2007 年 3 月 19 日 星期一 【陰】

太可惜喇，跌佐條紫色頸巾…

今朝十點鐘去到試場睇人o地考牌，但係師傅居然玩遲到，頂o丫，企到十一點佢先出現！今日學車好過上次，開始掌握到個感覺，起碼點樣踩放「極力子」同畀「油」都冇上次咁亂，希望可以功多藝熟啦。不過改佐個新考期又撞佐師傅另一個學生o既考牌時間，結果又要拎上去改過…頂…好煩呀！已經五月七號o架啦，咁搞法幾時先有車牌？

部買佐唔夠四個月o既電話個喇叭o的聲「擦」晒，迫住今日拎去整，又要用返部西門子喇…唔明點解o的舊o野永遠都咁「襟」用… @_@ 部機仲未供完o架，真係唔好咁快壞o丫大佬… @_@

下晝同您去佐飲茶，晚飯又入佐您度黐餐。唔知點解真係見極都好似唔夠咁，好想攬實您訓返一覺好o既，總好過兩個人o係車上面訓到隻豬咁。

您問我您細佬個女朋友靚唔靚，我只係可以答您佢唔係我杯茶囉，唔會鐘意佢有四大原因。第一，就係我只愛您一個之嘛，係一生一世o既承諾，我唔會再諗第二個女人。第二，就係我覺得佢o的性格仲係太過細路女喇，我呢個年紀搵都唔會再搵呢類型啦；第三，佢對眼好細，仲細過林憶蓮，睇落唔多順眼；第四，見到乜就叫條仔買乜畀佢，典型「港女」一名，你估你係李嘉誠個仔條女咩！所以唔該您唔好再話介紹呢個介紹o個個女人畀我，以圖及企圖替代您o係我心目中o既地位，我邊個都唔要，淨係愛婆婆一個！您再講o既話就唔好怪我唔積口德，您拿邊個女人問我，我就會踩到佢盡為止。講完。

第34日，我愛您！

>>March 20, 2007 at 2:06:22 AM GMT+8

2007 年 3 月 18 日 星期日 【陰】

今日您要去掃墓，我o地就要黃昏時份先見到面，好掛住您呀~

夜晚飯o係您屋企食，終於見到您大個家姐一家喇，您個姨甥仔真係勁得意呢，小朋友最好玩就係呢個時候，o岩o岩出世又難照顧，第日大過佐又唔聽話。您爸爸煮佐一餐好豐富、好好味o既晚餐畀我o地食，嗯…您其實都好幸福o架，有得o係您屋企黐餐，都好幸福呢~

我o地仲一齊打麻雀添呀，不過都冇乜上落。打麻雀培養感情呢招，唔知得唔得呢？您兩個家姐對我都幾客氣o丫，雖然今日派唔到錢，但係都希望佢o地會鐘意我啦… @_@

點解Mariah Carey o的歌咁好聽o架？Through the Rain係其中一首非常之勵志o既歌，我覺得真係人人都o岩聽。人生陷入低潮時要聽，即使係順境時亦要記住，學媽媽話齋︰「有時當思無時。」

用我的最喜歡的歌，送給我最愛的您。工作要加油呀！

----------------------------------------------------------------------------------------------------------------------------

Through The Rain
Mariah Carey

When you get caught in the rain with nowhere to run,
When you're distraught and in pain without anyone;

When you keep crying out to be saved but nobody comes,
And you feel so far away that you just can't find your way home,
You can get there alone, it's okay, what you say is,

I can make it through the rain,
I can stand up once again on my own,
And I know that I'm strong enough to mend,
And every time I feel afraid, I hold tighter to my faith,
And I live one more day and I'll make it through the rain.

And if you keep falling down, don't you dare give in,
You will arise safe and sound, so keep pressing on steadfastly,
And you'll find what you need to prevail, what you say is,

I can make it through the rain,
I can stand up once again on my own,
And I know that I'm strong enough to mend,
And every time I feel afraid, I hold tighter to my faith,
And I live one more day and I'll make it through the rain.

And when the rain blows, as shadows grow close,
Don't be afraid, there's nothing you can't face;

And should they tell you, you'll never pull through,
Don't hesitate, stand tall and say,

I can make it through the rain,
I can stand up once again on my own,
And I know that I'm strong enough to mend,
And every time I feel afraid, I hold tighter to my faith,
And I live one more day and I'll make it through the rain.

