2007 年 1 月 28 日 星期日 【颳風】

難得好曲、好詞，謝霆鋒亦演譯得極精妙，所以絕對值得用多o的版面去紀錄、分享。

好長呀，但係絕對值得花o的時間去睇。首歌o既意思，我都只係聽得出一部分，但係估唔到內裡有咁深入o既意義，絕對有共鳴，而且男女合用。

----------------------------------------------------------------------------------------------------------------------------

潛龍，勿用。

《象辭》解釋說：潛龍勿用，陽在下也。意思是男人地位太低時要隱藏實力，不要太囂張。

孔子在《易經·文言》裡對「潛龍勿用」的解釋﹐「確乎其不可拔，潛龍也。」就是要有特立獨行的修養，不受任何時代、環境所影響。

《文言傳》解釋說：「龍德而隱者也。不易乎世，不成乎名，遁世無悶，不見是而無悶。樂則行之，憂則違之，確乎其不可拔，潛龍也」。

當個人勢力不足、時機未到的時候，應該努力學習，應該加強自己各種各樣的技能，而不是到處拋頭露臉、到處宣揚。如果過於宣揚和囂張，被扼殺的機會就會比較大…才能要內斂，不可外顯。如果到處顯示你的才華就有麻煩…潛龍不能夠大用，所以，做人不可自恃身份，要從低姿態做起…個人在潛龍狀態，應該制訂生涯規劃，定下未來五年、十年的發展步驟，千萬不要強出頭，也千萬不要太過於囂張。

http://iask.sina.com.cn/b/1409007.html?from=related

----------------------------------------------------------------------------------------------------------------------------

潛龍勿用
謝霆鋒
作曲︰謝霆鋒，填詞︰林夕，編曲︰王雙駿

貴重財物要好秘密　你就藏在我身
用電話繩箍到頸背敏感
你年年日日　繼續留下我指紋

你別移動你好大塵　快用肥皂擦身
就像頸鍊乖乖跟我貼緊
我們明明蜜運　宇宙唯獨我二人

給你精細的血管　給你精美的五官
不等於你需要公開搞試用
給你一柄手槍　不要給你子彈
它會跟你纏綿地溝通

給你一對手　不等於要擁啊擁
不要擁抱擁到歇斯底里
做到人人樂用　這是承諾你懂不懂

為何拿甜言蜜語印證你嘴巴有用
別以為長期陪著我會廢掉嘴角武功
為何拿眉頭額角印證你美色有用
記住潛龍勿用　這樣玄妙你懂不懂

你像財物要守秘密　你就藏在我心
用甚麼雙手雙腳找你新生
以後行人就勿近　以後寧願你不是人

給你精細的血管　給你精美的五官
偏要給你給你一顆心躍動
給你一柄手槍　給你一發子彈
不等於要放進誰的胸

給你一對手　偏要給你擁啊擁
所以抵你抵你歇斯底里
誓要人人樂用　有用無用你懂不懂

為何拿甜言蜜語印證你嘴巴有用
別以為長期陪著我會廢掉嘴角武功
為何拿眉頭額角印證你美色有用
記住潛龍勿用　這樣玄妙你懂不懂

給你精細的血管　給你精美的五官
偏要給你給你一顆心躍動
給你一柄手槍　給你一發子彈
不等於要放進誰的胸

給你一對手　偏要給你擁啊擁
所以抵你抵你歇斯底里
誓要人人樂用　有用無用你懂不懂

----------------------------------------------------------------------------------------------------------------------------

潛龍勿用
- 《易經》的卦象，意謂要鋒芒內歛。

貴重財物要好秘密　你就藏在我身
用電話繩箍到頸背敏感
你年年日日　繼續留下我指紋

- 由首句開始，詞中的「我」便把「你」物化，此一思想貫徹全詞。第一句「貴重財物要好秘密」已經交待男主角的中心思想：貴重的東西別給其他人見到。「你就藏在我身」，「你」就是「我」的「貴重財物」。
- 男主角強烈的佔有慾在第三句至第五句有更多的描寫：「用電話繩箍到頸背敏感，你年年日日繼續留下我指紋」。男主角希望「用電話繩」縛著情人，甚至「箍到頸背敏感」也不會除下來，希望「年年日日」，情人身上都有他的「指紋」。用「指紋」來宣示自己對情人的主權。

