2007 年 1 月 8 日 星期一 【颳風】

個個都叫我唔好等您，個個都o係度數落您，但係我就偏偏只愛您一個，何苦？其實我像您一樣任性。

雖然琴晚過得好憂傷，但係今日心情好返o的喎，可能係因為B一朝早就回我o既sms啦，單純兼白痴，但係要我開心o既，其實好簡單，一個B就夠，B確實係上天畀我o既禮物（定係懲罰？）。

仍然好似上個禮拜咁忙，做到死o下死o下咁，走來走去，麻鬼煩。

琴日上佐去搵Vicky，佢已經可以離開病房出外走走，今日仲出埋院小休一個星期，睇佢同Kenji兩口之真係幸福，羡慕死人…我都好想有咁o既福份…唉…

琴晚本來想去探入佐院o既爺爺，但係去到荃灣仁濟，先知道原來係隔離病房，冇得入，叫我做視象，我又冇興趣。o徙佐兩個鐘時間來回，勁無聊。

>>January 8, 2007 at 9:42:12 PM GMT+8

2007 年 1 月 7 日 星期日 【颳風】

憶起您那時不斷怪責我星期天要上班不能陪您，一月份爭取了三個星期天的假期，卻極諷刺，因為您早已別我已去，投進別人的懷裡，他會每個星期天也陪著您嗎？您喜歡擁著他至睡醒嗎？

難過，傷感。

本來都已經有幾日冇喊過，但係今日又畀您怪責我o係日記度話您以前唔畀我出去見十三妹。冇錯，您係冇親口出聲講過唔畀我去，但係您o既面色已經畀晒我睇。我唔去見佢，係因為我知道您唔鐘意佢，為佐令您快樂，我唔去見佢，一次都冇。為佐令您快樂，我亦都冇阻止過您同任何朋友出去玩，即使我有幾唔鐘意您出去同佢玩，我都唔出聲，只係為佐您快樂。呢o的亦係Pheobe所講o既「可唔可以調返轉角色去發生」，答案係唔得。

係，我好蠢，我用我o既不快樂o黎換取晒您o既快樂，我都唔出聲，一句聲都冇出，因為我講過只要您快樂我就快樂。我好尊重您o既自主、自由、私隱，您亦都因為咁而得到機會同佢一齊，您已經贏晒喇，您已經飛佐我同佢一齊喇，點解您仲要怪責我，再講傷害我o既說話，令我再諗起以前o既一幕一幕…點解您要咁殘忍？您係咪要我親自了結佐自己您先至安樂？

再次泣成淚人…謝謝您的狠…這麼愛您為甚麼？

今天的您，像極昨天的我。今天的我，像極昨天的您…上天真的哪麼貪玩嗎？

>>January 8, 2007 at 1:03:59 AM GMT+8

2007 年 1 月 6 日 星期六 【颳風】

唔知係咪唔夠訓，心情有o的差…

最近幾晚都訓得唔多，晚晚都發夢夢見您，夢見您別我而去，夢見您快樂的笑…

我的快樂？早已被您偷走了…

好努力好努力咁完成佐好多個reports，希望下個禮拜可以做得輕鬆o的。Pheobe話佢一眼就睇得出我今日冇琴日咁開心，真係咁容易睇到咩？可能累嗟…佢話唔想再做周生生喇喎，想o係澳門搞o的小生意，搵我幫佢問o下o個邊咩環境。盡力而為啦…可以的話，我都想離開香港呢個咁傷感、咁恐怖o既地方，但係可以嗎？

>>January 8, 2007 at 12:11:22 AM GMT+8

2007 年 1 月 5 日 星期五 【颳風】

朋友日記留言。

大名： 郵差
電郵： [email protected]
說： 冇錯, 應該拍多d
前前後後上上下下拍哂...
不過我冇興趣睇佢囉....
咪又係雞一隻
>>2006年08月31日 16:26:20

