2006 年 11 月 9 日 星期四 【晴】

琴日朝呀Mi打電話畀我，話自己胃抽筋要入急症室返唔到工所以請半日病假，我仲叫佢既然病就不如請夠全日，點知今日已經係佢入醫院o既第二日…

開始有幾個電話搵佢，問o既o野都係admin同audit o既o野，好q煩，因為我係極少參予admin o個方面o既工作，如今佢突然之間返唔到工，我就完全follow-up唔到佢o既o野，除佐唔知有乜程序部驟之外，甚至連o的有關文件放o係邊我都唔知…心裡面只得一個諗法︰今次pk喇…

忙裡亦要偷偷閒，呢期我o地玩緊影「渣古」。


Er...


>>September 10, 2008 at 12:31:03 AM GMT+8

2006 年 11 月 8 日 星期三 【晴】

做死人咩！！！

因為下個禮拜放大假，而琴日又畀人玩佐成日，今日要完成個variance report之外，仲有好多好多濕碎o野要做，成個「In tray」都係o野，都唔知做邊樣好…

晨早返到去食個早餐，就開始做個variance，分開佐三日做，搞到o的數有o的亂，而且有o的係呀Mi入錯account，有o的就A/C dept亂咁入，要將o的數執來執去，又要做o岩條總數，真係玩得死人…

下晝五點半其中一個director Patrick Lam又落佐o黎巡site，已經唔係第一次撞正得我一個o係度佢落o黎巡喇！不過佢好好人o既，巡佐個場一個圈，交帶佐o的事，就走佐lu。

結果做到十點先做完今日要交o既o野…死未… @_@

返屋企o既時候，見到有張咁o既banner，究竟佢o地要為佐開乜o野齋而開party慶祝呢？


>>September 10, 2008 at 12:28:05 AM GMT+8

2006 年 11 月 7 日 星期二 【晴】

完全冇停過手o既一日…佢o黎就o黎一個鐘，我o地就畀佢玩足成日。自己o既o野一o的都冇做過…

最中間o個個就係Maureen…


Set呢樣set o個樣，搬搬抬抬…最火就係公司指定o個間搞deco o既公司Opus 2，呢間o野成日以為自己好大牌，其實整出o黎o的o野又唔實用又易爛又甩碌，完全諗唔到佢值得「把炮」o既地方。


有個成日都o黎o既肥婆，今日又o係度發癲，Q埋雙手o係度指指點點，又「教」我o地點樣貼張backdrop上個backdrop架度。老實講，如果你真係咁勁，就叫多幾個人o黎做o野啦，我o地呢班雖然係打雜粗人，但係你要得人o地做o野，唔該就有禮貌o的，就算你係咁二「烏」低身扮幫手扮教我o地做o野我條氣都順o的！最x憎人o係我做緊o野o個時o係度指指點點但又唔係幫手！

佢叫我o地起佐個backdrop o架再貼張又長又重o既backdrop上去，我就同佢講︰「唔好意思，我o地冇呢種技術。」之後個死肥婆話︰「咁我走喇，唔做喇。」我o地就照我o地平時o既方法放平o係地度貼，肥婆就走去同Kelly話x我串。之後Kelly走埋o黎問我o地識唔識搞，老實講，佢o地有無限次只係送張backdrop o黎我o地自己上啦！雖然我o地冇人o地咁「專業」，但係做o野唔會唔見得人囉！

你唔好以為自己同Maureen Fung好熟我就會好驚你先得o架！我唔係同你同一間公司，唔係出你糧，唔駛聽你o的命令式o既說話呀！如果大家係夥伴關係，唔該你o的語氣行動就實際o的，我唔係一定靠SHKP先有碗飽飯食o架！