你別移動你好大塵　快用肥皂擦身
就像頸鍊乖乖跟我貼緊
我們明明蜜運　宇宙唯獨我二人

-「你別移動你好大塵，快用肥皂擦身」這一句相當難解。男主角一廂情願希望情人不要「移動」，其實是怕情人離他而去。「你好大塵」寫得很形象化，試想一件物事長期放在外界，自然日久沾塵，男主角以此為喻，指情人長期在外，惹盡狂蜂浪蝶。
- 男主角認為應該「用肥皂擦身」，洗淨塵緣，從此與自己共度餘生，「就像頸鍊乖乖跟我貼緊」。「乖乖」二字，可見男主角的理直氣壯，而支持他的，就是他的愛情觀：「我們明明蜜運，宇宙唯獨我二人」。
- 男主角認為兩個人談戀愛，便應該不理其他人，他抗拒情人跟其他人接觸，希望將她據為己有，但「明明」二字，正正暗示了他和他的情人現在的情況，並不如他所想。「明明」，隱含了不忿。

給你精細的血管　給你精美的五官
不等於你需要公開搞試用
給你一柄手槍　不要給你子彈
它會跟你纏綿地溝通
給你一對手　不等於要擁啊擁
不要擁抱擁到歇斯底里
做到人人樂用　這是承諾你懂不懂

- 留意「不等於你需要公開搞試用」，從這句指責，我們可知他的情人是個怎麼樣的人。她有精緻的外表，她喜歡「公開搞試用」，林夕再以「手槍」象徵情人，「子彈」象徵美色，指出情人若然肯放低「武器」，還是可以跟男主角「纏綿地溝通」的。
- 「手槍」的象徵用得非常妥貼，常言道女人以美貌作武器攻佔男人的心，故此林夕以沒有子彈的手槍來象徵安份的女人。
- 換言之，男主角的情人，是一個喜歡以美貌作武器，四處「獵殺」男人的女人。男主角只能希望，情人願意放棄自己的「子彈」，做一個對其他男人沒有殺傷力的好情人。
- 「給你一對手」也不等於你就應該拿這雙手去「擁抱擁到歇斯底里」，男主角勸他的情人，不要做到「人人樂用」。他的情人希望自己「人人樂用」，人見人愛，怪不得要對其他男人投懷送抱，「擁到歇斯底里」了。

為何拿甜言蜜語印証你嘴巴有用
別以為長期陪著我會廢掉嘴角武功
為何拿眉頭額角印証你美色有用
記住潛龍勿用　這樣玄妙你懂不懂

- 連續兩句的反問，可以看出男主角對情人的不滿。不用「拿甜言蜜語」我也知你嘴巴有用，意思完全等如「你唔出聲無人會話你啞」。
- 「別以為長期陪著我會廢掉嘴角武功」一句，更是男主角想象情人變心的理由，就是對著一個人久了，甜言蜜語不想再說，「嘴角武功」會生疏，所以情人要四出找男人「練習」。第二個反問的意思跟第一個大致相同。
- 男主角最後帶出他的中心思想，一個漂亮女人應該要記住的思想：「潛龍勿用」，漂亮的人不該「恃靚行兇」，到處留情，希望人見人愛。到此，漂亮的女讀者們想必不盡同意，女人都愛展現自己，尤其天生麗質，更不可浪費天然資源。所以，漂亮的女人總不能予人安全感，美麗的確有罪。

你像財物要守秘密　你就藏在我心
用甚麼雙手雙腳找你新生
以後行人就勿近　以後寧願你不是人

- 第一句回應首段第一句，指明「你」就是「財物」，是「我」的「秘密」，不止要「藏在我身」，更要「藏在我心」。
- 「用甚麼雙手雙腳找你新生」一句，語氣近乎喝令，男主角在第二段已叫主角「你別移動」，然而語氣還是比較溫和，這一句已是命令，即使情人要找「新生」也不准。
- 「以後行人就勿近」，男主角一再表明他希望將情人隔離，「以後寧願你不是人」，男主角很愛很愛一個人，愛到很怕失去他，甚至有動殺機的意圖。從歌曲一開始的勸導說教，到這裡的指斥喝令，男主角的耐性已經耗盡。

給你精細的血管　給你精美的五官
偏要給你給你一顆心躍動
給你一柄手槍　給你一發子彈
不等於要放進誰的胸
給你一對手　偏要給你擁啊擁
所以抵你抵你歇斯底里 誓要人人樂用
有用無用你懂不懂