I can make it through the rain,
And I stand up once again,
And I live one more day,
And I can make it through the rain...
(Yes you can)
You will make it through the rain.




>>September 14, 2008 at 5:43:55 AM GMT+8

2007 年 3 月 17 日 星期六 【陰】

不知不覺，今日o岩o岩好係我返新翠滿第二年，老實講，o的o野做到第二個cycles，真係有悶同冇乜挑戰性，可惜見到好多朋友都搵成萬七蚊一個月，更加覺得呢份工真係畀唔到o的乜o野我…

您為佐保護我呢顆弱小o既心靈，唔去朋友o既gathering，您話個班朋友裡面有個男仔係以前追過您o既，您唔想畀機會佢，所以o係我放工前已經過佐o黎接我。真o架，我完全冇諗過您會咁樣做o架，真係令我覺得好安慰，內心好舒服。真正愛一個人o既時候，外表或者一o的性格上o既缺憾都顯得唔重要，最寶貴o既o野，就係愛人對自己o既忠誠，我會謹謹記住您為我做過o既一切。

放佐工我o地去佐花墟睇花，但係您就睇極都唔o岩心水… @_@ 明明有o的都好靚o架啦，您又覺得「物冇所值」，精打細算o既您最後都係空手而回… @_@

之後我o地去佐福苑打邊爐，您最鐘意就係打邊爐，我會記住o既。畀您見識到我個大食樣添，我係比您想像中更加大食o架，不過唔知點解食咁多o野都唔肥o既，激死我，只係想肥少少望落好睇o的嗟，咁都唔得？！ >_< 兩個人叫到成台都係o野，食到肚都脹晒，居然都只係要二百幾蚊，真係勁抵食呀！=P

無o野可以令我o地分開，除佐個天之外…我相信上天唔會咁殘忍，分開兩個忠誠相愛o既人呱…

>>March 19, 2007 at 2:30:29 AM GMT+8

2007 年 3 月 16 日 星期五 【酷熱】

今日其實只係得幾個鐘留o係公司做o野，因為又要入上水training…痴筋的！

繼續執埋琴日o的蘇州屎，唔知係咪用力過度拉親，隻右手手臂舊肌肉一發力就好痛好軟，搞到要好似電視劇呀黎姿咁，要特登用左手做o野… @_@

您今日病佐冇返工呀，又唔肯去睇醫生喎，搞到我好擔心呀… >_< 您成日話如果您發現自己有病，一定唔會話畀我知，我覺得咁樣唔係一個好o既解決辦法，亦唔覺得您咁樣做對我o黎講係一件好事，只會令我更加心痛。冇錯，人o既生命係好脆弱，而且今日唔知聽日事，所以存活o既每一日都要好好咁愛對方。您話您係一個苦命o既人，幸福唔會降臨到您o既身上，所以一切唔好o既o野都要由您去承擔。之但係呢，既然兩個人都互相愛對方，點解又唔可以一齊面對呢個困難呢？

放佐工上佐您屋企食飯，第一次見到您細佬，唔知佢係咪唔鐘意我，一食完飯就走返入房…好想好想擁抱住您入睡，每一刻都好掛住您，只因您是我今生的最愛。

郵差生日快樂~ 又搵到工喇！

>>March 17, 2007 at 1:49:06 AM GMT+8

2007 年 3 月 15 日 星期四 【酷熱】

好累呀！執o野執佐成日呀…又做新翠搬運！

話說自從我05年寫佐個email去BD報串，話康業擅自更改停車場土地用途之後，佢o地一直愛理不理，結果上個月畀BD捉，話佢o地冇做過o野，結果佢o地就迫住拆晒車場o的潛建喇。而有一個我o地同康業一齊用佐廿年o既倉，亦都要拆，拖佐幾個禮拜，結果今日都要搬o野走喇。

其實我o地已經清佐幾次o野o架喇，大部分屬於MSO o既o野都搬走晒，係有座七層高o既工作台冇地方擺所以一直冇郁，其他垃圾都係promotion o的蘇州屎… @_@ 搞掂晒我o地o的o野，再做埋份photo report畀promotion，今日o既工作就完成。超級累，好似畀人打佐鑊甘o既…

您放佐工又走過o黎搵我喇，我都話我過您o個邊o架啦，我知道您錫我，但係我唔想您走來走去嘛！同您坐車返屋企，一落車您就唔舒服喇，企o係巴士站附近，我居然見到我o既二家姐呀璇行過喎！唔係邪呀嘛，我知佢住大埔，但係估唔到同您同一條村…

