2006 年 8 月 1 日 星期二 【清涼】

B訓訓o下打電話畀毛，話牙仔好痛！陰公，毛毛錫返~

痛到連工都返唔到o既B，下晝把心一橫走佐去剝其中一隻牙…嘩！好痛呀！毛毛錫返啦~

不過其實毛都最怕搞棚牙…eeee…好得人驚呀！

----------------------------------------------------------------------------------------------------------------------------

人類面孔萬年來不斷縮小
《都巿日報》

有些現今愛美的女士常嚷著要「瘦面」，但其實人類的面部大小比起我們的遠古祖先已縮小了不少。研究人員發現，一萬年前人類的頭部及面部，比現代人的大三成。

英國《星期日泰晤士報》報道，相信人類飲食習慣的改變是導致面部縮小的主因。因為人類轉吃農產品及較軟的食物，令顎骨、牙齒、頭骨及肌肉不需長得如前人般發達。但面部縮小也導致牙齒變彎及重疊。

美國俄亥俄州大學人類學教授拉森量度過數千個歷史遺址中的人骨，發現過去一萬年，人類的頭骨長得越來越圓，面頰及顎也變小，這與當時人類開始增加煮食及耕作不無關係。

就像土耳其一個9,000年舊城內，當時生活穩定的城市居民面部，已比同期另一些未定居的人要小。這顯示人類要有強健體魄來覓食及求存。

古人像阿諾和卡米拉
拉森說，當時人類的體格可能就像今日的加州州長阿諾舒華辛力加及英國王儲查理斯的妻子卡米拉般。相反，英國首相貝理雅及美國總統喬治布殊就屬較精緻的現代型。

其他的研究亦確認拉森的結論，阿特蘭大艾默麗大學人類學教授艾默蘭哥斯在研究過埃及與蘇丹的努比亞人，發現人類的頭頂長得越來越高及圓渾。其他地區的遺址也有同樣發現。

密歇根州大學人類學教授布雷斯亦指，人類面部每1,000年縮小1至2%。而且我們的牙齒也越來越少，一萬年前每人也有智慧齒，現代人只有半數有智慧齒，外側門齒也變得很小，這顯然是在進化。英國倫敦大學學院的希爾森博士就指，前人可能會選擇面較小及短的人作伴侶。

----------------------------------------------------------------------------------------------------------------------------

所以我o既理論係︰越進化o既人越唔會出智慧齒，因為呢隻牙o趙o野又用唔到，只係會帶畀人痛苦同煩惱！

>>August 1, 2006 at 9:44:25 PM GMT+8

2006 年 7 月 31 日 星期一 【酷熱】

今日係呀自強o既last day，全家人都o係談笑風生之下渡過今日。

我唔明佢o地點解咁唔鐘意自強，有時我真係覺得佢確係有料到，勇往直前咁面對同解決問題。一個有要求o既老細永遠都比一個hea住做o既老細好。雖則佢o係遞佐信之後做o野真係好hea，但係一間公司總要有紀律先成事，冇紀律冇要求一直做落去都只係得個「做」字，唔會有咩突破。

再見了，短暫o既老細呀自強。


祝你步步高升，贏多o的獎。

>>August 31, 2008 at 4:08:57 AM GMT+8

2006 年 7 月 30 日 星期日 【酷熱】

我男朋友係一個食煙的人，但係我對煙味好抗拒，我一直都以為自己可以接受到，但係好似感覺唔係太理想，我想問:

1.點先可以克服得到?
2.應唔應該同他講?
3.如果同他講叫他唔好食，會唔會好過份?
4.其實愛他，係咪應該包容他的呢個嗜好?

