2006 年 10 月 30 日 星期一 【晴】

因為心情不佳o既關係，一口氣換晒十幾首日記裡面attached o既歌，都係我最愛o既舊歌，最有感覺o既舊歌…

又係返十二點，今日比琴日精神，清佐小部分桌面o既tasks，但係仲有一大堆o野未得閒做。

晚間同B去食飯，坐埋一齊但感覺好似好遠咁…或者都係我唔好，性格係容易灰心，熱情容易冷卻…總要畀o的時間適應、熱身…

是日中文曲目，你估你會聽中邊首？
陳曉東 - 一萬年
李克勤 - 在我身邊
周杰倫 - 開不了口
張國榮 - 追
古巨基 - 好想好想
王菲 - 分裂
張智霖 - 祝君好
草蜢 - 失樂園
陶吉吉 - 愛很簡單
陳慧琳 - 前所未見
Beyond - 愛你一切
許志安 - 從沒這麼愛戀過
王傑 - 不浪漫罪名
王力宏 - 唯一
何潤東 - 真心話
陳奕迅 - 綿綿
戴佩妮 - 你要的愛
劉德華 - 無出息的漢子
容祖兒 - 痛愛

>>November 2, 2006 at 12:20:51 AM GMT+8

2006 年 10 月 29 日 星期日 【晴】

心情一般，返十二點，成日唔知做過乜，Kenji話Vicky今日完全冇反應，十一月一號會見醫生。

上網睇到o既。

一道題目要求把以下四句話用關聯詞連接：
1. 張海迪姐姐癱瘓了；
2. 張海迪姐姐頑強地學習；
3. 張海迪姐姐學會了多門外語；
4. 張海迪姐姐學會了針灸。

正確答案應該是：
「張海迪姐姐雖然癱瘓了，但頑強地學習，不僅學會了多門外語，而且還學會了針灸。」

結果有一個孩子寫：
「雖然張海迪姐姐頑強地學會了針灸和多門外語，可她還是癱瘓了。」

又發現超多更猛的孩子寫道：
1. 張海迪姐姐不但學會了外語，還學會了針灸，她那麼頑強地學習，終於癱瘓了！
2. 張海迪姐姐之所以癱瘓了，是因為頑強地學習，非但學會了多門外語，甚至學會了針灸！
3. 張海迪姐姐是那麼頑強的學習，不但學會了多門外語和針灸，最後還學會了癱瘓！
4. 張海迪姐姐學會了多門外語，學會了針灸，又在頑強的學習癱瘓！
5. 張海迪姐姐通過頑強的學習學會了多門外語和針灸，結果照著一本外文版針灸書把自己刺到癱瘓了！

>>October 30, 2006 at 1:56:44 AM GMT+8

2006 年 10 月 28 日 星期六 【晴】

今日好忙呀！因為要四圍走來走去…

終於都訓得醒，可以上到去探Vicky，不過今日佢好冇琴日咁精神，雖然就成日郁來郁去，拿住個枕頭係咁玩，但係對眼就好冇神，又成日合埋唔望人…

搞到成四點幾先出發去大坑同媽媽一齊接婆婆返屋企住兩日，搭的士返北角好抵呀，四十蚊都唔駛！之後再落返筲箕灣同Kenji同肥仔宏食o野同打佐兩鋪法拉利，再轉戰老地方跑馬仔…

好無聊呀，日日放假都係咁過…

今日o係銅鑼灣影o既街景一角，你估成班大男人又快又急咁o係度搬緊一籮籮係乜？大閘蟹是也。


>>September 9, 2008 at 1:24:42 AM GMT+8

2006 年 10 月 27 日 星期五 【晴】

開始放孖day，但係愛B月尾放o既假居然同老趙放o既假係一樣o既，即係我o地由琴日開始就冇一日可以一齊放假…

琴晚三點幾先訓，訓到下晝三點幾先起身，miss佐上去探Vicky o既機會…Kenji話Vicky今日識得笑喎，當佢姑媽問佢係咪要男朋友唔要姑媽o個時，佢居然會好正常咁笑。唔通佢o地班人真係咁掂？

好無聊，下晝返佐公司做佐陣o野，跟住就上佐金源樓間機舖一陣再買o的日用品就返屋企。食完晚飯就再去老地方打機…唉…放假居然要咁過…勁灰…

>>October 29, 2006 at 5:41:13 AM GMT+8

2006 年 10 月 26 日 星期四 【晴】

「鑽石牙籤型住宅」發展難持續
《明報》10月25日

繼上周五九龍塘廣播道1號豪宅地皮被勾出後，勾地表再有一幅馬鞍山臨海住宅地皮，昨日被同一發展商勾出。按勾地價24億元推算，馬鞍山地皮的拍賣開價已經達到每平方呎2712元，地產業內人士認為，這個勾地價反映發展商估計落成後每呎樓面售價可達6000元。這個價錢，並非一般中產家庭所容易應付的。