好擔心咁送佐您返上樓，落到樓下突然想食薯片，一入到7-11，居然又撞返璇姐！傾佐兩句就閃，因為要返屋企食飯。坐118回家途中，我遇到呢一對男女。


其實佢o地有乜咁吸引我去望佢o地呢？就係當我見到個女o既恰眼訓「中」佐個頭落個男人個膊頭，但係又即刻彈開喎，我即時諗係咪o個o的訓到枕落隔o黎位個人o既膊頭o既case呢？

點知當我望住佢兩個之後，個男人突然同個女人講o野，我估佢以為我望住個女人個胸，因為佢件衫個拉鏈放到好低，講完之後個女人畀佐個厭惡樣個男人睇，再拉返高少少條拉鏈。

哈哈，好玩呀，其實我都唔係留意緊個女人o既身裁（因為個女人真係冇乜o野可以畀我望…），而係o係度諗緊佢兩個係咩關係。講真，佢兩個塊面冇個位似，我估唔會係兄妹，但係如果係情人，又做乜要兩個人個頭一個左一個右咁訓呢？又如果係朋友、同事，又未必會提個女o既拉高o的條拉鏈喎，以免誤會同尷尬。直到佢兩個落車，個男人都仲係怒啤我好似我睇蝕佐個女人咁。我眼見佢兩個人落佐車雖然向同一方向行，但係就行到九十萬丈遠，不過我都仲係證實唔到佢兩個係咩關係…

>>September 14, 2008 at 5:40:23 AM GMT+8

2007 年 3 月 14 日 星期三 【酷熱】

今日公公整喊佐婆婆添…其實我講o野確係倔佐o的…

您陪我去睇The Queen（港譯︰《英女皇》），其實係幾有劇情o既戲，o的英文都易聽，而且對於一直o係殖民政府統治之下成長o既我o地呢一代o黎講，應該感受都會深刻o的。


送佐您返屋企，再坐車返屋企時，我o係度回想我o係戲院裡面對您講過o既說話，覺得自己真係好冷漠，亦難怪您會咁傷心，我係唔應該咁樣傷害您…

您係為我好，您怕我唔夠錢用，但係我同您一樣咁硬頸，您唔想我亂花錢o係您身上，其實我都一樣係咁樣諗，並唔關係到自尊唔自尊o既事，因為我一早已經習慣佐放低晒所有o既自尊去生活、工作。

我o既事都瞞唔到您，我都唔係一個好叻(乙水)女朋友o既男朋友，每當遇到冷淡o既對待，我就會覺得好唔自在，開始心慌。您話我EQ低，其實講o既又好o岩，因為面對女朋友唔出聲、木口木面o個時，我又真係冇乜把握可以令人開心返。

您話當我下次見到您咁樣o既時候，寧願我都唔出聲，寧願怪我唔(乙水)您，都好過我講o野咁倔咁話您。但係見您嬲見您唔開心我都唔(乙水)您，仲要發脾氣，我o係車上面回想又回想，o係度諗︰我豈不是同佢以前對您所做o既事咪一樣？好內疚。

但係我份人又唔夠恒心喎，見(乙水)多兩(乙水)、推多兩推冇反應，個人又會憫爭，尤其係您完全唔出聲唔表態o既時候，我根本唔知您嬲乜，個人一憫，講o野就會好倔，我知道即使唔係鬧，對您o既傷害其實都係一樣。

其實我一直都好怕畀人用個背脊「得」住，經過上任之後，o個種怕o既感覺更加深化佐。因為咁樣o既動作，對我o黎講，就等同拒絕。明明兩個人開開心心好地地，我好難明白做乜會畀人「得」住佐，因為我唔覺得我做錯佐o的乜，卻得到咁o既對待，好難受。

您又會話我對您唔公平喇，又話我應承過您唔諗返以前o既o野，但係我始終或多或少被影響到。係，當我向佢提出要求o既時候，佢最常做o既反應，就係咁樣「得」住我。當同樣o既事情o係眼前重現時，有一種好可怕o既感覺突然間o係個心度湧出o黎，個心好亂、好驚、好無助、好想喊，唔想您對我咁樣做，個人開始發茅，講o野開始倔…對唔住…