----------------------------------------------------------------------------------------------------------------------------

好多謝各位的意見，可能我有少少野講得唔夠清楚，其實他知我對煙味有敏感，係我面前亦唔會食煙，只係有時嗅到他身上面有煙面，覺得難受。而他一早都已經同我講左他會戒煙，不過只係我覺得唔係咁容易所以唔想迫他，因為他係公司個個同事都食煙，如果迫他唔食他會好難做。

點解要選擇他因為一年前愛他放棄左，一年後竟然有機會係埋一齊，唔想再錯過今次的機會。

----------------------------------------------------------------------------------------------------------------------------

我食煙o既，自己都有鼻敏感同輕微哮喘，亦都試過同食煙或者唔食煙o既女朋友拍拖，以我o既經驗，我想答︰

1.點先可以克服得到?
你冇可能克服煙味，只有習慣。好似Jack Twist話齋︰「不能改變，唯有忍耐。」你諗o下呢個世界上邊有十全十美o既人o架？冇可能有一個伴侶係做十樣o野十樣都討你歡心，深雪話︰「If you love somebody, set them free.」 一切o既愛都係由自己先去犧牲先可以成全。

不過，如果你真係忍唔到而佢又戒唔到，我會勸你都係早o的同佢分手，以免大家感情更深o既時候到時分手就更加辛苦。

2.應唔應該同他講?
絕對應該同佢講，因為佢應該要知道你o既感受。或者你同佢講佐之後，佢可以留意o下，同你出街前食少支煙又或者o係o的通風又大風o既地方食，又或者用o的香水之類o既o野「劈」佐o的味，總之又要食煙又要唔想女朋友聞到o既話一定有方法，我認識o既friends大有成功o既例子，不過呢方面要佢自己諗喇，如果佢愛你，佢一定有辦法。

3.如果同他講叫他唔好食，會唔會好過份?
叫佢唔好食，絕對唔過份。不過我以一個食煙o既人身分同你講我o既感受。其實香港而家教育咁好，有邊個唔知道食煙唔好o丫？！你唔係一個食煙o既人，你根本就永遠都唔會明白一個食煙o既人點解會去食煙。你可以話係習慣，可以話係依賴，可以話係心癮，又可以話係減壓等等，所以我認為你最好只係同佢講你唔鐘意佢o的煙味就得喇。

其實佢同你一齊o個時已經冇食，睇o黎佢都好尊重你o既感受，你再提一提佢o的味你受唔到，明眼人會自己醒水o架喇，唔駛再畀壓力佢要佢為佐你而戒煙。如果佢係要戒o既，佢終有一日會自己戒，男人都好容易沉迷一樣o野（例如打機、Hi-Fi、車、足球等），所以要一個男人唔做某一樣o野，推動力永遠都來自男人自己。

希望你真正明白戒煙真係唔係一件咁易o既事（公司一班人都食反而唔係最重要，最重要係吸煙者o既心態），佢應承過你會戒，你最好有個心理準備要好長時間，而且戒得成絕對係bonus。女人成日「哦」住晒，只會令關係變得緊張，係就係好被動，但係默默支持佢會比較好，因為男人都總係要o係女人o既愛之下先可以成長。

4.其實愛他，係咪應該包容他的呢個嗜好?
我覺得食煙唔係嗜好，而係一個習慣。因為冇乜人會好鐘意或者係特登揀食煙呢條路。

包容呢，我覺得就一定要喎。我覺得愛o既包容唔係只係包容一o的唔係好壞、灰色地帶o既o野，當遇到o的大是大非，就即刻唔可以包容（例如食煙o係社會大多數o既人眼中，擺到明就係一個壞o既習慣，但係倒返轉頭諗，如果社會上大部分人都食煙，會唔會唔食煙先至係錯呢？）。

要記住愛就要包容，但唔係縱容，我建議你企硬，最起碼都唔可以畀佢同你一齊o個時食煙，呢個係你o既底線，要畀佢知得好清楚。

畀心機啦！如果你係基督徒，我勸你默默咁為佢祈禱啦，上帝自有佢o既安排。

http://forum.showhappy.net/index.php?showtopic=38083

>>July 31, 2006 at 3:41:09 AM GMT+8

2006 年 7 月 29 日 星期六 【雨】

中招喇！頂！繼Capote之後，又一次睇錯爛戲！呢個月可以話係外語月喇，睇完波蘭、瑞典之後，今次輪到法國o既Hidden（法文名︰Cach赌，港譯︰《偷拍》），非常之咁令一失望，套戲亦都承襲佐法國人一貫做o野慢吞吞o既生活方式，以慢動作加不斷回帶方式拍攝，直頭睇到累B訓著佐要毛錫返醒…