大名： postman
電郵： [email protected]
說： 尤魚絲(唔辣, 中辣, 好鬼辣)
多謝
>>2006年07月06日 05:49:05

大名： Rex
電郵： [email protected]
說： 世界就是這樣, 反正一直向前走就好
>>2005年12月12日 17:15:27

大名： Rex
電郵： [email protected]
說： very nice of you guys...
never thought about this and now certainly wish you the best
it's not easy to find the one of our life, right? sometimes, maybe just step back and think it over, and yea.. you have a better picture. I hope you work this out great.
>>2005年11月22日 01:54:37

----------------------------------------------------------------------------------------------------------------------------

大名： 十三
電郵： [email protected]
說： 幾支boots，同兩打炸紫菜﹗
多謝﹗
>>2006年07月07日 04:11:01

----------------------------------------------------------------------------------------------------------------------------

大名： 米
電郵： [email protected]
說： 有相睇呀
http://www.kodakgallery.com/BrowsePhotos.jsp?&collid=93572225706.635125077106.1147802589175&page=1&sort_order=0&albumsperpage=12&navfolderid=0&ownerid=0
>>2006年05月17日 02:05:09

大名： ken仔
電郵： [email protected]
說： "丟屎落街！仲要係人屎"
非常滑稽... hahahha ke......
人屎...他們非常瘋狂!
>>2006年04月19日 19:17:31

大名： ken
電郵： [email protected]
說： hahha just saw ur diary. welcome party?? shit... my mistake... one day late man.
Now back to boring life.
>>2005年09月20日 01:33:24

大名： 咖啡仔
電郵： [email protected]
說： 嘩....bb個樣真係...好引人犯罪丫！...好想一巴打埋去@_@
>>2005年11月11日 18:42:51

----------------------------------------------------------------------------------------------------------------------------

訪客留言，你o地係邊個呢？多謝您o地…

大名： JUDE
電郵： [email protected]
說： 狗狗年，祝你衰野變好野，過左期變翻保鮮期，爛左都變翻原好無缺，攣就變翻直，臭都變香甜，傷心變快樂，窮就當然變富，空虛轉滿足，寂寞戀團圓，舊野變新款，一切安好！
By JUDE
>>2006年01月30日 00:45:33

大名： 你o既支持者
電郵： [email protected]
說： 你地點知對方係自己最愛,
>>2006年06月11日 13:54:46

>>January 11, 2007 at 9:48:49 PM GMT+8

2007 年 1 月 4 日 星期四 【颳風】

昨夜，到了Kenji家和他聊到四點才睡，今早起床時卻很有神。

日間忙極…未有停手休息的日子，工作量奇高…

想著一些東西，令我覺得自己也很可怕。

晚上跟十三妹去了(土反)前吃壽司，樂透。想一想原來已有一年多沒有跟她見過面，倒不明白為何B一直都不容許我去見她。和十三妹回復以往好好好朋友關係，是最值得快樂的。為何那時B要剝奪我的快樂呢？

謝謝十三妹。但請你快些把家姐的十字架頸鍊還給我！吼！:@

>>January 6, 2007 at 3:42:36 AM GMT+8

2007 年 1 月 3 日 星期三 【颳風】

B的文字，留下來的，只有這麼多…

但是，B所說的話，B的要求，B的一切，也會深深地烙印在我的心裡。



>>September 10, 2008 at 1:23:17 AM GMT+8

2007 年 1 月 2 日 星期二 【颳風】

最討厭說慌的人。如果要忍瞞，就要好切底咁去忍瞞，假若是道行未夠的人，總是會被揭穿的。

琴晚成晚冇訓，今朝返公司print埋份o野先叫完成。估唔到自己可以兩日之內死到份annual report出o黎。係就係行貨o的，冇心機做嘛，但係都好過冇交啦…好眼訓，下晝仲要出去玩…

o係更衣室訓佐兩個鐘，再落銅鑼灣shopping。近期有shopping到痴線o既感覺，雖然媽媽冇話我，但係我都已經覺得唔係幾好意思，不過真係想改一改個形象，令心情好o的，要扮到自己靚o的，等B第日返o黎o個時有個靚靚o既老公。

今日出去，其實係想買件冷衫畀B，因為B話過office凍，但係又搵唔到o岩o既冷衫。本來諗住去專賣校服o既豐昌順買o既，但係後尾又o係Times見到有件ok，至少帶少少藍色，可以配返B o既制服，行呀行，係咁睇係咁揀，最後都係買返第一次見o個件，再買張卡，就打的過港灣，因為約佐舊同事珍姐食飯，順便借佢對手畀件衫B。

