2007 年 3 月 9 日 星期五 【颳風】

Angel、David仔、Carol同埋佢個新男友仔Gary一齊去食飯，好開心。

今日冇乜特別purpose o架咋，純粹聚一聚跟進返上次傾過關於男女相處、關係o既o野。我o地襯Carol男朋友仔行開佐，問佢點解叫苦連天，佢就話食完餐飯我o地就知道o架喇。結果係點？

我個人認為呢，呢個Gary其實都唔係想像中咁悶嗟，係咪我o地過度活躍咋？事實上，佢畀我o既first impression係佢個樣都生得幾老實o架喎，純由外表上o黎睇，我估都算係正經男人o卦…

之後我o地傾偈，佢都有留心聽同埋間唔中發表少少意見喎，未算係成碌木咁坐o係度唔識郁嗟！畀著我o係o的新環境、新朋友o既面前，即使自己有幾多才多藝，點都會表現得含蓄o的，唔會亂講o野，以免唔熟之餘仲要開口夾著利啦！佢o既反應唔係我想像中咁差，今次見家長我會畀佢七十分。

不過每個人o既要求都唔同o既，個人認為Carol係需要一個活躍好動而又talk得幾咀個口「浪」個油o既男人，因為睇佢個人應該都幾怕悶。若果真係覺得頂唔順，咪算囉。但係我覺得同一個踏實o既男人一齊，總好過一個花花公子。

Carol送佐罐未上巿o既黑色包裝可樂畀我，多謝晒~


>>September 14, 2008 at 5:37:31 AM GMT+8

2007 年 3 月 8 日 星期四 【颳風】

琴晚見您好唔開心，又聽聞您今朝會同同事食早餐喎，諗住您會早少少起身出門口，咪諗住又再早少少起身去陪您返工囉，點知您都係同平時差唔多時間出門口…等就等到o既，不過返工就遲佐o的啦…

其實都唔可以怪您唔小心跌親，搞到自己整親，您都唔想o架嘛…一日都係我唔好，如果您唔係陪我返工，您又點會急住腳步咁去上堂o丫？您喊呀，您咁忍得痛都痛到喊出o黎，您知唔知我真係好心痛o架…撞瘀晒喇…

今晚其實係City一班舊同學o係尖咀稻香飯聚，Adam o個組計埋佢就得三個人到咋，Tony同Carman啦；我o地o個組就叻喇，連呀媽Helen都拉到佢出o黎食飯，仲有MK啦、Bubble、Ivan，Adele同我。

Trevor就真係離晒譜啦，約實佐又唔到，個原因係佢同一時間約佐以前MHV o的舊同事o係旺角稻香食飯，佢居然以為我係幫o個邊個舊同事Man Lai約佢。咪玩啦真係，我又同o個邊有幾多人個熟呀？最憎就係同一班唔肯承擔，日日將o的波射來射去o既人合作，以前MHV之內，除佐咖啡仔、Ken仔、Billy仔同前老細Warren外，冇一個係我朋友，只可以classified做同事關係。

多佢一個唔多，少佢一個唔少，仲好少個人煩住晒，我o地一班同學都傾得開心o的，Adam成日講埋晒o的低能、核突o野，真係頂佢不順…好幾個同學都想轉工喎，又有o的同學努力咁讀緊書，為求得到個MCIH嗟…我今年又有冇得讀呢？

食完飯我o地再join返埋，送您返屋企先，見到您跌瘀佐，好嚴重咁，但係您又點都唔肯去睇醫生，激死…送一首歌畀您啦~

----------------------------------------------------------------------------------------------------------------------------

Run To You
Whitney Houston

I know that when you look at me
There's so much that you just don't see
But if you would only take the time
I know in my heart you'll find

Oh, a girl who's scared sometimes
Who isn't always strong, can't you see the hurt in me?
I feel so all alone

I wanna run to you
I wanna run to you
Won't you hold me in your arms
And keep me safe from harm?

