2007 年 2 月 27 日 星期二 【微冷】

琴日好努力做起佐兩份28號due o既reports，六點鐘準時收工，好想見到您呀！

放工去幫公司去通利買譜架，原來三百蚊petty cash已經可以買兩個，勁抵，即買！您放六點三，但都知您冇咁早收o架喇，都係想見多您幾面嗟，因為您話過您鐘意人o地陪您多o的嘛，可以做到o既我都願意做o既，時間係由自己控制點用o既嗟，對住自己愛o既人唔需要慳呢o的時間。

傾電話時講到o既o野，我應承得您就唔會食言，但係若果真係要您冒咁大o既險，我就唔會選擇咁樣做，您明唔明白？我愛您o既，係您無私、不問回報、誠心咁對待人，但係我真係唔想您成日只係顧住其他人而唔理自己o既感受同埋得出o既結果，您真係好傻呀知唔知道？有時真係會諗咁o既性格o既女人，點解都仲會有人忍心傷害您…所以我一定會好好珍惜您呢個傻婆婆，除非係您自己選擇離開。真o架，I honestly love you~

有乜spark令我鐘意您？唔講您知！

今日都好忙呀，因為仲要趕埋兩份powerpoints，呢兩份o野係舊年公司份ISO o既quality plan裡面老吹o既trainings，嘩，真係作到頭都大埋…好在六點半終於搞掂佐。

再佐去接您收工返屋企，送佐份生日禮物畀您，反而令到大家好苦惱，因為您原來真係同其他人好唔同。份禮物其實買佐好耐o架喇，自從您叫我唔好買o野畀您，我一直都好苦惱，因為我真係買佐喇嘛，唔送就咁擺o係度又唔知點咁，結果今日先拎畀您…點知原來您都唔開心o既…

我估我明白點解您會覺得自己好似係前任o既替代喇，原來我一直都用錯佐方法去對待您。我以為我以前用o個套對待女朋友o既方法係universal、好common，個個人都受，原來您根本都唔係想要呢o的o野﹐亦搞到我好似您其他o既追求者咁，令您煩惱。您真係夠晒獨立，完全唔駛我滿足您o既任何物質需要，您真係好利害…

您話只要我對您好，您就好滿足，但係對您o既好係唔包括物質o既o野，唔通係純心靈上o既滿足？我真係好疑惑…請您都收埋呢份禮物仔啦，就當係定情信物。我知道喇，我以後會聽晒您話，唔再亂咁買o野畀您，對自己亦都要應用則用，唔好再咁揮霍，寧願畀多o的錢媽媽爸爸駛。應承您，唔再曳亂咁花錢，要為將來好好打算，儲起o的錢，快o的娶佐您~

對唔住呀，令到您又要成晚個腦仔o係度轉轉轉諗o野。係我太自私，又唔尊重您，以為用自己o既方法去(乙水)您您就會開心，其實我應該企返o係您o既角度去配合您所需要o既愛去愛您，您又令我進步佐。不過您千祈唔好丟低我一個呀… :'(

我要用多o的時間去陪您，因為呢樣先係您所需要o既o野。仲有，只忠心於您一個，仲要好誠實。我愛您，真o架，我會用返您覺得舒服o既方法去愛您~ 啜~

>>February 28, 2007 at 2:12:57 AM GMT+8

2007 年 2 月 26 日 星期一 【微冷】

您話想親自上o黎我屋企先睇我個房係點，但係我好想畀您睇o下先喎，點好呢？唯有影o的相畀您了解o下個情況先啦~

間房點執都係咁細間，只可以諗點樣用盡o的地方…

歡迎光臨我間房呀！


下格係書台，上格係我張床。我鐘意用一張好大好闊o既書台，但係上面唔會放太多o野，我鐘意簡約，同埋多o的桌面o既活動空間，工作、消閒（上網為主）都要有廣闊o既空間！


一個立立雜雜o既書架，好多書o架，乜書都有。當然，大部分都係睇過o架啦！門後面有我最鐘意o既電影海報，Shine（真係有十年前喇！）係講一個「i」佐o既鋼琴手，點樣o係「i」之中燃亮自己o既生命。A Very Long Engagement就新少少，若果呢個世界上真係有一份咁o既愛情，即使係死，亦都無憾。