近年新落成私人住宅的豪華級數有不斷上升的趨勢，開始脫離中產家庭的實際負擔能力，而施工量則持續在低位徘徊，過去6年平均每年只有15,850個，僅及 80年代的一半左右，這種量小而價高的「鑽石牙籤型」發展模式，絕對不健康，難以持續發展。這種發展模式現在大行其道，與特區政府人為局限土地供應有莫大關係，香港的經濟競爭力最終將受高地價所害。

從80年代初到90年代中，香港的土地供應雖然受《中英聯合聲明》規限，每年以不超過50公頃為原則，賣地數量須經中英土地委員會逐年審批，但仍能維持每年平均生產約3萬個私人住宅的數量，直至回歸前數年樓價狂飆，社會才有「無殼蝸牛」之嘆。

1997年底至2003年間，樓市出現大調整，跌幅高達60％，許多置業者成為負資產，紛紛埋怨政府大幅增加房屋供應的政策，發展商雖積極煞車，但樓宇建造周期長約3年，住宅施工量到2001年才從每年3萬餘個的水平回落至2萬以下。

2004年開始，經濟明顯復蘇，發展商對樓市重拾信心，但住宅施工量並沒有顯著回升，徘徊在每年1.4萬至1.6萬個之間，也就是說，從現在到2010 年，每年新落成住宅的供應將不超過2萬，遠低於過去20年的平均水平。為何經濟增長強勁，樓價收復失地，股市屢創新高，人口也穩定增加，但住宅供應量卻沿水平線橫行﹖

對發展商來說，勾地表制度造成土地供應不暢順（箇中原因我們過去解釋了很多次，不贅），「麵包」價錢不斷升，「麵粉」卻無法迅速補充，當然集體採取「惜售」政策，反正只要價錢上升，售出單位數量減少也可維持利潤，售樓套現到的資金，在香港買不到地皮填補土地儲備，可以回內地發展。這一點，從大地產商年報顯示的香港及內地土地儲備變化，便看得一清二楚。

如果說80年代賣樓是以薄利多銷為主，千禧年代的售樓策略已倒轉為厚利寡銷。為了推高樓價，發展商出盡法寶為樓盤作超豪包裝，富人也未必捨得用的價值數十萬元的超級廚櫃，不少單位都裝上一套﹔歐洲富商在郊外別墅種的私人果園，依樣葫蘆搬來當豪宅會所。這種發展趨勢恍如「鑽石牙籤」，即在牙籤嵌上鑽石，在發展商心目中，它們可否發揮牙籤的作用還是其次，最重要的是具有觀賞價值，可當奇珍異寶來賣。

然而，有多少中產置業者可以負擔「鑽石牙籤」﹖超六星級酒店裝修的住宅，是否符合置業者的真正需求﹖大角嘴當尖沙嘴，馬鞍山當九肚山，豪宅概念大兜亂，能持續發展下去嗎﹖一手樓和二手樓的價差已拉闊到25%，還能再擴大嗎﹖

如今，大學畢業數年的專業人士，就算家庭收入有5萬元，如果要買一個800平方呎、呎價6000元的新落成住宅，兩成首期要96萬元，餘下八成按揭分20年供，每月供款高達25,300元，佔入息比例逾50%，負擔相當沉重。香港有多少個家庭月入在5萬元以上﹖

我們指出這些問題，並不是希望突然大幅增加土地和住宅供應，將樓價推倒，而是希望香港市民和政府必須思索，未來5至10年，是否繼續這樣地催谷地價樓價﹖如果答案是否定的話，政府便應考慮恢復定期拍賣土地，或者重建居屋，讓住宅供應和售價回復到較貼近現實的合理水平。

----------------------------------------------------------------------------------------------------------------------------

點算呀？愛B~

>>October 26, 2006 at 8:44:35 PM GMT+8

2006 年 10 月 25 日 星期三 【晴】

B揀佐套查案片︰The Black Dahlia（港譯︰《艷屍案中案》）同毛去睇，勁o岩feel！

原來呢套戲o的人物個個都有o的料到，好似男主角Josh Hartnett個樣一睇就覺得好熟口面，係個髮型比較x，相信係同套戲講1940年有關。原來佢係Pearl Harbor o個條友，不過其實我又冇睇過《真珠港》喎…


Aaron Eckhart又係勁熟口面，原來係之前睇VCD o個套The Core（我譯做「地心蟲蟲」o個套）o既男主角…


睇戲不嬲都比較少睇邊個做而去睇，尤其係西片，有陣時真係睇完成套戲都唔記得原來係某一套戲o既o個條友…呢套戲好睇o既地方係查極以為係兇手但係轉頭又發現兇手另有其人。不過唔好睇o既地方就係佢要局住o係兩個鐘之內講晒成個故仔，結果搞到Josh Hartnett好似異常聰明咁，一o野就發現下一部可以查落去，o的真相、原因揭露得太快，比較冇癮。


Dwight "Bucky" Bleichert: Nothing stays buried forever. Nothing.


