2006 年 9 月 20 日 星期三 【酷熱】

勇氣
梁靜茹

終於作了這個決定　別人怎麼說我不理
只要你也一樣的肯定
我願意天涯海角都隨你去　我知道一切不容易
我的心一直溫習說服自己　最怕你忽然說要放棄

愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡　你的真心

終於作了這個決定　別人怎麼說我不理
只要你也一樣的肯定
我願意天涯海角都隨你去　我知道一切不容易
我的心一直溫習說服自己　最怕你忽然說要放棄

愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡　你的真心

如果我的堅強任性　會不小心傷害了你
你能不能溫柔提醒　我雖然心太急　更害怕錯過你

愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡　你的真心

>>September 22, 2006 at 4:59:48 PM GMT+8

2006 年 9 月 19 日 星期二 【酷熱】

今日有個我生平遇到技巧最差o既sales。

首先要講o下點樣識呢個sales先。話說我呢個人真係非常之無聊，如果有o的推銷電話打到o黎而我又咁o岩得閒冇o野做，我就會同佢玩o下。

幾個月前，呢位唔記得佢姓乜o既小姐打o黎，自稱係唔知乜長實附屬o既一間金融公司打o黎做問卷，問我平時有冇投資炒股之類咁，我答佢冇，佢又問我做邊行呀，對咩投資工具有興趣呀咁，我就亂咁答佢買金呀之類咁，佢又懶係同我分析一大堆o野咁…搭訕一輪之後我覺得好鬼悶，就收線。

過佐一個禮拜左右，佢又打o黎，問我記唔記得佢，我答唔記得，佢就拎返佢上次同我講o個o的o野o既筆記出o黎，講佐一大輪廢話，開始扮晒熟，又話叫我留意o下呢樣o個樣，我趕住上樓，傾佐幾分鐘就收佢皮，佢仲扮晒唔好意思「左輪」住我咁收線。

到佐幾個月後o既今日，佢又打畀我，我知佢打佐幾次，但係我見unknown call，所以o係office都費事行出門口聽（因office裡面我個位o既電話接收能力奇差…），今晚早佐o的收工返屋企，返到去坐底無耐，食食o下飯佢又打o黎，於是我見得閒又聽，點知原來真係呢個無聊女人。

佢一打到o黎又扮熟，但係又話四個月前搵過我，但係又唔記得佐同我聯絡。我心諗你呢期梗係冇客啦，如果唔係駛乜打返畀我呢個好似有一絲希望o既cold call客o丫！

我明明返九碼佢又抄錯筆記話我返十二碼，佢又好似其他大部分人咁誤以為「物業管理」只係得「保安」呢一方面，好心如果真係想我做佢個客仔，就做好o的功課先啦！佢又唔記得我住柴灣又o係柴灣返工，問埋晒o的問題又想吐我料，我唔理佢，冇心機同佢講，語氣開始冷淡。

好喇，到戲肉喇，佢話佢四個月前推介過我買金，問我有冇入，我話冇。
佢就話︰「我叫佐你買o架啦，你又唔信我！如果你買佐就已經賺佐xx巴仙啦！」
一聽到就真係火都o黎埋，我話︰「你而家打o黎係怪責我咁話喇喎！」
佢居然答︰「少少啦！我一早叫佐你買o架嘛！」
我再講︰「我今日難得早佐收工想休息o下，你打o黎同你傾都唔緊要，但係我唔係要有人怪責我囉！」
佢話︰「嘩！你駛唔駛搵我出氣呀？！」
我答︰「我唔係要有人o黎怪責我囉，收線啦！」跟住佢就cut佐我線。

佢o的推銷手法真係九流到不得了，又唔做足功課就打畀客，同個客傾過o既o野又mark得唔清唔楚，最抵死就係佢一開波就話唔記得佐我，諗起都想笑！咁你仲打o黎畀我插？！哈…

>>October 8, 2006 at 3:45:16 AM GMT+8

2006 年 9 月 18 日 星期一 【酷熱】

我個位隔o黎個文件櫃爛佐都成個幾兩個月，新文件櫃又o係大水浸o個日送佐o黎新翠，計落都已經差唔多有成一個禮拜咁耐，但係都未有時間執好個舊櫃同搬開o的傢俬放個新櫃入去…

今日襯住老趙同呀Man都放假，下晝趁德哥o係度，由三點開始，三個大男人開始o係度左搬右搬，好似玩Gameboy個「倉庫番」咁，將o的櫃郁o黎郁去，目的係想o係有限o既空間之中得到最大o既活動空間。