I wanna run to you
But if I come to you
Tell me will you stay or will you run away

Each day, each day I play the role
Of someone always in control
But at night, I come home and turn the key
There's nobody there, no-one cares for me

Oh, what's the sense
Of trying hard to find your dreams
Without someone to share it with
Tell me what does it mean

I wanna run to you
I wanna run to you
Won't you hold me in your arms
And keep me safe from harm?

I wanna run to you
But if I come to you
Tell me will you stay or will you run away

Run away no
I need you here
I need you here to wipe away my tears
To kiss away my fears
If you only knew, how much I wanna run to you

I wanna run to you
I wanna run to you
Won't you hold me in your arms
And keep me safe from harm?

I wanna run to you
But if I come to you
Tell me will you stay or will you run away

>>March 12, 2007 at 3:00:32 AM GMT+8

2007 年 3 月 7 日 星期三 【颳風】

其實o係我內心裡面，有一個心結，我深信能夠解開呢個心結o既人，其實係自己，而唔係繫鈴人。

其實，做愛係為佐o的咩呢？我曾經好好咁深思過呢個問題。

自己本身一直都覺得要先有愛，後有性，而且要好愛好愛之後，先可以有性。第一次o個時，我真係咁諗。我呢個人，由始至終都好容易投入一段感情之內，但亦都好容易因為一o的試過幾次都解決唔到o既問題而心淡、放棄。

中學時代返教會，教我話拍拖係為佐結婚而準備，而且一定要結佐婚之後先做得，o個時我都buy呢套o架喎，雖然有時會差少少就越軌，但係都仲壓得住。後尾畀人批鬥完，開始覺得佢o地好似講一套做一套咁，經過反叛而平靜落o黎o既心又再次反叛。

離開佐教會再搵到女朋友，當時兩個都係熱情o既人，一撻即著火速戀上，跟住就發生埋關係。第一次，真係乜都唔識亦唔顧後果，覺得兩個人都差唔多年紀，而且又好奇，咁就去試。不過細個真係唔識諗，真係只會為佐享受性愛中一刻o既快感，想盡辦法搵機會去做，自己亦開始沉迷呢種快感而不自知。

之後有兩年冇做過，期間亦冇諗過要試一夜情、叫雞之類，因為自己都過唔到自己o個關，接受唔到，覺得污糟。但由於自己搬佐出o黎住，當有女朋友o個時，呢個慢慢就成為兩個人o既小空間，記得好似試過兩個人兩日冇離開過間房… @_@ 當然，兩個人o個時都好愛對方，但係諗返轉頭又發覺自己o個時真係太過放縱…

及後搬返屋企，冇佐個私人空間，就有人生第一次突破︰一星期約出o黎一次去時鐘酒店過夜，變得好似為佐做而出街拍拖咁，做亦成為佐出街之後最後一個節目。最終極都唔只咁，唔知係咪玩大佐個膽，居然仲出去玩偷食，跟住就有佐一段以性o黎維縏o既愛情。

檢討過之後，真係痛定思痛，明白到以性為基礎o既感情根本就唔多似一段感情，慢慢又明白返先有愛、後有性o既觀念，開始追求一種心靈上o既滿足，多於肉體上o既歡愉。我唔否認我係一個好鐘意做愛o既人，但係已經唔再抱有o個種所謂o既好奇心，次數亦唔會好似細個o個時要求咁多。加上當時o既女朋友係一個完全唔鐘意做愛o既人，我亦無意逆佢意而行，都盡力去遷就兩個人o既需要，點知最終又係衰佐，真係唔明點解。

面對住佢無限次o既拒絕，其實我都多少有o的心淡，但係一心以為已經搵到一個可以廝守終生o既人，亦唔介意行多一步。雖然經過多次o既討論同以圖協調，結果都係毫無改變，佢都係冇再踏前一步。慢慢我都適應佐，唔太敢對佢作出太大期望同提出太多要求。不過一直佢畀我o既感覺，係覺得我都仲係重視自己o既生理需要同埋得到佢o既身體，每次提出都表現得好厭惡。