套戲一開頭就影住呢個shot，期間亦都有無限咁多個shots係影住呢間屋，雖然唔係定格，間唔中亦有o的車經過呀咁，但係真係冇需要用咁o既手法交代嗟…套戲個導演仲要贏佐零五年康城影展o既最佳導演… @_@


都係呢o的出現一頸血o既圖畫得意o的，起碼有o的impacts，令我冇咁眼訓…最終主角個死對頭o係佢面前割喉割到一地血最刺激，不過又係估到o既橋段。


套片都冇乜高潮，主角無端端同人鬧交好無聊。


好殘忍呀，切佐個雞頭由得隻冇頭雞o係地下彈o下彈o下咁…咪住，法國o既國寶唔係公雞咩？咁樣虐待隻雞都過到骨？


網上搵到少少拍攝花絮，又有人o係網上面話，套戲裡面有一個夜晚主角o係屋企對住o個條巷拍車時o既shot，唔小心畀車頭燈照到個cinema同腳架，仲要o係套戲度出現佐兩次咁多！最佳導演…er…


仲有，套戲係無結局o既，都唔知佢想點…唔駛咁多空間畀我思考喎… @_@

>>August 31, 2008 at 4:03:20 AM GMT+8

2006 年 7 月 28 日 星期五 【雨】

Gabriellas Sång
by Helene Sjöholm

Det är nu som livet är mitt
Jag har fått en stund här på jorden
Och min längtan har fört mig hit
Det jag saknat och det jag fått

Det är ändå vägen jag valt
Min förtröstan långt bortom norden
Som har visat en liten glimt
Av den himmel jag aldrig nått

Jag vill känna att jag lever
All den tid jag har
Ska jag leva som jag vill
Jag vill känna att jag lever
Veta att jag räcker till

Jag har aldrig glömt vem jag var
Jag har bara låtit det sova
Kanske hade jag inget val
Bara viljan att finnas kvar

Jag vill leva lycklig för att jag är jag
Kunna vara stark och fri
Se hur natten går mot dag
Jag är här och mitt liv är bara mitt
Och den himmel jag trodde fanns
Ska jag hitta där nånstans

Jag vill känna att jag levt mitt liv

----------------------------------------------------------------------------------------------------------------------------

瑞典文你都識o既話我一定畀十個叻你！

>>July 29, 2006 at 2:45:52 AM GMT+8

2006 年 7 月 27 日 星期四 【雨】

老細即係老細，真係唔可以唔服佢！幼稚園單o野都畀佢暫時擺平，勁！

話說今日又同康業拉隊上去幼稚園，今日杜校監居然連佢老母陳校監都隊埋出o黎，o係度係咁講故，唔直接focus o係現有o既問題，一味o係度話以前點點點，康業、MSO之前又同佢做過乜，所以今時今日都要我o地負責返之類（被分工程係賣大包同佢做），又話康業個平台、外牆滲水呀之類，又話o的廁所喉係業主提供所以要業主維修…

一輪咀咁，頂佢個制！不過老細一路都係咁出招，唔畀佢扯開件事，係咁講佢o既責任佢聽。呀陳校監比佢個女更癲，話以前簽落個合約，續租o個時都係咁照簽冇特別睇，總之就係「唔知」，又反話外牆爆滲水入去佢單位，哈，真係笑得死人。人o地叫你全家去死你又唔去！