衣櫃細細，門都畀我拆埋（嫌煩），我又唔貪靚o既，而且o的衫一唔鐘意我就會拎去舊衫回收，所以個衣櫃唔會放多餘o既o野，so far o的衫都仲夠著。電腦上面o既層架就放佐一o的無聊o既收藏品，包括水杯、玩具、酒吧食肆o既stirrers咁。


最後就係o個張我永遠唔摺被o既床，同埋床後面o既書架。係咪好多書呢？我好鐘意買書o架，不過最近停止佐，因為仲有好多存貨未睇完…


爸爸生日快樂~

>>September 13, 2008 at 12:13:28 AM GMT+8

2007 年 2 月 25 日 星期日 【陰】

好o野~ 今日約佐您去飲茶~

本來諗住九點鐘就出門口，最遲十點半入到大埔o架，但係您o係我臨出門口o個時先至打電話畀我，叫我唔駛咁早入到o黎，您個懶訓豬o丫，飲早茶變佐飲晏晝茶喇！

結果慢條斯理咁行去地鐵站、轉巴士、行去酒樓，去到拿籌已經係十一點喇…372號？！頂！淨計二至四人台都只係叫到320號！！！您仲話間o野好普通，好普通就冇咁多人排隊等位幫襯啦！

結果等到十二點幾先有位呀，真係誇張… >_< 您呢個熟客居然連其他茶客都認得，真係去慣去熟喎！最欣賞係佢o的牛肚好「林」喎，o岩晒我呢o的懶人；奶皇包冇蛋黃，幾好幾好，唔駛間硬食埋個黃。不如咁啦，如果我星期日放假，都入o黎大埔同您去您最鐘意o既茶樓飲茶啦~其實我星期日返晏，如果您唔嫌要早起身，我都可以個個禮拜入o黎陪您去茶樓，只要您十點半鐘肯放我走就趕得切返工o架喇~您成日都唔畀我買o野畀您，咁不如我用多o的時間o黎陪您啦~

您呃我呀，話回佐我媽媽寫畀我個email，人o地forward畀您睇o下之嘛，等人o地鬼咁驚，講笑都係咁話o丫！曳婆婆！其實您唔駛同我平反o的乜o架喇，人o地點睇我我唔在乎，因為佢唔係我，佢永遠唔會知道我點諗。講到我好似掛住玩女人一事無成咁，完全錯呀！

您估有位我唔想上呀？都要有食力先得o架！我夠知呢行係升職慢加人工少啦，但係穩定喎，又唔駛頻頻撲撲、日曬雨淋，佢唔明我好明白自己實力去到邊，我唔係好食懶飛o個類人，我都係辛苦命o黎o架，仲要係犯賤o個隻冇o野做自己搵o的o野出o黎做o個隻。我係懶，但未至於唔識上進。

女朋友係轉得多換得多呀，但係真係玩o既感情，八次只係試過兩次之嘛…如果我真係玩o既，我根本都唔駛帶佢o地返o黎畀屋企人見同溝通啦！感情o既o野，唔係話一個人控制晒o架嘛，但係我敢講大部分時間我都係認真咁去愛o架！我夠想好似爸爸媽媽兩個人咁相親相愛啦，但係以前真係未識得諗o丫嘛，到識諗o個時又把握唔到，我都好想好想好想好想好想有好結果o架…

之後我o地行佐一陣大埔，都冇乜o野睇o既，再落佐新城巿，冇戲好睇，行來行去行到人都累埋…好鐘意您呀，因為您都係「雞翼之友」，哈哈~

沙田呢個平台公園，真係好耐冇o黎過。攬住您傾偈，好甜蜜o架，不過您成日都好似打定輸數咁，講話會separate，我真係會好hesitate，我好驚o架，我每次都會信您係講真o架，我唔識分真定假o架，當您好認真咁講「我會繼續好關心您，只係關係唔同佐…」o既時候，或者您只係無意咁講，但係對於從來都唔會講o的咁o既說話o既我o黎講，我真係會驚到喊o架…應承我唔好再講好唔好？