不過您EQ比我高，見到我咁徬徨，好快又安撫返我，不至於讓o個種死寂o既氣氛延續。謝謝您的愛與包容，我愛您！

>>September 14, 2008 at 5:39:21 AM GMT+8

2007 年 3 月 13 日 星期二 【酷熱】

今朝本來想接您返工，但係真係太累，起唔到身，結果訓到十一點九先起身…大件事，約佐十二點半學車！局住要打的落去銅鑼灣…肉赤都要，因為唔想遲到畀個壞印象師傅同埋蝕鐘錢。

又係學車日，極緊張，師傅猛咁叫我輕鬆o的，笑多o的，就駕車係開心o既事，但係唔知點解個人好緊張，坐o係司機位上面，身體上面每一寸o既肌肉都繃緊晒，每一條神經末梢都感受到壓力…

今日係咁死火，「挫」到個師傅個頭係咁郁，仲話我犯佐嚴重錯誤之類…我都未搞得掂，佢就教我入二波，暗斜開車停車之類，真係畀佢玩死…左右不分，兩隻腳唔協調…救命…又話學車好容易o既？！都呃人o既！

學完車落佐老地方打佐陣機，再過海去星島日報同百老匯電影中心拿佐o的贈品，就落返觀塘改考期，一改就要五月尾、六月頭！不過算啦，都係慢慢學，慢慢熟習好，我唔想因為趕住考試咁學而最終肥佬，我要一take pass！

臨落觀塘前食佐個豐富o既麥當當，坐o係我隔o黎有一對父子，本來以為係夫慈子孝咁老豆教仔做功課，點知當個細路做錯佐條數o個時，個老豆居然話︰「乜你咁蠢o架！」即時諗起好似早兩日睇報紙（見下文）話呢句係其中一句最傷細路心o既說話喎…換轉係我就一定唔會講啦…

接佐您收工，就落佐去尖咀行佐陣街街，再返您屋企食飯。我呢o的上o黎呃餐飯食o既，真係叫您爸爸唔駛特登整咁多o野啦，辛苦佢嘛！我個人食o野好隨便、對食o既要求好簡單o架咋，乜都放得入口o既，您爸爸鐘意我o地食多o的飯，我都食得落o架，等我幫您掃晒您爸爸煮o既(食送)先！

好熱呀！好憎自己成身臭汗味！

----------------------------------------------------------------------------------------------------------------------------

父母罵「衰格」「去死」 最傷高小學生
3月12日《明報》

一項調查指出，五成受訪的高小學生覺得父母口中最傷害他們的說話，包括「廢物、衰格、打死你、去死」等羞辱和恐嚇說話，近一成學生更指自己經常被父母用粗言責罵。調查機構指出，這些說話有損子女的自我價值、人際關係和兩代溝通，更會隨時演變成家庭暴力的導火線。

香港基督教服務處去年10月透過問卷訪問845名小四至小六學生，著受訪者寫上認為父母最傷害子女的說話，結果三成人寫上「笨、蠢、無用、衰格、廢物」，兩成人則認為「叫你去死、趕你出街、打死你」等說話最傷他們心。

兩成學生指父母不說「唔該」

該處總協調主任梁李紫薇說，近兩成學生指出，父母從不向他們說過簡單如「唔該你」等正面說話，反而有一成學生說，難聽的說話如「你無腦o架、無人好似你咁衰格」等，則經常「聲聲入耳」。

她指出，父母常向子女說恐嚇和羞辱說話，會加劇雙方的摩擦，為家庭暴力埋下伏線，「負面說話只能宣泄一時的情緒，幫不到子女改善之餘，小朋友的心理和與父母的關係已被破壞……子女更會以同樣方式對待別人。」

調查又發現，男孩與父母的關係較差，較女孩子不喜歡家庭。梁李紫薇解釋，這是因為男孩子一般較遲熟，情緒控制、語言表達能力均較女孩子差。她提醒父母要明白兩性差異，對男孩子或許需要多點耐性，引導他們表達自己。

男孩與父母關係較差

是次受訪對象橫跨三個年級，調查發現，六年級的學生較四年級的學生較多被父母責罵。梁太解析，這不單因為父母對子女的要求隨年紀增長而提升，也因為六年級學生需面對呈分試、升中等壓力，與父母的摩擦也會增加。她建議父母留意子女每個階段的需要，給予適當鼓勵。

