2006 年 12 月 29 日 星期五 【颳風】

今晚要night check，凍冰冰又開唔到msn…勁慘…

嫖賭飲吹，壞男人四大元素。

雖然都只係個普通男人，自問亦都好咸濕，但係我絕對唔會去嫖，因為我覺得佢o地好污糟。之前試過出佐一次錯誤，亂搞男女關係，結果為佐負責任而同某個歷屆一齊，都係衰一時衝動，至會令到雙方由好好友情變成一段極差o既愛情，絕對係大錯特錯，所以我應承自己一定唔會畀呢o的事破壞我同愛人o既親密關係。可惜…

其實我都唔係你o地心目中咁鐘意賭錢，之前賭錢，只為賺o的外快可以有多o的錢同B駛，而家仲衰，賭錢賭到漫無目的，諗住散晒o的錢去點知又死唔去。錢冇人會嫌多，有個閒錢旁身亦都唔係唔好，亦可以得閒幫o下人，其實都幾好。

飲酒我就真係唔算好鐘意，尤其係啤酒，反而得tequila係可以接受。不過我個胃又唔爭氣，勁飲一鑊之後就往往要成幾個禮拜先可以回氣；我個肝又唔叻，飲完酒o的酒氣又散唔到出o黎，簡直好似入晒骨咁會累返三五七日，真係冇用，點同大陸人傾生意呀？

吹煙就真係最pk喇，我可以講，食煙係我人生之中最後悔學識o既一樣o野，因為而家已經發展到嚴重煙駁煙，雖則亦會尊重唔食煙o既朋友，但一行到出可以食煙o既地方就會唔停咁食，行又食、坐又食、企又食，食食食，食到原本少少氣管敏感搞到而家有埋哮喘，真係好唔抵，但係又停唔到，畀女朋友話完又話，結果仲激走埋佢…真係太遺憾… :'(

>>December 29, 2006 at 8:36:21 AM GMT+8

2006 年 12 月 28 日 星期四 【颳風】

分手之後呀李猛咁話我瘦佐，其實我都冇乜理佢，因為我根本唔覺。琴日已經一日食佐四餐，點知今朝束皮帶o個時發覺又可以穿返到最入o個個窿，即係我o岩o岩入新翠o個時o個個位，咁我先發現原來自己真係瘦佐…

今晚偷偷o地搵個磅磅一磅，一睇原來又跌返落一百二十磅多o的，勁失望！明明記得o係浮羅交怡除晒衫o個時磅都上到百三磅o架喎，唔通個磅壞佐？再諗一諗原來自從o個日起，頭兩日我都食唔到o野，之後成個禮拜都只係每日食到一餐，係琴日先至咁叻，廿四小時內食佐四餐正餐加一餐甜品。

唉…其實我已經係一班朋友之中最大食o個個，無奈食佐唔吸收，咁辛苦先由一百一十五磅加到百三磅，居然一Q清袋，真係唔抵…

我係咪患佐厭食症？

>>December 30, 2006 at 4:41:52 PM GMT+8

2006 年 12 月 27 日 星期三 【颳風】

琴日係跑馬日，我又再照住郵差o既心水（其實係心血先o岩）去買馬，今次唔同上次賽馬日咁大家嗌頸，結果又係贏開行，贏得仲多過上次，真係要多謝郵差。

於是琴晚搵佐Kenji陪我出去行街買衫。一直都好想買多頂帽戴，趁住今日個頭一pat屎咁，就去佐揀帽。不過都搵唔到o的有好誇張印花圖案o既款，結果o係一堆帽裡面揀佐一頂比較突出o既買佐就算。

買完帽又去佐揀Chevignon，揀佐兩條都幾鐘意，係咁試到o岩先買，好似個女人咁。不過真係想買多條牛仔褲好耐，無奈之前又要慳o的駛，所以制止住自己唔好買。好o野！終於可以丟佐條舊o既唔o岩身o個條喇！

