2003 年 5 月 18 日 星期日 【晴】

訓醒執番正 D 眼耳口鼻就出去喇～ 出征「不假山」！
得到既係無限既自卑 + 挫敗感。不過總算碌過了 -- 佢地要我。
咁趕，原來約左人。兜埋我落火車站添！Benz...

講番啦～ 開門見到大屋都算了，仲要兩層，都未夠震憾。
就憑個女既英文名已經知道阿老豆心頭幾高 @o@
連個女個名都要改得咁貴～ P-O-R-S-C-H-E．．．死未？
男主人個樣同把聲都好認真，女主人就一副闊太格。

都係個細仔好，一見到我就揮晒手咁，幾 Friendly ^^"

補完就返屋企啦～ 沿途都好不安；返到屋企都好不安。
呢期真係少少事就好緊張，郁 D 就不安咁，媽咪都即刻話覺。
「妳呢排情緒好唔穩定呀下！」我諗我真係要留意下。
貼番 D 日記上網，然後繼續補番 D 舊既，打到好累好眼訓～
五點幾閃左入房訓「晏覺」，一訓就．．．

P.S. 拆左電腦個廢喇叭落黎擺響床呀～ 立體聲．正啊！

仲有一個月咋 @O@

>>May 23, 2003 at 7:07:20 PM GMT+8

2003 年 5 月 17 日 星期六 【晴】

趕頭趕命既一日。
早至午：游水。廣源早餐 + 補習。頌安補習。

由頌安行返屋企竟然用左半個鐘有多。
發晒吽豆、扁晒咀、食晒塵，為既就係一個遲來既電話。
等到唔俾自己繼續等，結果又真係響屋企樓下先打黎。
出去定唔出去好呢？「你響屋企樓下拿？你出黎要好耐喎！你累唔累呀？」
其實我唔肯返屋企都係為左出黎嘖！我仲考慮過去左火車站先算添～

極速抵巴士站。熱到癲～ 黐立立。飛出去 OK 買左支水，出黎剛好有車。
唔高興？「你又做咩呀？我不嬲都係咁，我不嬲都惡架啦！你黐線架？！」
水汪汪五分鐘。見到面冇事，咪當冇事囉～ 少說話．多做事。

唉～ 因為一隻飛蟲就 Miss 左．．．真係冇鬼用。
我真係驚架！我絕對會因為自己做得唔好而唔開心囉 =(
不過 7-11 補番晒。好野！有糖食～ 地鐵月台拜拜。

畢架山．小三．男．喇沙小學．英．$70/hr + Grade 7 家姐～ *撘單

接唔接好呢？我想接個細既，唔想接個大既～
但咁既時勢又冇理由有錢都唔搵？！接囉．．．惟有。

>>May 23, 2003 at 7:06:02 PM GMT+8

2003 年 5 月 16 日 星期五 【晴】

悠長假期第一天。訓到點幾兩點 O_o"
補習項目從新開始。駿景園。錦鞍苑。
係咁咋喎．．．

丫！魚魚去睇畫劇，有多張飛，問我去唔去囉～ 不過太遲了。算了吧～

>>May 23, 2003 at 7:05:07 PM GMT+8

2003 年 5 月 15 日 星期四 【晴】

又訓廳。扮蝦。8:25 就返到學校，成功佔據 Yellow Zone 一間房。
丫～ 仲威到走去 Canteen 買早餐返房慢慢嘆，開晒 ICQ 咁 ^^" SMS: 俾心機。
食完都有專心溫書，不過都有成日 ICQ。同艾花講左都唔少野．．．