珍姐話佢情緒好穩定，覺得佢冇乜o野。嗯，咁緊係啦，受重傷o既人暫時都唔係佢。但係我最擔心o既，係佢出到去畀人蝦，再一次受到感情o既傷害，佢可以承受得起嗎？

後尾B sms我，問我做乜唔親自畀佢。我記得我講過啦，如果佢唔係返o黎我身邊，我暫時都唔會出o黎同佢面對面接觸。因為我好怕見到佢，好怕好怕…因為好不容易，先至慢慢建立對佢o既信心，但係一下子被出賣而o黎o既打擊，令我產生佐一種抗拒感，我覺得佢好污糟，好可怕，好難相信佢…

人人都問我佢有乜好，我真係唔可以好具體咁答出，或者係一種感覺。o的人笑我犯賤，係呀，我係。因為我鐘意o個種施予愛去令人快樂、幸福o既感覺，係十幾年o黎都感受唔到o既快感。其實，一首《痛愛》，已經解譯晒。

----------------------------------------------------------------------------------------------------------------------------

痛愛
容祖兒

仍然難禁　看著你這個壞人
有甚麼的吸引
殘酷至此　更讓我想靠近
心知要換個別人　還是有人

如同前世　欠下你的吻
還怎麼敢怒憤
已習慣親朋好友問我　怎會為你等
學會講只因這種狠　深得我心

喜歡你讓我下沉　喜歡你讓我哭
能持續獲得糟蹋亦滿足
喜歡你待我薄情　喜歡你為人冷酷
若是你也發現　你也喜歡虧待我
我就讓你永遠痛愛著我

和諧甜美　永沒有天意弄人
有甚麼的吸引
誰待我好　我就會不過問
偏偏碰著那壞人　全部誘人

全球情侶　故事也相近
寧願天昏地暗
要為錯的人傷過恨過　方算是勇敢
塵世間不喜歡開心　喜歡痛心

喜歡你讓我下沉　喜歡你讓我哭
能持續獲得糟蹋亦滿足
喜歡你待我薄情　喜歡你為人冷酷
若是你也發現　你也喜歡虧待我
我願讓你愛上我更加多

喜歡你讓我下沉　喜歡你讓我哭
能持續獲得糟蹋亦滿足
喜歡你待我薄情　喜歡你為人冷酷
若是你也發現　你也喜歡虧待我
我就讓你永遠痛愛著我

>>January 3, 2007 at 2:38:43 AM GMT+8

2007 年 1 月 1 日 星期一 【颳風】

琴日下晝睇返B o係日記度o既所有留言，跟住又喊一場…係咪我太懦弱？

晚上，唔鐘意去多人o既地方，亦唔敢望到其他人親熱o既情況，結果去佐廟街食豬骨粥，同台有一對老夫婦，老公公對老婆婆說話很溫柔，老婆婆一面食一面咪咪咀咁笑，太幸福了罷，亦是我最想有的白頭到老結局，心裡陣痛…

之後上佐南哥屋企打牌，打完牌坐地鐵返屋企，諗起B，又喊佐一場…我做乜呀？只要輕輕咁想起您，我已經哭成淚人。我，已經唔再係我…我，已經死了。 :'(

您祝福我快樂，卻親手奪走了我所有快樂。諷刺嗎？

----------------------------------------------------------------------------------------------------------------------------

