2006 年 10 月 10 日 星期二 【陰】

今日一班日班同事上去東區探Vicky，由於畀人啪佐兩支「懞仔針」，今日佢已經冇再大叫，但係目光就相當呆滯，只係間唔中望o下人，又或者用隻手指叫你遞隻耳仔埋去細細聲咁講o野。

佢呆到直頭連眼都唔駛眨一o下，瞪住眼幾分鐘望住天花板，間唔中o係眼角流眼淚出o黎，真係分外可憐，可以知道o係呢一刻Kenji o既心情係有幾咁沉重、幾咁難過。

我先同呀宏、老Mi到醫院，後尾Wendy姐、勁哥、呀進同英姐都上埋o黎，呀宏一見到個果籃就覺得熟口熟面，似足我o地新翠中秋節換o個o的贈品，而中間插住o既一盒熊仔餅，更加顯得格格不入。我見到o的生果就更加火，即時聯想起今日美心西餅拿過o黎o個籃生果，其中一o的，根本已經熟到壓爛晒…

結果係我o地兩個都冇錯，除佐熊仔餅係Wendy姐買之外，其他都係唔駛錢… @_@ 而呢個所謂果籃o既經手人，就係英姐！真係十萬個火！

「死老西，我屌你老未咩！好心你做人就咪撚咁撚「度」叔啦！你冇錢咪出聲我畀囉，駛唔駛做人做到咁撚cheap呀？！我估在座冇乜邊個兄弟唔肯夾錢買o野畀Vicky囉！你連咁o既錢都慳，你真係有冇搞撚錯呀？！你係咪咁撚樣對個病人、日日都o係你身邊幫你、同你食佐唔少隻死貓o既同事呀？！」

不過火還火，Vicky自己心水好清，佢認得晒所有上o黎探佢o既同事，唯獨是呢個死老西走埋去問佢︰「喂Vicky，你記唔記得我係邊個呀？」Vicky就大聲咁答︰「外人！」個死老西就話︰「o下？愛人？」

之後呀Vicky都冇乜理過佢，但係呢個死老西仲要死拿住人o地隻手唔放話︰「你記唔記得呀？英姐呀，o個個同你一齊買絲襪o個個呢…（下刪數百字廢話）」大家都好諗︰「好心啦，人o地都叫你做外人唔想認你，你就咪o係度死迫人叫你個名啦！呢度冇人歡迎你呀！」

----------------------------------------------------------------------------------------------------------------------------

今日終於都冇畀呀Man睇死，下晝開佐英姐一鑊拖。

話說佢無x端端老點最好人o個個頂位維修師傅上四樓拆o的走廊fancoils o既塵網落o黎畀清潔洗，我路過見到個清潔科文推住o的塵網行過，就問佢咩事，佢話英姐叫佢洗，仲要落埋「大做表」，即時心知不妙，走返落office打電話問佢咩事。我問佢係邊個叫，趙生呀？佢就答我冇人叫，但係六月洗過一次。我再問佢六月邊個叫佢洗，佢就答唔記得。

老實講，四樓原本有份冷氣保養合約，但係四樓個業主「人人」接手o個時，自己走去cancel佐。而且呢o的o野不嬲都唔係由我o地o的技工做，就算係新翠我o地o的舖有o的x租戶叫我o地「義務」幫佢洗，我o地都罵罵聲，你而家o係度賣大包？我o地已經人手唔係多，你仲o係度同我賣o的咁o既人情？做就其他人做，人情就你拿晒？！

火火o地即時唔同佢講電話，走落counter罵叉佢！唔好話我唔敬老，不過佢做佐成十年都仲係咁戇xx，真係唔開佢拖都唔得。大佬，唔該你分清楚你係出邊個份糧o架啦！人o地畀佐好多著數你要你仆心仆命去幫佢呀？你咁巴閉就自己走去洗，唔好點x其他人幫你做！一q日都亂咁應承o的客，第日人o地見o的塵網污糟又叫我o地去洗我o地咪好唔得閒？洗得一次就有第二次，四樓o的人得寸進尺，唔該你做人清醒o的啦！自把自為，扮晒醒，收皮啦！

----------------------------------------------------------------------------------------------------------------------------