受拒絕後o既心情好矛盾，一方面會諗既然咁愛佢，都唔爭在讓o下佢啦，但係另一方面又會諗係咪自己真係咁唔得，令到佢根本冇意思去同我做呢？最後就會諗到，佢係咪有第二個呢？係咪已經唔愛我呢？好不安，亦好忿恨，但係都仲係持續忍耐。因為每次都被埋怨，而錯o個個一定係我，我又要去(乙水)返佢去補鑊，花好多時間去調和返兩個人因為做愛呢個問題而變得緊張o既關係。

我由以前o既主動，變成被動o既一個，做一次愛係有條件o既，要大費周章咁去拿一個approval，先可以經驗到靈肉合一、兩個人好近好近o既感覺。漸漸好怕提出o既時候唔o岩時機，兩個人o既關係就此破裂。當時我真係好愛呢個女人，由一開始o既時候都遇佐係一段不平等o既關係，不過為佐佢開心，我都唔諗得自己咁多喇，而且仲唔會因為個人快樂而提出分手，相信「總有一天感動你」呢樣o野。

哈，但好諷刺囉，分手o既導火線居然又係要求做一次愛，搞到我真係好怕好怕，原來兩個人真心相愛o既時候，想同對方做愛係錯o既，如果有得畀你做就係bonus，冇得做就應份。

同您討論完o個個問題，見您好唔開心，我知道您覺得我仲未放低佢，其實我唔係未放低佢，只係經過一年o既時間，完全畀佢扭曲佐故有o既思想、立場，但係我會努力咁去克服，因為您o既愛，會引領我脫離呢個黑暗o既影子。

>>March 11, 2007 at 4:34:22 PM GMT+8

2007 年 3 月 6 日 星期二 【颳風】

網友Mavis o係佢個blog度講到︰「我相信呢個世界上總會有你o既另一半出現，係真正屬於你o既另一半，會用心去理解你o既人。時間，可能是時間差，令你們未能相遇，令你們暫時誤選了錯誤的伴侶。但係兩條直線總會有交會o既時刻，到時就要珍惜同維繫呢份緣份。」

咁感同身受o既網誌，就好似講緊我同婆婆咁，所以要好好珍惜您。其實您真係好愛好愛我，我係深深感受到o既，我亦都係，所以請您唔好貿然話要離開我，安撫o下我呢隻受驚o既小麻雀。 >3<

晚間，約佐以前女青o的同事出o黎唱K，但係臨時有幾件甩佐底，結果只係得我、Marco、Marco個friend、十三、Mandy姨、Kiko同Shirley。原來Mandy姨上回都遇到感情騙子，大家o係度鬥講o下之前o個個o既不是，都幾開心o架！ @_@ 點解呢個世界上咁多咁樣對代愛情o既人？

>>April 11, 2007 at 1:38:31 AM GMT+8

2007 年 3 月 5 日 星期一 【暴雨】

今日好開心，因為婆婆o係百忙之中都抽時間陪我，我就好似個小器鬼咁，o係度責怪您o的時間夾唔到我，其實您做樣樣o野都係為我開心而做，我就做埋晒o的為佐自己開心而做o既事…唉…都唔知點做人男朋友o架…我真係好自私、幼稚同差…

我太小家喇，定係自己太過著緊，怕再失去呢？還是因為之前乜都唔問、唔管，最終係分手收場，而家驚自己又再輸？雖然呢個世界確係你揀人、人揀你，但係之前一直都係覺得係我自己去揀人同我一齊，經歷過後，無論係開始拍拖定係決定分手，都總係覺得係由人o地去揀我、由人o地去決定，彷彿自己失晒所有主動權、決定權同埋優勢，點解會咁o架？係餘震？其實我又有乜可取之處將您留o係身邊？好似又冇。