16號愛人
容祖兒

苦苦堅持　經已沒意思
為何不可以　由我去決定誰
才應該在我心中　擁有位置
當你下次　要玩伴時
手機按到沒電時
情願你別來　找這失勢女子

想起當時　蠢也沒法子　純情得可以
男生中只得你　贈我戒指
原來就算最愛我　不過暫時
名次每隔兩日都改變位置
一變四　四變十二
來到這禮拜　更加諷刺

何以　我變了你的　16號愛人
隨便　碰上哪個她
都比我更有趣吸引
偶爾我亦　願我是別人
能轉個化身　共你再蜜運

我以前是冠軍　怎會慣　做後備愛人
曾經　也上到最高
逐漸滑落　谷底的暗
看見未來　雙腳已在震
因我說過愛是無憾　才會受教訓

謙卑的人　只要做亞軍　仍然很興奮
誰知吞聲忍氣　就變季軍
誰人話我會縱你　勾搭別人
連跌倒四五六七都會默允
忍了你　你更薄倖
能叫我跌倒　永不超生

何以　我變了你的　16號愛人
隨便　碰上哪個她
都比我更有趣吸引
偶爾我亦　願我是別人
能轉個化身　共你再蜜運

我以前是冠軍　怎會慣　做後備愛人
曾經　也上到最高
逐漸滑落　谷底的暗
看見未來　雙腳已在震
因我說過愛是無憾　才會受教訓

不想再競逐　你的吻　我怕贏了惹公憤
面對幾千個敵軍　終日查問
是誰幸運做你本週冠軍

何以　我變了你的　16號愛人
隨便　踫上哪個她　都比我更美更吸引
最怕以後　位置再下沉
完結了也好　恨也再別恨

我以前是冠軍　怎會慣　做後備愛人
曾經　也上過冠軍
現在份外　深深不忿
你那熱唇　她吻我又吻
當你變了這樣隨便　誰個又要吻

>>January 11, 2007 at 1:14:01 AM GMT+8

2006 年 12 月 31 日 星期日 【颳風】

琴晚同Mavis傾MSN，講到佢試過畀佢以前個男友仔鬧到喊，我就諗起我對B o既承諾。有一次我提起佢之前個男朋友，搞到佢喊，我就承諾，以後只可以令佢流開心o既眼淚…同Mavis講到呢度，o的眼淚又再忍唔住，不斷咁由雙眼湧出o黎…我估，呢442日以o黎，雖然孩子氣o既我，總係有令B激心o既時候，但係總不至於要B o係我o地o既關係之中流下傷心o既眼淚。就讓我祝福佢，讓我為佢流盡所有悲傷o既眼淚，開心o既淚，繼續留返畀佢… :'(

「如…真的需要走，您要教我獨行，曾每天給我呵護願來世奉還。想紀錄多一次眼角眉梢暗示，是時候也許不必細說已心知…」舊年新年過佐澳門同B過，估唔到我o地就只係得呢一個新年… :'(

送給您的歌，《聽海》。或許您不是第一個介紹我聽這首歌，但您一定有叫過我聽，當時我仲係靜靜咁暗戀緊您。

----------------------------------------------------------------------------------------------------------------------------

聽海
張惠妹

寫信告訴我今天　海是甚麼顏色
夜夜陪著你的海　心情又如何
灰色是不想說　藍色是憂鬱
而漂泊的你　狂浪的心　停在哪裡

寫信告訴我今夜　你想要夢甚麼
夢裡外的我是否　都讓你無從選擇
我揪著一顆心　整夜都閉不了眼睛
為何你明明動了情　卻又不靠近

聽　海哭的聲音
嘆惜著誰又被傷了心　卻還不清醒
一定不是我　至少我很冷靜
可是淚水　就連淚水也都不相信

聽　海哭的聲音
這片海未免也太多情　悲泣到天明
寫封信給我　就當最後約定
說你在離開我的時候　是怎樣的心情

寫信告訴我今夜　你想要夢甚麼
夢裡外的我是否　都讓你無從選擇
我揪著一顆心　整夜都閉不了眼睛
為何你明明動了情　卻又不靠近

聽　海哭的聲音
嘆惜著誰又被傷了心　卻還不清醒
一定不是我　至少我很冷靜
可是淚水　就連淚水也都不相信

聽　海哭的聲音
這片海未免也太多情　悲泣到天明
寫封信給我　就當最後約定
說你在離開我的時候　是怎樣的心情

>>December 31, 2006 at 3:05:46 PM GMT+8

2006 年 12 月 30 日 星期六 【颳風】

因為屋企同公司都係用PCCW，搞到已經有幾日用唔到MSN，好鬼煩。本來o係公司一直都唔用MSN，但係因為B想同我傾偈，所以先開始用，而家返工冇得用其實都冇乜所謂。