執執o下突然間見到呀Mi拿住張工卡走過o黎，shit！原來已經六點二… @_@ 成三個鐘我o地做過o的乜？成地都係文件、垃圾，但係個格局都仲未切好…

搞到八點，Kenji都走德哥又要返屋企食飯，得返我一個， 諗好點放o的櫃同桌，最後自己一個出力拉拉拉… @_@

後尾BB放工過佐o黎幫毛執拾o下o的地方，我o地去佐試元氣壽司，真係完全唔知點解會咁多人排隊，o的料淡而無味，九成浸佐成日水，o的飯又好似有o的生米骨咁…難食到真係比百佳收檔之前大特價o個o的仲要差！

o野食難食都不在話下，仲要服務差o個o下先死。我知你十點三last order，但係都唔駛一last order之後就開始好似趕住去死咁，淨係走埋o黎話last order都已經有兩次，之後仲繼續係咁走埋o黎話「唔好意思，請問仲用唔用豉油…」之類，問完一樣又一樣，煩到嘔，完全係趕客feel！收晒你o的o野都唔在講，仲要人o地食緊o野唔得手都係咁催你埋單，火都o黎，幾乎要罵人o架喇！

呢間垃圾，唔駛旨意我再幫襯。

>>September 20, 2006 at 3:45:19 AM GMT+8

2006 年 9 月 17 日 星期日 【酷熱】

今日同愛B覺覺豬到安樂醒。嗯！太好喇！話明係安樂醒，梗係訓到過晒鐘，我o地仲要十二點三落到去百老匯電影中心睇Adaptation（港譯︰《何必偏偏玩謝我》）…好在都只係遲佐少少入場嗟…

其實套戲好搞o野，Nicolas Cage一人分飾兩角，孖生兄弟，兩個人都係做編劇。


套戲講佐好多哲理，例如細孖話如果愛一個人，跟本唔駛理佢愛唔愛你，自己高興就得。咁都o岩o既，如果太過睇重人o地愛唔愛你，可能會生活得好辛苦。
Donald Kaufman: You are what you love, not what loves you.

呢兩個配角先至帶出故事o既重點。一個我行我素唔理人，另一個就怕真實o既自己畀人知道…


人生如果搵到一樣o野去愛去沉溺，又係一件好事定係壞事？
Susan Orlean: There are too many ideas and too many people. And too many directions to go. I was starting to believe that the reason it matters to care passionately about something, is that is whittles the world down to a more manageable size.


就只係為佐見呢朵蘭花一面？
Susan Orlean: I suppose I do have one unembarrassed passion. I want to know how it feels to care about something passionately.


究竟植物係適應？定係逃避？要適者生存？要避重就輕？
John Laroche: You know why I like plants?
Susan Orlean: Nuh uh.
John Laroche: Because they're so mutable. Adaptation is a profound process. Means you figure out how to thrive in the world.
Susan Orlean: [pause] Yeah but it's easier for plants. I mean they have no memory. They just move on to whatever's next. With a person though, adapting almost shameful. It's like running away.

對於花同昆蟲之間o既關係，真係從來都未有人可以咁直接咁演譯得咁清晰…

John Laroche: Point is, what's so wonderful is that every one of these flowers has a specific relationship with the insect that pollinates it. There's a certain orchid look exactly like a certain insect so the insect is drawn to this flower, its double, its soul mate, and wants nothing more than to make love to it. And after the insect flies off, spots another soul-mate flower and makes love to it, thus pollinating it.

And neither the flower nor the insect will ever understand the significance of their lovemaking. I mean, how could they know that because of their little dance the world lives? But it does. By simply doing what they're designed to do, something large and magnificent happens. In this sense they show us how to live - how the only barometer you have is your heart. How, when you spot your flower, you can't let anything get in your way.