- 跟第一次的副歌比較，這一段的語氣要重得多。「給你精細的血管，給你精美的五官」，最好不要「給你一顆心躍動」，中間的「偏」字，反映出男主角多麼不情願情人是一個人，更令人想起剛才的一句：「以後寧願你不是人」；而「心」，也可以是花心、多心、變心，情人沒有「心」就沒有危險性了。
- 第二句再一次運用「手槍」和「子彈」的象徵，說明擁有美色也不等於就要色誘別人。「所以抵你抵你歇斯底里」一句連續兩個「抵你」，可見男主角對情人已經因愛成恨，另一方面也可見情人「誓要人人樂用」的願望也並未實現，所以才會「歇斯底里」。
- 「有用無用你懂不懂」，大概永遠留在身邊的情人才算有用，不安份的情人再漂亮也是無用。

http://www.siusang.net/bbs/viewthread.php?tid=527&extra=page%3D1

>>February 10, 2007 at 12:42:45 AM GMT+8

2007 年 1 月 27 日 星期六 【颳風】

前晚同Mavis傾開可唔可以由情人變返做朋友呢個矛盾問題。

曾經付出過勇氣，由好感到期待，由期待到擁有，最後又由擁有變成失去，就好似坐過山車咁，愛情係電光火石間消失，真係會好懷疑自己究竟有冇拍過拖，有冇被人愛過，定只係一直只有自己一個人努力去愛？

真係令人傷感，o係咁傷感o既情況之下，仲係咪要同傷害過你o既情人保持聯絡呢？Mavis就好怕同舊情人經歷過o既片段會慢慢從記憶中消失。其實我真係好想忘記呢o的愛的片段，從新開始，全身投入過一段真o既愛情。不過如果真係咁容易消失忘記，咁自己根本就冇認真咁愛過啦，而家又唔係o係度拍散拖，係咪？

離開一個曾經傷害過自己o既人，越遠越好，因為佢已經失去佐享用你o既特權同專利。雖然偶然總會諗起當時絲絲甜蜜o既片段，但係每每又會諗到今日佢同緊另一個人做緊以前同自己一齊做過o既事，就會倍加痛楚，眼淚亦唔會受自己控制咁湧出o黎，咁樣o既話，傷害同痛楚只會停住。雖然犯錯o既人並唔係自己，但係逃避反而係最好o既治療方法。唔諗過去，只展望將來，繼續用心去尋找真愛，又或者返回起點再等待，我估會更容易放得低…

Mavis提醒佐我一首舊歌，《最熟悉的陌生人》…今次o既打激，我只可以o係情人同陌生人之間掙扎…

----------------------------------------------------------------------------------------------------------------------------

最熟悉的陌生人
蕭亞軒

還記得嗎　窗外那被月光染亮的海洋
你還記得嗎　是愛讓彼此把夜點亮
為何後來我們　用沉默替代依賴
曾經朗朗星空　漸漸陰霾

心碎離開　轉身回到最初荒涼裡等待
為了寂寞　是否找個人填心中空白
我們變成了世上　最熟悉的陌生人
今後各自曲折　各自悲哀

只怪我們愛得那麼洶湧　愛得那麼深
於是夢醒了　擱淺了　沉默了　揮手了　卻回不了神

如果當初在交會時能忍住了　激動的靈魂
也許今夜我不會讓自己在思念裡　沉淪

心碎離開　轉身回到最初荒涼裡等待
為了寂寞　是否找個人填心中空白
我們變成了世上　最熟悉的陌生人
今後各自曲折　各自悲哀

只怪我們愛得那麼洶湧　愛得那麼深
於是夢醒了　擱淺了　沉默了　揮手了　卻回不了神

如果當初在交會時能忍住了　激動的靈魂
也許今夜我不會讓自己在思念裡　沉淪

我們變成了世上最熟悉的陌生人
今後各自曲折　各自悲哀

只怪我們愛得那麼洶湧　愛得那麼深
於是夢醒了　擱淺了　沉默了　揮手了　卻回不了神

如果當初在交會時能忍住了　激動的靈魂
也許今夜我不會讓自己在思念裡　沉淪
也許今夜我不會讓自己在思念裡　沉淪

>>January 28, 2007 at 6:03:51 AM GMT+8

2007 年 1 月 26 日 星期五 【颳風】

整體上今日心情比之前咁多日都ok。

琴晚同Mavis傾完偈，傾o下大家胡思亂想o既情況，互相慰解o下。本來傾落都幾暢快，嗯…要學識放低呢樣功課真係唔容易，不過傾傾o下我又諗返o的舊片段，結果o的眼淚又自動波咁湧出o黎，妖…低能的。佢去訓我先走去沖涼，但係我都係要搞到兩點半先訓，咁今朝返工就例牌好眼訓啦，好在老趙今朝唔o係新翠嗟。