點解相聚o既時間咁短暫，過得咁快？好想擁住您，即使只係多一分鐘都好…

今日係妹妹生日，一家人一齊食飯遲晒到添，不過都幾開心o丫~ 生日快樂呀~

>>February 27, 2007 at 2:56:58 AM GMT+8

2007 年 2 月 24 日 星期六 【陰】

琴晚您講講o下電話突然話好眼訓跟住就即刻收線，仲話要冷靜o下叫我唔好搵您… :'( 係咪公公心直口快咁講錯佐o的說話，語氣重佐激親您，令婆婆唔開心呀？

您收線前話，如果我掛住您，就打o係日記度…嗯嗯嗯…

00:45 執好間房，再沖埋涼，唔記得帶電話入廁所，掛住您，驚您打畀我冇人聽，定係您已經訓著佐？
01:04 臨訓前，掛住您，o係度諗您今晚會唔會個腦仔又o係度轉轉轉，成晚訓得唔好…
01:15 出後樓梯食完支煙，諗起您訓著佐個樣，聽日仲要返工，都係早o的上床訓。
01:34 諗住check埋email先訓，點知有一封媽媽畀我o既email，睇完唔係好開心，好想聽到您把聲…拎起個電話，打一o下手…唔可以嘈醒婆婆o既…
07:20 您打電話畀我，聽到您把聲，好開心。
09:26 唔知您轉佐新電話卡未，掛住您又唔想煩住您，唯有試o下send sms啦…
10:34 打電話畀婆婆，原來佢孿佐o係張床上面亂諗o野，佢話我o地之間有一個無形o既佢存在…對唔住愛人，或者係我畀唔到安全感您啦，都希望您明白我有部份記憶畀佢蠶食佐，但係我一直都好努力咁克服由佢帶畀我o既傷害，我相信唔駛好耐，我就會連嬲佢都嫌o徙氣力，不過我想您記住一件事，就係我從來都冇當過您係水泡。
12:10 冇乜心機做o野，o係office度訓佐一個鐘之後醒佐，好想見到您…
12:27 Send完個sms畀您之後，我終於諗到點解您會咁唔開心，因為您愛我，您怕失去我…
13:13 自己一個人買佐KFC外賣，o係度諗如果婆婆過o黎陪我食飯就好喇…不過咁遠水路太辛苦喇，所以都係我入大埔陪佢好！
14:06 婆婆打電話畀我，話佢本來想食完飯過o黎陪我，不過畀佢家姐夾佐去打牌… @_@ 雖然我係好想見到您，但係都係陪家姐重要o的，唔想您屋企人對我印象唔好扣我分！我聽朝入o黎同您去飲早茶咪見到您囉~
14:40 吹支煙之後立即畀心機工作，要快o的完成份minutes先得！
15:38 唔記得佐reported speech o的動詞時態點樣轉，好想問o下您記唔記得，但係都要打一o下手，打緊牌唔好阻住人咁唔通氣！
17:01 4點鐘有活動，份minutes完成佐三分一左右，真係好。落去影完相再send埋o的相去promotion，再好似婆婆咁去佐打麻雀…ccc…
19:13 打佐兩個鐘牌再集完隊返上office，又好想打電話畀您…唔得，要忍住…
19:38 換完衫落返大堂，無線做緊《最緊要正字》喎，即刻就訓起您喇。唔知您而家做緊咩呢？
21:19 食完飯，準備去洗碗之前，打過電話畀您先~ 掛住您囉！原來您都咁o岩食完飯break，要您陪我洗晒o的碗先呀！（要戒講「低B」、「低能」呢兩個詞）
22:49 諗緊、搵緊首歌放落日記度送畀您~
23:44 都係想播返我而家用緊o既「我的接駁鈴聲」，我o既favorite Mariah Careyo既When You Believe全曲！

----------------------------------------------------------------------------------------------------------------------------

When You Believe
(From the Movie "The Prince of Egypt")
by Mariah Carey (with Whitney Houston)

Many nights we've prayed
With no proof anyone could hear
In our hearts a hopeful song
We barely understood
Now we are not afraid
Although we know there's much to fear
We were moving mountains
Long before we knew we could

There can be miracles
When you believe
Though hope is frail
It's hard to kill
Who knows what miracles
You can achieve
When you believe
Somehow you will
You will when you believe

In this time of fear
When prayer so often proves in vain
Hope seemed like the summer birds
Too swiftly flown away
Yet now I'm standing here
My heart's so full, I can't explain
Seeking faith and speaking words
I never thought I'd say

There can be miracles
When you believe
Though hope is frail
It's hard to kill
Who knows what miracles
You can achieve
When you believe
Somehow you will
You will when you believe

They don't always happen when you ask
And it's easy to give in to your fears
But when you're blinded by your pain
Can't see your way clear through the rain
A small, but still, resilient voice
Says help is very near