靚女~


>>September 7, 2008 at 11:16:06 PM GMT+8

2006 年 9 月 16 日 星期六 【酷熱】

連續兩日都同B一齊放假，心情靚靚，但係今日日頭就各自各精彩，夜晚先一齊出街玩。

----------------------------------------------------------------------------------------------------------------------------

女巫、國王、侍衛長

有一個國王去打獵時墜落山谷，當孤立無援時，有一隻巨大的神龍出現。神龍告訴國王一個交換援助條件︰國王必須正確回答一個全世界最困難的問題才能獲得神龍的救助。神龍發問：「女人究竟真正要甚麼？」

國王被問倒了，於是想出緩兵之計。國王說：「神龍可否先救我，我將靈魂抵押給你，讓我回到王宮尋求答案，七日後我會帶著答案再來找你。」

神龍說：「可以，不過如果七日後你不信守承諾，你就會因失魂落魄而死。」

國王回到宮中將經歷告知內閣大臣及國策顧問， 結果大家都想不出答案而愁眉苦臉。眼看日子一天天過去，期限只剩兩天了。一位國王的馬夫說：「城南有一位巫婆知識淵博，她應該知道答案。」於是英俊瀟灑的侍衛長立刻騎快馬將巫婆請到宮中。

巫婆到宮中後，國王將經歷與神龍的問題告知巫婆。巫婆說：「答案我是知道的，國王的命我也能救，不過我有交換條件。那就是要陛下的侍衛長在事成後娶我為妻。」國王毫不考慮一口就替侍衛長答應了並立下詔書為憑。

巫婆說答案是：「女人真正要的是能由自己決定主宰她自己的生活方式。」國王告訴侍衛長關於巫婆的要求，侍衛長差點昏倒，但為了國王的性命，只能愁眉苦臉且無奈地接受事實。

國王帶著答案去找神龍要贖回自己的靈魂，神龍聽到標準答案後，稱讚國王是全世界最聰明的男人，也依約將國王的靈魂還給國王，一行人回到宮中後即開始籌備侍衛長與巫婆的婚禮。

婚禮當天，雞皮鶴髮的新娘配上年輕英俊的侍衛長，喜宴上巫婆吃像難看不打緊，還邊吃邊大聲放屁，不時發出不雅的笑聲。侍衛長為了國家犧牲自我，男人的威嚴一點都不敢在喜宴中發作。

好不容易熬到入洞房的時刻。當巫婆換下禮服，從淋浴間出來時，侍衛長不敢相信他的眼睛，因為走出來的是一個比馬莉亞凱莉，飯島愛，濱崎步更超級性感十倍的辣妹。她對侍衛長說：「因為你信守承諾，沒有對我發怒，容忍我在喜宴中放肆丟你的人，我決定往後每一天中有十二小時變成超級溫柔美女陪伴你，但是你可以決定我固定在白天變美女還是晚上變美女，而且選完就不能改變心意。」

年輕英俊的侍衛長頓時陷入兩難的局面。因為他不知應該選擇白天帶一位絕世美女出門向朋友炫耀，讓眾人羨慕，而晚間要和一位雞皮鶴髮的巫婆同床共枕（要面子犧牲裡子），還是白天讓眾人對老巫婆指指點點，嘲笑侍衛長的可憐，而晚上他可以和超級美女夜夜春宵（犧牲面子要裡子）。

想了半天，年輕英俊的侍衛長最後向巫婆說：「你自己決定何時要扮演你喜歡的角色就可以了，我不干涉你的生活方式。」巫婆聽了很高興，對年輕英俊的侍衛長說：「由於你的包容與智慧，我決定天天二十四小時變成一個有教養的超級性感溫柔美女陪伴你照顧你。」

侍衛長突然驚訝的發覺，原來幸福竟然如此意外地降臨在他身上。國王、侍衛長、巫婆最後皆大歡喜，眾內閣官員全數跌破眼鏡。

這個故事給我們的啟示是︰
1. 人要信守承諾。
2. 小人物的建議有時應參考一下。
3. 未經你的同意，你主管幫你包山包海承諾的事情還是要盡力完成。
4. 婚姻的幸福與否與婚禮的排場無關。
5. 對女人一定要有包容心，讓女人自己決定她的生活方式。
6. 不管外表如何裝扮或改變，女人的內在本質還是一個巫婆。
7. 不要指望你的另一半看完這故事會大徹大悟。

>>October 5, 2006 at 3:41:55 AM GMT+8

2006 年 9 月 15 日 星期五 【雨】

呢幾個月真係日日做到冇停手，辛苦死…目標又係望住份雙糧…

輕鬆o下啦！真係笑佐出o黎！:D


----------------------------------------------------------------------------------------------------------------------------

Kenji生日快樂！

>>September 7, 2008 at 11:11:43 PM GMT+8

2006 年 9 月 14 日 星期四 【雨】

琴日單o野見晒報…

《明報》

柴灣新翠商場被馬路積水湧入而水浸，多家食肆被水淹，食客在店前躊躇不前，商場亦派員打開渠蓋疏導積水。


《蘋果日報》
……柴灣連城道昨晨10時許在大雨中突然山洪暴發，令柴灣道迴旋處水浸，水深達半米，其中一部的士死火，一對母子被困車廂需由消防員救出。迴旋處附近的新翠商場及環翠商場，多間食肆被水湧入，被迫停開午市，損失數千元生意……