妳估我唔想講咩～ 唔識講丫嘛！好難架真係。

發現自己仍然係會恰眼訓，所以要坐去窗邊曬住太陽溫。
到後期仲要玩行黎行去 *背野，仲要開聲翕自己要讀個 D 野。
晏 D Marco 黎左就閂左我個 ICQ。然後有同學黎左，就開始越黎越嘈勒！
其實佢地都係傾番中文 D 野嘖，但分兩堆咁，我又未溫晒聽唔明嘛～
溫唔到就轉陣地，首先係響 Yellow Zone 出面 D 檯凳溫咁。
一路都有幾聲咳，好似越咳越密咁，自己又唔夠訓，頭痛喎！
費事考到最後一科俾人趕走唔俾考啦！結果都決定走去睇一睇醫生。
醫生驚我眼訓多過我驚自己眼訓囉！死都要隻勁藥，又唔要喉糖 ^^"
拎左支咳水同 D Panadol。食左一格咁啦～ 跟住就返去溫書。
霸左另一間房。臨考前個零鐘魚魚打俾我話返緊黎搵下我喎～
丫我以為佢返黎做占啦！「唔係架～ 我特登返黎陪下你架！」
問我係咪唔開心喎！係架～ 因為多同學一齊就難免會嘈。
佢地溫得七七八八就話冇所謂嘖！我只係溫得三三四四咋 >< 唔驚就假喇！
好在有佢 tum 番我啦～ 仲幫我鍊膊頭添！係啦．．．累到死咁。

見到份卷都冇話好慄，介乎識與唔識之間囉！有印象，但唔識寫/ 寫唔出咁。
考完都唔係幾開心架喇！仲要被逼聽埋 Venus 同 Thomas 講番 D 答案．．．
冇啦～ 我真係好驚。已經死左 French，Enrichment 又半死喎 ><
唉！最唔開心係發現我考完竟然係要孤伶伶一個人返屋企咁，飯都冇得食。

打俾魚魚，佢又冇聽喎 *應該仲剪緊掛～

終於搵到林夕，撩左佢去沙田食吉野家。早到，行左一陣咁。
見到個好得意既 B 仔 ^^ 不過我既心情始終都係唔好。林夕話我好燥喎！
食飽就走啦～ 再打俾魚魚都係冇人聽。行緊去撘車就接到佢電話。
最後決定撘倒頭車去見下佢啦 ^^ 睇下佢個頭。型得滯喎 ^^"
跟住去到大圍撘小巴。唔知點解咁多人等車架喎！第一架上唔到～ Heehee...

今晚個月光好靚。
「丫你睇下今晚個月亮幾靚～ 拿你睇下，冇乜雲，又有 D 樹咁喎，幾靚？！」
我又繼續扮一碌木 ^^" 丫，半碌。哈哈．．．咁耐都冇車，真係好。

出手．唔出手？單手．雙手？

>>June 4, 2003 at 10:29:05 AM GMT+8

2003 年 5 月 14 日 星期三 【雨】

本來諗住八點就返去食超級三文治既廿蚊早餐架～ 不過唔肯起身囉！
知道食唔切早餐仲放 "pea" 添～ 索性懶懶閒，慢慢返．．．
我次次都係咁丫！考剩一科就放 "pea"。咁唔掂喎～ 唔可以次次係咁架喎 ><

結果係 Marco 仲早過我；佢仲執到間俾 FMO 霸左黎做野既 Blue Zone 大房 O_o"
我地 D Notes 攤到張張檯都有丫！跟住森美黎埋。大家都好安靜咁溫書。
期後我出去打電話，撞到 Suki 喎～ 咁就帶埋佢黎大房勒！跟住 Angie 黎埋。
溫到發癲丫！睇字睇到冇癮就開始拆句喇～ 唉！佢地話我「高危」．．．
最後係要我溫番晒 D 基本野先再拆囉！但唔得喎都係，好冇癮架喎咁樣。
其實真係溫到好沮喪～ 點解我要 Take French 呢？讀唔掂仲要拖垮另一科喎！

晏晝魚魚返黎做占，黎左「探班」^^" 食左兩粒黑加倫子糖就走 lu...

我就繼續頹喪，埋頭死讀 O_o" 竟然諗到不如響 Soc 房過夜溫通頂 @@"
好在晚餐有雞記 + 是非調劑調劑，如果唔係我死梗喇．．．
食飽又繼續溫，但已經有 D「擺唔落」既感覺。間中又搵阿雋傾偈。

又知道左 D 野啦！可以話係毫無心理準備之下知道左 D 野。
估到既其實，不過自己估都仲可以話係自己多心，人地講就唔係咁計啦！
把口話冇所謂嘖～ 個心總係會有 D 唔舒服、梗住梗住既 O_o"
不過我都祝福佢啦 =) 最緊要係開開心心，搞到唔開心就無謂喇～