今朝雖然六點幾起佐身，但係又記得您話唔會咁早飲茶，因為未必食得落o野，同埋唔想咁早起身，皆因飲茶係要嘆而唔想太趕，而且您琴晚又訓得唔好，成晚發夢，所以都控制住自己唔好嘈醒您，您七點起身打畀我喇，仲應承我同我去灣仔飲茶添，真係喜出望外啦！

您好慘呀，坐佐個半鐘巴士先出到o黎，真係陰公。短短相聚佐都冇一個鐘，但係陪您去飲茶，其實真係好開心好開心。之後陪您行佐去training o既地方，再去等教車o既楊師傅。

之前打電話畀楊師傅，聽佢教車時都好細心，又好溫柔，諗佢一定係個好好o既師傅。今日見到佢，發覺佢雖然係講o野慢o的，但係真係勁好人，又好畀心機教我，仲讚我個人純同埋有耐性添呀（慚愧… @_@）。佢話有問題隨時問佢，又話唔好返去同朋友討論，我教你o既o野就係考試o既o野，不過考期4月11日就「蚊」水o的，可能要延期。係o既，唔好急，呢o的唔係錢o既問題，係人命o既問題，畀多o的時間去學都係應該o既！

第一日就駕住架車o係大球場附近兜圈，其實都幾驚o架，好緊張呀，真係出到成身汗，o的手手腳腳又好似硬晒咁唔聽駛，睇得側鏡o黎又睇唔到前面，手忙腳亂晒…人o地已經夠晒亂o架啦，佢仲係咁同我講o野、傾偈喎，又係佢話駕車要專心o架嘛，我睇得條路o黎又聽唔切佢講o野，聽到佢o既指令但係又諗唔到o野。

原來佢成70歲o架喇，仲好鬼精神，佢以前都住過柴灣o架，佢話好耐好耐之前（好似係50年，聽唔切…）新翠係泳棚o黎o架喎… @_@ 終於o係戰戰兢兢o既情況下完成佐個半鐘頭，好似好快咁。唔知點解，我感覺到楊師傅係個對老婆、仔女好好o既丈夫、爸爸。

學完車之後返佐公司做o野，因為真係工作太多時間太少…結果約佐您四點半，又遲到又要您等我…您買佐對鞋，都幾好睇o架，平實之中又有o的點綴。其實我好喜歡您o既打扮，係真o架，無論化妝與否，您o既衣著好有女人味喎~ 而上次見您同爸爸時又扮得似返個爸爸o既乖乖女咁，感覺又幾得意。

今日Man姐同Wendy姐話未見過您個樣，但其他同事都見過晒，於是拿佐我個電話o黎睇呀，佢話要睇o下我女朋友係咩樣，出奇地，唔知Man姐係咪(乙水)人開心啦，佢話︰「嗯…呢個幾好，個樣都幾賢淑，好過上一個，個樣有o的惹艷…」之前同Wendy都講過分手o既事，佢比較知得清楚內情，所以佢都冇話我，但係Man姐就話我分佐手都唔好講人o地咁多壞話，好冇風度云云…唉…佢o個時全程都放緊產假，佢又邊度知道成件事o既內情o丫…

我o地o係先達睇電話，o的手提電話再次跌至無底價，仲要想買o個部有齊兩隻色揀，買晒兩部都唔駛二千蚊（唔駛三分之二我而家部Dopod o既價錢，死未？！），真係心郁郁想買晒去，但係要聽您話，唔好亂駛錢，話買就買。ok！一於睇多佢一個禮拜先，如果到時真係仲有貨或者平佐o既，就即刻買畀您啦！您要approve o架！

行完再去飲o野，之後送佐您上小巴o岩o岩好七點半，今晚開始成個禮拜都約晒人食飯，第一晚係健健、Benedict同Henry。每次送您上車一個人返屋企都好唔捨得，但係唔止一次，您上到車坐低佐，就會望過o黎我o個邊，好甜蜜咁對住我笑，我就覺得好甜好甜，明白暫時o既分開，只會令到大家更加思念對方…我永遠都會記得您呢個咁靚o既笑容！ =)