There can be miracles
When you believe
Though hope is frail
It's hard to kill
Who knows what miracles
You can achieve
When you believe
Somehow you will
You will when you believe

>>February 25, 2007 at 12:01:05 AM GMT+8

2007 年 2 月 23 日 星期五 【陰】

您好衰o架，人o地咁認真咁諗o的綿綿情話o既sms出o黎(乙水)您，您居然話人o地唔知係邊度抄…咁如有雷同實屬巧合嘛，人o地真係用心去諗o架︰「我知道您很需要我，您也知道若沒有您我就活不來…命運安排我們相遇，我們要好好把握，相愛直至世界走到盡頭的一天！」

好開心聽到您話我o地o既事情有進展，其實最受苦o既人係您，辛苦晒喇公公o既婆婆~

琴晚臨收工五點五十五分電話先響起，有間舖道玻璃門甩佐，但係初五呢o的咁o既日子邊度可以搵到人o黎整o丫…最後咪又係整返上去，o徙晒我o地MSO總動員o既人力物力！頂！

最大問題係本來我約佐您去九龍灣睇醫生，結果要您山長水遠入o黎柴灣接我…您睇o下您o丫，個樣幾咁眼訓，真係肉痛死公公喇！之後搭地鐵同巴士您都訓得好「林」，口又話唔累，其實就累到甩唔到咁滯啦…但係我o地又忍唔住想見對方…

食晚飯時，您無心講佐句說話，我唔知唔覺咁語氣重佐，突然講o野好掘，搞到您唔開心，您一定係諗返佢對您o既語氣喇…對唔住呀，係我應承過您要好錫您，點知又對您粗聲粗氣！要溫柔o的，好似您咁，好似(乙水)小朋友，教小朋友咁o既語氣，人家先容易接受嘛…嗯！我知道喇！

不過咁囉，我認為做我自己做錯過o既事，我係唔可以再犯同一樣o既錯誤囉…您話如果我o係不知情o既情況下出去「滾」佐，您會原諒我，但係我都唔可以原諒自己再去犯同一個錯而去令自己o既伴侶受傷害，之所以我連酒都唔係幾飲就係咁o既原因，酒後亂性，冇錯o既。

琴日下晝同前任msn，字裡行間又有o的掘，您成日叫我唔好咁勞氣，要寬恕別人，但係我真係唔知點樣可以原諒一個曾經傷害到自己咁深o既人，forgive but not forget，婆婆教o下公公好唔好？

好愛好愛您，要攬住您直至見到您熟睡為止~ I love you forever and ever!

>>February 23, 2007 at 2:00:32 AM GMT+8

2007 年 2 月 22 日 星期四 【雨】

琴日初四，休息。訓醒覺就過去搵您食晏晝。淘大好多人，搵唔到地方食飯，您提議去行o下街，睇o下有冇o岩心水o既室內無線電話，點知睇到個Mo記o既都幾靚，您又話太貴唔畀我買畀您，激死… @_@

後尾行佐過德福，最終去佐食KFC。我又好意外喇，因為您居然會同我食KFC，您仲話KFC同麥當勞都係一樣。嗯…您份人就係咁隨和、咁「林」o架喇，但係咁樣先顯得出您charming，您成日話自己唔靚，其實您個心好靚。您個人就係咁o架喇，對自己就要求高，對人o地就寬容，所以先咁多煩惱。等公公幫您諗埋一份，唔駛婆婆咁辛苦嘛！即使您想自己一個人解決，都記緊要講畀我聽呀，等我同您分憂，唔好屈住o係自己個心裡面呀，我會好擔心o架！

晚上去佐粉嶺同健健媽媽拜年，真係畀面啦，要佢自己親自下廚。原來佢同健健女朋友都幾傾得埋o架喎，羡慕！

健健媽媽又笑我喇，話我同個個女仔拍拖o個時都話要娶佢，我又覺得冇乜問題嗟，咁拍拖o既終極就梗係結婚o架啦，我係咁老土o架喇。佢話搵女朋友唔駛靚，最緊要就係賢良淑德。佢仲笑我當我接到您o既電話後我就即刻要走呀，冇辦法啦！因為我最錫就係您嘛！

"Just call my name, and I'll be there..."