今晚終於有得攬住愛B覺覺豬喇！毛毛錫錫~

>>October 12, 2006 at 5:07:13 AM GMT+8

2006 年 10 月 9 日 星期一 【雨】

我覺得今日個天，彷彿都為佐Vicky而喊…

起身o既時候都已經係三、四點。琴晚打完機同郵差一齊返佐新翠，因為Kenji同Vicky都返佐去搵呀李幫手（其實問心o個句呀李又幫到o的乜o丫…吹水唔抹咀佢就叻…），因為Vicky一向都好信得過呀李，希望可以開解o下佢。我o地見幫唔到咩手，改為開解o下Kenji，陪o下佢傾偈，四點幾先走。

今日真係唔掂喇，結果Kenji「的」佐佢上東區，返公司集合之後，離開新翠o個時開始落雨，分外傷感。

上到去見到佢已經畀醫院o的人縛住，間唔中認得到人，但係一直都keep住講o野，間唔中又大叫、怒bear、傻笑…我好努力咁強忍住眼淚，但呀宏同Kenji都忍唔住喇，一睇就知大家都係性情中人…一個枕邊人、朋友、同事，打激o黎得太突然、太震撼！

我o地努力咁同佢傾偈，努力咁(乙水)佢訓覺，但都唔成功，佢係咁掙扎，要我o地放佐佢… :'(

係中邪？係壓力過大？雖然只係20出頭，但係Vicky比Kenji更加識諗，有幾次都因為我吩咐Kenji做o野佢唔做而Vicky勸佢做而搞到鬧交… @_@

神啊，看顧呢個孩子，解開佢o既捆綁啦…

過佐探病時間佢都唔肯乖乖訓，冇法子唯有走先，開解o下另一個當事人。佢問起Vicky會唔會好返，我o地又點識答o丫？！好灰…好灰…

食完飯再落銅鑼灣打機輕鬆o下、充o下電。畢竟佢仲要努力咁堅持落去，花極大o既精神、心思同時間，去照顧呢位佢深愛o既人。

Vicky好乖o架，係咪？快o的好返再返o黎新翠幫大家手！

>>October 10, 2006 at 4:37:26 AM GMT+8

2006 年 10 月 8 日 星期日 【晴】

一返到公司就聽到話Vicky撞邪痴佐線唔知走佐去邊…有冇咁邪呀？

我從來都未見過Kenji個樣咁緊張，連叫佢去吹口煙都唔去就出佐去摷Vicky，感覺到今次真係事態嚴重。後尾Kenji o係明華大廈搵返佢，去佐一個未去過o既單位o既門口度亂叫…做乜事呀？！

o係慈幼讀佐十一年書，對於o係學校對面o既明華大廈，認識唔算深，但係佢o個個殘舊o既外表，令人覺得佢好暗深恐怖。事發地點A座係重建過o既，個樣特別好。


除佐中間有一座十字型，其他都係長條型，長條型o既舊屋村，我未住過，硬係有o的神秘感。


爛成咁，仲唔重建？個設計好過癮，兩邊係單位中間係走廊，但係每個單位門口出面都有一個天井位…


o係呢類型屋村度長大o既生活，唔知係點o既呢？愛B又會唔會同毛分享o下呢？


部分相片下載自︰http://www.fotop.net/ngric200

>>September 9, 2008 at 1:17:02 AM GMT+8

2006 年 10 月 7 日 星期六 【晴】

我o既生活，可以用糜爛o黎形容…

糜爛，生活缺乏佐一點點調劑…

糜爛，覺得自己好似好爛賭咁…但係又搵唔到o的乜可以去調劑…

生活冇味道，冇刺激，好dull…

唉…好迷失…

>>October 18, 2006 at 2:56:27 AM GMT+8

2006 年 10 月 6 日 星期五 【晴】

唱K夜！

今晚肥仔宏話去唱K，但係Kenji兩公婆話唔去，結果得我同愛B一齊三丁友去佐天樂里Neway。

好耐冇唱K喇，好開心！但係三個人唱得兩個半鐘，我o地又冇叫酒，好準時咁畀人「攀」走…

o的生活好悶呀！ >_<

>>October 18, 2006 at 2:17:14 AM GMT+8

2006 年 10 月 5 日 星期四 【晴】

爆炸性負向情緒
《Yahoo生活》2006年10月3日

每朝鬧鐘響起，一想到要上班便感到沮喪，半夢半醒之際已決定裝病請假。但工作堆積如山，令你迫不得已痛苦地從床上爬起來。你對工作感到厭惡和怠倦，這種負向情緒，已嚴重影響你的工作表現…