約之今次廁所去水喉佢自己有改動過，而且日久失修滲佐鏽水出外牆令到外牆爆同埋染到啡色，呢次佢冇得走o架喇，只係康業追唔追佢整咁解o既嗟！

真係頂佢呢家人唔順！有o的咁o既教育工作者，真係唔怪得之而家o的細路搞成咁，仲叫呀Man生佐一定要上去報名，見到你咁o既款真係唔開胃啦！報名？！啋你都戇呀！

>>August 1, 2006 at 1:54:57 AM GMT+8

2006 年 7 月 26 日 星期三 【陰】

繼前個禮拜睇佐套非英語片之後，今晚我o地再去挑戰波蘭附近o既北歐地區，由瑞典出品o既片As it is in heaven（瑞典文︰Så som i himmelen，港譯︰《生命的飲歌》）。

又再一次又批評香港譯片名o既人，呢套雖然唔係咩文藝片，但係用到「飲歌」呢o的咁cheap o既字眼，實在扁低晒套戲！即使簡簡單單叫「生命之歌」，我估鐘意睇呢類型o既戲o既人，亦唔會唔去睇，改個咁cheap o既片名，亦唔見得可以吸引到o的睇開齋娛樂片類戲o既人！

Daniel係一個出名o既指揮，點知患佐心臟病，諗住返回自己o既出生地去了結餘生，都幾老土o既橋段…


嘩…你睇o下佢呢副「火」樣，實在都幾似郵差…


一去到條村，就畀人當係神咁，想佢帶領o個度o既合唱團，估唔到後尾仲可以搞到出國表演咁誇張！佢用行動去證明自己係冇私心或者其他用意，用自己o既生命去感動人，用音樂去令人釋放自己…


牧師個太太得到釋放，但係牧師又扮晒o野，扮晒正義，真係令人作嘔！亦令我諗返起一o的以前o既一o的經歷。


最感動o個個位，係呢個畀佢老公打到豬頭o既女人Gabriella（瑞典歌星Helen Sjöholm演），o係歌中搵到自己o既生命，擺脫佢老公o既枷鎖，獨唱佐一曲感人o既歌…


----------------------------------------------------------------------------------------------------------------------------

Daniel Dar讜us: When you like someone, how do you know that you love them?
Lena: Well, you... it makes you happy when you see him.
Daniel Dar讜us: Yes. And more?
Lena: You, you think about him all the time.
Daniel Dar讜us: Right. What else?
Lena: You're happy when you're with him.
Daniel Dar讜us: Happy when you are together... Lena... I love you.


>>September 7, 2008 at 2:51:15 AM GMT+8

2006 年 7 月 25 日 星期二 【清涼】

幼稚園又想重施故技喇！又想賴皮唔做維修，乜都話個單位係商場租畀佢o地o既，所以要商場業主跟返。今日同康業上去睇，叫佢o地自己維修，下晝六點幾呀杜校監就打o黎嘈，話我特登揀佢唔得閒o既日子先上去睇，大佬呀，我一早就約佢一齊做inspection o架啦，仲話就晒佢時間，係佢自己唔得閒派o的二打六出o黎之嘛！火！

佢都唔知係咪有「被害妄想症」，以為人人都害佢。好心啦，你為人師表，好應該做個勇於承擔o既好榜樣，好好尊重「合約精神」，唔係一句唔知就可以抵賴晒個責任！不過佢開得幼稚園，o的思維都好似細路仔咁我o地都預佐o架喇！

另一方面，上四樓o個條扶手梯o既右邊扶手帶o係琴日終於壞到唔可以再開，四樓開始有o的民怨，最叉煩o個個莊小姐又打落o黎小鬼，又遇著不負責任o既呀李接電話，係咁耍佢太極，結果都係耍佢唔掂，又彈佐條線畀我。

聽完個電話之後就上去睇o下o的人搞乜，結果就係咁畀人當係出氣裝咁罵，不過做物業管理呢一行，都係畀人出o下氣o既嗟…o的人話要投訴，我都係o個句你要投訴我都冇辦法，但係而家唔係錢o既問題，而係香港冇貨又要訂做。

有人建議將落o個條梯改做上，但係上次CCC會大埔o既Raymond一提出話佢個場o的扶手梯隔一段時間就會轉方向，即時就畀其他sites o既人笑同話，話佢畀扶手梯公司o的人呃佐之類，見佢真係好慘，地下又冇窿畀佢收埋自己…