買到心頭好，歡容返o的。之後我o地去搵埋郵差上太湖食宵夜同埋學玩「鬥地主」，輸到傻呀，好在冇玩錢嗟…玩完返新翠等呀宏收工過澳門。

又係澳門之旅，八點幾o係碼頭集合食完早餐之後，明明九點三船唔知做乜呀宏又要趕頭趕命上九點o個班，點知班船行佐一半就話個引擎"kick"住佐垃圾，要折返香港…bjiudgahiugdiaghxagaduydghgute&@ty&@)&&q%w%qwyy(qz！死未！貪一時之快，財不入急門！

搞到十一點幾先到澳門，直接去佐希臘會，將o的泥碼轉晒做現金碼，再唱返錢出葡京，不過都已經點幾鐘喇…不過今日唔心急大把時間，慢慢去食完個晏晝飯先去玩。

今日呀宏個勢係「牛巿」，上落唔多又慢，10,000蚊玩來玩去都贏唔過3,000蚊，而郵差同Kenji o個邊又贏唔到，搞o下搞o下搞到人都「牛」晒，出去飲完一次o野返入去都係唔順，最後我o地離開佐葡京，慢步去佐議事亭前地搵o野食。哈哈！最終居然食佐Haagen Dazs，勁好味！=p

抖一抖得返兩個幾鐘頭搏，最後都贏佐一皮o野多少少，同呀宏對分再扣返輸o個少少，兩日計埋波同馬贏o既居然o岩o岩好一份雙糧，真係誇！所以話出外靠朋友就係咁解喇。真係好多謝大家o既支持，今次好叻，冇喊過！

本來十點鐘玩完比預計十一點鐘坐船走係早佐成個鐘，可惜去到碼頭先知最快有位o個班船，居然係凌晨一點…pppppppk！累到死，居然冇得返香港…慘死…結果又坐返車去希臘會食埋佢個免費自助餐先走，超難食，下次唔係折墮都唔駛旨意我入去食。

返到屋企o岩o岩三點…zzz…

>>December 29, 2006 at 12:10:11 PM GMT+8

2006 年 12 月 26 日 星期二 【微冷】

呢個月第五次放孖地，特登安排廿六號放，諗住廿五號會同B出街玩得夜，點知原來我都冇咁o既福份，聖誕o既夜晚只係留佐o係屋企上網。Kenji介紹佐個識朋友o既網站畀我，我登記佐，亦識佐o的net friends，傾o下msn咁就過佐呢一晚。

o係網上面發現原來好多人都為情所困，好似新識o既friend Mavis咁，又係背負住一段段o既情傷，搞到唔再信男人。嗯，男人係咁衰o架啦，但係有時女人都係一樣，愛情路上一定會有贏有輸，佢話︰「開始時唔係太緊張，因為怕太投入…但係拍拍o下，當你緊張佢個時，當自己投入個時，原來人地已經轉淡…」聽佢咁講，我真係覺得好灰。初初佢唔投入，我投入，慢慢佢開始投入，我就更加投入，佢話佢好投入我就諗住會好好咁過落去，點知突然之間又乜都冇晒…

可能我一直都只係畀人當作做一支用o黎「攝」時間o既牙籤未定…

到目前為止，都仲係有好多唔明，呢o的問題每日都會纏擾住我…點解佢會咁對我？佢係咪由始至終都只係利用我，當我係一個靠山？點解佢以前冇試過一腳踏兩腳，當時亦都唔鐘意我一腳踏兩腳，點解突然之間會變成咁？點解已經同另一個開始佐仲要同我去旅行？點解去完旅行之後仲要話大家關係好佐，之後再離棄我令我由最高處跌返落o黎？o個個所謂o既第三者其實根本冇呢個人，佢係其實只係想激o下我、等我對返佢好o的，抽多o的時間陪佢？點解佢話過o個時佢媽媽日夜擔心爸爸o既事我聽，仲要講到喊，但係自己又要做出o的咁o既事？點解佢要錫完另一個之後又再錫我？當夜欄人靜、一人獨處o既時候，呢o的問題就會o係我個腦度不停咁轉轉轉…即使係一大班人一齊o既時候，玩得好地地又會突然間o係度發呆咁諗呢o的o野？點解？