相信以上不只是筆者的經驗。我們習慣說：我不喜歡、討厭這分工作。負向情緒有增無減，事必有因。究竟是什麼令你的工作情緒如此低落？



千千萬萬個理由
人是擁有情緒的動物，相信大家也曾在工作中出現厭惡和憤怒，問題在於我們如何調節這種負向情緒。早年撰寫《工作EQ》的Daniel Goleman在書中指出，智力是工作出色的重要條件，但當大家的表現相當時，競爭的關鍵卻在於誰能有效管理情緒。

現在很多機構改為五天工作制，但每天的工時卻因此拖長；長時間待在辦公室，令我們更容易陷入負向工作情緒，產生頭痛、思緒靈亂、胃痛、緊張、失眠、焦慮、沮喪，甚至動手攻擊別人。若你不仔細了解背後原因，小心患上抑鬱、焦慮等都市情緒病。綜合不同專家的研究，真正導致長期負向情緒的，主要有以下原因：

1) 惡劣的人際關係：跟同事談不來、被排斥，甚至被出賣，找不到真正的朋友令你陪感覺孤單，影響上班情緒甚至失去上班樂趣。（從來在職場上都要分清敵我，不是每分工都能遇上同聲同氣的同事，更莫說能成為知己好友！）

2) 遇上討厭同事：職場裏充滿各式各樣的人，看他們不順眼，合作時總感到討厭，因而容易產生怒氣、誤解、敵意等情緒。（每人有不同的價值觀，總不能叫全世界都跟你的一套；試了解他們的想法，多聆聽別人，不認同時可表達自己意見，互相交流，何必動怒？）

3) 工作壓力過大：適當的壓力是動力，但過大的壓力終會爆發，這除了影響身體健康，亦容易造成情緒崩潰，一發不可收拾。（有沒試試向主管反映工作的實際情況？還是保守的你不接受新事物而造成壓力？）

4) 不被重視：付出了卻不受重視，或上司認為你的功勞是理所當然，或被安排超出自己範圍的工作，令你叫苦連天。（只會埋怨，不如盡力而為，不要永遠認為自己最辛苦，功勞最大。）

http://hk.lifestyle.yahoo.com/061002/323/1u1au.html

>>September 9, 2008 at 1:19:11 AM GMT+8

2006 年 10 月 4 日 星期三 【晴】

今晚出佐去同兩個舊同事飲o野，其實成班人有十幾個人，都唔明點解最後得三個人o係度。

約佐愛B去銅鑼灣，輾轉之間去到一個叫「日本拉麵橫丁」o既地方，奇奇怪怪咁，一層樓裡面，切開佐好多個舖位，全部都係日本料理，各個舖面都幾有特色，之不過唔知邊間先係真正好味。我同B睇佐一陣，o岩o岩有兩個食客面帶笑容咁由其一間行出o黎，我o地就揀佐試呢一間。

可惜o丫，o的o野都唔夠新鮮，但係有一樣好處，就係坐壽司台可以睇住三個師傅o係度整壽司。其實一段師徒關係真係會令人諗起好多o野，您見個師傅好似木口木面，惡到死咁，其實佢要將自己o既功夫傳授畀徒弟，真係要付出好多心機同努力，令我諗返起以前o係浸會做lab o既片段…難忘記。

>>October 18, 2006 at 2:09:14 AM GMT+8

2006 年 10 月 3 日 星期二 【酷熱】

浴德池最後一夜　56年歷史上海澡堂
《明報》2006年10月3日

最後一池澡堂水緩緩流走，一個個赤身露膊的大男子，洗澡後裹著潔白的大毛巾，享受正宗的上海按摩後，印上一個紅色「池」字的大門便徐徐關上，標誌著已有56年歷史的上海澡堂「浴德池」正式結業。街坊再嗅不到那陣香皂味道，其位處的舊樓經清拆重建後，將由一座座高聳的寫字樓取代。