七點九總算四個人齊晒，大家都好滿意我約o係太子食飯，梗係啦，我呢o的做搞首o既，一定要諗晒大家o係邊度返工、住o係邊返屋企方唔方便咁o架嘛，如果唔係點會我成日搞gathering o的朋友仔都咁畀面出席喎！

原來患過乳癌係唔食得燕窩o架，要記住先得喇！話會刺激o的賀爾蒙喎，真係讀佐咁多年biology都唔知，送錯佐賀年禮物畀人添… @_@

Henry十二月同佢拍佐拖六年o既女朋友結婚喇！又多一個朋友o係今年結婚，而年紀亦都差唔多，好羡慕，覺得佢o地好幸福，可以由拍拖去到結婚，一定經歷佐好多好多，雙方一定要有共同o既目標。但我幾時又有咁o既福氣？

Henry話儲佐廿萬唔夠用，我都計過啦，起碼要三十萬先夠啦，本來我都有個五年計劃o架，舊年我都曾經儲佐六萬啦，Henry叫我唔好再同o的錢鬥氣，但係真係眼怨嘛，用佐o既咪再o黎過囉，我相信錢係可以賺得返o黎o既！不過大家都認同o既，搞足一年o既o野就係為佐一日o既事，佢話成舊錢一炮過丟出o黎駛晒好肉赤，我又唔係咁諗喎，雖然呢o的形式上o既o野都係為佐同雙方屋企人交代多，但係我覺得值喎，結婚呢o的人生大事之一，點可以兒戲同馬虎o架！

唔得，我又要開始努力先得，儲錢讀書之餘，都要開始儲返o的老婆本先得，因為我真係仲想生小朋友，我知道您都鐘意小朋友o架，見您咁錫您個姨甥仔，我相信您會係一個好媽媽！

食完飯又返公司做埋份report，做完o野返到屋企都成點鐘，您今晚同我講又要靜一靜諗o野，我就變得好擔心、冇自信心同埋驚。之前睇《男女大不同》話男人好鐘意自己一個人匿埋諗o野，諗完就會自己出返o黎；女人就鐘意搵人傾，講佐出o黎就冇事。要令女人放心，男人就要o係諗o野之前同女人講明會返o黎佢身邊，女人要講o野時男人要靜心聽唔好加以評論。有時總係覺得我o地男女性格都唔跟佢呢個主流，好似仲有o的相反咁，本書都呃人o既。後尾您都打返電話畀我，我個心先至平伏返…嗯…好驚您唔要我呀！>_<

聽日又凍返喇，婆婆您記住著多件衫衫呀！

>>March 6, 2007 at 4:03:51 AM GMT+8

2007 年 3 月 4 日 星期日 【炎熱】

返晏，十二點返到去冇耐，就搞佐單途人被L3層扶手柄上新年railing跌落o黎擲中頭事件，搞佐幾粒鐘先寫完份IR…頂…一開波做o野就咁唔老o黎，真係乜o野mood都冇晒，白白用佐o的時間做呢單o野，搞到應做o既都未做完，聽朝學完車之後都好有可能要返公司做reports喇…

您今日帶佐呀B去剪腳甲同埋剪毛，帶住肥o都o都o既佢行好遠路，真係好想快o的學識駕車，唔駛您咁辛苦…

聽日放假，呢個禮拜一、二、四、五都約佐唔同background o既朋友仔食飯，不過放完假之後就要由星期二直踩七日到之後o個個禮拜二先再放假，您就話畀我知您星期三、六、日都約佐朋友仔。嗯…好唔開心呀，咁o既情況，我都唔知幾時或者邊一晚先可以見到您，我覺得好慘呀… :'(

好掛住您，但係又冇得見您…我係咪太小朋友呢？成日扭計想見您。定係好似o個o的o岩o岩開始拍拖o既情侶一樣，特別想見多o的？唉…我覺得自己好煩o丫，您梗係有您自己o既朋友要陪o架啦，我唔可以霸住您o架喎…點解您又好似滿不在乎咁o架… >_< 我知您個心唔係咁o既，但係我又真係好掛住您好想見到您喎…我係咪太黐身？