您食完飯返o黎好似好多心事咁，您個腦仔又唔知諗緊乜喇。係下晝個client o既事o丫？定係我同您之間o既事呢？

其實client o個度我覺得您都冇做錯o丫，擺到明就係o個間公司唔o岩，想走偏門，以您o既心腸，梗係唔會做o的違背良心、助紂為虐o既事啦！所以我覺得您唔駛理o的同事講o既o野喎，我就係鐘意您呢一顆古道熱腸o既心！

至於另一件事，我估您其實內心早有決定，問題在於表達手法同時機。船到橋頭自然直，您唔駛咁擔心o既。每個人都為自己追求幸福，我只知道我要好好把握，否則幸福就會溜走。其實我諗通佐o的o野，或者我應該多謝前任女友，因為佢曾經好狠心咁丟低我，表面上佢係衰人，其實係畀機會我去得到解脫，我先有機會搵到您，我唔會輕易放手，我會好好珍惜您，將我最好o既o野都畀晒您。因為，愛情本身並冇對與錯，只有愛與不愛。

原來您唔鐘意食杏仁o既，等我記住先！

您條村o的signage好搞笑呀！係咪個人訓橫o的，就即係個地滑o的，個人唔小心pk o既機會大o的呀？！


>>September 13, 2008 at 12:21:44 AM GMT+8

2007 年 2 月 21 日 星期三 【暴雨】

琴日初三，由下晝到夜晚都係同您一齊過，感覺良好。我愛您…

朝早我一家人，仲有(女麻女麻)、姑媽一家同埋四叔一家人去飲茶，可惜您冇出席。不過唔緊要，十一個人坐埋一齊迫到死，都唔係十分好受。

飲完茶去睇醫生，o的鼻敏感因為轉天氣而嚴重佐，局住要睇，點知就排佐個幾鐘先有得睇o個幾分鐘… @_@ 本來睇完想入大埔搵您行街街，但係原來您想出o黎買禮物上我屋企拜年，所以我o地o係觀塘集合。

您同我一樣，一味硬頸，係要買到鳳梨酥做禮物先肯收手，您就行晒大埔Mega Mall同apm o既吉之島都搵唔到，決定要去Sogo睇o下有冇。哎也…心意之嘛，唔駛四圍舟車勞動咁去買啦，畀您激死…

其實o係同您會合之前，我曾經想打電話返屋企話畀媽媽聽您過o黎拜年，但係o係我仲掙扎緊o既時候，媽媽已經打佐畀我。佢一如以往，都係話唔駛特登走上o黎、唔好咁麻煩之類，最終梗係講唔掂我，就出殺手鐧︰爸爸唔鐘意有人上o黎…其實呢個原因已經用佐幾年，但係我一直都諗唔到個原因係乜，到今次我先諗到呢個原因o既真正意義。

其實呢句說話係由7A攬住我媽媽喊o個餐飯之後o個個新年開始，今年都已經係第三年用。我以為媽媽梗係幫晒7A，原來都未必係。諗深一層，媽媽根本就係投我所好o既人，都咁多年喇，我覺得佢應該都化o架喇，但係我估個阻力位應該唔係佢度，而係o係爸爸o個度。

爸爸都算係一個保守但講道理、傳統但開通o既人，o個鑊o野o係我屋企爆發，我估爸爸受o既傷都唔少。可能佢會覺得佢教出o黎個仔居然咁樣而好失望，又正所謂寧畀人知莫畀人見，呢壇o野就直情o係佢面前o係食飯桌度發生，或多或少對佢o既尊嚴有所傷害都未定。不過呢o的o野都係我估o既嗟，因為我都好少同爸爸傾偈…

一切都係我衰，但係我已經改過o架喇，冇再出去「灑灑滾」，前任都好少上o黎屋企訓啦，我知您o地唔鐘意嘛，十三仲直情畀我妹妹鬧過添，我都冇帶人上o黎過夜，點解您o地都唔可以畀多次機會我喎？

您聽到我話媽媽唔想您上我度拜年，顯得好失望好唔開心，對唔住呀，呢壇o野確實唔係您o既錯，錯就錯在我o既過去影響到佢o地o既態度同諗法。不過呢，我覺得一個好似您咁為人著想o既女仔，一定唔好好似上兩任咁唔肯、唔敢同佢o地打交道o既，因為您同我都存著一顆「總有一天感動你」o既心。