「很多街坊覺得這裏神神秘秘，不知是什麼地方，到知道這裡結業了，才打算來一趟，享受一下。」浴德池昨日最後一天營業，除有不少熟客來重溫按摩師傅的手藝，亦吸引街坊到來一窺老式澡堂的面貌。負責人范剛說，這裏只招待男賓，與不正經的色情桑拿劃清界線，因此吸引一批愛好正宗按摩服務的顧客放心光顧。


他笑言︰「剛才那個進來的客人是第一次來，他的太太對他說『儘管去吧﹗』這澡堂數十年歷史，無問題的﹗」

「拍、捏、泵」三式按摩技法，半世紀以來紓解無數大小人物繃緊的肌肉和身心壓力。范剛說，50年代上海和北方人逃難到香港，引入澡堂文化，逐步在這裏植根。他說，全盛時期，每日有近80人光顧，洗澡連按背收費7元，相當一般工人一天收入，但他們亦覺得很值得。


傳統澡堂講究技藝和經驗，擦背、按摩、修甲皆有專業師傅負責。擦背師傅志叔在澡堂工作了10多年，每天替客人「打皂」﹕先將皂液塗在皮膚上洗去油脂，然後用毛巾擦去皮膚死皮。他說︰「這裏個個也是由低做起，要做10多年才夠『味』。」

梁醒波林百欣曾是常客
澡堂位處太子道，乃各式娛樂場所的集中地，多年來不少黑白兩道中人均有光顧。70年代更是澡堂的黃金年代，「五億探長」呂樂、粵劇名伶梁醒波、商人林百欣等均是常客。可惜澡堂經不起時間考驗，SARS一役後生意滑落。最近發展商裕泰興銳意收購太子道一帶的舊樓發展商廈，澡堂的業主終於將物業出售，使這所香港第一所、亦是最後一所上海澡堂正式結業。

范剛慨嘆年事已高，難以承擔重新投資300萬另行搬遷再業的風險，唯有將陪伴50年的浴池水龍頭拆下來作為紀念，安享退休生活。


----------------------------------------------------------------------------------------------------------------------------

點解呢段新聞會引起我注意？因為當年o係MHV做o野o個時，好多時放工行出去太子o個時都會經過呢間o野，見到都覺得佢古古怪怪，原來咁鬼死出名，而家摺佐，總有o的感覺。

香港就係咁，舊o野永遠都頂唔住社會發展…拆樓、起樓、又再拆、又再起…好悶呀！

>>September 9, 2008 at 1:13:39 AM GMT+8

2006 年 10 月 2 日 星期一 【陰】

今日終於都同愛B去街街喇，早兩日愛B買佐新眼鏡畀毛，今日毛帶B去買返條靚靚牛仔褲。之後去睇A Prairie Home Companion（港譯︰《在晴朗的一天收檔》）。

個名古古怪怪，開頭仲玩旁白悶到抽筋，幾乎想訓，但睇落都幾好睇喎！


係囉，又有佢囉，梅麗史翠普。好老呀佢，但係原來佢唱歌都咁叻o架喎！


同電台一齊離開o既情歌王…


咸濕牛仔唱咸濕故仔歌︰
Dusty: What did the elephant say to the naked man?
Lefty: What?
Dusty: That's cute, but can you breath through it?


戲裡面一個唔知有乜好笑o既笑話︰
Garrison Keillor: The penguin joke? Two penguins are standing on an ice floe. The first penguin says, you look like you're wearing a tuxedo. The second penguin says, what makes you think I'm not?

>>September 9, 2008 at 12:59:30 AM GMT+8

2006 年 10 月 1 日 星期日 【酷熱】

同愛B一週年。

愛B琴日同今日都有家庭活動，得返毛一個過，好冷清、好零落…

好地地特登大家一齊拿o既三日假，話咁快就冇佐兩日…

其實我唔想o係老地方度過，但係確實冇其他地方可以容納我空虛o既靈魂…


一週年唔係應該好浪漫，兩個人攬埋一舊依偎偎o既咩… =(

>>September 9, 2008 at 12:56:26 AM GMT+8