Scarlett Johansson個名又係好熟口面，返o黎上一上網先發現原來就係Match Point o個個偷食的女人，不過呢套戲佢o既造型一o的都唔索。


另外殺死主角個拍擋o既兇手Hilary Swank，係Million Dollar Baby個主角！呢套戲之中o既造型同樣唔討好，話佢個樣似真正o既女死者Black Dahlia，更加係唔知似o係邊…


Black Dahlia係由Mia Kirshner演，亦係拍過好多戲o既人，不過我唔敢肯定自己有冇睇過任何一套，最近比較出名o既反而係佢有扮拍連續劇24，不過又係我唔多有心機追o既睇電視劇。


>>September 9, 2008 at 1:24:02 AM GMT+8

2006 年 10 月 24 日 星期二 【晴】

命硬
側田

她反對就反對　亦都跟你愛下去
猶如在大戰炮火裡　毫無懼色衝過去
誰狂怒　誰攔路　誰話我共誰　不登對
無能力與霸權比賽　還是可　比他多老幾歲
　
二百年後再一起　應該不怕旁人不服氣
團圓或者晚了廿個十年　仍然未捨棄
換個時代再一起　等荊棘滿途全枯死
這盼忙很悠長　亦決心等到你　等得起

先　殉了情不對　未反擊過已後退
寧憑著　耐性與骨氣　維持自尊　撐過去
誰強韌　誰長壽　誰便算勝利　擊不碎
仍然共你企在這裡　挨著當身邊指控死去

二百年後再一起　應該不怕旁人不服氣
誰人又可控訴廿個十年　仍然未捨棄
換個時代再一起　等荊棘滿途全枯死
這盼忙很悠長　撐到尾

就算貧病或失憶　都爭口氣從旁保護你
頑強地等再過廿個十年　等整個世界換風氣
歷劫還是再一起　這種堅決無人可比
看戰事多悠長　亦決心打到尾　心不死

----------------------------------------------------------------------------------------------------------------------------

呀女條命夠硬嘛？

>>October 23, 2006 at 11:56:28 PM GMT+8

2006 年 10 月 23 日 星期一 【晴】

今日又聽到呀李同Kenji談論對於Vicky而家o既情況o既原因。老實講，佢兩公婆o個陣時係點樣各自飛佐自己之前男女朋友，再o係埋一齊開始拍拖o既過程，我就唔係好清楚。不過我相信「一夜夫妻百夜恩」，好少情侶會諗到報復，而且仲要用邪術去報復，就更加係睇戲先有o既橋段。

佢o地繼續o係度探討Vicky出事o既原因，同埋話要搵到個真兇問佢收埋佐Vicky個魂魄o係邊…呀李又話佢咁o既情況應該起碼可以回復八成…不過聞說話要搞呢壇o野，就要畀四千，仲要冇話保證一定得…唉…

----------------------------------------------------------------------------------------------------------------------------

對唔住都要講句o架喇，今次實在太過份，而我確實亦都已經忍得佢耐，今日briefing罵佐英姐一鑊甘o既。

話說今日有人o係快圖美門口搶佐部DVD機走，有CID o黎查，o的差佬查完臨走問呢度負責人係邊個，呢個女人話打電話搵我唔到，於是就未經我同意畀佐我張卡片差人。佢事後打返畀我，仲要講佐句︰「呢o的o野就梗係『有大食大』o架啦！」收線後即時火都o黎埋爆佐句「我x你老y！」（即時畀呀Man鬧我講粗口…）。

我之所以放佐幾張卡片o係CCC，係因為自己成日見客o既時候唔記得帶卡片，o個三張（只係三張，多都唔敢放！）卡片，完全係應急之用。估唔到呢個女人居然夠膽死未問過我，自把自為咁拿我o的卡片通街派，派完之後仲要覺得自己做得好o岩！

卡片雖然唔係o的乜私人o野，但係點都冇理由由另一個人派自己o既卡片畀人。Briefing o既時候佢仲要諸多解釋唔肯認錯，駁咀駁舌兼窒住我講o野。五十幾歲咁大個人少少禮貌都唔識，小學教科書都有講過啦︰「打斷別人的話，是沒有禮貌的。」

你真係低低o地「慣」一鋪認句錯唔出聲我條氣都順o的唔會再罵，你越駁咀越扯起我把火，我就燒埋你另外幾疊。即時罵埋佢上次記錯呀楷補假單o野同埋老點我o地o的清潔維修上四樓免費幫人洗塵網。