入夜竟然行雷落大雨丫 *應該有閃電話～ 但我地間房睇唔到。
等到十點幾十一點先走。我竟然唔敢一個人去 Washroom 丫～ 要 Suki 陪。
都未緊要喎！最嚴重係郁 D 就嚇親，郁 D 又嚇親 O_o" 精神緊張．．．
上左 Soc 房拎遮，本來諗住唔要架喇 *始終都係唔敢亂拎遮。
結果都係俾森美說到～ 話晒佢都係一心係拎把遮俾我用 ^^" 唔該晒～

由沙田站開始得番一個人，成火車都係人丫，但我都係好驚～ 唔知驚乜。
一路行去撘巴士，硬係好慄咁．．．已經將個 MD 開到最大聲架啦！
但原來只係「見到」個天閃左兩下好勁既閃電，我已經即時有反應想掩耳仔！
響巴士站見到佢閃得光少少都唔掂。好不安咁丫～ 攬到個背囊實一實。
落巴士已經加快腳步返屋企，但當再黎一次好光既閃電個陣 @@"
我真係差 D 連遮都掉埋落地，即刻雙手都掩住耳仔．．．

撘 Lift 個陣聽下自己心跳：一百。平時我只係五十幾。希望我唔係有病啦 =(

>>May 23, 2003 at 7:22:47 PM GMT+8

2003 年 5 月 14 日 星期三 【雨】

難道終此一生　都要這麼　不可爭一口氣．．．

跌到極麻木　只好相信　又再爬得起　就會有轉機
若我不懂憎你　如何離別你　亦怕不會飛

由這一分鐘開始計起春風秋雨間
限我對你以半年時間慢慢的心淡
付清　賬單　平靜的對你熱度退減
一天一點傷心過　這一百數十晚
大概也夠我送我來回地獄又折返人間
春天分手　秋天會習慣　苦沖開了便淡．．．

Take it easy. It won't take half a year. I won't let it be half a year.

　　　　　*　　　　　*　　　　　*　　　　　*　　　　　*
To you *b and to you *v,
I must be lying if I tell you that I have no feeling of sorrow;
but I truly congratulate the two of you,
and wish that you will be happy with your beloved ones. =)

　　　　　*　　　　　*　　　　　*　　　　　*　　　　　*

When things happen at approximately the same time,
and when news pop up all of a sudden,
you would find that you were not able to handle your emotions;
But the day after you would be glad to find that you were much stronger...

I fall; I hurt; I feel... and I grow.

>>May 18, 2003 at 2:25:54 PM GMT+8

2003 年 5 月 13 日 星期二 【晴】

一早返去霸左 Blue Zone。經過尋日一役，今日再次出招，將 D Notes 攤開晒 XD
晏 D Thomas 打黎，丫佢冇房，咪叫埋佢過黎囉！跟住一齊去買早餐食。
跟住 Marco 黎埋，不過佢應該頂唔順我同 Thomas 溫 French 咁嘈啦～ 晏晝上左 Soc 房。

尋晚明明話唔訓架～ 結果都係訓左陣丫！又訓廳丫．．．訓到周身痛，書又溫唔到。唉～

得一日時間溫，真係溫多多都冇用。好努力架喇．．．真係好努力架喇！
魚魚考埋今日就放大假喇！我仲有一科要捱～ 咁就冇佢返黎陪我溫書喇咦 ><
再晏 D Edward 又黎。我開始溫到亂七八糟唔知讀乜好，Thomas 就溫到趴晒上檯 @@"
佢既「拉筋」動作被我形容為「黃狗ｘｘ」，點知 Edward 仲衰，話佢「ｘｘ咬蔗」！
跟手 Joyce 姐都黎埋，連 Leo 都唔知點解黎埋～ 哎！我就讀極都唔入腦。
真係麻煩晒爹爹特登送副眼鏡 + 改錯帶芯俾我呀 *錫* 仲奉送暖笠笠叉燒酥一舊！
響 Canteen 嘆完叉燒酥就盡我最後既努力繼續飛 Notes *完全唔入腦丫其實～

魚魚終於都返黎啦！上左黎 Canteen 搵我陪我落 LT 等，撞到同學就走左 lu...