不過老細話一條扶手梯冇可能只係設計到只可以行一個方向，一定係可以雙向o既，扶手梯公司成日話唔可以倒轉開，其實只係唔想做同嫌麻煩。講真，個個人都唔想做額外o野o架啦，呢o下我buy自強喎！

>>August 1, 2006 at 1:42:00 AM GMT+8

2006 年 7 月 24 日 星期一 【清涼】

打份工都係為財，唔係為氣，估唔到要做到罵客，o的客先知衰…唉…

話說上個月收返間舖，租務部又應承人o地一個月之內可以退返晒o的按金畀人，今日係星期一，o岩o岩夠一個月之後o既第一個工作日，個超煩客就打o黎追支票。

其實個客未走之前已經好煩o架喇，生意又唔係好好，又成日話擺o係佢出面o的retail carts阻住佢做生意，又話人o地放塊鏡o係佢門口邪住佢呀等等（老細講，真係顧住盤生意o既人，根本唔會有時間理埋晒呢o的咁o既o野…），上個禮拜開始佢係咁打o黎催，煩住晒，左輪，今日佢又打o黎，仲迫呀Mi一定要答佢聽日上晝定下晝有票拿，否則唔收線，呀Mi頂唔住，唔知點答佢，於是transfer佐條線畀我。

老實講，點解呀Mi咁遲先send份final accourt上去我真係唔知，但係平時o的舖起碼都要個半至兩個月先可以全身而回，收返晒o的按金。今次又唔知租務部做乜q，係咁拖住晒，呀Mi就更加已經日日打上去做醜人，搞到租務部、會計部同出納部都已經唔妥我o地，我又忙到死，仲要服待佢，於是火火o地，罵叉佢一大餐！

老實講，我覺得我o地個site自問已經盡晒力幫佢打尖同催，但係呢o的o野根本就唔係我o地控制，日日打o黎問幾時有票我都答你唔到。如果我有錢我就一早出住畀你先又有乜所謂？最緊要係你唔好一x日打o黎煩x住晒，o的錢又唔係袋入我o地個袋，唔通我要特登hold住你而又要畀你煩，玩呀？

好鬼火，佢仲話佢識好多人，又話打個電話聽日單o野就見報，又話會叫個場裡面識o既人唔好交租，我就罵︰「張生，如果你要去投訴我都冇辦法，老實講我o地已經盡晒力日日打上去同你追，如果你都仲係要投訴，公司最多都係抄佐我o地，大不了我而家即刻遞信唔撈，出面又唔係冇工做…」

火完佢條氣都順o的，等佢唔好以為自己o個幾萬蚊真係好巴閉，有o的客差成十萬蚊都未出聲。我夠知你等錢用，我夠知我o地公司做o野慢，但係我冇理由因為咁而要日日受你氣！

火完佢之後聽到佢又好似清醒返，知道單o野唔關我o地事，唔係我o地hold住佢，仲話收到票先打畀佢叫佢o黎拿… @_@

你話o的人係咪犯賤o丫？！真係唔罵佢一鑊都唔知死！吼！

>>July 31, 2006 at 4:00:40 AM GMT+8

2006 年 7 月 23 日 星期日 【清涼】

有一日，英文白癡小馮行行下街o個時唔小心撞到個鬼佬，咁佢就同個鬼佬講…

小馮︰I sorry!

鬼佬（因禮貌關係，就講）︰I am sorry too (two)!!!

小馮（乜say sorry都要數數目o架咩？就講）︰ I am sorry three!!

鬼佬︰What are you sorry for (four)??

小馮（仲要繼續？！）︰I am sorry five!!

鬼佬（？？？？）︰Are you sick (six)?!

小馮（搞乜呀？？）︰No, I am seven!!!

----------------------------------------------------------------------------------------------------------------------------

笑佐我五分鐘…

>>July 31, 2006 at 1:21:02 AM GMT+8