抹佐o的唔開心o既事唔好再講，今日我好開心呀，因為您居然會提議同我去食food court。我個心覺得好意外，或者係我未適應，總覺得咁辛苦搵錢點都想同女朋友食好o的、舒服o的。之前年幾時間拍拖真係好少去食food court，通常都係同朋友或者自己一丁友先會去呢o的地方食。因為佢通常會話晏晝已經食過乜乜乜，唔想夜晚又係食乜乜物。結果諗去邊度食o的乜o野，就好似一個無型o既精神負擔壓住我，有時又會因為要諗食o的乜o野而搞到唔開心…

重要o既並唔係食o的乜，而係同邊個一齊食，係咪？！

好似上次去山葵食佐九百幾蚊，您就好似仲肉痛過我咁，您真係好傻瓜呀！不過我居然覺得您要我慳o的駛，同埋唔駛去食o的咁貴o既o野而覺得好幸福…原來您係咁愛我o既~ 我都好愛您~

畀您話都係咁幸福，因為我感覺到您真係好錫我！

----------------------------------------------------------------------------------------------------------------------------

初二晚健健過佐o黎拜年，佢畀返佢以前中三寫o既一篇周記我睇，經典重溫，特此記錄。

《電話奇遇（下集）》
健健

上集提要︰「講到李宇軒給了我那個女仔的電話之後，過了幾天我便打電話去了約她出來食午飯可是被拒絕了。」事情隔得太遠了，我依稀記得事法（發）之後的那一天，李宇軒好嬲，我知道佢嬲我攪他的朋友，但我是無惡意，只是想助他一臂之力。

又一天的晚上，我再一次嘗試約她出來，事情是這樣的︰
吾日︰「我想約你聽日一起去食午飯。她日︰「我沒有空。」吾笑日︰「點解呀？」他默然無以應，今次我比上次聰明了，吾日︰「不如下個禮拜一。」她日︰「我都話沒有有時間。」之後我說聲無所謂和拜拜便收線了，因為如果再死要約她的話，她一定會嬲李宇軒（我是冒李宇軒的名打去的）。過了一兩日，李宇軒知道這事時，更加火上加油，我很不容易才求到他不嬲我。

（老師評語︰你犯了一個很不道德的錯誤，有可能會使人對人失去信心！除非你立即改過！）

我從這幾次的事情中，找出了一些錯處，加以改進，來令到敵人沒法拒絕，這樣我的經驗值又高了很多。到了最滲（慘）的一次，亦是最後的一次，今次聽電話的是他的爸爸，他說︰「你找誰？」吾日︰「余瑩慧。」他說︰「你是佢邊個？」吾日︰「朋友之嘛。」他說︰「有咩事可不可以講低。」吾日︰「想約她吃午飯之嘛。」他說︰「我個女話過比我聽這件事，我不准她和男孩子一起食午飯，所以請你不要再打電話來，但是問功課就得。」吾日︰「我知道了，對不起。拜拜。」

這次雖然失敗了，但是我是一個積極的人，我會認為失敗乃成功之母這句話，所以會從中找出錯處加以改進的。

P.S. 其中有兩三次打電話給她沒說出來。

（老師評語︰在這個年頭，改進下去至少要幾年，到時你已經失去了很多打好自己的知識基礎的時間了！想想吧！）



>>September 13, 2008 at 12:12:39 AM GMT+8

2007 年 2 月 20 日 星期二 【暴雨】

被您問起之前幾段愛情o既事，等我o係度簡介一下。

第一、二任已經完全失去聯絡，第三任偶然o係街撞到，第五、七任有事都未必會搵，只有第四、六任保持聯絡及好朋友關係。

第一任︰Eva
時期︰1993年12月（中三）至1994年5月，14歲
歷時︰半年
我點叫佢︰琪琪
佢當時幾大︰同齡
星座︰處女
佢點叫我︰軒、BB
點識︰A in A補習社
佢o既居住地點︰大埔太和
最有記念性o既地點︰維多利亞公園（初吻獻出地）
最深印象事情︰初吻時佢話我唔識錫
分手原因︰佢一直冇放低第三者，第二任o既出現
簡評︰一生追愛o既過程由佢撻著

第二任︰Lawbo
時期︰1994年5月至1994年9月，15歲（時間太短，已經失晒憶）
歷時︰三至四個月
我點叫佢︰Lawbo、Gigi
佢當時幾大︰細我兩年（如果冇記錯）
星座︰金牛（如果冇記錯）
佢點叫我︰軒
點識︰《Yes》筆友
佢o既居住地點︰深水步、順天
最有記念性o既地點︰石峽尾地鐵站、旺角豪華戲院
最深印象事情︰佢話畀我聽佢畀佢後父咩佐
分手原因︰家人反對（連屋企電話都cut埋，唔畀佢打o黎…）
簡評︰與家人決裂，不再相信人