冇啦！如我所料，見到份卷真係係又查唔係又查，好似玩查字典咁。
但查左 D 字點解又唔等如識答架喎～ 完全係一味騰雞但係又冇咩建設性咁。
考 Listening 係最搞笑啦！播完第一次之後全 LT 靜左半秒，跟住就係笑聲．．．
當中絕對係有夾雜住咒罵聲啦！第二、第三、第四次就越黎越靜，越黎越平淡了。
結果係 Cedric 問大家駛唔駛再聽多次，播埋第五次。我都冇心機聽～ 聽多次又點丫？
考完出黎真係想喊咁款。上麥當當搵魚魚，我又唔敢周街喊呀！眼濕濕囉～
魚魚又消滅左兩個包 @o@ 我就只係食左一個新地筒。原來有 SMS 我都唔知 o^^o

返屋企就謝晒啦～ 又冇心機溫書啦！打日記咁，打到累就訓 lu...

>>June 4, 2003 at 10:28:15 AM GMT+8

2003 年 5 月 12 日 星期一 【晴】

繼續返八點半。不過今朝塞車，遲左少少，但都俾我霸到房。
坐左一陣見到有一班人行過，應該係行去考試，知道有吉房就即刻轉。
見到粉紅色 MIZUNO @@" 唉～ 仍然係好唔開心．．．

唔係好專心到啦～ 唔開心丫嘛！

最錯就係放左兩件樣貌娟好既傢伙入黎～ 真係激鬼死！
本來兩佢兩個靜靜地做數就好地地，搬檯搬矜擺晒陣都唔理你勒～
點知越叫越多人黎，一個兩個三個咁，越整越多人，越整越嘈。
同寶肥食完飯返黎，我直頭係呆左啦！我個邊唔見左兩張檯 O_o"
都唔緊要喎～ 但佢個邊已經有七八個人 *後尾有成十個，講野又講得大聲。
不停電話響就夠死啦！《無間道》又有，《你有心》又有～
最激一次係連續四個人電話響，一個出去講，三個留響房講咁。
完全唔駛理人地感受架喎？話晒都係我坐響間房度先架喎！
睇佢地一個二個都廿幾歲啦！都唔係成年人黎架 ><

好在魚魚返左黎陪我嘖～ 仲等到我考完試先一齊走添 o^^o
不過講起森美一句「型男朋友」，好似幾大反應喎？唔～ 唔開心喎！
到底係「型男．朋友」丫，定係「型．男朋友呢」？Err...

丫～ 今日見到傻強，佢響我隔離行，去 Tommy Hilfiger 咁。
估唔到佢又真係咁矮喎 O_o" 著到成身HipHop 行到印身印勢咁囉！

Structure 有 85 條 MC，話難唔難，話淺唔淺啦～ 都有 D 係一睇就知答案。
不過都唔少唔識、唔 Sure o_O" 不過唔識都冇辦法。最開心係覺得自己有溫過書。
（雖然係溫得唔熟，溫熟左就更好）但至少知道自己唔係全部唔識丫嘛！
不過我都做左好耐，差唔多剩番十五分鐘個陣非常心急．．．
唔想做完都仲要響度坐四個幾字。考完就好輕快咁跑上去搵魚魚走勒 ^^

夜晚？唔係好記得。

好表弟學我打去電台俾壽仔喎！嘿～ 估唔到佢又講得幾「動聽」，算佢啦，我唔嬲佢啦！
不過希望佢真係生性，唔係得把口囉！都十五六歲仔咈～ 唔生性等幾時？
都希望姑姐唔好咁擔心，好好睇住自己身體；姑丈就吉人天相，快 D 好番晒出院啦 ^^

>>May 18, 2003 at 4:59:12 PM GMT+8

2003 年 5 月 11 日 星期日 【晴】

唔該阿哥。唔該大邦。
七點前兩個電話，但我真係好累～ 七點三先起身。

八點半返到去，Yellow Zone 已經爆晒。D 人真係早到離晒大譜。
Green Zone 亦然，而且根本細班房唔多，所以最後都係去左 Blue Zone。
有得俾我揀架仲！但我竟然好揀唔揀揀左間響 Maintenance Area 隔離既房～
晨早都冇乜野，十點幾十一點開始鑽，嘈到呢．．．唔聽 MD 唔得。
今日採取講大話趕人政策。呃人個心始終唔好受，但我真係怕其他人響度會嘈。
結果今日大部份時間都係自己霸住間房。兩點幾森美黎接棒～ 我出去食飯。
同隊長食麥當奴。之後再陪佢去 Library 搵書、落簿報失，跟住就返課室溫書。
上到去發現 Marco 都返左黎。講左幾句野，坐定就繼續溫書。