我係咪已經痴佐線？駛唔駛睇醫生？有冇得救？

原來舊年聖誕係去佐睇套叫Merry Chirstmas o既戲，仲去佐Todai食自助餐。原來o個時B已經話毛掛住做o野唔陪佢，到B離開時亦都係話毛掛住打機唔陪佢，我真係冇用，如果一早抽多o的時間陪B，B就唔會走佐去…

誠實，忠心。回來時您能做到嗎？但，您又會否回來呢？:'(

>>December 29, 2006 at 2:31:19 AM GMT+8

2006 年 12 月 25 日 星期一 【微冷】

呢個o係我左前臂o既圓型疤痕，其實係屬於Josephine。分佐手之後，我發覺自己其實愛佢愛得好深，為佐記念呢一段情而留。我仲驚佢唔夠深，大大o下過多幾年會退，我用煙頭o係一個已經辣傷o既傷口上面重複咁辣佐幾廿次而做成。

原來呢個疤都已經有五、六年歷史喇，咁怕死、怕痛、怕血o既我居然會整得到呢個疤…而家我都仲係咁幼稚，諗住傷害自己去尋求快樂…


呢個疤痕o係呢一年o黎，每日都提醒我要點樣去愛一個我真心愛o既人，要好忠心，唔可以有雜念，愛另一個而飛佐而家o個個o既念頭更加唔可以有。而家，我正在諗緊用o的咩方法可以記念我o岩o岩失去o既一段情…

用紋身好定係穿耳窿好呢？暫時意見係1比3。

>>September 12, 2008 at 1:00:37 AM GMT+8

2006 年 12 月 24 日 星期日 【颳風】

琴日同郵差入佐沙田馬場，第一次買馬買到可以一注飛贏四千八蚊，從來未試過，但係呢o的有如浮雲o既錢，對我o黎講，完全冇意義。

睇完馬仔贏輸都只係打個和，我o地就出返佐敦食o野，同Warren仲有Kenji，估唔到佢o地三條友九唔搭八又三九唔識七，居然都可以傾得到偈，真係癲。而我卻係咁慢熱，識朋友交際o既能力低成咁…

食完難食大排檔後，打佐一陣機，四個人一齊玩，都幾有趣。後尾我提議去山林道飲sake，好在都仲有郵差同Kenji捨命相隨。最終冇飲sake，是但入佐間唔係同B去過o既bar，冇乜人，叫佐一支（好似係750 ml）o既tequila o黎飲。

飲o下飲o下，連初頭話唔飲o既Kenji都飲埋一份，仲拿tequila o黎玩大話骰，結果我趁住我仲o係有知覺o既時候及時埋佐張單，仲讚佐埋單個妹妹仔靚，摸摸佐個頭讚佢乖，跟住開始唔知自己做過乜…我估我飲佐半支都有，不過酒量真係淺，咁都頂唔住，咁快就死佐…

勁白痴，飲tequila醉到冇晒知覺，唔知o係邊度仆街撞損佐個額頭，到第二朝訓醒先知，真係冇用…


佢o地話我o係條街度四圍走，又扯住一個tom boy條女件衫唔放手，搞到條女係咁尖叫。又話我打橫訓佐o係條街度，冇一個的士佬肯載我走，最後搞到要差佬幫我o地截的士先有車返新翠…

返到新翠，我都唔知自己做過o的乜，好似入過廁所屙屎，但係中途又暈佐，搞到核核突突。之後我好似訓佐o係個大堂中間度，佢o地話我係咁狂嗌、尖叫等，但係一切我都冇乜印象。到我有返知覺o個時，係佢o地準備開場o個時抬我返上更衣室訓開扶手梯o既時候…上到佢，醒o下又訓o下，淨係知道個胃勁痛…