Rosemary同另一個唔知乜水o既model都過埋o黎，大派聖誕「波」。


今日o既精英陣容。不過呀Mi好似…唔多關事…er…


>>September 9, 2008 at 8:15:02 PM GMT+8

2006 年 11 月 6 日 星期一 【晴】

今日老趙同呀Man都放假，淨返我同老Mi兩丁友，好靜局…

下晝發力做我最憎做o既variance report，成腦成面成手成眼都係數目字…做到咁上下諗住休息o下，點知一搭入五點半就收到promotion o既電話，話租務總經理Maureen Fung聽日下晝兩點半至三點半落o黎新翠開記者招待會… @_@ 有冇搞錯呀，0.00001% o既機會都中…

即時搞到想走都冇得走，又要搵位畀大堂檔書展執走o的o野，又要預備整返靚個場…ppppkkkk！

>>November 7, 2006 at 1:34:24 AM GMT+8

2006 年 11 月 5 日 星期日 【晴】

最鐘意就係攬住愛B覺覺豬，最開心就係訓醒第一眼就可以見到自己最愛o既人~

九月頭已經訂佐飛去百老匯電影中心睇Far from Heaven（港譯︰《天上人間》），呢套o係2002年拍o既戲，背景係50年代，成功之處在於只係一開波睇個片頭，已經感覺l到佢o個種「舊」，尤其係個字幕彈個戲名「Far From Heaven」出o黎o既時候，o個種老土法，真係非筆墨所能形容！好在套戲雖然好平鋪直敍，但整體上都唔算太悶。


個女主角Julianne Moore，其實我真係認唔到係邊個喇，愛B就覺得好面善，原來係The Lost World: Jurassic Park o既Dr. Sarah Harding。o係呢套戲裡面佢演活佐「女人唔易做」呢樣o野。


個男主角我就認得佢喇，Dennis Quaid係The Day After Tomorrow個老豆。呢條友仔好地地又走去搞基，最後仲要基到離婚，真係好心佢一早知自己好o個味o野，就咪同個女人結婚生仔啦。其實套戲頭o個部分有一幕係一班女人討論自己個老公要求幾耐做一次愛，見到個女主角個面口，就知道呢個男主角有問題啦！初初仲以為佢不舉添，原來個問題係同性戀…


另一個黑人主角Dennis Haysbert，係連續劇《24》o既其中一員。安排佢o既出現好明顯係想表達出黑人受種族歧視o既情況。都估佢一定同女主角搞到藕斷絲連o架喇，好在最後都搞唔成o的乜o野，大家分開各自各生活。


睇完戲我o地兩個去佐打邊爐，係就係誇佐o的，不過旺角福苑o的o野都幾好食o丫。可憐o既肉丸唔小心就碌佐落地…嗚…唔制呀！>_<

>>September 9, 2008 at 8:11:10 PM GMT+8

2006 年 11 月 4 日 星期六 【晴】

由於琴日朝訓晏佐，所以調佐今朝要返工，不過話就話返半晝，其實都約莫返佐全日，只係中途上過去探Vicky咁嗟。

今朝一返到去繼續同Kenji、德哥、南哥玩拆架、砌架、拆架，十點幾開始搞到成點先換好晒燈同埋收返好套架…嘩…真係玩到謝玩到頹…大家都散晒…

三點上去等探Vicky等到三點十個字先有得入去，頂佢個掣o丫，其實Kenji都夠鐘要返落去開工喇！火！o的人明知Kenji趕都霸住晒！

今日Vicky對眼大佐，比之前見佢精神，坐佐o係凳上面，行動好似老人家咁有o的緩慢，但講o野有返少少文路，係咁食百力滋，又識餵老公食多o的（三支一齊塞入個口…），主任就分得一支（慘！）…er…

佢見到Kenji o的恤衫鈕冇扣好，居然仲要話︰「返工要扣鈕…」睇o黎又唔傻得晒，至少佢仲係好錫好關心佢老公…嗚…但究竟佢o係佢自己o既世界裡面諗緊o的乜呢？

放佐工去老地方打機，愛B今日去佐海狗公園玩（去佐成萬次？！嘻~），要好夜先有得陪毛，不過唔緊要，我o地居然仲搵到日本o野食！呢間「羽壽司」好似都係連鎖經營，o的分店印象中四圍都有，平時又要排晒長龍等位，好在咁夜唔駛等位，賺佐！

o的o野食都ok喎，好過元氣同元綠呢o的連鎖式快餐壽司店好多，而且o的壽司粒粒都係即場人手做o野，絕對唔係用機「啤」，眼見前面兩個師傅都未停過手，得四隻手都唔知繁忙時間佢點做得切o的orders…