跟佐成個幾禮拜，BGW個舖想放signages o係個場裡面單o野，終於都有些少眉目，Promotion終於都肯試一個位，而家等Leasing批，希望得啦，如果唔係個客搞佐咁耐都係得個吉就pk喇，做得咁辛苦，個電話日日好似東華籌款咁響，總算有o的o野做到出o黎。Amanda講得o岩，最憎就係跟o的永遠都好似唔會完o既tasks，一來煩，二來做極都好似唔完咁。不過冇法啦，鬼叫個終極決定權o係Leasing度咩，我o地做Management o既係咁o架喇，夾o係個客同佢o地中間，出得o黎行，遇佐要還。不過，真係做商場永遠都係最好。

放佐工，Kenji、Vicky同我就出車喇，落佐去北角渣華街熟食巿場食飯，o的春卷勁好味呢！我o地仲見到謝徫駿同白韻琴添呀！

臨食飯前Adele打電話畀我，原來我之前夜晚臨訓前諗完o的傻o野訓唔著，係咁send sms畀佢，搞到佢而家夜晚訓訓o下到三四點都扎醒… @_@ 真係唔好意思呢，其實好多朋友都收過我o的夜半sms，問題係而家o的電話科技真係太先進，有未睇o既sms或者未接o既電話，就會不斷咁有鈴聲提示，直到您notice到為止，搞到佢冇訓好覺，真係非常之唔好意思。所以我今晚都問清楚佢個電話會唔會有不斷咁響或者sms個聲係好鬼死嘈o既功能（我個Dopod絕對冇呢類function），明白佐我第日就唔會再咁百厭o係度搞住晒人o地訓覺啦~ =P

我o地食飽飽，就要餵飽埋架車，原來架車用油要$1.6一公里，都幾很貴o下呢。車仔食飽飽，就約埋呀宗去遊車河。有人載我四圍去，即使係冇目的地，心情亦都舒暢好多，今晚勁行山路，由北角兜到落灣仔，爽呀！

不過話食糖水食到最終返柴灣食就窄o的喇，食完返到屋企都成點鐘，沖個涼打埋日記要訓喇~

>>January 27, 2007 at 2:23:09 AM GMT+8

2007 年 1 月 25 日 星期四 【颳風】

《情深深雨濛濛》
瓊瑤

依萍對方瑜說︰「我生來就是個刺蝟，身上的刺，是我的武器，是我生存的條件。但是，書桓不喜歡我身上的刺，為了他，我只好拔掉全身的刺，儘管拔的時候，會連皮帶肉都拉扯下來，我還是拔了，我痛啊！現在我沒有了刺，不是刺蝟了，我是一個千瘡百孔的四不像，但是，書桓還是棄我而去…妳說，我這個沒有刺的刺蝟，要怎樣活下去？」

----------------------------------------------------------------------------------------------------------------------------

絕對唔好瓊瑤o既小說，但係點解節錄呢一段對白之中o既每句說話，都好似講緊我咁o既？

>>January 26, 2007 at 2:11:41 AM GMT+8

2007 年 1 月 24 日 星期三 【微冷】

琴晚訓得唔好，雖然琴日放假，亦有大部分時間訓佐o係張床上面，但係其實係o的感冒未清，仲係病病o地、累累o地所以先冇出街玩…

訓得唔好都要起身返工啦，今日睇o黎好似好忙，但係都唔知自己做過o的乜咁…唉…好似行屍走肉咁…我只係一個冇心o既人…

訓唔到，不如買o的安眠葯食o下都好喎…或者食佐唔駛諗咁多o野，好快就訓得著呢…唔駛喊住訓，唔駛訓訓o下突然間個心翳住翳住咁扎醒…Mavis話自己好冇用，因為當佢知道ex-有女友之後，就只識得喊。我呢？我仲冇用呀，每當我諗起同佢o既一點一滴，同埋佢o既狠、佢所講o既大話，眼淚都會不由自主咁湧出o黎…好冇用…點解我會咁懦弱？點解佢要(乙水)到我放低晒我防避o既盾，再去有倒鉤o既劍刺傷我？點解唔乾脆一刀殺死我？