好在返佐新翠，如果唔係今日實返唔到工，不過今日成日浮o下浮o下咁，都唔知自己做過o的乜。酒精中毒，但又未至於死，有o的失望。但係由飲醉至酒醒o既幾個鐘，感覺真係好，起碼我完全唔記得晒所有令我唔開心o既事。

對上一次飲醉，係同某歷屆分手時，但亦冇今次咁我去晒所有知覺。我記得自己好似狂嗌過Josephine個名，因為除佐佢，我已經冇一個我愛過o既人可以令我信得過…

>>September 12, 2008 at 12:59:45 AM GMT+8

2006 年 12 月 23 日 星期六 【微冷】

琴日唔知係咪我o地真係咁無緣份，年年冬至都冇得收早o既您，居然會收四點半…學Pheobe話齋如果我想B返o黎我身邊，點都要做o的o野向佢表示，但面對一個傷害得您咁深o既人，真係需要好多勇氣。

我好傻好傻，話過唔再見，自己又忍唔住，不過又冇緣，但我知道我要好果斷咁決定仲繼唔繼續我想做o既事，冇時間畀我再豫疑，上天係想考驗我o既誠意，越難做到o既我就偏要做到，緣份係要自己去爭取。

四點，原本諗住做埋o的o野即刻搭車去花墟揀花畀B，但係收到您話放早o既消息，再問到雖然收早又另有事做，不過會返一返屋企先，我唔可以再白白錯過機會，我要自己掌握返。輾轉同B msn到四點九，佢走喇，我就即時打去apm問o下有冇花店，即刻訂佐一紮玫瑰五點三ready，我就飛的過去拿。拿到花之後又再飛的上去B平時落車o既巴士站，呆呆咁等…

幾架小巴都過佐，唔知會唔會等得到B，B又冇覆我o既sms，又望望對面街，睇o下會唔會見到B…好驚見唔到，但係又好驚見到o的我唔想見到o既o野…

五點半，終於都見到B，我冇叫B，等B自己發現我，佢走過o黎時，我好驚，個心跳得好犀利，原本諗住講o既o野完全講唔出口…跟住送佐B返上樓，入門口時，送佐紮花畀B，B話靚，摸摸我o既右邊面，我唔知可以講乜，只想B可以返o黎我身邊，但係又冇用，冇講到…

愛B，返o黎毛身邊好唔好？

----------------------------------------------------------------------------------------------------------------------------

玻璃之情
張國榮

從前我會使你快樂　現在卻最多叫你寂寞
再吻下去　像皺紙輕薄　撕開了　都不覺

我這苦心　已有預備
隨時有塊玻璃　破碎墜地
勉強下去　我會憎你　只差那一口氣
不信眼淚能令失樂的你愛下去
難收的覆水　將感情慢慢盪開去
如果你太累　及時地道別沒有罪
牽手來　空手去　就去

我這苦心　已有預備
隨時有塊玻璃　破碎墜地
勉強下去　我會憎你　只差那一口氣
不信眼淚能令失樂的你愛下去
難收的覆水　將感情慢慢盪開去
如果你太累　及時地道別沒有罪
牽手來　空手去