柴灣新翠商場也受豪雨侵襲，職員忙於清理積水。

《東方日報》
……柴灣連城道與哥連臣角道交界路面，昨晨十一時許水深及膝，雨水夾雜沙泥沿山坡湧下，環翠村對開迴旋處亦水浸，交通擠塞，雨水一度湧入商場……


柴灣環翠村對開水浸，引起塞車。

>>September 7, 2008 at 11:10:22 PM GMT+8

2006 年 9 月 13 日 星期三 【颱風】

水浸街…誇張到o丫…

呢兩日都係咁落雨，時大時細，估佢唔到。

朝頭早同德哥上佐隔火層搞漏水，o係環翠買完料行天橋返o黎o個時我o地仲o係度談論落雨o既事，話︰「柴灣唔同以前o架喇，以前真係成個迴旋浸晒，連車都行唔到…」，「而家o的渠口做得多佐，一定唔會有事…」，「十幾年未浸過喇…」之類之類o既話說…

點知…真係開口中…

十一點幾突然玩山洪暴發，o的泥水係咁湧晒入新翠…我搞完中旅過到美心，一睇…「x！唔係咁大鑊呀嘛…」真係嚇親…成條走廊都係水… @_@ 入晒舖、女廁通道全部係水… @_@

好在今日勝在兄弟多！全場人，再加埋老趙叫埋成個region o既清潔過o黎幫手，居然可以o係一個鐘之內清乾淨晒個場，超級堅！所以merit都要歸於一班好兄弟！

有線有記者o黎，我用個身擋住唔畀佢影，條x樣居然搵部cam係咁撞我個頭，佢老闆o丫！死有線，決心同你o地成間公司過唔去！結果我同佢擾攘佐咁耐都冇得上電視，但係Kenji就上佐… @_@

>>September 25, 2006 at 11:53:04 PM GMT+8

2006 年 9 月 12 日 星期二 【微冷】

我話過，如果隔o黎間學校再係咁嘈，我一定會寫信去投訴！

九月一號一開學，平時o係咁o係個咪度大嗌o個條友又o黎料，八點幾咋大佬！真係火都o黎！話晒我都係投訴佢o地o既常客，拿個心出o黎記o下你會騷擾到附近o的巿民好喎！

我呢度個社區設計好差，係四邊有樓再圍住兩間學校o既操場，遠o的o個間伊斯蘭學校其實冇乜o野，因為佢o地都好少用咪，而且返學時間晏過正常中學，好似成九點先開波，所以對我影響不大。

但係o係正隔o黎o個間李福慶就真係好「慶」，成日有條男人用咪係咁大叫大嚷，又好似係o的步操o既口號之類，但係你唔會聽得明佢講乜。不過佢用咪我o地住附近兩幢樓o既人就pk喇！因為o的回音會o係個「谷」裡面彈來彈去，不斷加強，結果就係訓緊覺都一定畀佢嘈得醒！

不過睇佐兩個禮拜，似乎又收歛佐o的。嗯…我會keep住觀察！哼！

>>September 20, 2006 at 3:53:28 AM GMT+8

2006 年 9 月 11 日 星期一 【微冷】

放孖地，起身送佐愛B返工之後，行去城大拿返張diploma o既cert.，之後o係又一城hea佐陣，再行去搭巴士落尖咀，轉船過中環，今日約佐健健媽飲茶食飯呀！

其實今年新年都忙得滯同埋佢唔舒服，所以都冇入粉嶺同佢拜年。真係可能已經有成年冇見過佢啦！今日見佢都精神唔錯，不過有個壞消息，就係又有一個朋友仔加入失業大軍！

健健個細佬豪豪已經失業一個月，咁o岩佢又換佐畫，而家條女又嫌佢冇o野做，而家又成日晚晚落佐街同o的friends吹水…之前同佢一齊o既原因居然係覺得佢做leader好man… @_@

條女個樣都幾cute o既，不過睇怕都就快散o架喇…不過算罷啦，佢都成日換女o架啦。

o的女人係咁o架啦，鬼叫你鐘意佢咩…

>>September 18, 2006 at 12:44:13 AM GMT+8