B成日SMS都叫我開心o的，我根本諗唔到目前呢一刻有乜理由會開心。B話佢仲好關心我，只係關係唔同佐。但係問心o個句o丫，即使係同佢拍緊拖o個時，我都唔係好感覺到佢有幾關心我o既感受，呢樣o野係真o既，所以佢而家係咪真係「好關心」我，我睇唔出同平時有咩分別。最大o既分別係，我去關心佢o個時，佢已經唔會再接受。

今日下晝偷雞上佐東區探Vicky，見到佢好似真係好返好多咁，眼仔碌碌好精神，講o野都幾有文路。見到佢同Kenji一齊，個心真係好感動，差o的就忍唔住要喊。諗到初初Vicky入院o個時，幻想如果B病佐，我會點樣去照顧佢，無論幾忙，我都要日日去探佢。但係而家一切都歸於幻想，因為佢突然選擇佐由另一個人去照顧佢，唔再需要我。我o既人生亦都變得冇價值，因為我只係為佢而生。

播Kenji同Vicky o既定情歌《還未》畀Vicky聽，佢居然仲可以跟住唱晒成首出o黎，又係好感動，因為即使佢而家係有o的病病o地，但係思路仲好清晰，知道自己最愛o既人係邊個，實在係令我又羡慕又妒忌… :'( 送呢首記念歌畀您o地。

講返紋身定穿耳窿單o野，我決定都係去紋身，因為紋身可以紋o係著衫遮住o既地方，而穿耳就唔得，又會畀媽媽發現，可能又會影響第時搵工個新老闆o既印象。約佐十三妹下個月去紋身，等我諗o下紋佢個名o係邊先…

個個都話我白痴，話第日就會覺得自己戇居，又或者第日就會搵到個比呢個更愛o既女人。可能啦，將來o既o野邊個可以預計到？初初開始時B亦唔係我一生最愛，但係慢慢我個心畀佢佔據晒。第日仲會唔會有個咁o既人我真係唔知，但係我講過，我今生今世以後只會愛呢個女人，亦只會同呢個女人做愛，我唔可以輕易咁違背自己o既承諾。

我想問︰乜o野係忠心？當您要求自己o既伴侶對您忠心，您自己又可唔可以做到？

呀宏今朝自己一條友過佐澳門，頂佢個掣！居然幾粒鐘輸晒成份十二月o既糧，我真係唔知佢下個月點樣生活…唉…一諗起佢就覺得佢憂，真係估唔到佢條賭癮可以大成咁，睇少眼都唔得。可能係因為上兩次過澳門都「索」佐，佢就以為自己好勁，但係賭o既o野，邊有話次次都係你贏晒o架？！唉…都唔知點幫佢好…

----------------------------------------------------------------------------------------------------------------------------

還未
容祖兒

還未等到的燭光晚餐
還是穿好新衫等你揀
有點冷　長年累月　何其緩慢

還未手牽手攀登雪山
還是不敢迫你定時限
如若肯約會我　你揀一個夜晚

其實我只想試試　當一剎那幸運兒
心息極容易　何不敷衍我一次
這樣的堅持　難捱但我不介意

下半生　我知我還是會等你
若應該與你一起　為何還未
年華易過　歲月如飛
漸看得出再沒有傳奇
也難得　固執的我　堅決為你死心塌地

下輩子　准許我揀　我還是會再次揀你
像今生　從頭到尾　那般預期
結局仍然未結　我始終不容許我自卑
要是黃河未到　我又如何捨得　心死

還未解得開的這一個鎖
難道蒼天都愛莫能助
唯獨你可幫我　償還未了的因果

等不起　我知我　還是會等你
若應該與你一起　為何還未
年華易過　　歲月如飛
漸看得出再沒有傳奇
我們的　這一齣戲
仿似具有懲罰我意味
太疏離　但還未可抽離
我彷彿賭著氣　要共你比　誰耐性好

今生不可一起　過一世
還是會再次等你
下一生　才能教我　有所預期
結局仍然未見　我始終不容許我自卑
要是黃河未到　我又如何拋得下你

還未等到的燭光晚餐　窮盡一生等你還

>>December 31, 2006 at 2:10:35 PM GMT+8