一起　要許多福氣　或者　承受不起
或者　懷恨比相愛更合理
即使　可悲

不信眼淚　能令失樂的你愛下去
難收的覆水　將感情慢慢盪開去
如果你太累　及時地道別沒有罪
一生人　不只一伴侶

你會記得　我是誰
猶如偶爾想起　過氣玩具
我抱住過　那怕失去
早想到　玻璃很易碎

>>December 31, 2006 at 2:11:00 PM GMT+8

2006 年 12 月 22 日 星期五 【颳風】

今日放假，不過公司今日做冬，訓到十二點就起身返公司，之後再坐低出埋兩封非常趕住出o既信。

好想同返B o係埋一齊，可以嗎？我o地真係已經緣份用盡？

琴晚又再同兩個朋友仔傾復合o既問題，終於都有人識去體會o下我o既感受…

第一個係周生生o既Pheobe，一向都傾開偈o架喇，但係未有諗過大家會偈到咁深入o既男女問題。趁佢得半個鐘頭食飯，我o地去佐仙跡岩坐底飲o野，佢係呢個星期之內，第一個人同我講，如果您真係想同返人一齊o既，就唔可以淨係坐o係度等運到，或者匿埋o係屋企訓覺，一定要做o的o野出o黎等佢知道您係有幾愛佢。

雖然佢一直都叫我唔好咁傻，亦都有講繼續為佐一個咁o既女人o徙時間係唔值得。不過佢睇得出我係有幾愛佢，所以仲提醒我，若果真係o係返埋一齊，兩個人一齊生活，亦要set返一o的底線，例如好似之前佢去玩唔畀我理，我亦唔知佢同埋o的咩人出街玩咁o既情況，如果兩個人o既身分調轉，佢又接唔接受到呢？如果佢真係ok接受到o既，佢就唔可以唔畀我見以前o的女朋友，亦唔可以理我同埋人出街玩，等佢都要感受o下一個人獨守家門o既感覺。

佢仲叫我既然咁想同返佢一齊，今日就去接佢放工，唔好等，但係我又驚…

同Pheobe傾完後，落佐觀塘同超人打邊爐，又繼續傾o下呢個「不能改變，唯有忍耐」o既問題。佢叫我即使係o係返埋一齊，亦要保護自己，唔好再付出咁多。我話，而家十劃都未有一撇啦，邊度可以諗得咁長遠？好羡慕佢同呀蚊都已經咁多年喇，兩個人一齊五、六年時間，分開兩個地方生活，究竟佢o地之間係點樣維繫o架？點解我同B又會搞成咁？

>>December 25, 2006 at 2:32:41 PM GMT+8

2006 年 12 月 21 日 星期四 【颳風】

講返o個日去澳門，其實都算幾傳奇o既遭遇。

其實各人各有所長，但係唔知點解一開波就輸到pk，而我，根本就只係為佐「財散人安樂」而去，目標就話坐直升機返香港，其實就漫無目的。

我o地o係碼頭買佐泥碼，一人三千港紙泥碼送來回船飛，保證有得返香港。我出埋郵差同Kenji o個份本，總共9000蚊，而呀宏就出返自己o個份3000蚊。

到佐澳門即去佐(乙水)仔o既希臘皇宮，唔係靚，好鬼大陸feel，入到去o的感覺都唔舒服。我o地o係百家樂台坐低佐，Kenji唔想玩，分佐2000蚊畀我同1000蚊畀郵差，之後就被女色所迷，係咁(目及)實o的靚女何官，呀宏就行開佐自己玩，我就同郵差並肩作戰。

入去時四點半，初時都好地地，有上有落保住個本，轉個頭呀宏已經同我o地講佢輸q晒冇交嗌，而我亦冇乜心機玩，推o下推o下，好快就推晒我o個份5000蚊，得返郵差一個拿住4000蚊奮力作戰，我唔想阻住佢玩，帶埋兩條友一齊出佐大堂坐，悶到抽。坐坐o下悶就聽歌，聽Love of My Life，一聽就淚如泉湧，一發不可收拾。

最後去到七點半都係頂唔住，郵差都輸q晒出返o黎，9000蚊財散人安樂，搭返車出碼頭時，突然又諗起我o地去澳門時o係燈光之下相擁而出現o既影，勁爆眼淚，又癲佐，我已經理唔到其他人o既感受，呢一刻我只想盡情咁釋放我o既情緒…