>>January 25, 2007 at 1:36:06 AM GMT+8

2007 年 1 月 23 日 星期二 【颳風】

2004年5月10日，某歷屆給了我一封分手信。我和她本來就性格不合，一個東一個西，一個精一個笨，想不到老天爺會為我們牽了根紅繩。

今天的她，已為人婦，性格依舊的笨。但不要緊，她已抓緊了自己的幸福。我仍然討厭她的笨，但她卻是第一個讓我在分手時感到痛楚的人。她雖笨，卻不拖泥帶水，乾脆來個了斷，成存了我和第三者。我和第三者，只不過是一時衝動，就鑄成大錯，三個人都是輸家。

那是她的初戀，她很單純，她有她的主見，但尊重我的決定。現在我明白，當天她所經歷的一切一切。失去了她，我醉倒街頭，失去方向。曾說過要愛她一生一世，曾說過我是她的第一個，她是我的最後一個，但承諾由我親自毀滅，我狠狠的傷害了她弱小的心靈。

當天我無法想像她獨個過活時生活過得怎樣，我不知道她害了一場怎樣的病，是我害了她，現在天來懲罰我，要我感受她所經歷的一切。

那天我為甚麼會哭？因為我知道我和她真的完了。我放棄了一個很愛我的人，只為追逐一個未知的將來。結果是怎樣？是的，是糟透了。到了想回頭的時候已經太遲，因為她已鐵了心，那根在她心內的刺，永遠也拔不掉。

你，就是昨日的我；我，就是昨日的她。當你醒悟的時候，當你用盡氣力去認真愛的時候，你已慢慢踏上了我走過的路了。

>>January 23, 2007 at 3:53:15 AM GMT+8

2007 年 1 月 22 日 星期一 【颳風】

今日情緒好唔穩定…佢永遠可以將工作同情緒分開處理，我就永遠都畀情緒控制我o既工作…

我一個星期冇主動msn、sms佢，佢真係可以狠心到半個sms、msn都冇回過畀我，佢o既原因，居然係覺得佢自己唔出現o係我o既生活之中，會影響我少o的…但係佢永遠都唔會知道，我生存o既一點點動力，只係靠佢一個sms就足夠…

我知佢做o野好忙，佢亦話佢病佐。佢不嬲都係一個理性o既強者，而我就係一個感性o既弱者。以往佢累佢病，都會爹爹我，而家當然唔會，因為佢已經去佐爹另一個人。我需要佢o既同時，其實亦都需要一種「被需要」o既感覺，只要有呢一種感覺，我先唔會覺得自己咁渺少、咁微不足道，但係我已經唔再被佢需要…我亦失去佐自己o既存在價值。

我又走返條舊路，日日夜夜都只係識得o係度埋怨…如果兩個人o既關係一直都係唔好，成日鬧交，又或者佢冇同我講過「覺得關係變好佐」等等，我估今次分手唔會o黎得咁震撼，確實，時間上佢錯得很離譜。

有人話過恨一個人遠比愛上一個人難，如果愛一個人用佐十分o既力，就要用雙倍o既力，即係二十分o既力，先可以恨佢…我唔記得我係零四年五月邊一日認識佢，亦唔記得被佢迷上係幾時開始，零五年九月尾呀Ken回來時我o地開始多佐約會，十月份我同佢戀上…我o地去過海洋公園兩次，我o地o係吊車上面有過一點點o既承諾，我o地去過澳門、曼谷、浮羅交怡，我o地食過無數咁多間日本料理，我o地去過赤柱兩次，我o地去過石澳，我o地上過山頂，我o地去過長洲，我o地去過我最怕o既游水，我o地去過大大小小好多個商場、cafe、酒吧，我照顧過飲醉酒o既佢，佢煮過意粉畀我食，我o地一齊遇過飛機意外，我o地共同度過冇錢駛o既日子，我o地為同一件事鬧過四、五次交，我o地話過唔會分開，我o地話過會結婚生BB，我o地手拖住手行過數唔到咁多步路…零六年十月，我o地一週年，零六年十二月十六日，佢居然提出分手，至今我仍未肯相信，這是個不折不扣的事實…

返工o既時候一定要笑面迎人，放工自己一個人o既時候先可以做返自己…一個人孤獨咁心痛…點解我要記得咁多o野？點解要有咁多回憶？點解知道佢愛上另一個人個心痛得咁切底？點解o的眼淚唔受控制咁係咁流出o黎？點解？