第三任︰Priscilla
時期︰1997年（中六）至1999年夏天，18歲
歷時︰兩年
我點叫佢︰Apple、佢個名
佢當時幾大︰細我一年
星座︰水瓶
佢點叫我︰軒、Din
點識︰教會
佢o既居住地點︰柴灣
最有記念性o既地點︰教會
最深印象事情︰因為同佢出現感情問題而引起連串教會對我o既批鬥
分手原因︰我鐘意佐教會中另一個女仔（只係有感覺，人o地亦有男友，最終冇追，但畀教會排斥）
簡評︰令我一直唔肯再返教會o既原因、陰影

第四任︰Josephine
時期︰2000年1月1日（浸大二年班）至2001年我生日前，21歲
歷時︰一年多o的
我點叫佢︰肥婆、老婆、得得B
佢當時幾大︰細我三年
星座︰獅子
佢點叫我︰軒、老公
點識︰分域碼頭麥當勞
佢o既居住地點︰柴灣小西灣
最有記念性o既地點︰分域碼頭麥當勞、總統戲院、佢屋企、我屋企、家計會
最深印象事情︰同我落仔
分手原因︰我想追大學裡面一個同學（最終追追o下冇追）
簡評︰第一次見一個女人可以愛佢o既男人愛到乜都唔要

第五任︰Amy
時期︰2002年暑假（中大第二年開始）至2004年5月，23歲
歷時︰唔夠兩年
我點叫佢︰媚媚、7A
佢當時幾大︰細我三年
星座︰天蠍（發誓以後唔同呢個星座o既人拍拖）
佢點叫我︰軒軒
點識︰大學o既lab
佢o既居住地點︰屯門良景
最有記念性o既地點︰研究生宿舍、中文大學、沙田
最深印象事情︰o係我25歲生日o個晚發現我同十三o既sms，之後攬住我老母喊，搞到我老母唔再鐘意我之後帶返去o既女朋友
分手原因︰性格不合，同時與第六任開始搞四角戀，做佐成龍呢條淫蟲講o既「每個男人都會做錯o既事」
簡評︰簡直係人生o既污點，唔想承認有過個咁特別性格o既女朋友

第六任︰Pheonix
時期︰2004年3月16日（o岩o岩完成第一份返full time o既工，YMCA旅遊大使）至2005年10月頭，25歲
歷時︰約年半
我點叫佢︰十三妹、欣欣
佢當時幾大︰細我六年
星座︰白羊
佢點叫我︰力力
點識︰YWCA做o野識，上司下屬
佢o既居住地點︰天水圍嘉湖
最有記念性o既地點︰華懋戲院、佢屋企、我屋企、元朗、觀塘酒吧、台灣
最深印象事情︰我扭佢食魚一丁；去台灣玩
分手原因︰同第七任開始搞三角戀，唔想拖
簡評︰做朋友好過做情人，同我最夾o既好朋友，但佢最鐘意成日搞搞震串串貢

第七任︰Wing
時期︰2005年10月1日至2006年12月16日，26歲
歷時︰442日
我點叫佢︰BB
佢當時幾大︰細我一年
星座︰雙子
佢點叫我︰毛毛
點識︰前公司（偉邦）同事
佢o既居住地點︰藍田興田
最有記念性o既地點︰佢屋企、百老匯電影中心、浮羅交怡
最深印象事情︰o係書店分別睇埋同一本書o既同一個topic；佢話「唔可以再愛我更加多」
分手原因︰佢有第三者
簡評︰過度抑壓情緒，怕再遇感情失敗，重新開始時亦感到戰戰兢兢、患得患失

更多關於歷屆o既描述︰2005年10月22日及23日o既日記

您可以做我o既第八任，即最後一任嗎？我愛您~

未收到您o既email，發多一次得嘛？

>>February 21, 2007 at 1:58:21 AM GMT+8

2007 年 2 月 19 日 星期一 【暴雨】

女朋友仔話no objection，我係佢o既公公，佢係我o既婆婆，以後都要咁樣稱呼。琴晚同佢傾完電話之後，胡思亂想佐一陣，就走佐去沖涼，沖完涼打o下日記，心情有o的沉重。