>>March 14, 2007 at 3:43:14 AM GMT+8

2007 年 3 月 12 日 星期一 【暴雨】

今日又係超勤力咁做o野呀，成日大部分時間（超過75%）係坐o係自己個位度、對住部腦係咁做做做，真係超級勤力呀，太多o野要做，但係太少時間…好在返埋今日就放一day，可以休息一下。

每分每秒，我都好掛住您，好想見到您，即使只係一段好短o既時間，亦都會願意付出去爭取。我知道金錢、物質根本就唔係您想我畀您o既o野，您要o既係我對您獻出o既愛，鐘意我用愛去做出o黎o既事。有一個歷屆曾經同我講過，一個男人肯駛錢o係一個女人身上、肯養佢，就即係愛個女人咁解。但係如果我只係用呢種方法去對待您，可能就係對您o既一種侮辱。

當您上佐返屋企o既巴士，乖乖咁安坐o係您最鐘意坐o既位之後，向窗外望去尋找我o既蹤影，當搵到之後面上就會露出一副發自內心、我認為係最美麗o既笑容（唔係微笑咁簡單）。呢一副掛o係您面上o既笑容，話畀我知您o既快樂就係我o既幸福，好甜、好lum。並唔係偶然，而係每一次都會見到。當我自己一個人o既時候，諗起您呢一副單純、可愛o既笑容，心情就會放鬆，感到好舒服。

我愛您！

>>March 13, 2007 at 1:21:02 AM GMT+8

2007 年 3 月 11 日 星期日 【微冷】

頂多兩日，返埋就放一日假喇！今晚再同o的家族成員食多一次晚飯。

估唔到我過去o既經驗，會為您帶來咁多壓力同埋令您覺得對您唔公平，只不過每個人o既行為總會被佢o既過去所經歷o既事影響，總係以為以前錯過o既o野唔可以再犯，所以好想避免件事發生。但係過去經歷o既事，又係唔係一定有個拒對o既事與非呢？又或者未必係。而您o既諗法真係同其他人好唔同，好愛您，您都好愛我。

您聽佐好多我過去o既事，您亦同我講佐一o的自己o既過去。同您一樣，我都好鐘意聽您講您o既故事o架！您又話如果換轉係另一個女人，未必可以接受到我o係sms裡面太過直接o既表達方式，一定會畀我嚇走。係咁o架？我真係冇諗過後果，淨係心裡面有所感受就講出o黎，估唔到您會咁大誤會，仲要個腦仔又o係度亂咁諗o野轉轉轉…

溝通先會明白，先可以令兩個人o既心拉近。您o既思考方法，比較著重環顧四周o既情況，o係唔傷害其他人o既情況下，用可以做到o既幾個方法中o既最好一個方法去解決問題，不過我唔係咁。我比較鐘意用一個最直接o既方法解決問題，即使未必係最完善o既方法，但係行動最實際，一於做佐先算，若果再有問題就再諗方法去拆掂去。

>>March 13, 2007 at 1:02:48 AM GMT+8

2007 年 3 月 10 日 星期六 【微冷】

連踩到第五日，之前仲要晚晚有活動，真係頂唔蒲，年紀大機器壞。琴晚同您o係找卡數o既問題上有o的吵咀，我又嬲嬲o地cut佐您線，返到屋企講佐唔夠兩句，您就眼訓，放低個電話十一點就訓佐，訓到八點起身沖涼返工。但係見您今朝都仲係好冷淡，我心情都變得唔好，冇晒心機做o野，成琴匿埋o係更衣室裡面訓覺…

下晝做佐少少o野啦，但係您居然買佐甜點過o黎探我班，以為您仲嬲緊我添… @_@ 今日o既下晝過得勁開心，因為有您囉~

家庭聚餐，多年都未試過，仔仔一堂，勁熱鬧。帶埋您去見o下o的屋企人啦，我爸爸一共五個姊兄弟，每個姊兄弟都生佐兩個細路，見到o的堂細佬妹個個都咁大個咁高，覺得自己好老餅。

好想好想有一個只有我同您兩個人o既私人安樂窩，咁我o地就擁有我o地o既空間，唔怕畀人騷擾…您終於都明白我係一棵點樣需要愛先可以生存o既植物喇…

最喜歡您o個句唔沖涼o既原因︰「將您o既氣味留o係身上面，陪住我訓一晚…」您好肉麻呀…eeeeeee… >3<

>>April 11, 2007 at 1:38:50 AM GMT+8