好想爭取多o的時間陪您呀，但係份工又困身…我唔想，亦好驚因為您放假時我陪唔到您，您就會離開我喇…same case as before… :'(

發覺自己好失敗，好似成日都摸索唔到您係開心定唔開心，見您唔開心o個時又好似(乙水)唔返您開心咁喎…好苦惱呀…真係冇用，少少o野都做唔到…

----------------------------------------------------------------------------------------------------------------------------



>>September 14, 2008 at 5:36:30 AM GMT+8

2007 年 3 月 3 日 星期六 【炎熱】

今日工作上都幾忙呀，一來係要做月頭o既reports啦，另一方面係上個月尾o既reports因為o的客放假而遲佐報turnover畀我o地搞到我o地都要推遲佐做啦，但係您長途跋涉咁由大埔走到入o黎陪我，傻傻o地o架！仲要著住對新鞋刮到對腳爭損晒…百厭星！

您話您好誠實咁講畀您家姐聽7A攬住我媽媽喊o既事，評語係我好花心… @_@ 雖然事無不可對人言，但係都唔駛咁直接兼原汁原味咁講嘛，搞到佢對我o既印象差晒…唉…

您成日都勸我放低對上任o既仇恨，您話越仇就越辛苦自己。嗯…係o既，其實我都明，但係畢竟都要時間去沖淡。好多謝您聽我講佐咁多佢o既事同埋我對佢o既睇法，仲有咁多粗俗o既形容詞同粗口。

真係諗起就激氣，食食o下飯您話您鐘意將分手o既罪名加o係自己身上，咁樣錯o既人就係您自己，咁就唔會再恨佢。聽到您咁講，又唔覺意諗起佢話我迫佢做o的佢唔想做o既o野，o的眼淚又無情情湧出o黎，呢招好似對我唔得喎，我冇您咁堅強呀，我忍唔住o架，真係覺得好唔抵好唔甘心嘛…

您又為佐我o係Jose身上做過o既錯事而感觸，又覺得我全無悔意。其實您唔知道我外表睇落好唔在乎，心裡面非常後悔之餘，仲成日都受到良心責備。同樣o既錯事我唔會做錯兩次，以前後生貪一時之快，唔理後果去做，之後咁多個，我自問都小心翼翼囉，因為人命o既o野真係唔係講玩，冇佐就係冇佐，追都追唔返o黎，無論身心都會受創。但係事情已經發生佐，我只可以盡力對佢好，o係佢需要幫忙時幫佢一把。

您其實已經做得好好，我亦冇話過需要一個100分o既well done女朋友。每個人都有其獨特之處，好似有人睇積極工作係上進o既表現，但亦有人認為係想出位、擦老細鞋等負面o既睇法。人o既一切性格係好係壞，根本冇得鑑定到一就一、二就二，好多o野都要兩個人一齊去面對、去compromise，就例如食完飯畀唔畀tips個waitor一個咁簡單o既問題，我會為自己o既諗法defend一樣，係好唔同。只要兩個人一齊手拖手去面對，一切o既事都好容易解決！

好愛您，能夠將您安全咁送返屋企，係我必然要負o既責任！無論因為咩原因，我都唔會先離開您！嗯！

>>March 4, 2007 at 2:54:15 PM GMT+8

2007 年 3 月 2 日 星期五 【微冷】

能夠見到您就係我人生之中最開心o既一件事~

今日點半起身入上水training，但係塞車關係都係遲到四個字，因為o個o的返工時間實在太尷尬喇，如果早o的出門口又會太早入到去，遲少少出門口又會遲到好多…香港o的交通，真係乞人憎！

Training時突然之間又要玩一分鐘presentation，我抽到o既題目係「健康」，好無聊咁present囉，我話，其實健康係咪真係好似一般人咁講係咁重要o既呢？我又覺得唔係。人生在乎過得有冇開唔開心，有冇真正愛過，而並唔係有幾長命。我講話自從十幾歲開始學識食煙，其實健康真係差佐，但係做物管呢份工，o的人工又真係唔高，靠MPF養老其實都過唔到世，好灰o架。