每經歷一段感情，都可以從中汲取到經驗同教訓，我覺得自己對女朋友o既態度進步緊，同時又好似對自己退步緊，因為簡單直接o既我，加多佐一份懦弱同婆媽。

我記得我第一次同人講話要娶佐拍緊拖o既女朋友，就係同健健o既媽媽講我要娶7A呢個歷屆，o個時係2002年，我23歲，開始時真係只係覺得悶，想搵個人陪，亦冇特別去揀去諗就追，原來兩個人o既性格差異太大。其實我一直都覺得「糟糠之妻不可棄」，7A確係同我度過佐一段苦日子，但係偏偏自己又唔生性，2004年走出去搞搞震，一時衝動同十三妹o既出軌事件，害人害物，當時25歲，第一次多角戀，自私自利咁拖泥帶水佐成個月，第一次為失去感情而喊。

同十三妹2003年起識佐半年，我覺得大家o的性格都幾夾o丫，所以我先同佢「撻著」，不過同十三妹始終都係做朋友好，我o地實在太似喇，做情人o係性格上一定各不相讓，我唔係冇愛過佢，只不過係愛得太淺，更冇再諗結婚呢樣o野，求其是但日子過得開心就得，得過且過，過返充滿自己個性o既生活。甚至直到上屆出現，我先冇再用同7A有關o既passwords，好蠢o既安排，但係我覺得咁樣做係其中一種愛的見證。

2004年認識佐上屆，一直保持普通朋友關係年半左右先有機會再進一步發展。2005年，26歲，搵一個有默契o既人好難，自己好好彩咁搵到，又陷入個幾禮拜o既三角戀，主動離開十三妹，兩個人都有所解脫。覺得自己係時候諗得長遠o的，再次泛起對未來o既憧憬，想結婚，好想有個自己o既家，決定要努力咁去實踐。唔知係咪因為「真愛」，突然間由暴徒變成順民，由一開始就冇安全感，只知要付出自己傾力去愛，怕失去。

2005年起認識佐您，其實唔係冇留意您o既，只不過心裡面一直等緊上屆，跟本就ignore晒身邊所有所有o既人同機會。您一定會覺得我o既改變好突然，不過我覺得又唔係好算。當初我係欣賞您o既工作能力同努力，我最喜歡呢類型o既女性，因為佢o地o係認真工作o既時候，總會散發出一種吸引我o既氣質。我又唔係靚仔，所以您o既外貌，我並唔冇太多要求（唯一要求係鐘意瘦o既女仔），因為當兩個人有愛o既時候，外表根本唔重要，愛o既時候個人自然有光芒。

我唔鐘意o係一個經常見到同一班人o既團體裡面搞男女關係，例如公司、學校、教會等等，因為我唔想畀機會其他人講埋晒o的閒言閒語影響只係屬於兩個人之間o既關係（可能係以前教會o既陰影，我唔鐘意「呢度食呢度屙」）。當時呢，如果唔係拍緊拖，兼且心裡面已經諗緊另一個人，我一定會搵機會認識您多o的，但係唔係親近。

2006年讀完書，處於同上屆o既熱戀期，我更加閂晒自己所有後門，諗住專專一一過一生，我都估唔到自己可以咁認真，咁保守。口花花撩o下o的同事實有，但係係用我external o既性格，而唔係您而家認識我對自己愛o既女人o個種hidden o既性格。您讀書咁叻，錢又搵得多過我，有時都會覺得係高攀緊您。加上一o的複雜o既關係，簡單o既我其實對自己更加冇信心，怕好快又會失去，付出o既感情又再落空。我並唔係您所諗o既咁叻o架咋，雖然您講過愛我，但唔知係咪上屆o既影響，我都係好冇安全感…好迷失…覺得自己又幫唔到手，好冇用…

2007年，28歲，唯一o既希望，係可以一直擁住您，渡過以後每一個情人節，我o地o既記念日。即使o個日係星期三…想念您o既時候，臨訓o既時候，我會翻睇又翻睇我o地之間o既sms，感覺係幾咁真實，幾咁接近，彷彿您就o係我身邊陪住我…或許，我只有那麼多…

>>February 21, 2007 at 2:00:45 AM GMT+8

2007 年 2 月 18 日 星期日 【炎熱】

女朋友想知道我office變成點，等我影o的相畀佢睇o下先！

我好掛住您呀~





>>September 13, 2008 at 12:12:38 AM GMT+8