食飽飽又係時候返屋企覺覺豬喇！愛B，我愛您~

>>November 6, 2006 at 1:01:05 AM GMT+8

2006 年 11 月 3 日 星期五 【晴】

琴晚十點幾就訓佐覺，四點幾起身沖完涼再訓返，今朝居然唔知醒起身，十點幾先識醒，返到公司十一點… @_@

調佐聽朝半晝假去今朝早，因為實在太多o野要做喇，一定要o係我放大假之前完成，唔可以唔返工…

又畀internal audit影到大堂天花射燈熄，頂！佢就淨係識睇o的燈熄，又唔見佢睇o下地下擺滿晒展銷？！不過都化晒喇…但係部升降台又壞佐，於是一返到去就捉住德哥同Kenji，大家齊齊去搭架喇喂！

今次由地下開始搭上去，幾堅呀，成七層架咁高呀！


每次一班兄弟一齊去做o的勞動o野o既時候就最開心o架喇，因為你會覺得好有士氣，大家好齊心…嗚…感動。

今日終於都o係永安報佐浮羅交怡之旅，但係居然要比團費畀多成千蚊…因為要收每位$560燃油附加費，真係太過火喇！:@

馬來亞春色綠野景緻艷雅~

>>September 9, 2008 at 8:09:43 PM GMT+8

2006 年 11 月 2 日 星期四 【晴】

繼續忙我o既reports…

今年冇機會做budget喇，因為實在好多o野做，都係由老趙呢o的專家做啦，我o係旁邊偷o下師睇o下學o下先啦，火候未夠。

比較早返佐屋企，食完飯之後覺得好累，即時上佐床，暈佐…

幾有趣o既構圖。


>>September 9, 2008 at 1:28:12 AM GMT+8

2006 年 11 月 1 日 星期三 【晴】

一起身就見到愛B，係咪開心先~

八點二就返到公司，打完卡洗面剃鬚嗽口等等就去佐同呀宏食個早餐先再開工。

今日都幾多o野做o架，一來係月頭啦，二來係月中放大假，所有o野都一定要開turbo搞掂先玩得開心，不過個人異常精神喎！可能係呀宏同Kenji兩條友都唔o係度，冇人搞搞震，做o野都做得快手o的。

弊喇，咁遲都仲未報團去浮羅交怡…！！！

前兩晚o係水道橋影o既。


>>September 9, 2008 at 1:26:55 AM GMT+8

2006 年 10 月 31 日 星期二 【晴】

十月o既最後一日又放假喇！呵呵呵！

訓醒上去探一探Vicky，今日都唔算精神，但係都叫佐我一聲。

其實今日最重要o既任務係幫Kenji由筲箕灣搬返o的o野返小西灣，估唔到兩個人，住o係得唔夠八十呎o既房仔一間，居然可以收埋咁q多o野，頂！

執o野o既過程都算幾順利，因為我o地係咁丟o野，八點半前已經將o的o野打晒包拎落街上車，但係返到小西灣先知出事，落晒o的貨搬埋上樓，條友先話要拆床拆台先可以放得落搬返去o既床、櫃、台呀等等… @_@

搞到成十點幾都未掂，就先拎o的舊傢俬去丟，我就走先喇，因為見佢都有排搞，淨係o的傢俬點放都好似十劃未有一撇咁…坐返小巴返新翠，要累累o既愛B等佐成兩個鐘添…

之後過佐觀塘食少少o野，返屋企沖涼，就連續兩年o既萬聖節都可以攬住愛B覺覺豬喇~ >3<

>>November 2, 2006 at 1:22:33 AM GMT+8