如果得我自己一個人，o係65歲挪返o的MPF之後，真係要好好計劃o下去環遊世界，玩完之後就自己搞掂自己，唔好獻世。一個人o既時候我係一個好悲觀o既人，但係有佐您，我要將我隱藏o既樂觀阿Q精神挪出o黎，平衡返您個傻婆。

原來諗住完佐training出o黎接您收工，因為您要挪我送去您office o個扎生日花花，但係您個傻婆成日都話唔想我操勞，係要我o係大埔等您，仲要趕到只係得返企位o既74X都上，真係畀您激死喇！您太錫我喇！

連續兩晚都打攪您屋企喇，我知道您鐘意陪爸爸食晚飯，其實只要您肯，我都唔介意每個星期都入大埔陪您屋企人食飯，反正都可以見到您，而且又係有益o既住家飯，我願意付出我o既時間去陪您，即使只係一個鐘。

我想講o既係，您真係好與別不同，一o的都唔似網上男女關係newsgroup所講o既「港女」。老實講，之前兩任女朋友都係極之現實o既人，前任話我唔會在乎佢而家已經改變佐，但係事實係，佢同我一齊o個陣時，絕對畀到我佢係100%「港女」o既感覺。

您真係一個唔普通o既女人，就由您唔鐘意我駛錢買禮物畀您開始，我就知道，要(乙水)您開心，要更加用心思去做，並唔係好似以前咁，只要有錢駛就萬事足。

您無私o既付出同唔計較o既性格，令我越o黎越愛您。您話我對您講o既「我愛您」比起您之前咁多任o既男朋友所講o既總和都仲要多，我又唔覺得有乜問題，因為我每次對您講「我愛您」，都係真誠o既；每次sms同您講「我愛您」，都係好掛住您o既。

如果您真係愛一個人，根本唔可以吝嗇呢一句「我愛您」，呢樣o野係我從分手之中所學到o既經驗。因為愛一個人除佐您o係背後為佢做佐幾多o野之外，其實每一刻對佢講「我愛您」都係極之重要o架！把口應該講多o的好o既說話嘛，您成日教訓我o既！

有人話，一個「愛」字，包含佐「心」同「受」兩個字，要用心去接受。我同意。因為我去愛一個人，除佐接受對方o既愛同埋有「需要」對方o既愛o既怠覺之餘，亦應該要有「被需要」o既感覺。呢一樣o野，您畀到我！

第17日喇！好愛您！

>>March 3, 2007 at 2:30:07 AM GMT+8

2007 年 3 月 1 日 星期四 【微冷】

老婆大人生日快樂！

今日呢，返半晝咋。下晝本來plan佐陪您，但係您o個邊又搞晏佐，結果差唔多成六點先join埋一齊，而且又暫時改佐上您屋企食飯…見家長呀… >_<

聽到您叫我上您屋企食飯，個心有o的驚，因為會見到您爸爸，而您又話過您爸爸係好傳統o既人；但係又好開心，因為我都好似您咁諗，係一種對自己身份o既認定。嗯…好愛您~ 下星期六我o個邊都有家庭聚會喎，唔知您可唔可以抽時間出席呢？

您屋企呢…咪係一個屋企囉，好正常o既一個屋企。您架房呢，雖然冇入過去，但係偷睇到真係幾亂喎，哈哈~ 而您爸爸其實都幾nice o丫，都唔係您所形容o既咁恐怖嗟，成日都驚隻狗會嚇親我咁。您隻狗女好似都幾聽我話喎，第日得閒一齊帶佢落街玩o下啦，咁咪唔駛變肥豬囉！