不過我都係心散個 D 人黎架喇～ 進度好似慢過朝早一個人個陣少許。

都係咁啦～ 總算比平時溫得快，對上一次咁樣認真溫書好似係 F.7 Mock 了。
跟住久唔久又煩下森美問野，一係就同隊長講無聊野傻笑 XDDD
五點幾，隊長出左去外邊聽電話，森美同 Marco 又話上 Soc 房舞劍。
突然有人響門口裝下裝下，一開門入黎原來係．．．有 D 訝異。

「喂妳有冇見過隊長個女朋友張相呀？」我當堂打左個突。
「冇喎～ 你睇過？」「佢唔俾我睇呀～ 我以為你睇過添！我八嘖。」

跟住就係吹水．．．隊長返埋入黎又繼續吹水；結果係我撘唔到嗲。
講到咁上下佢諗住走既時候，我再一次強調我星期一三四夜晚都要考試。
點知有人恃住自己考埋聽日就考完，得得戚戚咁，真係有 D 谷氣。
結果要用到「掟擦膠」呢招，舊擦膠仲飛埋出走廊添！
出到去，佢因為我再強調佢成日唔記得拎野俾我而將我舊擦膠掉到去巷尾！
唔肯幫我執番丫～ 我打左佢一下，然後自己行過去執。點知．．．
佢竟然入左我個班房，坐響隻門後面，「得」住唔俾我入去。隊長又唔幫我喎！
結果，我就企響班房對面，挨住道牆同佢對恃！！！

結果，包剪槌變左半中指，玩變左認真，笑臉變左黑臉。似乎補救唔到。

Send 晒 SMS、道晒歉咁，唔肯原諒我都冇辦法了。唔做都做左咯～
我有後悔格；我有唔開心格～ 唔開心左成晚添！咁又點嘖？都唔會知架啦！
知又點嘖？都唔會理架啦．．．都怪我自己一時衝動囉！冇得怨。

母親節。

本來諗住溫完書返屋企親自煮餐飯俾媽咪食，點知蝦姨入左沙田約食飯喎 O_o"
食河畔，奇奇怪怪咁。更奇怪既係原來仲有阿公、阿婆同 D 阿姨、姨媽～
丫佢地竟然讚我靚左喎 XD 可能係因為太耐冇見啦～ 年初二到而家咯！
一來唔開心，二來唔夠訓，三來個肚 *定唔知個肝 唔舒服，食左好少野咋 @@"
普普通通一餐，幾乎大排檔咁款，總算魚，又（龍）蝦，又蟹囉！
埋單圍番竟然成 $175 一位，有冇搞錯呀？我去食 D 平平地既 Buffet 好過啦～

返屋企睇埋本季最後一場英超，睇住利物浦點樣拱手讓個歐聯席位俾車仔。
唉～ 又係睇到一半已經想閂機溫書．．．算罷啦唉！

特別消息

食飯個陣從爹爹口中得知，因為中左非典型而響 QE 住左近廿日既姑丈，
呢期病情好番好多，諗住過幾日就可以出院，仲岩岩轉左隻新藥添！
點知轉左菌藥冇耐就出問題，唔係姑丈自己醒水搵姑娘就可能冇左了 *醫生講～
總之而家係唔知點解內出血 （胃 + 十二指腸），已經即刻轉左落 ICU，
但係食左止血藥都止唔到血，好在佢都仲清醒，自己簽左紙即刻做手術。
嚇死姑姐啦～ 個死仔包表弟又唔生性，聽日生日就今晚約左朋友去街。
為左自己生日 *仲要未到* 就連母親節都唔陪阿媽都已經夠衰仔，
更衰仔既係醫院打黎通知個電話係佢接既，即係佢明知老豆有事都仲出去玩！
有冇搞錯呀真係？我打俾佢個陣見佢留言信箱仲以為佢出緊去陪阿媽啦～
點知夜晚媽咪問番姑姐先知個死仔包係出左街玩，電話都熄埋！！！

不知所謂～

>>May 18, 2003 at 3:27:55 PM GMT+8

2003 年 5 月 10 日 星期六 【晴】

多得阿哥八點鐘叫醒我。成功起身～ 不過八點九先傾完電話 O_o"
唔緊要啦！阿哥喎．．．同阿哥講電話，好緊要架嘛～
不過唔好再打黎唔講野丫唔該～ 我唔好老脾起黎係會 Cut 線架囉！

