裡還很害怕？您願意一起分享幸福嗎？

>>February 11, 2007 at 6:18:20 AM GMT+8

2007 年 2 月 9 日 星期五 【晴】

Soft melody and tender lyric accompany with a very comfortable voice.

Sweet dreams all of you guys~

----------------------------------------------------------------------------------------------------------------------------

花無雪
泳兒

情感流在溫泉
全球沒了這樂園
償還共遊浪的素願
望著一天飄雪打轉

黃葉離地不遠
寒流在接送未完
無緣份承受的美麗
落在心底不要怨

誰也知　景色都總會換季
誰也等　光陰每滴流逝
誰人可　讓飛走的白雪
在掌心之中握過世
未抱緊　便放低

為何你令我活到仲夏仍像初冬
別了依舊後患無窮
沒有膽一個到東京這麼凍
令我知道我太愛被抱擁

以後也害怕獨自凝望天空
被你拋下是極難融的痛
面對花開似雪一般冰凍

情感流在溫泉
全球沒了這樂園
償還共遊浪的素願
望著一天飄雪打轉

黃葉離地不遠
寒流在接送未完
無緣份承受的美麗
落在心底不要怨

誰也知　景色都總會換季
誰也等　光陰每滴流逝
誰人可　讓飛走的白雪
在掌心之中握過世
未抱緊　便放低

為何你令我活到仲夏仍像初冬
別了依舊後患無窮
沒有膽一個到東京這麼凍
令我知道我太愛被抱擁

以後也害怕獨自凝望天空
被你拋下是極難融的痛
面對花開似雪一般冰凍

陪我看過雪落要分手永遠沒法懂
大概是沿途怎擁緊你仍然難感動

猶如細雪沒法綻放花瓣完全不受控
還幸這裏這樣暖　情在最涷心中

為何你令我活到仲夏仍像初冬
別了依舊後患無窮
沒有膽一個到東京這麼凍
令我知道我太愛被抱擁

以後也害怕獨自凝望天空
被你拋下永遠不懂
面對花開似雪一般冰凍
仍難相信你與我未過冬

以後縱是逛盡地球沒青空
望雨點亦像石頭如此重
在我心中有雪花不能融
就算敢再到溫泉裡浸
埋頭發現世間竟可　這樣凍

>>February 10, 2007 at 1:45:05 AM GMT+8

2007 年 2 月 8 日 星期四 【酷熱】

心情靚靚，當然唔係因為皮膚靚靚啦…呵呵…好低能呀我！

今日返工返半晝，但係成個上晝匿埋佐溫書，因為下晝要去考part a，一take過pass佐，好o野！四月再考埋part b同c，咁就大功告成喇！

本來之前有好多plan，但係都冇諗住再做喇，上一段感情由今日開始正式結束，我要重新開始，找一個願意同我一齊分享幸福o既人。我唔怕繼續付出，因為付出的愛收不回，即使受到傷害，亦都要努力令對方開心同幸福，我相信總有一日我會搵到一個願意接受我幸福而又能夠畀到幸福我o既人。幸福，係要自己追求同爭取o既！

四點前o係深水步考完，無無聊聊行佐落太子，再買o的o野拎去畀十三食，再落旺角坐車去觀塘，諗住去行o下apm，買o下o野。點知對腳唔聽話，o係牛頭角就落佐車，o個陣時都只係五點幾，無無聊咁o係牛頭角行返過九龍灣，其實我只係想碰碰運氣，但係到佐七點都冇乜起色，或者根本冇乜緣份，於是我就離開佐淘大區，去7-11買支烏龍茶後就行返出去地鐵站。

行到過去地鐵站都未飲晒，唯有唔入閘住入德福行個圈，消埋支茶。o岩o岩丟佐個樽，就收到sms。原來咁遲先收工呀，噢…但係已經等緊車返屋企…嗯…再碰一碰運氣啦，睇o下o係唔o係樓下個巴士站都好o丫…

真係o係度！初時都唔敢行埋去，但係一行近佐就被發現喇… @_@

無端端講起剝智慧牙，好得人驚嗟…仲有可樂啦、劉德華呀，東扯西扯…飲完可樂之後刷牙係會損害牙齒，真係打死都唔信o架喇！如果係真o既我而家駛乜咁努力晚晚刷牙仔？！

謝謝儂…

>>February 9, 2007 at 2:13:33 PM GMT+8