其實呢，唔知您爸爸對我有乜印象呢？但係我就畀您家姐嚇親啦，好似突然之間由廚房衝出o黎睇o下我係咩樣咁…嚇死… @_@ 普普通通o既菜我覺得已經足夠，唔駛要乜大魚大肉，我對食係有要求，但係唔駛做就有得食就一定唔會嫌三嫌四。我平時o係屋企食飯都係食一碗飯o架咋，今晚o係您屋企食佐兩碗呀，您話係咪開胃先？！ =)

好想有個自己o既屋企，同您食完飯懶洋洋咁攤o係梳化上面睇電視…畀您發現佐十二月要找九千幾蚊卡數添…買佐個袋o丫嘛…er…總之我會努力o架喇，唔亂咁駛錢嘛，為佐我o地o既將來好好籌劃同打算，我知道喇~

原來您兩隻耳仔後面都有個「V」字形o既摺位o架，好得意，嘻嘻~

最愛您，掛住您，錫晒您~

>>March 2, 2007 at 3:08:44 AM GMT+8

2007 年 2 月 28 日 星期三 【微冷】

希望過埋今日您o既事就真係可以好好解決，但係我都仲係好擔心…

婆婆，我o地o既愛情已經生長到第十五日喇！我o地今日仲有三次約會添呀！

第一次約會。琴晚激嬲佐您，今朝點都要入o黎「負荊請罪」，畀您估中佐，真係要六點鐘起身呀，去到您樓下都七點半過o的喇…等佐一陣您就落樓喇，好在您今朝冇特登早起身返公司做o野咋，如果唔係我就白等喇…我係特登入o黎做您o既熊寶寶畀您o係巴士度攬住覺覺豬o架（雖然我呢隻熊係瘦o的）。

送佐您返工之後，我就特登去佐新翠其中一個客大哥鴻o係將軍澳新都城新開o既茶餐廳食早餐，做定功課，費事下次同佢吹水時又畀佢串我唔去幫襯佢。之後再出返觀塘報名學車，三千幾蚊呀，有o的錢都唔知幾時先要再畀，又唔知學佐趕唔趕得切四月中考牌，好煩呀…

第二次約會。買佐支花花先同您食晏，怕您又話我o徙晒o的錢駛o係您身上嘛，點知您又好似唔開心咁… @_@ 我真係要再多少少時間先可以了解同配合您o既需要呀…我太冇用喇，成日都分唔清您邊句講真邊句講笑…

食飯時，媽媽叫我上去護老院探婆婆，本來都懶唔想上去o架喇，但係您又想我去喎，咁我咪聽您話唔做懶惰豬上佐去囉，先知道原來婆婆畀人偷佐五十蚊利是之餘，仲要畀人話佢好講件事出o黎，搞到佢覺得好委屈。

其實間護老院裡面個個都一把年紀啦，仲要鬥來鬥去鬥小器又何苦呢…我婆婆呢份人不嬲都逆來順受o架啦，有乜蝕底o野都自己受晒，好o野就畀晒人…似您呀！


第三次約會。其實您每一次出完去食飯之後，都會顯得好唔開心，今晚亦都唔例外，所以我o既擔心係好正常。收到您o既電話時，您已經去到彩虹，您想見我。「Just call my name and I'll be there」本來諗住小睡片刻，但係都即刻換衫衝落樓搭的士。您話我亂駛錢， 我覺得唔係，因為我答應過，o係您需要我o既時候，我一定會即刻出現。

既然您愛我，我亦愛您，真心相愛，兩個互相需要對方o既人，點解您又再亂諗o野？我o地唔係講好佐要「全身而退」o架咩？無論發生o的咩事，由二零零七年二月十四日開始，您o既事同我o既事，已經唔再係我o地獨立一個人o既事，而係我o地兩個一齊去面對o既事。係苦係甜、係好係壞，我o地都一齊手拖手咁去面對，去跨過。要有一定o既經歷，我o地發佐芽o既愛情先會茁壯成長，知道冇？

我愛您，一生一世都愛您，我o地永遠都唔要分開，直至有日世界要終結…想念您…zzz…

>>September 13, 2008 at 12:33:42 AM GMT+8