發左個夢～ 角色分別有：（Screne 1）我、姓劉既、一個完全冇印象既 A、
（Scene 2）姓馮既同埋一個身穿 Nike Tee 而我肯定我唔識佢既 B。
個夢開頭係講我同姓劉既同 A 一齊撘唔知車定船，有講有笑，好開心咁 ^^
但之後又唔知係醒起定係根本一直都係去緊赴約，原來我約左姓馮既。
跟住就換左一個類似飲茶既場境。一開門就見到 B 就響門口「裝裝下」咁。
呢條友係著住而家應該仲有得賣既其中件 Nike 男裝白色反領 Tee 囉 ^^"
之後就係同姓馮既見面啦！已經唔記得係同佢鬥估一 D 野定係輸賭咁，
總知佢係輸左俾我，再過冇耐我就返去搵姓劉既，話佢知我好叻～ 贏左。
訓醒之後，開心既笑又有，苦笑又有，感覺．．．唔係好識形容 @@"

最衰自己冇記性啦～ 起身又唔醒起即刻 jot 低佢，而家唔記得 D 細節咯！
A 就樣都冇埋，B 又竟然記得佢著住個件衫係咩款 O_o" 真係啤一聲。
究竟呢個夢有冇暗示 D 咩呢？但肯定唔會係阿哥你講個款囉 O_o" 係咩呢？

成語教室 之 大言不慚：

「喂我期待住返黎同妳唱 K 架喎！」「係啦我都唔知做乜，呢排唱歌冇氣冇力。」
「妹妳快 D 『重振雄風』啦！」「你買偉哥俾我囉～」「係咪先？」
「係呀！買左俾我，你食！」「食左就唔係唱歌啦．．．我驚你頂唔順咋！」 XDDDDD

你變左喇～ 哥。

傾完電話洗埋個頭，出門口都九點幾咯！十點落火車。丫，都幾快 ^^
尋日出埋四月最後一份糧，總算有番 D 錢，但原來已經 2000 卡數了。保險。
Library 都仲有 D 位既，但都係 D 人地睇到我、我睇唔到人既地方，唔制～
跟手就由 Yellow Zone 行到 Green Zone 再折返 Bllue Zone 某課室。
開頭一路都好靜架！係到晏晝有兩個男仔拉大隊黎之後就開始多聲氣。

約左魚魚食雞記～ 出現左 旋風雞心！「送俾你等你開心下啦～」Hee... ^^
最衰．．．唔係好拎得走啦！可以既我真係想拎走架 ^^" 但會俾你笑囉！
食飽就返去 Book 做占，再返上課室溫書。四點幾到五點幾～
沖埋涼。咦，支蜜瓜都唔係想像中咁香既。太耐冇郁啦，返到班房即刻散晒。
之後繼續溫書。因為由 Week 5 開始冇上堂，所以要花多 D 心機同時間睇。
魚魚約左屋企人食飯，六點幾就嗌走，咪一齊走囉～ 叫我跳軌呀．．．嗚 ><
不過真係由 City 笑到沙田 XD 好開心呀！雖然都仍然係俾佢窒唔少 ^^"

拜拜左之後，講左好耐電話，諗左好耐應該買咩俾阿媽。
最後決定聽日同老豆夾手夾腳煮餐飯，唔駛煩。不過臨走又突然醒覺～
入左優之良品想搵媽咪鍾意食個隻棉花糖，不過冇 @@" 要落番 A-1 個間。
嘩～ 拎住本 New Oxford，真係唔係講玩，仲要俾人投以奇異既目光 O_o"
不過最後都俾我搵到～ 知道媽咪唔係好受得，所以唔係買左好多。心意嘖！
但上巴士打俾媽咪，佢唔知道就話我係周圍去囉，仲 Cut 線囉．．．灰。

返到屋企好不自覺地黑面，仲將本 New Oxford 重擊落座琴度 @@' 哎～
跟住都係食飯、上網、睇電視咁啦！睇笑笑小電影囉 XD 好笑！
之後一路繼續英文台，特登唔望字幕。嗯～ 都幾好丫？我要繼續努力。
不過最當前既問題係要考好個試先囉．．．仲有三大科呀 ><

又記錯 12:30 --> 又 Miss 左《 Sex and the City 》，可惡丫 一_一"

>>May 18, 2003 at 3:23:56 PM GMT+8