有鑊就搵人揹，好似上次有個畀佢縱到壞晒老馮唔填寄存物品form就放低一包二包o野走人o既客發爛，話我o地搞佐佢一輪先肯畀返o的o野佢，要投訴，呢個女人又屈呀進唔叫個客填form就畀佢放低o野走，但係事實係個客居然畀人縱到粒聲唔出自己衝入counter後面（即control room）放低o的o野就走佐。雖然冇乜事，但係呢個英姐所謂o既熟客，其實就只有佢一個人熟，唔填form，下手人點跟？連呀進都害，有冇人性？

有著數就第一時間仆到去領，有功又要話自己做佐o的乜所以先會咁…仲要以為自己把口好圓滑想講o野討好上司，其實就生硬到不得了。得閒就走o下上o黎告o下「枕頭狀」，話呢個o個個對佢點衰點唔好。試問又會唔會全世界人都咁o岩與你一個為敵呀？唔該你真係反省o下自己啦！

聽返o的友仔講，話呢個女人口講就話知錯，但係畀我罵完之後仲要o係度話︰「車！好叻咩？咪又係保安一個！」冇錯，我係保安一個，不過你唔好唔記得，我係你上司。

支筆又唔得、把口又唔得、電腦又唔得，我唔明點解我要咁貴請個廢人返o黎囉。Selina成日叫我畀返兩分薄面佢，但唔代表佢可以「恃老賣老」，我認為佢而家o係個場裡面做到o既o野，冇一樣係其他人做唔到o既。

雖然佢確係好熟o的舊舖o既人，但係新舖o的人我發覺佢完全handle唔到囉，就好似Fancl、346個煩女人咁。尤其係346舖，個女人直頭指名導姓咁講到明︰「你o地姓譚o個個呀，我都唔知佢做乜o架，同佢講o野佢完全唔明o架，幫我跟o個o的o野又冇跟到o架…」隨住leasing換入大量新舖，佢o既重要性就更加降低。

舊舖有如寶麗o個o的咁，都可以憎到佢死，話佢成日口黑面黑講o野得罪人，我真係唔知有乜理由仲要留佢o係度。我仲未同佢計Vicky個果籃呢o的私事添呀！哼！

>>October 24, 2006 at 1:28:58 AM GMT+8

2006 年 10 月 22 日 星期日 【晴】

今日訓到晏晏o地，因為訓著佐可以忘記佐自己肚痛同肚餓呢回事，沖個涼就返新翠同Kenji集合，上去探Vicky。

呀李又帶佐個唔知乜q茅山師傅o黎，我覺得真係算罷啦，o的神怪o野唔work o架喇，唔好再試喇好冇？我o既宗教觀接受萬物o既主宰係有一個神，亦相信有鬼，但係呢o的咁o既儀式做佐咁多次都唔得，就真係證明佐唔得啦，仲o係度死磨都係冇用。

學家姐話齋，如果佢真係畀鬼附，呢o的咁o既「其他方法」，只係用一隻勁o的o既鬼去趕走原本o個隻鬼，結果就係越o黎越難搞。而家醫生都話佢係思覺失調，咁聽o下醫生話好唔好？初初就梗係落重葯等佢定返o架啦，我相信慢慢就會有輔導、心理o個方面o既治療o架喇。

都成個幾禮拜冇見到Vicky，今日上去見到佢，又係畀人啪佐針個樣，成pat o野咁攤o係張床上面，但係仲係畀人扎住對手同束住腰封。見佢o的膚色唔多對路，好灰黑好暗啞，對手o的皮膚好粗，面上面仲有幾粒暗瘡，我知道Vicky一定唔容許自己咁o既樣見人！雖然畀人扎佐兩條辮仔，但係o的頭髮打晒結又旱，下巴位又唔知係爆擦定係食完o野冇抹咀…仆街！呢度唔係人住o架！

呀女，您要堅強o的，快o的好返出o黎去玩呀！

好想見到愛B呀~ >_<

>>October 23, 2006 at 2:30:41 AM GMT+8

2006 年 10 月 21 日 星期六 【晴】

個人好累，訓到成兩點幾先醒，訓o既時候感覺唔到肚痛亦唔會肚屙，一訓醒又再o黎料…搞乜呀？！

於是再一次去睇醫生，呀林英醫生又係o個幾句，感冒未清、休息多o的、唔好飲奶之類…

呢兩日係毛同愛B o係呢個月最後兩日一齊放假o既日子，但係愛B今晚要上大陸去探爸爸同埋同「艾也細佬」玩，冇得陪毛，希望佢玩得開心o的啦，因為病毛都冇乜心情陪B…

晚飯好慘，又蝦又雞冇樣食得，只係食白飯加少少菜同幾塊魚片…灰…

>>October 22, 2006 at 5:17:36 AM GMT+8