去到碼頭有人話肚餓，結果返佐去八百伴個food court食o野，食o野時又好掛住B，又喊。打畀B佢好似出佐去食飯，怕且係同寶寶慶祝生日，氣氛亦頻歡樂…

食飯時聽埋呀宏o的經歷，對佢今晚贏錢開始有信心，於是食完飯決定拿多5000蚊出o黎「反底」，玩呀宏最有信心o既21點，實行我出本佢出力。初時入佐回力，但係感覺唔好，之後又入佐間新賭場，居然話唔可以用澳門紙賭21點！！結果兜兜轉轉，我o地去返葡京。入到去，感覺好好多，覺得會o係呢度贏錢，我同呀宏就主攻21點。

玩到兩點幾，好累，出去飲睇o下郵差同Kenji搞緊乜，原來佢o地好鬼悶，悶到o係賭場出面睇緊o的雞。冇法子啦，因為要搏殺，真係唔得閒理佢兩個。葡京呢度超多雞，係咁撩人x，真係估唔到澳門會搞成咁（不過都已經係咁好多年…），唉…女人…

兩點八再入返去搏，o係大廳發覺贏唔得多，而且o的煙又「葉」眼，就走佐去非吸煙區自己開張桌玩。呀宏好勁，力保不失。當佢第一次一千蚊一注出擊贏佐之後，個何官即刻想抽佢水（葡京特色），呀宏就即刻罵叉o個班何官，超激，搞串晒個party，佢仲話︰「飲茶？而家邊度仲有飲茶呢回事o架！！」贏到咁上下，即閃。總共贏佐11000蚊左右兩個對分，結果成晚只係輸佐幾千蚊，都算執返身彩。

Kenji同郵差因為悶到癲，已經自己拿晒錢出o黎玩魚蝦蟹同埋大小，郵差就係咁贏，結果都叫做贏返佢個本再加匯價同手續費，而Kenji就黑仔，輸佐幾舊水。

玩完五點幾六點，已經累到死，Kenji已經打佐返公司射波，但係我仲係要返九點。佢o地唔知痴乜線，話要去睇o的平雞，結果冇人叫過雞亦冇見到任何平價雞，因為聽到把聲已經嚇走晒佢o地三條友…

其實女人真係多的是，用錢解決到o既問題根本就唔係問題，可惜我偏偏失去晒呢方面o既興趣…

食埋o野就返香港，返到去八點三，過晒關o既時候Kenji居然畀海關捉住，話佢未夠廿四小時而帶佐三包煙，出佐事，要補稅，呢o的咁o既事，我都係第一次遇見，佢真係好黑仔… @_@

>>December 22, 2006 at 3:15:16 AM GMT+8

2006 年 12 月 20 日 星期三 【颳風】

係呀，我終於都明白晒呢首歌o既真正意思，原來未經歷過真係唔會明白呢首歌，難怪郵差咁鐘意呢首歌。嗯…或者，o係我o既朋友之中，只有佢最明白我o係呢段情裡面受過o既傷害。因為，佢都曾經有一段差唔多o既經歷，而且不斷咁忠告我以前係行緊佢o既同一條路…

返工，我係一個人。放工之後，我只係一pat屎…

----------------------------------------------------------------------------------------------------------------------------

Love of My Life
Queen

Love of my life you've hurt me
You've broken my heart and now you leave me
Love of my life can't you see
Bring it back, bring it back
Don't take it away from me
Because you don't know what it means to me

Love of my life don't leave me
You've taken my love (all of my love) and now desert me
Love of my life can't you see
(Please bring it back) bring it back, bring it back (back)
Don't take it away from me (take it away from me)
Because you don't know (ooh ooh ooh know means to me)
What it means to me

Who will remember
When this is blown over
And everything's all by the way (ooh yeah)
When I grow older
I will be there at your side to remind you
How I still love you (I still love you)

Back, hurry back
Please bring it back home to me
Because you don't know what it means to me
Love of my life
Love of my life
Ooh, ooh...

>>December 21, 2006 at 3:21:41 AM GMT+8