>>January 23, 2007 at 3:57:21 AM GMT+8

2007 年 1 月 21 日 星期日 【颳風】

放假，除佐食飯同去廁所之外，其他時間都係訓o係張床上面。我想逃避星期日放假呢回事，我唔想星期日放假得自己一個人過…

我聽佐Adele o既建議，用一個禮拜時間，睇o下佢有乜反應。唔主動搵佢，我就唔會因為佢唔回覆而失望；亦都唔駛因為佢o既回覆而受到傷害。我發覺情況真係比上個禮拜舒服佐o的…定係已經由希望、期望、盼望，變成佐絕望呢？

有人話如果你係愛一個人，無論你有幾咁忙，你都會掛住佢想見到佢。佢之前幾個禮拜所做o既一切，其實真係可憐我、施捨我。只要我一個禮拜完全唔主動聯絡佢，佢真係可以完全唔聯絡我。口講就話幾關心我，其實就依然故我，或者我唔搵佢，佢仲唔駛咁煩添，亦唔駛再將我收收埋埋怕畀而家個男人發現佢仲藕斷絲連。我唔會再畀佢傷害到我，我要同佢一刀兩斷，我唔要再畀一個唔愛我o既人利用我、牽引我o既情緒！

可憐o既人係佢，唔係我。因為佢一生都唔可能尋找到真愛同幸福，因為佢完全唔識得乜o野係知足，一生一世都會受到良心o既責備而永不安寧…我清楚呢種感覺，因為我試過，亦一直受著責備。

>>January 22, 2007 at 11:54:07 AM GMT+8

2007 年 1 月 20 日 星期六 【雨】

明明食佐葯，點知都係訓到三點幾四點醒佐，o係床上面碌來碌去都訓唔返，個腦又諗返起佢怪責我同佢之前o的男朋友一樣o既一字一句… :'( 決定落床沖個涼，又諗起《一支煙的時間》呢首歌…很有意思罷…

琴日Pheobe問我仲乜睇落個人咁燥底，係咪唔開心，其實我都唔係咁清楚呀，可能忙呱…可能係因為星期日就快到，個人情緒又開始唔穩定呱…又可能係o的葯食到個人燥燥o地…

如果我可以好似Vicky咁傻傻o地，乜都唔駛諗，又有個人咁錫自己，仲日日o係身邊照顧住，咁就好喇…

>>January 21, 2007 at 7:58:53 PM GMT+8

2007 年 1 月 19 日 星期五 【颳風】

病佐，又係感冒o卦…琴日去睇醫生，特登叫醫生開o的超級重o既眼訓葯畀我食，搞到今日全日都好眼訓，但係又鬼咁多o野做…頂…

都好o既，橫掂最近呢排又試失眠，有o的眼訓葯食o下都好o既…

又一首心聲…

----------------------------------------------------------------------------------------------------------------------------

絕
傅珮嘉

寧願滯留在此處　寧願叫時間終止
我不會再信未來　我不要再看歷史

還能活才是諷刺　故此不用做傻事
讓痛苦輪迴千次　彰顯那快樂有盡時

曙光全部熄滅　殺掉我影子
我只能獨處　背後全沒有支柱

甚麼叫絕望　抬起眼望望
如今我在你面前呈堂隨便收看
靈魂被抽乾　殘留著軀幹
從此與未了願同存亡地老天荒

還不夠絕望　尚可更絕望
留給我日後用來形容前面境況
能夠這樣　謝謝你幫忙
將僅有願望都風光殮葬

曙光全部熄滅　殺掉我影子
我只能獨處　背後全沒有支柱

甚麼叫絕望　抬起眼望望
如今我在你面前呈堂隨便收看
靈魂被抽乾　殘留著軀幹
從此與未了願同存亡地老天荒

還不夠絕望　尚可更絕望
留給我日後用來形容前面境況
能夠這樣　謝謝你幫忙
將僅有願望都風光殮葬

甚麼叫絕望　抬起眼望望
如今我在你面前呈堂隨便收看
靈魂被抽乾　殘留著軀幹
從此與未了願同存亡地老天荒

還不夠絕望　尚可更絕望
留給我日後用來形容前面境況
能夠這樣　謝謝你幫忙
將僅有願望都風光殮葬

何來未來未開創　我對希望沒期望
未放開　提前釋放
明知道敗仗　就不應該對抗

能夠這樣　全靠你幫忙
將戀愛絕後的標準答案

>>January 19, 2007 at 9:59:12 PM GMT+8